HMOOB TSAV NTUJ

Would you like to react to this message? Create an account in a few clicks or log in to continue.

google-site-verification: googlefbfddf59e706b96b.html

Latest topics

» Ib tsoom Phoojywg Nej Nyob Licas lawm
by Liajntsuab 7th October 2019, 9:45 am

» NCIG XYUAS HMOOB NYAB LAJ TEB TSEEM UA LUB NEEJ NYOB TOJ SIAB
by Tub kev deb 3rd October 2019, 7:19 am

» Tshuaj Ntsuab
by PIJPAUJ 27th November 2018, 11:17 am

» NYOB ZOO OS
by cwjmemdub 10th October 2018, 9:37 pm

» TUS KAB MOB CANCER TXOV HMOOB LOS TAU ZE 600 TAWM XYOO & TSEEM YUAV MUAJ NTXIV
by Liajntsuab 13th April 2018, 11:57 am

» ***UA NEEB***
by shung 8th March 2018, 5:49 pm

» Neeb Saub ua rau neeg vwm
by shung 4th February 2018, 2:58 pm

» Xiong Chang
by koobpovtxuj 10th December 2017, 11:00 am

» Koobpovtxuj.
by koobpovtxuj 19th November 2017, 1:34 am

» kuv cov duab.
by koobpovtxuj 18th November 2017, 11:30 am

» KHAWV KOOB
by koobpovtxuj 30th September 2017, 4:29 pm

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

Tsev seev PajHuam

Nco kuv haiv hmoob Nraug_11

Hmong beauty nature

Nco kuv haiv hmoob Dsc08613

Compteur visitor

hnub 18/09/2010 los mus

4 posters

    Nco kuv haiv hmoob

    avatar
    nkauj hmoob hmov tshua
    Visitor
    Visitor


    Messages : 1
    Date d'inscription : 2011-06-20

    Nco kuv haiv hmoob Empty Nco kuv haiv hmoob

    Post  nkauj hmoob hmov tshua 21st June 2011, 12:16 am

    nyob zoo niam hluas kooj ziag kab zaug,kuv zoo siab uas tau tuaj saib nej lub tsev hmoob tshav ntuj,kuv thov hwm thiab qhuas neb ob tug niam hluas uas muaj lub lajlim tswv yim zoo los qheb lub tsev no rau peb
    haiv hmoob tau tuaj sib ntsib thiab kuv thov ua neb tsaug ntau.
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Nco kuv haiv hmoob Empty Zoo siab txais tos NKAUJ HMOOB HMOV TSHUA

    Post  koojziagkabzaug 21st June 2011, 2:06 am

    Nyob zoo NKAUJ HMOOB HMOB TSHUA,




    Zoo siab nws tuaj nrhiav tau peb hnub no
    Ua tsaug nws cov lus txhawb siab
    Txiaj ntsim yuav nco
    Dej siab yuav khaws cia
    Nws muaj txuj coj tuaj nthuav
    Kom peb lub Tsev nyob muaj luag
    Nws muaj ci coj tuaj fim
    Kom peb lub Txhab nyob muaj tsim
    Nawb kuv me viv ncaus.




    Hmong ntuj tshiab
    Hmong ntuj tshiab
    Sponsor
    Sponsor


    Messages : 537
    Date d'inscription : 2011-05-25

    Nco kuv haiv hmoob Empty Re: Nco kuv haiv hmoob

    Post  Hmong ntuj tshiab 22nd June 2011, 1:40 am



    Nco kuv haiv hmoob Post-313

    Niam nkauj dab ntub txiv nraug npau suav



    Tus ntawm no---------nkauj Hmoob hmov tshua
    Tham kom txhua-------muab tshaj nthuav tawm
    Lub keej khawm---------------Txoj uas kev nco
    Sim neej no----------------------tsis tau sib yuav
    Vim ntuj nchuav------------------lub ntiaj teb tig
    Av thiaj nkig--------------------dej nyob li nphau
    sib ncaim tau---------------nees nkaum lub xyoo
    koj lub moo-----------------------twb ploj zuj zus
    wb tej lus---------------------------uas tau cog cia
    twb mob ntxhia-----------------yuav rov qab zoo
    tseg tsis nroo-----------------------ua siab tsis nco
    cas nag hmo---------------------ho rov npau suav
    pom koj tuav-------------------rawv kuv sab npab
    zaum ib sab---------------------tham txog kev nco
    sim neej no-------------------------nco kuv ua luaj
    pom koj quaj-------------------kua muag ntws sis
    kuv khoov ntshis-------------muab kuv ntiag tsho
    coj los so-------------------------koj cov kua muag
    koj khawm puag-----------------kuv rau xub ntiag
    ib me pliag--------------------------koj kua muag tu
    hnov koj hu-------------------------kuv lub npe dua
    Hmoob hmov tshua-----------------yog tiag los dag
    zaum no ntag-----------------------xav kom yog tiag
    kuv tig kiag-------------------------los tuav koj plhu
    tsa ncauj hu------------------------hais tias sim xeeb
    yeej yog tseeb--------------------tsis yog npau suav
    wb tham dhuav----------------------ces wb mus tsev
    taug tej kev-----------------------------nce toj qis hav
    pom liaj dav--------------------------ya dawb pes vog
    neeg zej zog------------------------qw zom pes zaws
    Liaj dav tsaws---------------------------rau ub rau no
    Wb tig hlo--------------------------saib rov pem roob
    Pom hav xyoob---------------------hav ntoo kaj nrig
    Noog nraj yig-----------------------quaj hav ntas ntua
    Hnov cuab npua--------------puag nram Hmoob zos
    Suab kab nqos---------------------quaj kho siab tshaj
    Txiv pos daj--------------------------siav kawg kiag li
    Wb luag ntxhi---------------------------mus de los noj
    Kuv saib koj------------------------tseem hluas li qub
    Me nyuam tub-------------------------li ntuj yav dhau
    Kuv los yau------------------nyuam qhuav tiav nkauj
    Wb tham lauj-------------------------tsis muaj tsawg lo
    Ces wb ho---------------------------nqes mus nab nyos
    Me txiv pos---------------------------siav raws tug kev
    Txi tsheej rev---------------------------ua ceg rawv tag
    Wb tso dag-------------------------tham luag mob plab
    Taug kev ntxhab-------------------------tsis tiaj tsis tus
    wb tham lus--------------------------ncig mus yuj yeev
    Koj txawm seev---------------------suab hais lus taum
    Wb mus zaum------------------------nram ntug naj vaj
    Ib ce laj----------------------------cua tuaj ntxuj ntxiag
    Wb tig ntiag--------------------------saib rov nram tiaj
    Thaib yug tsiaj--------------------------puv toj puv pes
    Wb sawv nres--------------------ntsia nram choj hlau
    Pom tsheb ntau----------------------khiav lig pes nqas
    Hnov suab plas------------------quaj nrov ntsho nrooj
    Hmoob tshuab nplooj----------------puag tim ntav toj
    Suab ntxhe zoj-----------------------nrov kho siab zim
    Sab puag tim----------------------qab kev tsheb ntsuab
    Tauj khaub rhuab-------------txhawv paj ntxhov nyho
    Rov tig hlo--------------------------tuav rawv koj npab
    Wb rov qab-----------------------txog ntawm ntug kev
    Hmoob ua tsev-------------------tuaj sawv tsheej phiaj
    Lawv ntaus nyiaj------------------suab nrov zom zaws
    Wb tshwm plaws-------------------ntawm peb tog tsev
    Sib tham ntev-------------------------tsis xav sib ncaim
    Koj nyob nraim--------------------hauv kuv nruab siab
    Cia xyoo tshiab-----------------------wb mam sib yuav
    Koj quaj zuav----------------------------tsis xav rov qab
    Kuv siab fab----------------------------tsis xav sib nrug
    Siab kub lug----------------------------txoj kev sib tshua
    Ob leeg ua----------------------------kua muag ntws nto
    Cas sib nco----------------------------------ua luaj li tiag
    Quaj kawg kiag------------------------vim sib nco dhau
    Me nyuam tau----------------------sawv phov txaj nrov
    Kuv thiaj hnov------------------------tsim dheev los no
    Ua cas ho-----------------------------yog npau suab xwb
    Kua muag twb--------------------ntxaum hauv ncoo tag
    Hais cuag dag-------------------------ntub tog hauv ncoo
    Nws ntub loo----------------------npaum xuas dej tsuag
    Rov qi muag--------------------------kom npau suav dua
    Lawv sawv ua-------------------------tshais ntxov los noj
    Dab ntub ploj------------------------mas chim siab dhau
    Zaum tsaws npau-------------------kho siab tshaj plaws
    Lub teb chaws------------------------------tsis tiaj tsis tus
    Ncaim koj mus-----------------------nrog cov laus lawm
    Koj kuv txawm-------------------plam thaum ntawd los
    Kuv tsis ntos------------------------------tham txog koj li
    Zais tuag nthi-------------------------rau hauv nruab siab
    Koj tus ntxhiab------------------------kuv tseem cim tau
    Mam to rau--------------------------lwm tiam lawm xwb
    Thov kom wb---------------------txhob npau suav ntxiv
    Thiaj tsis chiv---------------------------kev mob siab dua
    Kuv twb ua-------------------------------tau ib siab lawm
    Hmoov tsis sawm------------------------wb thiaj sib cais
    Yog yuav hais--------------------------txog kev sib tshua
    Tham tsis txhua----------------------------txoj kev nco koj
    Yeej tsis ploj--------------------------hauv kuv lub plawv
    Koj tseem sawv----------------------nraim hauv kuv siab
    Kua muag iab--------------------------npau suav pom koj
    Siab ntsws ntoj-------------------------nco koj heev dhau
    Thiaj li tau---------------------------muab los tham tawm
    Kom plawv nqawm--------------------siab ntsws ho nqig
    Tej tsuj plig--------------------------------rov los puab cev
    Siab ho ntev-------------------------------ua neeg mus txiv
    yog yuav chiv------------------------------npau suav li qub
    Puas muaj hnub----------------------------rov tau sib ntsib
    Ho tau pib---------------------------------tham kev sib nco
    Sim neej no---------------------------------nco koj ua luaj
    Tsa suab quaj------------------------------tsis hnov koj teb
    Txawm muab ntxheb-------------------tham npaum li cas
    Koj tsis ras---------------------------------yeej tsis sib cuag
    Teev kua muag---------------------------txawm sib tw nrog
    Yog xav txog------------------------------lub neej yav dhau
    Thaum wb yau------------------------zoo cuag nkauj Hnub
    Txoj kev hlub-------------------------ntawm txiv nraug hli
    Tham luag ntxhi----------------------------wb txoj kev hlub
    Nkauj dab ntub-----------------------txiv nraug npau suav
    Tham tsis dhua-----------------------------ua kev tsis txaus
    Hais tsis xaus--------------------------------txoj kev sib nco
    Ntuj tag hmo---------------------------nyob nruab dab ntub
    Tsis muaj hnub---------------------lawm nraug npau suav
    Yeej tsis tshuav---------------------------dab tsi lawm mog

    (xaus li no)

    Nco kuv haiv hmoob Dawb_t10



    Last edited by koojziagkabzaug on 22nd June 2011, 2:12 am; edited 5 times in total (Reason for editing : Nkauj Hmoob Hmov tshua Npau suav ntsib koj os nawb)
    MayPaj
    MayPaj
    Spammer
    Spammer


    Messages : 488
    Date d'inscription : 2010-02-25

    Nco kuv haiv hmoob Empty Re: Nco kuv haiv hmoob

    Post  MayPaj 22nd June 2011, 11:27 am

    Wow.........haib ua luaj J:
    MayPaj
    MayPaj
    Spammer
    Spammer


    Messages : 488
    Date d'inscription : 2010-02-25

    Nco kuv haiv hmoob Empty Re: Nco kuv haiv hmoob

    Post  MayPaj 22nd June 2011, 11:29 am

    nkauj hmoob hmov tshua wrote:nyob zoo niam hluas kooj ziag kab zaug,kuv zoo siab uas tau tuaj saib nej lub tsev hmoob tshav ntuj,kuv thov hwm thiab qhuas neb ob tug niam hluas uas muaj lub lajlim tswv yim zoo los qheb lub tsev no rau peb
    haiv hmoob tau tuaj sib ntsib thiab kuv thov ua neb tsaug ntau.

    nyob zoo nkauj hmoob mov tshua,

    hnub no kuv qhib kiag hoob no pom koj lub nick zoo heev ua rau kuv xav paub thiab xav pom koj rov qab tuaj nrog Kzkz wb nyob tham ua si os.

    Peb tsis muaj viv ncaus coob nyob hauv no es peb xav kom koj tuaj peb sawv daws tham nawd, rov qab tuaj txhua lub sij hamw yeej yuav tos txais koj zoo los nrog peb koom mog.

    Welcome rau koj nawd tus niamlaus Nkauj Hmoob Mov Tshua
    Hmong ntuj tshiab
    Hmong ntuj tshiab
    Sponsor
    Sponsor


    Messages : 537
    Date d'inscription : 2011-05-25

    Nco kuv haiv hmoob Empty Re: Nco kuv haiv hmoob

    Post  Hmong ntuj tshiab 22nd June 2011, 12:26 pm

    [center
    Kuv yeej tshua koj ib yam thiab os

    Tus ntawm no---------------yog nraug siab ncaj
    yuav los tshaj-----------------ib tsab xov tawm
    Lub keej khawm-------------Txoj uas kev hlub
    Ntuj thaum ub------------------tsis tau sib yuav
    Vim ntuj nchuav------------------lub me teb tig
    Av thiaj nkig------------------dej nyob li nphau
    Sib ncaim tau----------nees nkaum tawm xyoo
    koj lub moo---------------------twb ploj zuj zus
    wb tej lus-------------------------uas tau cog cia
    twb mob ntxhia---------------yuav rov qab zoo
    tseg tsis nroo---------------------ua siab tsis nco
    cas nag hmo-------------------ho rov npau suav
    pom koj tuav--------------------kuv ib sab npab
    zaum ib sab------------------tham txog kev nco
    Sim neej no----------------------cas nco ua luaj
    pom koj quaj----------------kua muag ntws sis
    kuv khoov ntshis------------muab kuv tes tsho
    Coj los so---------------------koj cov kua muag
    Kuv khawm puag ------------koj rau xub ntiag
    ib me pliag----------------------koj kua muag tu
    hnov koj hu------------------lub npe hluas tshaj
    Nraug siab ncaj-----------------yog tiag los dag
    zaum no ntag------------------xav kom yog tiag
    kuv tig kiag--------------------los tuav koj plhu
    tsa ncauj hu--------------tias nkauj hmov tshua
    Rov ntsib dua----------------tsis yog npau suav
    wb tham dhuav-----------------ces wb mus tsev
    taug tej kev------------------------nce toj qis hav
    pom liaj dav--------------------ya dawb pes vog
    neeg zej zog-------------------qw zom pes zaws
    liaj dav tsaws-----------------------rau ub rau no
    Wb tig hlo---------------------saib rov pem roob
    Pom hav xyoob----------------hav ntoo kaj nrig
    Noog nraj yig----------------quaj suab ntas ntua
    Hnov cuab npua---------------puag pem peb zos
    Suab kab nqos----------------quaj kho siab tshaj
    Txiv nqos ntsaj-----------------siav kawg kiag li
    Wb luag ntxhi---------------------mus de los noj
    Kuv saib koj----------------------yeej zoo li qub
    Tseem ntxim hlub---------------li ntuj yav dhau
    Kuv tseem yau---------nyuam qhuav tiav hluas
    Wb tham txuas----------------tsis muaj tsawg lo
    Ces wb ho-----------------------nqis mus paj cab
    Hnov suab kab-------------quaj saum ntsis ntoo
    Cua tuaj loo---------------------ua ntoo rawv tag
    Wb tso dag------------------tham luag mob plab
    Tau sib thab-----------------------sib zeg tau kev
    Pom txiv cev--------------------siav daj pes vog
    Wb mus txog------------puag nram roob npoob
    Me ntsuag xyoob------------sam leej zom zaws
    Wb tshwm plaws-----------nram dej cawm siav
    De nplooj txhiav------------------los ce dej haus
    Sib tham txaus-------------mus txog dej tshuam
    Pom noog ntxuam---------------ya taug kwj deg
    Hnub tuaj ntseg-----------------tshav kub sov so
    Tham kev nco-----------------yav ntuj nram qab
    Taug kev ntxhab------------------tsis tiaj tsis tus
    wb tham lus-------------------ncig mus yuj yeev
    Koj txawm seev--------------suab hais lus taum
    Wb mus zaum-------------nram tsev cuab ntses
    Nkoj tuaj nres--------------hnov cua tuaj ntxiag
    Wb tig ntiag---------------------saib rov phu xev
    Hmoob ncaws kev----------ntuag toj ntuag pes
    Wb sawv nres---------------ntsia pem nab phoo
    Pom hav ntoo------------nplooj ntsuab tsaus nti
    Wb thiaj li---------------------rov mus nuam yaj
    Kho siab tshaj---------------tsis xav ncaim mus
    Koj tej lus--------------------tham seev yuj yees
    Txog kev plees--------------yav puag thaum ub
    Kev sib hlub--------------------nyob zos dej liab
    Zoo ntxim siab------------------sib pab ev nplej
    Caij kwv dej-------------------tej chaw sib tawb
    Hav paj dawb-----------------------fab ti kwj tse
    Tim ncauj ke-------------------kev ncaim nce toj
    Kuv thiab koj------------------mus dob teb zaub
    Noog puj daub------------quaj nrov ntsho nrooj
    Hmoob tshuab nplooj-------nrov kho siab zim
    Sab puag tim--------------------zos tiaj kuj yem
    Nyob puag pem------------lawv roob teb npleg
    Tshuab tsis tseg-------------nrov kho siab tshaj
    Zaub tawg paj--------------ntab muv ntxais zib
    Teb kab tsib--------------------nrog koj mus lov
    Caij sawv ntxov----------------wb kuj sib ntsib
    Wb rov pib----------------tham lus tseem tseeb
    Lus meej xeeb-------------wb tham khee kawv
    Wb mus sawv--------------puag nram chaw so
    kuv rov hlo------------------tuav rawv koj npab
    tig rov qab --------------------los txog ntug zos
    Hmoob tuav cos ----------suab nrov doog diaj
    Hnov suab tsiaj---------------sib tog zom zaws
    Wb tshwm plaws-----------ntawm nej tog tsev
    Sib tham ntev----------------tsis xav sib ncaim
    Koj nyob nraim-----------hauv kuv nruab siab
    Cia xyoo tshiab--------------wb mam sib yuav
    Kuv quaj zuav------------------tsis xav rov qab
    Koj siab fab--------------------tsis xav sib nrug
    Siab kub lug------------------txoj kev sib tshua
    Ob leeg ua ------------------kua muag ntws nto
    Sim neej no--------------------sib nco luaj tiag
    Quaj kawg kiag--------------vim sib nco dhau
    Lawv thiaj tau------------sawv phov txaj nrov
    Kuv thiaj hnov---------------tsim dheev los no
    Ua cas ho-------------------yog npau suab xwb
    Kua muag twb----------ntxaum hauv ncoo tag
    Hais cuag dag--------------ntub tog hauv ncoo
    Nws ntub loo------------npaum xuas dej tsuag
    Rov qi muag---------------kom npau suav dua
    Lawv sawv ua--------------tshais ntxov los noj
    Dab ntub ploj--------------mas chim siab dhau
    Zaum tsaws npau------------kho kuv siab tshaj
    Lawv tsis ncaj-------------muab koj yuam mus
    Wb tej lus--------------------tau hais qhov tseeb
    Thiaj khuam xeeb------------ua kua muag nrog
    Nco los txog-------------------niaj hnub nim no
    Kuv thiaj nco------------------------koj ua luaj li
    Hnub thawm hli----------thiaj tshem tsis tawm
    Kev txij nkawm------plam thaum ntawd lawm
    Vim koj tawm--------------mus nrog luag nyob
    Kuv siab mob------------npaum kua txob ntsim
    Lub siab chim-------------------mob tag ib tiam
    Vim koj niam-----------------koj txiv siab phem
    Tau rhuav tshem---------------wb txoj hauv kab
    Txoj kev tab---------------------lub cuab lub yig
    Nws thiaj tig-------------------mus rau lwm tus
    Hmoob leej nus-----------------thiaj tsis tau koj
    Lub plawv ntoj-----------------ces siav yuav yaj
    Nco koj tshaj-------------------nyob rau tiam no
    Xyov yuav nco--------------mus txog hnub twg
    Me phooj ywg-------------------tus kuv hlub e!!
    Es koj ne!! -------------------puas nco kuv thiab
    Hmoob dej liab-------------------tus cev tsis loj
    Koj niam noj----------------------dab tsi yug koj
    Zoo tam zoj-----------------me ntxhais nkauj hli
    Es thiaj ci---------------------mus thoob ntiaj teb
    Ua rau peb------------------------nco mus ib sim
    Yeeb yog vim--------------koj ncaim mus lawm
    Kev txij nkawm----------plam thaum ntawd los
    Kuv tsis ntos---------------------tham txog koj li
    Zais tuag nthi----------------rau hauv nruab siab
    Koj tus ntxhiab----------------kuv tseem cim cia
    ntsib mam qhia----------------rau koj lawm xwb
    Thov kom wb------------txhob npau suav ntxiv
    Thiaj tsis chiv------------------kev mob siab dua
    Kuv twb ua----------------------tau ib siab lawm
    Hmoov tsis sawm---------------wb thiaj sib cais
    Yog yuav hais---------------yeej tham tsis txhua
    Thiaj li ua---------------------npau suav pom koj
    Siab ntsws ntoj----------------nco koj heev dhau
    Thiaj li tau------------------muab los tham tawm
    Kom plawv nqawm----------siab ntsws ho nqig
    Tej tsuj plig----------------------rov los puab cev
    Siab ho ntev--------------------ua neeg mus ntxiv
    Yog yuav chiv-------------------npau suav li qub
    puas muaj hnub----------------rov tau lawm mog
    Tseem xav txog-----------------lub neej yav dhau
    wb tseem yau-------------nco npaum nkauj hnub
    Ntsib dab ntub-------------tseem tham luag ntxhi
    Txiv nraug hli-----------------nco koj tshaj plaws
    Yog tham ntxaws-------------ces kua muag poob
    Me nkauj Hmoob--------------tus me ntxim hlub
    Nkauj dab ntub--------------txiv nraug npau suav
    Tham tsis dhuav-------------------ua ke tsis txaus
    Hais tsis xaus-----------------------tej lus sib hlub
    Nkauj dab ntub------------thiab nraug npau suav
    Nws puas tshuav--------------ib zaug lawm thiab
    Hmoob dej liab-------------------tus me neeg zoo
    Yog puag loo-------------------mus yeeb yaj kiab
    Thiaj zoo siab-------------------os me leej muam
    Tej lus xuam----------------thov tsis txhob chim
    Vim koj dim--------------------mus ua luag nyab
    Kuv thiaj npab--------------nyob lwj siab ntsuav
    Li noog puav----------------------ua neej dai taw
    Tsis muaj chaw-------------------li no lawm tiag
    Lub xub ntiag--------------------thiaj pw txias to
    Seev tag hmo--------------------rau tej npoo txaj
    Lub ntuj kaj---------------------los tsis xav sawv
    Ntuj yuas lawv--------------------tus me lus zoo
    Tsis muaj hmoo-----------------thiaj tsis tau koj
    Yog tuag ploj------------------wb puas sib ntsib
    Nywj vag ib-----------------nyob rau nruab dab
    Tuav koj npab---------------haus paj zaub quag
    Rov tau puag----------------nyob kuv xub ntiag
    Paj zaub qiag-----------------li kab npauj npaim
    Ya nrog nraim---------------------ua ke ywj siab
    Mus thawj thiab----------------xeeb rov los dua
    Kom txhob tshua-----------koj lawm os mog./.
    ( xaus li no )
    [/center]

    Sponsored content


    Nco kuv haiv hmoob Empty Re: Nco kuv haiv hmoob

    Post  Sponsored content


      Current date/time is 28th March 2024, 10:53 pm