***Teb peg***

Hmoob lub neej khwv thaum ub



Kuv yuav piav txog kev ua noj haus nyob teb chaws Nplog. Xws li yus yuav tsum ua liaj ua teb los yog tu tsiaj txhu thiab mus txiav taws, kwv dej. Nyob rau ua teb chaws Nplog yeej muaj kev kawm ntawv thiab tab sis feem coob tsis mus kawm vim hais tias tsev kawm ntawv nyob deb thiab cov me nyuam loj me ntsis yuav nyob pab niam pab txiv.

Nyob rau Nplog teb nruab hnub sawv daws mus ua teb, thaum yuav tsaus ntuj ib tug yuav tsum mus txiav taws, ib tug mus hlais zaub nees, yog muaj nees, ib tug mus de zaub npuas hos ib tus los pub npua thiab ua mov noj mas thiaj tau mus pw ntxov. Tag kis sawv ntxov yuav tsum sawv thaum qaib qua thawj tsig los ua tshais, ev dej, pub npua, pub nees thiab ntim su mus noj tom teb. Thaum mus txog tom teb lawm, coj cov mov mus tso tom tsev teb ces mus ua teb. Ua ib hnub tseb tsaus ntuj ces rov muab nra los tsev li niaj hnub.

Lub caij luaj teb, yog thaum noj Peb Caug tag nrho ces mus luaj cov ntoo me thiab txiav nroj hmab tag mam li ntov cov ntoo loj. Luaj teb ntov ntoo tag, cia li 1 hli ntau 2 hlis tej ces muab hlawv.
Txoj kev ua liaj thiab ua teb noj nyob rau teb chaws Nplog mas yuav tsum sawv ntxov thiab nquag heev mas thiaj li yuav tau noj. Thaum hlawv tag lawm ces mus them teb, cov ceg ntoo twg kub tsis zoo los muab txiav los ua tej pawg hlawv kom txhob khaum kev thiaj zoo cog nplej; them teb tag mam li cog nplej, pob kws, dib thiab taub. Cog nplej rau qhov siab pem roob, cog pob kws thiab taub rau nram qab teb qhov uas npos thiab raws vos hav. Thaum npej tuaj dauv tw qaib zom zaws yog fab no yuav tau dob nroj ib lwm, lawv hu ua dob nroj thawj tom, tham nplej nqus yas kiag, siab txij hauv caug los siab dua hauv caug rov qab dob lwm tom tag mas nplej thiaj mam li txhawv, tau hlais nplej.

Ib txwm Hmoob yeej cog ib qho nplej caug kom xub sia tshaj cov thiaj li tau coj los Noj mov Nplej Tshiab. Ua mov Nplej tshiab mas lub koob nto heev, yog ib qho uas txhua leej txhua tus tos tos. Noj Mov Nplej Tshiab mas feem ntau lawv tssi tua npua, kuj muaj tua npua thiab tab sis qhov ntau mas yog tu qaib, tua qaib sis, ua taum paj los noj ntxhua mov nplej tshiab.

Hais nplej muab pav ua tej teg tso rau saum cov hauv paus quav plej, hlais nplej tag yuav sau los pawv ua tej pawg nplej cia li kaum tawm hnub lo nees nkaum hnub km cov nplej qhuav mam li muab ntau. Ntaus kom cov nplej zeeg, mam li thaum los ev los rau hauv txhab, yuav noj ces yuav tau yawm mus tuav hauv qhov cos thiaj li tau los ua mov noj.

- He....he....Kuv ntsia hmoob tej teb no, Cas iab taub hau ua luaj; Ntshe mes plev heev pob? Cas luaj teb phem ua luaj, Hlawv tas los zoo li; Tsi tau hlawv....Twb tsi npaum li, Yav ntuj thaum mus txhem quav hlawv; Kuv ntsia zoo li....Tam sim no, Tub nkaeeg heev; Caij nees luaj teb xwb....Tsi yog mus ko taw luaj teb, Luaj teb tas; Mab ntsuab vog....Puas yog luaj teb mas, Kuv tug no; Lub neej luaj teb ntov ntoo toj siab yaj sab....Kuv kawm tas, Lub neej nruab nroog; Kuv kawm txhij....Lub neej nyob teb chaws vam meej, Kuv kawm txhua; Yog leej twg? Yuav ua ib tug zoo txiv tsev tsav cuab, Yuav ua ib tug niam tsav yig; Yuav tau kawm txhua yam....Kom paub txhij txhua, Lub neej txiv tsev; Toj siab yaj sab....Khwv tshaj plawg, Hauj lwm loj ntau kawg nkaug; Lub neej nruab nroog....Teb chaws vam meej tsawg, Yooj yim heev; Kev luaj teb txhob maj....Kev pauv zog luaj teb tas sai kawg zoo li, Cov duab hauv no ntas; Hlawv teb tas....Cuag tsi tau hlawv, Plig tuag coob kawg; Txaij zoo li....Tsov pom teev, Txaij nraug zeeg; Kev luaj teb....Txhob npav yooj yim, Kom ib hnub tas; Yug tsev neeg....Maj mam luaj, Txiav hauv paug mab; Ntxug haub paug ntoo kom qis....Txiav ti nkaug npoo av, Thaum ntov tas; Txhob tub nkeeg....Sivsij hawm li, Ib as thiv txo tej ceg ntoo loj me tsa rhwb rhib kom tas; Pw lua hauv av....Thaum tis tawg hlawv, Thiaj kub zoo; Hauv paug mab.....Hauv paug ntoo, Kub twg tas; Tsi dawm ko taw....Cog nplej pob kws zoo xwm yeem, Ntsuab thoob teb plawg; Tsi muaj koog daj....Ib koog ntsuab li, Hmoob nplog tam sim no; Hlawv tas los....Hauv paug mab, Hauv paug ntoo; Ntshais ntshov cuag hauv paug xyoob qeeg....Luag tej laug hais tias, Tau phem teb; Tsuas ib cim....Tab sis tam sim no, Hmoob nplog mas; Tau phem teb txhua cim....Vim tub nkeeg, Tsi luaj ntxov....Txiav hauv paug ntoo siab txij hauv caug, Ua teb av nyoog xwb; Txhem zug....Thob kauv nplooj cog tas li, Hauv paug mab; Hauv paug ntoo loj me yau....Ntxais ntsuv cuag ntiv tes, Tsi tau zoo; Tsuj ib taws li....Cas yuav tub nkeeg ua luaj.

Hahahahah...!Tijlaug Xyooj Tsab!

Nws yuav txawj hais ua luaj...Hahahah...!Kuv tsis tau ua dua teb ces kuv twb tsis paub yuav caij nees los yuav txiav txij li cas li...Yog muab kuv tso tom hav zoov ces kawg tuaj tshaib xwb...! Tij laug, nws puas kam tuaj tham nws thawj daim teb rau peb mloog?

- Me muam kooj ziag kab zaug, Tham txog ua teb, Kuv yog me nyuam tub ntsuag ntsoj; Kuv niam yug tuag ntxov, Thaum kuv muaj noob nyoog; Ib xyoos plaub hlis xyoo 1955....Kuv txiv xya tuag tseg, Thaum noob nyoog; Ib xyoos yimhli xyoo 1955....Kuv maiv yug yog phauj, Kuv txiv xya; Yog yawg laus....Kuv niam maiv yog, Yog nus ntxhais; Nkawd tsi muaj tub ntxhais....Kuv niam maiv saws kuv los tu ua nkawd tub, Puag thaum me xyoo 1955; Kuv noob nyoog 1b xyoos cuaj hlis....Thaum tseem me lawm....Kuv txiv tshiab paj zeb, Yog txiv tu; Puag thaum yau yau; Nkawd tsi muaj tub....Tsi muaj ntxhais li, Nkawd ib txwm coj kuv xyaum ua liaj teb; Mus taug kev ruj rig....Xyaum hais lug ntawm nkawd, Los sawv ua nkawd; Tug tub hlob; Tug ntxhais hlob....Cheb nkawd lub qhov txos, Ntxuav nkawd lub yiag; Tu nkawd lub tsu mov....Kev luaj teb ntov ntoo, Niam txiv txog twg? Yug txog ntawd, Yuav ntov tug ntoo me yau loj luaj li cas? Kuv txawj ntov tas nrho, Tsi quaj leej twg? Tsi thawj tug twg? Tsuas muaj luag thov yug xwb os, Kuv nrog nraim nkawd; Ua liaj teb txog ntua xyoo 1964....Nce xyoo kaum, Mam tau kawm ntawv; Nkawd tseem nog....Ob peb los lug tias, Yog kawm tsi zoo; Tsi nce qib....Rov los zov nkawd, Lub luag teb txog hnub laug tuag; Kuv rau siab kawm ntawv heev....Khiav kom dim nkawd, Lub luag teb; Kev txom nyem....Luaj teb ntov ntoo, Tiv tshav tiv nag; Nyiaj tshaib yoo nqhis....Los ua laj kam nyob nroog looj ceeb:...September 27, 1968, Kuv noob nyoog; Kaum plaub xyoos.....Kaum hli txwm, Kev ua zaub mov noj; Kuv yeej txawj....Ib yam tug ntxhais, Tug poj niam; Lub neej ib tug txiv tsev....Kuv kawm tiav, Lub neej ib tug niam tsav cuab; Kuv kawm txhij....Kuv paub lub neej tub ntsuag ntsoj, Nkauj ntsuag nog; Nyob ntu kev twg? Niam tshiab thiaj hlub, Txiv tshiab thiaj plhw taub; Tsi mag cem ntiab ntaus laij tawm tsev....Kuv yog ib leeg tub mloog lug heev, Kuv txiv paj zeb; Tug niam yau....Twb tsi txawj ua zaub mov noj npaum li, Kuv tug kheej os; Me muam kooj ziag kab zaug aws.

- Thaum xyoo 1960, Teb chaws ua rog; Kuv txiv luaj teb ntov ntoo tas....Kuv txiv mus ua tubrog mas kis, Kuv nyob tsev; Kuv txiv paj zeb....Yeej qhia kuv phua tsau xyoob, Thaum teb qhuav liaj ploog nkig nkuav; Cua nplawm ntwg....Hnub twg luag zej zog hlawv teb, Kuv mus hlawv teb; Hnub tom qab....Teb kub tuag tas, Kuv nthos nkaug riam sia ntawm duav; Nkaws nkaug xub....Rhais duav hlab, Nthos nkaug neev ntawm tes; Npaj noob dib....Noob taub ris nraub qaum, Mus xyuas teb; Seb teb kub li cas? Npaj ibrabme nyuam hlau, Txog qhov zawj; Rho hlau khawb cog dib taub....Tseb noob zaub raws ntug kwj ha av noo zaws, Xuas hlau txawg hauj av; Tsaus ntuj mam los tsev....Kuv piav txog, Lubneej tub ntsuag ntsoj; Ces lub kua muag twb poob si lawg mas....Me muam aws, Nej tsi tau nyob kuv lub neej; Nej tsi paub os....Yog leej twg? Tsi tau ua tub ntsuag, Txhob tu siab nawb mog.

- Me muam kooj ziag kab zaug, Lub neej tub ntsuag ntsoj; Nkauj ntsuag nog....Yuav tsum paub txog, Yug tug kheej; Tsi muaj niam....Tsi muaj txiv, Txhob tub nkeeg; Txawm nkeeg npaum cas? Los yuav tau sawv ua, Luag pw tsaus zog; Ces yug sawv ua hauj lwm....Yug ua tsi tau yam loj nyav, Los yug ua yam me yau sib; Tog luag sawv....Yug twb ua tiav tas, Yug hais dej tso hwj kais; Rauv tawg rhaub dej kub sov so cia....Luag sawv tseeg, Yug muab phiab loj hliv dej; Nqa phuam niam txiv ntxuav muag....Thaum luag ntxuav muag tas, Luag tshawb saib xyuas hauj lwm txhua yam; Yug twb ua yam me yau tiav tas txhua yam....Yug thiaj hnov niam txiv tshiab lo lug zoo, Lo lug qhuas; Zaub mov yug twb ua siav tas txawb tseg....Luag sawvcem qhov twg? Loa zaub mov, Siav nco pa log; Yug nqa phaj tsum txawb rau tiav log....Yug xub hais mov, Rau niam txiv lub taig; Yug thiaj tsi txaj muag nrog luag noj tshais; Noj pluag suu....Noj pluag hmo, Yug lub neej tub ntsuag ntsoj; Sawv tam nkauj ntsuag nog....Nquag kawg kiag, Txhob tub nkeeg li; Kuv lub qhov muag pom kiag....Raug niam txiv tshiab, Cem ntiab thawb nkaug tes nkuav qhov muag; Nog riam tsuas....Nthos kawm nraub qaum, Laij mus teb; Pom luag ua yeeb yaj kiab....Los zoo li, Kuv saib tsi taug; Lub neej ntsuag ntawd....Yog lub neej txom nyem siab ntsws, Vim txoj hmoo tsi zoo; Tiam tau ntaub ntsoj....Thov tau ntawv ntuag, Ntuj tsi nqug tes; Lub ntiaj teb daim luaj pua nqug taw....Niam tau mob tuag ploj, Tseg yug ua tub ntsuag ntsoj; Txiv tau mob ploj tuag....Yug thiaj rais ua tub ntsuag, Yug yuav tsum paub; Seb yug lub neej....Nyob ntu kev twg? Nquag tias tias, Txhob raug luag cem ntiab; Rub tes cab thawb nraum zoov zoo li....Tej tsiaj tsi muaj tswv, Txawm khwv npaum cas? Yeej tsi tuag, Yug lub zog; Noj tsi tsuag....Yuav tau nquag, Cheej kham; Dhia ki taw leeg....Ua ntsej muag cus ciav, Luag ntxhi xwb; Niam txiv tshiab....Thiaj hlub yug, Txhob tug nkeeg; Txhoob tub nkig....Raug luag ntxub, Tsi tau tsev nyob; Tsi tau txaj pw....Tsi tau pam vov, Tsi pub mov noj; Tsi tau dej haus....Tsi tau ris tsho hnav, Thaum zoo li no; Yuav ua cas....Ua neeg nyob laug tuag, Kuv poj niam; Los yog nkauj ntsuag nog....Txiv nrauj niam lawm, Pog tu poj niam loj hlob; Tshuav niam nrab nyob....Los niam nrabtsi hlub, Vim luag muaj tub; Muaj peb tug ntxhais....Luag tsi ntshaw, Nkauj ntsuag nog; Phauj coj poj niam....Mus nrog phauj nyob, Zov phauj tub me nyuam; Kuv poj niam wb lub neej....Yog tub ntsuaag ntsoj, Nkauj ntsuag nog; Sib qaws ua neej....Wb sib hlub, Los pauj wb ntu neej txom nyem siab ntswss; Seb puas tsim nyog....Tshwm sim yug, Los ua ib zaug neeg; Lub ntiaj teb no....Tam sim no, Wb muaj peb txwg tug nyab; Tub yuav poj niam tas....Muaj ib txwg ntxhais vauv, Tsuav tug ntxhais hlob; Neeg nkaum ib xyoos.....Tseem kawm ntawv:...College....Xyoo plaub xaus, Yuav mus kawm xyoo tsib toom ntej; Tug ntxhais hlob....Tsi tau yuav txiv....Tseem nrog wb nyob os, Me muam kooj ziag kab zaug aws; Kev ua liaj teb....Kuv paub txawj txhua yam, Yuav ua li cas? Nplej pob kws zaub taub dib thiaj zoo, Kuv pauub tas nrho; Tsi thawj leej twg qhia li os.

- Me muam kooj ziag kab zaug, Zoo siab ua koj tsaug; Koj tso tau cov duab no....Ua keeb kwm tseg zoo kawg nkaug li, Kuv pom dheev; Koj cov duab....Piav txog lub neej, thaum me ntxhais me; Yog ntxhais kawm ntawv....Yuav xyaum zoo, Xyaum tsim txiaj; Ua ib tug niam tsev zoo....Muaj koob nto npe, Tsi yooj yim; Ib qho nyiaj ntxee kawg nkaug li, Kuv pom koj tej duab txhua daim; Kuv nco dheev txog....Kuv lub neej yav tas dhau lawm kawg nkaug, Tauv tsi taug kua muag; Ntwg si lug....Ib ke saib, Ib ke so kua muag; thov kom nws tsuas ntsib kev noj qab nyob zoo....Dhau lub xyoo 2012, Tawm xyoo tshiab 2013; Tom ntej no....Nyob zoo mam sis ntsib dua nawb mog....Me muam siab zoo aws.

- Me muam kooj ziag kab zaug, Thaum koj me nyuam ntxhais; Me nyuam hluas nkauj....Ntxim nyiam kawg, Ntxim hlub heev; Vim muaj zoo txiv xya....Muaj zoo niam yug....Niam txiv txawj tu, Loj hlob tiav nkauj ntsug; Tau zoo txiv....Muab cuab yig, khov kho zoo kawg nkaug li os mog.

Tij laug Xyooj Tsab,

Kuv lub neej muaj ntu zoo heev, muaj ntu txom nyem heev, tab sis kuv muaj tej tug neeg cawm seej thiab muaj hmoo heev, kuv thiaj muaj lub ntsej muag luag.

Yav thaum ub peb nyob Mab Teb, kuv niam ntshai ntshai tsam peb rov poob rau txoj kev txom nyem li nws. Vim nws khaws tau daim ntawv ntuag thiab, nws tau ua ntsuag txom nyem heev, nws niam nws txiv tuag tso lawv yau yau, nws tus nus hlob thiaj li muaj neej xwb. Tab sis tej tij tsis txawj hlub tej kwv, nws muab cov muam hlob muag tag, muab tus muam yau nyuam qhuav muaj ib xyoo ntau xwb, muab tsim tsim, tsis pub kom tus me nyuam tau noj ib qhov mov zoo li, tus tis nyab daus ib taig mov rau tus muam ntxawm mas nws yuav tsum tsuab ib teg tshauv nphoo rau mam muab cev rau tus me nyuam xwb. Ces kuv niam nyiag zaum puav mov rau hauv kuv niam txoj hlab se, mus ev dej ces coj tus me nyuam mus zais hauv txhab, muab thooj mov rau noj, nws ev dej los nws mam li los tsaws tus me nyuam los tsev xwb mas thiaj li tau ib zaug mov zoo noj. Lawv ntov ntov tshauv rau tus me nyuam ob lub qhov muag, ntsim ntsim ces tus me nyuam li li muag...Tus kwv yau, hnub nyug li 7-8 xyoo, ces tus tij laug kom mus hlais zaub nees, yog mus sai es hlais tsis tau ces muab ntau ib zaug, mus ntev me ntsis kom hlais tau ces muab ntau ib zaug. Nyob Mab teb tsis zoo li yav qab teb, teb chaws Xeev uas muaj zaub nyuj zaub nees ntau, nyob Mab tej yog teb chaws cim kawg, teb chaws hav zoov xwb tsis muaj muas txhov mas yug tsiaj nyuaj heev. Ces muab tus me nyuam ntau ntau, tu ib tug ntiv taw ua ua kas ces ib hnub thaum lub caij ntuj nag, los nag xya hnub xya hmo tus me nyuam kuj ntshai tso heev thiab (peb teb chaw sthaum ub mas muaj muaj tsov, tsov yeej los tom npua hauv zos li), ho ntshai neeg thiab ces nws cia li ua ib sia khiav mus rau hauv ib tug Toj Xeem Mab Daum nyob deb ib hnub ke. Ces tus tij laug cia li tsis mus coj li ces tus kwv ntawd mus ua Mab Daum lawm. Twb yog 33 xyoos tom qab, kuv niam mam mus pom nws, ua ntej kuv niam yuav tas lub neej xwb, nws tsis txawj hais lus Hmoob lawm, nws hais tau los puav txhav txhav xwb, tab sis nw stseem nco tau kuv niam lub npe...

Li ntawd kuv niam ntshai ntshai tsam rov poob rau kev txom nyem, nws thiaj qhia kom peb cov me nyuam rau siab khwv, kom peb txawj coj peb lub neej.

Thaum kuv muaj 5 xyoos ces peb los nyob rau nroog Nab Yub, peb los ua luam lawm xwb, kuv thiaj li tsis txawj ua teb. Peb ua luam, tab sis peb kuj cog zaub muag thiab, vim teb chaws tsis muaj neeg ua zaub ces peb cog zaub muag tau nyiaj heev. Kuv niam cog zaub muag los rau peb yuav sawv kub coj xwb. Thaum lub caij ntawd peb muab zaub ib xyoos yuav tau li 10 npaj kub.
Dua li peb muaj ze kaum tus nees thauj nra, thauj khoom nram Huab xais, Chiang Khong los muag. Peb teb chaws Nab Yub tog ib lub Yeej Riam Phom CIA loj heev, tab sis peb neeg sab ped peb tsis txawj caij cov dav hlau peeb zeej mus ua luam ces peb thauj nees xwb...

Thaum xyoo 1972 tim 15 lub 5 hlis ces kuv ib tug txiv laus thiaj tuaj tos peb mus nyob rau Nas Xus no. Peb muab tag nrho peb tej vaj tsev loj heev, nees thiab cov vaj txiv ntoo, cov pas ntses tso tseg tag tib si. Peb twb mus tsis tau txog Nas Xus, nyuam qhuav los txog Vees Cam xwb ces kuv los mob, kub txiv los mob ces wb cia li los pw Hoos Mom Vees cam lawm. Kuv niam thiaj li mus txog Nas Xus, lam mua ua tau ib lub tsev nruab rau tom Huab Pam cam xwb, twb tsis tau mus nyob ces kuv niam rov los Vees Cam, kuv niam thiab kuv txiv cia li tib txhij ua tib hnub tuag kiag tso peb 8 leej me nyuam tsis muaj cuab muaj yim, tsis muaj vaj muaj tsev nyob. Nyuam qhuav los tsis paub ib tug Hmoob li, los nrog lawv nyob, lawv yeej zoo zoo, hlub hlub peb kawg, tab sis tsis muaj leej twg paub peb tej neeg, peb keeb kwm li ces tsis muaj neeg hais peb zaj dab neeg li. Ua rau kuv mob ib sim neej txog rau xyoo 2011, kuv rov mus kuv lub qub teb chaws uas yug kuv, kuv ntsia ntsia cov neeg zos uas tseeg nyob, kuv thiaj li paub tias kuv mob tau 40 xyoo, yog kuv tu siab dhau lawm, vim tsis muaj neeg tham txog kuv keeb kwm, paub cov neeg kluv paub, coj cwj pwm li peb teb chaws hmoob.

Thaum kuv niam lawv tuag tag ces kuv los nyob Nas Xus, kuv mus kawm ntawv tom Sop Sang Tai, tawm kiag ua si xwb mas kuv khiav mus quaj nrau ntug Nam Moei xwb. Thaum xyoo tag, kuv ho muaj hmoo thiab tsis muaj hmoo thiab, kuv twv tau mus kawm Tsev Qhai Xib Hwb Dong Dok tab sis thawj xyoo kuv ho tsis tau Nyiaj pab noj haus, thaum ntawd kuv hnub nyug 13 xyoos. Thau twv ntawv tag, ces kuv txais kuv niam laus 10.000 kip los txais qaib muag ntawm Khw muag qaib Nas Xus, tseem yau thiab, yog me nyuam ntxhais xwb ces twb nce mus muab tssi tau qaib, luag yuav tag seem li cas yus mam yuav los muag xwb. Muag qaib txog lub 8 hli tag ces tau li 50.000 kip, thiaj muab 10.000 rov qab rau kuv niam laus ces tshuav 40.000 coj mus txiav khaub ncaws thiab yuav ntawv, yuav khau rau kawm ntawv thiab them tawg lub hlis. Thaum ntawd ib tug Xib Hwb qhia ntawv tawm Dong Dok los tau 16.000 kip xwb, kuv yuav tsum them nqe nyob thiab noj ib hlis yog 10.050 kip rau lawv. Ib tug me nyuam ntxhais xwb mas kuj yog nyuaj kawg li. Ces kuv them ib hlis xwb tsis paub ua cas lawm, kuv tus niam laus hlob, yog ib tug neeg siab zoo heev, nws thiaj kom kuv ua paj ntaub muag. Ces nws tham txog kuv, thiaj muaj ib tug Txiv Plig As Mes Liv Kas kom muab kuv cov paj ntaub rau nws coj mus muag Tseej Maim rau kuv thiaj li tau nqe, ces kuv ua li ntawd. Ib lub hlis twg, kuv yuav tsum ua kom tau ib lub hnab ruas (thoob puab) rau nws nqa mus muag. Ces kuv thov kuv cov phooj ywg kom cia kuv pw lub txaj puab ntawm qhov rooj, kom pom kev sab nraum zoov los rau kuv tau ua paj ntaub thaum tsaus ntuj. Vim nyob Internat xwb ces txog caij pw yuav tsum pw xwb. Muaj tej lub hlis, nyiaj tsis tuaj ces muaj ib zaug dhau ntev zog lawm, kuv thiaj li nce mus hais peb tus Thawj saib peb yog Huab Tais Nplog tus muam, peb hu ua Thub Mej no; kom tos ntev me ntsis, yog kuv niam kuv txiv nyob deb es xa nyiaj tsis tau txog xwb no.

Dua li, lub caij so, luag lom zem ua hluas nkauj ntxhias, kuv ces kuv nqa riam mus txiv tej ntoo txiaj npib ntawm ntug Dong Dok, txia tej nrhab dawb, coj los txhoo, ziab hlua, lub caij vacances loj ces nrog cov poj Hmoob mus muag nyob Thaib teb, kuj tau nyiaj kawg thiab. Kuv lub neej, kuv tssi tau nrog luag lom zem, los kuv kuj zoo siab tias kuv muaj peev xwm khwv raws txoj kev ncaj ncees los rau kuv kawm ntawv, nyob raws lub sam xeeb rau luag hwm...

Kuv niam kuv txiv tuag tag, niaj xyoo txog lub caij nkawd tuag, kuv los kua muag, kuv quaj ib leeg txog rau 30 xyoo dhau ces zaum no kuv twb laus tshaj thaum kuv niam thiab kuv txiv tso kuv tseg lawm ces kuv thiaj li tsis quaj lawm.

Tij laug, lub niag neej ntsuag ces txawm ua ntsuag rog thiab ntsuag yuag los yeej los kua muag os mog.

- Me muam kooj ziag kab zaug, Kuv nyeem koj zaj kwwb kwm nkauj ntsuag nog; Kuv lub kua muag ntwg tas li os....Kuv thov txim, Nug koj ib loa lug; Koj yog nkauj hmoob xeem dab tsi? Ua li tam sim no, Koj tug hlub puas nyob lawm; Cas tsi pom koj yeeg duab nrog koj ua ke li....Kuv tug kheej niam yug ntxuav ntshav zog, Yog nkauj hmoob vaj; Kuv niam yug....Lub npe hu ua "Vab" Kuv txiv xya yog hmoob "Kwm" Lub npe hu ua "Tuam" Thaum nkawd ua nkauj nraug, Nkawd txhaj ntshav tes haus ua ke; Nkawd sib yuav ua niam txiv txwj nkawm ib zaug....Yug tau kuv ib leeg xwb, Niam puag cev tuag; Thaum pob kws cauj dauvtis qaib zom zawg 1955....Tom qab kuv niam tuag tas, Kuv txiv hmoob kwm; Ev kuv mus raws niam neej tsa....Thaum mus txog, Kuv txiv tau mob nkeeg nyav; Dab laug lawv ua neeb saib los hais tias....Yog kuv niam rov los coj kuv txiv xwb, Kuv txiv tuag thaum pob kws taj siav zoo zoom ncuav 1955 Dab laug tso xov kwv tij hmoob kwm....Tsi tuaj nta, Kuv txiv kwm tuam lub nteeg; Dab laug thiaj tua oob tug npua pam nta....Kuv txiv lub cev tuag, Thov kwv tij txua txiag faus kuv txiv; Kuv poob nyob nqis npua....Ibchoj rau kis nyiaj dawb, Dab laug tug ntxhais vauv hlob; Tsi muaj tub ntxhais....Dablaug muab kuv muag mus ua, Ntxhais vauv tub lub cuaj hlis ntuj 1955; Pob kws cauj daj lauj ris tshaws....Kuv thiaj mus kiav xeem, Ua hmoob tsab txog niaj hnub no; Kuv tuaj txog....Teb chaws mes kas:...September 14, 1992, Ib nrab hmo; Hmoob kwm mam ua zag....Ua ntsug tuaj hais tog, Kuv rov qab; Tab sis kev tu siab muaj txaus lawm....Yug twb ua taug txiv, Yug poj niam; Twb ua taug niam....Yug twb ua nom, Ua tswv tsheej neeg cuag luag xyoo 1971; Nce xyoo 1972....Kuv mam yuav, Kuv poj niam nkauj ntsuag nog:...December 3, 1973 Kuv txoj hmoo phem, Kuv niam maiv vaj saws; Kuv tu ua tub mob tuag:....November 24, 1966, Kuv tseem kawm ntawv nyob:...Grade: 3 Kuv noob nyoog 12 xyoos ntau, Tshuav txiv paj xeb; Nyob los peb moob ib txwm....Coj li ntawd, Niam hlob tuag tas; Tej txiv hlub niam yau heev....Naim yau hais li cas? Txiv ua li ntawd, Yug lub neej zoo li; Lub pob roj mab ncaws hauv tshav....Yug taij txiv nyiaj, Txiv kom mus nug niam yau; yug muaj niam yau....Niam yau cem hiav muag nti, Kom mus tsa niam tim toj ntxas; Yug mloog mas zoo li....ib hnub yug txoj sia yau zuj zug, Los tuag tsi taug raws niam qab; Ib hnub quaj obpeb pluag....Tsi tsaus ntuj, Ib hmos quaj ob peb zaug; Kua muag ntxaum ncoo ntub tas....Kuv txiav txim siab, Mus quaj pe thov niam tij txooj neeb; Niam tij txooj neeb....Kua muag ntwg si, Xyab tes plhw kuv taub hau; Niam tij txooj neeb....Rho tau ib txhiab kis nyiaj pub dawb, Coj yuav kawm ris; Yuav ob nkawm khau khiab....Txais ib txhiab kis pub ua luam, Caum niam tij npliaj tub lawv; Mus yuav zaub ntsuab....Txiv puv luj, Yuav txiv tsawb nyoog; Coj los xwv siav....Mam nqa rau niam tij txooj neeb pab muag, Tsib hnub kuv kawm ntawv; Yuav txiv taub thaj muag khw looj ceeb....Kuv kawm ntawv tsev luam, Ib hnub twg? Xya xuaj moos nrab, Kawm ntawv ntiav; Ibhmos twg? Ob xuaj moos, Them nqis ntiav; Ib hlis twg? 500 kis....Lub caij so, Tsi kawm ntawv; Kuv kawm ntawv ntiav....Ib hnub twg? 5 xuaj moos, Ob hnub so; Tsi kawm ntawv....Caum cov niam tij ua luam yuav txhua yam, Ev zov muag khw looj ceeb; Kuv ev ntuag obb lub kawm....Lub peb pib zwg qab, Rau tu 15 txhais khau khiab; Vim kev nkos ua pag av....tTiaj tau nyiaj yuav ris tsho hnav, Yuav ntawv sau; yuav cwj mem....yuav kua mem sau ntawv, Kuv kawm tas qib: 6 May 23, 1968; Nrhiav hauj lwm ua....Lub neej tub ntsuag ntsoj, Nkauj ntsuag nog mas; Txom nyem kawg nkaug li os....Me muam aws.

Tij laug Xyooj Tsab,

Ib leeg muaj ib zaj dab neeg tseg cia rau lub ntiaj teb.
Yog yam tig tau rov qab, yuav rov mus kho ntau yam hauv yus lub neej kom tsim nyog yug los ua neeg ib zaug hauv lub ntiaj teb no. Yog tig tau lub caij nyoog rov qab, yuav coj tej niam tej txiv mus kho mob kom txhob tso tej me nyuam ua ntsuag ciaj, ntsuag tuag tib si. Txeem hlob tau los ciaj neeg ces thiaj xam tau, yog hmoov tsawg ces ntshe twb mus ua hlau thiab tuam txhob kwv luag lawm.

Tij laug, kuv niam yog nkauj Hmoob Yaj, kuv txiv yog Hmoob Lis, kuv yuav txiv Hmoob Yaj, yog cov yaj nyob Tsua Nyuj Tsua Tho, Fib Khum.

Tiij laug, yog nws xav pom kuv leej nkawm ces nws mus cuav zos tom lub zos Hmoov Ntuj Kev Cai, nws yuav pom pliag puav, tab sis nws mam zeem xwb. Vim yog kuv sau xwb ces kuv tso kuv li duab ntau xwb...Hahahah...!

"Maiv Tooj lub Tsev ua si":

http://hmongcatholique.forumdediscussions.com/t385-maiv-tooj-lub-tsev-ua-si?highlight=Maiv+Tooj+lub+tsev+ua+si

Hmoob Lyon:

http://hmongcatholique.forumdediscussions.com/t137-hmoob-catholique-lyon-fab-kis-teb

- Me muam kooj ziag kab zaug as, Koj puas tu siab; Rov tug kheej nas....Cas kuv tu siab kawg li os, Muab yug tej duab qub thaum hluas saib; Thiaj xav ua neeg os....Tam sim no, Mus da dej tas; Tsi tau luag saib iav lawm....Cas zoo li, Yuav laug sai ua luaj li; Yog yam txawj plhis tawv li "Nab" Ntshe twb plhis ob peb zaug lawm os, Xav npaum twg? Los plhis tsi tau tawv hluas, Es lam nyob hnub xam dhau hmo xwb os; Kuv yeej xav li....Koj xav las mav, Me muam aws; Yog hais tias....Lub sij hawm ntawd, Kuv txhob ua hauj lwm; Kuv yog ib tug pej xeem xwb....Ntshe tam sim no, Kuv tseem nyob nplog teb os; Vim niam txiv tuag tas lawm, Yug tsi xyaum zoo; Tsi tsim txiaj....Luag zej zog, Ntiaj taug qaum peg; Yuav saib yug zoo li "Tsiaj xwb" Thiaj muab yug tug kheej, Mus xyaum zoo; Tsim txiaj ncus....Ciaj nom tsheej tswv, Tshuav nplog liab ib rooj plaub; Nyob tsi tau lub teb chaws nplog....Thiaj txiav txim siab, Khiav tuaj nyob teb chaws:...America....Kho siab khuav, Seev nruab hnub hmo ntuj; Ua npau suav rov mus pom qub zej qub zog....Qub teb qub chaw, Puag ntug nroog xeev khuam; Looj ceeb xas thoos tsua dawb....Phav kheb zog roob vaub kib:....Ban xon....Na xu....Chaws nyob chaw ncig:...Vang Vieng - VienTiane....Txhua nrho li os.

Nyob zoo tij laug Xyooj Tsab,

Tij laug, lub neej dhau mus yog ib zaj npau suav,
lub neej tseem tshua yog ib qho chaw vam,
txawm plam lawm los yuav ua siab loj,
teb chaws npog twb tsis zoo npaum li cas,
yog tuaj Mes Kas tseem zoo dua,
yuav txhob tshua tig ntiag lees lawm tom ntej,
nyob Nplog teb los yog lwm qhov,
peb yeej qev luag toj yug yaj,
qev luag tais rau ntxhais tib yam,
qhov zoo tshaj yog yus yuav zoo siab rau yus,
lub neej niaj hnub thiaj yog qhov zoo,
txoj hmoov zoo yog yus rov hlub yus,
txhob tos lwm tus yuav muaj tsis taus,
Hmoob tej laus ib txwm hais tseg li ntawd,
Lawv tej hneev taw peb yuav tsuj lawv qab,
txhob muab xav rau kev tu siab,
pom caij nyoog khiav vim lub neej yeej mus li ntawwd nawb mog kuv me tij laug...!

Yog nws xav tau ib hauv tshuaj kuab muaj tsuas no nws mus saib poj dab pog lub zos, kuj muaj ob yam tshuaj zoo hauj sim.
Txawm yog txiv neej los yuav tsum sib tshuaj los taiv yus lub cev, thiaj li tseem yuav hluas los tuav yus tus plig. Txhob hais tias txiv neej tsis plees tshuaj, txiv neej pleev cov yug yus lub cev kom tej tawv nqaij zoo nkauj xwb tsis yog yuav pleev kom pom xyeem tau. Hauj txhuaj noj kuj zoo ntau yam rau yus lub cev.

Nws mus saib tau hauv nov:

ZAUB LOOJ PWM DAWB.

https://hmoobtshavntuj.forumotion.com/t319-zaub-looj-pwm-dawb?highlight=zaub+looj+pwm+dawb


Goji, yog ib tsob tshuaj tuaj nyob Suav teb, Tibet. Nws ua hmab tsawv, tuaj pos. Txi cov txiv liab liab, luaj li kuav txob quav tsuag.

Siv ua zaub noj:

Xyaw nqaij noj, tsaws qaib noj, xyaw zaub thaum yus ua mov noj.

Siv ua kob swm tshuaj haus:

- Xyaw kob swm tshuaj (Tea) haus.

NOJ UA TSHUAJ

Noj niaj hnub, ib hnub 1 zaug tom qab noj mov.
Thaj tsam li 20-30 lub, txhob siv dhau 30 lub,
vim nws kuj yog ib cov tshuaj muaj zog heev thiab.

Rhaub haus:

- Rhaub dej kom npau, tsuab ib txaum li 20-30 lub txiv tso rau hauv, rhaub ib pliag ces haus thiab noj cov txiv.

Cia li noj qhuav:

-Muab ib qho li 20-30 lub los tsaug dej ib ob lwm, ces cia li noj, qab li txiv cawv qhuav.

Ua kua txiv haus:

-Muab tsau dej, muab zom ces ua kua txiv haus.

Goji zoo tshuaj:

- Tiv thaiv Cancer
- Tshuaj muaj zog, ntxiv ntshav
- Ua kom pob txha khov
- Thiv thaiv kab mob
- Tiv thaiv ntshav muaj roj
- Tiv thaiv hlab plawv txhaws
- Tiv thaiv quav hlau hauv cev, qaug zog (sab)
- Pab kev nyuaj siab thiab ntxhov siab
- tshuaj txiv neej, poj niam
- Tshuaj poj niam cev qhuav
- Tshuaj yuag
- Tshuaj tib thaiv Radioactivité (Nuclear)
- Pab qhov muag pom kev ntev ntev (thaum laus lawm)
- Tsis laus sai txhua yam ( Plawv, siab, raum, paj hlwb (tswv yim), cev nqaij, leeg, pob txha, hlab ntsha)


Yog yus cog tau, cia li de los ua zaub noj. Yog thaum txi ntau, de los tso txee kho cia noj ntev hli. Ziab qhua kuj tau.
Yuav qhuav nyob tsev muag khoom Suav.

Lawv muag ua txiv thiab muag ua tshuaj lub.

Cov Suav mas lawv saib hlob heev, yog ib hauv tshuaj tseem ceeb heev rau lawv.

- Nyob zoo, Tas kig no; Thaum sawv ntxov os....Me muam kooj ziag kab zaug, Kuv thov nug koj ib yam tshuaj tsw qab lub npe hu ua:....Champagne....Ntuj thaum ub, Peb tseem nyob teb chaws nplog; Tub lag luam fab kis....Xa cov tshuaj tsw qab no, Mus muag teb chaws nplog nyob taj laj xaub vees cas; Ib fwj twg? 3.600 kis nyiaj nplog, Lub me nyuam fwj luaj li; Lub txiv tsawb kos liag....Ntev ib noos, Yog ib co tshuaj tsw qab heev; Tsi tsw nyaum....Lawv hu tias, Tshuaj tsw qab tub sab; Yug hnia kiag....Tsi tsw lawm, Yug twb mus dhau li; Peb plaub kis lus mev deb lawm....Cov lawv qab tuaj txog, Tseem hnov cua ntaus tug ntxhiab tsw qab; Yav ntuj thaum ub teb....Kuv tseem yog, Tub hluas nraug; Kuv nyiam siv cov tshuaj tsw qab no kawg li....Tam sim no, Nyob teb chaws faab kis; Puas tseem muaj muag....Hauv tej kiab khw os, Me muam kooj ziag kab zaug aws; Koj mus ncig kiab khw....Seb puas muaj muag lawm os, Yog muaj no; Sau ntawv tuaj qhia paub os....Ua tsaug.

Nyob zoo tij laug Xyooj Tsab,

Nws hais puas yog cov tshuaj tsw qab nov?

Yog ib nyi hob (marque) zoo heev, cov nyi hob Yves Saint Laurent, Dior, los yog lwm lub npe loj no mas txawm yog lub npe li cas los yeej tsw tau mos thiab ntxim nyiam heev.

- He...he....Me muam kooj ziag kab zaug aws, Yog npau suav; Los tias nas....Kuv nco ntsoov, Cov tshuaj tsw qab kos 37 xyoo txwm nkaug os; Cov thaum ub....Kuv yuav nyob khw:...VienTiane....Taj laj xaub, Yog lub fwj me aiv naim hauv qab kawg os; Lub sij hawm 1970 Ib fwj yog 2.800 kis, Tom qab xyoo 1974 Ib fwj yog 3.900 kis lawm; Cov tshuaj no, Kuv nyiam tug ntxhiab heev; Vim tsw qab xis neeg os....Tam sim no, Fwj me aiv naim; Nqis pes tsawg mas yom....Covfwj loj saum toj nev, Ib fwj pes tsawg os; Sim qhia me ntsis sob yom....Yog Order Tau no....Yuav order siv os, Kuv poj niam, Los tseem nco ntsoov txog li os; Lub sij hawm wb tseem ua hluas nkauj....Hluas nraug xyoo 1973, Kuv yuav tau fwj me aim naim pub nws; Thaum wb sib yuav lawm....Wb mam siv ua ke os, Kuv cov hluas nkauj txhua tug uas; Kuv tham yuav....Kuv yuav cov tshuaj tsw qab no pub lawv xwb os, Yog tug hluas nkauj; Zoo nkauj dua ntais....Kuv nyiam nws heev mas, Kuv thiaj yuav pub os; Tshuaj tsw qab teb chaws nplog....Txij xyoo 1969, Cov nov kim tshaj li os; Me muam kooj ziag kab zaug....Kuv yeej nco ntsoov tias, Teb chaws fab kis; Yuav tsum muaj xwb os....Ua tsaug nawb, Koj nrhiav tau qauv tso hauv no; Kuv pom os mog.

- Me muam kooj ziag kab zaug as, Kuv qhia koj me ntsis txog; Hlawv teb kub zoo....Kub siv nyog, Kub tsi zoo; Tsi kub kiag....Teb peg, Txawv liaj ntau os; Liaj mas....Laij av nyoog ua los tau, Nplej zoo siv nyog; Hos teb peg....Txawv liaj nawb, Thaj teb twg? Thaum hlawv tas, Hluav tawg; Kub av hiavv....Los siav ib txheej li, Ib nti ntiav kawg nkaug saum npoo av; Av hiav....Los siav ob nti, Av hiav; Los siav tob li....Peb nti, Cog dib taub; Nplej pob kws....Thiaj zoo ntsuab doog xoov thoob teb plawg, Xyoo ntawd pob kws ntsu; Nplej thiaj puv txhab....Puv phawv, Hos yog kub li; Daim peb daim xya....Siv tau, Kub li daim 0b; Daim plaub....Daim cuaj, Lam cog; Kawg tsi muaj teb lawm....Kub li daim ib, Daim tsib; Daim rau....Tsi kub hlo, Nplej pob kws tsi zoo; Nroj fab heev....Nthua txog siav, Dob nthua nto luag; Nram qab twb fab li qub lawm....Daim teb luag hais tias, Kub zoo; Plua tshauv tawm tog....Hauv paug mab, Hauv paug ntoo me yau; Kub ti npoo av....Dhia ko taw liab, Tsi dawm ko taw; Tsi chob taw....Daim teb ntawd, Thiaj zoo nplej pob kws dib taub; Nroj tsi fab....Tuaj tug puav yub nroj sib nrhav, Dob li lawv kooj xwb; Thiaj tsi txog siav os....Kuv ib txwm caum kuv txiv paj zeb, Kuv niam maiv; Niam yau nruas....Lawv ua teb thaum lawv coj kuv los tu ua lawv tub qab xyoo 1955, Txog ntua xyoo 1963 xaus; Tom qab xyoo 1966 Kuv niam maiv tuag tas....Kuv txiv paj zeb, Niam yau nruas nkawd; Rov mus luaj teb....Nkawd tseg kuv nyob zov tsev hauv nroog looj ceeb kawm ntawv, Pub peb plaub tug lag npua muag; Txog ntua xyoo 1969....Nplog liab nyab laj tuaj tua, Xas thoos looj ceeb tawg; Hauv xyoo 1975 Peb mus luaj teb.....Fab tub rog, Tsi muaj mov pub poj niam me nyuam noj lawm; Yuav ta ua teb pab qho me ntsis....Tom qab xyoo 1975, Poob ua cob fab; Rov qab luaj teb ntov ntoo xyoo 1976 - 1977....Xyoo 1978 Nplog liab nyab laj rov tua cob fab swb rog, Tsi tau ua teb lawm.

Nyob zoo tij laug Xyooj Tsab,

Kuv saib hauv cab sab, hwj tshuaj tsw qab nov tus nqe yog 60€ ib hwj ntxiv rau nqe xa.


Tij laug, ua tsaug ntau uas nws qhia kev ua teb peg rau peb paub. Nws mas thiaj yog ib tug kws ua teb tiag, nws thiaj txawj qhia txhua yam kom cov tsis txawj ua teb paub ua teb.
Tij laug, es yuav ua li cas teb thiaj kuv, yog tsim li cas teb ho tsis kub?

Ua tsaug.

- Me muam kooj ziag kab zaug as, Cas ntaus tau; Xa tsi tau li os....Kuv xa peb plaub zaug, Tsi nkag li; Xyov ploj rau twg lawm....Yog nws txais tau nov lawm no, Qhia tuaj paub; Mam rov ntaus dua....Xa dua zaum tshiab os, Ua tsaug.

- Me muam kooj ziag kab zaug as, Teb muaj ntau yam xws li; Teb tshav quav nplej, Yuav tau tshuaj saib xyuas; Muab qhov quav nplej tuab rheeb mus rau....Qhov quav nplej nyiag sib, Kom tuab ib yam; Hlawv thiaj kub thoob plawg teb....Tsi txaij li "Plis" Teb nplawm quav pob kws, Los tib yam li; Teb tshav quav nplej thiab....Teb quav poj quav pawm, Yog luaj tej nyuas hav nroj paj dawb "Kas las mas" Xav kom kub zoo, Thaum nplawm tas; Los luaj tas....Yuav tau siv sij hawm li, Ob peb hnub nqa ib rab tsuas; Mus ncig saib xyuas....Qhov twg duas sib, Tsi muaj khaub nyab tuab; Yuav ta xuas kaug txuas nqai....Qhov tuab ntom rheeb mus rau qhov nyiag, Kom tuab xwm yeem; Thaum hlawv thiaj kub zoo du lug....Teb txiv yeem mog, Txhais tau tias:...Thaj teb ntawd, Nyuam qhuav tso tau li; Ob xyoos los peb xyoos xwb....Tseem tsi tau fab txaus, Thaum luaj tas; Yuav tau ncig xuas....Seb qhov twg? Khaub nyab sib nyiag, Pom av zem zuag; Yuav tau rheeb khaub nyab kom tuab xwm yeem....Txiav hauv paug ntoo, Ntxug hauv paug xyoob; Txiav hauv paug mab qis ti npoo av....Luaj kom txhua, Txhob tseg ntsuab vog; Tej me nyuam ntsis ntoo....Los ceg ntoo, Txiav ntsis lwg ceg kom tas pw lua npoo av; Thaum hlawv thiaj kub zoo du lug....Dhia tsi dawm ko taw, Tsu tsi chob ko taw; Tej txiv yeem laug....Ntoo loj luaj ib puag....Thov ntov tas, Thaum ntoo vau; Nplawm tsi muaj ceem....Ntsawm ceg tsi lov, Tsa nqwb nqug; Tom qabluaj tas; Yuav tau nqa....Ib rab txuas nrog taus, Txiav txo ceg ntoo; Poob ti av....Thaum tis tawg hlawv, Thiaj kub zoo; Nco ntsoov txiav hauv paug ntoo, Hauv paug mab; Hauv paug xyoob....Kom qis tshuav li peb nti saum npoo av, Thaum hlawv tas; Nplaim tawg yaim tuaj mus....Kub ti npoo av, Yog teb zoov nuj txeeg; Muaj duas tuab....Ntoo loj vau muaj ceem tsawm ceg dam ntsoo lov tas, Siv sij hawm li; Ib ob hnub ncig xyuas....Tshuav tug ceg ntoo twg? Tsi dam lov, Yuav tau txo txiav kom tu poob tas; Thaum hlawv thiaj kub zoo....Yog teb ntxhab, Tis tawg nram kwj ha; Yog teb tiaj....Yuav tau saib cua ntsawj li cas? Cua tuaj phab hnub tuaj xaus phab hnub poob, Xub zes ncauj tawg; Phab hnub tuaj kub xaus phab hnub poob....Teb kub zoo du lug, Teb txiv yeem laug; Teb hav zoov....Cia tshav ntuj ziab, Ob hlis txwm nkag; Los obhlis kaum tsib hnub mam hlawv....Thiaj kub zoo, Koj ntsia cov pa tawg ncho; Ces paub zoo....Ncho pa dawb, Teb tsi kub nawb; Hlawv kub tas....Ceg ntoo dawb vog, Yog pa tawg daj dhuv; Kub siv nyog....Yog pa tawg liab ploog tsaus nti, Teb kub zoo heev; Thaum koj hlawv....Nplaim tawg cig peb lwm, Los plaub lwm; Teb kub zoo kawg nkaug....Plua tshauv dawb vog, Cuag xuas qhaub rhuab cheb; Dhia tsi dawm ko taw.....Tsi chob ko taw, Kev luaj teb; Kev hlawv teb....Qhia xaus li no, Tshuav dab tsi? Mam nug dua os.

- Piav txog, Khawb teb nqeeb; Los ncaws teb nqee "Cog nplej" Muaj peb yam av xws ji, Av luaj xuav; Av phom cag nqeeb ntsia tob....Ncaws nqeeb tuag, Tsi zoo pes tsawg; Tsuas zoo li....Peb cim nplej xwb, Tsuag lawm; Pauv dua teb tshiab....Ncaws dua, Av luaj dag; Cag nqeeb ntsia tsi tob pes tsawg....Yog ncaws tau, Ib thaj kev ntev li; Plaub xyoos tsuag lawm....Pauv dua daim tshiab, Av luaj ntsha nees; Cag nqeeb ntsia pliav heev....Ntsia tob li, Peb yas tes; Xuas nyuj twm laij tau....Zoo kev ntev xya cim diam, Mam tso tseg; Koj mus saib thaj nqeeb ntawd....Hauv paug nqeeb pham ncog, Nplooj dav fo; Siab txij tib neeg....Los siab dua, Koj ntsia kiag av noo zaws; Quav cuav nab....Pawg lug luam taw lawg, Zoo kawg nkaug li; Thaum luaj....Luaj rau lub yim hli ntuj, Tseem los los nag; Tsi tu saum taub hau....Thaum yug luaj tas, Txog ntua lub cuaj hlis ntuj nrab; Qhuav daj vog....Hlawv thawj zaug, Kub tuag ploj tuag plig; Dej nag nqis....Lub cuaj hlis, Kaum hli; Cov hauv paug nqeeb txham dej yim caum tsib feem pua....Lwb tas lawm, Tshuav kaum tsib feem pua xwb; Thaum ncaws tas ziab tshav li....Kaum tsib hnub, Rau neeg nkaum hnub; Los ib hlis....Mam tsoo, Kom av tawg ntxheev sua; Cov cag nqeeb....Tsi tas khaws, Cia nws nyob nws xyaws av dhev; Lwj ua chiv....Cog nplej zoo kawg nkaug, Zoo cuag nplej teb hav zoov ntas; Thaum dob nroj....Los nthua thawj zaug, Muaj tug puav yub nroj sib nrhav xwb; Yug muab cov me nyuam hlau nthua yeeb....Kuam hauv paug nplej, Xuas roob hlaus tsoo tsoo; Kom av tawg mog nyoos npoog hauv paug nplej....Txog nua lub xya hli, Yim hli ntuj; Tawm plawg cuaj hlis ntuj....Nplej zoo cuag "Nplej liag" Nplej ntsuab doog nkawv cuag, Zoov nuj txeeg; Yug kwm nkag mus hauv....Txij tib neeg, Thaum txhawv tas nrho; Nab nplej haiv loog....Hlais ntaus ntsu kawg nkaug li os, Me muam kooj ziag kab zaug aws; Kev qhia ua teb nqeeb xaus li no....Mam sis ntsib dua mog.

- Me muam kooj ziag kab zaug, Thov zam txim pub; Kuv ib zaug....Kuv yuav nug, Koj li no; Luag tej laug....Ib txwm piav ntuj nrag lug tias "Muaj tsiv pluag - Pluag tsiv tuag" Thaum nej khiav txog "Na xu - Ban xon" Niam thiab txiv, Tas sim neej; Ncaim nej lawm....Tshuav tug twg? Yog tug hlob tas nrho, Ntawm nej yim leej nus muag; Vim li cas tias....Twb xav qhov zoo xwb, Tseem tau kev txom nyem quaj ntsuag; Niam thiab txiv mob li cas? Nkawd thiaj ncaim nej, Cov nus muag; Nej pab nug muag....Leej twg? Yog tug hlob, Coj cov yau; Ua li ne....Tam sim no, Nej puav leej tuaj nyoob teb chaws fab kis tas nrho; Los nyob tsi tas....Sim piav me ntsis, Pub kuv nyeem sob yom; Thaum yug niam....Yug txiv nyob, Lub neej zoo ib yam; Thaum niam txiv tuag ncaim lawm zoo li....Yug txoj kev taug, Txawv hlo tsi zoo li qub; Lub neej muab yug yuam taug dua....Ib txoj kev tshiab, Puas zoo li ntawd; Vim kuv nyoblub neej ntawd....Ob zaug lawm, Kuv thiaj nug; Koj ua muam os.