HMOOB TSAV NTUJ

Would you like to react to this message? Create an account in a few clicks or log in to continue.

google-site-verification: googlefbfddf59e706b96b.html

Latest topics

» Ib tsoom Phoojywg Nej Nyob Licas lawm
by Liajntsuab 7th October 2019, 9:45 am

» NCIG XYUAS HMOOB NYAB LAJ TEB TSEEM UA LUB NEEJ NYOB TOJ SIAB
by Tub kev deb 3rd October 2019, 7:19 am

» Tshuaj Ntsuab
by PIJPAUJ 27th November 2018, 11:17 am

» NYOB ZOO OS
by cwjmemdub 10th October 2018, 9:37 pm

» TUS KAB MOB CANCER TXOV HMOOB LOS TAU ZE 600 TAWM XYOO & TSEEM YUAV MUAJ NTXIV
by Liajntsuab 13th April 2018, 11:57 am

» ***UA NEEB***
by shung 8th March 2018, 5:49 pm

» Neeb Saub ua rau neeg vwm
by shung 4th February 2018, 2:58 pm

» Xiong Chang
by koobpovtxuj 10th December 2017, 11:00 am

» Koobpovtxuj.
by koobpovtxuj 19th November 2017, 1:34 am

» kuv cov duab.
by koobpovtxuj 18th November 2017, 11:30 am

» KHAWV KOOB
by koobpovtxuj 30th September 2017, 4:29 pm

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

Tsev seev PajHuam

NRAUG LIAB TOJ SIAB lub tsev Paj huam Nraug_11

Hmong beauty nature

NRAUG LIAB TOJ SIAB lub tsev Paj huam Dsc08613

Compteur visitor

hnub 18/09/2010 los mus

+3
hmoobleejtub
Nraug Liab Toj Siab
koojziagkabzaug
7 posters

    NRAUG LIAB TOJ SIAB lub tsev Paj huam

    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    NRAUG LIAB TOJ SIAB lub tsev Paj huam Empty NRAUG LIAB TOJ SIAB lub tsev Paj huam

    Post  koojziagkabzaug 17th September 2011, 1:38 am


    ME NRAUGLIAB TOJ SIAB,

    Kuv muab nws zaj paj huam los tso rau qhov nov,
    kuv ua lub tsev teem nws cov paj huam.
    Yog nws muaj ntau zaj ntxiv,
    thov nqa tuaj tso ua ke nov.
    Kom khaws tau nws tej txuj ua ke cia...Ua tsaug.




    Photobucket




    Ntuj teb os..........leej muam Pajnyiag
    Sib hlub tiag..........zoo npaum wb no
    cas wb ho.........thiaj tsis sib tau
    sib hlub dhau..........yuav ua li cas
    hlub koj tas..........npaum li no tiag
    nrug ib pliag..........siab yeej tsis kaj
    Tub Huajyaj..........tus neeg koj hlub
    txij ntua hnub.........wb tau sib hlub
    txog niaj hnub..........tam sim no lawm
    txog sij hawm.........yuav tuaj coj koj
    ciav taij zoj..........kuv niam kuv txiv
    lawv txawm siv..........txiav wb kev hlub
    lawv tsis pub..........wb los sib yuav
    hais txiav npluav..........tias tsis txwm phaj
    Tub Huajyaj..........zoo li kuv no
    tu siab nrho..........tias tag zaum no
    es koj ho..........puas hlub kuv tiag
    Lis Pajnyiag..........tus neeg kuv hlub
    lawv tsis pub..........wb los sib tau
    los sib sau..........ua txij nkawm ces
    tig los es..........kuv hais koj mog
    sim neej no..........yeej hlub koj tshaj
    xav tsawg zaj..........los tws hau kev
    thov koj cev..........koj txhais me tes
    tuav kuv es..........wb mus ua ke
    sib pus nce..........lawm sawm hauv tsua
    muab txoj hlua..........khi wb caj dab
    sib puag npab..........dai tuag ua ke
    tseg lub cev..........rau cov laus quaj
    hmoov tsis muaj..........nyob rau tiam no
    ua siab tso..........lub ntiaj teb cia
    wb txoj sia..........tu nrho lawm tiag
    suav txij kiag.........hnub no lawm tov
    yuav tsis ntxhov..........wb siab ntxiv lawm
    kev txij nkawm..........wb tau ywj siab
    pib dua tshiab..........nyob lwm lub ntuj
    wb tus ntsuj..........mam li huab xyw
    ya sib tw..........mus ua ib ke
    sib puag nce...........lawm saum ntuj ntsuab
    ua me huab..........me nag me cua
    yog muaj dua.........lwm tiam tiag no
    wb mam ho.........mus thov ntawv tshiab
    mam thawj thiab rov fab lwm tiam mog leej me muam !

    Ua cas es txoj kev hlub yuav muaj zog ua luaj li os lawv e?
    Ua tsaug ntau.




    Nraug Liab Toj Siab
    Nraug Liab Toj Siab
    Sponsor
    Sponsor


    Messages : 774
    Date d'inscription : 2011-05-31
    Age : 37
    Localisation : Nyob ntawm koj ib sab.

    NRAUG LIAB TOJ SIAB lub tsev Paj huam Empty Lus Ua Tsaug

    Post  Nraug Liab Toj Siab 17th September 2011, 5:56 am

    Nyob zoo os me muam Koojziagkabzaug,
    ua tsaug ntau rau nws lub siab dawb siab zoo uas nws tseem tau nrhiav ib qho chaw tshwj xeeb rau nws me nus tojsiab no zaum thiab nawb mog.
    Ua tsaug uas nws tseem pab kho kuv zaj paj huam thiab nawb mog.


    Last edited by Nraug Liab Toj Siab on 19th September 2011, 1:22 am; edited 1 time in total
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    NRAUG LIAB TOJ SIAB lub tsev Paj huam Empty Re: NRAUG LIAB TOJ SIAB lub tsev Paj huam

    Post  koojziagkabzaug 17th September 2011, 12:34 pm



    Me NruagLiab Tojsiab,

    Nws tej txuj ci muaj nuj nqes heev, peb yuab muab tso ua ke thiab ceev cia kom tsis muaj caij kawg.
    Kuv ua tsaug rau nws lub caij uas los sau ntau yam zoo rau Peb Haiv Hmoob.




    Photobucket







    Tus sau: Tij laug Zibmes&piamthaj(tojsiab.com).

    Txoj kev hlub..........thiab txoj kev ntshaw
    tau ntawm taw..........tuav nyob ntawm tes
    zoo no ces..........tsis xav pub plam
    txoj kev vam..........thiab kev cia siab
    nws yuav tshiab..........yam li paj nra
    nws tsw ha.........npaum nkaus nplej caug
    kev nkauj nraug..........thaum lawv sib nyiam
    txiv thiab niam..........thov tsis txhob txwv
    cov ua kwv..........thiab cov ua muam
    qhov lawv ruam..........vim lawv tseem yau
    lawv xav tau...........yog kev sib hlub
    yog nej ntxub...........thiab nej los tav
    qhov lawv xav...........ces yog kev tuag
    kuv yuav luag...........zoo yam Tub Huaj
    tus uas ruaj...........siab rau kev hlub
    Muam Nkauj Hnub...........ho tsis ua tiag
    yam Yaj Nyiag..........thiab kwv Huaj Yaj
    pom nkawv zaj..........dab neeg kev hlub
    ua kuv lub............kua muag ntws tawm
    cas tus cawm...........ho yuav tsis muaj
    es Tub Huaj...........thiab Muam Paj Nyiag
    thiaj tuag kiag...........ncaim peb mus lawm
    yog sij hawm...........muab tig tau rov
    es nkawv hnov..........xav hais lus qhia
    tias ib txhia..........lawv txoj kev hlub
    nws tseem dub...........tshaj li ntaub dub
    tshaj dua hnub..........thaum lub ntuj tsaus
    kuv tus laus...........twb ntsib los lawm
    muaj tus cawm..........kuv ciaj hnub no
    ua cas ho...........pab tsis tau nkawv
    kuv lub plawv..........xav mas tu siab
    thov tiam tshiab..........kom nkawv muaj hmoo
    tau ntawv zoo...........los ua txij nkawm
    kom hmoov sawm...........pub nkawv sib tau
    los sib sau...........kom ciaj ib yig
    thov ntuj tig...........txoj hmoov kom ncaj
    kom lwm phaj..........pub nkawv lwm tiam
    txhob pub piam..........thiab plam dhau mus
    ho hais lus...........rau peb cov nyob
    kom nej txhob..........ua ib yam nkawv
    niam txiv lawv..........khwv khwv tu nej
    neej tom ntej..........nej tseem tshuav deb
    lub ntiaj teb...........pom tsis tau txhua
    tej mab sua..........li kev vam meej
    uas koj yeej..........tsis tau pom txog
    tseg nawb mog..........txhob hais kev tuag
    kev ua ntsuag..........tub thiab ntsuag kiv
    niam thiab txiv.........lawv tsis xav tau
    ho hais dhau..........rau zos pham dais
    yog nej pais..........txog tsua pham thaus
    muaj caij txaus..........ho nce mus saib
    yuav qhia laib..........nkawv zaj dab neeg
    ob tug neeg..........txoj kev sib hlub
    ntawm tus Tub..........Huaj thiab Paj Nyiag
    yeej muaj tiag.........tsis yog lam dag li nawb ib tsoom phooj ywg.







    Thov txim ntawm tub huaj niam thiab txiv nrog rau paj nyiam niam thiab txiv. Kuv sau zaj paj huam no hais txog kev sib hlub los vim yeej muaj ua ntu zus los rau ntawm peb haiv hmoob. Es nej zam txim pub kuv thiab. yog lwm muaj dua tom ntej no thov sawv daws ho hais zoo rau tej me nyuam es lawv thiaj tsis tuag li nkawv. Hos tej me nyuam los yog thaum pom nyuaj lawm txhob xav txog kev tuag yuav tsum mus nrhiav kev pab. Txoj kev kho siab ces peb leej tib neeg yeej ntsib txhua tus nawb lawv. Ua tsaug
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    NRAUG LIAB TOJ SIAB lub tsev Paj huam Empty Re: NRAUG LIAB TOJ SIAB lub tsev Paj huam

    Post  koojziagkabzaug 12th October 2011, 7:31 pm



    Puas Tseem Nco Teb Chaws Los Tsuas

    Nyob zoo os.......... tsoom kwv tij Hmoob
    uas nyob thoob.......... lub qab ntuj no
    nej puas nco..........txog teb chaws nplog
    uas nws yog........... thaj chaw yug nej
    yav nram ntej........... thaum tseem me yau
    uas nej tau ...........nyob ib zaug los
    lub me zos.......... uas yog yug koj
    koj thiaj loj.......... tiav txiv neej yawg
    teb chaws tawg........... koj thiaj tau ncaim
    puas nyob nraim........... hauv koj lub siab
    lub ntuj tshiab........... uas koj mus nyob
    yeej txawv hlo............ koj lub qub zog
    lawm nawb mog............ tsoom phooj ywg aw
    lub qub chaw............ thaum koj tseem yau
    nws yeej tau........... hloov mus tag lawm
    vim sib hawm........... dhau mus ntau xyoo
    tej xyoob ntoo............ los twb loj tas
    ib co mas.............ho tuag tas lawm
    muam nkauj ntxawm ............. los twb laus laus
    mus tsis taus............. kev li thaum i
    chaw ua si............ thaum koj tseem me
    tej vaj tse............. thaum koj tseem nyob
    ciaj toj pob............ thiab ciaj quav poj
    hav zoov loj............. ua zoov nuj txeeg
    ib tsoom neeg............. thaum nyob ua ke
    lawv los ntshe........... yeej twb laus lawm
    vim sib hawm ............dhau mus tau ntev
    tej me kev.......... uas 1 txwm taug
    lub zog qaug.......... tsis zoo li qub
    yam lub hnub........... uas twb qaij zus
    twb yuav mus........... ploj tim npoo roob
    kwv tij hmoob........... nej puas tu siab
    muaj daim tshiab............ muaj qab noj los
    yus lub zog.............. tsuas ntaug zuj zus
    twb yuav mus............. cuag poj cuag yawm
    kev txij nkawm............... nws twb yuav dua
    yam nthwv cua .............uas ntsawj ib vuag
    poob kua muag.............. thaum uas tham txog
    vim tias yog ...........nco niam nco txiv
    nco kwv tij ............neej tsa txhua tus
    cov ncaim mus........... los thov nco ntsoov
    sib hawm hloov............ mus ntev npaum twg
    tsuav siab ntsws............ tsis txhob hloov xwb
    hauv lub hlwb.............. yuav tsum nco tau
    lub neej dhau............ yav ntuj qub qab
    nyob yaj sab............. puag pem toj roob
    lub neej hmoo............b yav ntuj thaum i
    nyob luag ntxhi.......... muaj kev ywj pheej
    hmoob lub neej............ nyob pem kaum hav
    hmoob yeej cav ................tias kaj siab dua
    yog nej tshua ......... rov los saib mog
    saib qub zog ..........qub teb qub chaw
    tsam txoj yawg tu lawm ces tag ib sim nas lawv!


    Ua tsaug ntau.

    NRAUG LIAB TOJ SIAB lub tsev Paj huam Hmong_10
    hmoobleejtub
    hmoobleejtub
    Developer
    Developer


    Messages : 119
    Date d'inscription : 2011-08-31

    NRAUG LIAB TOJ SIAB lub tsev Paj huam Empty Re: NRAUG LIAB TOJ SIAB lub tsev Paj huam

    Post  hmoobleejtub 14th October 2011, 2:34 am




    ROV MUS TSHAM LOS TSUA TEB.



    nyob zoo kwv npawg liab toj siab
    xyoo ob txhiab ob xoom xoom tsib
    kuv tau pib los tsham los tsuas
    tau ncig xyuas mus ntau lub zos
    tej chaw yos kuj tsis luaj twg
    kev phooj ywg thiaj ntaus tsis muaj
    tswj siab ruaj thiaj tsis cuav xwm
    ua yoov lwm les ub les no
    raws li nco nyob lav nees nkaum
    tus puav maum kuj zoo ntxim tawb
    siab kuj dawb tham lus luag ntxhi
    tsis zoo nki vim ntshai lawv ntxub
    coj iav dub tsuas nyiag ntsia lawv
    tsev kawm ntawv tub ntxhais kuj coob
    ntxhais nkauj hmoob zoo phim tub hluas
    saum roob tsuas pom hnub tuaj ziab
    ci ntsa iab zoo phim lub zos
    ncig mus los pluas av kuj ntau

    thiaj mam dhau mus rau thoob pes
    nram liaj zes tso nyuj sib nraus
    neeg coob txaus tub ntxhais tuaj coob
    los pom hmoob yus yog neeg txawv
    txawm mus sawv los tsis zoo phim
    tsam lawv chim ces cia txav deb
    txog ciam teb teb chaws nyab laj
    qhov txawv tshaj nyob ntawm txoj kev
    tsheb thauj dev los hla ciam teb
    yuav mus deb dev quaj xiv nqiab
    pab tu siab rau tej tsiaj txhu
    tsiaj quaj hu los tswv tsis paub
    mus ciaj zaub rau neeg nyab laj
    pom txawv tshaj thiab kuj pab hlub
    me dev dub dev daj dev dawb
    ntim pob tawb los lawm ntau tsheb
    muab ciam teb taug los tso cia
    tig rov ntsia los rau nplog sab
    pom poj mab ev kawm khiab hau
    lawv tho tau ntau lub plawv txhoob
    kuv thiaj qhoob nrho nyiaj pab yuav
    kom dim plhuav lawv lub nra sib
    thiab ho ntsib tej hmoob taug kev
    cug tsheb ev thauj lawv los tsev
    nyob tsis ntev tsis tshaj peb hnub

    thiaj xuas dub los rau vees cas
    noj tshais tas nce mus tsib ob
    pom hmoob nyob ua luam nplawg ntia
    ua zoo ntsia hmoob doog li daum
    muag mov nplaum nyob ntawm tej khw
    ci nqaij tsw ncho pa oov niab
    tsi xis siab los yuav tau noj
    ib pliag zoj lub hnub txawm poob
    yus yog hmoob los lawv tsis hu
    tsam coj xu tsis coj zoo dua
    tsev txais qhua los muaj tsi ntau
    nyob tsis tau lam pw ib txaj
    lub ntuj kaj ces ho mus ntxiv
    ntuj teb kiv txoj kev cuam kawb
    pom nplooj tsawb xws nplooj toov laj
    pom teb thaj ntoo vau zom zaws
    muaj pa taws ncho puv toj roob
    tej zos hmoob nyob raws txoj kev
    nthab yees tsev ti nkaus ntawm npoo
    tsis ua zoo tsheb nkag hmoob tsev
    siab tsis ntev rau tej nyuj twm
    pw tsa ntswm tsheb los tsis nti
    neeg ua si nrog tsiaj nrog txhuv
    neeg tuav txhuv ntawm tej tog txuas
    ntsia mluas mluas kuj zoo txaus hlub

    tej me tub kuj pom ev taws
    dhia zom zaws muaj cov ua si
    txoj kev ti nkhaus nkab nkhaus nkoo
    tsis tau zoo hmoob tseem poob qab
    pom teb ntxhab lo li tim toj
    kev ua noj txom nyem tshaj plaws
    tas sawv daws kuj zoo ib yam
    muaj qee tsam kuv ho yuam kev
    ntsia lub tsev siab li lub nthab
    xav tias mab lawv ho yog hmoob
    pom tuav koob nthia rauv paj ntaub
    kuv tsis paub xav tias yog hmoob
    cas ho qhoob lawv ho yog nplog
    muab xav txog yaj saub ntsuab xwm
    twb hais tshwm nplooj qhua yuav tog
    hmoob ua nplog pob zeb yuav ntab
    cas tom qab nplog ho ua hmoob
    nce toj roob txij zos pham caub
    kuv tsis paub muaj ntau lub zog
    ho mus txog lub nroog phou khoun
    neeg nyob ncoo pub thawj thiab hmoob
    nyob raws roob muag zaub pua lev
    3 txog kev sib tshuam chaw so
    huab cua no hnub qaij zuj zus
    dhau ntawd mus mam txog naab cav

    nce kev tav mus rau moos soi
    txog tus nrim zos Ceeb Tsheej Ntuj
    peb hmoob kuj nyob coob kawg tiag
    nkauj cev yiag nyob coob tshaj plaws
    muaj neeg raws tsuas pom thov nyiaj
    xyaum xyob txhiaj txoj kev haus yeeb
    ntsia tseeb tseeb ces yog txhob txwm
    tub ceev xwm tsuas lam hloov duab
    kom zoo npuab zoo soj nrhiav xov
    hos ib cov kuj yog txom nyem
    niam txiv sem tso nyuam ua ntsuag
    me nyuam tuag niam txiv ua ntsoj
    kev nrhiav noj tsis txawj fab peem
    thiaj nyiaj ntxeem ua neeg thov noj
    cov thawj coj qi muag lawv ua
    tej mab sua muaj zoo teb tiaj
    cov muaj nyiaj muaj zoo tsev nyob
    txawj thaj tsob muaj tsheb zoo tsav
    ua zoo xav cov hmoob tim ub
    yeej pab hlub ua vaj ua tsev
    los yuav sev tsim teb kho chaw
    txoj kev ntshaw thiaj li raws cuag
    tig los vuag saib txog cov coj
    ua nom loj npaj kaus pej xeem
    yeej tsis leem rau cov ncig ntuj

    tsuas ntsia nruj rau nws cov hmoob
    tej qhua coob yog neeg txawv nqaij
    yeej tsis taij tsis kam tsa ncauj
    tsuas hais lauj hmoob neej hmoob tsav
    thiaj li xav kom ceeb xaj pauj (passport)
    kom zoo lauj kaus nyiaj hauv hnab
    hais tshab tshab tsuas ntsia hmoob nruj
    yam tej nyuj npaj zas nkaus tav
    tsis txawj xav tsis paub tu siab
    tsam muaj txiab ib hnub nram ntej
    ua teb nplej los qoob tsis zoo
    thiaj tau nroo tham txog kev tshaib
    kom nrog saib pov pub rau noj
    coj siab loj qhib siab kom dav
    qhib tso tshav twg txhaum mam hais
    tej tub ntxhais ua si ywj siab
    ncig kav kiab ua si ywj plawv
    tsev kawm ntawv twg txawj nrog qhia
    npaj tsev cia txais tos cov hmoob
    ntxhais ciaj tshoob heev nyuj ciaj luam
    tsa pej thuam coj hmoob pe hawm
    tso txwj nkawm rau tub ntxhais xaiv
    tswj lus xaiv kom tsis pub muaj
    thiaj nyob ruaj muaj kev haum xeeb
    kev thaj yeeb thiaj yuav loj hlob

    twg xav nyob qhib rooj lug tos
    cov xav los sawv daws muaj coob
    thaum twg hmoob muaj txoj kev ntshaw
    li kuv taw hmoob thiaj vam meej
    tub ntxhais tsheej yeej tau zoo vauv
    tsim muaj qauv kom coj txaus hlub
    tsis sib ntxub peb yuav nyob haum os lawv
    .




    Last edited by hmoobleejtub on 31st January 2012, 12:36 am; edited 1 time in total
    Nraug Liab Toj Siab
    Nraug Liab Toj Siab
    Sponsor
    Sponsor


    Messages : 774
    Date d'inscription : 2011-05-31
    Age : 37
    Localisation : Nyob ntawm koj ib sab.

    NRAUG LIAB TOJ SIAB lub tsev Paj huam Empty Re: NRAUG LIAB TOJ SIAB lub tsev Paj huam

    Post  Nraug Liab Toj Siab 3rd November 2011, 1:32 am


    Tij laug Hmoobleejtub,

    Ua tsaug ntau rau nws lub siab zoo thiab nws lub sij hawm uas nws tseem tau sau ib zaj paj huam los phim kuv cov thiab os mog.
    Nraug Liab Toj Siab
    Nraug Liab Toj Siab
    Sponsor
    Sponsor


    Messages : 774
    Date d'inscription : 2011-05-31
    Age : 37
    Localisation : Nyob ntawm koj ib sab.

    NRAUG LIAB TOJ SIAB lub tsev Paj huam Empty Re: NRAUG LIAB TOJ SIAB lub tsev Paj huam

    Post  Nraug Liab Toj Siab 3rd November 2011, 1:37 am




    Keeb Kwm Hmoob Tawg Rog Pem Suav Teb Los.

    Suab me no.............yog lus paj huam
    yuav hais pluam........tawm plaws tsis zais
    yuav thov hais.........rau ib tsoom hmoob
    uas nyob thoob.........hauv qab ntuj no
    kom nej ho.............paub txhij hnov txhua
    muab khaws ua..........keeb kwm teeb cia
    thiaj tau qhia.........rau tej me nyuam
    lub keeb puam..........txwm ntawm peb Hmoob
    uas nyob thoob.........lub qab ntuj no
    seb nws ho.............yog vim dab tsi
    soj raws li............keeb kwm sau cia
    keeb kwm qhia..........rhawv tseg hais tias
    li plaub txhiab........lub xyoo dhau los
    Hmoob lub zos..........nyob Mongolia
    keeb kwm tias..........lub sib hawm ntawv
    Hmoob yeej sawv........muaj kev vam meej
    Hmoob lub neej.........yeej xub nto moo
    ua neej zoo............tshaj haiv neeg Suav
    Hmoob leej puav........yeej txawj ntse txaus
    Hmoob cov laus.........twb txawj khawb hlau
    coj los hau............ua cuab yeej siv
    Hmoob leej txiv........yeej txawj khawb nyiaj
    txawj tu tsiaj.........ua qoob ua loo
    txawj hnav zoo.........dai npib dai hob
    Hmoob yeej nyob........tau kaj siab lug
    muaj qee tug...........yeej ciaj xeev laus
    los ua taus............peb hmoob tus vaj
    vam meej tshaj.........dua lwm haiv neeg
    qhov kuv ntseeg........yog Hmoob tsoos zam
    yog muab tham..........ces yeej txaus qhuas
    dai puv ntuas..........me ris me tsho
    me nyiaj hob...........nyiaj npib nrov ziag
    muaj tseeb tiag........tsis yog lam nroo
    ntau txhiab xyoo.......tom qab los no
    Hmoob thiaj ho.........pib txav zuj zus
    nqis los mus...........nyob Suav Tuam Tshoj
    Suav av loj............sab ntuj Asia
    tham ntxiv tias........sib hawm thaum ntawv
    Suav rog sawv..........tuaj tsuj peb Hmoob
    txais Hmoob qoob.......Hmoob loo tsis them
    Suav ua phem...........huab Hmoob tej nyiaj
    tua Hmoob tsiaj........txeeb hmoob liaj ia
    muaj ib txhia..........zov kev tua Hmoob
    txeeb Hmoob tsoos......Hmoob zam lawm tag
    Hmoob pheej mag........Suav tuag tshaib tua
    ua thiab ua............thiaj ciaj tsov rog
    Hmoob thiaj nrog.......Suav sawv sib tua
    muaj ntau nplua........Suav kuj tuag coob
    vim peb hmoob..........lub me peev xwm
    tus xub tshwm..........hauv Hmoob zej zog
    ces txawm yog..........huab tais Txiv Yawg
    sawv ua pawg...........koom ua ib pab
    ntau laj fab...........tswv yim tiv thaiv
    kom peb haiv...........Hmoob tsis txhob ploj
    thov qhuas koj.........huab tais leej txiv
    koj tau siv............koj li roj ntsha
    coj los nqa............lub teb lub chaw
    peb sawv daws..........yuav nco ntsoov koj
    tsis pub ploj..........hauv Hmoob keeb kwm
    yuav muab zwm..........khaws ua faj lem
    yuav tsis tshem........tsis muaj hnub kawg
    thaum Txiv Yawg........tau tag txoj sia
    Vwj Paj Yias...........coob leej ntau tus
    tau sawv pus...........coj Hmoob tua Suav
    yog yuav tuav..........tug npe zuj zus
    ua ntu mus.............mas yeej tshuav coob
    txiv yawg Hmoob........cov me siab tawv
    nej tau sawv...........los thaiv peb Hmoob
    tuav lub koob..........tsis pub ploj mus
    ua ntu zus.............los txog Yunan
    muab hais mas..........yog ntsug rog loj
    Hmoob cov coj..........rov sawv tua Suav
    sawv los tuav..........peb Hmoob meej mom
    tsis pub kom...........poob rau Suav tes
    Suav rog ntes..........thiab tua peb Hmoob
    tuag puv thoob.........toj roob hauv hav
    kua muag ntshav........thiaj ntws tawm los
    yeeb vim yog...........muaj tus siab phem
    tau ntxeev lem.........rov taw tuam ntuj
    rov tuaj tsuj..........tua yus haiv Hmoob
    yus tsob noob..........cas ho tsis hlub
    ua siab dub............rov tua yus pawg
    txog thaum kawg........Hmoob thiaj swb rog
    ntawv txawm yog........xyoo tim 18
    cov khiav dim..........ces thiaj ciaj sia
    muaj ib txhia..........Suav muab ntes tau
    muab pov rau...........hluav taws kub nyhiab
    muaj ntau txhiab.......tus raug Suav hlais
    thiab coj pais.........pov rau dej tshoob
    yuav tu noob...........ces thiaj tau khiav
    thiaj muab siav........ciaj pauv siav tuag
    khiav nrov ruag........los rau Nplog teb
    ib txhia ces...........ho tshwm Nyab laj
    mam rov npaj...........tsim dua noob neej
    kev ywj pheej..........thiaj khees dua qub
    tsim me tub mes ntxhais coob zuj zus tuaj lawm xwb tiag!

    Yog yuav sau kom txhij kom txhua mas yeej tshuav ntev.
    Txawm tias sau tau tsis zoo thiab tsis yog los
    thov s/d ho zam lub txim pub thiab. Ua tsaug ntau.




    Nraug Liab Toj Siab
    Nraug Liab Toj Siab
    Sponsor
    Sponsor


    Messages : 774
    Date d'inscription : 2011-05-31
    Age : 37
    Localisation : Nyob ntawm koj ib sab.

    NRAUG LIAB TOJ SIAB lub tsev Paj huam Empty Re: NRAUG LIAB TOJ SIAB lub tsev Paj huam

    Post  Nraug Liab Toj Siab 3rd November 2011, 1:42 am





    Peb Hmoob Thaum Lub Caij Tsov Rog Fabkis

    Txij ntua thaum........Hmoob khiav Suav rog
    Hmoob los txog.........daim av Lostsuas
    uas yog puas...........Nyablaj qaum teb
    nyob tsis deb..........ntawm Dias Npias Fus
    Hmoob kuj mus..........ua noj ywj siab
    lub neej tshiab........kuj yog zoo ntau
    Hmoob kuj tau..........muaj kev ywj pheej
    ua lub neej............kaj siab dua qub
    nyob ib hnub...........mus dhau ib hlis
    ib pliag ntshis........twb tau ntau xyoo
    ces ho zoo.............li hmoov rov phem
    ntuj rov lem...........txoj kev xyob txhiaj
    ces Hmoob thiaj........rov poob kua muag
    txoj kev ntsuag........Hmoob rov khaws nkaus
    raws cov laus..........thiab keeb kwm qhia
    Fabkis dhia............tuaj tsuj av Nplog
    ces nws yog............1-8-9-3
    Lostsuas teb...........rov tau kub ntxhov
    vim yog cov............Fabkis caj siab
    coj cai tshiab.........tuaj tswj los tsuas
    kev sib tuas...........thiaj tau sawv dua
    thiaj rov ua...........rau Hmoob lub neej
    tsis sawv tsheej.......ib cuab ib yig
    Fabkis tig.............los sau Hmoob se
    Fabkis nce.............tus se siab zus
    sau Hmoob mus..........ua Fabkis qhev
    mus khawb kev..........rau Fabkis taug
    muaj ntau zaug.........Hmoob tus txiv tsev
    tau mus ntev...........txog tsheej tog hli
    cov tub ki.............ua tsis tau noj
    Fabkis coj.............lub zog uas khov
    tsuas tshuav cov.......poj niam tub ki
    lawv thiaj li..........them tsis taus se
    tsuas muaj nce.........se siab zuj zus
    ntev tuaj mus..........Hmoob them tsis taus
    Hmoob cov laus.........thiaj tau sab laj
    sawv los npaj..........tswv yim tawm tsam
    los sib tham...........ces thiaj sib sau
    ces thiaj tau..........kom Pajcai Vwj
    sawv los tswj..........los ua tus coj
    coj tub rog............mus tua Fabkis
    lub 7 hli..............1-9-1-8
    Pajcai tsim............ib pab tub rog
    sawv los nrog..........Fabkis sib tua
    thiaj pib ua...........rog txij hnub ntawv
    Pajcai sawv............rog nyob Laujkais
    coj Hmoob ntxhais......Hmoob tub ua rog
    thaj chaw yog..........Nyablaj qaum teb
    tua tau 3..............lub xyoo txwm nkaus
    kev sib ntaus..........thiab kev sib tua
    kuj tau ua.............rau Fabkis ntshai
    vim Pajcai.............cov tub rog tawv
    Fabkis lawv............kuj tau tuag coob
    hos peb Hmoob..........los kuj ploj tuag
    vim yog luag...........muaj riam phom khov
    luag thiaj txov........tau vwj Pajcai
    muab yawg dai..........txiav caj dab tu
    thiab nqa mus..........rau thawj Fabkis
    lub 3 hlis.............1-9-2-1
    Fabkis pib.............muab Hmoob rau txim
    muab Hmoob tsim........thiab muab Hmoob tua
    muab pav ua............ib tshais me nqaj
    ces rho ntaj...........lwg Hmoob caj dab
    Hmoob thiaj sab........rau lub no lawm
    ntuj kuj cawm..........tsis pub tu noob
    kom peb Hmoob..........tsis txhob tuag tas
    Savina(Xasvisnas)......thiaj tau los thov
    kom lawv cov...........thawj rog Fabkis
    tsis pub nqis..........tes tua Hmoob ntxiv
    ces thiaj siv..........ib co cai tshiab
    coj los qhia...........los tswj peb Hmoob
    nyob pem roob..........ces cia Hmoob kav
    Hmoob thiaj txav.......mus hawm Fabkis
    lub 3 hlis.............1-9-2-1
    Hmoob thiaj pib........mus zwm Fabkis
    Hmoob thiaj tsis.......sawv rog ntxiv lawm
    lub sib hawm...........tom qab los no
    ces Hmoob ho...........mus pab Fabkis
    ua me ris..............me tsho ntuag tas
    thaum no mas...........Fabkis ho hlub
    ho tig rub.............Hmoob ua kwv tij
    Hmoob tshaj lij........Fabkis ho qhuas
    Hmoob cov hluas........tau mus pab lawv
    tau mus sawv...........tiv thaiv Fabkis
    ib pliag ntshis........Hmoob tau npe zoo
    Hmoob lub moo..........uas Fabkis nco
    VAJ TAW DO.............yog Fabkis hu
    Hmoob lub plhu.........ces ho tuab npawv
    sib hawm ntawv.........lub yeej tub rog
    mas nws yog............nyob rau Qhas Qhaim
    Hmoob sawv nraim.......Fabkis ib sab
    Hmoob mus pab..........Fabkis tua rog
    uas nws yog............sab dias npias fus
    txoj kev mus...........mas yog ko taw
    vim thaum ntawv........tsis tau muaj tsheb
    nyob deb deb...........1 hlis thiaj txog
    ua tub rog.............rau tus Fabkis
    mas yeej tsis..........muaj nyiaj hli noj
    Fabkis coj.............Hmoob mus ua rog
    mas tsuas yog..........faib phom rau xwb
    los Hmoob twb..........yeej zoo siab pab
    Fabkis thab............Nyab laj qaum teb
    thiaj kom peb..........Hmoob mus pab tua
    thiaj tau ua...........rau ib txhia tuag
    poob kua muag..........thaum twg tham txog
    vim tias yog...........mob kuv siab heev
    kuv lam seev...........ua lus paj huam
    thov txhob thuam.......mog tsoom phooj ywg
    yog leej twg...........paub tias sau phiv
    thov ho ntxiv..........rau kom ho raug
    yuav ua tsaug..........rau koj tus paub
    yog yuav saub..........mas yeej tshuav ntev
    ces tsuas tev los xaus li no xwb mog.





    Hais txog 3 hmoob lub neej tawg rog thiab ua rog yav ntuj qub qab mas nws yog ib zaj dab neeg uas txaus tu siab thiab ho txaus chim siab kawg nkaus, qhov phem tshaj plaws mas yog 3 hmoob tsis txawj sib hlub sib pab, thiab sib hwm. Nyias khav nyias ntse thiab muaj zog. Thaum 3 muaj ib tug ntse ua tau tus coj lawm 3 tsis txawj tiv thaiv nws thiab hwm nws los yog saib nws rau nqi, txog kawg peb thiaj zoo li no lawm. Tab sis qhov no yog yav tag lawm xwb txij no mus peb yuav tsum hloov 3 lub siab nawb mog Hmoob!

    Nraug Liab Toj Siab
    Nraug Liab Toj Siab
    Sponsor
    Sponsor


    Messages : 774
    Date d'inscription : 2011-05-31
    Age : 37
    Localisation : Nyob ntawm koj ib sab.

    NRAUG LIAB TOJ SIAB lub tsev Paj huam Empty Re: NRAUG LIAB TOJ SIAB lub tsev Paj huam

    Post  Nraug Liab Toj Siab 3rd November 2011, 2:27 am

    Zoo Siab Rau Zos Hmoob Tshav Ntuj
    Zoo siab heev..........os tsoom phooj ywg
    kuv tau rwg..........tuaj txog ntawm no
    tau tuaj pom..........zos Hmoob Tshav Ntuj
    muaj zoo txuj..........nyob mus zoo ci
    zoo tam li.........niam nkauj hnub ntsa
    uas nws xa..........duab tshav tuaj ziab
    ntiaj teb tshiab..........vim muaj nkauj hnub
    hmoob tej tub..........thiab hmoob tej ntxhais
    cas nej pais..........nyob ntuj sab ub
    es nej lub..........tswv yim nim ntse
    tsim vaj tse..........thiab tsim zos hmoob
    muab tso thoob..........rau hauv hlwb hlau
    peb thiaj tau..........tuaj mus sib ntsib
    txawm nyob sib..........nrug leeg sab ntuj
    los peb kuj..........tuaj sib fim tau
    tuaj sib sau..........koom ua ib zog
    nyob nphoo npog..........koom ua ib tse
    nyob ua ke..........koom ua ib cuab
    nej tau muab..........nej lub laj lim
    coj los tsim..........zos Hmoob Tshav Ntuj
    khaws hmoob txuj..........thiab khaws hmoob ci
    kom thiaj li..........nyob mus ib sim
    lub tswv yim..........no yog qhov zoo
    ntau lub xyoo..........lawm yav tom ntej
    kom peb tej..........me tub me nyuam
    tau soj ntsuam..........khaws hmoob tej txuj
    uas tsim nuj..........nyob mus tsim nqi
    kom thiaj li..........tsis ploj mus mog
    tus tsim nyog..........tsa lub ncauj qhuas
    thiab tus uas..........tsim tsa tes hawm
    ces nws txawm..........yog muam Koojziag
    ib tug kiag..........kuj yog Maivpaj
    tus siab ncaj..........siab dawb siab zoo
    neb lub moo..........yuav nrov ncha ntws
    ob tug kws..........uas muaj laj lim
    uas tau tsim..........zos Hmoob Tshav Ntuj
    tus kws txuj..........sau paj huam zoo
    sau nto moo..........thiab sau raug siab
    Hmoob Ntuj Tshiab..........thiab Hmoob Leej Tub
    neb ob lub...........laj lim tswv yim
    sau tau ntxim..........peb siab tshaj plaws
    sau ntws yaws..........cuag li niam dej
    puv nkaus tej..........tog vaj tog tsev
    tus siab ntev..........ua noj ntxim qab
    yog Nkauj Nag..........tus niam tsev nquag
    hau zaub tsuag..........los qab npaum nqaij
    yog yuav hais..........mas tseem tshuav ntau
    los mus rau..........Hmoob Ntuj Qub Qab
    uas nyob sab..........Asia hnub tuaj
    nws kuj muaj..........Liaj Ntsuab, Pij Pauj
    ho mus tauj..........rau Lub Paj Zoo
    lawm ntev loo..........tsis pom nws tuaj
    dhau ntawv muaj..........tij laug Naxus
    los txuas mus..........rau Koob Pov Txuj
    tshuav coob tus..........txawm teev tsis ntxaws
    thov sawv daws..........ho zam txim pub
    nej txhua tus..........yog cov tsim nuj
    muaj zoo txuj..........thiab muaj zoo ci
    zoo tam li..........leej niam leej txiv
    nej tau siv..........nej lub sij hawm
    sau hais tawm..........hauv nej nruab siab
    kom ib txhiab..........ib txhis tsis ploj
    txheej hluas soj..........khaws nej li txuj
    Hmoob Tshav Ntuj..........zos hmoob kho siab
    kuv Nraug Liab..........nyob toj siab tuaj
    yeej tsis muaj..........txuj zoo dab tsi
    me txuj ci..........ces yeej tsis muaj
    tsuas yog tuaj..........xyaum khaws nej txuj
    los nej kuj..........ua lub siab dav
    nrhiav ib chav..........pub rau kuv so
    kuv yuav nco..........nej tus txiaj ntsim
    mus ib sim tsis muaj hnub kawg mog
    !


    Yog qhov twg kuv ho sau tsis raug, tsis txhij tsis txhua los thov tij laug Hmoobntujtshiab&Hmoobleejtub ho pab kho rau, yuav muaj lus ua tsaug ntau.

    [img]NRAUG LIAB TOJ SIAB lub tsev Paj huam Tad20k10[/img]


    Last edited by Nraug Liab Toj Siab on 19th February 2012, 5:04 am; edited 8 times in total
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    NRAUG LIAB TOJ SIAB lub tsev Paj huam Empty Re: NRAUG LIAB TOJ SIAB lub tsev Paj huam

    Post  koojziagkabzaug 3rd November 2011, 3:44 pm



    Nyob zoo me NraugLiabTojSiab,

    Ua tsaug rau nws zaj paj huam,
    Nws txawj hais muaj qag muaj quag
    Ua tsaug rau nws lub siab zoo,
    Nws txawj hais rau peb kev npoj kev poo

    Twb yog muaj nej coob tus kws
    Thiaj tsim muaj lub zos keeb kwm
    Twb yog vim muaj nej ntau tsav txuj
    Thiaj xeeb muaj lub zos tshav ntuj

    Kuv ua nws tsaug ntau
    Tsis muaj yam yuav pauj
    Kuv ua nws tsaug qhuav
    Tab sis yog hais hauv lub siab tuaj.
    Nraug Liab Toj Siab
    Nraug Liab Toj Siab
    Sponsor
    Sponsor


    Messages : 774
    Date d'inscription : 2011-05-31
    Age : 37
    Localisation : Nyob ntawm koj ib sab.

    NRAUG LIAB TOJ SIAB lub tsev Paj huam Empty Re: NRAUG LIAB TOJ SIAB lub tsev Paj huam

    Post  Nraug Liab Toj Siab 5th November 2011, 5:02 am

    Nyob zoo hnub tshiab rau koj os me muam Koojziagkabzaug, ua tsaug ntau rau nws lub siab zoo thiab nws lub sij hawm uas nws tseem tau kho kuv cov paj huam rau thiab os, nws zoo heev li, ua tsaug nawb mog.

    Tsuas yog lam sau rau sawv daws tau nyeem ua si laug lub sij hawm xwb os, tej zaum yuav tsis cuag li nej cov ua tij lauj!

    Ua tsaug ntau.


    [img]NRAUG LIAB TOJ SIAB lub tsev Paj huam Liaj10[/img]


    Last edited by Nraug Liab Toj Siab on 8th November 2011, 4:38 am; edited 1 time in total
    hmoobleejtub
    hmoobleejtub
    Developer
    Developer


    Messages : 119
    Date d'inscription : 2011-08-31

    NRAUG LIAB TOJ SIAB lub tsev Paj huam Empty Re: NRAUG LIAB TOJ SIAB lub tsev Paj huam

    Post  hmoobleejtub 6th November 2011, 8:47 am

    Nraug Liab Toj Siab wrote:

    Zoo Siab Rau Zos Hmoob Tshav Ntuj

    Zoo siab heev..........os tsoom phooj ywg
    kuv tau rwg..........tuaj txog ntawm no
    tau tuaj pom..........zos Hmoob Tshav Ntuj
    muaj zoo txuj..........nyob mus zoo ci
    zoo tam li.........niam nkauj hnub ntsa
    uas nws xa..........duab tshav tuaj ziab
    ntiaj teb tshiab..........vim muaj nkauj hnub
    hmoob tej tub..........thiab hmoob tej ntxhais
    cas nej pais..........nyob ntuj sab ub
    es nej lub..........tswv yim nim ntse
    tsim vaj tse..........thiab tsim zos hmoob
    muab tso thoob..........rau hauv hlwb hlau
    peb thiaj tau..........tuaj mus sib ntsib
    txawm nyob sib..........nrug leeg sab ntuj
    los peb kuj..........tuaj sib fim tau
    tuaj sib sau..........koom ua ib zog
    nyob nphoo npog..........koom ua ib tse
    nyob ua ke..........koom ua ib cuab
    nej tau muab..........nej lub laj lim
    coj los tsim..........zos Hmoob Tshav Ntuj
    khaws hmoob txuj..........thiab khaws hmoob ci
    kom thiaj li..........nyob mus ib sim
    lub tswv yim..........no yog qhov zoo
    ntau lub xyoo..........lawm yav tom ntej
    kom peb tej..........me tub me nyuam
    tau soj ntsuam..........khaws hmoob tej txuj
    uas tsim nuj..........nyob mus tsim nqi
    kom thiaj li..........tsis ploj mus mog
    tus tsim nyog..........tsa lub ncauj qhuas
    thiab tus uas..........tsim tsa tes hawm
    ces nws txawm..........yog muam Koojziag
    ib tug kiag..........kuj yog Maivpaj
    tus siab ncaj..........siab dawb siab zoo
    neb lub moo..........yuav nrov ncha ntws
    ob tug kws..........uas muaj laj lim
    uas tau tsim..........zos Hmoob Tshav Ntuj
    tus kws txuj..........sau paj huam zoo
    sau nto moo..........thiab sau raug siab
    Hmoob Ntuj Tshiab..........thiab Hmoob Leej Tub
    neb ob lub...........laj lim tswv yim
    sau tau ntxim..........peb siab tshaj plaws
    sau ntws yaws..........cuag li niam dej
    puv nkaus tej..........tog vaj tog tsev
    tus siab ntev..........ua noj ntxim qab
    yog Nkauj Nag..........tus niam tsev nquag
    hau zaub tsuag..........los qab npaum nqaij
    yog yuav hais..........mas tseem tshuav ntau
    los mus rau..........Hmoob Ntuj Qub Qab
    uas nyob sab..........Asia hnub tuaj
    nws kuj muaj..........Liaj Ntsuab, Pij Pauj
    ho mus tauj..........rau Lub Paj Zoo
    lawm ntev loo..........tsis pom nws tuaj
    dhau ntawv muaj..........tij laug Naxus
    los txuas mus..........rau Koob Pov Txuj
    tshuav coob tus..........txawm teev tsis ntxaws
    thov sawv daws..........ho zam txim pub
    nej txhua tus..........yog cov tsim nuj
    muaj zoo txuj..........thiab muaj zoo ci
    zoo tam li..........leej niam leej txiv
    nej tau siv..........nej lub sij hawm
    sau hais tawm..........hauv nej nruab siab
    kom ib txhiab..........ib txhis tsis ploj
    txheej hluas soj..........khaws nej li txuj
    Hmoob Tshav Ntuj..........zos hmoob kho siab
    kuv Nraug Liab..........nyob toj siab tuaj
    yeej tsis muaj..........txuj zoo dab tsi
    me txuj ci..........ces yeej tsis muaj
    tsuas yog tuaj..........xyaum khaws nej txuj
    los nej kuj..........ua lub siab dav
    nrhiav ib chav..........pub rau kuv so
    kuv yuav nco..........nej tus txiaj ntsim
    mus ib sim tsis muaj hnub kawg mog!


    Yog qhov twg kuv ho sau tsis raug, tsis txhij tsis txhua los thov tij laug Hmoobntujtshiab&Hmoobleejtub ho pab kho rau, yuav muaj lus ua tsaug ntau.

    [center]nyob zoo os nraug hmoob toj siab
    yog tus liab kuj muaj zoo txuj
    leeg sab ntuj nplooj siab nyob ze
    tau ua ke ntshe yuav lom zem
    teb chaws lem ib leeg nyob qho
    thaum twg nco tuaj peb sib nrhiav
    hauv daim iav lub paj hlwb hlau
    sau tseg rau mam li tuaj nyeem
    peb khaws xyeem siv hmoob tshav ntuj
    chaw khaws txuj paj ntsha lus taum
    sawv daws xyaum xaiv lus zoo hais
    sau txhiaj txhais ua txuj sib qhia
    zwm khaws cia nyob tas puas txhiab
    lub neej tshiab tej yau loj hlob
    txawj thaj tsob ho khaws mus kawm
    xyaum dauv tawm ua kws kho mob
    siab tsis txob thaum mob txog yus
    tsis tau mus poob nyiaj rau qhua
    nkauj nag nqua qhia kev ua noj
    rau tsoom npoj tau khaws mus siv
    twg txawj chiv ua noj raug siab
    hmoob ntuj ntshiab sau hmoob liv xwm
    uas tau tshwm nyob rau tuam tshoj
    cov laus coj khiav teb hla chaw
    hais sib xyaw hauv teb ti ntuj
    yog yam txuj rau yav neej tshiab
    hos nraug liab txawj hais dab neeg
    kuj txaus ntseeg thiab xob plaub hau
    qhov uas tau ntsib pom ntxoog poj
    xyaw hav nroj saum roob toj ntxhas
    khiav ncaim nplas ntsia tsis pom lw
    ntxoog tus xyw twg pom yeej rhiab
    nws txias siab yeej tsis xav pom
    ho los tsom xyaum tej khawv koob
    paj zoo qhoob twb sau muaj cia
    khaws sib qhia thiaj li tau siv
    pom ntxoog txiv nws yog laj muam
    ua zoo ntsuam plaub hau tsis xob
    ua pa tob tso pa kom qeeb
    saib kom tseeb yog nas noog dhia
    ua zoo ntsia thiaj li tsis rhiab nawb
    .
    Hmong ntuj tshiab
    Hmong ntuj tshiab
    Sponsor
    Sponsor


    Messages : 537
    Date d'inscription : 2011-05-25

    NRAUG LIAB TOJ SIAB lub tsev Paj huam Empty Re: NRAUG LIAB TOJ SIAB lub tsev Paj huam

    Post  Hmong ntuj tshiab 7th November 2011, 7:40 am

    Nraug Liab Toj Siab wrote:



    Keeb Kwm Hmoob Tawg Rog Pem Suav Teb Los.

    Suab me no.............yog lus paj huam
    yuav hais pluam........tawm plaws tsis zais
    yuav thov hais.........rau ib tsoom hmoob
    uas nyob thoob.........hauv qab ntuj no
    kom nej ho.............paub txhij hnov txhua
    muab khaws ua..........keeb kwm teeb cia
    thiaj tau qhia.........rau tej me nyuam
    lub keeb puam..........txwm ntawm peb Hmoob
    uas nyob thoob.........lub qab ntuj no
    seb nws ho.............yog vim dab tsi
    soj raws li............keeb kwm sau cia
    keeb kwm qhia..........rhawv tseg hais tias
    li plaub txhiab........lub xyoo dhau los
    Hmoob lub zos..........nyob Mongolia
    keeb kwm tias..........lub sib hawm ntawv
    Hmoob yeej sawv........muaj kev vam meej
    Hmoob lub neej.........yeej xub nto moo
    ua neej zoo............tshaj haiv neeg Suav
    Hmoob leej puav........yeej txawj ntse txaus
    Hmoob cov laus.........twb txawj khawb hlau
    coj los hau............ua cuab yeej siv
    Hmoob leej txiv........yeej txawj khawb nyiaj
    txawj tu tsiaj.........ua qoob ua loo
    txawj hnav zoo.........dai npib dai hob
    Hmoob yeej nyob........tau kaj siab lug
    muaj qee tug...........yeej ciaj xeev laus
    los ua taus............peb hmoob tus vaj
    vam meej tshaj.........dua lwm haiv neeg
    qhov kuv ntseeg........yog Hmoob tsoos zam
    yog muab tham..........ces yeej txaus qhuas
    dai puv ntuas..........me ris me tsho
    me nyiaj hob...........nyiaj npib nrov ziag
    muaj tseeb tiag........tsis yog lam nroo
    ntau txhiab xyoo.......tom qab los no
    Hmoob thiaj ho.........pib txav zuj zus
    nqis los mus...........nyob Suav Tuam Tshoj
    Suav av loj............sab ntuj Asia
    tham ntxiv tias........sib hawm thaum ntawv
    Suav rog sawv..........tuaj tsuj peb Hmoob
    txais Hmoob qoob.......Hmoob loo tsis them
    Suav ua phem...........huab Hmoob tej nyiaj
    tua Hmoob tsiaj........txeeb hmoob liaj ia
    muaj ib txhia..........zov kev tua Hmoob
    txeeb Hmoob tsoos......Hmoob zam lawm tag
    Hmoob pheej mag........Suav tuag tshaib tua
    ua thiab ua............thiaj ciaj tsov rog
    Hmoob thiaj nrog.......Suav sawv sib tua
    muaj ntau nplua........Suav kuj tuag coob
    vim peb hmoob..........lub me peev xwm
    tus xub tshwm..........hauv Hmoob zej zog
    ces txawm yog..........huab tais Txiv Yawg
    sawv ua pawg...........koom ua ib pab
    ntau laj fab...........tswv yim tiv thaiv
    kom peb haiv...........Hmoob tsis txhob ploj
    thov qhuas koj.........huab tais leej txiv
    koj tau siv............koj li roj ntsha
    coj los nqa............lub teb lub chaw
    peb sawv daws..........yuav nco ntsoov koj
    tsis pub ploj..........hauv Hmoob keeb kwm
    yuav muab zwm..........khaws ua faj lem
    yuav tsis tshem........tsis muaj hnub kawg
    thaum Txiv Yawg........tau tag txoj sia
    Vwj Paj Yias...........coob leej ntau tus
    tau sawv pus...........coj Hmoob tua Suav
    yog yuav tuav..........tug npe zuj zus
    ua ntu mus.............mas yeej tshuav coob
    txiv yawg Hmoob........cov me siab tawv
    nej tau sawv...........los thaiv peb Hmoob
    tuav lub koob..........tsis pub ploj mus
    ua ntu zus.............los txog Yunan
    muab hais mas..........yog ntsug rog loj
    Hmoob cov coj..........rov sawv tua Suav
    sawv los tuav..........peb Hmoob meej mom
    tsis pub kom...........poob rau Suav tes
    Suav rog ntes..........thiab tua peb Hmoob
    tuag puv thoob.........toj roob hauv hav
    kua muag ntshav........thiaj ntws tawm los
    yeeb vim yog...........muaj tus siab phem
    tau ntxeev lem.........rov taw tuam ntuj
    rov tuaj tsuj..........tua yus haiv Hmoob
    yus tsob noob..........cas ho tsis hlub
    ua siab dub............rov tua yus pawg
    txog thaum kawg........Hmoob thiaj swb rog
    ntawv txawm yog........xyoo tim 18
    cov khiav dim..........ces thiaj ciaj sia
    muaj ib txhia..........Suav muab ntes tau
    muab pov rau...........hluav taws kub nyhiab
    muaj ntau txhiab.......tus raug Suav hlais
    thiab coj pais.........pov rau dej tshoob
    yuav tu noob...........ces thiaj tau khiav
    thiaj muab siav........ciaj pauv siav tuag
    khiav nrov ruag........los rau Nplog teb
    ib txhia ces...........ho tshwm Nyab laj
    mam rov npaj...........tsim dua noob neej
    kev ywj pheej..........thiaj khees dua qub
    tsim me tub mes ntxhais coob zuj zus tuaj lawm xwb tiag!

    Yog yuav sau kom txhij kom txhua mas yeej tshuav ntev.
    Txawm tias sau tau tsis zoo thiab tsis yog los
    thov s/d ho zam lub txim pub thiab. Ua tsaug ntau.




    Hmong ntuj tshiab
    Hmong ntuj tshiab
    Sponsor
    Sponsor


    Messages : 537
    Date d'inscription : 2011-05-25

    NRAUG LIAB TOJ SIAB lub tsev Paj huam Empty Re: NRAUG LIAB TOJ SIAB lub tsev Paj huam

    Post  Hmong ntuj tshiab 7th November 2011, 7:43 am

    nyob zoo os nraug liab toj siab

    thov txim nawb, kuv tau muab koj zaj huam no kho me ntsis lawm vim koj sau tau tsis raug raws li keeb kwm Hmoob tiag es kuv thiaj muab sau kho kom raws li keeb kwm Hmoob xwb os nawb,.


    Zaj 2 : Paj Huam Kev Txom Nyem

    ntawm no mus------------------yog lus paj huam
    yuav hais tshuam-------Hmoob kev txom nyem
    Raug luag lem--------------thaum xya caum tsib
    Kooj sam pib----------------sawv tsuj teb chaws

    Nrhiav kev raws---------neeg tawv dawb tawm
    Nplog liab txawm----------pib nrhiav kev phem
    Los rhuav tshem------------------kev cai lij choj
    Nyab laj zoj-----------------tog nplog ywj pheej

    Nom txhua leej---------------raug ntes lawm tag
    Cob tsib dag-----------------coj lawv mus kawm
    Thiaj raug zawm------------------pob qa tuag tas
    Tsis txawv nas--------------mag yej mag ntxiab

    Qib nom siab--------------------los txog nom me
    Tuag ua ke-------------------nyob rau moos xais
    Nrog huab tais-------------lawv tsev neeg kheej
    Cov txiv neej--------------------tsis hais leej twg

    Siab yau rwg---------------ntshai tsam raug ntes
    Muaj npe ces----------------yeej raug txhom tag
    Hmoob thiaj mag---------nplog liab quab yuam
    Txawm neeg ruam----------yeej raug tsim txom

    Hmoob tej nom------------khiav dhau thaib sab
    Cov tom qab----------------raug kev txom nyem
    raug luag lem-----------------pauj kev xam khib
    peb hmoob ntsib ---------txhua pab txhua pawg

    thaum hmoob tawg -------nyob rau phuv npiab
    nyab laj liab -----------------thiab cov pub thawj
    tuaj sawb lawj----------------tua peb cov hmoob
    caum qab roob -------------------ncig rau qab ha

    suab phom ncha ----------------cuag li xob nroo
    yog thaum xyoo ------------------ib cuaj xya rau
    nom hmoob tau ----------khiav tawm teb chaws
    hmoob sawv daws--------nkaum hav xub tsuag

    txoj kev tuag ------------------muaj xeeb zuj zus
    nom hmoob pus ------------cov ntse tawm dhau
    cov ruam tau------------------raug zawm pob qa
    tuag pob txha ---------------------puv toj pus pes

    dej naj ces ---------------------thiaj hav naj phuv
    Hmoob tuag puv ------------pob txha dawb vog
    Tub rog nplog---------------koom nrog nyab laj
    Tua phuv laj----------------thiab sab pham phais

    Ntes Hmoob hlais---------------nyob rau xas las
    Muab txawj vas-----------nkawv tus me nyuam
    Muab pov cuam---------------rau hauv qhov cos
    Raug tuav mos-------------cuag tuav qos ncoom

    Pub thawj koom--------ntxeev siab rau Hmoob
    Coj nplog coob------------caum Hmoob naj kas
    Raug ntes tas--------------------coj mus moos oo
    Thaum lub xyoo------------------ib cuaj xya yim

    Cov khiav dim-----------tseem tuav riam phom
    Sawv kwv nyom-------------txoj kev siab phem
    Tuaj rhuav tshem------------peb Hmoob zej zog
    Sib koom nrog----------------yawg vaj tswv cim

    Sawv txheeb txhim------------nyob rau phuv laj
    Coj kev ncaj-----------------teeb tsev teej kawm
    Nrhiav kev cawm------pab Hmoob txom nyem
    Raug luag lem---------------tsuj caij quab yuam

    Lub neej khuam-----------siab kua muag ntshav
    Ntws xyaw av------------xyaw nroj xyaw tsuag
    Txoj kev tuag--------------------cov tiv tsis nyog
    Tawm mus nrog ------------cov nplog liab nyob

    txog kev txob ---------------------mas muaj tas li
    tsaus ntuj nti -----------------nyob sib qawg quaj
    xya caum cuaj --------Hmoob nyob phuv npiab
    cov koom siab -------------tuav lub npe Hmoob

    noj nplooj xyoob----------nplooj ntoos yug siav
    Sib pug khiav----------------mus nkaum txoj sia
    muaj ib txhia ----------------poj niam tuag lawm
    tso txij nkawm --------------nyob ua ntsuag nos

    neeg noj qos --------------------tsis muaj tus pab
    Ua cob fab-------------------sawv tuav lub koob
    Thaiv peb Hmoob------------nyob ntuj qub qab
    siv nplooj hmab ----------nplooj ntoos ua tshuaj

    Tsis khiav tuaj---------------tseem tuav daim av
    vim tseem xav ------------kom hmoob muaj tug
    Daim av yug--------------Hmoob ib txwm nyob
    Yuav thaj tsob-------------------daws kev tso tau

    Hmoob feem ntau-------------tham siab kub lug
    Nrhiav kev pug ----------khiav tawm teb chaws
    Hmoob sawv daws--------tuag taug kev tshuav
    Raug luag kuav------------ mag cuab luag ntaus

    Tej neeg laus-------------- tuag tshaib feem ntau
    Hmoob tseem tau-----txaug ntawv hlawv xyab
    Fiv ntuj pab---------------------kom hla dhau dej
    Cov ua ntej------------------kuj dhau lawm coob

    Ib feem poob------------------nkaum rau hav fab
    yuav rov qab ----------------------los rov tsis tau
    Vim ntshai dhau----------thiaj tau khiav nkaum
    Roob phuv haum-----------thiab roob phaj tsum

    Muab yeej cum-----------------khiav tuaj nce toj
    Nplog liab soj---------------tsam khiav tsis dhau
    Me nyuam yau----------------tuag siav tsis pom
    Muab yeeb lom ------------cheem lub suab quaj

    Sib yaum tuaj ------------------mus hla dhau dej
    Cov ua ntej----------------------luag ho tuaj txais
    Nyob vib nais---------------------tuaj nyob ua ke
    tag loj me -----------------------luag hlub ib yam

    Ho yuav tham------------------cov tsis ntab ntws
    Xyov tem nws------------------ciaj los nws tuag
    Muaj ib kuag-----------------ces nplog muab lob
    Nrog nplog nyob--------------mus zov luag tsev

    Ua lawv qhev---------------nyob nrog kua muag
    Tus raug tuag ----------------hav zoov hav tsuag
    Tsev neeg pluag ------------------tso tsis tau plig
    Tau thov ncig ----------------sawv daws sib pab

    Daws kauj vab----------------thiab daws kauj le
    Ntsuj plig nce---------------txoj kev thawj thiab
    Mus ntuj tshiab----------------kom kaj siab nrig
    Tej ntsuj plig------------------mus lawm du dais

    Ho yuav hais------------------txog peb cov nyob
    Neej pov plob----------------tam tsiaj kaw nkuaj
    Sib phoom tuaj------------nyob thaib teb chaws
    Raug luag ncaws------------thiab raug luag cem

    Txoj kev phem--------------muaj ntau yam heev
    Luag tsis kheev--------------------mus ua dab tsi
    Hnub thawm hli---------------tsuas tos luag faib
    Me nqaij qaib------------nqaij npuas nqaij ntses

    Faib tsis nres-----------------txhua lub lim piam
    Tej txiv niam-----------------nyob tam npua rog
    Yawg thiab pog----------------seev rov ua hluas
    Neej tseem puas---------------tsis txawj sib hais

    Nyob vib nais -----------------tsis tau ntau hnub
    Txawm siv rub ----------------koj pawg kuv cov
    Los puag sov --------------------nyob noj pw rog
    Nco tsis txog ---------------txoj kev txom nyem

    Lub neej pem-------------------toj roob hauv pes
    Luag caum ntes---------------------tua li tej tsiaj
    Muab cuab phiaj-------------sim muv sim phom
    Lub meej mom-----------------tib neeg thoj nam

    Vaj huam plam-------------poob nab qhoom tag
    Tseem los dag----------nrhiav kev rhuav tshem
    Pib ua phem -------------------rub pab rub pawg
    Kom sib tawg -----------------tsis thooj ntiaj teb

    Txav kom deb--------------tsis txhob koom siab
    Lub neej tshiab---------Hmoob ncav txhob laib
    raws kuv saib -----------------mas tsis tsim nyog
    Peb sib tog --------------------cuag dev cua txha

    Lub koob ncha-------------thoob luag lwm haiv
    Thov peb xaiv---------------txoj kev haum xeeb
    Los nrog teeb------------------vaj huam sib luag
    Peb sib puag---------------------koom ua ib tsob

    Los pov plob-----------------nrhiav kev sib thuv
    Ua siab huv -----------------los tuav npe hmoob
    Nyob yeej koob--------------raws neeg ntiaj teb
    Thiaj muab ntxheb-----------ntos ua kwv huam

    Qhia cov ruam-------------kom nrog paub meej
    Nyob peem tsheej-------------lub neej thaj yeeb
    Kom paub tseeb----------------raws tu lw kawm
    Nrhiav kev tawm---------------txoj kev tsuj caij

    Neeg siab txaij--------------thov muab pov tseg
    Kom neej ntseg----------------rau yav pem suab
    Hmoob kuj cuab-------------tsis nrog luag muaj
    Daim av luaj---------=-------------lub me xib teg

    Muab pov tseg-------------txhob nco txog lawm
    Vim peb tawm------------mus txawv teb chaws
    Peb sawv daws----------------thov tsis txhob tos
    Kuv lus ntos-------------------------ces xaus li no

    Thov nej nco----------------lub neej txom nyem
    Rau luag lem--------------------lub neej qub qab
    Nyob hav fab-------------------noj nroj noj tsuag
    Neej quaj ntsuag---------nawb mog nej hmoob.

    ( xaus li no )



    Last edited by Hmong ntuj tshiab on 25th March 2013, 6:48 pm; edited 6 times in total
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    NRAUG LIAB TOJ SIAB lub tsev Paj huam Empty Re: NRAUG LIAB TOJ SIAB lub tsev Paj huam

    Post  koojziagkabzaug 7th November 2011, 10:19 am



    Nyob zoo kuv cov tuam Xib hwb,

    Kuv zoo siab uas lub zos Hmoob Tshav Ntuj muaj cov zoo KWS TXUJ
    Kuv ua tsaug uas lub txhab Hmoob Khaws Txuj muaj zoo Tub Txuj.

    Thov ua tsaug rau nej peb leeg
    Txhua yam nej tham tseg ua puav pheej

    Thov txaum yim rau kuv cov Kws Ntawv
    Txhua yam nej sau tseg yuav nyob rau Peb Hmoob kawm.
    hmoobleejtub
    hmoobleejtub
    Developer
    Developer


    Messages : 119
    Date d'inscription : 2011-08-31

    NRAUG LIAB TOJ SIAB lub tsev Paj huam Empty Re: NRAUG LIAB TOJ SIAB lub tsev Paj huam

    Post  hmoobleejtub 7th November 2011, 11:22 am

    koojziagkabzaug wrote:


    Nyob zoo kuv cov tuam Xib hwb,

    Kuv zoo siab uas lub zos Hmoob Tshav Ntuj muaj cov zoo KWS TXUJ
    Kuv ua tsaug uas lub txhab Hmoob Khaws Txuj muaj zoo Tub Txuj.

    Thov ua tsaug rau nej peb leeg
    Txhua yam nej tham tseg ua puav pheej

    Thov txaum yim rau kuv cov Kws Ntawv
    Txhua yam nej sau tseg yuav nyob rau Peb Hmoob kawm.

    Koojziagkabzaug,

    cas kuv mus nrhiav tsis tau nraug laus cov paj huam nyob tom hmongza lub tsev Vinai tseem nco li lawm. Puas yog koj muab koj lub tsev vinais tseem nco kaw lawm los yog kuv tshawb mus tsis tau txog xwb? Rau qhov kuv xav muab nws nqa los tso xyaw hmoob ntuj tshiab thiab nraug liab toj siab nkawv cov paj huam dab neeg thiab na.
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    NRAUG LIAB TOJ SIAB lub tsev Paj huam Empty Re: NRAUG LIAB TOJ SIAB lub tsev Paj huam

    Post  koojziagkabzaug 7th November 2011, 12:06 pm


    HMOOB LEEJ TUB,

    Vib Nais tseem nco nyob qhov nov:

    http://www.hmongza.com/index.php?/topic/19126-vib-nais-tseem-nco/page__p__117592__fromsearch__1&#entry117592

    Yog nws zaj Paj Huam yog nyob phab 6 mas zoo li nws daig lawm, phab ntawd qheb tssi tau lawm. Dua li mas tej zaud nws tseem nyob tag nrho, tshuav ib cov duab ploj lawm xwb.
    hmoobleejtub
    hmoobleejtub
    Developer
    Developer


    Messages : 119
    Date d'inscription : 2011-08-31

    NRAUG LIAB TOJ SIAB lub tsev Paj huam Empty Re: NRAUG LIAB TOJ SIAB lub tsev Paj huam

    Post  hmoobleejtub 9th November 2011, 12:15 pm

    koojziagkabzaug wrote:
    HMOOB LEEJ TUB,

    Vib Nais tseem nco nyob qhov nov:

    http://www.hmongza.com/index.php?/topic/19126-vib-nais-tseem-nco/page__p__117592__fromsearch__1&#entry117592

    Yog nws zaj Paj Huam yog nyob phab 6 mas zoo li nws daig lawm, phab ntawd qheb tssi tau lawm. Dua li mas tej zaud nws tseem nyob tag nrho, tshuav ib cov duab ploj lawm xwb.

    Koojziagkabzaug,

    Ua tsaug, rov mus pom tej qub lw txoj kev wb taug dhau los, kho siab kawg. Niam no kuv lub hlwb nco lus tsis zoo li lub caij ntawd lawm. Rov muab yus tej lus los saib cas twb laus lawm ib thawj, tej lus yus sau cia nws yog ib yam tseem ceeb heev.
    Nraug Liab Toj Siab
    Nraug Liab Toj Siab
    Sponsor
    Sponsor


    Messages : 774
    Date d'inscription : 2011-05-31
    Age : 37
    Localisation : Nyob ntawm koj ib sab.

    NRAUG LIAB TOJ SIAB lub tsev Paj huam Empty Re: NRAUG LIAB TOJ SIAB lub tsev Paj huam

    Post  Nraug Liab Toj Siab 10th November 2011, 5:45 am

    Nyob zoo hnub tshiab os me muam Koojziagkabzaug, Maivpaj, tij laug Hmoobleejtub, Koobpovtxuj, Hmoobntujtshiab, etc.

    Ua tsaug ntau rau tij laug Hmoobntujtshiab uas nws tseem tau kho kuv zaj paj huam rau thiab, kuv ces tsuas yog lam sau ua tab ua tauv li tej me nyuam yaus uas tab tom pib xyaum hais lus xwb, yuav tsis cuag li nws tus ua tij tus xub noj ntau diav mov lauj, kuv yeej yuav vam ntsoov nws ua tij yuav pab qhia pab kho rau lawm yav tom ntej.

    Ua tsaug ntau.
    Hmong ntuj tshiab
    Hmong ntuj tshiab
    Sponsor
    Sponsor


    Messages : 537
    Date d'inscription : 2011-05-25

    NRAUG LIAB TOJ SIAB lub tsev Paj huam Empty Re: NRAUG LIAB TOJ SIAB lub tsev Paj huam

    Post  Hmong ntuj tshiab 13th November 2011, 6:28 am

    [center]
    koojziagkabzaug wrote:[center]

    [size=24]Puas Tseem Nco Teb Chaws Los Tsuas

    Nyob zoo os.......... tsoom kwv tij Hmoob
    uas nyob thoob.......... lub qab ntuj no
    nej puas nco..........txog teb chaws nplog
    uas nws yog........... thaj chaw yug nej
    yav nram ntej........... thaum tseem me yau
    uas nej tau ...........nyob ib zaug los
    lub me zos.......... uas yog yug koj
    koj thiaj loj.......... tiav txiv neej yawg
    teb chaws tawg........... koj thiaj tau ncaim
    puas nyob nraim........... hauv koj lub siab
    lub ntuj tshiab........... uas koj mus nyob
    yeej txawv hlo............ koj lub qub zog
    lawm nawb mog............ tsoom phooj ywg aw
    lub qub chaw............ thaum koj tseem yau
    nws yeej tau........... hloov mus tag lawm
    vim sib hawm........... dhau mus ntau xyoo
    tej xyoob ntoo............ los twb loj tas
    ib co mas.............ho tuag tas lawm
    muam nkauj ntxawm ............. los twb laus laus
    mus tsis taus............. kev li thaum i
    chaw ua si............ thaum koj tseem me
    tej vaj tse............. thaum koj tseem nyob
    ciaj toj pob............ thiab ciaj quav poj
    hav zoov loj............. ua zoov nuj txeeg
    ib tsoom neeg............. thaum nyob ua ke
    lawv los ntshe........... yeej twb laus lawm
    vim sib hawm ............dhau mus tau ntev
    tej me kev.......... uas 1 txwm taug
    lub zog qaug.......... tsis zoo li qub
    yam lub hnub........... uas twb qaij zus
    twb yuav mus........... ploj tim npoo roob
    phooj ywg hmoob........... nej puas tu siab
    muaj daim tshiab............ muaj qab noj los
    yus lub zog.............. tsuas ntaug zuj zus
    twb yuav mus............. cuag poj cuag yawm
    kev txij nkawm............... nws twb yuav dua
    yam nthwv cua .............uas ntsawj ib vuag
    poob kua muag.............. thaum uas tham txog
    vim tias yog ...........nco niam nco txiv
    nco kwv tij ............neej tsa txhua tus
    cov ncaim mus........... los thov nco ntsoov
    sib hawm hloov............ mus ntev npaum twg
    tsuav siab ntsws............ tsis txhob hloov xwb
    hauv lub hlwb.............. yuav tsum nco tau
    lub neej dhau............ yav ntuj qub qab
    nyob yaj sab............. puag pem toj roob
    lub neej hmoo............b yav ntuj thaum i
    nyob luag ntxhi.......... muaj kev ywj pheej
    hmoob lub neej............ nyob pem kaum hav
    hmoob yeej cav ................tias kaj siab dua
    yog nej tshua ......... rov los saib mog
    saib qub zog ..........qub teb qub chaw
    tsam txoj yawg tu lawm ces tag ib sim nas lawv!


    Ua tsaug ntau.

    NRAUG LIAB TOJ SIAB lub tsev Paj huam Hmong_10


    [size=24]
    Puas Tseem Nco Teb Chaws Los Tsuas

    Nyob zoo os-------------peb ib tsoom Hmoob
    mus nyob thoob----------------lub qab ntuj no
    nej puas nco-------------txog teb chaws nplog
    uas nws yog------------------thaj chaw yug nej
    yav nram ntej-------------thaum tseem me yau
    uas nej tau----------------------nyob ib zaug los
    lub me zos---------------------niam txiv yug nej
    Tej me dej----------------------nej ib txwm haus
    Lub zos laus-------------------kev nyob kev noj
    nej thiaj loj-------------------tiav niam tiav txiv
    lub neej chiv-----------------nyob ua pab pawg
    teb chaws tawg--------------nej thiaj tau ncaim
    Mus nyob nraim------------------rau ib rooj teb
    Ncaim mus deb---------------rau ib ntxeev ntuj
    Yam dav yuj-----------mus nrhiav chaw tsaws
    Nej sawv daws-------------txhua tus tau ncaim
    puas xav nraim---------------nco vaj tsev thiab
    nej lub siab-----------------puas xam muaj peb
    thaj me teb------------------hav nroj pwm tshis
    nyob nros ntshis------------tsis muaj tus nthua
    teb hav tsua-----------------hav nqeeb hav tauj
    nej muab nrauj-------------------rau rooj teb no
    puas tseem nco-----------------qub zog toj siab
    lub ntuj tshiab----------------uas nej mus nyob
    neej pov plob-------------ntshe yeej txawv hlo
    ntuj nraum no-------------------nej lub qub zog
    lawm nawb mog----------tsoom phooj ywg aw
    lub qub chaw--------------thaum nej tseem yau
    nws yeej tau---------------hloov mus tag lawm
    vim sib hawm-------------dhau mus ntau xyoo
    tej xyoob ntoo--------------------los twb loj tas
    ib co mas----------------------ho tuag tas lawm
    muam nkauj ntxawm---------los twb laus laus
    mus tsis taus----------------------kev li thaum i
    chaw ua si-----------------thaum nej tseem me
    tej vaj tse----------------------nej ib txwm nyob
    ciaj toj pob--------------------thiab ua quav poj
    hav zoov loj----------------ciaj zoov nuj txeeg
    ib tsoom neeg----------------thaum nyob ua ke
    lawv los ntshe--------------yeej twb laus lawm
    vim sib hawm-------------dhau mus lawm ntev
    tej me kev---------------------uas ib txwm taug
    lub zog qaug----------------------tsis zoo li qub
    yam lub hnub------------------uas twb qaij zus
    twb yuav mus---------------ploj tim npoo roob
    phooj ywg hmoob--------------nej puas tu siab
    muaj daim tshiab--------------los tsis xav hnav
    pluas zoo qav------------------yeej tsis xav noj
    lub zog ploj------------------mus lawm zuj zus
    lo me lus-----------------muab tham tawm tuaj
    nrog suab quaj--------------lub kua muag nrog
    vim lub zog-----------------tsuas ntaug zuj zus
    twb yuav mus------------cuag poj cuag yawm
    kev txij nkawm-------------nws twb yuav dua
    yam nthwv cua--------------tsuas yog ib vuag
    poob kua muag----------thaum uas tham txog
    vim tias yog------------------nco niam nco txiv
    nco tij viv----------------------kwv tij txhua tus
    cov ncaim mus-------------los thov nco ntsoov
    sij hawm hloov--------------zoo tam dej ntws
    tsuav siab ntsws---------tsis txhob hloov xwb
    hauv lub hlwb--------------yuav tsum nco tau
    lub neej dhau-----------------yav ntuj qub qab
    nyob yaj sab----------------puag pem toj roob
    lub neej hmoob---------------yav ntuj thaum i
    nyob luag ntxhi-----------muaj kev ywj pheej
    Hmoob lub neej----------nyob pem kaum hav
    ntuj yeej tshav---------------nyob kaj siab dua
    yog nej tshua------------------rov los saib mog
    tej qub zog-------------------qub teb qub chaw
    kab lwj hlaw--------------------qab zeb qab ca
    tsov dais hma-----------------twb tsis muaj tag
    tsiaj nruab nrag----------------los tuag tu noob
    me ntsuag xyoob------------twb tsis muaj lov
    kab qos tsov-------------------los twb tsis muaj
    nrhiav ua tshuaj------------yeej nrhiav tsis tau
    xyoob phua ncau-------------los tuag tas lawm
    ntsuag xyoob rawm----------twb tsis muaj noj
    tshuav ncaim toj----------tuaj tsob nyuag puav
    toj roob qhuav-------------nqha nroj nqha nrig
    pom kooj txig----------------ya zom zaws xwb
    av tu swb------------------------toj pob liab vog
    pob zeb ntog--------------mus lawm tsheej kab
    tej hav ntxhab------------------tuaj zab zi ncaug
    tej kev taug---------------------mus liaj mus teb
    ho caij tsheb--------------feem ntau lawm xwb
    tsis mob hlwb----------------------li yav tag los
    cov lus ntos-----------------------mas tham li no
    yog nej nco-----------------------ho rov los saib
    me paj ncaib-----------------paj xyoob paj ntoo
    tsis tawg zoo---------------------li yav thaum ub
    lub neej qub------------------hav zoov nuj txeeg
    ib tsoom neeg------------------tseem nyob ua ke
    noj sib ce----------------------thiab haus sib hlub
    ntau sib pub------------------muaj tsawg sib qiv
    muaj niam txiv-------------------sawv ua tus coj
    kev nyob noj----------------tsis tshaib tsis nqhis
    phas nyas npis----------------thiab hlob vaj pov
    sawv coj khov-------------pub Hmoob noj hnav
    ntuj thiaj tshav------------rau Hmoob yav dhau
    hos cov yau------------------------tom qab los no
    siab hloov hlo--------------------coj nqaim coj ti
    tsis zoo li-----------------------lub neej thaum ub
    txoj kev hlub--------------los ntawm vaj Hmoob
    zos toj roob-------------------tsim tshav dav hlau
    Hmoob feem ntau----------muaj txiag nplua nuj
    Thiaj tshav ntuj-----------rau Hmoob sawv daws
    Nplog liab raws--------nom Hmoob khiav tawm
    Teb chaws txawm-----------hloov pauv tag nrho
    Tam sim no-------------------.muaj ntau yam zoo
    Thiaj hloov loo----------------ua teb chaws tshiab
    Neej khuam siab--------------raws cuag pej xeem
    Kev fab peem----------------Hmoob tej thawj coj
    Raug luag zoj---------------------coj siab nqaim ti
    Suav txij li---------------------xyoo xya caum tsib
    Nom tshiab pib------------------sawv los kav tswj
    Raug luag ntswj------------------los txog hnub no
    Ntuj ntxeev npho-----------------ntiaj teb thiaj tig
    Av thiaj nkig---------------------dej nyob li nphau
    Nej ncaim tau----------------peb caug tawm xyoo
    Tsis hnov nroo----------------------es nej puas nco
    Ho rov hlo------------------------los saib nplog teb
    Daim av deb-----------------------nyob ntuj es xias
    Puas xav tias------------------tseem nco txog thiab
    Npaj nyiaj txhiab----------------nyiaj pua txoj kev
    Rov los tsev-----------------------rau teb chaws no
    Yog nej nco----------------------rov los nawb mog
    Thaug los txog-------------------peb yeej txais tos
    Nej txhob nros--------------thiab nej txhob ntshai
    Qhib txoj cai----------------------txais nej rov qab
    Txhob siab fab------------------mus xav ntau yam
    Hnov luag tham-----------------tsis npaum koj los
    Cov lus ntos---------------------tej zaum kuj muaj
    Cuaj caum cuaj---------------ntawm ib feem pua
    Lus moo cua---------------------tsis muaj lo tseeb
    Txhob siab qeeb-----------------tsam ho tsis ntsib
    Nplooj siab ib----------------------koj tso nws cia
    Tej mob ntxhia-----------------yav ntuj thaum ub
    Nws niaj hnub------------------tos koj xwb nawb
    Tseem ntxim tawb--------thiab tseem ntxim hnia
    Thov txhob cia---------------nws nyob nros ntshi
    Zoo xws li---------------------neeg mob qaug txaj
    Nco koj tshaj-----------------qhov hais tau lawm
    me nkauj ntxawm------------tseem nco txog koj
    Nws ces noj---------------------mov qab li tshauv
    Siab tsis pauv---------------------tseem ua koj tej
    Me qub dej--------------------qub taws rauv xwb
    Cev nkauj xwb-----------------puas tas lawm los
    Lub siab mos-------------------tseem nyob li qub
    Yav thaum ub-----------------moos cab moos oo
    Yeej tseem zoo-------------thiab hos cov npawg
    Es koj yawg-------------------puas nco nws thiab
    Ntshe hloov siab----------nrog maum twm dawb
    Chaw sib tawb-------------------thiaj tsis nco qab
    Zos moos cab----------------------cov lus cog cia
    Yuav mob ntxhia------------------mus tag ib sim
    Nws yuav chim--------------siab txog hnub tuag
    Lub kua muag-----------------------koj tsis los so
    Sim neej no---------------------tsis paub ua neeg
    Koj puas tseem------------------cov lus no thiab
    Neb nplooj siab-------------muab faus teem cia
    Yeej tsis qhia---------------------rau neej paub li
    Yuav tsis ntxhi--------------tham rau dab mloog
    Tsam ho toog-----------------neej dab pob ntseg
    Tej kwj deg--------------------ho yuav pob thiab
    Tus qub ntxhiab-----------------ces ho yuav dua
    Kev hmov tshua----------ntawm koj thiab nws
    Neb siab ntsws--------------ho yuav xav txawv
    Nws lub plawv-----------------ces ho yuav nres
    Tus me ntses----------------------loj ces ho dim
    Lub siab chim-------------------mob tag ib tiam
    Tsheej txiv niam--------------los lwv tsis tawm
    Siab nkauj ntxawm-------------nco koj xwb os
    Ho rov los---------------------es neb mam tham
    Muaj qee tsam--------------kuj tseem xav plhis
    Kom tuaj tis------------------ya mus ua nkawm
    Siab nkauj ntxawm--------tseem nco qub zaub
    Cev paiv taub------------------yog koj qub mov
    Puag tseem sov---------thiab hos cov npawg./.

    ( xaus li no )



    Last edited by Hmong ntuj tshiab on 20th February 2012, 4:26 pm; edited 6 times in total
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    NRAUG LIAB TOJ SIAB lub tsev Paj huam Empty Re: NRAUG LIAB TOJ SIAB lub tsev Paj huam

    Post  koojziagkabzaug 14th November 2011, 10:17 am



    Nyob zoo tij laug Hmoob Ntuj Tshiab, tij laug Hmoob Leej Tub thiab me Nraug Liab Toj Siab,

    Tij laug Hmoob Leej Tub,

    Yog kawg, tib pliag xwb rov mus saib yug tej qub ntawv, cas lub tswv yim twb txawv lawm...Hahahah...! Xav txog thaum uas niaj hnub sawv los haus kas fes ua ke mas kuj lom zem heev thiab. Kuv zoo siab uas nws tau muab nws ntau yam txuj tuaj pab txhawb kuv. Nws yog ib tug kws txuj loj, nws muaj ntau yam zoo rau peb Hmoob kev TSIM KHO.

    Tij laug Hmoob Ntuj Thiab,

    Wow...! Nws mas yog ntuj tso thiaj li tshaj lij tag nrho,
    Nws mas kawg yog ntuj tsim thiaj li muaj tswv yim tas mus li.
    Nws yuav txawj tib nrog txawj teem tej nqe lus ua ntu zus. Zop kawg kiag li...Kuv ces zaum ntsia nws lawm xwb...Vim nws lub laj lim tswv yim ua rau kuv ruam tag li lawm...hahaha...!Thaum tsis muaj tus ntau thawj mas zoo li yus kuj txawj thiab...Tab sis muaj tus ntau thawj lawm mas zoo li yus tsis paub tab li lawm. Kuv zoo siab uas muaj nej ob peb tug tij laug thiab tub muaj txuj tuaj sib fim rau peb lub tsev txuj nov. Thov ua nej txhua leej tsaug.
    Hmong ntuj tshiab
    Hmong ntuj tshiab
    Sponsor
    Sponsor


    Messages : 537
    Date d'inscription : 2011-05-25

    NRAUG LIAB TOJ SIAB lub tsev Paj huam Empty Re: NRAUG LIAB TOJ SIAB lub tsev Paj huam

    Post  Hmong ntuj tshiab 17th November 2011, 5:15 pm

    koojziagkabzaug wrote:

    Nyob zoo tij laug Hmoob Ntuj Tshiab, tij laug Hmoob Leej Tub thiab me Nraug Liab Toj Siab,

    Tij laug Hmoob Leej Tub,

    Yog kawg, tib pliag xwb rov mus saib yug tej qub ntawv, cas lub tswv yim twb txawv lawm...Hahahah...! Xav txog thaum uas niaj hnub sawv los haus kas fes ua ke mas kuj lom zem heev thiab. Kuv zoo siab uas nws tau muab nws ntau yam txuj tuaj pab txhawb kuv. Nws yog ib tug kws txuj loj, nws muaj ntau yam zoo rau peb Hmoob kev TSIM KHO.

    Tij laug Hmoob Ntuj Thiab,

    Wow...! Nws mas yog ntuj tso thiaj li tshaj lij tag nrho,
    Nws mas kawg yog ntuj tsim thiaj li muaj tswv yim tas mus li.
    Nws yuav txawj tib nrog txawj teem tej nqe lus ua ntu zus. Zop kawg kiag li...Kuv ces zaum ntsia nws lawm xwb...Vim nws lub laj lim tswv yim ua rau kuv ruam tag li lawm...hahaha...!Thaum tsis muaj tus ntau thawj mas zoo li yus kuj txawj thiab...Tab sis muaj tus ntau thawj lawm mas zoo li yus tsis paub tab li lawm. Kuv zoo siab uas muaj nej ob peb tug tij laug thiab tub muaj txuj tuaj sib fim rau peb lub tsev txuj nov. Thov ua nej txhua leej tsaug.

    kuv muab ib zaj paj huam rau koj tau nyeem daws txoj kev uas yus pheej nco nco tej niag qub mov nplaum puag thaum i nawb mog tus me kwv tij aw

    Rov npau suav ntsib nws

    Kuv nraug liab-------------------txoj ua kev hlub
    Ntuj thaum ub----------------nyob zoov nuj xiab
    Ntsib nplooj siab-------------uas zoo tshaj plaws
    Tau tham ntxaws-------------txoj kev ntxim siab
    Huab zig niab-------------tej nplooj zeeg tshaws
    Tim teb chaws------------------ua rog ntxov niab
    Me nplooj siab-----------------wb thiaj sib ncaim
    Mus nyob nraim-----------------rau leeg rooj teb
    Ncaim mus deb----------------nyob leeg sab ntuj
    Nplooj siab yuj----------------ua neej tsaus nciab
    Ua mob iab--------------------tham tsis tau tawm
    Kev txij nkawm-------------------thiaj tsis tau pib
    Nplooj siab ib---------------nws thiaj plam lawm
    Lub keej khawm----------------txoj uas kev hlub
    Ntuj thaum ub-----------------nyob tuam laj tsua
    Pem roob qhua----------------nyob koom zej zos
    Niaj hmo yos--------------------tuaj nyob sib zov
    Sib xa xov---------------------txog txoj kev plees
    Hais seev yees--------------------tsis xav tso tseg
    Mob tej teg--------------------ua plawv yuav nres
    Yam tus ntses------------------tau pas dej ntshiab
    Nyob kaj siab-----------------mus lawm tag hnub
    Tsov rog dub--------------------txiav kev sib yuav
    Cuag ntuj nchuav-----------------lub ntiaj teb tig
    Av thiaj nkig--------------------dej nyob li nphau
    Sib ncaim tau------------nees nkaum tawm xyoo
    Koj lub moo-----------------------twb ploj zuj zus
    Wb tej lus---------------------------uas tau cog cia
    Twb mob ntxhia-----------------yuav rov qab zoo
    Tseg tsis nroo----------------------ua siab tsis nco
    Cas nag hmo---------------------ho rov npau suav
    Pom koj tuav-----------------------kuv ib sab npab
    Zaum ib sab---------------------tham txog kev nco
    Sim neej no--------------------------cas nco ua luaj
    Pom koj quaj--------------------kua muag ntws sis
    Kuv khoov ntshis---------------muab kuv tes tsho
    Coj los so-------------------------koj cov kua muag
    Kuv khawm puag ----------------koj rau xub ntiag
    Ib me pliag-------------------------koj kua muag tu
    Hnov koj hu---------------------kuv lub npe tshiab
    tias nraug liab----------------------yog tiag los dag
    Zaum no ntag--------------------xav kom yog tiag
    Kuv tig kiag-----------------------los tuav koj plhu
    Tsa ncauj hu-----------------------tus me xab yeeb
    Yeej yog tseeb------------------tsis yog npau suav
    Wb tham dhuav-------------------ces wb mus tsev
    Taug tej kev-------------------------nce toj qis hav
    Pom siv lav---------------------tawg paj dawb vog
    Noog poog pog---------------ntxais paj zom zaws
    Paj zeeg tshaws-----------------------rau ub rau no
    Wb tig hlo-----------------------saib rov pem roob
    Pom hav xyoob------------------hav ntoo kaj nrig
    Hnov nraj yig-----------------quaj suab xiv nqiab
    Nyaj cuam liab---------------suav kau zom zaws
    Me paj raws----------------tawg txhij tawg txhua
    Hnov cuab npua----------------puag pem nej zos
    Suab kab nqos-----------------quaj kho siab tshaj
    Txiv nqos ntsaj------------------siav kawg kiag li
    Wb luag ntxhi----------------------mus de los noj
    Kuv saib koj------------------------yeej zoo li qub
    Tseem ntxim hlub----------------li ntuj yav dhau
    Kuv tseem yau----------nyuam qhuav tiav hluas
    Wb tham txuas-----------------tsis muaj tsawg lo
    Ces wb ho-----------------------mus tim tsua ntab
    Hnov suab kab--------------quaj saum ntsis ntoo
    Cua tuaj loo----------------------ua ntoo rawv tag
    Wb tso dag-------------------tham luag mob plab
    Tau sib thab-----------------------sib zeg taug kev
    Pom txiv cev----------------------siav daj pes vog
    Wb mus txog-------------------puag pem toj roob
    Pom ntsuag xyoob------------sam leej zom zaws
    Wb tshwm plaws-------------pem dej cawm siav
    De nplooj txhiav-------------------los ce dej haus
    Sib tham txaus-------------mus txog kev tshuam
    Tej lus xuam------------------yav puag thaum ub
    Kev sib hlub-----------------------rau sim neej no
    Kuv mas nco-------------------- tuav rawv koj tes
    Wb mus nres------------------puag pem roob siab
    Tham xiv nqiab----------------ncig mus yuj yeev
    Koj txawm seev---------------suab hais lus taum
    Wb mus zaum--------------puag nram toj ntxhab
    Hnov suab kab-----------------quaj nrov zig ziag
    Cua tuaj ntxiag------------------wb cev txias zias
    Siab yuj lias--------------------tsis xav ncaim koj
    Wb tig zoj-----------------------saib tim roob zeb
    Hmoob luaj teb---------------ntuag toj ntuag pes
    Wb sawv nres-----------------saib pem roob zoo
    Pom hav ntoo---------------ntsuab xiab tsaus nti
    Wb thiaj li----------------------rov mus nuam yaj
    Kho siab tshaj----------------tsis xav ncaim mus
    Wb tej lus---------------------tham seev yuj yees
    Txoj kev plees----------------yav puag thaum ub
    Kev sib hlub--------------------nyob zos toj siab
    Zoo ntxim siab-------------------sib pab ev nplej
    Caij kwv dej--------------------tej chaw sib tawb
    Hav paj dawb------------------------fab ti kwj tse
    Tim ncauj ke-------------------kev ncaim nce toj
    Kuv thiab koj-------------------mus dob teb zaub
    Noog puj daub-------------quaj nrov ntsho nrooj
    Hmoob tshuab nplooj---------nrov kho siab zim
    Sab puag tim---------------------toj roob kuj yem
    Nyob puag pem--------------lawv roob teb npleg
    Tshuab tsis tseg------------suab nplooj xiv nqiab
    Nrov kho siab-------------------tshaj plaws li tiag
    Suab nplooj ntsiag---------------puag tim ntav toj
    Wb rov zoj----------------------los mus tsev lawm
    Ces koj txawm-------------------khawm kuv puag
    Wb ho zuag------------------tham lus tseem tseeb
    Lus meej xeeb----------------wb tham khee kawv
    Wb los sawv----------------------tim pas dej dawb
    Dawm sib tawb------------------tham kev sib nco
    Sim neej no--------------------------nco koj luaj li
    Tham lus ntxhi--------------------rau koj tsis tseg
    Hnub tuaj ntseg---------------------wb tig rov qab
    Tuav koj npab--------------------los txog ntug zos
    Hmoob tuav cos -------------suab nrov doog diaj
    Hnov suab tsiaj------------------sib tog zom zaws
    Wb tshwm plaws--------------ntawm nej tog tsev
    Sib tham ntev-------------------tsis xav sib ncaim
    Koj nyob nraim--------------hauv kuv nruab siab
    Cia xyoo tshiab-----------------wb mam sib yuav
    Kuv quaj zuav--------------------tsis xav rov qab
    Koj siab fab----------------------tsis xav sib nrug
    Siab kub lug--------------------txog kev sib tshua
    Ob leeg ua --------------------kua muag ntws nto
    Sim neej no-----------------------sib nco luaj tiag
    Quaj kawg kiag-----------------vim sib nco dhau
    Lawv thiaj tau---------------sawv phov txaj nrov
    Kuv thiaj hnov------------------tsim dheev los no
    Ua cas ho----------------------yog npau suab xwb
    Kua muag twb-------------ntxaum hauv ncoo tag
    Hais cuag dag-----------------ntub tog hauv ncoo
    Nws ntub loo---------------npaum xuas dej tsuag
    Rov qi muag------------------kom npau suav dua
    Lawv sawv ua-----------------tshais ntxov los noj
    Dab ntub ploj-----------------mas chim siab dhau
    Zaum tsaws npau------------kho siab tshaj plaws
    Vim teb chaws---------------thiaj tau ncaim mus
    Wb tej lus----------------------tau hais qhov tseeb
    Thiaj khuam xeeb--------------ua kua muag nrog
    Nco los txog---------------------niaj hnub nim no
    Kuv thiaj nco-------------------------koj ua luaj li
    Hnub thawm hli------------thiaj tshem tsis tawm
    Kev txij nkawm---------plam thaum ntawd kiag
    Koj tig ntiag-----------------nrog niam txiv nyob
    Kuv siab mob---------------cuag kua txob ntsim
    Lub siab chim--------------------mob tag ib tiam
    Vim koj niam--------------------koj txiv tsis kam
    Wb thiaj plam-----------------kev ua txij nkawm
    Kuv khiav tawm----------------tuaj rau thaib sab
    Txoj kev tab---------------------lub cuab lub yig
    Nws thiaj tig--------------------mus rau lwm tus
    Hmoob leej nus-----------------thiaj tsis tau koj
    Lub plawv ntoj-----------------ces siav yuav yaj
    Nco koj tshaj--------------------nyob rau tiam no
    Xyov yuav nco---------------mus txog hnub twg
    Me phooj ywg--------------------tus kuv hlub e!!
    Es koj ne!! --------------------puas nco kuv thiab
    Hmoob toj siab---------------------tus cev tsis loj
    Koj niam noj-----------------------dab tsi yug koj
    Zoo tam zoj-----------------me ntxhais nkauj hli
    Es thiaj ci---------------------mus thoob ntiaj teb
    Ua rau peb-----------------------nco nej tag hnub
    Vim tus hlub-----------------poob tom qab lawm
    Kev txij nkawm----------------thiaj ncav tsis tau
    Nws thiaj dhau----------------------mus zoo li no
    Wb thiaj nco-----------------------mus tag ib sim
    Yeeb yog vim----------------zuag tau ntawv nco
    Nyob tiam no-----------------tsis tau ntawv hlub
    Kuv thiaj rub---------------------tsis tau koj npab
    Ua kuv nyab------------------mus nrog kuv nyob
    Siab thiaj mob-----------------cuag dej kub npau
    Nws thiaj dhau------------------mus ua dab neeg
    Muab tham deeg----------------nrog huab cua ya
    Li thov xa--------------------------ib tsab xov tuaj
    Nrog suab quaj----------------saib koj puas hnov
    Neej nram ntxov----------------nyob qub zej zos
    Yog yuav tos-------------------ntev npaum li cas
    Siab khis ras-------------------cuag rwj aws ncus
    Tham lo lus-------------------yeej hais tsis tawm
    Kev txij nkawm----------------yog yuav rov pib
    Saib puas ntsib------------------nyob rau tiam ob
    Neej pov plob-----------------puas nphau rov los
    Tej lus ntos--------------------------seev koj tas li
    Zais tuag nthi----------------rau hauv nruab siab
    Koj tus ntxhiab----------------kuv tseem cim cia
    Ntsib mam qhia----------------rau koj lawm xwb
    Hais txog wb-------------------lub neej pem suab
    Thov saub muab------------wb ntawv nyiaj keeb
    Los nrog teeb----------------ua ntawv puaj txwm
    Tuav keeb kwm---------------kom ho muaj ntxiv
    Thiaj tsis chiv-------------------kev mob siab dua
    Xws nthwv cua---------nplawm ntuj ntws lawm
    Kom hmoov sawm-------------wb txhob sib cais
    Yog yuav hais----------------yeej tham tsis txhua
    Thiaj li ua----------------------npau suav pom koj
    Siab ntsws ntoj-----------------nco koj heev dhau
    Thiaj li tau-------------------muab los tham tawm
    Kom plawv nqawm-----------siab ntsws ho nqig
    Tej tsuj plig-----------------------rov los puab cev
    Siab ho ntev--------------------ua neeg mus ntxiv
    Yog yuav chiv--------------------npau suav li qub
    puas muaj hnub----------------rov tau lawm mog
    Tseem xav txog-----------------lub neej yav dhau
    Wb tseem yau-------------nco npaum nkauj hnub
    Ntsib dab ntub-------------tseem tham xiv nqiab
    Kuv nraug liab----------------nco koj tshaj plaws
    Yog tham ntxaws-------------ces kua muag poob
    Me nkauj Hmoob--------------tus me ntxim hlub
    Nkauj dab ntub-------------txiv nraug npau suav
    Tham tsis dhuav-------------------ua ke tsis txaus
    Hais tsis xaus-----------------------tej lus sib hlub
    Nkauj dab ntub------------thiab nraug npau suav
    Nws puas tshuav--------------ib zaug lawm thiab
    Hmoob toj siab-------------------tus me neeg zoo
    Yog puag loo-------------------mus yeeb yaj kiab
    Thiaj zoo siab-------------------os me leej muam
    Tej lus xuam----------------thov tsis txhob chim
    yeeb yog vim-------------------mob kuv siab thoob
    Vim koj poob----------------------mus rau ib sab
    Kuv thiaj npab--------------nyob lwj siab ntsuav
    Li noog puav----------------------ua neej dai taw
    Tsis muaj chaw-------------------li no lawm tiag
    Lub xub ntiag--------------------thiaj pw txias to
    Seev tag hmo---------------------rau tej npoo txaj
    Lub ntuj kaj----------------------los tsis xav sawv
    Ntuj yuas lawv-------------------tus me neeg zoo
    Tsis muaj hmoo------------------thiaj tsis tau koj
    Yog tuag ploj-------------------wb puas sib ntsib
    Nywj vag ib------------------nyob rau nruab dab
    Tuav koj npab----------------haus paj zaub quag
    Rov tau puag-----------------nyob kuv xub ntiag
    Paj zaub qiag-----------------li kab npauj npaim
    Ya nrog nraim---------------------ua ke ywj siab
    Mus thawj thiab----------------xeeb rov los dua
    Kom txhob tshua----------------kuv me xab yeeb
    Zoo sim xeeb--------------------tus me kuv nco
    sim neej no---------------------nco koj ib leeg
    Yog ho ntseeg------------------nco kuv thiab mog./.

    ( xaus li no )




    Last edited by Hmong ntuj tshiab on 23rd May 2012, 9:20 pm; edited 11 times in total
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    NRAUG LIAB TOJ SIAB lub tsev Paj huam Empty Re: NRAUG LIAB TOJ SIAB lub tsev Paj huam

    Post  koojziagkabzaug 17th November 2011, 11:23 pm



    Nyob zoo tij laug Hmoob Ntuj Tshiab,

    Ua tsaug ua nws sau tau zaj paj huam zoo heev rau tub NraugLiabTojSiab, vim nws twb sau ib zaj zoo heev rau peb, tab sis saub tsis pub kuv ces kuv tsis txawj teb nws xwb. Ua tsaug ntau, nws sawv pev sd chaw hais mas zoo kawg.

    Dua li txog lub caij Noj Tsiab lawm, nws xyeej no nws pab sau ib zaj txog Hmoob lub Peb Caug thiab puas tau?

    Ua tsaug.
    Nraug Liab Toj Siab
    Nraug Liab Toj Siab
    Sponsor
    Sponsor


    Messages : 774
    Date d'inscription : 2011-05-31
    Age : 37
    Localisation : Nyob ntawm koj ib sab.

    NRAUG LIAB TOJ SIAB lub tsev Paj huam Empty Re: NRAUG LIAB TOJ SIAB lub tsev Paj huam

    Post  Nraug Liab Toj Siab 23rd May 2012, 6:36 am

    Nyob Zoo Zos Hmoob Tshav Ntuj

    Nyob zoo os……….zos Hmoob Tshav Ntuj
    Tub nraug txuj……….thiab me ntxhais ci
    Ncaim ntau hli……….tsis tau rov tuaj
    Yeeb vim muaj……….hauj lwm ntau dhau

    Thiaj li tau……….ploj lawm ib ntus
    Nej txhua tus……….puas tseem noj qab
    Me vas sab……….puas tseem nyob zoo
    Ncaim ntev loo……….nco nej kawg kiag

    Muam Kooj ziag……….thiab muam Maiv Paj
    Nco neb tshaj……….os 2 tug muam
    Taw rhais ruam……….paj hlwb nco neb
    Ncaim tau ntev……….neb puas nyob zoo

    Neb puas nroo……….tias tshuav Nraug Liab
    Nyob tojsiab……….ntxeev ntuj nraum ub
    Caij nruab hnub……….thiab caij hmo ntuj
    Nraug Liab kuj……….ua yog toog pom

    Lub me zos……….Tshav Ntuj kho siab
    Me Nraug Liab………kuj tseem nyob zoo
    Ncaim ntev loo……….tsis tau sib fim
    Muaj qee chim……….kuj nco nej heev

    Nplooj siab seev……….nco nej txhua tus
    Ncaim ib ntus……….mam tau rov tuaj
    Ciav twb muaj……….paj hmab taj ntoos
    Tawg puv nroos........tog vaj tog tsev

    Ntawm ntug kev……….paj tawg tsw qab
    Me paj hmab……….paj ntoos tsw ntxiag
    Zoo kawg kiag………zos Hmoob Tshav Ntuj
    Chaw khaws txuj….......thiab chaws teem ci
    Kom thiaj li nyob mus ib sim nas lawv!
    Hmong ntuj tshiab
    Hmong ntuj tshiab
    Sponsor
    Sponsor


    Messages : 537
    Date d'inscription : 2011-05-25

    NRAUG LIAB TOJ SIAB lub tsev Paj huam Empty Re: NRAUG LIAB TOJ SIAB lub tsev Paj huam

    Post  Hmong ntuj tshiab 23rd May 2012, 6:09 pm


    Nyob Zoo os---------tsoom Hmoob Tshav Ntuj

    Nyob zoo os--------------zos Hmoob Tshav Ntuj
    Tub nraug txuj---------------thiab me ntxhais ci
    Ncaim ntau hli--------------------tsis tau rov tuaj
    Yeeb vim muaj--------------hauj lwm ntau dhau

    Thiaj li tau-----------------------ploj lawm ib ntus
    Nej txhua tus------------------puas tseem noj qab
    Me vas sab-------------------puas tseem nyob zoo
    Ncaim ntev loo-----------------nco nej kawg kiag

    Muam Kooj ziag----------thiab muam Maiv Paj
    Nco neb tshaj------------------------os 2 tug muam
    Taw rhais ruam------------------paj hlwb nco neb
    Nyob ntuj deb------------------neb puas nyob zoo

    Puas tseem nroo----------tias tshuav Nraug Liab
    Nyob toj siab---------------ntxeev ntuj nraum ub
    Caij nruab hnub--------------thiab caij hmo ntuj
    Nraug Liab kuj----------------npau suav tuaj yos

    Neb lub zos-------------Hmoob tshav ntuj tshiab
    Me Nraug Liab---------------kuj tseem nyob zoo
    Ncaim ntev loo----------------------tsis tau sib fim
    Muaj qee chim-------------------kuj nco nej heev

    Nplooj siab seev-----------------nco nej txhua tus
    Ncaim ib ntus-------------------mam tau rov tuaj
    Ciav twb muaj----------------paj hmab paj ntoos
    Tawg puv nroos--------------------tog vaj tog tsev

    Ntawm ntug kev-----------------paj tawg tsw qab
    Me paj hmab-----------------paj ntoos tsw ntxiag
    Zoo kawg kiag------------zos Hmoob Tshav Ntuj
    Chaw khaws txuj------------thiab chaws teem ci

    Kom thiaj li------------------------nyob mus ib sim
    Ua qauv cim----------------rau peb Hmoob kawm
    Coj mus cawm-------------------lub neej poob qab
    Ho tau pab-------------------------cov uas tsis txawj

    Kom txhob txhawj---------Hmoob kev dab qhuas
    Lawv cov hluas----------------thiaj nrog paub txog
    Tej yawg pog------------------------lawv dua toj tag
    Tub ntxhais nkag---------------kawm hauv vas sab

    Yeej paub tab------------------------los coj tau thiab
    Qhov tseem ntsiab---------------------yus tej txuj ci
    Zoo xws li------------------------luag lwm haiv thiab
    Tus mob siab-------------------yeej kawm tau kawg

    Txiv neej yawg--------------------yog nws xav txawj
    Tsis tas thawj-------------------------tus me kws qhia
    Tuaj saib ntsia----------------------txuj nyob vas sab
    Kawm kom tshab---------------------ces yeej siv tau

    Loj me yau-------------------------yeej txawj sib xws
    Kawm ntawm kws------------------tsuas zoo ib yam
    Yeej tsis plam----------------------yog sau hais meej
    Nws tus kheej--------------------yeej txawj xwb tiag



    Last edited by Hmong ntuj tshiab on 23rd May 2012, 9:41 pm; edited 1 time in total

    Sponsored content


    NRAUG LIAB TOJ SIAB lub tsev Paj huam Empty Re: NRAUG LIAB TOJ SIAB lub tsev Paj huam

    Post  Sponsored content


      Current date/time is 18th March 2024, 8:19 pm