google-site-verification: googlefbfddf59e706b96b.html

Latest topics

» TUS KAB MOB CANCER TXOV HMOOB LOS TAU ZE 600 TAWM XYOO & TSEEM YUAV MUAJ NTXIV
by Liajntsuab 13th April 2018, 11:57 am

» Ib tsoom Phoojywg Nej Nyob Licas lawm
by Liajntsuab 24th March 2018, 2:14 pm

» ***UA NEEB***
by shung 8th March 2018, 5:49 pm

» Neeb Saub ua rau neeg vwm
by shung 4th February 2018, 2:58 pm

» Xiong Chang
by koobpovtxuj 10th December 2017, 11:00 am

» Koobpovtxuj.
by koobpovtxuj 19th November 2017, 1:34 am

» kuv cov duab.
by koobpovtxuj 18th November 2017, 11:30 am

» KHAWV KOOB
by koobpovtxuj 30th September 2017, 4:29 pm

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

» Kiab toom lauj npliaj yob lub qub tsev.
by Admin 1st August 2017, 5:04 pm

» Kawm LUS ROV
by koobpovtxuj 10th July 2017, 1:54 pm

» Hmong dance hiphop 2017 [ dance zoo siav heev li]
by zabyaj 15th June 2017, 12:05 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    Xav tau kev pab

    Share
    avatar
    shung
    Sponsor
    Sponsor

    Messages : 578
    Date d'inscription : 2012-05-08

    Xav tau kev pab

    Post  shung on 18th February 2013, 7:53 pm

    Tij laug xiongchang,txiv ntxawm koobpov txuj.

    Kuv xav tau ib qhov kev pab hais txog kev cai hmoob es yus mus pe sawm thov muam phuaj tuaj hu nplig thiab ti npe tshiab. Yog neb muaj sij hawm no thov koj tuaj pab qhia kuv thiab. Vim tom ntej no kuv yuav mus hu muam phuaj tuaj ti npe tshiab rau kuv. Kwv shung vang
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: Xav tau kev pab

    Post  xiongchang on 20th February 2013, 9:41 am

    ......Nyob zoo os...Kwv ntxawg...Shung...Hwb...hwb... Crying or Very sad Crying or Very sad Sad Sad Cas kuv ntsia tau ob peb hnub no...Tsi muaj leej twg?...Tuaj qhia txog...Kev pe sawm...Tis npe laug li ne yaom...Ha...ha... lg lg Zoo li thaum tham mas...Txhua tug txawj tham kawg..."Tab sis"...Thaum muaj ib tug...Thov kev pab no...Tsi kam qhia kiag li os...Kuv piav li no...Kwv ntxawg...Shung...Cas pees...Ntuj kawg xub zeb...Ntiaj teb kawg xub ntoo...Kuv tsi tau muaj npe laug...Los kuv qhia mes ntsis li no...Rau koj ua kwv nawb...Peb hmoob ntsuab mas...Yog niam yug...Txiv xya zog...Tis thaum thawj tug...Me nyuam ov...Hos nej hmoob dawb mas...Npaj txawm peem...Tog niam tais...Yawm txiv tuaj tis npe laug nawb...Ntawm koj ua kwv...Ho yuav tog...MUam phauj tuaj tis npe laug...Hais txog ntawm pe sawm ntawd...Muaj peb nqe lug li...Nram qab no:

    Nqe:....1./....Aub muam phauj nawb...Nrog koj pe lub sawm os.
    Nqe:....2./....Aub muam phauj nawb...Nrog koj sam lub sawm.
    Nqe:....3./....Aub muam phauj nawb...Nrog koj tswm lub sawm.

    ......Pe thawj lwm...Round: 1...Txhua tug tib neeg tuaj zaum hais li...Nqe ib saum toj no...Puag ncis tas...Rov pe zaum: 2...Round: 2...Hais li nqe ob saum toj no...Puag ncig tas...Mam pe lwm peb:...Round: 3...Cov tub pe suav dasws txhos caug tas nrho....Mam kom ib tufg...Los ob tug ce dej cawv...Suav daws haus...Ob tug los peb tug nqa ib leeg...Ib phaj ntxuag...Chob cev suav daws noj...Ib tug zuj zug...Mam rubtes sawv nawb.

    ......Tug thawj neeg uas...Coj suav daws pe...{Sawm}...Hais li no...Aub muam phauj nawb...Hnub no...Zoo hnub...Zoo nyoog...Hnub dawb...Hnub huv...Yog faj tim huab tais hnub...Vam khom txog...Koj ua muam phauj...Nqa npe nyiaj...Ris npe kub...Npe nom...Npe tswv...Npe faj...Npe fwv...Tuaj tuav pov fwm...Koj tug tub...Los koj tug nus...Cuaj tsib kaum rau leej neeg...Tug ntsuj duab...Los puab cev...Tug ntsuj hlauv...Los puab nqaij...THo kev luag taug...Rhawv npe luag hu...Kom noj qab nyob zoo...Muaj koob nto npe...Ncha hmoo lug...Ntiaj taug qaum peg...Yog muaj tswv yim...Txawj hais lug zoo...foom koob hmoov ntxiv...Los haj yam zoo os...Kwv ntxawg...Shung...Kev pe sawm...Xyab hlo ob lwm li...Pe poj niam os.
    avatar
    shung
    Sponsor
    Sponsor

    Messages : 578
    Date d'inscription : 2012-05-08

    Re: Xav tau kev pab

    Post  shung on 20th February 2013, 8:01 pm

    Nyob zoo tij laug xiongchang,

    Kuv zoo siab ntau2 rau koj ua tij muaj lub siab zoo tuaj qhia kuv txog kev pe sawm nawb tij laug, ua tsaug tag los yuav ntxiv. Tij laug xiongchang, kuv yeej tos yuav txiv niam tais tuaj ti npe laus lawm tias sis los rau yav laus no zoo li kuv khwv dab tsi los tsis nce tes li lawm. Kuv thiaj li tau mus caug kuv ib tug tij laug xeem xyooj ces nws thiaj li hais tias yog tim kuv lub npe xwb. Wb ob niam txiv mas yeej khwv tau nyiaj kawg tiam sis nyiaj tawm tag tsis nyob li. Kuv lub npe laus yuam txiv tis mas hu ua tooj pov vaj. Yog li lub tooj no tawv heev thiaj tsis raws li kuv caj kuv ces kuv poj yawm txwv koob xeem vaj.

    Yog li tom ntej no kuv yuav tau mus thov muam phauj tuaj tis kuv lub npe tshiab mas yuav tau pe sawm. Yog li kuv kuj tsis tau hnov dua los paub dua li. Ua tsaug ntau3 tij laug xiongchang koj qhia ib qho rau kuv los thov kom huab tais ntuj foom koob hmoov pub koj thiab. kwv shung vang
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: Xav tau kev pab

    Post  xiongchang on 21st February 2013, 9:53 am

    ......Tsi ua li cas ov?...Kwv ntxawg...Shung...Kuv zoo siab ua koj tsaug...Koj foom hmoov zoo...Pub kuv ua tij...Los tej lug zoo ntawd...Tig ua yeeb tshuaj hauv kuab khwj lwb npuag ntsuab...Roog pov fwm koj ua kwv...Niam ntxawm neb ob leeg...Noj qab nyob zoo...Nrog tej me tub nyab ntxhais vauv suav daws mog...Kev ua neej...Kev muaj nyiaj...Kuv nco ntsoov...Kuv muaj plaub zaug xwb nawb...Kwv ntxawg...Shung...Kuv muaj nyiaj zaum ib xyoo 1969...Kuv ua hauj lwm rau...C.I.A...Muaj nyiaj zaum: 2...February 17, 1970...Txiv nai phoo vaj pov...Lub dav hlau...Porter...Tuaj poob pham qhom...Kuv dhia tsoo iav tawg...Yawg dim hluav tawg kub...Yawg pub nyiaj zaum ntawd...Muaj nyiaj zaum; 3...1973...Kuv yuav luam yeeb muag thab ham haus...Lam khwv los tau nyiaj...Kuv muaj nyiaj zaum: 4...1995 - 1996 - 1997 - 1998 - 1999 - 2000 - 2001 - 2002...Yim lub xyoo ntawd...Koj niam tij wb...Muaj nyiaj nyob tom...Bank $65.000.oo...Tawm plawg...May 23, 2003...Kuv qhov hauj lwm kaw...Rov rho nyiaj them nuj nqis vaj tsev tsheb txhua yam...Koj niam tij pib mob ntshav siab...Ntshav qab zib...wb rov txom nyem zuj zug...Los txog niaj hnub no...Yog tham txog...Tu siab kawg...Kua muag los nawb...Kwv ntxawg...Shung...Txawm txom nyem mes ntsis...Los tsuav kuv kwv ntxawg...Niam ntxawm neb txawj sis hlub...Tub nyob txhij...Ntxhais nyob txua...Tsi muaj mob nkeeg...Ces zoo kawg lawm os mog...Kev tau npe nom...Yog txoj hmoo...Tsi saws...Yuav ploj tuag...Ib zaug nawb...Kuv tsoom phooj ywg!...Twb ploj tuag ncaim tas lawm...Vim npe nom nyav dhau...Ris tsi taug nawb...Kev muaj nyiaj...Yog txoj hmoo tsi duav...Cuab yig yuav puam tsuaj thiab...Koj ntseeg...Kuv ua tij tej lug no...ua neej mog...Kwv ntxawg...Shung.
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: Xav tau kev pab

    Post  xiongchang on 21st February 2013, 11:03 am

    ......Kwv ntxawg...Shung...Kev muaj nyiaj zoo...Piv tam li...Ib tsob ntoo...Oak...Txog caij hlav nplooj ntsaus nti...Xyov pes tsawg...Million...Daim nplooj..."Tab sis"...Txog caij zeeg...Ob hnub peb hmos...Nplooj zeeg tas...Tshuav daim puav nyuas dai...Sib kaj sib kuag...Ntsia cov ceg zoo li...Hluav tawg kub tuag...Tej nyiaj ntawd...Thaum yuav muaj mas...Khwv dog dig...yeej muaj yam...Tsi txaus ntseeg..."Tab sis"...Thaum yuav txom nyem mas...Cuag muaj tis ya..."Tib pliag ntshis"...Ploj tas nrho...Tsi seem ib qho li os...Kwv ntxawg...Shung...Kev tau npe nom...Los tib yam nkaug...Tsi txawv kev muaj nyiaj nawb...Koj sim ntsia...Txiv nai phoo vaj pov lub neej seb zoo li cas?...June 6, 2007...Yawg raug teeb meem...Yawg ob tug niam tuag lov pes ntho...Tib pliag ntshis...January 6, 2011...Yawg tas txoj sia...Hmoob ua ntsuag ntiaj teb txog...Niaj hnub no...Hmoob twb tsa tsi tau...Ib tug los ua hmoob tug coj...Yog ib qho tu siab heev...Kuv piv txwv li no...Koj nyeem nawb...Kuv ib tug txiv ntxawm...Neeg loj siab zoo nraug kawg...Ntsej muag tsim nom...Cov kwv tij...Muab yawg tsa ua...Ib tug nyuas phuab toom xyoo 1965...Yawg tau npe nom kiag...Yawg pib mob nkag nkuj nkawg...Tsi tsheej txiv neej yawg lawm...Xyoo 1969...Muab yawg lub npe nom phuab toom hle hlo...Rau ntsuab vaj...Xyoo 1970...Lub caij faus teb yeeb...Ntsuab vaj taug cav mus tim qab teb...Cav lov tais ntsuab vaj tuag kiag...Ntsuab vaj yog...Kuv tug nai npab...Kuv yog tub sau ntawv...Secretary Village...June 24, 1971...Kuv mus kawm yav qab teb...Moung Pak se...Lawm toj xeem tuaj hloov ntawv...Teeb tsa kuv ua hau zog...July 26, 1971...Kuv noob nyoog nce xyoo...Kaum xya...Me nyuam tub hluas...Tsi muaj poj niam..."Tab sis"...Kuv txoj hmoo sawm...Tsi muaj dab tsi?...Qhov ntawd...Luag hais tias...Txoj hmoo sawm ua nom...Txoj hmoo tiam muaj nyiaj...Txawm khwv nyiaj...Tsi zov tsev...Los kav liam mog...Muaj li cas?...Siv li ntawd...Ua li tej laug hais...Yog yug txhiaj...Yeej tsi sem...Yig yug tub...Yeej tsi tuag...Yog yug txoj hmoo tiam...Yeej tsi txom nyem...Yeej pluag tsi taug...Yam tsob ntoo...Txog caij zeeg nplooj...Ces yuav zeeg nawb...Tseev xuas ciaj tais...Los nplooj yuav ntsws...Yuav daj...Yuav zeeg...Thiaj tas os...Kwv ntxawg...Shung...Kuv twb tsi muaj npe laug...Kuv lub npe niaj hnub no...Yog npe tub hluas xwb mas...Kwv ntxawg...Shung.
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: Xav tau kev pab

    Post  xiongchang on 21st February 2013, 11:26 am

    ......Kwv ntxawg...Shung...Koj ntsia nawb...Kuv cov phooj ywg!...Lawv nyiam npe nom...Lawv xuas nyiaj muag...Txiv nai phoo...Kos npe nce npe nom...Brigade General And Major..general...Hnub tsi ntev...Hmo tsi ntau...Lawv mob...Stroke...Pw saum laub hli puav tuag tas lawm...Kuv tug kheej kiag...Ua hauj lwm...{New Hom}...Tau npe nom...Brigade General...March 13, 1989...And Major. General...June 14, 1996...Kuv tseem nyob txog...Niaj hnub no....Thaum teb chaws nplog...April 18, 1972...Nce npe nom...Lieutenant...April 24, 1972...Yawm txiv cob kheem ntsuab pov yaj...Teeb tsa ua toj xeem...Phou ka Boua...Kuv tseem tub hluas...Noob nyoog nce xyoo...Kaum yim...Tsi muaj poj niam...Kuv raug mob me ntsis...September 17, 1972...Nce dav hlau pleev tshuaj nram...Hospital Ban xon - Na sou...Two week...Qhov ntawd...Luag hais tias...Txoj hmoo sawm...Ua nom...Txiv feej txog...Ua tug coj pej xeem.
    avatar
    shung
    Sponsor
    Sponsor

    Messages : 578
    Date d'inscription : 2012-05-08

    Re: Xav tau kev pab

    Post  shung on 21st February 2013, 11:49 am

    Nyob zoo tij laug xiongchang,

    Koj tej lus yeej tsis pov tseg ib qhov li, nyiaj txiag muaj li cas yuav li ntawv. Qhov kuv yuav tau hloov npe tshiab mas nws muaj ntau2 yam cuam tshuam huav kuv lub neej os tij laug xiong chang. Xav hais tias txawm phem txawm zoo los yus tus muam phuaj mas thiaj li yog tus zoo tshaj plaws; ua dab tsi los yeej kawg muam phuaj xwb ces thiaj li xav tias tom ntej no mus thov muam phuaj tuaj tis npe tshiab koj kuv nyob nyab xeeb.

    Kuv txiv los nws yeej hais li koj hais ko rau kuv hnov thiab, nws hais tias nws mus saib hauj sam thiab mus thov leb ces hais hauj sam tias xav kom muaj nyiaj ntau3 heev li. Tus as cas hauj sam hais rau kuv txiv tias muaj nyiaj tsis zoo os.... muaj li cas siv li ntawv es ua lub neej thiaj li tsis nyuaj siab. Los txog rau yav laus no nws hais tias tus as cas hauj sam hais yog kawg li; yog tias muaj nyiaj no tshe so yus zoo li cas lawm...

    Tij laug xiongchang, yus txoj hmoov muaj li cas yuav li ntawv xwb es lub neej thiaj tsis muaj teeb meem. Kuv zoo siab ntau rau koj tej lus nyiaj lus kub cob qhia kuv ua neeg zoo thiaj tseem qhia peb hmoob kev cia pub rau kuv los rau ib tsoom phooj ywg s/d tau kawm thiab khaws tseg tau siv. ua tsaug kwv shung vang
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: Xav tau kev pab

    Post  xiongchang on 23rd February 2013, 7:09 am

    ......Nyob zoo...Saturday...Sawv ntxov os...Kwv ntxawg...Shung...Thov zam txim pub kuv ua tij...Cov lug no...Txhob xav li cas nawb...Kuj tsi yog...Lub luag piav..."Tab sis"...Yuav tau piav...Rau hauv no...Suav daws xav...Yog kev tawm tswv yim...Pauv kev xav...Pauv kev xyaum...Pauv kev kawm...Pauv kev hloov...Mus rau qhov zoo...Txawj sis hlub li...Koj ua kwv hais tias..."Dab tsi"...Los hmoob yeej xam tug...{Muam phauj}...Muaj hwj huam...Hais lug...{Muaj tshuaj - Muaj kuab}..."Tab sis zoo li"...Suav daws...Tsi nco qab txog...Qhov ntawd lawm...Suav daws...Lub ncauj hais lug zoo..."Thaum ciaj"...Thaum ib pas...Nqug tsi sawv...{Muam phauj}...Yog tug tuaj ua kub ua ntaiv...Txiv nyuj ntaus...Txiv npua tua...Ua tsiaj ntiag hnub nram tswg...Tsi hlub tug nus...Tej tub ntxhais...Nyab tau muab tub ntxhais muag...Nyob nuj nqis...Kom tau nyiaj yuav npua tua...Tau nyuj ntaus...Rau tug nus...Qhov nov ntshe hmoob...Yuam kev lawm pob?...Kwv ntxawg...Shung...Suav daws...Ua tib zoo xav nawb...Lub ncauj lam hlub thaum ciaj sia..."Tab sis"...Thaum nraug nus...Ib pas nqug tsi sawv lawm zoo li...Kuv piav saum toj no laiv?...Koj ua kwv xav...Puas yog mas.

    Nqe:...Ob ntxiv mus...Tug nus...Los tib yam nkaug...Yeej tsi hlub tug muam li...Piv txwv li...Kuv tug kheej no ntas...Kuv niam tuag...Thaum lub plaub hlis ntuj...Hauv xyoo 1955...Kuv txiv tuag...Thaum lub yim hli ntuj...Qab xyoo 1955...Dab laug tua ob nyuas npua...Pam nta txiv lub cev tuag...Dab laug muab kuv muag...Rau ntxais vauv...Ib choj rau kis nyiaj dawb...Kuv tug kheej...Thiaj poob los ua tub hmoob tsab txog...Niaj hnub no...Dab laug...Los tug nus...Yeej tsi hlub muam tub ntxhais li...Txhob txwm ua...Ntshe peb hmoob yuav tau pauv hloov...Tej teeb meem no...Kom zoo nkauj me ntsis...Tug nus ntas...Yog tug mus tsib txheeb...Tej nyuas qub ntaub...Qub xov...Tiab tsho..."Phij cuam"...Rau tug muam mus ua neej...Los yuav txiv...Kuv xav mas...Tsi tsim nyog...Tug nus ua li ntawd...Rau tug yawm yij lawm...Tug nus txawm tsi ntsia...Tsi pom tug muam...Tug yawm yij...Lub neej li...Luag ua neej poob tsag...Txom nyem pluag...Ntsw tshauv ntsuav...Tseev kom tau npua tua...Ua tsiaj ntiag hnub...Tau heev nyuj ntaus...Hnub tawm nras...Yog tsi tau...Muab muam tub ntxhais...Muag nyob nuj nqis tsiaj...Kom tau tsiaj tua rau...{Muam}...Kuv xav mas...Nus lim hiam dhau lawm...Ntshe nus yuav kev deb lawm pob los?...Hmoob yuav tau...Rau ncoo siab xav...Pauv hloov nawb...Kwv ntxawg...Shung.

    Nqe:....Peb ntxiv mus...Thawj xyom cuab ntas nawb...Thawj xyom cuab...Yog tug tso cai...Rau muam phauj...Txiv dab laug...Tuaj ua kub...Ua ntaiv...Tseev txiv kav xwm...Rub rooj hliv dej cawv...Ib rawg ntxuag..Coj tub xyom cuab pe thov...Quaj kua muag...Ntwg si...Los muam phauj...Txiv dab laug...Tsi yib...Tsi nqeg rooj...Tseev kom tau npua tua...Ua tsiaj ntiag hnub...Tseev kom tau txiv heev nyuj khi nram tswg...Rau nkawd ntsia...Nkawd pom mas thiaj tas...Yog tsi tau mas...Muab tub ntxhais...Khi com nram tswg...Yawm yij...Tug nus...Kawg tswv yim...Tau muab tub ntxhais muag...Nyob nuj nqis...Tau nyuj ntaus...Qhov no...Cas thawj xyom cuab...Tsi muaj qhov muag ntsia...Tsi pom xyom cuab...Tug kwv tij...Ua neej poob tsag...Txom nyem pluag li...Luag tej laug hais tias...Qheb ntsa cua tshau...Qheb rooj cua nkag tsev...Tsi hlub thawj xyom cuab...Tsev neeg li.

    Nqe:....Plaub ntxiv mus...Kuv nyuam qhuav pom...Tsi ntev no ntas...Tij laug npuag lwm lis...Tug niam yau tuag...January 9, 2013...Ib wb yog phooj ywg!...Ua hauj lwm ua ke...Qab xyoo 1979 - 1982...Hauv caj meem...Nplog hmoob koom siab...Lao Hmong...Organilization Assembly...Ob nws tug poj niam txheeb nyab suav...Kuv tug tub ntxawg...Poj niam tug phauj koom niam txiv...Ib plab yug...Ntxuav ntshav zog...January 15, 2013...Peb mus Nyob zov tsev hmo ntawd...Thawj xyom cuab hmoob lis...Hu tas nrho...Tsib tug tub...Los sawvm mloog...Thawj xyom cuab phua taub hau nyuj...Rau cov tub leeg tug ntas...Ob tug tub yau...Tsi tau yuav poj niam...Los leeg tug...Ua rau phauj tooj...Cov tub quaj zom zawg...Cuag nkauj nyabtshiab sawvkev ua nyab...Txhua tug kwv tij...Txiv neej yawg...Nplaig yaim cuag ntswg...Tsi muaj cuab kav hais...Txhwj cheem tau...Thawj xyom cuab li...Kuv ua tij...Yog qhua vaj tsab sab nraum...Kuv thiaj coj...Tsib tug tub...Pe thov thawj xyom cuab hmoob lis...Ob lwm...Cov kwv tij Zaum pliaj liab vog ntsia...Kua muag ntwg si...Mam los pe chawj thov cheem...Lub rooj thiaj nqeg...Zam ob tug tub yau...Tsi muaj poj niam...Thiab tug tub hlob...Poj niam khiav nrauj lawm...Tsi muaj cuab yig...Ob tug muaj poj niam leeg tug nyuj tua...Rau niam hnub tawm nras...Tug tij laug hlob...Poj niam khiav nrauj lawm...Pab ob tug kwv yau...Lawv peb leeg...Tuaj ib tug nyuj tua...Ua zaub...Kuv ntsia mas...Peb hmoob tseem phem heev li os...Kwv ntxawg...Shung.
    avatar
    shung
    Sponsor
    Sponsor

    Messages : 578
    Date d'inscription : 2012-05-08

    Re: Xav tau kev pab

    Post  shung on 23rd February 2013, 10:46 am

    Nyob zoo tij laug xiongchang,

    Zoo siab kawg nkaug rau koj cov lus zoo, koj ua tij yeej pom deb kawg li; tej lus koj hais los no yeej muaj tseeb kawg vim peb hmoob mas yeej coj li koj hais ntag. Txawm li cas los nyaj peb s/d yuav maj mam hloov tej yam phem tso pov tseg zuj zus mus es khaws yam zoo coj los coj thiab siv lawm yav tom ntej.

    Tij laug txhob tu siab vim tej laus tsis txawj sib hlub s/d thiaj li tau kev txom nyem;tus ua lub neej zoo li cas los muaj tag. Kuv lub neej kuj zoo li koj thiab tij laug, kuv niam kuv txiv tsis txawj sib hlub es sib nrauj tag,tso kuv tseg ua ntsuag nciaj. Kuv txiv muaj niam ntau tus los tu kuv thiab tab sis yeej tsis npaum li yus niam yug yus. Mas xav txog lub neej mas tus siab kawg.

    Hais txog kuv cov phuaj cov muam kuv yeej tsis lam hais lus phem rau li los yog yuav hais lus siab ib tug twg hlo li. Kuv tej phuaj los yeej hlub ib yam ho tej muam los yeej hlub ib leeg rau ib leeg. Peb ua neej nyob mas tij laug xiongchang, yus tus muam thiab tus muam phuaj mas thiaj li yog tus muaj nuj nqis tshaj plawg.

    Tij laug ua tsaug mas sib ntsib dua kwv shung

    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: Xav tau kev pab

    Post  xiongchang on 23rd February 2013, 6:46 pm

    ......Nyob zoo os...Kwv ntxawg...Shung...Zoo siab ntau uas...Koj ua kwv teb kuv zaj lug tas lawm...Kuv ua tij hais li no...Ntxiv ib qho...Qhov tej niam...Tej txiv sib nrauj ntawd...Tsi yog tim niam phem nawb...Tug phem tshaj plawg...Yog tim txiv ntas...Vim txiv...Tsi ua ib tug zoo txiv tsev...Rau tug niam...Tug txiv...Yog ib tug txiv dev...Ncig zej nrhiav maum tshov...Ib tug taw npua ncig zog...Nrwb maum nce...Niam chim dhau...Hais tsi tau...Txog thaum kawg...Niam txiav txim siab ua pauj...Lub cuab yig puag...Yog hais tias...Yav tas lawm...Kuv tsi tau ua...Ib tug txwj laug neeg...Hais qhuab ntuag...Niam txiv txwj nkawm lub neej ntau xyoo...Kuv yuav tsi paub txog...Txiv neej lub siab..."Ntuj tshw"...Yav tas lawm...Kuv raug txais...Teeb tsa ua...Txwj laug hais...Qhuab ntuag niam txiv txwj nkawm...Lub neej ntau xyoo...Kuv thiaj kawm paub txog...Tsoom txiv tsev...Lub siab..."Ntuj tshw"...Tsim txom niam tsev...Nplooj siab lwj tas...Tug niam tsev chim dhau...Uv tsi tau lawm...Thiaj ua pauj...Ces tug txiv...Ho hais tias...Tug niam tsi zoo...Qhov tseeb tias...Yog tim tug txiv...Tho kev rau tug niam taug...Lub neej thiaj puag...Muab tub ntxhais...Faib cais ua ntsuag ciaj...Niam txiv tuag...Tsi muaj ntxa...Tsi pom ib pawg av...Yog hais tias...Lub ntuj tsi nqug tes...daim luaj pua...Nqug ko taw li...Kuv niam...Thiab kuv txiv nkawd...Tsi pom qab tu siab nawb..Kwv ntxawg...Shung...Mam sis ntsib dua os mog.
    avatar
    shung
    Sponsor
    Sponsor

    Messages : 578
    Date d'inscription : 2012-05-08

    Re: Xav tau kev pab

    Post  shung on 25th February 2013, 11:05 am

    Nyob zoo tij laug xiongchang,

    Hais txog kuv niam kuv txiv lub neej ces zoo li koj tham pub peb s/d mloog,tiam sis nkawv lub neej mas txawj kawg kiag li tshe yuav tsis muaj neeg muaj. Kuv niam kuv txiv lub mas tsis yog nkauj nraug zoo los yog yeej tsis tau sib tham ua nkauj ua nraug li....

    Qhov koj tau los ua niam txiv mas yog pib li no mus: Kuv yawg thiab kuv pog nkawv sib yuav ces kuv pog muaj ob tug ntxhais ho kuv yawg muaj peb tug tub. Kuv pog hais tias yog kuv yawg yuav nws no ces kuv yawg ob tug tub yuav tsum mus yuav kuv pog ob tus ntxhais los thiab mas kuv pog thiaj li kam yuav kuv yawg. Ces thaum nkawv sib yuav lawm ces thiaj li kom kuv txiv mus yuav ib tug ho kuv tus hlob mus yuav ib tug thiab. Yog li kuv yawg lawv pab txiv tub thiaj li tau mus sib yauv li no.

    Kuv yawg nkawv kuj ua lub neej zoo los laus thiab ho kuv hlob thiab kuv txiv ces puav leej sib nrauj tag. Kuv poj txawj ib zaj khawv koob ces yeej pab kom kuv niam thiab kuv txiv nkawv tsis txhob sib nrauj li. Qhov kawg ces kuv txiv thiaj li mus muab dab npuas khwb thiab hla ces nkawv lub neej thiaj li tag. kuv thiaj li tau ua ntsuag ciaj nyob. Muab xab mas txaus tus siab kawg li.

    Yog vim li no ces ua neej thiaj li tsis kav laus. Tej zoo li no tshe yuav tsis pub muaj lawm thiab, vim yeej tsis cob phum li. Ua cas es tej laus thiaj li yuav coj tau txawj ua lauj li. Ua tsaug kwv shung

    Sponsored content

    Re: Xav tau kev pab

    Post  Sponsored content


      Current date/time is 23rd May 2018, 10:32 am