HMOOB TSAV NTUJ

Would you like to react to this message? Create an account in a few clicks or log in to continue.

google-site-verification: googlefbfddf59e706b96b.html

Latest topics

» Ib tsoom Phoojywg Nej Nyob Licas lawm
by Liajntsuab 7th October 2019, 9:45 am

» NCIG XYUAS HMOOB NYAB LAJ TEB TSEEM UA LUB NEEJ NYOB TOJ SIAB
by Tub kev deb 3rd October 2019, 7:19 am

» Tshuaj Ntsuab
by PIJPAUJ 27th November 2018, 11:17 am

» NYOB ZOO OS
by cwjmemdub 10th October 2018, 9:37 pm

» TUS KAB MOB CANCER TXOV HMOOB LOS TAU ZE 600 TAWM XYOO & TSEEM YUAV MUAJ NTXIV
by Liajntsuab 13th April 2018, 11:57 am

» ***UA NEEB***
by shung 8th March 2018, 5:49 pm

» Neeb Saub ua rau neeg vwm
by shung 4th February 2018, 2:58 pm

» Xiong Chang
by koobpovtxuj 10th December 2017, 11:00 am

» Koobpovtxuj.
by koobpovtxuj 19th November 2017, 1:34 am

» kuv cov duab.
by koobpovtxuj 18th November 2017, 11:30 am

» KHAWV KOOB
by koobpovtxuj 30th September 2017, 4:29 pm

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

Tsev seev PajHuam

Txaus Luag Thiab Txajmuag - Page 10 Nraug_11

Hmong beauty nature

Txaus Luag Thiab Txajmuag - Page 10 Dsc08613

Compteur visitor

hnub 18/09/2010 los mus

+6
HMOOB110%
koobpovtxuj
MayPaj
NkaujNag
Liajlwg
koojziagkabzaug
10 posters

    Txaus Luag Thiab Txajmuag

    avatar
    PijPauj
    Guest


    Txaus Luag Thiab Txajmuag - Page 10 Empty Re: Txaus Luag Thiab Txajmuag

    Post  PijPauj 5th December 2010, 7:02 am

    Nyob hauv luag tej vaj txiv ntoo tsis txhob lam ncav tes mus kho kausmom saum tobhau, nyabtsam luag xav hais tias yog yus mus nyiag de luag txiv;
    Nyob hauv luag tej teb dib tsis txhob lam khoov mus khi hlua khau, nyabtsam luag xav hais tias yog yus mus nyiag de luag dib.

    Mus ua liaj ua teb tsis lam pub luag tsiaj luag txhuv, tsam luag xav hais tias yus qaum luag tsiajtxhu.
    Mus cuav zej cuav zos tsis lam cuab nquag, tsam luag xav hais tias yus lomtxwm ua yuav ntsejmuag.
    Mus ua dej ua num tsis lam tawb luag txij luag nkawm, tsam luag yuav xav hais tias yus deev luag txijnkawm.
    Mus xyua txheeb xyua ze tsis lam hlub neeg dhau kev dhau cai, tsam luag xav hais tias yus txw luag sib ntxub.
    Mus ncig ntuj ncig teb tsis lam muab nyiaj pub luag pej xeem huab hwm, tsam luag xav hais tias yus ntxeevntxias luag tawgtshwj.

    Yus yog neeg zoo neeg phem los cia lub sijhawm mam lim.
    Yus yog neeg ncaj neeg nkhaus los cia lub caijnyoog mam tshau.

    Yus txoj qa txoj num ces yog ua ntawm tes noj ntawm ncauj,
    Ua tau hlob yus li ib sim xob,
    Ua tau yau yus li ib teg haus.
    Yus txoj hau kab hau kev ces cia Yawm Saub ua tus coj,
    Coj ncab ces nyaj sawvdaws yuav tau nyob ua tsheej pab,
    Coj nkhaus ces kawg sawvdaws yuav tau nyob tuaj chaw tsaus.
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Txaus Luag Thiab Txajmuag - Page 10 Empty Re: Txaus Luag Thiab Txajmuag

    Post  koojziagkabzaug 6th December 2010, 6:36 am



    Nyob zoo Pijpauj,

    Ua tsaug rau nws cov lus thoob tsib,
    yog kawg ua neeg ces zoo rau yus pab luag, kho siab rau thaum yus vam txog luag
    Ua neeg ces zoo rau thaum yus khuv leej luag, chim rau thaum yus tws kev tsis muaj tus tsa muag.

    Yus hlub luag yus muab los luag tsis xav li yus xav, yus muab ntau luag txais tsawg, yus muab siab ntws dawj luag tsis pom yus kev txhawj...Ces yuav txhob khuv leej luag heev heev thiab. Tswv Ntuj tsim tau neej los, Nws yeej yuav tsis pub kom Neeg tu noog thiab poob rau qhov uas tawm tsis tau li. Qhov ntau Nws twb muab txoj kev zoo rau neeg taug, tab sis neeg pheej xav mus nrhiav txoj kev nkhaus xwb ces thiaj tau txom nyem.

    Pijpauj, kev hloov teb chaws mas yeej muaj ntsis mob plab. Yuav tsum haus dej rhaub thiab noj tej yam tshiab tshiab xwb mas twb tseem ntshai. Saib xyuas nws tus kheej zoo nawb, tsam rov los txog tsev ces tsis tau yus cov nqe suas yus mus txom txom nyem nawb...

    Pipauj, ua tsaug rau nws cov lus paj lug, zoo heev, kuv muab coj mus tso xyaw cov Paj Lug nram qab lawm nawb.

    https://hmoobtshavntuj.forumotion.com/txuj-ci-hmoob-f3/hais-paj-lug-t22-50.htm#1987

    avatar
    PijPauj
    Guest


    Txaus Luag Thiab Txajmuag - Page 10 Empty Re: Txaus Luag Thiab Txajmuag

    Post  PijPauj 6th December 2010, 7:08 am

    Nyob zoo KZKZ,

    Ua nws tsaug uas tseem txhawj txog kuv kev nyab xeeb os mog. Mam li xyuam xim seb zam puas dim.

    Me KZKZ aw! Tej niag lus dog dig ntawd ces tuaj hais rau nws tsev yeej yog nws tug li lawm. Nws xav coj mus ua dab tsi thiab cia qhov twg los yeejmeem ua tau raws siab xav.
    avatar
    Liajntsu
    Guest


    Txaus Luag Thiab Txajmuag - Page 10 Empty Re: Txaus Luag Thiab Txajmuag

    Post  Liajntsu 7th December 2010, 10:31 am

    Koojziagkabzaug & Pijpauj,

    Neb mas txawj tham Neejneeg kawg li thiab. Hais tej lub neb tham kev sib pab cov neeg TXOMNYEM ntawd mas nws tsis yoojyim kiag li os vim kuv twb ntsib teebmeem los lawm.

    Hais txog txoj kev pab ntawd mas yuav kom zoo tshaj yuav tsum yog 2 tog neeg xws li tus pub thiab tus txais ntawd SIB TOTAUB MUS 1 YAM mas thiaj li os, muab ua pivtxwv tias peb mus Nplogteb na kwvtij Neejtsa uas sib paub coob coob ces koj muab ib leeg li 50,000-100,000 kip hos koj ho muab rau cov txheebze yus zog ntau me ntsis li $40-$100 tej ntawd. Cov neeg totaub ces tau me los lawv nim ua ua koj tsaug thiab foom koobhmoov pub yus hos cov tsis totaub es nws twb yog tus tau ntau li $40-100 los tseem yws tias yus mas nim muab me me xwb thiab hos thov qhov no tas los thov qhov tod tuaj thiab. Txoj kev sib pab no ua li Dajhau hais uas txawm luag pub ib lub candy los yog 1$ xwb los twb yog luag pub yus lawm yuav tsum muaj kev zoo siab os.

    avatar
    PijPauj
    Guest


    Txaus Luag Thiab Txajmuag - Page 10 Empty Re: Txaus Luag Thiab Txajmuag

    Post  PijPauj 7th December 2010, 9:40 pm

    Nyob zoo Liajntsu,

    Teebmeem ntawm tus pub thiab tus txais mas tsis luaj twg vim nkawd ob leeg puavleej tau txiajntsim lawm. Tus pub qhov txiajntsim yog ua kom siab nqig, ua kom tas kev tas cai, los puas ua kom tau tsejmuag. Thaum tus txais lees yuav ces tus pub tau nws cov txiajntsig dulug lawm. Tus txais qhov txiajntsig ces yog tau qhov khoom yam tsis tau them nyiaj.

    Qhov tsis zoo ces yog tus liajtxheej ntawm txoj kev pub/txais. Yog pub/txais ntsiag to hauv vaj hauv tsev, lossis pub/txais nraim nroos rau tej ntug zej tug zos mas yog kev pub/txais yam hlub hlub tshua tshua. Kev pub/txais ntsiag to li no yuav tsim tsis tau teebmeem rau leejtwg qhovtwg vim tsua muaj tus pub thiab tus txais thiaj paub xwb. Tab sis, yog yuavtsum pub/txais kom muaj neeg coob coob nrog pom nrog paub xwb xwb mam li pub/txais, ces yeej yuavtsum muaj teebmeem. Vim tus pub tsis yog pub nkaus nkaus lawm xwb, nws yog nqis peev tso paj laum kom nws tus kheej tau txais txiajntsig lawm yav tom ntej xwb. Ua ke ntawv, tus txais los tsis yog txais dawb dawb do do, nws yog lees ris tus pub li txiajntsig mus li. Yog tus txais pauj tsis tau tus pub li txiajntsig ces nws yeej raug tus txiajntsig ntawd nias nrees mus ib sim neej. Yog li ntawd, tus txais thiaj xav txais kom tsimnyog qhov ua nws tau ris txiajntsig ib zaug.
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Txaus Luag Thiab Txajmuag - Page 10 Empty Re: Txaus Luag Thiab Txajmuag

    Post  koojziagkabzaug 8th December 2010, 1:35 am



    Nyob zoo Pjpauj thiab LiajNtsu,

    Neb ob leeg tham zaj twg los puav leej yog.

    LiajNtsu tham mas yog kev tub Hmoob neej tsa, yab thaum ub hais txog nyiaj txiag no mas yeej tssi tau muaj dua keeb kwm uas ib tug yuav pub rau ib tug li. Nyiaj txiag yog ib qho muaj nqes heev. Tab sis txij peb tawg teb tawg chaw, ib cov khiav tuaj mus rau cov teb chaw Vam meej lawm ces cia li muaj ib tug kab mob noj Peb Hmoob ntuj qub qab cov siab ntsws. Cov tuaj dhau lawm, muaj kev hlub tshua txog cov tom qab, lawv tsis muaj noj tsis muaj hnav, tsis muaj siv los lawv txhawm zias xa mus pab rau cov nyob tom qab, lawv xav tias lawv pab mus ces cov tom qab yuav zoo zoo siab thiab txais yam muaj txiaj muaj ntsig. Tab sis cov nyob tom qab cia li tsis nco txog txiaj ntsig li lawm, lawv cia li coj li uas hla dhau ciam teb Nplog lawm ces khaws nyiaj li khaws quav hnub quab hli, es thov luag muab ces muab, (thov txhiab, thov pua $ xwb)yog tsis muaj txawm peem ces cem cuag li uas luag tshuav yus nqes. Kuv pom tias txawm luag tshuav yus nqes, yus twb tsis cem npaum li cov Hmoob Nplog cem lawv tej txheeb ze uas khwv tsis tau nyiaj txaus xav mus rau lawv li lawv nyiam. Kev xav nyiaj thiab muab nyiaj pab lawv, ntawm kuv tus kheej kiag, kuv twb pab txog peb tiam neeg lawm. Pab cov laus thaum lawv yug cov yau, cov yau ntawd twb hlob tiav neeg tseem pab lawv ntxiv mus, zaum no cov yau ntawd twb rov ua lawv lub neej rov muaj dua me nyuam tseem pab cov me nyuam ntawd ntxiv thiab. Thaum ntej kuv hlub lawv heev, tab sis tiam dhau tiam, kuv pom tias lawv tsis pom li kuv pom, lawv tsis xav li kuv xav. Lawv dawj kuv muab tag, siv tag rov thov dua xwb, muaj muab ces zoo siab hlo, zaum tsis txawm peem ces cem cuag li yus txhaum plaub mas kuj tu siab kawg li...Muab npaum li cas, yog nyiaj tau yooj yim xwb ces lawv tsis muab ua ib yam tseem ceeb li, tau kiaj ncaj qha mus phob tag rov thov dua xwb. Qhov nov yog ib qho tsis zoo rau txheej kwv tij nim nyob uas tseem nyob tom qab tsis xav khwv noj khwv haus li peb txheej thaum ub. Lawv lub tswv yim tsuas muaj msu siv nyiaj xwb tsis muaj mus khwv nyiaj...

    Pijpauj hais:

    Pijpauj, koj los hais yog kawg li thiab. Neeg mas tus uas muab zais ntshis thiaj yog tus pub tiag. Tus uas muab me me xwb xav kom nrov nrov mas yog xav muab luag tiag taw nce ntaiv xwb. Cov nov mas lawv lub siab dub tab sis lawv txawj txawj hais lus qab zib ntxias ces lawv muaj ntsej muag heev. Cov uas muab ntsiag to, lawv lub siab zoo tab sis lawv tssi nyiam hais lus qab zib dag, lawv hais raws li lawv muaj xwb ces neeg tsis tshua nyiam lawv. Yog leej twg tau nrog ob hom neeg nov ua ke ntev mas lawv mam nyiam tus uas muab ntsiag tos. Tab sis thaum luag paub lawm mas tus siab zoo nruab nrog cov phooj ywg yuav tsis tso nws tseg, yuav yog ib cov phooj ywg koom siab mus ib txhiab ib txhid tiag.

    Kuv zoo siab neb tuaj tham txhua yam rau peb lub neej niaj hnub no.
    avatar
    PijPauj
    Guest


    Txaus Luag Thiab Txajmuag - Page 10 Empty Re: Txaus Luag Thiab Txajmuag

    Post  PijPauj 8th December 2010, 7:42 am

    Nyob zoo KZKZ,

    Koj zaj lus ntawd mas yog ib qho zoo pivtxwv heev li. Koj tus uas pub mas yog pub los ntawm kev hlub kev tshua, kev txheeb kev ze kom koj siab nqig. Tab sis, qhov koj ua ntawd yeej cuag li yog koj txw kom lawv cia siab rau koj thiab nyob tos koj txoj kev pab lawm xwb. Twb vim yog lwm pejkum haiv neeg pom muaj pom txaus lawm es lawv thiaj ua ntsej lag muag dig, thiab thiaj ua liaj tau liaj noj liaj dav tau dav noj dav lawm xwb.

    Ua li koj tau hais los lawd, yog yus hlub lawv ces mam muab tswvyim pab lawv kom lawv txawj mus nrhiav rau lawv noj lawm tomntej xwb. Peb yuav tsum tseg tsis txhob cev nyiaj ncaj qha mus rau lawv noj ntxiv lawm. Kev muab nyiaj pub lawv ntshe yuav rhuav lawv tshaj li kev cia lawv mam peem lawv. Qhia lawv nuv ntse zoo dua muab ntse pub lawv.
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Txaus Luag Thiab Txajmuag - Page 10 Empty Re: Txaus Luag Thiab Txajmuag

    Post  koojziagkabzaug 9th December 2010, 12:51 pm



    Nyob zoo Pijpauj,

    Yog tim yus kev txom nyem los, yus thiaj yuam kev loj. Xav tias yus muab ib qho dua rhe ntawm yus lub siab mus ntshe luag yuav saib tsim nqe, tab sis luag tau dawb ces mus dawb xwb tsis muaj nqes li. Thaum ub tej laus hais tias nplooj tsawb tsis yog npuag, mab sua tsis yog kwv luag. Tab sis yog ua neeg dub muag li mab sua mas thiaj vam meej cuag ncua. Ua neej luag ntxhi li Peb Hmoob sib lauj tas li mas ua rau neeg txom nyem ib sid. ...hahahah...! Lam hais xwb xyov puas yog thiab.
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Txaus Luag Thiab Txajmuag - Page 10 Empty Re: Txaus Luag Thiab Txajmuag

    Post  koojziagkabzaug 9th December 2010, 1:30 pm



    LiajNtsu,

    Cas muaj ib tug xa tau tsab ntawv noc tuaj rau nws, kuv muab tso nov. Nws mam teb rau.


    Kheev Lub Neej Tig Tau Rov Qab
    Teb Rau Tus PhoojYwg LIAJNTSU Thiab Tsoom PHOOJYWG,

    Cov Phooj Ywg sawv daws, Hais txog Lub Ntsiab Lus Ntawm LUB NEEJ yog tias tseem Tig Tau Rov. Lub Ntsiab Lus nov, yog ib Lub zoo kawg, Koj Tus uas tau hais tawm rau peb nrog xav, nrog kawm, kom ib leeg txhawb ib leeg.
    Yog Peb Muab LUB NEEJ saib zoo zoo lawm. Lub Neej Tseem Ceeb thiab Muaj Nqes rau Peb Tib Neeg.
    Peb txhua tug thaum (ub) tseem yau, Niam thiab txiv Lawv qhia txhij, hais txhua rau Peb, twb vim yog Lawv ntshai tsam ib hnub peb hlob tuaj, Peb tsis tsim txiaj, tsis txawj, tsis ntse, los sis yuam kev Rau Ntawm Lub Neej, Lawv thiaj li tau qhia Peb ua luaj. Txawm yog lub sij hawm tau dhau mus lawm los Niaj Hnub nim no, Ntawm Peb LUB NEEJ nrog rau Peb tej me nyuam, peb kuj tseem qhuab qhia ib yam li Lub Neej thauv Cov Laus Qhia thiab.

    Yog yuav muab Lub Ntsiab ntawm kev ua neej saib kom zoo, yuav pom tau hais tias: Sijhawm Tseem Ceeb Rau Kev Ua Neej.
    Txhua Yam Yuav Zoo Yog Los Ntawm LUB SIJ HAWM Los Mus xwb.
    Yog li ntawv, Kev Ua Neej, Peb UA Nyob Rau Hauv Lub SijHawm lawm.
    Ntau zaus, Ntawm Peb Lub Neej, Tej zaum thaum Tseem Hluas, tsis ua twb zoo saib, tsis ua twb zoo ua, tsis ua twb zoo xav, ntseeg siab yam peb yuav ua, ras tsis txog tias ib hnub tsam yuam kev, es yuav muaj kev tu siab, mob siab rau hauv lub neej no li…
    Peb Muaj Ntau Tus, kuj paub qab paub hau, paub txob, paub txhawj ib txwm thaum hluas, tab sis Peb Raug Tej Phooj Ywg, los sis TUS HLUB Muab
    Peb Lub Sij Hawm Noj, Siv Yam Tsis Muaj nuj Nqes (raug dag ntxias) Thiaj ua rau Peb Xiam LUB NEEJ, Peb Thiaj tau yuam kev lawm los muaj.
    Txawm Koj yuav zoo li cas los, kuv hmov tshua txog koj.
    Kuv uas Yog JTT (Hlub-Hmoob) tau tuaj nyeem, tuaj pom Nej txhua tug tej lus noog, lus teb, Txoj kev xav, thiab kev tu siab rau Lub Neej. Kuv kuj Hlub tshua txog sawv daws kawg, los vim Kuv Tsis Muaj Txuj, Tsis Txawj, Tsis Muaj Hwj Huaj yuav pab kom tau sawv daws nyob kaj siab lug.

    Kuv yeej to taub li Nej txhua tug txoj kev xav, kev nyuaj siab, ntxhov plawv, thiab kev tu siab. Thov Muab ib lo Lus los txhawb Nej zog, seb puas yuav txhawb tau me ntsis…Kuv Xav Hais Tias Txawm Yog Lub Neej « KHEEV LAM TIG ROV QAB TAU Los . » Ntshe Peb Tseem Yuav nyuaj siab li qub, ntsib teeb meem li qub, thiab yog tus qub neeg li qub.
    Vim Peb tsis zoo li tej zeb tej tsua, tej paj xyoob, paj ntoo, tej nroj tej tsuag, tawg phaum tag, yuav tawg dua ib phaum tuaj.
    Lub Neej Tsuas muaj ib zaug xwb, yog tias tsis zoo ces tag lawm tiag tiag…Yog tias yuam kev, ces thim tsis tau rov lawm.
    Peb Lub Neej Tsis zoo li kev tsav luvfais, yuam kev , (paib taw dua nrav) tab sis tseem thim tau rov qab los mus dua. Yog Peb muaj lub neej saib zoo zoo, mas txaus tu siab kawg os cov phooj ywg.
    Txawm li cas, los txhob tu siab tag tag, kom Peb nco hais tias lub ntiaj teb no, txawm yog yuav nyob rau qhov twg los kev nyuaj siab yeej muaj puv npo.

    Lub ntiaj teb no, qub dhau lawm, laus dhau lawm, peb los nyob taug luag lw, thiab ris Luag li kev Nyuaj siab xwb.
    Yog Thaum Paub tseeb li no Lawm, NEJ Puas Tseem Xav Tig Lub Neej Rov Qab Los Thiab?
    LIAJNTSU, Thiab Cov Phooj, THOV TXHAWB Nej txhua tug lub zog tias:
    _Yav Tag Cia dhau nrog lub sij hawm os mog. Txhob Tu siab tag tag rau lub neej Vim tseem tsis tau lig.
    Vim LUJ NEEJ TSEEM CEEB Tiag Lawm. Lub SIJ HAWM Thiaj LI TSEEM Nres TOS… Hnub no, Tseem tsis tau lig rau Peb, kom Peb los nrhiav, los HUAS, los TXAIS Txoj Sia Tshiab Ntawm HUAB TAIS NTUJ,
    Nws thiaj yog tus yuav pub tau rau peb, kom muaj txojkev zoo siab, kaj siab xwb. Yog Hais Tias lub Sij hawm TSEEM Nres TOS, Yuav txhais tau tias: SIJHAWM TSEEM CEEB rau KEV UA NEEJ, rau tus uas yuam kev, tus muaj kev tu siab, yom?
    Kuv Xav hais tias nyaj Nej yuav to taub Sijhawm yog txhais li cas thiab?.
    Feem Ntau sawv daws yeej paub tias: yog sij hawm tseem muaj, tseem tsis tau lig, rau kev ua neej, peb tseem ua tau txhua yam.
    Qhov ntshai yog ntshai tsam sij hawm tag lawm xwb.
    Yog Sij Hawm Tseem nres Tos._ ces yog Yuav TOS TXHUA TUG kom mus tau qhov zoo, thiab Muaj qhov kaj mus li.
    Tsis Ntev tom Ntej no, Xyoo Tshiab twb Los yuav txog…Kom Peb Nco Tias ntxiv ib XYOOS rau hauv PEB lub Neej Lawm. Peb Yuav tsis nyob li no tag sim neej…Lub 12 Hlis Tim 25.Yog Hnub Peb Muaj Kev Zoo Siab, Kev Cawm Dim, uas yog Tus Cawm Seej Yexus Tau nqes los pab Peb tib Neeg. Peb Tso Siab Tau rau Ntawm Nws.
    SIJ HAWM YOG SIJHAWM: 1 hnub Vaj tswv tsuas pub muaj 24 xuaj moos, 1 xyoos los sis pub muaj 365hnub, los yog 12 lub hlis xwb…Nws Xav kom Peb paub siv lub sijhawm, Vim thaum yuam kev lawm yuav tig tsis tau rov qab…

    YAM VAJ TSWV NTSHAW NTAWM PEB: yog muaj peb lub neej, txoj sia, fij rau Nws, thiab los ua Nws me nyuam, thiab los txais Nws txoj kev hlub peb neeg ntiaj teb…
    Yam nws xav kom peb ua: nrhiav Nws txoj kev ua ntej (uas yog kev ncaj ncees), los txais yuav nws leej tub Yexus Tus tau los tuag theej Peb Neeg Ntiaj teb Lub txim…
    YAM NWS XAV KOM PEB PAUB: Yog PAUB TXOG NWS txoj kev hlub, Thiab Nws Txoj kev Cawm dim.

    SIJHAWM TSEEB CEEB: Peb ua neeg nyob, sijhawm yog sijhawm tiag tiag, txhua yam uas peb yuav ua tau, yog ua thaum sijhawm muaj xwb… Vajtswv pub 24xuaj moos rau Peb nyob ntawm ib hnub, Nws pub peb 365hnub rau peb ntawm ib xyoos, THIAB Nws pub PEB nyob MUAJ Ib lub SIJHAWM xwb, tsis pub tshaj….Txhua yam Peb xav tau, xav kom Muaj yog yuav tsum tau ua, tau nrhiav thaum peb tseem muaj txoj siab…thiaj li yuav tsis lig rau peb os cov phooj ywg….
    Los Ntawm: Hlub-Hmoob (JTT,france)
    I Wish You a very Happy New Year2011







    avatar
    Liajntsu
    Guest


    Txaus Luag Thiab Txajmuag - Page 10 Empty Re: Txaus Luag Thiab Txajmuag

    Post  Liajntsu 10th December 2010, 6:29 pm

    Nyob zoo os Kooj thiab cov phoojywg,

    Kooj ua tsaug ntau koj pab cov tus phoojywg ntawd cov lus txhawb siab tuaj tso ntawm no rau kuv pom os nawb. Kuv ces lam caws ntxiab xwb mus suav tsis txog li es twb mag tej tug me Tsaug loj loj los tsis pom li os. ua tsaug ntau nawb.
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Txaus Luag Thiab Txajmuag - Page 10 Empty Re: Txaus Luag Thiab Txajmuag

    Post  koojziagkabzaug 29th December 2010, 10:10 am



    Nyob zoo cov phooj ywg,

    Hnub no kuv tso ib tug phooj ywg ib zaj txaus luag rau peb hloov tswv yim me ntsis.


    6 Ntau Dua 8

    Muaj ib Tag Kis, Kuv Mus Yuav Khoom tom Khw (Marché MERCREDI Hmong).
    Kuv pom Muaj ib Tug Poj Niam Hmoob Muag ib Co Zaub Ntsuab loj loj, mos mos thiab ntxim qab kawg.
    Kuv nug Nws tias : « Tus niam tais, koj cov zaub nov, koj muag ib pob pestsawg os ? »
    Nws Teb kuv tias : « ib pob 2euros os. »

    kuv Txawm yuav tau 4 pob, ces kuv muab tau 8euros rau Nws.
    Nws txais lawm, ib me ntsis Nws txawm muab tau 2euros rov los rau kuv. Kuv ho rov muab rau Nws dua thiab. Nws hais rau kuv tias 6 ntau dua 8, koj muab Tshaj 2 lawm , Kuv tsis Yuav.
    Kuv tias 8 ntau dua 6, Nws tias kuv dag Nws xwb. Nws tsis yuav. Kuv Rov hais rau Nws tias 8 yeej ntau dua 6 tiag, los Nws tias kuv dag nws xwb.
    Kuv hais rau Nws ntxiv tias:
    « yog li, kuv mus lawm. Thaum twg koj xam tau (xam thoob)
    thiab Kuv rov ntsib koj, kuv mam li rov muab rau koj… »

    Kuv mus deb tsawv lawm , li ib ntsais muag, Nws mam li khiav khiav caum caum kuv qab los, rov los nqa dua 2euros.
    Qhov txaus luag, Thaum Nws rov los nqa nyiaj ntawm kuv Nws twb tsis nco ntshai tsam muaj tug lam nqa Nws zaub vim thaum Nws rov los txog twb muaj neeg coob coob, ib leeg tuav ib ob pob thiab nug nug tias cov zaub no ib pob pestawg.

    Par JTT
    1997
    avatar
    Liajntsu
    Guest


    Txaus Luag Thiab Txajmuag - Page 10 Empty Re: Txaus Luag Thiab Txajmuag

    Post  Liajntsu 25th January 2011, 7:56 pm

    Koojziagkabzaug thiab ib tsoom phoojywg,

    Peb Hmoob tau kev nyuab siab heev tsis qab siab ua dabtsi thiaj tsis tau tuaj nrog nej tso daj tso luag lawm os. Zoo li peb tej chaw nyob nim nphob xwb xuav cia tsis muaj tus tsuj li lawm. Vam tias ib me ntu tom ntej no peb yuav rov tuaj uasi li qub os lod.

    Nyob zoo nej os ib tsoom me phoojywg cov uas hmov thiab tshua
    .
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Txaus Luag Thiab Txajmuag - Page 10 Empty Re: Txaus Luag Thiab Txajmuag

    Post  koojziagkabzaug 28th March 2011, 4:18 am

    Pijpauj,

    Nws mus qhov twg lawm os...?
    Puas tau rov los tsev thiab, cas tsis hnov nws moo lawm?
    Yog nws pom tsab xov nov no tuaj hais HI rau peb nawb mog, peb nco thiab tos nws cov lus tuaj qhia peb ntau yam os....

    Txaus Luag Thiab Txajmuag - Page 10 Vivrenotreamour126633399668_gros


    avatar
    koobpovtxuj
    Sponsor
    Sponsor


    Messages : 1318
    Date d'inscription : 2010-04-05
    Age : 64
    Localisation : USA

    Txaus Luag Thiab Txajmuag - Page 10 Empty Re: Txaus Luag Thiab Txajmuag

    Post  koobpovtxuj 12th April 2011, 4:54 am

    Txaus Luag Thiab Txajmuag - Page 10 2328_210
    avatar
    Liajntsu
    Guest


    Txaus Luag Thiab Txajmuag - Page 10 Empty Re: Txaus Luag Thiab Txajmuag

    Post  Liajntsu 13th April 2011, 10:33 am

    Koobpovtxuj,

    Koj daim duab no muaj ntsis zoo li Awb Kaus Npua ne!!! Tusiab ntau uas tau pom peb tej tug kwvtij Hmoob yuav txomnyem ua luaj li os.

    Ua tsau ntau koj coj tuaj pub rau peb tau nawb.
    avatar
    Nrauglia
    Guest


    Txaus Luag Thiab Txajmuag - Page 10 Empty Txaus luag thiab txaj muag

    Post  Nrauglia 1st June 2011, 3:15 am

    Nyob zoo os Liajntsuab, Koojziagkabzaug, thiab Invite. Kuv yog nej tus phooj ywg tshiab Nraugliab tuaj pem tojsiab tuaj os, kuv tuaj pom neb sau sab sij huam tau txaus luag tiag tiag li os yom! 3 hmoob lub neej yav ntuj qub qab mas yog muab xav los mas txaus luag thiab txaus tu siab, txaus hlub tshaj li os yom.
    Neb piav ntau lawm ces ho cia kuv piav 1 zaj thiab.
    khwv yees li yog xyoo 1988, peb nyob lub zos Phamlaib, Lostsuas teb, kuv muaj 1 tug niam ntxawm hu ua Ntxawm Tsab, muaj 1 hnub thaum tav su nws mus ntais pob kws nram teb, thaum mus txog nram tog kev nws ntsib 1 tug txiv neej nplog, ces tus nplog txawm nug nws tias: 'MEJ XIAJ PAIS THAS NIB MI THAS PIJ NPOS?' niam ntxawm xav hais tias yog niag yawg nplog ntawv cem nws lawm ntag ces niam ntxawm txawm npau taws thiab cem niag nplog ntawv tias: 'THAS PIM, THAS PIM NTSHE MUAJ KOJ NIAG THAS QAU' niag nplog ntawv ntsia niam ntxawm hais npau taws vog ces nws txawm too hau ntshis mus lawm.
    Ib chim niam ntxawm los txog tsev niam ntxawm coj los piav 6 txiv ntxawm mloog tas txiv ntxawm mam qhia nws tias tsis yog niag nplog ntawv cem koj os koj niam, nws nug koj tias ' niam npawg txoj kev no mus puas muaj kev ncaim' no xwb hos, nws tsis tau tuaj dua es nws ntshai tsam yuam kev es nws thiaj nug koj xwb tsis yog cem koj.
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Txaus Luag Thiab Txajmuag - Page 10 Empty Re: Txaus Luag Thiab Txajmuag

    Post  koojziagkabzaug 1st June 2011, 10:20 am

    Hahhaah...!NraugLiab,

    Muaj tej thaum yus tssi nco ceev faj ces luag twb hais zoo zoo los yus tseem xav tus lem cees ua rau luag poob qab rooj kiag lawm thiab...hahahah...!

    Thaum 1975, teb chaws tawg, Hmoob khiav los coob coob txog Hinh Heup, ces muaj ib tug poj niam hluas, nws kuj tau tuaj kawm ntawv Vees Cam, yog cov ntxhais txawj ntse tau nrog lawv khias los txog ntawd thiab...Tom qab no nws tham rau peb mloog...Nws tham nrov heev, vim nws tau nyob nroog thiab paub lus Nplog zooooooo...Ces nws txawm hais tias: "Thaum peb los txog Him Hawj ces...hais Hee Heuk...Ntau zaus ces ib cov luag luag yuav tuag los nws luag nrog lawv thiab...hahhaah...Nws luag lawv, lawv luag nws...Ces xav noj tshuaj lawm xwb...Hahhahah...!
    avatar
    HMOOB110%
    Visitor
    Visitor


    Messages : 2
    Date d'inscription : 2012-02-06

    Txaus Luag Thiab Txajmuag - Page 10 Empty Txaus Luag Thiab Txaj Muag

    Post  HMOOB110% 6th February 2012, 6:17 pm

    Cov phooj ywg s/d nej hais tau lom zem heev li kuv thov qhuas nej s/d lub niam tswv yim zoo.
    Kuv yuav piav ib zaj rau nej s/d mloog! Khwv yees li xyoo 1965 thaj tsam ntawv. Muaj ib tug poj niam hmoob nws yog ib tug nyiam ua lag ua luam heev li thiab nws los kuj tsis nyiam ua lag luam nrog rau peb tsoom Hmoob.Feem ntau yog nws mus ua lag luam nrog rau haiv neeg Los Tsuas ntau xwb. Muaj ib hnub muaj ib tug tub kawm ntawv qib siab nyob rau hauv Dondok nws yog peb haiv neeb Hmoob. Ces tus poj niam Hmoob ua luam ntawd txawm mus muag nws cov dib ntsuab rau nram nroog Vietaine (Vias Cas). Ces tus tub hluas ntawd tuaj mus kawm ntawv tau ntau xyoo nws tsis tau noj peb Hmoob cov dib ntsuab lawm. Ces nws txawm los yuav dib ntsuab ntawm tus poj niam muag dib ntawv. Ces tus tub hluas nug ua lus Los Tsuas rau kuv poj niam Hmoob ntawd hais tias ib lub dib raug nqi li cas. Ces tus poj Hmoob cav ua tus keej keej lus Los Tsuas. Ces tus poj Hmoob ntawd txawm teb tias " Niam xiv (10 kips), niam xau (20 Kips), niam xam xiv (30 Kips), niam pim xiav (80 kips) " (:D18)hahahahah!. Ces tus tub hluas cia li txaj muag ces nws tsis yuav tus niam poj Hmoob cov div li lawm.
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Txaus Luag Thiab Txajmuag - Page 10 Empty Re: Txaus Luag Thiab Txajmuag

    Post  koojziagkabzaug 7th February 2012, 8:41 am

    HMOOB110%,

    Haahah...! Txaus luag heev, tej thaum hais lus tsis meej thiab xav tias hais yog lawm...

    Thaum peb nyuam qhuav khiav tom Nab Phoos tshiab tshiab los rau Vib Nais, nyob Nab Phoos, peb yog cov ntxhais kho mob tshiab uas Nais Mom Thaiv thiab Cua Thoj nkawd qhia. Muaj ib cov yog cov Nais Mom Thab Ham nyob Nplog teb los. Ces thaum peb nyuam qhuav tsiv los rau Vib Nais tshiab tshiab, txawm muaj ib tug Nais Mom qub thiab ib tug hluas ncig tuaj ntawm peb, ncig tuaj li yog xav mus tham hluas nkauj ua si, ncig li cov hluas nraug fwv fwv, tus Nais Mom yog ib tug neeg kheev tham thiab hais lus nrov tse...Ces peb txawm tham txog tshuaj muaj zog, tshuaj ntxiv ntshav...Kuv txawm hais tias:

    - Yog muab cov tshuaj Vitamine B (npes) Complex thiab cov vitamine B12 (npes duj zawm) los sib tob txhaj mas muaj zog heev.

    Ces tus phooj ywg Nais Mom txawm teb kiag khov kho thiab nrov tsev tias:

    -Tsis nawb! Yog muab cov vitamine B (npis) Complex thiab vitamine B12 (npis xiv xoom) los sib tov txhaj mas haj yam muaj zoo thiab zoo dua!

    Ces kuv muag muag txaj, kuv tsis muaj cuab kav teb lawm. Ces tus hluas nrog yawg Nais Mom ua ke cia li saib siab saib qes ces cia li muab tes los npuaj npauj yawg Nais Mom xwb pwg tias:

    Npis duj zawm thiab npis xiv xoom yog tib yam xwb, yawg wb mus os...!

    Ces nkawd mus lawm, kuv tsis rov pom tus tub hluas ntawd ib zaug ntxiv li lawm.
    Liajntsuab
    Liajntsuab
    Sponsor
    Sponsor


    Messages : 809
    Date d'inscription : 2011-12-04

    Txaus Luag Thiab Txajmuag - Page 10 Empty Re: Txaus Luag Thiab Txajmuag

    Post  Liajntsuab 13th February 2012, 11:12 am

    koojziagkabzaug wrote:HMOOB110%,

    Haahah...! Txaus luag heev, tej thaum hais lus tsis meej thiab xav tias hais yog lawm...

    Thaum peb nyuam qhuav khiav tom Nab Phoos tshiab tshiab los rau Vib Nais, nyob Nab Phoos, peb yog cov ntxhais kho mob tshiab uas Nais Mom Thaiv thiab Cua Thoj nkawd qhia. Muaj ib cov yog cov Nais Mom Thab Ham nyob Nplog teb los. Ces thaum peb nyuam qhuav tsiv los rau Vib Nais tshiab tshiab, txawm muaj ib tug Nais Mom qub thiab ib tug hluas ncig tuaj ntawm peb, ncig tuaj li yog xav mus tham hluas nkauj ua si, ncig li cov hluas nraug fwv fwv, tus Nais Mom yog ib tug neeg kheev tham thiab hais lus nrov tse...Ces peb txawm tham txog tshuaj muaj zog, tshuaj ntxiv ntshav...Kuv txawm hais tias:

    - Yog muab cov tshuaj Vitamine B (npes) Complex thiab cov vitamine B12 (npes duj zawm) los sib tob txhaj mas muaj zog heev.

    Ces tus phooj ywg Nais Mom txawm teb kiag khov kho thiab nrov tsev tias:

    -Tsis nawb! Yog muab cov vitamine B (npis) Complex thiab vitamine B12 (npis xiv xoom) los sib tov txhaj mas haj yam muaj zoo thiab zoo dua!

    Ces kuv muag muag txaj, kuv tsis muaj cuab kav teb lawm. Ces tus hluas nrog yawg Nais Mom ua ke cia li saib siab saib qes ces cia li muab tes los npuaj npauj yawg Nais Mom xwb pwg tias:

    Npis duj zawm thiab npis xiv xoom yog tib yam xwb, yawg wb mus os...!

    Ces nkawd mus lawm, kuv tsis rov pom tus tub hluas ntawd ib zaug ntxiv li lawm.

    Nyob zoo Koojziagkabzaug thiab Hmoob 110%,

    Neb mas tham lozem kawg li thiab hehehe. Hais txog pojniam Hmoob hais lus Lostsuas tsis meej mas muaj ntau heev li os cia kuv muab ib zaj rau neb mloog thaum ub peb nyob zos Lav 52 ces peb caij tsheb tuaj mus rau Vias Cas. Hnub ntawd peb tuaj mus ces peb txawm zaum sau lub lam qhas (qaum tsheb) muaj ib tug pojniam Hmoob laus txawm nrog peb zaum saud thiab nws thauj ib cov txiv lws txaij uas sawvdaws nyiam noj nyoos ntawd yuav tuaj coj mus muag. Nplog txawm muab tau ib thawb roj coj los tso tuaj saumtoj nws cov txiv lws ces nws txawm hais lus Nplog rau tus Nplog tias yam xub os nammav xaim thas thees cav noib tshwm tshwm namnav qhom cob npaum os
    Tus nplog cav totaub nws thiab muab taub roj tshem lawm ces kuv luag twjywm cia.

    Hos muaj ib zaug peb muaj tug ntxhais lawv mus muag pobtsawb thiab nceb ces tus Poj Nplog los nug tus nqi no txawm kim me ntsis ces tus Poj Nplog txawm hais tias tuag lau lau (tais leo tai leo) no rau tus ntxhais ces nws txawm xav tias ntshe yog Nplog cem nws tias tuag no ces nws ua heev heev rau niag Poj Nplog ciali saib saib ces khiav lawm thiab.
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Txaus Luag Thiab Txajmuag - Page 10 Empty Re: Txaus Luag Thiab Txajmuag

    Post  koojziagkabzaug 16th February 2012, 10:58 am



    Nyob zoo kwv LiajNtsuab,

    Hahahah...! Tej zaud mas yus yeej ntau nqes yuam kev rau yam puav li nws tus muam thiab tiag...Hahahah...! Thaum ub Muas Xwm lawv tuaj mus tsuj teb nyob xeev Luam Nab Thas, haiv neeg kwv txhoob yog ib haiv neeg me, lawv nyob twj cuab xwb ces lawv ntshai ntshai neeg hauv nroog, lawv ntshai cov thab ham. Txawm muaj ib tug Nais Npab yog xeem Muas thiab ces nws zoo siab heev tias tus nom tuaj nyob tshiab ntawd yog nws cov kwv tij lawm. Thaum cov thab ham mus hauv Kwv Txhoob zos, hais dab tsi kwv txhoob pheej teb tias: "Mom sim = tsis paub". Ces tus nais npab Hmoob ntawd txawm hais lus nplog rau kwv txhoob...Vos dis dis, wb vos dis dis, vos mom sis, mom sis, phib cais tam has, tam hav npaub!...Hahhaha...!
    Liajntsuab
    Liajntsuab
    Sponsor
    Sponsor


    Messages : 809
    Date d'inscription : 2011-12-04

    Txaus Luag Thiab Txajmuag - Page 10 Empty Re: Txaus Luag Thiab Txajmuag

    Post  Liajntsuab 16th February 2012, 1:55 pm

    koojziagkabzaug wrote:

    Nyob zoo kwv LiajNtsuab,

    Hahahah...! Tej zaud mas yus yeej ntau nqes yuam kev rau yam puav li nws tus muam thiab tiag...Hahahah...! Thaum ub Muas Xwm lawv tuaj mus tsuj teb nyob xeev Luam Nab Thas, haiv neeg kwv txhoob yog ib haiv neeg me, lawv nyob twj cuab xwb ces lawv ntshai ntshai neeg hauv nroog, lawv ntshai cov thab ham. Txawm muaj ib tug Nais Npab yog xeem Muas thiab ces nws zoo siab heev tias tus nom tuaj nyob tshiab ntawd yog nws cov kwv tij lawm. Thaum cov thab ham mus hauv Kwv Txhoob zos, hais dab tsi kwv txhoob pheej teb tias: "Mom sim = tsis paub". Ces tus nais npab Hmoob ntawd txawm hais lus nplog rau kwv txhoob...Vos dis dis, wb vos dis dis, vos mom sis, mom sis, phib cais tam has, tam hav npaub!...Hahhaha...!

    Nyob zoo os Koojziagkabzaug,

    Koj mas muaj dabneeg lomzem ntau ua luaj li tos peb pheej raws raws koj qab tsis pub koj so li os heehehe. Kuv ces kawg poob zoo li lawm os txhais tsis tau VOS MOM SIS thiab PHIB CAIS TAM HAS, TAM HAV NPAUB cov lus ntawd li tiag. Koj paub no ho qhia seb ntxim yuav txaus laug heev.
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Txaus Luag Thiab Txajmuag - Page 10 Empty Re: Txaus Luag Thiab Txajmuag

    Post  koojziagkabzaug 16th February 2012, 2:42 pm



    Hahahah...! Kwv LiajNtsuab,

    Twb yog tus Nais Npab ntawd ua nom, tsis txawj hais lus nplog es nws thiaj hais li ntawd xwb. Yog nws hais rau cov Kwv txhoob tias: " Hais zoo zoo, tsis hais zoo zoo, tsuas hais TSIS PAUB, TSIS PAUB xwb, ib ntsis thab ham chim ces thab ham muab nej ntaus".
    Liajntsuab
    Liajntsuab
    Sponsor
    Sponsor


    Messages : 809
    Date d'inscription : 2011-12-04

    Txaus Luag Thiab Txajmuag - Page 10 Empty Re: Txaus Luag Thiab Txajmuag

    Post  Liajntsuab 20th February 2012, 10:00 am

    Oh lod!! txaus luag thiab txaus hlub tiag li os yog li ntawd na Laughing Laughing .
    Nraug Liab Toj Siab
    Nraug Liab Toj Siab
    Sponsor
    Sponsor


    Messages : 774
    Date d'inscription : 2011-05-31
    Age : 37
    Localisation : Nyob ntawm koj ib sab.

    Txaus Luag Thiab Txajmuag - Page 10 Empty Re: Txaus Luag Thiab Txajmuag

    Post  Nraug Liab Toj Siab 21st February 2012, 3:13 am

    Nyob zoo Koojziagkabzaug thiab Liajntsuab, yav ntuj qub qab vim peb hmoob tsis txawj lus nplog zoo es thiaj li ua tau tej yam niag txaus txaus luag thiab ntxim ntxim hlub li ntawv os.

    Neb tham tau lom zem heev ces cia kuv ho tham 1 zaj rau peb s/d tau nyeem ua si thiab seb yom: tom qab thaum xyoo 1975, tsoom fwv Los Tsuas tau tuaj xaiv nom, xaiv tswv, xaiv Nais Npab(Thawj Tswv Zos)dua tshiab, thaum lawv tuaj txog ib lub zos hmoob ces tus twg los tsis txawj, tsis paub ntawv Nplog li, ces cov nom nplog ntawv thiaj li hais tias hais li no tsis muaj tus paub ntawv Nplog li no ces yog leej twg suav 1 txog 100 ua lus Nplog tau ces muab Nais Npab rau tus ntawv ua, no ces txawm pib ib tug zuj zus los mus seb leej twg suav nto, tus twg los suav tsis nto 100 li lauj, suav suav dhau los lawm coob tus los tsis muaj tus suav nto 100 li, tej tug ces suav txog 18,19 xwb ces tsis paub 20 xyov lus nplog hais li cas lawm, ces txawm los txog yawg Nkaj Tswb thib, yawg thiaj suav: Neej(1), Xoom(2), Xam(3), Xij(4), Hab(5),... yawg suav suav mus txog ntua Kaub Xiv Kaub(99) ces txawm cia li rov suav tias: "Cev xiv(70)" no lawm thiab xwb lauj, ces tag li tsis nto 100 thiab, tshuav kiag tib lo lawm xwb tseem suav tsis tau lawm thiab ces ua siab xaiv tsis tau Nai Npab li. Hahahahahahahaha.

    Sponsored content


    Txaus Luag Thiab Txajmuag - Page 10 Empty Re: Txaus Luag Thiab Txajmuag

    Post  Sponsored content


      Current date/time is 29th March 2024, 1:48 am