google-site-verification: googlefbfddf59e706b96b.html

Latest topics

» TUS KAB MOB CANCER TXOV HMOOB LOS TAU ZE 600 TAWM XYOO & TSEEM YUAV MUAJ NTXIV
by Liajntsuab 13th April 2018, 11:57 am

» Ib tsoom Phoojywg Nej Nyob Licas lawm
by Liajntsuab 24th March 2018, 2:14 pm

» ***UA NEEB***
by shung 8th March 2018, 5:49 pm

» Neeb Saub ua rau neeg vwm
by shung 4th February 2018, 2:58 pm

» Xiong Chang
by koobpovtxuj 10th December 2017, 11:00 am

» Koobpovtxuj.
by koobpovtxuj 19th November 2017, 1:34 am

» kuv cov duab.
by koobpovtxuj 18th November 2017, 11:30 am

» KHAWV KOOB
by koobpovtxuj 30th September 2017, 4:29 pm

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

» Kiab toom lauj npliaj yob lub qub tsev.
by Admin 1st August 2017, 5:04 pm

» Kawm LUS ROV
by koobpovtxuj 10th July 2017, 1:54 pm

» Hmong dance hiphop 2017 [ dance zoo siav heev li]
by zabyaj 15th June 2017, 12:05 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    Txaus Luag Thiab Txajmuag

    Share

    Liajntsu
    Guest

    Re: Txaus Luag Thiab Txajmuag

    Post  Liajntsu on 31st May 2010, 7:10 pm

    Hahahaha koojziagkabzaug,

    Koj cav mus saib txog zaj Neejneeg txaus txaus luag no thiab lod!!!! Kuv muaj ib niag kwv yuav tau los nws nqa tuaj rau kuv saib mas txaus luag kawg li thiab tiamsis yog yuav muab hais no ces yog movie Neeglaus lawm xwb os. Tus Pog no haib kawg thiab ov tos lawv pheej muab nws NasEj na yom. Kuv pom ib daim yog lawv muab tso nyob zov hmo nram tsev txias es yog ua txog yawg Qaib Dib chom hniav thiab nws ua Poj Ruam mas haib tiag tiag hos vim pom ua ncej qab mas ntug ntoob dawb paug. Muaj ib co txiv neej saib mas rua ncauj u twb tsis nco nqos qaub ncaug hahaha. Hmoob tej movie no ua tau haib dhau lawm os.
    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Txaus Luag Thiab Txajmuag

    Post  koojziagkabzaug on 28th June 2010, 3:12 pm



    Muaj ib tug yawg txawj ua khawv koob kom luag tsis pom nws, tab sis nws pom luag. Nws txawm siab phem pheej mus kov luag tej kom luag ntshai. Ces tom qab nws txawm mus txhom luag tej poj niam deev tab meeg los tsis muaj neeg pom nws li. Ces ua ntau thiab ntau, Yawm Saub txawm ua kom nws cov khawv koob ploj, muaj ib zaug nws cav hle khauv ncaws liab qab ploog, dhia tib tug kab toos toos los hem lawv saum ib pab coob coob ua ke. Lawv luag luag, nws xav tias ntshe yog nws ua rau lawv ntshai es lawv luag...Nws rov dhia dua, lawv thiaj hais rau nws tias: " Ua cas koj tsis hnav khaub ncaws naj?" Ces yawg mam saib naj cas yawg cov khawv koob tsis thaiv yawg lawm...Hahahah...!


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Liajntsu
    Guest

    Re: Txaus Luag Thiab Txajmuag

    Post  Liajntsu on 28th June 2010, 8:08 pm

    Koojziagkabzaug,

    Koj hais zaj koj tuaj no kuv ho yuav piav ib zaj yuav luag zoo li koj zaj ko thiab.

    Muaj ib tug yawg Hmoob nws pheej mus mos luag tej pojniam deev thaum lub caij tsaus ntuj uas cov pojniam pheej tawm tso zis. Tus yawg Hmoob no mas ua ntej nws yuav mus ua phem lintawd nws yeej tsis hnav ris thiab tsho li thiab nws nqa ib lub voj kavtheej ces thaum nws mos tau lawv pojniam nws muab lub voj kavtheej ntawd khuam pojniam sabceg ces nws cia li deev xwb. Tsis paub xyov nws twb mos cov pojniam hauv lub zos ntawd tsawg tus thiab tsawg zaus lawm tiamsis zaum kawg uas lawv paub ces yog nws tabtom tuaj nyob nraum zoov zov lawv tus pojniam seb puas tawm mus tso zis tiamsis yim Hmoob ntawd tseem tabtom noj mov ces nws pheej tuaj ntawm qhov rooj xauj. Yim Hmoob ntawd lawv muaj ib tug maum nyuj nyob nraum qhov zoov ces tus Yawg Hmoob ntawd pheej xauj lawv hauv tsev ces tus maum nyuj ntawd ciali RHO NPLAIG TIB YAIM NWS POBTW tos nco xwb nws twb nkag plaws rau hauv Hmoob lub tsev khiav tib tug niag liab qab ploog hla plaws lawv s/d ces mus tawm plaws rau lub qhov rooj sab tod lawm.

    Zaj dabneeg no peb tuaj nyob tim Thaiteb lawv piav qhia peb. Kuv xav tias cov neeg phem ntawd lub ntuj yeej tsis pab thiab yuav muab nws ua kom neeg paub nws lub qe. Khuv xim cas kvu tsis yog tus uas pom tus yawg Hmoob ntawd.
    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Txaus Luag Thiab Txajmuag

    Post  koojziagkabzaug on 29th June 2010, 10:40 am



    Hahahah...! LiajNtsu,

    Ntuj yeej faib ncaj ncaj rau txhua yam, txhua leej nyob rau ntiaj teb no; thiaj li yuav tsis poob noob. Tus muaj zog los yeej yuav muaj hnub lwm tus txos nws; tus zog me los muaj hnub yeej muaj tus txhawb nws.



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Txaus Luag Thiab Txajmuag

    Post  koojziagkabzaug on 5th July 2010, 3:21 pm


    Neej Tswb...Neej Tsu



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Invité
    Guest

    Re: Txaus Luag Thiab Txajmuag

    Post  Invité on 13th July 2010, 11:03 am

    Maiv Tooj e!!!!

    Cas ib xyoos ntuj zeeg tawm ntuj so lawm es kuv rov tuaj txog nej tseem muaj muaj zaj tham luag npaum ub npaum no ntsis muaj xaus li ......oiib nej mas thiaj tsim nyog lom zem tiag tiag li lauj yom....hehehe!

    Hahaha Nej cov zaj Funny dhau lawm os.....mmm ua li cas kuv tsis paub piav tej yam txaus luag nrog nej li ne
    :)D

    PijPauj
    Guest

    Re: Txaus Luag Thiab Txajmuag

    Post  PijPauj on 14th August 2010, 9:58 pm

    Nyoub rau lub zos Eau Claire, WI, USA. Muaj ib tug niam pog nws thiab tus txiv yawg yuav mus kav khw ces nws txawm txib tus nyab tias, "Nyaab, koj nyob huv tsev nuav tes koj muab tug qab ua zaub qaab es muab lub taub hau ua zaub tsuag es rau miv ntsiv nam tan rau hab ov."

    Ib tsam niam pog thiab txiv yawg los txog es nkawv tseem tshaib tshaib plab. Tus niam pog txawm npaj siab yuav mus haus kua zaub tsuag ntag no. Nws mus qhib phlo lauj kaub zaub tsuag na ha ua cas pom tib lub tobhau qaib ntab nplos xwb. Tus niam pog quaj kiag ib pluag tamsim ntawd, ho tus txiv yawg mas luag luag tshuav tuag xwb.

    Qhov tseeb mas tus niam pog kom tus nyab muab lub taub daj hau ua zaub tsuag, tsis yog lub tobhau qaib; tiam sis tus nyab totaub yuam kev lawm vim nws tsis yog Hmoob lees. Nws xav hais tias lub taub hau ces yog tobhau ho tug qab ces yog yav cev es nws thiaj tau ua li ntawd.
    avatar
    Liajlwg
    Developer
    Developer

    Messages : 186
    Date d'inscription : 2010-07-01

    Re: Txaus Luag Thiab Txajmuag

    Post  Liajlwg on 14th August 2010, 11:41 pm


    NYUJ LAUS XAV NOJ ZAUB MOS

    PijPauj
    Guest

    Re: Txaus Luag Thiab Txajmuag

    Post  PijPauj on 23rd August 2010, 11:48 pm

    Puag thaum ub muaj ob niam txiv Nplog sib sib hlub tau ua ib ke mus cuab ntse. Thawj hmo ces nkawd ob niam txiv ua ib ke mus cuab, tab sis tag kis sawv ntxov ces tus txiv txawm ib leeg mus suav xwb. Tus txiv mus ces nws txawm npua ib daim "phaj phes" nkaus nkaus xwb, tsis hnav dab tsis li. Thaum tus txiv mus txog qhov chaw uas nkawd ob niam txiv tau cuab tseg ntawd, nws txawm ntshai nyab tsam daim "phaj phes" ntub dej ces nws thiaj muab daim "phaj phes" hle mus kauv tobhau tseg lawm. Thaum ua nws mus tsa kiag tau nkawd lub tawb ntse tawm plaws hauv dej los ntawd, nws pom hais tias mag tau ntse ntau heev li. Qhov ntawd ua rau nws zoo siab heev heev thiab xav xav muab qhia rau nws poj niam. Nws cia li nqa hlo lub tawb ntse thiab khiav tiaj lias los mus tsev tam sim ntawd. Nyob hauv nws lub siab mas nws tsua xav coj kom tau tawb ntse uas mag ntau ntau ntawd los qhia nws poj niam xwb, lwm yam nws yeej tsis xav li lawm.

    Thaum tus txiv Nplog ntawd khiav khiav los txog hauv zos no ua cas tej tsiaj txhu thiab tej neeg zej zog mas saib nws ua qhov muag nruj nreem thiab qw tsauj zi rau nws nws xwb. Nws tsua xav hais tias ntseb yog lawv pom nws tawb ntse ntau hwv lawm es ua li ntawd xwb. Thaum nws khiav khiav los txog nws poj niam, nws poj niam mam hais tias, "Yaug thaub es! Ua cas koj liab qab tsua li ko?" Thaum ntawd nws mas tig saib na ha ua ca nws tib tug liab qab ploog xwb. Thaum nws paub hais tias nws liab qab ces nws hos nco dheev txog nws daim "phaj phes" ces nws rov khiav tiaj lias tib tug liab qab tsua rau nram hav dej lawm. Thaum nws mus txog nram hav dej nws mus nrhiav nrhiav tsis pom nws daim "phaj phes" li. Nws thiaj mus sawv ntseg ntsees thiab nyob twj ywm hauv hav dej ntev loo. Nws sawv sawv hauv dej ces nws mam pom nws tus duab ntoo ib txog "phaj phes". Thaum ntawd nws mas nco hais tias yog nws muab nws txoj "phaj phes" kauv tobhau lawm.
    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Txaus Luag Thiab Txajmuag

    Post  koojziagkabzaug on 24th August 2010, 6:23 am



    Nyob zoo cov phooj ywg,

    Zoo siab txais tos phooj ywg Pijpauj,

    Hahahaha...! Pijpauj, koj mas txawj tham heev...Hahahah...!

    Muaj ib tug pog yuav mus teb hais rau rus nyab tias:
    "Me nyab, koj nyob ib pliag koj ua mov no ces muab lub qhws los hau zaub tsuag nawb!"

    Ib ntsis tus nyab nrhiav tsis tau lub zaub qhwv li, nws ua ib siab muab lwm yam zaub los hau zaub tsuag...Thaum tus niam pog los txog, nws hais rau niam pog tias: Nam! kuv nrhiav tsis tau koj lub zaub qhwv es kuv lam muab zaub ntsuab los haus tau ib lauj kaub zaub tsuag xwb....! Hahahah...! Niam pog thiaj teb nws tias: Me nyab aw...Xuas zaub dab tsi hau los tau mas, tsuav hau hauv lub qhws xwb thiaj tsis tsw tsw roj naj...Hahahhah...!


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    PijPauj
    Guest

    Re: Txaus Luag Thiab Txajmuag

    Post  PijPauj on 25th August 2010, 4:47 pm

    Zoo siab uas tau tuaj ntsib nej sawv daws.

    Peb txawm yog Hmoob ib yam los tej thaum ib tug kuj rov tsis totaub ib tug lawm thiab. Qhov tseeb mas yog tus mloog tsis ua tib zoo nug kom paub meej meej tso mam lees ua txoj num xwb.

    Muaj dua ib tug nyab Hmoob Dawb mus yuav Moob Leeg. Tus niam pog ua tau mov ces nws tsis tau khoom muab tsaws ncu ces nws txawm txib tus nyab tias, "Nyab kuv tsis khoom ces koj mus khoov mov seb. Tus nyab mus txog ntawm laujkaub mov ces nws txawm mus khoov caws vos tseg. Ib pliag tus niam pog los pom ua cas nws laujkaub mov tseem nyob saum qhovcub ho tus nyab pheej khoov caws vos ib cag. Nws thiaj hais tias, "Nyab, koj ua dab tsis li ko naj?" Tus nyab thiaj teb tias, "Niam, koj twb kom kuv los khoov mov no nid. Kuv ham tsis khoov mov las as." Tom qab ntawd, leej niam mam luag thiab txhais lolus khoovmov rau tus nyab.

    Ob tug pog nyab no zoo li tseem nyob hauv peb zos, tsis sub.

    Liajntsu
    Guest

    Re: Txaus Luag Thiab Txajmuag

    Post  Liajntsu on 27th August 2010, 7:48 pm

    Nyob zoo Pijpauj,

    Zoo siab koj tuaj txog peb tej chaw uasi no thiab os lod. Koj cov dabneeg mas hais tau txaus luag ua luaj li thiab hahhahaha.

    Kavtsij tuaj hais peb thiaj lomzem nawb. Tsis xyeej sijhawm ntau lawm ces tsis tau tuaj sau dabneeg rau peb mloog lawm li. Kuv mus kawm tau 2,3 txoj dabneeg thiab cia muaj caij kuv mam li tuaj tso rau peb mloog nawb.

    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Txaus Luag Thiab Txajmuag

    Post  koojziagkabzaug on 29th August 2010, 4:46 pm



    Nyob zoo pijpauj thiab LiajNtsu,

    Zoo siab tuaj ntsib neb os...!

    Muaj ib tug poj niam caij dav hlau Nplog teb tuaj rau Fab Kis teb, nws hloov dav hlau nyob Bangkok, nws tsis mus tsev plob li, vim nws xav tias tso quav tso zis ces yuav poob los ywg ntiaj teb, ntshai tsam quav lam poob los lo luag tej ces pos kom txog chaw...Hahahah...Txog ntua tshav dav hlau Fab Kis teb mas khiav ceev tsis ceev mus tom tsev plob lawm...

    Thaum Nplog teb nyuam qhuav tso tau, 1975, cov Hmoob Toj siab tog Nyab Laj (Idsala)ib tug ntxhais hla tom tshav dav hlau Phonsavanh, pom dav hlau, nws txawm hais tias: "Wow...! Nyoob hoom loj npaum ntawd, yuav ua cas hlais zaub txaus noj lauj...!"


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Liajntsu
    Guest

    Re: Txaus Luag Thiab Txajmuag

    Post  Liajntsu on 29th August 2010, 9:14 pm

    Hahahaha Koojziagkabzaug,

    Koj 2 zaj dabneeg no mas txaus luag dhau lawm os. Kuv mas pab hlub tus niam tais Hmoob ntawd dhau lawm lau hahaha.

    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Txaus Luag Thiab Txajmuag

    Post  koojziagkabzaug on 31st August 2010, 5:13 am



    Nyob zoo LiajNtsu,

    Yog kawg, ntau zaus yus cov neeg nyob toj siab, tsis paub txog luag neeg tiaj nrag lub neej, lawv txom nyem heev...muaj tej tug npo zis, npo quav li ntawd ntev dhau, cia li txia ua ib tug mob rau lawv lawm.

    - Muaj ib tug yawg mus nrog ib tug phooj ywg noj mov. Nws txawm tham tias:

    "Npawg, kuv li mas nyob tom kuv tsev, kuv noj mov tsawg tsawg xwb, tab sis cas kuv mus noj tom luag tej mas kuv ntau heev. Ces kev tham ke noj, tus tswv tsev txhab zaub mov npaum li cas nws noj tsis tso diav li. Thaum ntej tus tswv tsev cheem nws noj mov, ib ntsis tsis muaj dab tsi txhab lawm ces tus tswv tsev txawm hais rau nws tias: "Ua li koj tsev ntag nawb!" Los nws tsis tsum li...Hahahah...!


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    PijPauj
    Guest

    Re: Txaus Luag Thiab Txajmuag

    Post  PijPauj on 3rd September 2010, 11:14 pm

    Nyob zoo os KoojZiagkabZaug thiab LiajNtsu,

    Kuv nyeem neb cov lus dabros tas mas yeej luag twjywm hauv nruab siab tuaj. Tom qab ntawd zoo li lub siab kuj kaj tag qhov ntau tuaj.

    Ntev lawm tau muaj ib tug Nplog mus kho mob. Thaum mus txog tim tsev kho mob mas yuav tsum tau xub mus sau npe ua ntej tso mam pib ua lwm yam mus. Thaum tus Nplog mus txog ntawm tus neeg teev npe, tus neeg teev npe txawm nug tus Nplog tias, "Koj npe hu li cas?" Tus Nplog teb tias, "Phuxy." Tus teev npe xav hais tias tus Nplog cem nws ces nws rov nug dua ib zaug ntxiv. Tus Nplog rov teb li qub thiab. Thaum no tus neeg teev npe npau taws tuaj ces nws thiaj nug ua suab thawg npho tuaj. Ib yam li ntawd thiab, tus Nplog los kuj chim lawm thiab ces thiaj rov teb nrov nrov. Thaum nkawd ob leeg chim tag li no lawm nkawm mam mus nrhiav tus tib neeg thij 3 los daws nkawd li teej meem.

    Qhov tseeb tiag mas yog lub suab ntawm lo lus "phuxy" thiab "pussy" xwb. Tus Nplog lub npe mas yog txhais hais tias roob kob (colorful mountain), hos tus neeg teev npe lo lus "pussy" mas yog txhais hais tias KOJ NIAG NCEB no es nkawd thiaj muaj kev sib tu siab.
    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Txaus Luag Thiab Txajmuag

    Post  koojziagkabzaug on 4th September 2010, 10:59 am



    Nyob zoo pijpauj,

    Hahahah...! Yog ib haiv neeg tab sis nyias muaj nyias hom ces thiaj hais lus tsis sib dhos...

    Thaum ua ntej 1975, Nplog teb siv ntawv Fab kis ntau thiab muaj Fab Kis tuaj ua hauj lwm pab Nplog teb coob. Muaj ib tug tug Nplog txawm mus cuag Kws tshuaj fab kis, nws mob nyhav thiab sab heev lawm. Tus Khws tshuaj fab Kis tshuaj xyuas me ntsis, txawm nug nws tias: Moy laim npo? Ces tus Nplog txawm xav zoj rau plaub ob ceg, nws teb yau yau tias: "Noï dio=me me xwb"===>Tiag mas tus Kws tshuaj hais rau tus mob tias: Koj puas sab= Moei npo, tab sis nws hais tsis meej ces txawm hais Moy (plaub ob ceg)=koj puas muaj plaub ob ceg ntau?...Hahahha...!

    Ib tug Nplog qaum teb mus txog Moos Loob Phuas Npas rov los, nws zoo siab heev, vim nws mus txog nroog loj rov los...Ces nws los tham rau lawv tias: Khoy pai Mouang Luang phrabang khoy henh Sy Chom That Prabath tine hoei...
    =Kuv mus Moos Loob Phuaj Npaaj, kuv pom lub Roob Sy saum hau pej thuam, Phab bad Hneev taw
    ===> Tiag mas yog Thad Chom Sy= Tus Pej Thuam nyob saum Roob Phou Sy, Phab bad=twb yog hneev taw lawm. Nws ntshai tsham lawv tsis paub tseeb ces tseem ntxiv lo lus hneev taw no ntxiv...Ces nws thiaj hais tias: Phab bad tinh hoï...

    Hahahah...! Pijpauj, yog peb ho txawj ua kom koj kaj siab ib pliag ces zoo peb siab thiab tiag...Hahahah...Tej thaum kuv xav txog tej qhov, kuv kuj luag ib leeg thiab...hahahah...


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    Liajlwg
    Developer
    Developer

    Messages : 186
    Date d'inscription : 2010-07-01

    Re: Txaus Luag Thiab Txajmuag

    Post  Liajlwg on 4th September 2010, 3:31 pm


    Nyob zoo cov phooj ywg,

    Zoo siab tau nyeem nej cov zaj lus sau tau txaus luag heev li.
    Kuv yuav hais ib zaj rau nej nrog kuv nyeem thiab, yav thaum peb tseem nyob teb chaws Nplog, muaj ib zaug kuv txiv thiab cov tsev neej hauv peb zos mus yuas tua tsiaj nyob hav zoov. Ces kuj muaj ib tus txiv neej yog hmoob ntsuav nrog lawv mus thiab, thaum lawv mus txog rau pem chaw tua tsiaj lawm ces kuv txiv tsawm ntev tau ib tug ( Vaub Kib ) coj los txog thaum lub caij sawv daws los sib sau pw ua ke ces tus txiv neej hmoob ntsuab txawm hais rau kuv txiv hais tias: Yawg koj tus Vaub Kib no, koj tsis muab nws khi es ua li nws puas tsiv os? ces kuv txiv teb tus hmoob ntsuab tias: Ab yog koj tsis cev tes rau tej zaum nws yuav tsis tom koj os.

    Tam sis ntawd ua rau lawv sawv daws luag2 tas tus ua rau kuv txiv nkawd tsis pauv xyov nkawd hais dab tsi li??
    Hahaaaaa......thaum yus hais lus nkag siab yuam kev rau ib sab lawm mas kuj txaus luag heev kawg li thiab os lawv......


    Photobucket

    PijPauj
    Guest

    Re: Txaus Luag Thiab Txajmuag

    Post  PijPauj on 4th September 2010, 8:47 pm

    Yog las mas KoojZiagkabzaug. Kuv mas kuv yeej xav tau txoj kev kaj siab thiab zoo siab kawg li es thiaj tuaj nkag rau txhua qhov seb nrhiav puas tau tej yam uas ua kom yus nov qab txoj kev nyuaj siab thiab ntxhov siab hauv ntiaj teb no mus. Nrhiav nrhiav ces thiaj los pom neb. Tsis tas yog yus tus kheej xav tau kev zoo siab xwb, yus tseem haj yam xav kom lwm tus muaj kev kaj siab thiab.

    Ua tsaug uas neb pab faus kuv tej kev nyuaj siab.

    Thaum ub nyob teb chaws Lostsuas muaj ib pab Hmoob tuaj mus nram nroog. Thaum lawv sawv daws tuaj caij tsheb ces tus tswv tsheb sau nqi caij tag ces lawv txawm sawv kev mus lawm. Mus mus txog ib tog kev ces txawm muaj ib tug neeg ntawm pab caij tsheb ntawd tso ib paus ntshiv (paus tub sab) uas ua rau sawv daws yws daws dom thiab nti aub ncaug plig pleg. Lawv sawv daws txawm yws nplawg ntias thiab nug ntsuag qees rau ub rau no, tab sis tsis muaj neeg kam lees li. Lawv mus mus ib pliag ces cua hlob hlob kuj ua rau cov pa paus dua lawm. Thaum lawv mus txog chaw nqis, ces lawv sawv daws txawm nqi nplawg ntia tag rau hauv pem teb lawm. Tam sim ntawd txawm muaj ib tug neeg nug hais tias, "Tshuav leej twg tsis tau them nqi caij tsheb?" Muaj ib tug ntawd paj neeg caij tsheb txawm teb dag ntsuav hais tias, "Tshuav niag puas tas tso paus tsis tau them naj!" Thaum muaj ib tug teb li ntawd ces ua rau yawm uas puag ta tso paus chim ceev ceev ces nws txawm teb tib tug npau taws tsawv tias, "Kuv them lawm nad!" Thaum ntawd sawv daws mam paub hais tias yawm ua puag ta tso pau tsw tsw ces yog yawm ntawd.
    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Txaus Luag Thiab Txajmuag

    Post  koojziagkabzaug on 5th September 2010, 12:36 am



    Nyob zoo Pjpauj thiab LiajLwg,

    Zoo siab ntsib neb ob leeg hnub no.
    Hahaha...! Neb mas txawj tham rau kuv luag ib leeg li tus vwm...Hahahah...! Luag tsis pab ces xav tias kuv vwm, tab sis qhov tseeb twb yog dag thiaj muaj luag, muaj sib pab thiaj nquag xwb...Hahahah...!

    Pijpauj...!
    Yus muaj txoj hmoov zoo tau yug los ua neeg tiam no, txhob muab yus lub caij lub nyoog los lwj siab, ntxhov siab mog. Yuav tswj nrees yus lub siab rau qhov zoo, qhov kaj, qhov huv. Leej twg tsis yog yus tsav, tsis raws yus hom, yuav txhob nrog luag cov nyom, kawg yuav tso luag tseg kom yus lub neej thiaj pom kev. Muab tej kev lwj siab tsuj nthi ntawm taw, yuav khaws txoj kev kaj siab lub neeg luag ntxhi los saws...YUav nyiam lub ntuj qhov zoo nkauj, yuav zoo siab rau lub teb tej nroj tsuag tawg paj nra paug, yuav luag ntxhi rau leej neeg lub neej kom txog hnub sau laus mog...Lub sim ceeb no yog ib lub caij uas neeg rov taw tuam ntuj, nyias khav nyias ntse, nyias khav nyias zoo, nyias khav nyias muaj, tsis muaj kev sib hwm. Muaj tej tus mas nws coj li nws yog Vaj kav lub ntiaj teb, nws xav hais lis cas ua li cas los tau, luag tej mas hais zoo npaum cas, ua zoo npaum twg los txhaum nws tib si...Thaum kawg ces tsav chij dawb rau nws es cia nws zoo nws ib leeg, tsuas zam kev kom deb thiab deb ntxiv txhob sib ntsib lawm xwb...Tham txaus luag tab sis yog tham tu siab mas kuj los kua muag thiab tiag...
    Ua li Pijpauj, lub zos nov yog lus zos me me xwb es koj ua cas ho tuaj nrhiav tau peb?

    Liajlwg, muaj ib lub moo xa rau nws tias muaj neeg tos tos thiab nco nco nws no nawb. Tos tos saib qhov rooj du tag, tos li tus peeb tos txog lub caij kaj ntug...puas yuav muaj hnub rov ntsib nws li qub...?



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    Liajlwg
    Developer
    Developer

    Messages : 186
    Date d'inscription : 2010-07-01

    Re: Txaus Luag Thiab Txajmuag

    Post  Liajlwg on 5th September 2010, 10:46 am

    Liajlwg, muaj ib lub moo xa rau nws tias muaj neeg tos tos thiab nco nco nws no nawb. Tos tos saib qhov rooj du tag, tos li tus peeb tos txog lub caij kaj ntug...puas yuav muaj hnub rov ntsib nws li qub...?

    KZKZ,

    kuv niaj hnub tuaj khob nej qhov rooj os tiam sis tsis muaj neeg qhib kuv li os
    nej sauv kuv cia sab nraum zoov lawm kuv tsis muaj key qhib tau nej qhov rooj li os

    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Txaus Luag Thiab Txajmuag

    Post  koojziagkabzaug on 5th September 2010, 1:43 pm

    Liajlwg wrote:Liajlwg, muaj ib lub moo xa rau nws tias muaj neeg tos tos thiab nco nco nws no nawb. Tos tos saib qhov rooj du tag, tos li tus peeb tos txog lub caij kaj ntug...puas yuav muaj hnub rov ntsib nws li qub...?

    KZKZ,

    kuv niaj hnub tuaj khob nej qhov rooj os tiam sis tsis muaj neeg qhib kuv li os
    nej sauv kuv cia sab nraum zoov lawm kuv tsis muaj key qhib tau nej qhov rooj li os


    Liajlwg,

    Lub rooj xav qheb los ntshai tsam ho txhuam ntais zes
    Lub rooj tsis xav xauv los ntshai rwg tsam muab taws thau
    Vaj tsev ntxhov nyho twb ua tsis tiav los qheb ces nws pheej xuas taus txiav
    Vaj tsev tsim muaj tsis txhua los qheb ces nws pheej xuas txuas luaj
    Yog tsim tau rov muab tshem ces yuav tsis nce tes
    Yog tsim tau pheej muab lauj ces tsev yuav vau
    Ua neej yuav ua mus lub neej thiaj ntsu
    Ua neej yog ua thaub qab ces kawg poob nthab
    Yam tsim tau yuav khaws tseg vim yuav tsis rov leg
    Yam tsim tau yuav cia nyob vim yuav tsis muaj caij rov kov
    Yog pheej ua rhuav ces ua dab tsi los kawg xyuam khuav
    Yog pheej ua tso ces ua yam twg los yuav tsis nto
    Tu tu lub siab...Vim nog ces ib txwd yeej tsis txawj ua ntxim luag siab...




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    Liajlwg
    Developer
    Developer

    Messages : 186
    Date d'inscription : 2010-07-01

    Re: Txaus Luag Thiab Txajmuag

    Post  Liajlwg on 5th September 2010, 3:20 pm

    KZKZ,

    Muaj qhov phem thiaj muaj qhov zoo
    muaj qhov tsaus thiaj muaj qhov kaj
    muaj qhov dub thiaj muaj qhov dawb
    muaj qhov kub thiaj muaj qhov txias
    yog tseem ntshai tiag ces txhob hais qhia
    yog tseem txhawj ces txhob hais tawm
    nws kwv npawg phooj ywg kwv luag
    yeej tseem tuaj xyuas nws txhua hmo
    yeej tseem nco txog txhua yam ua tau
    uas yav dhau tau tsim muaj cia
    kav liam mog yav tas dhau lawm
    txhob hais lawm thiaj tsis ntxhov siab
    ua ib siab mus raws txoj hmoo
    txawm yuav phem los yog yuav zoo
    pheej txoj hmoo thiaj tsis nyuaj siab
    os me phooj ywb tus siab zoo Sad Sad Sad Sad
    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Txaus Luag Thiab Txajmuag

    Post  koojziagkabzaug on 5th September 2010, 3:46 pm



    LiajLwg,

    Thaum tsis paub tias nyiam
    Thaum tsis tiam tias pab
    Thaum tsis thab tias tseeb
    Thaum tsis kheev tias ua
    Thaum tsis yuav tias mob
    Thaum tsis txob tias tsuj
    Thaum tsis nug tias dhuav
    Thaum tsis suav tias ploj
    Thaum tsis coj tias khiav
    Thaum tsis nyiam tias pheej hmoo
    Thaum tsis zoo tias xij peem
    Thaum tsis leem tias tu siab
    Thaum tsis khiav ces sib ncaim
    Thaum tsis hais ces nres ntuj
    Thaum tsis hlub ces nrhiav tshiab
    Ces ho mus qhuas lwm tus kom tau nrog luag ...Cia tus ntseeg yus nyob los kua muag xwb tiag....


    Last edited by koojziagkabzaug on 6th September 2010, 12:59 am; edited 1 time in total


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    PijPauj
    Guest

    Re: Txaus Luag Thiab Txajmuag

    Post  PijPauj on 5th September 2010, 9:45 pm

    Ua tsaug rau koj tej lus txhawb siab os KoojZiagKabZaug.

    Kuv lam tau lam ntau lolus tias "Hmoob" no rau hauv google xwb ces cia li nrhiav nrhiav tau nej lawm xwb.

    Ntev los lawm tau muaj ob niam txiv Hmoob nyob America teb muab nkawd txoj kev nyob tsis qhia neej tuag tsis qhia dab yees ua tau ib zaj txuj xxx tseg. Thaum nkawd muab yees tau lawm, nkawd kuj muab khaws rau puag qab hiav looj hiav txwv thiab xwb, tiam sis nyob nyob muaj ib hnub nkawd txawm rov muab thau los saib. Thaum saib tas kuj nkees lawm ces tsis nco rov coj mus cia qub chaw lawm. Tom thawj hnub ntawd ho muaj ib tug pojniam nruab zog tuaj qiv lawv tsev neeg ntawd ib zaj yeebyam mus saib. Tus niam tsev tsis ua zoo saib ces nws txawm muab tau nkawd ob niam txiv zaj xxx rau tus pojniam nruab zog ntawd coj mus saib lawm. Tus pojniam nruab zog ntawd coj mus saib tag ces nws txawm rov xa tuaj. Thaum tus pojniam nruab zog xa tuaj txog es muab cev rau tus niam tsev tag lawd, tus niam tsev txawm nug tus pojniam nruab zog hais tias, "Puas zoo saib thiab?" Tus pojniam nruab zog txawm teb tias, "Peb twb tsis txawj li nej es." Thaum no nws mam nco dheev txog hais tias ntshai nws tau muab yuam kev nkawd daim xxx rau tus pojniam nruab zog ntawd qiv lawm los cas ne. Thaum tus pojniam nruab zog rov qab mus tsev lawm, tus niam tsev mam muab daim yeebyam ntawd ua tib zoo saib no ua ciav yog nkawd daim xxx tiag lauj. Thaum tus txiv los txog ces tus niam thiaj muab tham qhia tus txiv. Dhau li ntawd ces nkawd ob niam txiv cia li mus noj tshuaj ua ib ke tuag lawm vim nkawd txajmuag ua neeg dhau hwv lawm.


    Sponsored content

    Re: Txaus Luag Thiab Txajmuag

    Post  Sponsored content


      Current date/time is 23rd May 2018, 10:36 am