Dr.Shoua Yang cov lus tham kev ua haiv ntawm peb Hmoob

Nyob zoo os Koojziagkabzaug ,Maiv thiab cov Phooj ywg sawv daws.
Ntev loo los lawm ib tus tsis tau tuaj nrog sawv daws txuas lus
vim kev khwv noj khwv haus nce toj nqes hav thiaj tsis tau tuaj nrog sawv daws txuas lus os
lub siab xav ntsoov tias cov Phooj ywg sawv daws yuav ntsib kev noj qab nyob zoo li qub.

Peb mloog Dr.Shoua Yang cov lus tham kev ua haiv ntawm Hmoob yuam.



[youtube][/youtube]

Nyob zoo os Koojziagkabzaug

Xav tuaj txuas lus hauv cab sab kawg li kom ntxiv hnub nyoog rau yus nyob kom ntev mus ntxiv los
lub luag hauj lwm zoo li tsis dim tes li thiaj tsis tau tuaj xwb os lub siab xav ntsoov Maiv Paj neb thiab cov phooj ywg txhua lub caij
tsis ploj li os.
Zoo siab uas txiv plig Cwj Vuam Chiv tseem nug txog thiab os.
Lub caij no nyob Fabkis teb yuav pib sov lawm los tseem no thiab nas.
Ntuj qub qab mas sov kawg li yog los kob puav nag kuj txias zog xwb.

- Yog lawm, Kev ua haiv; Yam plaj zoov nuj txeeg....Ntov ib tug vau, Nqha ib koog; Yam ncauj hniav....Lov ib tug, Tsi zoo nkauj; Tsi zoo nraug lawm....Yuav tsum paub tu siab....Paub los kua muag, Nrhiav tswv yim; Muab dab tsi? Ntsia dhos ntxiv, Txhob nrug; Txhob qias....Txhob khoob, Yuav tsum tig xav....Nrhiav kev tawm tswv yim, Koom ua ke; Moj them nqag kab....Thooj siab koom ntsws, Xyoob ib txooj; Ntoo ib tsob....Chim koom siab, Mob koom xeem....Ntsim koom haiv, Sawv tawm tsam; Nrhiav kev kev ncaj nceeg....Ua haiv neeg, Kev chim; Kev mob siab....Kev ntsim plawv, Tsi yog ib leej tug twg li; Yog haiv li tas nrho....Kev chim, Kev mob siab; Kev ntsim plawv....Tsi yog ib pliag, Ib chim; Ib tsam....Hnub nag, Tas kig; Yuav nyob mus tas....Pua txhiab tiam neej neeg, Uas tseem muaj hmoob nyob lub ntiaj teb; Qab ntuj khwb no.

- Hmoob nyob txog, Lub teb chaws twg? Los hmoob ib txwm, Coj li ntawd? Hmoob tsuas heev ntawm ntug cub, Dhau sab nraum; Hmoob tais caus lawm....Hmoob ntshais tuag kawg, Hmoob tsuas heev; Rau hmoob xwb....Yog mab sua ua mas, Hmoob tuag tsaig kiag; Hmoob tsi nti hlo....Ntiav kom hmoob hais, Hmoob co hau nto; Yog hmoob ib nyuas nphav hmoob mas....Hmoob rub zom tom hniav pua ntas, Twb tsi yog khawb li; Thaub khawb....Suav khawb hmoob toj ntxas, Faus ib nyuas ze zog; Faus ncaj zog....Txhuam rhuav me ntsis mas, Hmoob ua plaub kiag; Npav khawb pov tseg....Hmoob mas, Phem dhau lawm; Tsuas ntxim....Mab sua ua, Pub thawj los tsuas "Khawb kiag" No hmoob ho tsi hais li, Cuag hmoob tuag tas; Hmoob yeej....Tsi hlub hmoob, Hmoob tsi hwm hmoob; Hmoob tsi zam hmoob....Hmoob zam, Hmoob tug yeeb ncuab; Hmoob hlub....Hmoob tug yeeb ncuab, Yog mab sua ua mas; Hmoob nyob twb ywm....Tsi ntaus nrov kiag, Thaum hmoob tej laug; Ua plaub toj ntxas....Ua yeeb swb, Npav sib tua; Tab sis niam no....Tuaj nyob nrog mab sua, Mab sua faus caij kiag; Faus npuab kiag....Txawm mab sua khawb kiag, Nyom pov tseg; Hmoob tsi hais hlo....Cuag xuas ntaub nplaum lo ncauj, Cuag xuas ntsuas phoo xauv ncauj kiag; Hmoob tseem ua....Mab sua tsaug thiab, Kuv pom ntau zaug; Thaum peb nyob nroog looj ceeb....Hmoob ua plaub toj ntxas, Ib nyuas faus ze zog; Ib nyuas ncaj zog....Ib nyuas tsooj zog, Tom qab no; Nplog liab los yeej teb chaws....Cov ntxa nom, Txim pob zeb zoo; Puab xis mas zoo....Nyob looj ceeb, Moos cab; Nplog liab luaj xov khawb....Tshawb nyiaj kub, Dawj nyom pov tseg; Tsi muaj leej twg? Hais tau nplog liab, Koos paj cai li; Hmoob heev ntawm ntug cub xwb tias.

- Vim li cas? Kuv hais li, Lub yeej kaw neeg raug txim:...Pha Khao....Lub me nyuam nqaj roob ntawd, Yog toj ntxas tas nrho; Nai phoo vaj pov....Tso cai thaib xuas tsheb:....Trucktor....Nrau kuam du lug, Tsi muaj tug hmoob twg? Txhwj cheem tau, Nai phoo vaj pov li; Tshav dav hlau phav kheb....Tshav dav hlau:...Nam Pha noi....Tshav dav hlau, Nab nyoos; Los tib yam nkaug, Tom qab no; Tuaj nyob thaib teb yeej vib nai....Thaib tuaj nrau xoom tsib, Xoom cuaj los tib yam nkaug; Peb cov lwm thawj coob tug....Tsi kam thaib nrau, Tab sis vwj mais; Tso cai thaib nrau tej toj ntxas ntawd....Tsheej pua lub, Muaj ntau tug neeg tuag "Tsi lwj" Tseem zoo li qub, Tej tug tseem los ntshav liab vog; Los muaj li....Tej nywj no, Yog hmoob ua rau hmoob xwb.

Nyob zoo Xiongchang

Tej koj piav no yeej muaj tseeb yav dhau los, Hmoob yuav tau kho Hmoob tiag thiaj yuav peem tsheej los ua ib haiv neeg zoo
Hmoob yeej cib nyeej xam txeem siab kub siab me ib tug tsis zam tug nyias khav nyias txawj nyias khav nyias ntse ,tus ntse tsis hlub tus ruam
tus muaj tsis hlub tus pluag ,Hmoob tsis txhawb Hmoob ,Hmoob tsim txom Hmoob ,Hmoob tshum Hmoob ...li muaj ib tug coj los sawv daws tsis xav poog yam li cov Xib Fwb kev ntseeg Yesxus los kev cai Poj koob yawm txwv thaum kawg sib tawg muaj koj pab kuv pawg ...
Cia seb txheej hluas tam sim no puas yuav muaj rab peev xwm los rub Hmoob kev ua haiv los sib hlub ua pab mus ua pawg rau lub koom txoos.



[youtube][/youtube]

Nyob zoo tij laug Xyooj tsab, tij laug Hmoob Ntujqubqab,

Hmoob tus cwj pwm xov liam rau Hmoob, thaum peb phaum tub ntxhais hluas uas coob tshaj plaws hauv keeb kwm Hmoob nyob Vees Cam, ua ntej teb chaws tawg 1975, tau tsa Koom Haum Txhim Kho lub neej Hmoob. Kuv muaj kev cia siab zoo tias cov laus tsis txawj coj, tsis txawj kav los cov hluas muaj txuj, qhov muag pom kev yuav los kho Hmoob rau kev vam meej no tab sis tom qab no yog peb phaum hluas los tuav plaub tsawg ntuj, cas cov laus tus hneev taw tsis ploj kiag li, tseem txawj lim hiam tshaj qhov qub lawm thiab ces kuv cia li tag kev cia siab lawm...Thawj zaug uas kuv hnov kev lim hiam ntawm peb phaum hluas yog thaum sawv daws nyuam qhuav tuaj rau As Mes Kas tsis ntev, muaj sab laj Koom Haum, ib tug tub Kawm qub nyob Lycée Vientiane lub zeem muag txawv tus Tub Kawm qub nyob Kev Cai Lij Choj (Kodmai) ces ntawm Rooj Sab Laj, tus Tub Kodmai tab tom haus dej, tus Tub Lycée cia li tsa loo ko tawd ncaws lub tav toj rau tus Tub Kodmai lub khob tawg kiag ntawm qhov ncauj, hlais qhov ncauj ntsav liab vog...TEJ YAM ZOO LI NO CES HMOOB TXOJ KEV NTSHAW TEB CHAWS, NTSHAW IB HAIV POOB PUAG NRAM KHUAB HA LAWM, TSUAS MUAJ UA NTXOOV TES NTSIA XWB YUAV TUAV TSSI TAU NTAWM TES, XO TSIS TAU NTAWM NCAUJ, VIM YOG NYOB HAUV HMOOB COV ROJ NTSHA LAWM.

Dua li, kev ua tshoob ua kos, yog tub ntxhais yuav Hmoob mas twb tsis yog hais tshoob, yog ua plaub dawb xwb. Kuv laus neej li nov, xeev xwm paub los mus twb yuav txog ib nrab Tiam Neej (1/2 xadtavat), kuv tsis tau pom ib rooj tshoob Hmoob es tsis muaj qhov txhaum li, rooj deb ze los puav leej txhaum tib si. Yog yuav mab yuav suav no ces tuag e, tsis hais dab tsi li...

Kev sib deev poj deev sev tib yam, yog ncaj rau Hmoob ces ua liab ua ntsuab, txij ntuj txij teb txawm tau deev thiab tsis tau deev los nias qees; muab tej poj niam ntaus ntaus nqaij ntuag ntshav nrog, ntsuab cuag tus tuag. Yog ntsib tsum mab sua no ces cuag li tsis muaj dab tsi tshwm sim li...Kuv pom tej yam zoo li no, kuv yog poj niam, kuv yog ntxhais qhua, kuv tsis yog tub cag tuav ncej dab tab sis kuv lam hais ib los lus tau PEB COV TXIV NEEJ HMOOB UA TXIV TSEV, TSWJ PEB HMOOB LUB NEEJ TXOJ KEV CAI LIJ CHOJ: xAV KOM NEJ LIM HMOOB TEJ ROJ NTSHA ME NTSIS LOS UA NEEJ THIAJ YUAV COJ TAU HMOOB MUS RAU KEV VAM MEEJ. YUAV NTSIA MAB SUA UA NEEJ, QHOV YUAV XYUAM PHAJ KOM RAU NOM TSWV, YOG YUS MUAJ CAI LUAG TXHAUM MAS TXAWM YOG RAU HMOOB RAU MAB SUA LOS PEB YUAV TSUM TAUG TXOJ CAI MUS. TXAWM TXOJ CAI LUAJ PLAUB HAU XWB LOS PEB YUAV HWM MAS THIAJ YUAV UA TAU IB HAIV. YOG NEJ TSIS HWM TXOJ CAI CES NEJ TXAWM YUAV TXAWJ TUAV NTSE NPAUM LI CAS LOS YEEJ YUAV KAV TSIS NTEV.

Nyob zoo Koojziagkabzaug

Hmoob ces zoo li nws piav los no ntag yog Hmoob tseem muaj haiv muaj teb muaj chaw ua ntiag tug thiab mas ntshe haj yam yuav sib tshom sib ntaus sib tua sib ciav sib cais ua lwj ua liam ceeb laj peem tsheej los ua ib haiv neeg zoo .
Hmoob ces ntxim mus zwm luag lwm haiv neeg nkaus xwb thiaj yog qhov zoo leej twg tawv mag xauv kiag no ces Hmoob suab ntsiag zoo kawg li.
Ntshe ntuj yeej tsim kom Hmoob tsis muaj teb muaj chaw ua Hmoob tug os, cia dai luag qab zej mus hauv zos cia luag lwm haiv kav yuav zoo thiab kaj siab dua .

- Awb me muam kooj ziag kab zaug aws, Hmoob lub nco; Ntshe ceeb laj kho tau os....Yog av luaj quas lawm, Thiaj tas plaub; Kuv yeej pom....Hmoob tug cwj pwm phem no, Thaum nyob looj ceeb; Tom qab teb chaws tawg.....Sawv rog cob fab, Kuv yog tug pib hauv paug tsa nres xeem:....November 25, 1975; Nyob roob tuam laj cag:...Phou bias....Ib xeem hmoob muaj ib tug nres xeem hwj xwm tswj nws cuab xeem kom ncaj nceeg, Nyuam qhuav pib ruaj cag; Swb rog lawm....Khiav tuaj txog sab thaib rov pib dua:.....December 25, 1979, Zoo li ib nyuas zoo saib zog; Cas kuv tuaj txog....Teb chaws mes kas, Tseem haj yam phem nkhaus dua; Ob zaug ntawd lawm....Kav liam mas, Cia ua li; Phooj ywg hmoob ntuj qub qab hais os....Mag mab sua tsuj caj dab nrov qawv, Suab ntsiag zog; Hos yog hmoob mas....Niam txiv poj yawm twb tuag tau ib puas tawm xyoo, Tseem hais qeeg; Tsuas ntxim tsi muaj teb chaws xwb os; Txawm muaj kiag....Ib thaj av, Los yeej tsi sab laj ntaus tswv yim txhim kho os; Tsuas niaj hnub sab laj ntaus tswv yim; Ua hluas, Yos hav zoov; Nuv ntses....Mus nplog teb xwb, Hmoob cia ntxim kob fuam kiag; Siab thiaj nqeg os.

Hmoob ntuj qub qab wrote:Nyob zoo os Koojziagkabzaug ,Maiv thiab cov Phooj ywg sawv daws.
Ntev loo los lawm ib tus tsis tau tuaj nrog sawv daws txuas lus
vim kev khwv noj khwv haus nce toj nqes hav thiaj tsis tau tuaj nrog sawv daws txuas lus os
lub siab xav ntsoov tias cov Phooj ywg sawv daws yuav ntsib kev noj qab nyob zoo li qub.

Peb mloog Dr.Shoua Yang cov lus tham kev ua haiv ntawm Hmoob yuam.



[youtube][/youtube]

Dr Shoua Yang hais tau rau hmoob nyiam heev tab sis kuv xav tias hais tau nyhav kawg rau thaib xyov ua puas tau li cov lus hais.
Yog sawv tsees los coj hmoob es ua tau raws nraim nws cov lus hais no mas thiaj li yog hais tau ua tau nawb.
Kuv tsis thuam Dr Shua Yang tab sis yog hnub mus hais ho hais tsis tau li no ces hmoob yuav poob siab rau nws.

- He...he....Phooj ywg! Koob pov txuj as, Luag tej laug; Piv ntuj nrag lug tias....Txoj kev zoo kawg "Tab sis' saib tug txiv nees dhia; Puas kawg ncua....Hais lug mas yooj yim "Tab sis" Thaum nqeg tes ua kiag, Tsi yooj yim li hais; Yog ib qho nyuaj kawg....Thaum nai phoo vaj pov tseem muaj txoj sia ua neej, Yog leej twg? Muaj cuab kav nrog nai phoo vaj pov, Sib cav yeej swb lawm; Tug ntawd thiaj hais taug "Ntawm thaib" Kuv paub zoo, Hmoob quav tawv thawj thooj xwb; Peb cov qub nom....Major, Lieutenante Colonel And Colonel; Twb tsi muaj tug....Muaj peev xwm nrog nais phoo vaj pov sib cav ib zaug li, Nai phoo nthe ob suab; Ces ntsej muag ntshaus mluag mlob....Khiav nkag kawg, Nyo hau ua; Yuav yog....Txawm yuam kev, Tsi nug ib los kiag; Thaum peb nyob yeej vib nai....Tseem ntshai, Cov nyuas uas xuam kawg; Yog uas xuam tuaj txhom poj niam ua....Zaum twj ywm qe muag, Kuv nrog thaib ua hauj lwm; Kaum peb xyoo....Nyob teb chaws thaib, Kuv paub zoo kawg; Hmoob heev ntawm ntug cub xwb....Sab nraum, Hmoob tais caus kawg....hwb....hwb.... .