google-site-verification: googlefbfddf59e706b96b.html

Latest topics

» TUS KAB MOB CANCER TXOV HMOOB LOS TAU ZE 600 TAWM XYOO & TSEEM YUAV MUAJ NTXIV
by Liajntsuab 13th April 2018, 11:57 am

» Ib tsoom Phoojywg Nej Nyob Licas lawm
by Liajntsuab 24th March 2018, 2:14 pm

» ***UA NEEB***
by shung 8th March 2018, 5:49 pm

» Neeb Saub ua rau neeg vwm
by shung 4th February 2018, 2:58 pm

» Xiong Chang
by koobpovtxuj 10th December 2017, 11:00 am

» Koobpovtxuj.
by koobpovtxuj 19th November 2017, 1:34 am

» kuv cov duab.
by koobpovtxuj 18th November 2017, 11:30 am

» KHAWV KOOB
by koobpovtxuj 30th September 2017, 4:29 pm

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

» Kiab toom lauj npliaj yob lub qub tsev.
by Admin 1st August 2017, 5:04 pm

» Kawm LUS ROV
by koobpovtxuj 10th July 2017, 1:54 pm

» Hmong dance hiphop 2017 [ dance zoo siav heev li]
by zabyaj 15th June 2017, 12:05 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    Leej Txiv Puas Cob Qhia Tau Lawv Cov Me Nyuam Thiab?

    Share
    avatar
    MayPaj
    Spammer
    Spammer

    Messages : 488
    Date d'inscription : 2010-02-25

    Leej Txiv Puas Cob Qhia Tau Lawv Cov Me Nyuam Thiab?

    Post  MayPaj on 18th April 2010, 7:29 am

    LEEJ TXIV PUAS COB QHIA TAU COV ME NYUAM THIAB?



    Ib nkawm niam txiv hluas ntsia nkawv tus me ntxhais uas
    muaj 6 hli ncav mus muab ib qho khoom ua si nyob hauv
    pem teb ze ntawm nws xub ntiag. Nqe tsam nws kuj txa
    tau mus ze qhov khoom; nqe tsam nkawv kuj txa nws mus
    kom deb qhov khoom. Qhov leej niam xav tau mas yog muab
    qhov khoom txa los ze kom nws ncav cuag los sis muab
    txais tes los txhawb tus me nyuam qab xib taws xwv nws
    thiaj cuab tau zog ncav mus ntxiv. Leej txi mas xav cia nws
    tus me ntxhais sim ua kheej. Qhov leej niam xam pom mas,
    thaum nws nca tsis tau ces yuav ua rau nws chim thiab
    nws xav tau kev pab. Qhov leej txiv xam pom mas, nws yuav
    xyaum ua tau kheej yog cia nws mam sim ua, txawm nws
    nca muab tsis tau zaum no los tsis ua li cas. Txoj hau kev
    twg thiaj yog txoj zoo rau cov me nyuam? Txoj twg los yeej
    zoo. Kev tshawb xyuas qhia tau rau peb tias cov me nyuam
    yuav paub tab dua thaum lawv muaj kev cob qhia txawv los
    ntawm leej niam thiab leej txi. Me nyuam yeej tsis ntxov siab
    txog qhov nws niam thiab nws txiv tu nws. Qhov tseeb tiag
    mas, cov me nyuam kawm tau tias ob tus neeg yeej muaj
    cuab kav muab tau kev hlub tshua rau lawv. Thiab thaum
    yeej muaj ntau yam uas leej niam thiab leej txiv tu lawv cov
    me nyuam mos txawv los yeej muaj ntau yam zoo sib xws.
    Ob tug niam tug txiv puav leej muaj cuab kav cob qhia thiab
    tu kom nws loj hlob cus plaws tau.




    Tus txiaj ntsim ntawm qhov muaj leej txiv tu nrog
    Cov me nyuam uas muaj leej txi nrog cob qhia txaus nkaus
    yeej loj hlob tau cus plaws tshaj cov uas leej txi cob qhia tsis
    txaus. Lawv yeej muaj tswv yim los daws teeb meem zoo
    dua thiab tsis tshua muaj tej kev ntxhov siab, txawj yoog,
    tob taub txog qhov lwm tus xav, thiab txawj yoog tau nrog
    lwm tus. Qhov leej txi nrog cob qhia txaus yuav ua rau tus
    me nyuam muaj lub siab tus, txawj coj, thiab txawj mob siab
    mus soj ntsuam thiab nyiam kawm.

    Qhov ua kom leej txi tu ncua txoj kev tu
    Txawm poj niam thiab txiv neej yeej muab cuab kav kawm
    kom paub tu me nyuam tib yam nkaus los, cov niam yeej
    yog tus xub tu me nyuam ntau tshaj. Kuj muaj ntau qhov
    paus ntsis hais tias yog li cas thiaj zoo li no:



    Txiv neej tsis swm nrog cov me nyuam ntau li cov
    niam .Hauv peb lub neej, cov niam thiab cov ntxhais yeej
    xyaum tu me nyuam tas li xws li zov me nyuam, pab lwm
    tus zov me nyuam, tu nws tej me nyuam. Cov me tub
    thiab cov txiv neej hluas yeej tsis tshua kov tej hauj lwm
    no. Vim li no, cov txiv neej thiaj tsis tshua kam zov los sis
    tsis tshua txawj tu tej me nyuam.


    Txiv neej pheej tsis xav tias lawv muaj qhov txhob li cov
    poj niam
    los kawm tu lawv cov me nyuam. Vim li ntawd,
    lawv yuav tsis tshua nrhiav kev qhia los ntawm cov tub
    txawg, tsev neeg, phooj ywg, thiab lwm qhov chaw kom
    lawv txawj tu me nyuam.


    Thaum cov niam ua tus tu me nyuam xwb, lawv kuj txawj
    tu thiab saib cov txiv li cov tsis tshua txawj. Thaum zoo
    li no lawm, qhov tu me nyuam ces yeej hais tau tias leej
    niam yog tus tu ntau dua, kawm tu ntau dua, tso siab tu
    ntau dua, thiab ua tus muaj feem xyuam ntau dua los tu
    tej me nyuam ntau zuj zus ntxiv. Thaum no ces cov txiv cia
    li tsis tshua tu, tsis tshua kawm tu, thiab tsis tshua muaj
    peev xwm los tu tau me nyuam lawm. Thaum pheej zoo
    li no lawm ces, cov niam yog cov tu ntau tshaj, cov txi cia
    li tsis zov tu tej me nyuam lawm, thiab cov me nyuam los
    yuav tsis tau txais tej txiaj ntsim los ntawm ob tug niam
    tug txiv lawm.


    Kev ua ib tsev neeg thiab kev noj kev haus muaj cuab
    kav ua kom qhov muaj leej txi nrog tu no tu ncua. Nyob
    li tej tsev uas muaj ib leej niam lawm xwb, tej tsev sib
    nrauj los sis sib cais lawm ces, cov txiv yuav tsis nyob
    nrog lawv cov me nyuam lawm. Txhua hom tsev neeg,
    cov poj niam thiab cov txiv neej yeej ntsib txoj kev khwv
    kom tsev neeg txaus noj txaus haus los sis mus ua hauj
    lwm ces lawv yuav los nyob tu tej me nyuam tsis tau
    raws li siab xav. Txoj kev khwv thiab txoj kev mus ua hauj
    lwm haj yam ua rau cov txiv tsis muaj lub ciaj los nrog
    tej me nyuam nyob li qhov lawv xav.
    Qhov zoo tshaj rau tsev neeg
    Txawm leej txi yuav muaj kev tu ncua los nrog tu lawv cov
    me nyuam los, ob tug niam txiv txoj kev sib hlub yeej muaj
    cuab kav los daws tau tej kev tu ncua no. Yeej muaj ntau
    txoj hau kev uas cov niam thiab cov txiv muaj cuab kav los
    sib pab tes dej num tu thiab txawj cob qhia tau lawv cov me
    nyuam. Thaum koj xav txog koj tsev neeg, tej zaum koj yuav
    xam txog qhov hais mus no:
    Involved fathers learn by doing. Parenting skills are learned
    on the job, and men may shy away or have less opportunity
    for this hands-on experience. The earlier a father starts and
    the more he does, the more comfortable and competent he
    will feel. Most people feel pretty incompetent at first, but
    for giving, loving and gentle parents, babies are very good
    teachers.


    Cov txiv uas nrog tu me tub me nyuam yeej xeem ua
    xeem kawm
    . Kev txawj tu me nyuam ces yeej kawm
    tau los ntawm qhov raus tes ua, thiab tej zaum cov txiv
    neej yuav tsis tshua muaj caij los mus xyaum tu li hais
    no. Yog leej txi pib tu thaum ntxov thiab yog nws tu ntau
    zuj zus ces nws yeej yuav tso siab thiab txawj tu tau. Tib
    neeg feem coob yeej tsis tshua txawj thaum ntej, tiam
    sis cov niam cov txiv uas muaj txoj kev hlub, kev tshua
    thiab kev chawj, lawv yeej xyaum kom txawj los tu tau
    lawv cov me nyuam.


    Muaj ntau txoj kev rau leej niam thiab leej txi los kawm
    kom txawj cob qhia tau lawv cov me nyuam
    . Qhov cov
    niam cov txiv cob qhia sib txawv thiab qhov cob qhia sib
    xws ntawd yeej zoo rau cov me nyuam tag nrho. Nco
    ntsoov tias yeej muaj ntau txoj hau kev zoo los tu cov me
    nyuam thiab cov me nyuam los yuav tau txais txiaj ntsim
    los ntawm ntau txoj hau kev tu me nyuam no. Yeej meem
    cia kom muaj txoj kev hlub txawv li qhov koj tus txiv muaj
    rau cov me nyuam.


    Txhua tus niam txiv yeej muaj txoj kev los tsim txoj kev
    sib raug nrog tus me ab
    . Peb feem coob yeej xyaum
    tau txawj los tu me nyuam thaum tsis muaj leej twg los
    xauj ntsia peb “qhia kom ua” thaum peb zov me nyuam.
    Muab tej lub caij rau ob tug niam txiv los zov tej me
    nyuam ib leeg, tsuas sib qhia tu me nyuam me ntsis
    xwb, thiab tso siab rau koj tus txij nkawm los xyaum tu li
    koj xyaum thiab.


    Ceev ob tug niam txiv txoj kev sib hlub kom ruaj. Kev
    tshawb xyuas pom tias txoj kev sib hlub ntawm ob
    tug xwb thiaj pab tau leej txi los nrog cob qhia cov me nyuam

    Liajntsu
    Guest

    Re: Leej Txiv Puas Cob Qhia Tau Lawv Cov Me Nyuam Thiab?

    Post  Liajntsu on 12th May 2010, 1:09 pm

    Lub Paj Ntshua Nplaim,

    Koj yog ib tug tseem hluas tiamsis koj paub ntau yam txog txoj kev tu me tub menyuam ntau yam nws yog ib qhov zoo.

    Ua ib leejtxiv/Niam tsev zoo los cob qhia tej meyuam yeej tsis yooj kiag li thiab tiamsis koj yuav tau paub coj los yog ua ib qauv zoo ua ntej rau menyuam pom lawv thiaj mloog koj lus thiab kawm tau yam zoo los ntawm koj mus ua ib tug menyuam zoo. Koj cov menyuam feem ntau yeej kawm koj tus cwjpwm li 80% yog li tseemceeb heev uas koj yuav tsum ua ib tug qauv zoo heev. Kev cob menyuam cia kuv muab ua pivtxwv li nram no:

    Cob Menyuam Kom Txawj Hais Lus zoo los yog Hwm Lwm Tus Neeg.
    1. Neb 2 niamtxiv yuav tsum tsis txhob xyaum hais tej lus phem xws li, Niag tsov tom, ntsejmuag, mob ub mob no, tsw ub tsw no,los yog nthe nrov nrov ua rau neeg zejzog nrog koj hnov tag los yog mus cem mus ntau meyuam rau tom public etc.

    2. Xyaum qhia tej lus zoo thiab maj mam hais lus, thaum ib tug menyuam ua dabtsi tsis yog lawm tsis txhob nthe cia maj mam hais xws li tias: Yog menyuam tseem me me koj hais tias me naib, me tub, me maiv koj ua li ko/ntawd tsis yog lawm os, ua li no thiaj li yog nawb thiab hais tias lwm zaus txhob ua li lawm os mog, ua li wb puas tau cob qhia koj ua yam no koj ua tsis yog no mas? Yog tej yam tsis zoo nkauj koj hais rau tias, Yog ua li ntxiv thiab kuv cem kuv ntaus laiv nawb.

    Cob Menyuam Kom Paub ua Neeg Ncaj Ncees

    3. Pom menyuam nqa los yog khaws tau tej yam khoom uas koj tsis tau muab rau nws los yog tej yam txawv txawv koj tsis muaj nyob hauv tsev. Koj tsis txhob cia li kav liam los yog nrog menyuam zoo siab xws li khaws tau nyiaj tej ntawd. Koj ua txiv los yog ua niam yuav nug tob tob thiab muab tus menyuam thom tias koj khaws qhov twg los? Leej twg muab koj? Coj wb mus nrog lawv tham seb yog licas tiag, los yog vim li cas koj thiaj tau qhov khoom no los, etc. Feem ntau kuv pom tej niamtxiv Hmoob pheej cia li kavliam los yog zoo siab nrog tej menyuam xws li khaws tau nyiaj tej yam muaj nqis. Qhov no yog ib qhov tsis zoo.

    Cob Menyuam Kom Nquag

    4. Tsis txhob hlub hlub tej menyuam tsis hais tus ntxhais los yog tus tub. Yam koj hlub lawv yog hlub zaub, mov thiab khaub ncaws xwb. Yuav tsum muab lawv xyaum ua haujlwm ntxuav tais diav, cheb vajtse thiab lwm yam haujlwm sib thaum tseem me. Thaum loj tuaj lawm koj muab xyaum ua tshais ua hmo thiab lwm yam. Tiamsis koj yuav tsum paub lawv lub sijhawm uas seb puas muaj homework thiab. Yog muaj koj cia lawv ua los ua me ntsis xwb tsam ho ua tsis tau homework. Feem ntau tej tub ntxhais tebchaw no lawv txawj txawj dag ces lawv nrog tej phoojywg uasi sib tham hauv internet xwb los lawv tias yog ua homework lawm, qhov no muaj ntau rau cov niamtxiv uas tsis paub ntawv nrog lawv saib. Menyuam tsis hais tub/ntxhais yog koj hlub lawv thaum yau ces yog koj qhia kom lawv lub neej POOB QAB, RAWS TSIS CUAG LUAG TSIS HAIS UA NOJ HAUS LOS YOG KAWM NTAUB NTAWV.

    Qhia Kom Tsis TXhob Xyaum ua Neeg Qia Dub

    5. Thaum menyuam me me koj yuav tau qhia nws muab tej khoom uas yog nws li pub rau lwm tus menyuam nrog nws kov thiab thaum nws loj tuajlawm nws thiaj li paub ua neeg siab dawb tsis qia dub.

    Xyaum Nyiam Huv

    6. Menyuam thaum me txhua txhua zaus koj yuav muab khoom noj rau nws noj yuav tsum qhia kom ntxuav tes dawb paug mam pub rau noj. Thaum koj cob tau zoo lawm, menyuam paub nyiam huv yog nws tsis tau ntxuav tes koj muab khoom rau noj nws yeej tsis kam txais li.

    [uTsis Txhob Cia Neb khub Niamtxiv Ib Tug Cem hos ib tug Kws Menyuam
    [/u]
    7. Yog neb ib tug kws hos ib tug cem/qhuab ntuas menyuam rau tej yam nws tau ua txhaum ces menyuam yuav xav tias zoo li Neeg txiav txim plaub ntug tias Nws ua txhaum 50% hos yog 50% vim neb leeg tuaj tog. Yog tias txiv cem lawm niam yuav ua tus los txhais lub ntsiab lus qhov txhaum ntawd tias vim koj ua li no twb tsis yog lawm ne me naib, me ntxhais etc. Koj txiv/Niam thiaj li cem/ntaus koj, mas tsis txhob chim nawb yog wb hlub koj thiab ntshai tsam koj hlob tuaj koj tsis tsim txiaj los yog tsam koj mus raug plaub ntug, mag kaw etc, wb thiaj li cem koj xwb. Yog neb coj li no neb 2 niamtxiv yuav tsis sib ceg thiab menyuam yuav ntshai neb dua thiab mloog neb lus.

    Tseem tshuav ntau heev cia muaj sijhawm mam li tuaj piav dua.
    avatar
    koojziagkabzaug
    Moderator
    Moderator

    Messages : 3529
    Date d'inscription : 2010-02-28

    Re: Leej Txiv Puas Cob Qhia Tau Lawv Cov Me Nyuam Thiab?

    Post  koojziagkabzaug on 6th June 2010, 11:22 am




    Pluas Tshais Tej Kev Pab Rau Cov Kawm Ntawv - (Breakfast Benefits for Students)


    Peb yeej paub tau ntau xyoo lawm tias pluas tshais yog ib pluas mov tseem ceeb. Thiab cov tub txawj nyuam qhuav tshawb pom ntxiv tias pluas tshais zoo heev rau cov me nyuam yaus muaj hnub nyoog kawm ntawv thiab cov me nyuam hluas. Pluas tshais muaj tsib (5) qho zoo:

    * Xeem ntawv tau dua. Cov me nyuam uas noj tshais cus dua thiab kawm tau ntawv zoo dua. Cov no xeem ntawv tau zoo dua cov uas tsis tau tshais noj.

    * Coj tau zoo dua: Cov hluas uas tau tshais noj coj tau zoo dua thiab yuav tsim teeb meem tsawg zog rau hauv chav kawm.

    * Muaj zog dua: Cov me nyuam uas tau tshais noj tej cev khov kho rau kev ua si thiab kev ua ub ua no. Cov noj tshais lub zog kuj kav ntev dua thiab.

    * Tau khoom yug cev zoo dua: Cov uas noj tshais tau khoom txhawb thiab ntxiv zog txaus yug lub cev. Cov me nyuam uas tsis tau tshais noj mas hnub ntawd yuav plam ib co khoom yug lub cev lawm.

    * Lub cev huv dua: Cov me nyuam yaus thiab cov hluas uas tau tshais noj tej cev yuav huv si zoo lias. Cov uas hla tshais mas yuav ua lub cev npag zog los muaj.



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3529
    Date d'inscription : 2010-02-28

    Re: Leej Txiv Puas Cob Qhia Tau Lawv Cov Me Nyuam Thiab?

    Post  koojziagkabzaug on 6th June 2010, 11:23 am



    Ntxiv mus no yog cov tswv yim siv thaum tsis muaj caij rau mov noj:


    Kom cov hluas nrog npaj zaub mov txhua as thiv, lawv thiaj kam sim tej zaub mov ntawd. Xaiv kom tau cov khoom noj los ntawm peb hom zaub mov yug cev zoo rau txhua txhua pluas tshais.

    Npaj tseg tej zaub mov uas ua tau yooj yim xws li txiv hmab txiv ntoo tshiab, cov tseem kua txiv 100%, mis nyuj uas muaj roj tsawg, "cheese," cov khob cij thiab khob noom hlais, khob noom "yoghourt," thiab khob noom ntse mis nyuj.
    Npaj zaub mov ua tshais rau ntawm rooj ua ntej yus pw. Tseg tej yam zaub mov tshiab rau hauv txee txias kom thau tau sai rau ntawm rooj.

    Sim lwm yam uas ua tau tshais sai xws li ncuav tswb neeb "bagels" ci, pleev cov "cream cheese" uas muaj roj tsawg zog, ntxuag txiv hmab "grapes." Los yog muab cov txiv ntoo uas suam tau ua tej daim lawm thiab cov khob noom ntse mis nyuj los do xyaw nrog "yogurt" noj rau thaum yus maj sawv kev. Tsis li, kib qe ntxuag mov rau yus tej me nyuam los tau thiab. Los yog kib los sis hau nqaij nrog zaub rau tej me nyuam ntxuag mov.

    Yog koj tus me nyuam lub tsev kawm ntawv muaj tshais noj thiab yog koj ho tsis muaj caij npaj tshais rau koj tus me nyuam ces kav tsij coj tus menyuam mus cuv npe rau qhov kev pab ua tshais ntawd.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3529
    Date d'inscription : 2010-02-28

    Re: Leej Txiv Puas Cob Qhia Tau Lawv Cov Me Nyuam Thiab?

    Post  koojziagkabzaug on 6th June 2010, 11:24 am



    Cov Zaub Mov Rau Me Nyuam Mos Liab Thiab Me Nyuam Yaus



    Txij li thawj thawj xyoos mus rau thaum cov me nyuam muaj tsib xyoos yog lub sij hawm zoo rau yus qhia cov me nyuam noj cov zaub mov zoo. Yog yus pub ntau yam khoom noj zoo rau cov me nyuam, lawv yuav xyaum noj ntau yam khoom noj zoo nyob haud lawv lub neej yav tom ntej.
    Tswv yim rau cov me nyuam xyaum noj zaub mov kom zoo yog:

    * Muaj kev zoo siab thaum noj mov
    * Noj mov ua ke
    * Tsis txhob yuam kom tus me nyuam noj ntau tshaj qhov nws xav noj; yuav muaj tej hnub nws noj mov ntau, tej hnub noj tsawg
    * Tsis txhob muab khoom qab zib rau me nyuam. Muab txiv hmab txiv ntoo rau.

    Yus tus me nyuam yuav tsum tau noj ntau hom khoom noj. Sim txhua hom khoom noj los ntawm phau ntawv hu ua "U.S. Government Food Guide." Piv tias, thaum cov me nyuam mos liab muaj hnub nyoog 5 hlis rau 6 hli, lawv noj tau khoom tawv lawm. Yog lawv kam noj kua dis, maj mam sim lwm yam ntxiv. Txawm me nyuam haus mis nyuj thiab mis mos los sim ib co zaub mov ntawm pawg khoom noj thiab sim ib qho me me ib zaug tauj ob hnub. Pawg khoom noj muaj raws li nram no:

    * Zaub
    * Txiv hmab txiv ntoo
    * Mov, khob noom hlais, khob noom ntse mis, fawm "noodles"
    * Thaum hnub nyoog 9 hlis, sim nqaij qaib ntshiv
    * Thaum hnub nyoog ib xyoos, sim mis nyuj laus, cov "yogurt" thiab "cheese." Muab li 2 los 3 zaug tauj ib hnub.

    Yuav muab zaub mov npaum li cas rau me nyuam noj?

    Me nyuam tsis tas yuav noj txhua yam txhua txhua pluas mov. Tej zaum, me nyuam qab los noj ib pluas, tiam sis ho noj tsawg zog rau pluas tom ntej thiab ho tib tsis kam noj pluas thib peb thiab. Ib tug me nyuam uas muaj ib xyoos ntawd, yog nws noj tag ib pluag mov tsau ntshos nrog rau 4 yam khoom noj nyob haud 4 pawg khoom noj ces tab tom txaus nkaus xwb. Tsis txhob muab tej yam me, tej yam kheej kheej, thiab tej yam tawv tawv xws li txiv "grape", txiv laum huab xeeb thiab khob noom rau lawv noj. Cov khoom noj no muaj peev xwm mus daig tau lawv lub ncaj pas yog lawv tau noj. Tsis txhob yuam me nyuam noj mov. Yog yus yuam, tej zaum lawv yuav tsis kam noj mov. Los sis, me nyuam lam noj kom yus zoo siab xwb. Li no, lawv yuav noj ntau thiab yuav ua rau lawv lub cev muaj ceeb thawj, txaus rog taus.

    Yog koj muaj lus noog ntxiv, thov hu tuaj rau:

    University of Minnesota Extension Service.
    Tel: 651-747-2262, tus 612-374-8463.
    Nco ntsoov thov nrog ib tug hais lus Hmoob tham.




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3529
    Date d'inscription : 2010-02-28

    Re: Leej Txiv Puas Cob Qhia Tau Lawv Cov Me Nyuam Thiab?

    Post  koojziagkabzaug on 6th June 2010, 11:25 am




    Kev Xeeb Tub Kom
    Noj Qab Nyob Zoo



    Yuav kom koj noj qab nyob zoo thaum
    xeeb tub koj yuav tau noj tej yam li no
    txhua hnub:
    • tej yam xuas nplej ua mov, mov ci ( khob cij),
    couscous, hmoov pobkws, mov kuam.
    • zaub,
    • txiv ntoo,
    • misnyuj, yogurt, lossis cheese, thiab
    • nqaij thiab noob taum.
    Tej yam uas koj ua lossis kov yuav ua
    mob rau koj tus menyuam. Thov txav deb
    ntawm tej yam li no:
    • cov tshuaj tua kab, tshuaj ntxuav
    khoom, thiab xim tha ub no,
    • pa luam yeeb,
    • haus cawv (beer, wine thiab cawv
    ntsim), thiab
    • tsis txhob haus kasfes, tshuaj yej,
    lossis pesxij ntau ntau. Haus cawv
    yuav ua rau koj tus menyuam xeeb
    tsis zoo, yuav ua rau lub hlwb puas,
    lossis yuav txo tau koj tus menyuam
    txojsia. Pa luam yeeb ua rau koj tus
    menyuam yug tau los me me lossis
    yug ntxov uas tsis tau txog caij.



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Sponsored content

    Re: Leej Txiv Puas Cob Qhia Tau Lawv Cov Me Nyuam Thiab?

    Post  Sponsored content


      Current date/time is 15th July 2018, 1:46 pm