Kua muag ntiav ib los ob los quaj kiag

MayPaj wrote:Thaum koj mob siab, koj kua muag twb poob lawm los koj uv taus?

Cas kuv es yog ib tug neeg kua muag ntiav ua luaj, tej yam me me twb tsis txaus quaj los thaum kuv mob siab kiag xwb, lub kua muag twb xub ntws ua ntej kuv yuav hais lus li lawm ....yog zoo li no xwb es yus yuav ua li cas ua neeg ? vim tias yus muaj muaj peev xwm los yus muaj muaj kua muag li thiab es luag teb twb tsis ntshai yus ib nyuag qho li

Txawm kuv lub kua muag poob los cia poob, kuv cheem tsis tau kuv lub kua muag, kua muag tawm hauv yus lub cev los , nws muaj nqis heev , cia kua muag poob yus thiaj yog ib tug neeg zoo. Muaj ib txhia neeg mas tsis txawj poob kua muag li, vim lawv lub kua muag tob tob es lawv zoo ntawm daim tawv xwb siab tsis zoo....hahaha.

Hmoob ntuj qub qab wrote:

Nyob zoo Maiv

Cov neeg ntse raws li tij laug ntsia lawv kua muag nyob ntiav tham tej qhov tu siab xwb lawv kua muag twb poob lawm

Hos cov neeg Ruam tsab ntse mas lawv kua muag nyob tob tob kawg li luag tej tuag nws mus nyiav los kua muag twb tsis los , tab sis nws txij nkawm los yog nws niam nws txiv tuag mas nws ho quaj vwm loj vwm leg yam luag saib nws tsis rau ntsev thiab nas me leej muam Nkauj Ntxawm ...hahahah

Muaj ib nkawm niam txiv nkawv muaj 10 leej me nyuam 8 leej ntxhais muaj 6 txwm Ntxhais vauv 1 txwm nyob Mes kas, 2 txwg Tub nyab, ob niam txiv no thaum nkawv muaj ib tug me nyuam xwb tus txiv yeej ntaus tus niam los txog niaj hnub no, tus niam noj tshuaj ntau zaus tab sis muaj tus cawm thiab coj mus tsev kho mob raws siab yooj yim ces cawm tau .
Nws ntaus tus niam mas nws kaw qhov rooj tib si nws mam li ntaus txhua zaum, zaum no nws ntaus tus niam mob ceg heev tus niam chim thiaj noj tshuaj kuab taws hnyuv tuag kiag li 2 weeks los no xwb ,thaum lawv muab tus niam tu zam tas nws ua dev leg los zaum ntawm tus niam plab hos muab tes npuaj tus niam plhu tias koj niam txhua zaum cas kuv hnia koj tsw qab cas zaum no kuv hnia koj tsw phem ua luaj mas luag tej saib nws zoo li tsiaj xwb tiag , nws ho nyiav tias koj niam e cas kuv yuav nco koj daim tiab ua luaj ...
Neeg mas nyias muaj nyias siab tiag, ib txhia neeg ua tau ntxim ntxim ntxub cuag li nas me leej muam Nkauj Ntxawm e

MayPaj wrote:nev nev nev....seb, tijlaug Hmoob ntuj qub qab aj...koj pia li no xwb kuv twb quaj lawm ne, kuv kua muag tsis tau tawm tiam sis nyeem kiag koj zaj piav no xwb, kuv ob lub ntsiab muag twb nruj nreem thiab kub kub cuag tus tsi li lawm, yog tseem hnov koj tham kiag thiab mas ntshe kuv kua muag cia li ntws tawm twj ywm xwb tiag...kuv mas ho muaj muaj kua muag dhau lawm os.

Tijlaug Hmoob ntuj qub qab, cas koj zaj piav no yuav mus tu siab ua luaj....> , ua li es ob niam txiv ntawd tseem nyob sab ntuj tim koj los? Cas kuv yuav pab hlub tus niam ua luaj os lawv e! ua neeg nyob es yug tau me nyuam coob npaum ntawv los tseem raug luag ntaus thiab ncaws tas zog , tsuas yog tus niam ntawv xwb thiaj tseem nrog ua neej los txog hnub tuag kus li ntawv, tus niam tsev ntawv muab hais los muaj peev xwm dua kuv os. Kuv mas yuav uv tsis tau ib tug neeg muab kuv ncaws txhua hnub hmo li ntawd ntev npaum ntawd os, yog kuv tsis khiav kom dim ces kuv kawg tuag ua ntej li tus niam tsev ntawv lawm thiab xwb, txoj kev tuag yog txoj kev cawm tau tus niam txoj kev lwj siab xwb...cas yuav pab tu siab ua luaj.

Oiiib, niag thaub koj hais ntaus leej niam tsev na, cas yuav mus pheeeeeeeeeem tag npaum li thiab lauj!!!! muaj ib txhia neeg mas yeej phem tiag tiag li ntawd os tijlaug... ...muaj ib txhia neeg mas phem heev los tseem ua ruam tua tsov thiab mas ntxim ntxub tshaaaaaaaaj plaws li os ....leej twg hais nws los nws tias nw thiaj yog cai, txhua tus li mas yog yuav thov tuag xwb no tiag cov neeg zoo li ntawv. Thaum zoo mas zoo zoo ua rau tib neeg me plig los tag, thaum phem tuaj mas phem pheeeeeeeeem ua rau tib neeg plig yaj tag. Cov neeg phem ruam tua tsov mas sim neej no dhuav niam thiab txiv siab tshaj plaws uas yug tau ib leej neeg zoo li ntawd uas hais tsis tau... ...kuv pom kiag ntawm qhov muag los lawm mas cas yuav pab tu siab ua luaj rau tsev neeg ntawd.

Ua li cas tus niam tuag kiag lawm, nws yuav mus nyiav tus niam rhuav phlu ua luaj os niag thaub saud na , ntshe nej twb pab txaj muag rau nws lawm thiab lau

Tijlaug, tuaj tham kev tu siab rau kuv mloog hauv no ntxiv os. Tham seb hauv koj lub neej los laus li no koj tau pom yam twg txaus tu siab thiab os? tuaj qhia kuv ntxiv nawd, kuv sau ntawd ntau heev lawm ces cia koj ho rov tuaj sau tso kuv mam li piav tej yam kuv pom tu siab rau koj nyeem thiab nawd.

Yog koj hais tias cov neeg kua muag ntiav yog neeg ntse no ces cia kuv yuav li ntawd xwb es thiaj li pab kuv xav ua neeg kom ntev thiaj tsis poob siab rau kua muag ntiav os.

Hmoob ntuj qub qab wrote:
Nyob zoo Maiv

Leej muam Nkauj Ntxawm e , niag yawg ntawv nyob tsis deb ntawm peb zos hla tus dej Naj nyeej rau sab tiv ces mus tom lawv zos xwb , nws lub loog dav li 1 hev taj nws ua tsev lawj nyob vov nruab thiab tsev mov tsev av los vov nruab thiab xwb, nws yeej nyiam zoo tsis pub nplooj poob yog poob tseev kom tus niam mus khaws tsis khaws ces ntaus xwb .
Tus niam laj tiv dhau ces kawg tuag txawm yog tij laug los ntse kawg tuag qhov ntawv yog kev ncaj dua lawm .

leej muam Nkauj ntxawm tij laug piav ib zaj ntxiv zaj no los tij laug yeej nrog tus niam los kua muag thaum ntawv tij laug muaj 12 xyoo ob niam txiv no muaj 2 tug me nyuam lawm lub caij ntawv tseem ua rog sib tua tus txiv mus tua rog tom tshav rog raug tuag lawm lawv muab dav hlau nqa los txog tus niam mus muab ntaub uas qhwv tus txiv yaws kiag tus txiv ib ce daj nrhuv ib ce los lo ntshav tag , tus niam quaj khawm puag lias tus txiv muab tus txiv hnia ntshis ces tus niam nrog tus txiv pw ua ke kiag ntawm mam kaum tus niam los lo ntshav tab sis tus niam yeej quaj tas siab li cov neeg mus saib mas quaj txhua nrho tij laug los quaj thiab .
Maiv aw lub neej ua rog mas tu siab os thaum lawv tsis tau thauj tus txiv los lawv hais los ua ntej tus niam mus quaj zaum tos kev tos lo av tas li os maiv , pab hlub tus niam ntawv kawg li tiag .
Kev txij nkawm yog txawj sib hlub mas ib hnub ntev li ib xuab moos, ib hlis ntev li ib hnub xwb ...yog tsis txawj ua neej mas ceeb laj ua neej txog hnub tuag nas leej muam Nkauj ntxawm .

MayPaj wrote:Vuag!!!....tijlaug cas koj zaj no yuav mus tu siab ua luaj li thiab lau...sniiiifff ....sim neej no yog ua lub neej sib sib hlub, ces txawm ib tug tuag kiag lawm los yus yeej tsis ntshai nws, zaj no tu siab dhau lawm, kuv mus work mas kuv xav txog koj zaj piav saum no ib hnub nkaus, ua rau kuv xav xav quaj thiab mob mob siab kawg li os tijlaug Hmoob ntuj qub qab awwww!!!!!

Thaum kuv tseem yau nyob teb chaws guyane, muaj ib tug pojniam Hmoob thiab nws tus txiv nkawv muaj 1 leej tub twm zeej xwb, ces nkawv tus tub kawm ntawd siab thiab ntse heev, nkawv muab xa mus kawm ntawv nyob rau Fabkis av loj, nrog cov kwv tij nyob, ces muaj neeg siab phem muab tshuaj lom tus tub tuag rau tom tsev kawm ntawd, thaum nws niam uas nyob Guyane hnov dheev, nws ib ce caus yaum tas, nws quaj nws tus tub, nws khuv xim heev, ua ntej lawv yuav xa los txog Guyane yuav yog li 1 vas thiv...txhua tag kis sawv ntxov qaib qua zom zaws xwb mas peb twb hnov nws nyiav ua ntej lawm, nws niaj tag kis sawv los nyiav nws tus me tub.

Muaj ib txhia neeg mas ntxub kawg nkaus, luag cem cem tias niaj tag kis sawv los nyiav ua rau lawv ntshai heev thiab ua rau lawv tsis tau zoo pw, tiam sis kuv niam peb mas txhua tag kis sawv los quaj nrog tus niam tais ntawv, peb tshuab ntswg nrog nws ua ke txhua tag kis. Peb pab nws khuv xim nws ib leeg tub twm zeej kawg li, thaum ntawv mas kuv niam cia li ua siab tsis mus ua teb, hos nws los nyob hlub peb taub hau tau ib nyuag ntu...txog hnub lawv xa ob niam txiv ntawd tus tub los txog mas peb sawv daws mus saib, nws niam nws txiv qhib plo lub me hleb, lub me cev daj nrhuv, cov neeg yuav lub hleb los tseem yuav tau ib lub hle me me, tus tub lub caj dab lov rau tom sib sab mas nws niam muab tus me tub puag kiag hlub taub hau, nws quaj quaj quajquaj quaj ,lawv xeem muab lub hle rhuav rov mus txua dua ib lub kom loj loj uas xyab tau nws lub tau hau ntseg .....ua rau neeg quaj txhua nrho, tshuav kiag cov neeg siab phem tsis txawj tu siab thiaj tsis quaj....muab xav txog kuv nco ntsoov hlob luaj li no. Tu siab kawg nkaus, thiab pab nkawv khuv xim kawg nkaus.

koojziagkabzaug wrote:

Nyob zoo Hmoob Ntujqubqab,

Kuv hais tau lus siab nws lawm los cas nws tsis nav kuv lawm os, Hmoob leej tub!

Nws puas khoom mus saib ob lub Topic "Ua neeb & Qeej Hmoob" muaj ib los lus vam txog nws.

Ua tsaug.

MaivPaj wrote:Thaum koj mob siab, koj kua muag twb poob lawm los koj uv taus?

Cas kuv es yog ib tug neeg kua muag ntiav ua luaj, tej yam me me twb tsis txaus quaj los thaum kuv mob siab kiag xwb, lub kua muag twb xub ntws ua ntej kuv yuav hais lus li lawm ....yog zoo li no xwb es yus yuav ua li cas ua neeg ? vim tias yus muaj muaj peev xwm los yus muaj muaj kua muag li thiab es luag teb twb tsis ntshai yus ib nyuag qho li

Txawm kuv lub kua muag poob los cia poob, kuv cheem tsis tau kuv lub kua muag, kua muag tawm hauv yus lub cev los , nws muaj nqis heev , cia kua muag poob yus thiaj yog ib tug neeg zoo. Muaj ib txhia neeg mas tsis txawj poob kua muag li, vim lawv lub kua muag tob tob es lawv zoo ntawm daim tawv xwb siab tsis zoo....hahaha.

nyiaj tseev wrote:
MaivPaj' Yuav tau tseg ib txhia cia rau thaum yus tus hlub tsis hlub yus thiaj li tau quaj nawb. tso dag xwb. Cov neeg kua muag nyob ntiav ntiav li koj mas thaum laus muaj tej tus siab ho tawv lawm ho ib txhia mas ua lub qhov muag liab pliv tas hnub xwb thiab tsis pub tej menyuam hais ib siab li thiab. Ho kuv mas kuv yog ib tus neeg siab tawv heev kuv yeej tsis quaj li tab sis tam sim no kuv laus lawm mas hnov tsis tau ib yam kev tu siab li kua muag yeej tawm lawm.

MaivPaj wrote:

nyiaj tseev wrote:
MaivPaj' Yuav tau tseg ib txhia cia rau thaum yus tus hlub tsis hlub yus thiaj li tau quaj nawb. tso dag xwb. Cov neeg kua muag nyob ntiav ntiav li koj mas thaum laus muaj tej tus siab ho tawv lawm ho ib txhia mas ua lub qhov muag liab pliv tas hnub xwb thiab tsis pub tej menyuam hais ib siab li thiab. Ho kuv mas kuv yog ib tus neeg siab tawv heev kuv yeej tsis quaj li tab sis tam sim no kuv laus lawm mas hnov tsis tau ib yam kev tu siab li kua muag yeej tawm lawm.

Hello Nyiaj Tseev.....hehehe! koj hais yog kawg li lawm os, kuv mloog zoo li kuv kua muag ntiav kawg nkaus, tiam sis laus zuj zus kuv siab tawv zuj zus lawm, tam sim no thaum kuv quaj ces tsuas yog thaum kuv npau taws dhau lawm es quaj kom siab nqig xwb, yog kuv tsis npau taws ces txawm leej twg cem kuv los kuv tsis quaj lawm os.

Nyiaj Tseev, koj twb siab tawv kawg kua muag tsis poob li, tiam sis yav laus no ces koj ho txawj quaj tu siab no ntshe yog koj cov kua muag tshuav ntau dhau lawm es thiaj tawm rau yav laus xwb os, peb li ces kua muag muab tawm tawm thaum hluas no yuav tag lawm ces thaum laus ntshe tseem mob qhov muag qhuav lawm thiab os.