Phoojywg,KoojziagZaug,zoosiab uas nej tseem muaj lubsiab dawb paug txais tos tub zovtsev tuaj ua nej tus tub zovtsev,es kuv zov nej lub tsev Vajsab ces nej mus nqaumpaj nqaum ntsuas ces nej ho qhwv hnyuv ntxwm nqaij qaib,npua,nyuj twm los rau tubzov tsev zaum tsawg noj seb puas tsau plab os,vim thaum Tubzov tsev,tseem yog tubhluas mas hluas nkauj yeej nyiam kawg thiab tabsis yog tsis paub tham xwb,Tubzovtsev mam tham dabneeg rau nej mloog nawd,hais txog tubzovtsev lubneej ntuj qub qab mas yeej tsaug tej laus muab txib mus rau ub rau no,ua dab tsov luag los mus li,luag hais tias txoj kev ntawd muaj muaj pojntxoog,tabsis yus mus ho tsis pom abtsis kiag li,tej zos tau piav los saud,tseem tshuav txoj kev mus ntawm lub zog Najxeem tau kuv ntawd,kuv tau mus kawmntawv nyob rau XaasThoos,yog xyoo 68 cob rau 70 es XaasThoos tawg,peb mus ntawm peb zos NajXeem mus rau RoobTsua hnab,nqis rau nram havdej naj Xub tshuam rau dej zaj,hla ib lub zos HmabDaum mam li hla Dejzaj nce toj mus rau pem zos MoosPeej uas dablaug NkajTswb ua neeb ev Npua ua neeb,ces mam li mus rau zos Tiaj nqeeb,mam mus rau XaasThoos,simneej no,txoj kev nce ntawm dejzaj mus rau pem moosPeej ntawd mas qhuavsiab tshaj plaws li,koj pom nroj paj dawb,dawb vog lawv kev hos txiv tsawb txho mas daj vog lawv ntug kev nqhis kawg kiag,koj muab de noj tabsis tsis qab li,tsuag tsuag xwb,haus dej los sov so xwb,mas kho siab zim aud phooj ywg awd,muaj ib zaug hmovnoj tas ces kuv thiab kuv ib tus txiv ntxawm wb rov los ev mov tim tsev,ces wb los hla dej zaj los nce nto Roob Ruas Hnab ces wb sib faib kev ces txiv ntxawm mas tiavhluas hlo lawm hos Tubzovtsev ces tseem tsis tau tiav hluas pes tsawg,yawg hais kuv tias tub wb sib faib kev no es kuv li ces qhov no rau tim peb tsev lawv ua teb ti tim peb zos lawm,kuv yuav tsis ntshai abtsis lawm,ram no tshav ntuj twb ntab tag lawm thiab,koj mus koj ibleeg xwb txhob ntshai nawd ua siab tus tus ces kuv nqis rau nram dej NajXeem mas hav tauj havnqeeb cua tuaj ntxuaj ntxiag 2 sab pob ntseg,tsis mloog abtsiis kiag li,mam hla dej sabtid mus nce toj ho yog hav txiv yeem lawm thiab,nce ib plag toj mus tseem mus hla ib lub zos toj ntxas,mas txias siab tiag tiag li,mam li mus pw tim TsomNyiaj Xyooj lawv zos najXeemtaib, ib hmos tag kid,mam li mus ib tag kis thiab mam mus txog tom tsev Najxeem kaas,txoj kev ua neej nyob tebchaws los tsuas, taug kev ces rus yog ua dab ua tsov luag xwb tiag,cov phooj ywg es kuv yuav mus ua hauj lwm thiab ces tham li no xwb,Tubzovtsev muaj sij hawm mam rov tuaj zov nej tsev dua os mog, nyob zoo.
koojziagkabzaug wrote:
Nyob zoo me Tubzovtsev,
Zoo siab txais tos peb tus me Tubzovtsev tuaj rau peb lub zos tshiab.
Ua li nws puas kam tuaj pab zov peb lub tsev no thiab yuad?
Vim peb tsawg tsawg, peb khwv khwv ais peb twb tuaj xyuas tsis cuag ncua, xav xav kom muaj ib tug tuaj zov tsev, ua li zaum no twb ho muaj me Tubzovtsev tuaj txog lawm, xav thov nws tuaj pab zov peb lub tsev ib ntus kom peb dim tes me ntsis mam li rov tuaj cheb vaj cheb tsev.
Wow...! me phooj ywg, cas nws nim yuav tham tej me qub zej qub zog kho siab zim xwb nas yuad! Kuv kuj tau hnov txog cov npe zos nws hais ib txhia, tab sis puav leej tsis tau mus txog li. Peb yog cov mus xeem xej nyob Phuv Xam Loj xyoo qab uas nws xeem. Kuv tau hla Phuv Xam Me ib zaug mus xwb; dua li Nab Luam tej ntawd hnov npe xwb tsis tau pom.