Nyob zoo ib tsoom kwvtij phoojywg txhua tus,
Lam muab coj los qhia rau ib tsoom phoojywg txhua tus tshwjxeeb yog cov laus uas qhuav2 siab thiab tau noj quav iab nploos dhau los lawm. Yog nej leejtwg ho nqig los yog xav noj tej yam zoo li quav iab nploos no nej mus ua li nram no coj los noj nws yeej qab yuav luag npaum li yog quav ib nploos tiag thiab. Qhov keeb/qauv qhia ua quav iab nploos no yog ib tug kwvtij Hmoob hu ua Vaj Pov Kwm nyob Michigan, U.S.A. ua tus qhia nawb.
1. Muab 3 lbs nqaij npua
2. Muab 3 lbs nqaij nyuj
3. Muab ib nplooj siab npua luaj li 2 nti ( yog los ua kom tsw li nqaij nploos)
4. Muab cov nplooj phav kabdaus (phatkadao) uas yog Thaib thiab Nplog nyiam noj ntxuag laj. Nws tawg paj thiab muaj nplooj xyaw, lawv muaj muag rau khw Thaib, Nplog thiab Khabmeem. Cov zaub no nej muab qee ua 3 qho ces nej muab ib qhov los xyaw cov nqaij xwb os, yog muab ntau tshaj ntawd nws yuav iab zog lawm nawb.
Muab cov nqaij thiab cov nplooj phav kabdaus saumtoj no los tsuav kom mos mos tag ces tso ntsev rau nej mam li muab zuaj kom lawv sib tov zoox ces muab tso tseg cia li 1 (ib) hmos tej mam li muab los ua noj. Nco ntsoov tsis txhob TSO TXUJLOM IB YAM DABTSI XYAW TSUAS YOG COV KHOOM HAIS LOS SAUMTOJ NO XWB, yog nej tso txujlom los sis qij rau ua ntej thaum tseem muab tso vaum ib hmos ntawd yuav ua rau cov nqaij muaj tso QAUB thiab tsis QAB lawm. Txuj lom ces nej tso tom qab thaum ua siav lawm xwb thiaj li tsis qaub nawb thiab nej txhob tso lwm yam ntau tsuas yog tso qij, dos, kuatxob xwb yog tso lwm yam yuav ua rau tsis tsw tus ntxhiab Quav Ib Nploos lawm os.
Sim seb puas xis khawv. Vam tias nej yuav xis thiab ua rau nej laj siab lawm hov ntau.
Nyob zoo nej txhua tus
Liajntsuab
Lam muab coj los qhia rau ib tsoom phoojywg txhua tus tshwjxeeb yog cov laus uas qhuav2 siab thiab tau noj quav iab nploos dhau los lawm. Yog nej leejtwg ho nqig los yog xav noj tej yam zoo li quav iab nploos no nej mus ua li nram no coj los noj nws yeej qab yuav luag npaum li yog quav ib nploos tiag thiab. Qhov keeb/qauv qhia ua quav iab nploos no yog ib tug kwvtij Hmoob hu ua Vaj Pov Kwm nyob Michigan, U.S.A. ua tus qhia nawb.
1. Muab 3 lbs nqaij npua
2. Muab 3 lbs nqaij nyuj
3. Muab ib nplooj siab npua luaj li 2 nti ( yog los ua kom tsw li nqaij nploos)
4. Muab cov nplooj phav kabdaus (phatkadao) uas yog Thaib thiab Nplog nyiam noj ntxuag laj. Nws tawg paj thiab muaj nplooj xyaw, lawv muaj muag rau khw Thaib, Nplog thiab Khabmeem. Cov zaub no nej muab qee ua 3 qho ces nej muab ib qhov los xyaw cov nqaij xwb os, yog muab ntau tshaj ntawd nws yuav iab zog lawm nawb.
Muab cov nqaij thiab cov nplooj phav kabdaus saumtoj no los tsuav kom mos mos tag ces tso ntsev rau nej mam li muab zuaj kom lawv sib tov zoox ces muab tso tseg cia li 1 (ib) hmos tej mam li muab los ua noj. Nco ntsoov tsis txhob TSO TXUJLOM IB YAM DABTSI XYAW TSUAS YOG COV KHOOM HAIS LOS SAUMTOJ NO XWB, yog nej tso txujlom los sis qij rau ua ntej thaum tseem muab tso vaum ib hmos ntawd yuav ua rau cov nqaij muaj tso QAUB thiab tsis QAB lawm. Txuj lom ces nej tso tom qab thaum ua siav lawm xwb thiaj li tsis qaub nawb thiab nej txhob tso lwm yam ntau tsuas yog tso qij, dos, kuatxob xwb yog tso lwm yam yuav ua rau tsis tsw tus ntxhiab Quav Ib Nploos lawm os.
Sim seb puas xis khawv. Vam tias nej yuav xis thiab ua rau nej laj siab lawm hov ntau.
Nyob zoo nej txhua tus
Liajntsuab