HMOOB TSAV NTUJ

Would you like to react to this message? Create an account in a few clicks or log in to continue.

google-site-verification: googlefbfddf59e706b96b.html

Latest topics

» Ib tsoom Phoojywg Nej Nyob Licas lawm
by Liajntsuab 7th October 2019, 9:45 am

» NCIG XYUAS HMOOB NYAB LAJ TEB TSEEM UA LUB NEEJ NYOB TOJ SIAB
by Tub kev deb 3rd October 2019, 7:19 am

» Tshuaj Ntsuab
by PIJPAUJ 27th November 2018, 11:17 am

» NYOB ZOO OS
by cwjmemdub 10th October 2018, 9:37 pm

» TUS KAB MOB CANCER TXOV HMOOB LOS TAU ZE 600 TAWM XYOO & TSEEM YUAV MUAJ NTXIV
by Liajntsuab 13th April 2018, 11:57 am

» ***UA NEEB***
by shung 8th March 2018, 5:49 pm

» Neeb Saub ua rau neeg vwm
by shung 4th February 2018, 2:58 pm

» Xiong Chang
by koobpovtxuj 10th December 2017, 11:00 am

» Koobpovtxuj.
by koobpovtxuj 19th November 2017, 1:34 am

» kuv cov duab.
by koobpovtxuj 18th November 2017, 11:30 am

» KHAWV KOOB
by koobpovtxuj 30th September 2017, 4:29 pm

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

Tsev seev PajHuam

kawm txog txoj kev ua yus ua luag tsaug txhua fab Nraug_11

Hmong beauty nature

kawm txog txoj kev ua yus ua luag tsaug txhua fab Dsc08613

Compteur visitor

hnub 18/09/2010 los mus

3 posters

    kawm txog txoj kev ua yus ua luag tsaug txhua fab

    Hmong ntuj tshiab
    Hmong ntuj tshiab
    Sponsor
    Sponsor


    Messages : 537
    Date d'inscription : 2011-05-25

    kawm txog txoj kev ua yus ua luag tsaug txhua fab Empty kawm txog txoj kev ua yus ua luag tsaug txhua fab

    Post  Hmong ntuj tshiab 30th May 2011, 7:12 pm

    Kaj seej luab, luab lim txog rau ib tsoom zeej, seej sim huab hwm seev nraug txawg, tau xauv xeeb tshwm sim los muaj lub roj ntsha tsheej los ua zeej keeb,

    Nws yog tiam nyeej keeb, tshab txhais yog peb haiv Hmoob nyob rau tuam yim meem luaj, tau tawg tsij ri si keev mus nyob rau txhua txhua thaj tuam meem nrim thoob plaws rau cej lum qab kha, Hnub no kuj yog ib hnub sij kaj cib pem faj ceeb, zoo cib pem faj ntug,

    Kuv yuav muab teej teg txuj ci keeb ko qauv quag ntawm nceeg lus ua tsaug nco luag tus txiaj ntsig coj los rheeb feeb teeg ua txuj txeeg ua ci nthuav cib lig seev ua zaj lus ua tsaug nco luag tus txiaj, tus ntsig uas luag tau pab yus leg dej num tiav log rau yus yam meej ntseg,

    yog li no yus thiaj yuav tsum tau seev tej zaj lus kom zoo nkauj raws li liaj lwg thiab rhwv mwg nkawv tus lw uas nkawv tau teeb cia rau noob neej seev ua zaj ua luag tsaug, Hnub no kuv thiaj tau muab cej luam ntuav tawm los pub rau peb ib tsoom zeej huab hwm seev nraug txawg tau kawm. Vim peb Hmoob tau plam kuj cuab luaj pua los tau ntau tiam xyoo lawm thiab peb tej txuj ci tau poob, ploj tag lawm zuj zus,

    Es peb txoj kev teeg txuj txeeg ci thiaj nthuav txeej loj hlob tsis tau muaj mus puv rau peb haiv Hmoob txhua txhua yim neej. Uas peb Hmoob tseem txawj tsis tau ntxaws tus txuj ci los ntawm liaj lwg thiab rhwv mwg nkawv tus qauv uas nkawv tau teem teeb cia ua qauv seev suab ua zaj lus tseg rau zeej keeb coj los teeg ua txuj txeeg ua ci pab noob neej nyob rau txhua txhua ntaj tuam meem nrim,

    Uas peb Hmoob tau tawg mus nyob thoob plaws, vim li no kuv thiaj li muab txeeg nthuav qhia rau peb Hmoob kom paub txog ntawm txoj kev seev txuj rag ci raws tus lw keeb ko qauv quag. Uas yog liaj lwg thiab rhwv mwg nkawv tau muab keeb tseg ua zaj lus zoo rau me nyuam Hmoob tau siv los ua kev pab lwm leej lwm tus, nyob rau hauv tuam meem luaj pua.

    Yog li no kuv thiaj li tau muab cej luam sau ua phau ntawv thiab muab teeg ua txuj txeeg ua ci coj los nthuav chab chaws, Cib lig tshab txhais los teem teeb ua keeb ko qauv quag txuj ci cob qhia rau peb ib tsoom zeej huab hwm txhua tus tau kawm

    thiab paub txog txoj kev rag txuj ci raws yam zoo thiab meej raws li peb Hmoob kev hais lus.Yog hais tias koj ho tau kawm tus txuj ci huab txawj kev ua tsaug no lawm los haj yam zoo, yog koj ho tseem tsis tau paub txog tus txuj ci huab txawj kev ua tsaug no los, ho thov kom koj qhib koj lub siab dawb paug los kawm kom koj xeev ras txog tus txuj ci huab txawj kev ua tsaug no.

    Es koj ho sawv los coj koj yim neej mus rau lub neej pem suab mus lawm yav tom ntej no kom koj ho muaj lub neej kaj siab lug.Txuas ntxiv ntawm no mus ces kuv yuav muab tus txuj ci keeb ko qauv quag, kev ua tsaug coj los

    rheeb feeb nthuav tawm los qhia rau ib tsoom zeej huab hwm seev nraug txawg txhua leej txhua tus kawm kom paub, thiab to taub txog txoj kev teeg txuj txeeg ci ua tsaug raws li txiaj keeb qauv cim ntawm liaj lwg thiab rhwv mwg nkawv tau rheeb feeb txog kev nco luag tus txiaj tus ntsig los nthuav qhia pub rau peb ib tsoom zeej seej sim seev nraug txawg kawm,

    kom ho paub seev nceeg lus ua tsaug uas yuav nco luag tus txiaj ntsig kom to taub meej tseeb es thiaj, hais rau peb ib tsoom zeej huab hwm seev nraug txawg txhua txhua leej yuav tau kawm thiab coj mus pab nej lub luag dej num lawm yav tom ntej no

    thiab coj mus siv thaum nej tau nres lub luag dej num uas yuav tau los coj ib teg dej num tseem ceeb nyob rau ib lub sij hawm twg, es thiaj qhia rau nej txhua tus tseem yuav sawv los coj nej lub neej lawm yav tom ntej no, vim koj suav hnub suav hmo txav ze zuj zus mus rau yav neej uas

    koj yuav tau ntsib kev nyuab siab lawm nag, yog li no koj tus kheej thiaj tsis txhob ua siab deb, ib tsam koj ho tau kev tsaus ntuj thiab ho nyuab koj siab xwb os nawb.

    Ua tsaug tuag - pab nyiaj tshav ntuj ( xyom cuab )

    Kev ua tsaug uas luag coj nyiaj tuaj pab yus tsev neeg uas thaum yus tsev neeg muaj ib tug noj tsis qab nyob tsis zoo lawm es yus yuav tau ua luag tsaug raws li nram no.

    Ua tsaug os, peb xyom cuab tsev mob tsev tuag, tsev puas tsev ntsoog, tu ib sawv ces nchuav ib nkog, nchuav ib nkog ces puav tam dej nam sib laub,


    koj tus ua ( ________________) tseem xav neej xav tsav xav ntsuab xav ze, koj tseem toom txheej toom yig, nyiaj txiag ntos, tshav ntuj ntos, tuaj pab peb tsev xyom cuab nta dab nta qhua ntseg log puav tam ncej txawb,


    Nyob li hnub qab nram lub ntsis, kaj ntug nag kis, xab theeb lwm hnub, peb tsev xyom cuab ua lub neej zoo xws luag ces peb yuav pauj koj tus txiaj tus ntsig,


    yog peb tsev xyom cuab ua lub neej zoo tsis xws luag ces ntshe yuav ua nag tshauv nag tshia yaj, xwb no laus mog.

    Ces pe luag xwb









    Ua tsaug tuag - pab nyiaj tshav ntuj ( kwv tij neej tsa zaj )

    Kev txais luag yim ntawm koj coj nyiaj mus pab ib tsoom kwv tij neej tsa thaum luag muaj kev txom nyem ces luag yuav ua koj tsaug ces koj yuav tau txais luag yim os nawb.

    Ua tsaug tsi, nej xyom cuab tsev mob tsev tuag, tsev puas tsev ntsoog, tu ib sawv ces nchuav ib nkog, nchuav ib nkog ces puav tam dej nam sib laub,

    nyob li peb ua neej zoo xws luag ces yuav toom txheej toom yig, nyiaj txiag ntos, tshaj ntuj ntos, qaib noog ntos, dej caw ntos, cab yag cab nco luaj phab tog ris dej ris cawv luaj zeb zog,

    tuaj pab nej tsev xyob cuab nta dab nta qhua ntseg log puav tam tus ncej txawb,

    tiam sis yeeb vim peb ua lub neej zoo tsis xws luag, yam tsis tsheej yam tsi tsis tsheej tsi, twb tuaj tauv tsis tau nej xyom cuab lub kua muag, txhob ua tsaug laus mog, nkim los tsaug xwb no laus mog.

    ( Luag pe yus ces yus tsa luag xwb )












    Ua tsaug tuag – ua tsaug hauv qhua (xyom cuab zaj)

    Kev ua tsaug uas luag coj nyiaj tuaj pab yus tsev neeg uas thaum yus tsev neeg muaj ib tug noj tsis qab nyob tsis zoo lawm es yus yuav tau ua luag tsaug raws li nram no.

    Ua tsaug os, peb xyom cuab tsev mob tsev tuag, tsev puas tsev ntsoog, tu ib sawv ces nchuav ib nkog, nchuav ib nkog ces puav tam dej nag laub lis log,

    kev txom nyem kev ntxhov siab nphau li nphwv los txog, rau peb tsev xyom cuab peb thiaj tau kev quaj kev nyiav los lub kua muag nrog,

    koj tus ua ( ________________ ) tseem xav neej xav tsav, xav ntsuab xav ze, toom txheej toom yig nyiaj txiag ntos tshav ntuj ntos, qaib noog ntos, dej cawv ntos, cab yag cab nco luaj phab tog ris dej ris cawv luaj zeb zog,

    tuaj pab peb tsev xyom cuab nta dab nta qhua ntseg log puav tam ncej tsua, nrog peb nta lub ntees ploj ntxhee lis zoj, lub ntees qhua ntxhee li sua,

    nyob li hnub qab nram lub ntsis, kab ntug nag kis, xab theeb lwm hnub, peb tsev xyom cuab ua lub neej zoo xws luag ces peb yuav pauj koj tus txiaj tus ntsig, pauj txhij los pauj txhua,

    yog peb ua lub neej zoo tsis xws luag ces ntshe yuav ua nag tshauv nag tshia, tshia lij tshi rau tej mus yas ntsua, xwb no laus mog.

    ( Ces pe luag xwb )




    Ua tsaug tuag – ua tsaug hauv qhua ( yog hauv qhua zaj )

    Kev txais luag yim ntawm koj coj nyiaj mus pab ib tsoom kwv tij neej tsa thaum luag muaj kev txom nyem ces luag yuav ua koj tsaug ces koj yuav tau txais luag yim os nawb.

    Ua tsaug tsi, nej xyom cuab tsev mob tsev tuag, tsev puas tsev ntsoog, tu ib sawv ces nchuav ib nkog, nchuav ib nkog ces puav tam dej nam laub lis log,

    kev txom nyem kev ntxhov siab nphau li nphwv los txog, rau nej tsev xyom cuab, kev quaj kev nyiav los lub kua muag nrog

    Nyob li peb ua lub neej zoo xws luag ces yuav toom txheej toom yig, nyiaj txiag ntos, tshav ntuj ntos, qaib noog ntos, dej caw ntos, tshav ntuj ntos, cab yag cab nco luaj phab tog, ris dej ris cawv luaj zeb zog,

    tuaj pab nej tsev xyom cuab nta dab nta qhua ntseg log puav tam tus ncej tsua, nrog nej nta lub ntees ploj kom ntxhee li zoj, lub ntees qhua kom ntxhee li sua

    tiam sis yeeb vim peb ua lub neej zoo tsis xws luag, yam tsis tsheej yam, tsi tsis tsheej tsi, twb tuaj tauv tsis tau nej xyom cuab lub kua muag, pab tsis tau nej ib rawg ntxuag,

    xyuam tsis nyog nej lub txhooj, txhawb tsis tau nej tus ceg rooj, txhob ua tsaug mog, nkim los taug xwb laus mog.

    ( Luag pe yus ces yus tsa luag xwb )
    Hmong ntuj tshiab
    Hmong ntuj tshiab
    Sponsor
    Sponsor


    Messages : 537
    Date d'inscription : 2011-05-25

    kawm txog txoj kev ua yus ua luag tsaug txhua fab Empty Re: kawm txog txoj kev ua yus ua luag tsaug txhua fab

    Post  Hmong ntuj tshiab 30th May 2011, 7:14 pm



    Kev ua tsaug uas luag coj nyiaj tuaj pab yus tsev neeg uas thaum yus tsev neeg muaj ib tug noj tsis qab nyob tsis zoo lawm es yus yuav tau ua luag tsaug raws li nram no.

    Ua tsaug os, nram ntej ub peb tsev yeej ncuab, tsev mob tsev tuag, tsev puas tsev ntsoog, sij hawm tom qab no, peb tsev yeej ncuab ho tos nwj laug los saib vag saib tse, daws nkauj vab nkauj le,

    Koj tseem xav neej xav tsav xav ntsuab xav ze, koj tseem toom txheej toom yig, nyiaj txiag ntos, tshav ntuj ntos, tuaj pab peb tsev yeej ncuab nta dab nta qhua,

    ntseg log puav tam tus ncej txhab, pab daws tau niam nkauj plig lub me nkauj vab, niam nkauj plig tau mus cuag poj cuag yawm rau ntuj sua teb puag tom qab,

    Nyob li hnub qab nram lub ntsis, kaj ntug nag kis, xab theeb lwm hnub, peb ua lub neej zoo xws luag ces peb yuav pauj koj tus txiaj tus ntsig rov qab,

    hos yog peb ua lub neej zoo tsis xws luag ces ntshe peb yuav ua nag tshauv nag tshia, tshia lij tshis rau tej mus yas kab xwb no laus mog,


    ( ces pe luag xwb )








    Ua tsaug plig, nyiaj tshav ntuj ( yog kwv tij neej tsa zaj )

    Kev txais luag yim ntawm koj coj nyiaj mus pab ib tsoom kwv tij neej tsa thaum luag muaj kev txom nyem ces luag yuav ua koj tsaug ces koj yuav tau txais luag yim os nawb.

    Ua tsaug tsi, nram ntej ub nej tsev yeej ncuab, tsev mob tsev tuag, tsev puas tsev ntsoog, sij hawm tom qab no, nej ho tos nwj laug los saib vag saib tse, daws nkauj vab nkauj le,

    Nyob li peb ua lub neej zoo xws luag ces peb yuav toom txheej toom yig, nyiaj txiag ntos, tshav ntuj ntos, qaib noog ntos, dej cawv ntos, cab yag cab nco luaj phab tog, ris dej rid cawv luaj zeb zog,

    tuaj pab nej tsev yeej ncuab nta dab nta qhua, ntseg log puav tam tus ncej txhab, pab daws tau niam nkauj plig lub me nkauj vab, niam nkauj plig li tau mus cuag poj cuag yawm rau ntuj sua teb puag tom qab,

    Tiam sis yeeb vim peb los kuj ua lub neej zoo tsis xws luag, yam tsis tsheej yam tsi tsis tsheej tsi, twb tuaj tauv tsis tau txiaj mog sis mim thiab txiaj lag tub yau,

    teev me kua muag ntxaum li ntxiav rau tej mus npoo vaj, peb ces tsua ua niam ntab mos muv sib tw ntsauv paj hmab es txhob ua tsaug mog, nkim los tsaug xwb no laus mog,

    ( ces tsa luag xwb )










    Ua tsaug plig , Hauv qhua ( yog tsev yeej ncuab zaj )

    Kev ua tsaug plig, uas luag coj nyiaj tuaj pab yus tsev neeg uas thaum yus tsev neeg muaj ib tug noj tsis qab nyob tsis zoo lawm es yus yuav tau ua luag tsaug raws li nram no.

    Ua tsaug os, nram ntej ub peb tsev yeej ncuab, tsev mob tsev tuag, tsev puas tsev ntsoog, sij hawm tom qab no, peb tsev yeej ncuab ho tos niam nkauj plig los saib vag saib tse, daws nkauj vab nkauj le,

    Koj ______________ tseem hmov tseem tshua txog _____________, koj tseem toom txheej toom yig, nyiaj txiag ntos, qaib noog ntos, dej cawv ntos, npoj ntsab ntos, tshav ntuj ntos, cab yag cab nco luaj phab tog, ris dej ris cawv luaj zeb zog tuaj pab peb tsev yeej ncuab nta dab nta qhua,

    ntseg log puav tam tus ncej txhab, pab peb daws tau niam nkauj teej plog, txiv nraug teej plig lub me nkauj vab, niam nkauj teej plog, txiv nraug teej plig tau mus cuag poj cuag yawm rau ntuj sua teb puag tom qab,

    Nyob li hnub qab nram lub ntsis, kaj ntug nag kis, xab theeb lwm hnub, peb tsev yeej ncuab ua lub neej zoo xws luag ces peb yuav pauj koj tus txiaj tus ntsig rov qab,

    Yog peb ho ua lub neej zoo tsis xws luag ces ntshe peb yuav ua nag tshauv nag tshia, tshia lij tshis rau tej mus yas kab xwb no laus mog,


    ( ces pe luag xwb )











    Ua tsaug plig, hauv qhua plig ( yog hauv qhua zaj )

    Kev txais luag yim ntawm koj coj nyiaj mus pab ib tsoom kwv tij neej tsa thaum luag muaj kev txom nyem xws li luag tso plig ces luag yuav ua koj tsaug ces koj yuav tau txais luag yim os nawb.

    Ua tsaug tsi, nram ntej ub nej tsev yeej ncuab, tsev mob tsev tuag, tsev puas tsev ntsoog, sij hawm tom qab no, nej tsev yeej ncuab ho tos niam nkauj plig los saib vag saib tse, daws nkauj vab nkauj le,

    Nyob li kuv ua ______________, ua lub neej zoo xws luag ces, kuv yuav toom txheej toom yig, nyiaj txiag ntos, tshav ntuj ntos, qaib noog ntos, dej cawv ntos, cab yag cab nco luaj phab tog, ris dej rid cawv luaj zeb zog,

    tuaj pab nej tsev yeej ncuab nta dab nta qhua, ntseg log puav tam tus ncej txhab, pab daws tau niam nkauj teej plog, txiv nraug teej plig lub me nkauj vab, niam nkauj teej plog, txiv nraug teej plig ho tau mus cuag poj cuag yawm rau ntuj sua teb puag tom qab,

    Tiam sis yeeb vim kuv ua ____________ los kuj ua lub neej zoo tsis xws luag, yam tsis tsheej yam, tsi tsis tsheej tsi, twb tuaj tauv tsis tau txiaj mog sis mim thiab txiaj lag tub yau,

    teev me kua muag ntxaum li ntxiav rau tej mus npoo vaj, kuv ua _______, ces tsua lam ua niam ntab mos muv ya yuj tuaj ntsauv paj hmab xwb es thov txhob ua tsaug mog, ib tsam ho nkim los tsaug xwb no laus mog,

    ( ces tsa luag xwb )









    Zaj Ua tsaug - Tiam tus txiv neeb ( thaj neeb kho ntsuj kho hlauv xwb )

    Thaum koj rau tau tsum mov lawm ces koj rub tus txiv neeb thiab tus hwj sawv thiab cov neeg uas koj thov tuaj pab koj ntawd txhua tus los zaum rau sab ped ces koj mam los ce ib khub cawv txawb rau hauv lub phaj nrog rau qhov nyiaj uas koj yuav muab rau tus txiv neeb tso ua ke rau hauv lub phaj ces koj mam muab cev rau tus txiv neeb tas ces koj ho muab lub phaj noj mov nrog rau ib rab diav cev rau tus txiv neeb thiab tas ces koj mam los ua nws tsaug li hauv qab no.

    Ua tsaug nawb ___________ koj txiv neeb, txiv muam, txiv neeb, txiv yaig, hnub no nkawv ua niam ua txiv vam vam koj lub dag coj lub zog thiab rooj neeb rooj yaig tuaj pab nkawv, kho nkawv _________________________,

    koj thiab thawj neeb thawj qhua, cuaj vaj hmoob yim vaj sua, cuaj phiaj neeb txwg, yim phiaj neeb qhua, tuaj ntoj neeb nthuav yaig, tuaj siv tuam ceeb tuam lim, xov ceeb xov lim, tuaj kho nkawv ___________________ ,

    muab pwj tsiaj pwj txhuv, pwj qaib pwj qe, plis plho ua lub hauv toj, coj mus thaiv lis ntua nyuj cab nyuj nkau, ntsuj duab ntsuj hlau txoj kev ntoj, tsa hlo me ntsuj duab ntsuj hlau, nyuj cab nyuj kau, sawv los ua npoj,

    los zaum li nroov rau lub mus rooj noj, cuaj hnub tsis saub rau txoj mus kev dav, yim hmo tsis seev rau txoj kev rag npoj, puav ntsuj duab los rau hauv vaj, puav ntsuj hlaus los rau hauv tsev, me ntsuj los puab duab, me hlauv los puab cev, zoo siab tshaj plaws tsis muaj ib yam dab tsi yuav los pauv tau nawb,

    Tsim nyog peb cov kwv tij txiv tub yuav npaj kom tau cuaj phaj yim ntim, cuaj khob cawv tsav yim khob cawv ntxuag, ib kab me yeeb, los yog ib pib me tshuaj, los rau saum lub rooj tsim nyog txhob los haus qaug, los ua lawm koj txiv neeb txiv muam, txiv neeb txiv yaig ib los me tsaug.

    Tiam sis yeeb vim peb los kuj ua lub neej saub kev sis pluag, lub neej zoo tsis xws luag, yam twg los kuj npaj tsis txhij tsis txhua, rooj nqaig rooj ntxuag los kuj tsis raug ntsej raug muag. Los vim yog peb ua lub neej zoo tsis xws luag neej, yaj twg los kuj npaj tsis tsheej, thiaj cuag li tsis paub tab, lam muab ib nplooj me txhav txheej, thiab ob khob me dej dawb, tam ntua ib pob me xyab thiab ib nplooj me ntawv los rau dab qhuas tug xwb los thov koj zam lub txheej pub rau peb cov kwv tij txiv tub thiab no laus mog.

    Nyob li hnub qab nram lub ntsis kaj ntug nag kis, xab theeb lwm hnub, koj txiv neeb txiv muam txiv neeb txiv yaig ho tsis muaj chaw txib chaw khaiv chaw txib chaw vam, los puj sis tseg mog, yog koj ho muaj chaw txib chaw khaiv, chaw txib chaw vam es koj ho vam tsis txog peb cov kwv tij txiv tub los puj sis tseg,

    yog koj ho vam txog los nyob li tus paub tab coj hno xaiv ces yuav tuaj pab txhawb koj tus me nceg rooj, xyuam nyog lawm koj lub me txhooj, hos tus tsis paub tab coj hno xaiv los yeej yuav tuaj pab koj zaum ua puav dai rooj, nyob mus dai nplooj thiab no laus mog.

    Es cuag li vam koj lub dag coj lub zog tuaj pab pab los twb muab tsis tau ib yam dab tsi los ua lawm koj ib los tsaug, es tsuas yog muab lo lus txiaj lus ntsig los ua lawm koj ib los tsaug xwb no los thov koj ho zam lub txheej rau peb cov kwv tij txiv tub thiab no laus mog.

    Nyob li ntawm koj tus me txiaj ntsha, ces peb yuav nqa, tus txiaj ntsig ces peb yuav ris, ris rawv rau saum lub nraub qaum, nyob tsis nrauj, los ua ncauj, ncauj li nco nyob tsis tso, kom tsis tag tsis kawg mus ib txhiab ib txhis no laus mog,


    ( ces pe xwb )














    Zaj lus ua tsaug tiam tus hwj sawv los yog tus tuaj pab yus saib neeb

    Ua tsaug nawb, ___________ hnub no nkawv __________ npaj tau pwj tsiag pwj txhu los txhij, pwj qaib pwj qe los txhua, hu tau txiv neeb txiv muam txiv neeb txiv yaig tuaj txog,

    los nkawv kuj tsis pom qab muab lub dag coj lub zog, los yeeb vim lub zej zog los kuj txawm tau dav, leej tib neeg los kuj txawm tau nqaim, tus yuav txib yuav khaiv los kuj txawm tsis muaj, thiaj yuav vam koj lub dag coj lus zog tuaj,

    Los vim yog leej tub txawg los kuj txawm tau tsawg, leej tub ruag los kuj txawm nyob tsiv chaw, thiaj li vam vam koj ua _________tuaj pab ua txiv neeb tus hwj sawv,

    Hnub no koj kuj tuaj hwj rooj neeb rooj yaig, ntseg log puav tam tus ncej teeb, txiv neeb, txiv muam, txiv neeb txiv yaig zoo siv tuam ceeb tuam lim, xov ceeb xov lim, ntoj neeb nthuav yaig, mus raws luag ib cuab nees nkaum leej ib tsev nees nkaus tus ntsuj duab ntsuj hlau rais lees los rau lawm yaj ceeb,

    Hnub no koj kuj tuaj hwj rooj neeb rooj yaig ntseg log puav tam tus ncej txaj, txiv neeb, txiv muam, txiv neeb txiv yaig zoo siv tuam ceeb tuam lim, xov ceeb xov lim, ntoj neeb nthuav yaig, mus raws luag ib cuab nees nkaum leej ib tsev nees nkaus tus ntsuj duab ntsuj hlau rais lees los rau lawm yeeb yaj, mas zoo siab tshaj plaws tsis muaj ib yam dab tsi yuav los pauv tau,

    Tsim nyog peb cov kwv tij txiv tub yuav npaj kom tau cuaj phaj yim ntim, cuaj khob cawv tsav yim khob cawv ntxuag, ib kab me yeeb, los yog ib pib me tshuaj, los rau saum lub rooj tsim nyog txhob los haus qaug, los ua lawm koj hwj sawv ib los me tsaug.

    Tiam sis yeeb vim peb los kuj ua lub neej saub kev sis pluag, lub neej zoo tsis xws luag, yam twg los kuj npaj tsis txhij tsis txhua, rooj nqaig rooj ntxuag los kuj tsis raug ntsej raug muag.

    Los vim yog peb ua lub neej zoo tsis xws luag neej, yam twg los kuj npaj tsis tsheej, thiaj cuag li tsis paub tab, lam muab ib nplooj me txhav txheej, thiab ob khob me dej dawb,

    tam ntua ib khob me tshuaj yej los yog ib khob me kav fes rau koj deev ncauj xwb los thov koj zam lub txheej pub rau peb cov kwv tij txiv tub thiab no laus mog.

    Nyob li hnub qab nram lub ntsis kaj ntug nag kis, xab theeb lwm hnub, koj ho tsis muaj chaw txib chaw khaiv chaw txib chaw vam los puj sis tseg mog,

    yog koj ho muaj chaw txib chaw khaiv, chaw txib chaw vam es koj ho vam tsis txog peb cov kwv tij txiv tub los puj sis tseg, yog koj ho vam txog los nyob li tus paub tab coj hno xaiv ces yuav tuaj pab txhawb koj tus me nceg rooj, xyuam nyog lawm koj lub me txhooj,

    hos tus tsis paub tab coj hno xaiv los yeej yuav tuaj pab koj zaum ua puav dai rooj, nyob mus dai nplooj thiab no laus mog. Es cuag li vam koj lub dag coj lub zog tuaj pab pab los twb muab tsis tau ib yam dab tsi los ua lawm koj ib los tsaug, es tsuas yog muab lo lus txiaj lus ntsig los ua lawm koj ib los tsaug xwb no los thov koj ho zam lub txheej rau peb cov kwv tij txiv tub thiab no laus mog.

    Nyob li ntawm koj tus me txiaj ntsha, ces peb yuav nqa, tus txiaj ntsig ces peb yuav ris, ris rawv rau saum lub nraub qaum, nyob tsis nrauj, los ua ncauj, ncauj li nco nyob tsis tso, kom tsis tag tsis kawg mus ib txhiab ib txhis no laus mog,


    ( ces pe xwb )














    Zaj lus tiam tus tuaj pab yus ua tus suav txwj suav laus

    Ua tsaug nawb, ___________ hnub no nkawv __________ npaj tau pwj tsiag pwj txhu los txhij, pwj qaib pwj qe los txhua, hu tau txiv neeb txiv muam txiv neeb txiv yaig tuaj txog,

    Los nkawv kuj tsis pom qab muab lub dag coj lub zog, los yeeb vim lub zej zog los kuj txawm tau dav, leej tib neeg los kuj txawm tau nqaim, tus yuav txib yuav khaiv los kuj txawm tsis muaj, thiaj yuav vam koj lub dag coj lus zog tuaj,

    Los vim yog leej tub txawg los kuj txawm tau tsawg, leej tub ruag los kuj txawj tsis txaus, thiaj li vam vam koj pab ua suav txwj suav laus, Hnub no koj kuj tuaj pab ua suav txuj suav laus, ncig qab nrag rau hauv nroog, tav nkhaus nkoo xws tav noog, ncig qab nroog rau hauv nras, tav nkhaus nkoo xws tav nas,

    Ntuj da koj ncig tag, ntuj do koj ncig txog, koj thiaj ncig yeev mus txog puag teb chaws nplog, koj thiaj mus pom lawv niam lawv txiv quaj quaj nrhiav tub nrhiav nyab, nyob rau ntuj sua teb puag tom qab,

    Koj thiaj coj tau lawv niam lawv txiv los txog vaj txog tsev, coj tau lawv niam lawv txiv los rau tub rau nyab, rau ntxhais rau vauv, rau kwv rau tij, coj los sam laj sam txhov, sam nplej qib txhuv ntsuas, sam peb tas peb taw mov nplej mus lub ntsiab, peb tas peb taw nqaij mus luaj liab, sam peb tas peb taw mov nplej mus txhuv kws, peb tas peb taw nqaij mus luaj zwm, mas zoo siab tshaj plaws tsis muaj ib yam dab tsi yuav los pauv tau,

    Tsim nyog peb cov kwv tij txiv tub yuav npaj kom tau cuaj phaj yim ntim, cuaj khob cawv tsav yim khob cawv ntxuag, ib kab me yeeb, los yog ib pib me tshuaj, los rau saum lub rooj tsim nyog txhob los haus qaug, los ua lawm koj hwj sawv ib los me tsaug.

    Tiam sis yeeb vim peb los kuj ua lub neej saub kev sis pluag, lub neej zoo tsis xws luag, yam twg los kuj npaj tsis txhij tsis txhua, rooj nqaig rooj ntxuag los kuj tsis raug ntsej raug muag.

    Los vim yog peb ua lub neej zoo tsis xws luag neej, yam twg los kuj npaj tsis tsheej, thiaj cuag li tsis paub tab, lam muab ib nplooj me txhav txheej, thiab ob khob me dej dawb,

    tam ntua ib khob me tshuaj yej los yog ib khob me kav fes rau koj deev ncauj xwb los thov koj zam lub txheej pub rau peb cov kwv tij txiv tub thiab no laus mog.

    Nyob li hnub qab nram lub ntsis kaj ntug nag kis, xab theeb lwm hnub, koj ho tsis muaj chaw txib chaw khaiv chaw txib chaw vam los puj sis tseg mog,

    yog koj ho muaj chaw txib chaw khaiv, chaw txib chaw vam es koj ho vam tsis txog peb cov kwv tij txiv tub los puj sis tseg, yog koj ho vam txog los nyob li tus paub tab coj hno xaiv ces yuav tuaj pab txhawb koj tus me nceg rooj, xyuam nyog lawm koj lub me txhooj, hos tus tsis paub tab coj hno xaiv los yeej yuav tuaj pab koj zaum ua puav dai rooj, nyob mus dai nplooj thiab no laus mog.

    Es cuag li vam koj lub dag coj lub zog tuaj pab pab los twb muab tsis tau ib yam dab tsi los ua lawm koj ib los tsaug, es tsuas yog muab lo lus txiaj lus ntsig los ua lawm koj ib los tsaug xwb no los thov koj ho zam lub txheej rau peb cov kwv tij txiv tub thiab no laus mog.

    Nyob li ntawm koj tus me txiaj ntsha, ces peb yuav nqa, tus txiaj ntsig ces peb yuav ris, ris rawv rau saum lub nraub qaum, nyob tsis nrauj, los ua ncauj, ncauj li nco nyob tsis tso, kom tsis tag tsis kawg mus ib txhiab ib txhis no laus mog,


    ( ces pe xwb )










    Hmong ntuj tshiab
    Hmong ntuj tshiab
    Sponsor
    Sponsor


    Messages : 537
    Date d'inscription : 2011-05-25

    kawm txog txoj kev ua yus ua luag tsaug txhua fab Empty Re: kawm txog txoj kev ua yus ua luag tsaug txhua fab

    Post  Hmong ntuj tshiab 30th May 2011, 7:16 pm

    Zaj lus ua tsaug tiam txwm tub nyab tuaj pab ua txwm nres

    Ua tsaug nawb, ___________ hnub no nkawv __________ npaj tau pwj tsiag pwj txhu los txhij, pwj qaib pwj qe los txhua, hu tau txiv neeb txiv muam txiv neeb txiv yaig tuaj txog,

    Los nkawv kuj tsis pom qab muab lub dag coj lub zog, los yeeb vim lub zej zog los kuj txawm tau dav, leej tib neeg los kuj txawm tau nqaim, tus yuav txib yuav khaiv los kuj txawm tsis muaj, thiaj yuav vam neb lub dag coj lus zog tuaj,

    Los vim yog leej tub txawg los kuj txawm tau tsawg, leej tub ruag los kuj tsis paub tuaj nrog pab, thiaj li vam vam neb lub dab coj lub zog tuaj pab ua txwm tub nyab,

    Hnub no neb kuj tuaj nres neb niam neb txiv lub rooj noj rooj haus ntseg lis ntws puav tam tus ncej hauv toj, hnub no neb niam neb txiv tsis saub nrhiav luag hnav, tsis seev nrhiav luag noj,

    Hnub no neb ua tub ua nyab nrog sam laj sam txhov, sam nplej qib txhuv ntsuas, sam peb tas peb taw mov nplej mus lub ntsiab, peb tas peb taw nqaij mus luaj liab, sam peb tas peb taw mov nplej mus txhuv kws, peb tas peb taw nqaij mus luaj zwm, rau neb niam txiv noj kav ib txhiab, haus kav ib ib txhis, noj tsis kawg qub, haus tsis kawg ntsis, noj kav ib txhis, haus kav ib txhiab, koj tsis kawg qub haus tsis kawg ntsiab, no mas zoo siab tshaj plaws tsis muaj ib yam dab tsi yuav los pauv tau,

    Tsim nyog peb cov kwv tij txiv tub yuav npaj kom tau cuaj phaj yim ntim, cuaj khob cawv tsav yim khob cawv ntxuag, ib kab me yeeb, los yog ib pib me tshuaj, los rau saum lub rooj tsim nyog txhob los haus qaug, los ua lawm neb ua tub ua nyab ib los me tsaug.

    Tiam sis yeeb vim peb los kuj ua lub neej saub kev sis pluag, lub neej zoo tsis xws luag, yam twg los kuj npaj tsis txhij tsis txhua, rooj nqaig rooj ntxuag los kuj tsis raug ntsej raug muag.

    Los vim yog peb ua lub neej zoo tsis xws luag neej, yam twg los kuj npaj tsis tsheej, thiaj cuag li tsis paub tab, lam muab ib nplooj me txhav txheej, thiab ob khob me dej dawb,

    tam ntua ib khob me tshuaj yej los yog ib khob me kav fes rau neb deev ncauj xwb no los thov neb ho zam lub txheej pub rau peb cov kwv tij txiv tub thiab no laus mog.

    Nyob li hnub qab nram lub ntsis kaj ntug nag kis, xab theeb lwm hnub, neb ua tub ua nyab ho tsis muaj chaw txib chaw khaiv chaw txib chaw vam los puj sis tseg mog, yog neb ho muaj chaw txib chaw khaiv, chaw txib chaw vam es neb ho vam tsis txog peb cov kwv tij txiv tub los puj sis tseg,

    yog neb ho vam txog los nyob li tus paub tab coj hno xaiv ces yuav tuaj pab txhawb neb tus me nceg rooj, xyuam nyog lawm neb lub me txhooj, hos tus tsis paub tab coj hno xaiv los yeej yuav tuaj pab neb zaum ua puav dai rooj, nyob mus dai nplooj thiab no laus mog.

    Es cuag li vam neb lub dag coj lub zog tuaj pab pab los twb muab tsis tau ib yam dab tsi los ua lawm neb ib los tsaug, es tsuas yog muab lo lus txiaj lus ntsig los ua lawm neb ib los tsaug xwb no los thov neb ho zam lub txheej rau peb cov kwv tij txiv tub thiab no laus mog.

    Nyob li ntawm neb tus me txiaj ntsha, ces peb yuav nqa, neb tus txiaj ntsig ces peb yuav ris, ris rawv rau saum lub nraub qaum, nyob tsis nrauj, los ua ncauj, ncauj li nco nyob tsis tso, kom tsis tag tsis kawg mus ib txhiab ib txhis no laus mog,


    ( ces pe xwb )














    Zaj lus tiam txwm kwv tuaj pab (ua txwm nres)

    Ua tsaug nawb, ___________ hnub no nkawv __________ npaj tau pwj tsiag pwj txhu los txhij, pwj qaib pwj qe los txhua, hu tau txiv neeb txiv muam txiv neeb txiv yaig tuaj txog,

    Los nkawv kuj tsis pom qab muab lub dag coj lub zog, los yeeb vim lub zej zog los kuj txawm tau dav, leej tib neeg los kuj txawm tau nqaim, tus yuav txib yuav khaiv los kuj txawm tsis muaj, thiaj yuav vam neb lub dag coj lus zog tuaj,

    Los vim yog leej tub txawg los kuj txawm tau tsawg, leej tub ruag los kuj sawv li nraim rau txoj mus kev khwv, thiaj li vam vam neb lub dab coj lub zog tuaj pab ua txwm kwv,

    Hnub no neb kuj tuaj nres neb niam tij thiab tij laug lub rooj noj rooj haus ntseg lis ntws puav tam tus ncej hauv toj, hnub no neb niam tij thiab tij laug tsis saub nrhiav luag hnav, tsis seev nrhiav luag noj,

    Hnub no neb ua kwv nrog sam laj sam txhov, sam nplej qib txhuv ntsuas, sam peb tas peb taw mov nplej mus lub ntsiab, peb tas peb taw nqaij mus luaj liab, sam peb tas peb taw mov nplej mus txhuv kws, peb tas peb taw nqaij mus luaj zwm, rau neb niam tij thiab tij laug noj kav ib txhiab, haus kav ib ib txhis, noj tsis kawg qub, haus tsis kawg ntsis, noj kav ib txhis, haus kav ib txhiab, koj tsis kawg qub haus tsis kawg ntsiab, no mas zoo siab tshaj plaws tsis muaj ib yam dab tsi yuav los pauv tau,

    Tsim nyog peb cov kwv tij txiv tub yuav npaj kom tau cuaj phaj yim ntim, cuaj khob cawv tsav yim khob cawv ntxuag, ib kab me yeeb, los yog ib pib me tshuaj, los rau saum lub rooj tsim nyog txhob los haus qaug, los ua lawm neb ua kwv ib los tsaug.

    Tiam sis yeeb vim peb los kuj ua lub neej saub kev sis pluag, lub neej zoo tsis xws luag, yam twg los kuj npaj tsis txhij tsis txhua, rooj nqaig rooj ntxuag los kuj tsis raug ntsej raug muag.

    Los vim yog peb ua lub neej zoo tsis xws luag neej, yam twg los kuj npaj tsis tsheej, thiaj cuag li tsis paub tab, lam muab ib nplooj me txhav txheej, thiab ob khob me dej dawb,

    tam ntua ib khob me tshuaj yej los yog ib khob me kav fes rau neb deev ncauj xwb no los thov neb ho zam lub txheej pub rau peb cov kwv tij txiv tub thiab no laus mog.

    Nyob li hnub qab nram lub ntsis kaj ntug nag kis, xab theeb lwm hnub, neb ua kwv ho tsis muaj chaw txib chaw khaiv chaw txib chaw vam los puj sis tseg mog, yog neb ho muaj chaw txib chaw khaiv, chaw txib chaw vam es neb ho vam tsis txog peb cov kwv tij txiv tub los puj sis tseg,

    yog neb ho vam txog los nyob li ntawm tus paub tab coj hno xaiv ces yuav tuaj pab txhawb neb tus me nceg rooj, xyuam nyog lawm neb lub me txhooj, hos tus tsis paub tab coj hno xaiv los yeej yuav tuaj pab neb zaum ua puav dai rooj, nyob mus dai nplooj thiab no laus mog.

    Es cuag li vam neb lub dag coj lub zog tuaj pab pab los twb muab tsis tau ib yam dab tsi los ua lawm neb ib los me tsaug, es tsuas yog muab lo lus txiaj lus ntsig los ua lawm neb ib los me tsaug xwb no los thov neb ho zam lub txheej rau peb cov kwv tij txiv tub thiab no laus mog.

    Nyob li ntawm neb tus me txiaj ntsha, ces peb yuav nqa, neb tus txiaj ntsig ces peb yuav ris, ris rawv rau saum lub nraub qaum, nyob tsis nrauj, los ua ncauj, ncauj li nco nyob tsis tso, kom tsis tag tsis kawg mus ib txhiab ib txhis no laus mog,


    ( ces pe xwb )













    Zaj lus tiam txwm ntxhais vauv tuaj pab ua txwm nres

    Ua tsaug nawb, ___________ hnub no nkawv __________ npaj tau pwj tsiag pwj txhu los txhij, pwj qaib pwj qe los txhua, hu tau txiv neeb txiv muam txiv neeb txiv yaig tuaj txog,

    Los nkawv kuj tsis pom qab muab lub dag coj lub zog, los yeeb vim lub zej zog los kuj txawm tau dav, leej tib neeg los kuj txawm tau nqaim, tus yuav txib yuav khaiv los kuj txawm tsis muaj, thiaj yuav vam neb lub dag coj lus zog tuaj,

    Los vim yog leej tub txawg los kuj txawm tau tsawg, leej tub ruag los kuj ceeb laj muab lub dag coj lub zog tuaj mus nrog pauv, thiaj li vam vam neb lub dab coj lub zog tuaj pab ua txwm ntxhais vauv,

    Hnub no neb kuj tuaj nres neb niam thiab neb txiv lub rooj noj rooj haus ntseg lis ntws puav tam tus ncej hauv toj, hnub no neb niam thiab neb txiv tsis saub nrhiav luag hnav, tsis seev nrhiav luag noj,

    Hnub no neb ua ntxhais ua vauv nrog sam laj sam txhov, sam nplej qib txhuv ntsuas, sam peb tas peb taw mov nplej mus lub ntsiab, peb tas peb taw nqaij mus luaj liab, sam peb tas peb taw mov nplej mus txhuv kws, peb tas peb taw nqaij mus luaj zwm, rau neb niam thiab neb txiv noj kav ib txhiab, haus kav ib ib txhis, noj tsis kawg qub, haus tsis kawg ntsis, noj kav ib txhis, haus kav ib txhiab, koj tsis kawg qub, haus tsis kawg ntsiab, no mas zoo siab tshaj plaws tsis muaj ib yam dab tsi yuav los pauv tau,

    Tsim nyog peb cov kwv tij txiv tub yuav npaj kom tau cuaj phaj yim ntim, cuaj khob cawv tsav yim khob cawv ntxuag, los yog ib kab me yeeb, ib pib me tshuaj, los rau saum lub rooj tsim nyog txhob los haus qaug, los ua lawm neb ua ntxhais ua vauv ib los tsaug.

    Tiam sis yeeb vim peb los kuj ua lub neej saub kev sis pluag, lub neej zoo tsis xws luag, yam twg los kuj npaj tsis txhij tsis txhua, rooj nqaig rooj ntxuag los kuj tsis raug ntsej raug muag.

    Los vim yog peb ua lub neej zoo tsis xws luag neej, yam twg los kuj npaj tsis tsheej, thiaj cuag li tsis paub tab, lam muab ib nplooj me txhav txheej, thiab ob khob me dej dawb,

    tam ntua ib khob me tshuaj yej los yog ib khob me kav fes rau neb deev ncauj xwb no los thov neb ho zam lub txheej pub rau peb cov kwv tij txiv tub thiab no laus mog.

    Nyob li hnub qab nram lub ntsis kaj ntug nag kis, xab theeb lwm hnub, neb ua ntxhais ua vauv ho tsis muaj chaw txib chaw khaiv chaw txib chaw vam los puj sis tseg mog,

    yog neb ho muaj chaw txib chaw khaiv, chaw txib chaw vam es neb ho vam tsis txog peb cov kwv tij txiv tub los puj sis tseg, yog neb ho vam txog los nyob li ntawm tus paub tab coj hno xaiv ces yuav tuaj pab txhawb neb tus me nceg rooj, xyuam nyog lawm neb lub me txhooj,

    hos tus tsis paub tab coj hno xaiv los yeej yuav tuaj pab neb zaum ua puav dai rooj, nyob mus dai nplooj thiab no laus mog. Es cuag li vam neb lub dag coj lub zog tuaj pab pab los twb muab tsis tau ib yam dab tsi los ua lawm neb ib los me tsaug, es tsuas yog muab lo lus txiaj lus ntsig los ua lawm neb ib los me tsaug xwb no los thov neb ho zam lub txheej pub rau peb cov kwv tij txiv tub thiab no laus mog.

    Nyob li ntawm neb tus me txiaj ntsha, ces peb yuav nqa, neb tus txiaj ntsig ces peb yuav ris, ris rawv rau saum lub nraub qaum, nyob tsis nrauj, los ua ncauj, ncauj li nco nyob tsis tso, kom tsis tag tsis kawg mus ib txhiab ib txhis no laus mog,


    ( ces pe xwb )




    Hmong ntuj tshiab
    Hmong ntuj tshiab
    Sponsor
    Sponsor


    Messages : 537
    Date d'inscription : 2011-05-25

    kawm txog txoj kev ua yus ua luag tsaug txhua fab Empty Re: kawm txog txoj kev ua yus ua luag tsaug txhua fab

    Post  Hmong ntuj tshiab 30th May 2011, 7:23 pm



    Ua tsaug nawb, ___________ hnub no nkawv __________ npaj tau pwj tsiag pwj txhu los txhij, pwj qaib pwj qe los txhua, lub ciaj lub nyoog los txog,

    los nkawv kuj tsis pom qab muab lub dag coj lub zog, los yeeb vim lub zej zog los kuj txawm tau dav, leej tib neeg los kuj txawm tau nqaim, tus yuav txib yuav khaiv los kuj txawm tsis muaj, thiaj yuav vam koj lub dag coj lus zog tuaj,

    Los vim yog leej tub txawg los kuj txawm tau tsawg, leej tub ruag los kuj txawm nyob tsiv yig, thiaj li vam vam koj ua _________lub dag coj lub zog tuaj pab ua txiv hu plig,

    Hnub no koj kuj tuaj muab pwj tsiag pwj txhu, pwj qaib pwj qe, plhis plho ua paj tshiab txiv hli, siav lis lug rau tim toj, koj nqee li lug lub me suab ntoj,

    Me nyuj cab nyuj kau, ntsuj duab ntsuj hlau, sawv lis tsees los ua npoj, los zaum li nroov rau lub mus rooj noj, cuaj hnub tsis seev nrhiav luag hnav, yim hmo tsis saub nrhiav luag noj,

    Hnub no koj kuj tuaj muab pwj tsiag pwj txhu, pwj qaib pwj qe, plhis plho ua paj tshiab txiv hli, siav li lug tuaj rau tim tsua, koj nqee li lug lub mus suab nqua,

    Me nyuj cab nyuj kau, ntsuj duab ntsuj hlau, sawv lis tsees los txhij los txhua, los zaum li nroov rau lub mus rooj ntxuag, cuaj hnub tsis seev nrhiav lawv, yim hmo tsis saub nrhiav luag, mas zoo siab tshaj plaws tsis muaj ib yam dab tsi yuav los pauv tau,

    Tsim nyog peb cov kwv tij txiv tub yuav npaj kom tau cuaj phaj yim ntim, cuaj khob cawv tsav, yim khob cawv ntxuag, ib kab me yeeb, los yog ib pib me tshuaj, los rau saum lub rooj tsim nyog txhob los haus qaug, los ua lawm koj ua txiv hu plig ib los me tsaug.

    Tiam sis yeeb vim peb los kuj ua lub neej saub kev sis pluag, lub neej zoo tsis xws luag, yam twg los kuj npaj tsis txhij tsis txhua, rooj nqaig rooj ntxuag los kuj tsis raug ntsej raug muag.

    Los vim yog peb ua lub neej zoo tsis xws luag neej, yam twg los kuj npaj tsis tsheej, thiaj cuag li tsis paub tab, lam muab ib nplooj me txhav txheej, thiab ob khob me dej dawb,

    tam ntua ib khob me tshuaj yej los yog ib khob me kav fes rau koj deev ncauj xwb los thov koj zam lub txheej pub rau peb cov kwv tij txiv tub thiab no laus mog.

    Nyob li hnub qab nram lub ntsis kaj ntug nag kis, xab theeb lwm hnub, koj ho tsis muaj chaw txib chaw khaiv chaw txib chaw vam los puj sis tseg mog,

    yog koj ho muaj chaw txib chaw khaiv, chaw txib chaw vam es koj ho vam tsis txog peb cov kwv tij txiv tub los puj sis tseg,

    yog koj ho vam txog los nyob li tus paub tab coj hno xaiv ces yuav tuaj pab txhawb koj tus me nceg rooj, xyuam nyog lawm koj lub me txhooj,

    hos tus tsis paub tab coj hno xaiv los yeej yuav tuaj pab koj zaum ua puav dai rooj, nyob mus dai nplooj thiab no laus mog.

    Es cuag li vam koj lub dag coj lub zog tuaj pab pab los twb muab tsis tau ib yam dab tsi los ua lawm koj ib los tsaug, es tsuas yog muab lo lus txiaj lus ntsig los ua lawm koj ib los tsaug xwb no los thov koj ho zam lub txheej rau peb cov kwv tij txiv tub thiab no laus mog.

    Nyob li ntawm koj tus me txiaj ntsha, ces peb yuav nqa, tus txiaj ntsig ces peb yuav ris, ris rawv rau saum lub nraub qaum, nyob tsis nrauj, los ua ncauj, ncauj li nco nyob tsis tso, kom tsis tag tsis kawg mus ib txhiab ib txhis no laus mog,


    ( ces pe xwb )








    Zaj lus tiam tus tuaj pab yus ua tus nplawm vij nplawm swv

    Ua tsaug nawb, ___________ hnub no nkawv __________ npaj tau pwj tsiag pwj txhu los txhij, pwj qaib pwj qe los txhua, txiv neeb txiv yaig tuaj txog,

    los nkawv kuj tsis pom qab muab lub dag coj lub zog, los yeeb vim lub zej zog los kuj txawm tau dav, leej tib neeg los kuj txawm tau nqaim, tus yuav txib yuav khaiv los kuj txawm tsis muaj, thiaj yuav vam koj lub dag coj lus zog tuaj,

    Los vim yog leej tub txawg los kuj txawm tau tsawg, leej tub ruag los kuj sawv li nraim txoj mus kev khwv, thiaj li vam vam koj ua _________lub dag coj lub zog tuaj pab ua tus nplawm vij nplawm swv,

    Hnub no koj kuj tuaj pab muab tej niag vij tej niag swv, li tsuj npuag taig laig nyag, hleb rag hleb rawg, kua muag iab kua muag daw, sub tawg sub ntsha, vij dab vij npog,

    Nplawm mus rau hluav taws kub, poob mus rau dej tshoob, ntws mus rau lawm zaj qho, ntxeev npho mus rau ntxeev ntuj nraum ub lawm mas zoo siab tshaj plaws tsis muaj ib yam dab tsi yuav los pauv tau,

    Tsim nyog peb cov kwv tij txiv tub yuav npaj kom tau cuaj phaj yim ntim, cuaj khob cawv tsav, yim khob cawv ntxuag, ib kab me yeeb, los yog ib pib me tshuaj, los rau saum lub rooj tsim nyog txhob los haus qaug, los ua lawm koj ib los me tsaug.

    Tiam sis yeeb vim peb los kuj ua lub neej saub kev sis pluag, lub neej zoo tsis xws luag, yam twg los kuj npaj tsis txhij tsis txhua, rooj nqaig rooj ntxuag los kuj tsis raug ntsej raug muag.

    Los vim yog peb ua lub neej zoo tsis xws luag neej, yam twg los kuj npaj tsis tsheej, thiaj cuag li tsis paub tab, lam muab ib nplooj me txhav txheej, thiab ob khob me dej dawb,

    tam ntua ib khob me tshuaj yej los yog ib khob me kav fes rau koj deev ncauj xwb los thov koj zam lub txheej pub rau peb cov kwv tij txiv tub thiab no laus mog.

    Nyob li hnub qab nram lub ntsis kaj ntug nag kis, xab theeb lwm hnub, koj ho tsis muaj chaw txib chaw khaiv chaw txib chaw vam los puj sis tseg mog,

    yog koj ho muaj chaw txib chaw khaiv, chaw txib chaw vam es koj ho vam tsis txog peb cov kwv tij txiv tub los puj sis tseg,

    yog koj ho vam txog los nyob li tus paub tab coj hno xaiv ces yuav tuaj pab txhawb koj tus me nceg rooj, xyuam nyog lawm koj lub me txhooj,

    hos tus tsis paub tab coj hno xaiv los yeej yuav tuaj pab koj zaum ua puav dai rooj, nyob mus dai nplooj thiab no laus mog.

    Es cuag li vam vam koj lub dag coj lub zog tuaj pab pab los twb muab tsis tau ib yam dab tsi los ua lawm koj ib los tsaug, es tsuas yog muab lo lus txiaj lus ntsig los ua lawm koj ib los tsaug xwb no los thov koj ho zam lub txheej rau peb cov kwv tij txiv tub thiab no laus mog.

    Nyob li ntawm koj tus me txiaj ntsha, ces peb yuav nqa, tus txiaj ntsig ces peb yuav ris, ris rawv rau saum lub nraub qaum, nyob tsis nrauj, los ua ncauj, ncauj li nco nyob tsis tso, kom tsis tag tsis kawg mus ib txhiab ib txhis no laus mog,


    ( ces pe xwb )
















    Zaj lus ua tsaug tiam tus tuaj pab yus xa yus tus xyob txhiaj

    Zaj nov mas koj yeej thov nws ua ntej thaum tsis tau ua neeb lawm vim hais tias tus xa xyob txhiaj no ces luag yeej tsis pub nws rov qab los rau hauv lub tsev ntawd lawm nawb, ua ntej yuav ua neeb ces koj yeej rub ib lub rooj rau ntawm hauv plag ces koj yeej rub nws los zaum rau saum rooj ces koj ce cawv rau nws ces coj nws hauv cawv thiab thov nws thaum ntawd lawm ces koj muab cov nyiaj tib si rau nws kiag lawm ces ib chim ces nws xa mus lawm ces nws yeej tsis los tsev lawm nawb mog.

    Thov koj nawb, ___________ hnub no nkawv __________ npaj tau pwj tsiag pwj txhu los txhij, pwj qaib pwj qe los txhua, txiv neeb, txiv muam, txiv neeb, txiv yaig tuaj txog,

    los nkawv kuj tsis pom qab muab lub dag coj lub zog, los yeeb vim lub zej zog los kuj txawm tau dav, leej tib neeg los kuj txawm tau nqaim, tus yuav txib yuav khaiv los kuj xam tsis muaj, thiaj yuav vam khom koj lub dag coj lus zog tuaj,

    Los vim yog leej tub txawg los kuj txawm tau tsawg, leej tub ruag los kuj tau lawm tsheej phiaj, thiaj li vam vam koj ua _________lub dag coj lub zog tuaj pab xa xyob txhiaj,

    Hnub no thiaj yuav vam koj lub dag coj lub zog tuaj pab nrog xa xyob txhiaj pem hwv, tawm rooj tawm ntsa, xa mus rau hnub coog hli kawg kom ntsej tsis hnov muag tsis pom, kom cuaj hnub tsis ntab tawm tuaj, yim hmo tsis ntws tawm los no laus mog,

    Yuav kom yog txoj kab raws nyog txoj kev ces peb yuav tsum tuaj txog koj vaj, khiav txog koj tsev, rub rooj rau koj nyob, rub tog rau koj zaum, pas dej pas cawv muaj pub rau koj haus, raug nyog lub pes caug rau koj lub qab mus plaj tsev txaus,

    Txawm tias peb tuaj tsis txog koj vaj, khiav tsis txog koj tsev, es peb ntsib koj yas kab cia li txib koj yas kab, ntsib koj yas kev, cia li txib koj yas kev xwb los thov koj tsis txhob tso peb pov tseg, yeej meem pab peb leg kom peb tus dej tus num nyob mus meej ntseg no laus mog,


    Yuav kom yog txoj kab tsim nyog txoj kev ces peb cov kwv tij txiv tub yuav tsum npaj kom tau cuaj phaj yim ntim, cuaj khob cawv tsav, yim khob cawv ntxuag, ib kab me yeeb, los yog ib pib me tshuaj, los rau saum lub rooj tsim nyog txhob los haus qaug, los ua lawm koj ib los me tsaug lau,

    Tiam sis yeeb vim peb los kuj ua lub neej saub kev sis pluag, lub neej zoo tsis xws luag, yam twg los kuj npaj tsis txhij tsis txhua, rooj nqaig rooj ntxuag los kuj npaj tsis tau kom raug ntsej raug muag.

    Los vim yog peb ua lub neej zoo tsis xws luag neej, yam twg los kuj npaj tsis tsheej, thiaj cuag li tsis paub tab, lam muab ib nplooj me txhav txheej, thiab ob khob me dej dawb,

    tam ntua ib khob me tshuaj yej los yog ib khob me kav fes rau koj deev ncauj xwb los thov koj zam lub txheej pub rau peb cov kwv tij txiv tub thiab no laus mog.

    Nyob li hnub qab nram lawm lub ntsis kaj ntug nag kis, xab theeb lwm hnub, koj ho tsis muaj chaw txib, chaw khaiv, chaw txib, chaw vam los puj sis tseg mog,

    yog koj ho muaj chaw txib chaw khaiv, chaw txib chaw vam es koj ho vam tsis txog peb cov kwv tij txiv tub los puj sis tseg,

    yog koj ho vam txog los nyob li tus paub tab coj hno xaiv ces yuav tuaj pab txhawb koj tus me nceg rooj, xyuam nyog lawm koj lub me txhooj,

    hos tus tsis paub tab coj hno xaiv los yeej yuav tuaj pab koj zaum ua puav dai rooj, nyob mus dai nplooj thiab no laus mog.

    Es cuag li vam vam koj lub dag coj lub zog tuaj tuaj nrog pab pab los twb muab tsis tau ib yam dab tsi los ua lawm koj ib los tsaug, es tsuas yog muab lo lus txiaj lus ntsig los ua lawm koj ib los tsaug xwb no los thov koj ho zam lub txheej rau peb cov kwv tij txiv tub thiab no laus mog.

    Nyob li ntawm koj tus me txiaj ntsha, ces peb yuav nqa, tus txiaj ntsig ces peb yuav ris, ris rawv rau saum lub nraub qaum, nyob tsis nrauj, los ua ncauj, ncauj li nco nyob tsis tso, kom tsis tag tsis kawg mus ib txhiab ib txhis no laus mog,
    ( ces pe xwb )
    Zaj lus ua tsaug tiam tus uas tuaj pab yus xa cua

    Zaj nov mas koj yeej thov nws ua ntej thaum tsis tau ua neeb lawm vim hais tias tus xa cua no ces luag yeej tsis pub nws rov qab los rau hauv lub tsev ntawd lawm nawb, ua ntej yuav ua neeb ces koj yeej rub ib lub rooj rau ntawm hauv plag ces koj yeej rub nws los zaum rau saum rooj ces koj ce cawv rau nws ces coj nws hauv cawv thiab thov nws thaum ntawd lawm ces koj muab cov nyiaj tib si rau nws kiag lawm ces ib chim ces nws xa mus lawm ces nws yeej tsis los tsev lawm nawb mog.

    Thov koj nawb, ___________ hnub no nkawv __________ npaj tau pwj tsiag pwj txhu los txhij, pwj qaib pwj qe los txhua, txiv neeb muam, txiv neeb txiv yaig tuaj txog,

    los nkawv kuj tsis pom qab muab lub dag coj lub zog, los yeeb vim lub zej zog los kuj txawm tau dav, leej tib neeg los kuj txawm tau nqaim, tus yuav txib yuav khaiv los kuj xam tsis muaj, thiaj yuav vam vam koj lub dag coj lus zog tuaj,

    Los vim yog leej tub txawg los kuj txawm tau tsawg, leej tub ruag los kuj txawj tsis txhij tsis txhua, thiaj li yuav vam vam koj ua _________lub dag coj lub zog tuaj pab xa cua,

    Hnub no thiaj yuav vam koj lub dag coj lub zog tuaj pab nrog xa cua kws txaij kws nraug, hleb rag hleb rawg, nees txaij nees kuas, tawm rooj tawm ntsa, xa mus rau hnub coog hli kawg kom ntsej tsis hnov muag tsis pom, kom cuaj hnub tsis ntab tawm tuaj, yim hmo tsis ntws tawm los no laus mog,

    Yuav kom yog txoj kab raws nyog txoj kev ces peb yuav tsum tuaj txog koj vaj, khiav txog koj tsev, rub rooj rau koj nyob, rub tog rau koj zaum, pas dej pas cawv muaj pub rau koj haus, raug nyog lub pes caug rau koj lub qab mus plaj tsev txaus,

    Txawm peb tuaj tsis txog koj vaj, khiav tsis txog koj tsev, es peb ntsib koj yas kab, cia li txib koj yas kab, ntsib koj yas kev, cia li txib koj yas kev xwb los thov koj tsis txhob tso peb pov tseg, yeej meem pab peb leg kom peb tus dej tus num nyob mus meej ntseg no laus mog,

    Yuav kom yog txoj kab tsim nyog txoj kev ces peb cov kwv tij txiv tub yuav tsum npaj kom tau cuaj phaj yim ntim, cuaj khob cawv tsav, yim khob cawv ntxuag, ib kab me yeeb, los yog ib pib me tshuaj, los rau saum lub me rooj tsim nyog txhob los haus qaug, los ua lawm koj ib los me tsaug lau,

    Tiam sis yeeb vim peb los kuj ua lub neej saub kev sis pluag, lub neej zoo tsis xws luag, yam twg los kuj npaj tsis txhij tsis txhua, rooj nqaig rooj ntxuag los kuj npaj tsis tau kom raug ntsej raug muag.

    Los vim yog peb ua lub neej zoo tsis xws luag neej, yam twg los kuj npaj tsis tsheej, thiaj cuag li tsis paub tab, lam muab ib nplooj me txhav txheej, thiab ob khob me dej dawb,

    tam ntua ib khob me tshuaj yej los yog ib khob me kav fes rau koj deev ncauj xwb los thov koj zam lub txheej pub rau peb cov kwv tij txiv tub thiab no laus mog.

    Nyob li hnub qab nram lawm lub ntsis kaj ntug nag kis, xab theeb lwm hnub, koj ho tsis muaj chaw txib, chaw khaiv, chaw txib, chaw vam los puj sis tseg mog,

    yog koj ho muaj chaw txib chaw khaiv, chaw txib chaw vam es koj ho vam tsis txog peb cov kwv tij txiv tub los puj sis tseg,

    yog koj ho vam txog no los nyob li tus paub tab coj hno xaiv ces yuav tuaj pab txhawb koj tus me nceg rooj, xyuam nyog lawm koj lub me txhooj,

    hos tus tsis paub tab coj hno xaiv los yeej yuav tuaj pab koj zaum ua puav dai rooj, nyob mus dai nplooj thiab no laus mog.

    Es cuag li vam vam koj lub dag coj lub zog tuaj tuaj nrog pab pab los twb muab tsis tau ib yam dab tsi los ua lawm koj ib los tsaug, es tsuas yog muab lo lus txiaj lus ntsig los ua lawm koj ib los tsaug xwb no los thov koj ho zam lub txheej rau peb cov kwv tij txiv tub thiab no laus mog.

    Nyob li ntawm koj tus me txiaj ntsha, ces peb yuav nqa, tus txiaj ntsig ces peb yuav ris, ris rawv rau saum lub nraub qaum, nyob tsis nrauj, los ua ncauj, ncauj li nco nyob tsis tso, kom tsis tag tsis kawg mus ib txhiab ib txhis no laus mog,
    ( ces pe xwb )
    Ua tsaug mov thaum (koj mus cuav zos luag rau mov rau koj noj)

    Yus mus cuav zos es luag hu yus nrog luag noj mov, ces thaum luag muab luag lub phaj noj mov thiab ib rab diav cev rau yus ces txais tau luag lub phaj thiab rab diav ces yus yuav tau ua luag tsaug mov.

    Ua tsaug zaub mov lais nawb, koj ua ___________, tsis cia li es koj tseem lauj lub sij hawm los phov phov kub teg kub taw ua zaub ua mov rau peb noj thiab, cuag li peb tseem los txhob xeeb koj thiab os ________ ces ua koj tsaug zaub tsaug mov lais nawb.

    ( ces txaum yim rau luag xwb )

    Kev ua tsaug tshoob ua tsaug kos

    Yus yog nraug vauv tog mas thaum noj niam txiv nyab neej nus rooj mov dej txiag mas yus yog qhua vauv tog mas yus yuav tau ua niam txiv nyab neej nus tsaug os nawb, mas koj ua tsaug rau leej twg los yuav tau tuav luag npe xws li mej koob los yog thej com los yog tus ntawd yog lawm li cas no nawb.

    Nov yog niam txiv qhua vauv tog:

    Ua tsaug lau mog!! ___________ Niam txiv tom ub ua tsis muaj kab muaj kev tuaj rau niam txiv tom no noj es niam txiv tom no ho muab niag luaj rau niag ncoo, muab niag kab rau niag kev, ua muaj kab muaj kev tos niam txiv tom ub tuaj noj tuaj haus, ntshe niam txiv tom no tu siab laus mog.

    Nov yog niam txiv nyab neej nus tog:

    Ua tsaug lau mog!!! __________ niam txiv tom no ua tsis muaj kab muaj kev tos niam txiv tom ub, es niam txiv tom ub ho muab niag luaj rau niag ncoo, muab niag kab rau niag kev, ua muaj kab muaj kev tuaj rau niam txiv tom no noj, es ho tseg niam txiv tom ub tu siab lais mog.

    Nov yog niam txiv muaj nyiaj phij cuam rau nraug vauv thiab nkauj nyab es nraug vauv ua niam txiv nyab neej nus tsaug, thaum tus vauv ua tsaug mus txog rau leej twg los yuav tau tuav npe zias raws tus neeg ntawd os nawb:
    Hmong ntuj tshiab
    Hmong ntuj tshiab
    Sponsor
    Sponsor


    Messages : 537
    Date d'inscription : 2011-05-25

    kawm txog txoj kev ua yus ua luag tsaug txhua fab Empty Re: kawm txog txoj kev ua yus ua luag tsaug txhua fab

    Post  Hmong ntuj tshiab 30th May 2011, 7:28 pm



    ( Yuav nyab ) los yog tub yuav nyab mas koj yuav tsum muaj npaum li no lub rooj zaum thiaj yuav txaus,
    1. Niam txiv lav tshoob.
    2. Txiv tuam mej koob.
    3. Txiv lwm mej koob.
    4. Phij laj.
    5. Niam txais ntsuab.
    6. tub tshoj phaj.
    7. Tub laub cawv.
    8. Kev neej kev tsav.
    9. Niam txiv hauv tsev.

    ( Qua ntxhais ) los yog ntxhais yuav mus txiv mas muaj xws li nram no,
    1. Niam txiv tsawb tshoob tsawb kos.
    2. Txiv tuam mej koob.
    3. Txiv lwm mej koob.
    4. Txiv cob txheeb.
    5. Txiv dab laug cob txheeb.
    6. Nus tij.
    7. Nus npaws.
    8. Tub tshoj phaj.
    9. Tub laub cawv.
    10. Kev neej kev tsav.
    11. Niam txiv hauv tsev.

    Ob tog ces kaum rooj yuav tsum rub ob leeg los zaum rau tog hauv paus rooj, ua ob tug tub tsa cawv. Ho rub ob leeg los zaum rau tog ntsis rooj ua ob tug tub txoos cawv. Mam li rub cov kev neej kev tsav los zaum rau sab nrad kom txhij zog rau kom puv nkwb nkaus rau tag ces koj mam los pib.

    Koj mam los teev cawv ib leeg no yog ob khob cawv kom txhua tus kiag tas ces koj los coj lawv sawv daws txhua tus kab ib lwm cawv tag ces ho rov teev rau kom puv nkwb nkaus rau kiag ces koj ho los coj lawv sawv daws cub ib lwm cawv meej, ces koj mam los ce ob khob cawv rau hauv lub phaj thiab cov nyiaj uas koj yuav muab los tiam mej zeeg tso rau lub phaj thiab tus ntses uas koj yuav muab rau lawv ntawd npaj los kom txhij zog rau ntawm koj ib sab ntawd tag ces mam los teev cawv kom txhua nrho rau cov uas muaj feem cuam uas koj yuav tiam ntawd, ces koj mam muab thawj lub phaj cev rau niam txiv lav tshoob lav kos ua ntej los mus zuj zus, ces koj yuav tau pib zeeg lus tshoob lus kos no, yog lus zeeg lus cob qhov nyiaj thiab tus ntses rau tsoom mej zeeg sawv daws xws li nram no mus.



    115. Tiam mej zeeg thawj zeeg lus cob meej xeeb kum

    Thaum koj cev lub phaj rau lawv txhua tus ces koj yuav tau hais cov li hauv qab no rau lawv ua thawj zeej lus ua ntej ( Thiaj li tau piv txoj lug hais tias lus cob meej xeeb kum no)

    ( 1. Niam txiv lav tshoob ) - Lus tshoob lus kos mas hais li no rau koj ua niam ua txiv mus lav tshoob lav kos, yeeb vim luag tsa luag ntxhais yim los nkawv yuav tau tsa nkawv tub yim thiab,

    Vim zej zog kuj txawm tau dav los vim leej tib neeg kuj txawm nqaim, tus txib tus khaiv los kuj txawm tsis muaj, es thiaj vam koj lub dag coj lub zog tuaj, nrog mus pab lav tshoob lav kos, hnub no koj kuj tuaj pab nrog mus muab tus plaj tshoob ntsig kos lav ntseg lis log.

    Tsis muaj dab tsi ua koj ib los tsaug, tsuas muaj ob khob me dej, ib nploog txhav txheej thiab ib tug me ntses los rau koj xwb, cuag li vam koj lub dag coj lub zog dawb xwb los thov koj zam lub txheej pub rau peb cov kwv tij thiab nawb mog. ( txaum yim )


    ( 2. Txiv tuam mej koob ) - Lus tshoob lus kos mas hais li no rau koj ua txiv tuam mej koob, yeeb vim luag tsa luag ntxhais yim los nkawv yuav tau tsa nkawv tub yim thiab,

    Vim zej zog kuj txawm tau dav los vim leej tib neeg kuj txawm nqaim, tus txib tus khaiv los kuj txawm tsis muaj, es thiaj vam koj lub dag coj lub zog tuaj, nrog pab mus muab nkawd tus plaj tshoob ntsig kos ntos kom meej, koj kuj tuaj muab nkawd tus plaj tshoob ntsig kos ntos tam ntua caj tshuab ceg ntos, ntos lis zus nyob nto txeej. Nkawd tub kuj tau nyab los nrog luag tab lub neej.

    Tsis muaj dab tsi ua koj ib los tsaug, tsuas muaj ob khob me dej, ib nploog txhav txheej thiab ib tug me ntses los rau koj xwb, cuag li vam koj lub dag coj lub zog dawb xwb los thov koj zam lub txheej pub rau peb cov kwv tij thiab nawb mog.


    ( 3. Txiv lwm mej koob ) - Lus tshoob lus kos mas hais li no rau koj ua txiv lwm mej koob, yeeb vim luag tsa luag ntxhais yim los nkawv yuav tau tsa nkawv tub yim thiab,

    vim zej zog kuj txawm tau dav los vim leej tib neeg kuj txawm nqaim, tus txib tus khaiv los kuj txawm tsis muaj, es thiaj li vam khom koj lub dag coj lub zog tuaj, nrog pab mus muab nkawd tus plaj tshoob ntsig kos ntos kom meej, koj kuj tuaj muab nkawd tus plaj tshoob ntsig kos ntos tam ntua caj tshuab ceg ntos, ntos lis zus nyob nto txeej. Nkawd tub kuj tau nyab los nrog luag tab lub neej.

    Tsis muaj dab tsi ua koj ib los tsaug, tsuas muaj ob khob me dej, ib nploog txhav txheej thiab ib tug me ntses los rau koj xwb, cuag li vam koj lub dag coj lub zog dawb xwb los thov koj zam lub txheej pub rau peb cov kwv tij thiab nawb mog.


    ( 4. Tub phij laj ) - Lus tshoob lus kos mas hais li no rau koj ua tub phij laj, yeeb vim luag tsa luag ntxhais yim los nkawv yuav tau tsa nkawv tub yim thiab,

    Vim zej zog kuj txawm txawm tau dav los vim leej tib neeg kuj txawm nqaim, tus txib tus khaiv los kuj txawm tsis muaj, es thiaj li vam khom koj lub dag coj lub zog tuaj, pab ua luag mus hais tshoob hais kos kom ntseg meej, koj kuj tuaj pab nrog mus ua luag, mus muab nkawd tus plaj tshoob ntsig kos ntos tam ntua caj tshuab ceg ntos, ntos lis zus nyob nto txeej. Nkawd tub kuj tau nyab los nrog luag tab lub neej.

    Tsis muaj dab tsi ua koj ib los tsaug, tsuas muaj ob khob me dej, ib nploog txhav txheej thiab ib tug me ntses los rau koj xwb, cuag li vam koj lub dag coj lub zog dawb xwb los thov koj zam lub txheej pub rau peb cov kwv tij thiab nawb mog.


    ( 5. Niam txais ntsuab ) - Lus tshoob lus kos mas hais li no rau koj ua Niam txais ntsuab, yeeb vim luag tsa luag ntxhais yim los nkawv yuav tau tsa nkawv tub yim thiab,

    Vim zej zog kuj txawm txawm tau dav los vim leej tib neeg kuj txawm nqaim, tus txib tus khaiv los kuj txawm tsis muaj, es thiaj li vam khom koj lub dag coj lub zog tuaj, pab ua luag mus hais tshoob hais kos kom ntseg meej, koj kuj tuaj pab nrog mus ua luag, mus muab nkawd tus plaj tshoob ntsig kos ntos tam ntua caj tshuab ceg ntos, ntos lis zus nyob nto txeej. Nkawd tub kuj tau nyab los nrog luag tab lub neej.

    Tsis muaj dab tsi ua koj ib los tsaug, tsuas muaj ob khob me dej, ib nploog txhav txheej thiab ib tug me ntses los rau koj xwb, cuag li vam koj lub dag coj lub zog dawb xwb los thov koj zam lub txheej pub rau peb cov kwv tij thiab nawb mog.


    ( 6. Tub tshoj phaj ) - Lus tshoob lus kos mas hais li no rau koj ua tub tshoj phaj, yeeb vim luag tsa luag ntxhais yim los nkawv yuav tau tsa nkawv tub yim thiab,

    Vim zej zog kuj txawm txawm tau dav los vim leej tib neeg kuj txawm nqaim, tus txib tus khaiv los kuj txawm tsis muaj, es thiaj li vam khom koj lub dag coj lub zog tuaj, pab ua luag mus hais tshoob hais kos kom ntseg meej, koj kuj tuaj pab nrog mus ua luag, mus muab nkawd tus plaj tshoob ntsig kos ntos tam ntua caj tshuab ceg ntos, ntos lis zus nyob nto txeej. Nkawd tub kuj tau nyab los nrog luag tab lub neej.

    Tsis muaj dab tsi ua koj ib los tsaug, tsuas muaj ob khob me dej, ib nploog txhav txheej thiab ib tug me ntses los rau koj xwb, cuag li vam koj lub dag coj lub zog dawb xwb los thov koj zam lub txheej pub rau peb cov kwv tij thiab nawb mog.


    ( 7. Nus Tij ) - Lus tshoob lus kos mas hais li no rau koj ua nus tij, yeeb vim luag tsa luag tub yim los nkawv ua niam ua txiv yuav tau tsa nkawv ntxhais yim thiab,

    Vim zej zog kuj txawm txawm tau dav los vim leej tib neeg kuj txawm nqaim, tus txib tus khaiv los kuj txawm tsis muaj, es thiaj li vam khom koj lub dag coj lub zog tuaj, pab, nrog phij cuam nrog laj tshooj laj kos, koj kuj tuaj tsa koj nkauj koj muam lub cuab lub yig, tuaj muab tus plaj tshoob ntsig kos ntos tam ntua caj tshuab ceg ntos, ntos lis zus nyob nto txeej. Koj nkauj koj muam kuj tsheej cuab ntseg neej.

    Tsis muaj dab tsi ua koj ib los tsaug, tsuas muaj ob khob me dej, ib nploog txhav txheej thiab ib tug me ntses los rau koj xwb, cuag li vam koj lub dag coj lub zog dawb xwb los thov koj zam lub txheej pub rau peb cov kwv tij thiab nawb mog.


    ( 8. Nus npaws ) - Lus lus tshoob lus kos mas hais li no rau koj ua nus npaws , yeeb vim luag tsa luag tub yim los nkawv ua niam ua txiv yuav tau tsa nkawv ntxhais yim thiab,

    Yeeb vim zej zog kuj txawm tau dav los vim leej tib neeg kuj txawm nqaim, tus txib tus khaiv los kuj txawm tsis muaj, es thiaj li vam khom koj lub dag coj lub zog tuaj, pab, nrog phij cuam nrog laj tshooj laj kos, koj kuj tuaj tsa koj nkauj koj muam lub cuab lub yig, tuaj muab tus plaj tshoob ntsig kos ntos tam ntua caj tshuab ceg ntos, ntos lis zus nyob nto txeej. Koj nkauj koj muam kuj tsheej cuab ntseg neej.

    Tsis muaj dab tsi ua koj ib los tsaug, tsuas muaj ob khob me dej, ib nploog txhav txheej thiab ib tug me ntses los rau koj xwb, cuag li vam koj lub dag coj lub zog dawb xwb los thov koj zam lub txheej pub rau peb cov kwv tij thiab nawb mog.



    116. Zeeg lus ua tsaug tiam mej zeeg. 1. tiam niam txiv tsawv tshoob.

    Koj rov los coj sawv daws kab Ib tug cawv tas ces koj rov teev kom puv nkwb nkaus rau ces rov coj lawv sawv daws cub ib lwm cawv tag ces koj mam los ua lawv tsaug mus raws li nram no

    Ua tsaug nawb niam txiv lav tshoob lav kos, hnub no ---------- nkawv ua niam tus plaj nyob ntsig tshoob, ncig li yeev pem liaj lwg rais los poob, tus plaj tshoob nyob ntsig kos, ncig li yeev pem rhwv mwg rais los txog.

    Nkawv tub hlob li yuj los paub tab, ces thiaj li sawv kev lis zees mus coj nyab, los rau nkawv lub qab mus plaj xab, tus plaj tshoob ntsig kos thiaj ntxhov li nyho los rau nkawv tej quav npab, nkawv ceeb laj nyob mus leg tshab, nkawv thiaj li khom vam txog koj lub dag coj lub zog tuaj nrog pab.

    Nkawd tub hlob lis yees mus puv cev, ces thiaj li sawv kev lis zees mus coj sev, los rau nkawd lub qab mus plaj tsev, tus plaj tshoob ntsig kos thiaj ntxhov li nyho los rau nkawv tej quav tes, nkawv ceeb laj nyob mus sawv nres, nkawv thiaj li khom vam koj lub dag coj lub zog tuaj nrog leg.

    Los yeeb vim lub zej zog los kuj txawm tau dav, leej tib neeg los kuj txawm tau nqaim, leej tub ntxawg, los kuj txawm tau tsawg, leej kwv leej tij los kuj txawm tsis muaj coob, thiaj li vam khom koj lub dag coj lub zog tuaj pab ua niam txiv mus lav tshoob. No mog.

    Los yeeb vim luag tej laus ib txwm piv txoj lug hais tias, tij yug ces cia rau kwv lav, kwv yug ces cia rau tij txav, tij yug cia ces cia rau kwv txais, kwv yug ces cia rau tij hais,

    Yog li no txiv kub ces thiaj yuav vam koj mus nrog ntoo, hauv hlua ces thiaj yuav vam koj mus nrog soo, txiv tw ces yuav vam koj coj mus suab av, txiv lus ces yuav vam koj mus nrog lav.

    Hnub no koj ua kwv ua tij kuj tuaj muab nkawv tus plaj tshoob nyob ntsig kos, lav ntseg lis log puav tam tus ncej txhos, tis neej tis tsav rau txoj kev coob, los tis ntsuab tis ze rau txoj kev do.

    Tsim nyog peb cov kwv cov tij, yuav ua ib rawg me ntxuag rau saum lub mus rooj ntoo, tiam koj tus dag tus zog zoo, nrog nco koj tus txiaj tug ntsig ib txhiab niaj kom txog ib puas xyoo.

    Tsim nyog peb cov kwv cov tij, yuav npaj ib pas dej zoo rau saum lub mus rooj qiaj, tiam koj tus dag coj tus zog nyob mus txim txiaj. Nrog nco koj tus txiaj tus ntsig ib puas xyoo kom txog ib txhiab niaj.

    Tiam sis yeeb vim peb cov kwv cov tij ua lub neej saub kev sis pluag, lub neej zoo tsis xws luag, yam twg los ncav tsis cuag.

    Yeeb vim peb cov kwv cov tij ua lub neej saub kev tsis seej, lub neej tsis xws luag neej, yam twg los ncav tsis tsheej.

    Thiaj cuag li tsis paub tab lam muab tej qub nqaij qub hno, ua ntxuag rau koj noj los thov koj zam lub txim loj.

    Thiaj cuag li tsis paub tab lam muab tej qub dej qub cawv, ua dej rau koj haus los thov koj zam lub txim ntau.

    Nyob li hnub qab nram lub ntsis, kaj ntug nag kis, koj ua niam ua txiv lav tshoob lav kos, ho tso ntab mus ntsawj tsua, tso muv mus ntsawj thoob, tso ntses txeej mus rag dej, tso ntses nias mus rag ntxhee, me ntses txeej dhia li rhees tuaj rau nruab roob, los

    koj khom vam tsis txog peb cov kwv cov tij los tseg mog, koj ho khom vam txog peb cov kwv cov tij los nyaj peb yuav tsis tso koj pov tseg, yeej yuav nco li ntsoov tuaj pab txhawb kom tau koj lub mus yeej koob,

    Txawm tuaj txhawb tsis tau koj lub yeej koob, los koj muaj tub muab nyab muaj ntxhais quas los yeej yuav yeej cuam lis zus tuaj pab koj haus lawm ib lub me cawv tshoob,

    txawm tuaj haus tsis taus koj lub me cawv tshoob, los yeej yuav coj tub coj ntxhais tuaj pab koj leg dej leg num ncig yeej tom yias dhau tom thoob,

    txawm tias tuaj leg tsis taus koj dej koj num, los yeej yuav coj tub coj ntxhais tuaj rau koj ua tub txib tub txuas, tub txib tub khaiv rau koj txib koj khaiv, ncig yeev qab vaj rau qab roob, no mog.

    Nyob li ntawm luag tus tub txawg tub ntse ces, luag vam vam koj lub dag coj lub zog tuaj mus lav tshoob lav kos, khiav nce toj nqis taug, luag ua koj ib los tsaug es luag yuv qaug lawm ib lub pes caug.

    Ces luag yuav hais ua zaj los ua zuag, tam ntua rev paj teeb paj vuam tawg ntsa li vus tuaj tim tsua, los vim yog luag ncauj zuag, nyob mus suab nqua, luag thiaj hais txhij nyob mus hais txhua,

    Nyob li ntawm peb cov kwv cov tij ces tub u los tub ruag, ncauj tsis zuag, suab tsis nqua, ces hais tsis muaj qab txawb tsis muaj luag, hais tau tawb kev neej txoj kev fab, tawb tau kev tsav txoj kev luag, xwb los thov koj zam lub txim rau peb cov kwv cov tij thiab no mog.
    ( xaus li no ces pe xwb )




    Hmong ntuj tshiab
    Hmong ntuj tshiab
    Sponsor
    Sponsor


    Messages : 537
    Date d'inscription : 2011-05-25

    kawm txog txoj kev ua yus ua luag tsaug txhua fab Empty Re: kawm txog txoj kev ua yus ua luag tsaug txhua fab

    Post  Hmong ntuj tshiab 30th May 2011, 7:30 pm

    117. Zeeg lus ua tsaug tiam mej zeeg- 2. tiam txiv tuam mej koob.

    Ua tsaug nawb txiv tuam mej koob, hnub no ---------- nkawd ua niam ua txiv, tus plaj kos nyob ntsig tshoob, ncig li yeev pem liaj lwg rais los poob, tus plaj tshoob nyob ntsig kos, ncig li yeev pem rhwv mwg rais los txog.

    Nkawd tub hlob li yuj los paub tab, ces thiaj sawv kev lis zees mus coj nyab, los rau nkawd lub qab mus plaj xab, tus plaj tshoob ntsig kos ntxhov li nyho los rau nkawv tej quav npab, nkawv ceeb laj mus leg tshab, thiaj yuav vam khom koj lub dag coj lub zog tuaj nrog pab.

    Nkawd tub hlob lis yees mus puv cev, ces thiaj sawv kev lis zees mus coj sev los rau nkawd lub qab mus plaj tsev, tus plaj tshoob ntsig kos ntxhov li nyho los rau nkawv tej quav tes, nkawv ceeb laj mus nres, thiaj yuav vam khom koj lub dag coj lub zog tuaj nrog leg.

    Los yeeb vim lub zej zog kuj txawm tau dav, los leej tib neeg tus yuav txib yuav khaiv los kuj txawm tau nqaim, leej tub txawg, los kuj txawm tau tsawg, leej tub ruag, los kuj txawm tau coob, nkawv thiaj nyiam tsum ntshaw raug koj tuaj nkawv tub tus txiv tuam mej koob, tuaj pab coj nkawv tub mus chawj kos chawj tshoob.

    Nkawd thiaj li teg lauj caum tau hwj mus cawv, laug nag tuav khob rawv, teg lauj caum tau hwj cawv qaub, lauj nag tuav khob plhaub.

    Ntoj lis nuag tuaj mus poob, los koj txiv tuam mej koob, caij maj caij rawm caij laj caij kam caij loo caij qoob, los nkawd kuj duj hau nyob txhos caug poob, taij li ntsees kom koj tuaj pab nkawd laj kos laj tshoob.

    hnub no koj kuj tuaj muab nkawd tus plaj kos nyob ntsig tshoob, ntos ntseg lis log puav tam tus ncej xyoob, tis neej tis tsav rau txoj kev do, tis ntsuab tis ze rau txoj kev coob.

    Tsim nyog peb cov kwv cov tij, yuav ua ib rawg me ntxuag zoo, rau saum lub mus rooj ntoo, tiam koj tus dag tus zog zoo, nrog nco koj tus txiaj tus ntsig ib txhiab niaj kom txog ib puas xyoo,

    tsim nyog peb cov kwv cov tij, yuav npaj ib pas dej zoo rau saum lub mus rooj qiaj, tiam koj tus dag coj tus zog nyob mus txim txiaj, nrog nco koj tus txiaj tus ntsig ib puas xyoo kom txog ib txhiab niaj.

    Tiam sis yeeb vim peb cov kwv cov tij ua lub neej saub kev sis pluag, lub neej zoo tsis xws luag, yam twg los ncav tsis cuag. Yeeb vim peb cov kwv cov tij ua lub neej saub kev tsis seej, lub neej tsis xws luag neej, yam twg thiaj ncav tsis tsheej.

    Thiaj cuag li tsis paub tab lam muab tej qub nqaij qub hno, ua ntxuag rau koj noj los thov koj zam lub txim loj. Thiaj cuag li tsis paub tab lam muab tej qub dej qub cawv, ua dej rau koj haus los thov koj zam lub txim ntau.

    Nyob li hnub qab nram lub ntsis kaj ntug nag kis, koj txiv tuam mej koob, ho tso noog liaj ya sib tw yuj, noog liaj nyob mus nthuav txuj, me noog liaj ya tsaws li ntua, zoov pem laj lub ntsis xyoob, koj txiv tuam mej koob ho khom vam tsis txog peb cov kwv cov tij los tseg mog, koj ho khom vam txog los nyaj peb yuav tsis nrauj koj tus txiaj tus ntsig, yuav nco li ntsoov tuaj ua koj tub tshaj koob.

    Txawm tias tuaj ua tsis tau koj tus tub tshaj koob los, koj muaj tub muab nyab muaj ntxhais quas los yeej yuav yeej cuam lis zus tuaj pab koj haus lawm ib lub me cawv tshoob. Txawm haus tsis tau koj lub me cawv tshoob los, yeej yuav coj tub coj ntxhais tuaj pab koj leg dej leg num ncig yeej tom yias dhau tom thoob.

    Txawm tias tuaj leg tsis taus koj tus dej koj tus num los, yeej yuav coj tub coj ntxhais tuaj rau koj ua tub txib tub txuas, tub txib tub khaiv rau koj txib koj khaiv, ncig yeev qab vaj rau qab roob, no mog.

    Nyob li ntawm luag tus tub txawg tub ntse ce, luag vam vam koj lub dag coj lub zog mus chawj tshoob chawj kos, khiav nce toj nqis taug, luag ua koj ib los tsaug, qaug lawm niam ib lub me pes caug,

    Ces luag yuav hais ua zaj los ua zuag, tam ntua rev paj teeb paj vuam tawg ntsa li vus tuaj tim tsua, los vim yog luag ncauj zuag nyob mus suab nqua, luag thiaj hais txhij nyob mus hais txhua,

    Nyob li ntawm peb cov kwv cov tij ces yog tub u los tub ruag, ncauj tsis zuag, suab tsis nqua, ces hais tsis muaj qab txawb tsis muaj luag, hais tau tawb kev neej txoj kev fab, tawb tau kev tsav txoj kev luag, xwb los thov koj zam lub txim rau peb cov kwv cov tij thiab no mog.
    ( xaus li no ces pe xwb )
    118. Zeeg lus ua tsaug tiam mej zeeg – 2. tiam txiv lwm mej koob.

    Ua tsaug nawb txiv lwm mej koob, hnub no ---------- nkawd ua niam ua txiv, tus plaj kos nyob ntsig tshoob, ncig li yeev pem liaj lwg rais los poob, tus plaj tshoob nyob ntsig kos, ncig li yeev pem rhwv mwg rais los txog.

    Nkawd tub hlob li yuj los paub tab, ces thiaj sawv kev lis zees mus coj nyab, los rau nkawd lub qab mus plaj xab, tus plaj tshoob ntsig kos ntxhov li nyho los rau nkawv tej quav npab, nkawv ceeb laj mus leg tshab, thiaj yuav vam khom koj lub dag coj lub zog tuaj nrog pab.

    Nkawd tub hlob lis yees mus puv cev, ces thiaj sawv kev lis zees mus coj sev los rau nkawd lub qab mus plaj tsev, tus plaj tshoob ntsig kos ntxhov li nyho los rau nkawv tej quav tes, nkawv ceeb laj mus nres, thiaj yuav vam khom koj lub dag coj lub zog tuaj nrog leg.

    Los yeeb vim lub zej zog kuj txawm tau dav, los leej tib neeg tus yuav txib yuav khaiv los kuj txawm tau nqaim, leej tub txawg, los kuj txawm tau tsawg, leej tub ruag, los kuj txawm tau coob, nkawv thiaj nyiam tsum ntshaw raug koj tuaj nkawv tub tus txiv lwm mej koob, tuaj pab coj nkawv tub mus chawj kos chawj tshoob.

    Nkawd thiaj li teg lauj caum tau hwj mus cawv, laug nag tuav khob rawv, teg lauj caum tau hwj cawv qaub, lauj nag tuav khob plhaub.

    Ntoj lis nuag tuaj mus poob, los koj txiv lwm mej koob, caij maj caij rawm caij laj caij kam caij loo caij qoob, los nkawd kuj duj hau nyob txhos caug poob, taij li ntsees kom koj tuaj pab nkawd laj kos laj tshoob.

    hnub no koj kuj tuaj muab nkawd tus plaj kos nyob ntsig tshoob, ntos ntseg lis log puav tam tus ncej xyoob, tis neej tis tsav rau txoj kev do, tis ntsuab tis ze rau txoj kev coob.

    Tsim nyog peb cov kwv cov tij, yuav ua ib rawg me ntxuag zoo, rau saum lub mus rooj ntoo, tiam koj tus dag tus zog zoo, nrog nco koj tus txiaj tus ntsig ib txhiab niaj kom txog ib puas xyoo,

    tsim nyog peb cov kwv cov tij, yuav npaj ib pas dej zoo rau saum lub mus rooj qiaj, tiam koj tus dag coj tus zog nyob mus txim txiaj, nrog nco koj tus txiaj tus ntsig ib puas xyoo kom txog ib txhiab niaj.

    Tiam sis yeeb vim peb cov kwv cov tij ua lub neej saub kev sis pluag, lub neej zoo tsis xws luag, yam twg los ncav tsis cuag.
    Yeeb vim peb cov kwv cov tij ua lub neej saub kev tsis seej, lub neej tsis xws luag neej, yam twg thiaj ncav tsis tsheej.

    Thiaj cuag li tsis paub tab lam muab tej qub nqaij qub hno, ua ntxuag rau koj noj los thov koj zam lub txim loj. Thiaj cuag li tsis paub tab lam muab tej qub dej qub cawv, ua dej rau koj haus los thov koj zam lub txim ntau.

    Nyob li hnub qab nram lub ntsis kaj ntug nag kis, koj txiv lwm mej koob, ho tso noog liaj ya sib tw yuj, noog liaj nyob mus nthuav txuj, me noog liaj ya tsaws li ntua, zoov pem laj lub ntsis xyoob, koj txiv lwm mej koob ho khom vam tsis txog peb cov kwv cov tij los tseg mog, koj ho khom vam txog los nyaj peb yuav tsis nrauj koj tus txiaj tus ntsig, yuav nco li ntsoov tuaj ua koj tub tshaj koob.

    Txawm tias tuaj ua tsis tau koj tus tub tshaj koob los, koj muaj tub muab nyab muaj ntxhais quas los yeej yuav yeej cuam lis zus tuaj pab koj haus lawm ib lub me cawv tshoob.
    Txawm haus tsis tau koj lub me cawv tshoob los, yeej yuav coj tub coj ntxhais tuaj pab koj leg dej leg num ncig yeej tom yias dhau tom thoob.

    Txawm tias tuaj leg tsis taus koj tus dej koj tus num los, yeej yuav coj tub coj ntxhais tuaj rau koj ua tub txib tub txuas, tub txib tub khaiv rau koj txib koj khaiv, ncig yeev qab vaj rau qab roob, no mog.

    Nyob li ntawm luag tus tub txawg tub ntse ce, luag vam vam koj lub dag coj lub zog mus chawj tshoob chawj kos, khiav nce toj nqis taug, luag ua koj ib los tsaug, qaug lawm niam ib lub me pes caug,

    Ces luag yuav hais ua zaj los ua zuag, tam ntua rev paj teeb paj vuam tawg ntsa li vus tuaj tim tsua, los vim yog luag ncauj zuag nyob mus suab nqua, luag thiaj hais txhij nyob mus hais txhua,

    Nyob li ntawm peb cov kwv cov tij ces yog tub u los tub ruag, ncauj tsis zuag, suab tsis nqua, ces hais tsis muaj qab txawb tsis muaj luag, hais tau tawb kev neej txoj kev fab, tawb tau kev tsav txoj kev luag, xwb los thov koj zam lub txim rau peb cov kwv cov tij thiab no mog.
    ( xaus li no ces sawv pe xwb )
    119. Zeeg lus ua tsaug tiam mej zeeg- 2. tiam tus tub phij laj.

    Ua tsaug nawb me tub phij laj, hnub no ---------- nkawd ua niam ua txiv, tus plaj kos nyob ntsig tshoob, ncig li yeev pem liaj lwg rais los poob, tus plaj tshoob nyob ntsig kos, ncig li yeev pem rhwv mwg rais los txog.

    Nkawd tub hlob li yuj los paub tab, ces thiaj sawv kev lis zees mus coj nyab, los rau nkawd lub qab mus plaj xab, tus plaj tshoob ntsig kos ntxhov li nyho los rau nkawv tej quav npab, nkawv ceeb laj mus leg tshab, thiaj yuav vam khom koj lub dag coj lub zog tuaj nrog pab.

    Nkawd tub hlob lis yees mus puv cev, ces thiaj sawv kev lis zees mus coj sev los rau nkawd lub qab mus plaj tsev, tus plaj tshoob ntsig kos ntxhov li nyho los rau nkawv tej quav tes, nkawv ceeb laj mus nres, thiaj yuav vam khom koj lub dag coj lub zog tuaj nrog leg.

    Los yeeb vim lub zej zog kuj txawm tau dav, los leej tib neeg tus yuav txib yuav khaiv los kuj txawm tau nqaim, leej tub txawg, los kuj txawm tau tsawg, leej tub ruag, los kuj txawm tau coob tshaj, nkawv thiaj nyiam tsum ntshaw raug koj tuaj paj ua nkawv tus tub tus phij laj.

    Nkawd thiaj li teg lauj caum tau hwj mus cawv, laug nag tuav khob rawv, teg lauj caum tau hwj cawv qaub, lauj nag tuav khob plhaub.

    Ntoj lis nuag tuaj mus poob, los koj me tub phij laj, caij maj caij rawm caij laj caij kam caij loo caij qoob, los nkawd kuj duj hau nyob txhos caug poob, taij li ntsees kom koj tuaj nrog nkawv tub mus chawj qhua kos pe qhua tshoob.

    hnub no koj kuj tuaj nrog nkawv tub mus chawj qhua kos pe qhua tshoob, tus plaj kos nyob ntsig tshoob nyob ntseg lis log puav tam tus ncej xyoob, tis neej tis tsav rau txoj kev do, tis ntsuab tis ze rau txoj kev coob.

    Tsim nyog peb cov kwv cov tij, yuav npaj ib rawg me ntxuag zoo, rau saum lub mus rooj ntoo, tiam koj tus dag tus zog zoo, nrog nco koj tus txiaj tus ntsig ib txhiab niaj kom txog ib puas xyoo,

    tsim nyog peb cov kwv cov tij, yuav npaj ib pas dej zoo rau saum lub mus rooj qiaj, tiam koj tus dag coj tus zog nyob mus txim txiaj, nrog nco koj tus txiaj tus ntsig ib puas xyoo kom txog ib txhiab niaj.

    Tiam sis yeeb vim peb cov kwv cov tij ua lub neej saub kev sis pluag, lub neej zoo tsis xws luag, yam twg los ncav tsis cuag.
    Yeeb vim peb cov kwv cov tij ua lub neej saub kev tsis seej, lub neej tsis xws luag neej, yam twg thiaj ncav tsis tsheej.

    Thiaj cuag li tsis paub tab lam muab tej qub nqaij qub hno, ua ntxuag rau koj noj los thov koj zam lub txim loj.

    Thiaj cuag li tsis paub tab lam muab tej qub dej qub cawv, ua dej rau koj haus los thov koj zam lub txim ntau.

    Nyob li hnub qab nram lub ntsis kaj ntug nag kis, koj me tub phij laj, ho tso noog liaj ya sib tw yuj, noog liaj nyob mus nthuav txuj, me noog liaj ya tsaws li ntua, zoov pem laj lub ntsis xyoob, koj me tub phij laj ho khom vam tsis txog peb cov kwv cov tij los tseg mog, koj ho khom vam txog los nyaj peb yuav tsis nrauj koj tus txiaj tus ntsig, yuav nco li ntsoov tuaj ua kom tau koj tus tub tshaj koob.

    Txawm tias tuaj ua tsis tau koj tus tub tshaj koob, los koj ho muaj dej muaj num khuam tes khuam taw leg tsis poob, los peb yeej yuav tuaj pab koj leg kom thoob, no mog.

    Txawm tias tuaj leg tsis taus thoob, los yeej yuav tuaj ua koj tub txib tub txuas, tub txib tub khaiv rau koj txib koj khaiv, ncig pes yeev qab vaj dhau qab roob, no mog.

    Nyob li ntawm luag tus tub txawg tub ntse ce, luag vam vam koj lub dag coj lub zog mus chawj qhua tshoob pe qhua kos, khiav nce toj nqis taug, luag ua koj ib los tsaug, qaug lawm niam ib lub me pes caug,

    Ces luag yuav hais ua zaj los ua zuag, tam ntua rev paj teeb paj vuam tawg ntsa li vus tuaj tim tsua, los vim yog luag ncauj zuag nyob mus suab nqua, luag thiaj hais txhij nyob mus hais txhua,

    Nyob li ntawm peb cov kwv cov tij ces yog tub u kus tub ruag, ncauj tsis zuag, suab tsis nqua, ces hais tsis muaj qab txawb tsis muaj luag, hais tau tawb kev neej txoj kev fab, tawb tau kev tsav txoj kev luag, xwb los thov koj zam lub txim rau peb cov kwv cov tij thiab no mog.
    ( xaus li no ces pe xwb )
    120. Zeeg lus ua tsaug tiam mej zeeg- 2. tiam tus niam txais ntsuab.

    Ua tsaug nawb me niam txais ntsuab, hnub no ---------- nkawd ua niam ua txiv, tus plaj kos nyob ntsig tshoob, ncig li yeev pem liaj lwg rais los poob, tus plaj tshoob nyob ntsig kos, ncig li yeev pem rhwv mwg rais los txog.

    Nkawd tub hlob li yuj los paub tab, ces thiaj sawv kev lis zees mus coj nyab, los rau nkawd lub qab mus plaj xab, tus plaj tshoob ntsig kos ntxhov li nyho los rau nkawv tej quav npab, nkawv ceeb laj mus leg tshab, thiaj yuav vam khom koj lub dag coj lub zog tuaj nrog pab.

    Nkawd tub hlob lis yees mus puv cev, ces thiaj sawv kev lis zees mus coj sev los rau nkawd lub qab mus plaj tsev, tus plaj tshoob ntsig kos ntxhov li nyho los rau nkawv tej quav tes, nkawv ceeb laj mus nres, thiaj yuav vam khom koj lub dag coj lub zog tuaj nrog leg.

    Los yeeb vim lub zej zog kuj txawm tau dav, los leej tib neeg tus yuav txib yuav khaiv los kuj txawm tau nqaim, leej me ntxhais txawg, los kuj txawm tau tsawg, leej me ntxhais ruag, los kuj txawm nyob tsiv cuab, nkawv thiaj nyiam tsum ntshaw raug koj tuaj paj ua nkawv tus nyab me niam txais ntsuab.

    Nkawd thiaj li teg lauj caum tau hwj mus cawv, laug nag tuav khob rawv, teg lauj caum tau hwj cawv qaub, lauj nag tuav khob plhaub.

    Ntoj lis nuag tuaj mus poob, los koj me niam txais ntsuab, caij maj caij rawm caij laj caij kam caij loo caij qoob, los nkawd kuj duj hau nyob txhos caug poob, taij li ntsees kom koj tuaj nrog nkawv nyab mus saib qhua kos chawj qhua tshoob.

    hnub no koj kuj tuaj nrog nkawv nyab mus saib qhua kos chawj qhua tshoob, tus plaj kos nyob ntsig tshoob nyob ntseg lis log puav tam tus ncej xyoob, tis neej tis tsav rau txoj kev do, tis ntsuab tis ze rau txoj kev coob.

    Tsim nyog peb cov kwv cov tij, yuav npaj ib rawg me ntxuag zoo, rau saum lub mus rooj ntoo, tiam koj tus dag tus zog zoo, nrog nco koj tus txiaj tus ntsig ib txhiab niaj kom txog ib puas xyoo,

    tsim nyog peb cov kwv cov tij, yuav npaj ib pas dej zoo rau saum lub mus rooj qiaj, tiam koj tus dag coj tus zog nyob mus txim txiaj, nrog nco koj tus txiaj tus ntsig ib puas xyoo kom txog ib txhiab niaj.

    Tiam sis yeeb vim peb cov kwv cov tij ua lub neej saub kev sis pluag, lub neej zoo tsis xws luag, yam twg los ncav tsis cuag.
    Yeeb vim peb cov kwv cov tij ua lub neej saub kev tsis seej, lub neej tsis xws luag neej, yam twg thiaj ncav tsis tsheej.

    Thiaj cuag li tsis paub tab lam muab tej qub nqaij qub hno, ua ntxuag rau koj noj los thov koj zam lub txim loj. Thiaj cuag li tsis paub tab lam muab tej qub dej qub cawv, ua dej rau koj haus los thov koj zam lub txim ntau.

    Nyob li hnub qab nram lub ntsis kaj ntug nag kis, koj me niam txais ntsuab, ho tso noog liaj ya sib tw yuj, noog liaj nyob mus nthuav txuj, me noog liaj ya tsaws li ntua, zoov pem laj lub ntsis xyoob, koj me niam txais ntsuab ho khom vam tsis txog peb cov kwv cov tij los tseg mog, koj ho khom vam txog los nyaj peb yuav tsis nrauj koj tus txiaj tus ntsig, yuav nco li ntsoov tuaj ua koj tub tshaj koob.

    Txawm tias tuaj ua tsis tau koj tus tub tshaj koob, los koj ho muaj dej muaj num los peb yeej yuav tuaj pab koj leg kom thoob, no mog.

    Txawm tias tuaj leg tsis taus koj tus dej koj tus num thoob los, yeej yuav tuaj ua koj tub txib tub txuas, tub txib tub khaiv rau koj txib koj khaiv, ncig yeev qab vaj rau qab roob, no mog.

    Nyob li ntawm luag tus tub txawg tub ntse ce, luag vam vam koj lub dag coj lub zog mus saib qhua tshoob chawj qhua kos, khiav nce toj nqis taug, luag ua koj ib los tsaug, qaug lawm niam ib lub me pes caug,

    Ces luag yuav hais ua zaj los ua zuag, tam ntua rev paj teeb paj vuam tawg ntsa li vus tuaj tim tsua, los vim yog luag ncauj zuag nyob mus suab nqua, luag thiaj hais txhij nyob mus hais txhua,

    Nyob li ntawm peb cov kwv cov tij ces yog tub u los tub ruag, ncauj tsis zuag, suab tsis nqua, ces hais tsis muaj qab txawb tsis muaj luag, hais tau tawb kev neej txoj kev fab, tawb tau kev tsav txoj kev luag, xwb los thov koj zam lub txim rau peb cov kwv cov tij thiab no mog.
    ( xaus li no ces pe xwb )
    Hmong ntuj tshiab
    Hmong ntuj tshiab
    Sponsor
    Sponsor


    Messages : 537
    Date d'inscription : 2011-05-25

    kawm txog txoj kev ua yus ua luag tsaug txhua fab Empty Re: kawm txog txoj kev ua yus ua luag tsaug txhua fab

    Post  Hmong ntuj tshiab 30th May 2011, 7:32 pm

    .

    Ua tsaug nawb nej tsoom neej tsoom tsav, niam tais yawm txiv, muam phauj yawg laus, niam dab laug txiv dab laug, niam hlob txiv hlob niam ntxawm txiv ntxawm, hnub no ---------- nkawd ua niam ua txiv, tus plaj kos nyob ntsig tshoob, ncig li yeev pem liaj lwg rais los poob, tus plaj tshoob nyob ntsig kos, ncig li yeev pem rhwv mwg rais los txog.

    Nkawd tub hlob li yuj los paub tab, ces thiaj sawv kev lis zees mus coj nyab, los rau nkawd lub qab mus plaj xab, tus plaj tshoob ntsig kos ntxhov li nyho los rau nkawv tej quav npab, nkawv ceeb laj mus leg tshab, thiaj yuav vam khom nej tsoom neej tsoom tsav, muam phauj yawg laus niam tais yawm txiv niam dab laug txiv dab laug niam hlob txiv hlob niam ntxawm txiv ntxawm lub dag coj lub zog tuaj nrog pab.

    Los yeeb vim nkawd ua niam ua txiv, kuj ua lub neej saub kev sis pluag, lub neej zoo tsis xws luag, yam twg los kuj ncav tsis cuag, lub neej saub kev tsis seej, neej zoo tsis xws luag neej, yam twg los kuj ncaj tsis tsheej.

    Nkawv thiaj tsis pom qab muab lub cev tig, thiaj li khom vam nej tsoom neej tsoom tsav, muam phauj yawg laus, niam hlob txiv hlob, niam ntxawm txiv ntxawm, niam tais yawm txiv, niam laus txiv laus, niam hluas txiv hluas, tsoom tub tsoom nyab, tsoom viv tsoom ncaus, tuaj nrog pab tsa nkawd tub lub cuab lub yig.

    Hnub no nej kuj tuaj pab nrog txhawb los nrog txhim, nkawd tub kuj tsheej cuab nyob ntseg yim, nej kuj tuaj pab qhia los pab qhuab, nkawd tub kuj tsheej yim nyob ntseg cuab.

    Tsim nyog peb cov kwv cov tij, yuav ua ib rawg me ntxuag rau saum lub mus rooj ntoo, tiam nej tus dag tus zog zoo, nrog nco koj tus txiaj tus ntsig ib txhiab niaj txog ib puas xyoo,

    tsim nyog peb cov kwv cov tij, yuav npaj ib pas dej zoo rau saum lub mus rooj qiaj, tiam nej tus dag coj tus zog nyob mus txim txiaj, nrog nco koj tus txiaj tus ntsig ib puas xyoo kom txog ib txhiab niaj.

    Tiam sis yeeb vim peb cov kwv cov tij ua lub neej saub kev sis pluag, lub neej zoo tsis xws luag, yam twg thiaj ncav tsis cuag, yeeb vim peb cov kwv cov tij ua lub neej saub kev tsis seej, lub neej tsis xws luag neej, yam twg thiaj ncav tsis tsheej.

    Thiaj cuag li tsis paub tab lam muab tej qub nqaij qub hno, ua ntxuag rau nej noj los thov nej zam lub txim loj, thiaj cuag li tsis paub tab lam muab tej qub dej qub cawv, ua dej rau nej haus los thov nej zam lub txim ntau.

    Nyob li hnub qab nram lub ntsis kaj ntug nag kis, nej tsoom neej tshoom tsav tsoom kwv tsoom tij pem toj nram hav, ho tso noog liaj sib tw yuj, noog liaj nyob mus nthuav txuj, me noog liaj ya tsaws li ntua, tuaj lub mus ntsis xyoob, nej ho khom vam tsis txog peb cov kwv cov tij los tseg mog, nej ho khom vam txog los nyaj peb yuav tsis nrauj nej tus txiaj tus ntsig, yuav nco li ntsoov tuaj ua nej tub tshaj koob.

    Txawm tias tuaj ua tsis tau nej tus tub tshaj koob, los nej muaj tub muab nyab muaj ntxhais quas los yeej yuav yeej cuam lis zus tuaj pab nej haus lawm ib lub me cawv tshoob,

    txawm haus tsis tau nej lub me cawv tshoob, los yeej yuav yeej coj tub coj ntxhais tuaj pab nej leg dej leg num ncig yeej tom yias dhau tom thoob,

    txawm tias tuaj leg tsis taus nej dej koj num, los yeej yuav coj tub coj ntxhais tuaj rau nej ua tub txib tub txuas tub txib tub khaiv rau nej txib nej khaiv, ncig yeev qab vaj rau qab roob, no mog.

    Nyob li ntawm luag tus tub txawg tub ntse ces, luag vam vam nej lub dag coj lub zog nce toj nyob nqis taug, luag ua nej ib los tsaug los luag qaug nyog lawm ib lub me pes caug,

    Ces luag yuav hais ua zaj los ua zuag, tam ntua rev paj teeb paj vuam tawg ntsa li vus tuaj tim tsua, los vim yog luag ncauj zuag nyob mus suab nqua, luag thiaj hais txhij nyob mus hais txhua,

    Nyob li ntawm peb cov kwv cov tij, ces yog tub u los tub ruag, ncauj tsis zuag, suab tsis nqua, ces hais tsis muaj qab txawb tsis muaj luag, hais tau tawb kev neej txoj kev fab, hais tawb tau kev tsav txoj kev luag, xwb los thov nej zam lub txim rau peb cov kwv cov tij thiab no mog.

    ( xaus li no ces pe xwb )

    122. Zeeg lus ua tsaug tiam mej zeeg – 2- tiam nus tij.

    Ua tsaug nawb me nus tij, hnub no ---------- nkawd ua niam ua txiv, tus plaj kos nyob ntsig tshoob, ncig li yeev pem liaj lwg rais los poob, tus plaj tshoob nyob ntsig kos, ncig li yeev pem rhwv mwg rais los txog.

    Nkawd ntxhais hlob li yuj los paub tab, ces thiaj sawv kev lis zees mus ua luag nyab, tus plaj tshoob ntsig kos ntxhov li nyho los rau nkawv tej quav npab, nkawv ceeb laj nyob leg tshab, thiaj yuav vam khom koj lub dag coj lub zog tuaj nrog pab.

    Los yeeb vim lub zej zog los kuj txawm tau dav, leej txheeb neej txheeb nus los kuv txawm tau nqaim, leej nus ntxawg, los kuj txawm tau tsawg, leej nus hlob los kuj txawm tsis txhij, thiaj li vam khom koj lub dag coj lub zog tuaj pab ua leej nus tij. No mog.

    Koj leej me nus tij kuj tuaj txais lub nco muab tus nyiaj qab nas tsoos qab hnab, tuaj phij cuam cob lis nkaus rau koj nkauj koj muam tej me quav npab, hnub no koj me nkauj muam ces tau koj me txiv nyuj thauj, txiv nees cab, coj mus tam tau suav ntswg liaj ntswg iav ncab.

    Koj kuj tuaj tswj plaub, tswj ntug, tswj xaiv, tswj lus, tswj kos, tswj tshoob, ntseg lis log puav tam tus ncej xyoob, tis neej tis tsav rau txoj kev do, tis ntsuab tis ze rau txoj kev coob.

    Koj nkauj koj muam ces yuav mus lub neej zoo xws lawm neej mab, vam ntws xws xub ntab, yog mus tau leej me tub cag ces nyaj yuav cia tuav koj nkauj muam tus ncej dab, yog tau me nkauj mog mim ces nyaj yuav nco li ntsoov koj tus txiaj tus ntsig pab, yuav tshaj xo lis nraws rau koj leej nus tij nyob ntuj suav teb tom qab, es kom koj ho txoj lawm liaj lwg txoj me qub kab, thiab no mog.

    Tsim nyog peb cov kwv cov tij, yuav ua ib rawg me ntxuag zoo, rau saum lub mus rooj ntoo, tiam koj tus dag tus zog zoo, nrog nco koj tus txiaj tus ntsig ib txhiab niaj txog ib puas xyoo,

    tsim nyog peb cov kwv cov tij, yuav npaj ib pas dej zoo rau saum lub mus rooj qiaj, tiam koj tus dag coj tus zog nyob mus txim txiaj, nrog nco koj tus txiaj tus ntsig ib puas xyoo kom txog ib txhiab niaj.

    Tiam sis yeeb vim peb cov kwv cov tij ua lub neej saub kev sis pluag, lub neej zoo tsis xws luag, yam twg thiaj ncav tsis cuag, yeeb vim peb cov kwv cov tij ua lub neej saub kev tsis seej, lub neej tsis xws luag neej, yam twg thiaj ncav tsis tsheej.

    Thiaj cuag li tsis paub tab lam muab tej qub nqaij qub hno, ua ntxuag rau koj noj los thov koj zam lub txim loj, thiaj cuag li tsis paub tab lam muab tej qub dej qub cawv, ua dej rau koj haus los thov koj zam lub txim ntau.

    Nyob li hnub qab nram lub ntsis kaj ntug nag kis, koj me nus tij, ho tso noog liaj sib tw yuj, noog liaj nyob mus nthuav txuj, me noog liaj ya tsaws li ntua, zoov pem laj lub ntsis suab, los koj me nus tij, ho khom vam tsis txog peb cov kwv cov tij los tseg mog, koj ho khom vam txog los nyaj peb cov kwv cov tij, yuav tsis nrauj koj tus txiaj tus ntsig, yuav nco li ntsoov tuaj tsa kom tau koj lub mus zoo cuab no nawb mog.

    Txawm tias tuaj tsa tsis tau koj lub mus zoo cuab, los koj me ntses txeej ntses nias dhe rag lis rhi rau qab pas dej ntsuab los peb cov kwv cov tij yeej yuav yeej cuam lis zus loj npab lis ntshuas nrog koj muab.

    txawm muab tsis tau koj me ntses txeej ntses nias los yeej yuav coj tub coj ntxhais tuaj rau koj ua tub txib tub txuas, tub txib tub khaiv, rau koj txib koj khaiv ncig pes yeev mus nrog nrhiav lawm ib mus txheej suab no mog.

    Nyob li ntawm luag tus tub txawg tub ntse ces, luag vam vam koj lub dag coj lub zog tuaj phij cuam tshoob phij cuam kos nce toj nyob nqis taug, luag ua koj ib los tsaug los luag qaug nyog lawm ib lub me pes caug,

    Ces luag yuav hais ua zaj los ua zuag, tam ntua rev paj teeb paj vuam tawg ntsa li vus tuaj tim tsua los vim yog luag ncauj zuag nyob mus suab nqua luag thiaj hais txhij nyob mus hais txhua,

    Nyob li ntawm peb cov kwv cov tij ces yog tub u los tub ruag, ncauj tsis zuag, suab tsis nqua ces hais tsis muaj qab txawb tsis muaj luag, hais tau tawb kev neej txoj kev fab, hais tawb tau kev tsav txoj kev luag xwb los thov koj zam lub txim pub rau peb cov kwv cov tij thiab no mog.

    ( xaus li no ces pe xwb )

    123. Zeeg lus ua tsaug tiam mej zeeg – 2. tiam nus npaws.

    Ua tsaug nawb me nus npaws, hnub no ---------- nkawd ua niam ua txiv, tus plaj kos nyob ntsig tshoob, ncig li yeev pem liaj lwg rais los poob, tus plaj tshoob nyob ntsig kos, ncig li yeev pem rhwv mwg rais los txog.

    Nkawd ntxhais hlob li yuj los paub tab, ces thiaj sawv kev lis zees mus ua luag nyab, tus plaj tshoob ntsig kos ntxhov li nyho los rau nkawv tej quav npab, nkawv ceeb laj nyob leg tshab, thiaj yuav vam khom koj lub dag coj lub zog tuaj nrog pab.

    Los yeeb vim lub zej zog los kuj txawm tau dav, leej tib neeg los kuj txawm tau nqaim, leej me nus tij, los kuj txawm tsis txhij, leej txheeb neej txheeb nus los kuj txawm tau tsawg, thiaj li vam khom koj lub dag coj lub zog tuaj pab ua leej nus npaws. No mog.

    Koj leej me nus npaws kuj tuaj txais lub nco muab tus nyiaj qab nas tsoos qab hnab, tuaj phij cuam cob lis nkaus rau koj nkauj koj muam tej me quav npab, hnub no koj me nkauj muam ces tau koj me txiv nyuj thauj, txiv nees cab, coj mus tam tau suav ntswg liaj ntswg iav ncab.

    Koj kuj tuaj tswj plaub, tswj ntug, tswj xaiv, tswj lus, tswj kos, tswj tshoob, ntseg lis log puav tam tus ncej xyoob, tis neej tis tsav rau txoj kev do, tis ntsuab tis ze rau txoj kev coob.

    Koj nkauj koj muam ces yuav mus lub neej zoo xws lawm neej mab, vam ntws xws xub ntab, yog mus tau leej me tub cag ces nyaj yuav cia tuav koj nkauj muam tus ncej dab, yog tau me nkauj mog mim ces nyaj yuav nco li ntsoov koj tus txiaj tus ntsig pab, yuav tshaj xo lis nraws rau koj leej nus npaws nyob ntuj suav teb tom qab, ho txoj lis nraws lawm liaj lwg txoj me qub kab, no mog.

    Tsim nyog peb cov kwv cov tij, yuav ua ib rawg me ntxuag rau saum lub mus rooj ntoo, tiam koj tus dag tus zog zoo, nrog nco koj tus txiaj tus ntsig ib txhiab niaj txog ib puas xyoo,

    tsim nyog peb cov kwv cov tij, yuav npaj ib pas dej zoo rau saum lub mus rooj qiaj, tiam koj tus dag coj tus zog nyob mus txim txiaj, nrog nco koj tus txiaj tus ntsig ib puas xyoo kom txog ib txhiab niaj.

    Tiam sis yeeb vim peb cov kwv cov tij ua lub neej saub kev sis pluag, lub neej zoo tsis xws luag, yam twg los ncav tsis cuag, yeeb vim peb cov kwv cov tij ua lub neej saub kev tsis seej, lub neej tsis xws luag neej, yam twg los ncav tsis tsheej.

    Thiaj cuag li tsis paub tab lam muab tej qub nqaij qub hno, ua ntxuag rau koj noj los thov koj zam lub txim loj, thiaj cuag li tsis paub tab lam muab tej qub dej qub cawv, ua dej rau koj haus los thov koj zam lub txim ntau.

    Nyob li hnub qab nram lub ntsis kaj ntug nag kis, koj me nus npaws, ho tso noog liaj sib tw yuj, noog liaj nyob mus nthuav txuj, me noog liaj ya tsaws li ntua, zoov pem laj lub ntsis suab, los koj me nus npaws, ho khom vam tsis txog peb cov kwv cov tij los tseg mog, koj ho khom vam txog los nyaj peb cov kwv cov tij, yuav tsis nrauj koj tus txiaj tus ntsig, yuav nco li ntsoov tuaj tsa kom tau koj lub mus zoo cuab..

    Txawm tias tuaj tsa tsis tau koj lub mus zoo cuab, los koj me ntses txeej ntses nias dhe rag lis rhi rau qab pas dej ntsuab los peb cov kwv cov tij yeej yuav yeej cuam lis zus loj npab lis ntshuas nrog koj muab.

    txawm muab tsis tau koj me ntses txeej ntses nias los yeej yuav coj tub coj ntxhais tuaj rau koj ua tub txib tub txuas, tub txib tub khaiv, rau koj txib koj khaiv ncig pes yeev mus nrog nrhiav lawm ib txheej suab no mog.

    Nyob li ntawm luag tus tub txawg tub ntse ces, luag vam vam koj lub dag coj lub zog tuaj nrog laj tshoob laj kos nce toj nyob nqis taug, luag ua koj ib los tsaug qaug lawm lub me pes caug,

    Ces luag yuav hais ua zaj los ua zuag, tam ntua rev paj teeb paj vuam tawg ntsa li vus tuaj rau tim tsua los vim yog luag ncauj zuag nyob mus suab nqua, luag hais txhij nyob mus hais txhua,

    Nyob li ntawm peb cov kwv cov tij ces yog tub u los tub ruag, ncauj tsis zuag, suab tsis nqua ces hais tsis muaj qab txawb tsis muaj luag, hais tau tawb kev neej txoj kev fab, hais tawb tau kev tsav txoj kev luag xwb los thov koj zam lub txim pub rau peb cov kwv cov tij thiab no mog.

    ( Xaus li no ces pe xwb )


    124. Zeeg lus ua tsaug tiam mej zeeg – 2 tiam txiv cob txheeb.

    Ua tsaug nawb txiv cob txheeb, hnub no ---------- nkawd ua niam ua txiv, tus plaj kos nyob ntsig tshoob, ncig li yeev pem liaj lwg rais los poob, tus plaj tshoob nyob ntsig kos, ncig li yeev pem rhwv mwg rais los txog.

    Nkawd ntxhais hlob li yuj los paub tab, ces thiaj sawv kev lis zees mus ua luag nyab, tus plaj tshoob ntsig kos ntxhov li nyho los rau nkawv tej quav npab, nkawv ceeb laj nyob leg tshab, thiaj yuav vam khom koj lub dag coj lub zog tuaj nrog pab.

    Los yeeb vim lub zej zog los kuj txawm tau dav, leej tib neeg los kuj txawm tau nqaim, tej kwv tej tij, los kuj txawm tsis txhij, kuj tsis tshuav ib tug yuav tseem ceeb, es thiaj li vam vam koj lub dag coj lub zog tuaj pab ua txiv cob txheeb, no mog.

    Koj ua txiv cob txheeb kuj tuaj txais lub nco, tuaj nrog tswj tshoob tswj kos, tus qab hlua muab nrom rau luag cwj, los hauv hlua tso rau koj tswj, tus qab hlua nrom rau luag tuav, los tus hauv hlua cia khi koj tshuav.

    Koj kuj tuaj tswj plaub, tswj ntug, tswj xaiv, tswj lus, tswj kos, tswj tshoob, ntseg lis log puav tam tus ncej xyoob, tis neej tis tsav rau txoj kev do, tis ntsuab tis ze rau txoj kev coob.

    Tsim nyog peb cov kwv cov tij, yuav ua ib rawg me ntxuag rau saum lub mus rooj ntoo, tiam koj tus dag tus zog zoo, nrog nco koj tus txiaj tus ntsig ib txhiab niaj kom txog ib puas xyoo.

    Tsim nyog peb cov kwv cov tij, yuav npaj ib pas dej zoo rau saum lub mus rooj qiaj, tiam koj tus dag coj tus zog nyob mus txim txiaj, nrog nco koj tus txiaj tus ntsig ib puas xyoo kom txog rau ib txhiab niaj.

    Tiam sis yeeb vim peb cov kwv cov tij ua lub neej saub kev sis pluag, lub neej zoo tsis xws luag, yam twg los ncav tsis cuag, yeeb vim peb cov kwv cov tij ua lub neej saub kev tsis seej, lub neej zoo tsis xws luag neej, yam twg thiaj ncav tsis tsheej.


    Thiaj cuag li tsis paub tab lam muab tej qub nqaij qub hno, ua ntxuag rau koj noj los thov koj zam lub txim loj, thiaj cuag li tsis paub tab lam muab tej qub dej qub cawv, ua dej rau koj haus los thov koj zam lub txim ntau.

    Nyob li hnub qab nram lub ntsis, kaj ntug nag kis, koj ua txiv dab laug cob txheeb, ho tso ntab mus ntsawj tsua, tso muv mus ntsawj thoob, tso ntses txeej mus rag dej, tso ntses nias mus rag ntxhee, me ntses txeej dhia li rhees tuaj rau nruab roob, los koj khom vam tsis txog peb cov kwv cov tij los tseg mog, koj ho khom vam txog peb cov kwv cov tij los nyaj peb yuav tsis tso koj pov tseg, yeej yuav nco li ntsoov tuaj pab txhawb kom tau koj lub mus yeej koob,

    Txawm tuaj txhawb tsis tau koj lub yeej koob, los koj muaj tub muab nyab muaj ntxhais quas los yeej yuav yeej cuam lis zus tuaj pab koj haus lawm ib lub me cawv tshoob,

    txawm haus tsis tau koj lub me cawv tshoob, los yeej yuav coj tub coj ntxhais tuaj pab koj leg dej leg num ncig yeej tom yias dhau tom thoob,

    txawm tias tuaj leg tsis taus koj dej koj num, los yeej yuav coj tub coj ntxhais tuaj rau koj ua tub txib tub txuas tub txib tub khaiv rau koj txib koj khaiv, ncig yeev qab vaj rau qab roob, no mog.

    Nyob li ntawm luag tus tub txawg tub ntse ce, luag vam vam koj lub dag coj lub zog nce toj nyob nqis taug, luag ua koj ib los tsaug, qaug lawm ib lub me pes caug,

    Ces luag yuav hais ua zaj los ua zuag, tam ntua rev paj teeb paj vuam tawg ntsa li vus tuaj rau tim tsua, los vim yog luag ncauj zuag nyob mus suab nqua, luag thiaj hais txhij nyob mus hais txhua.

    Nyob li ntawm peb cov kwv cov tij ces yog tub u los tub ruag, ncauj tsis zuag, suab tsis nqua ces hais tsis muaj qab txawb tsis muaj luag, hais tau tawb kev neej txoj kev fab, los hais tau tawb kev tsav txoj kev luag, xwb los thov koj zam lub txim rau peb cov kwv cov tij thiab no mog.

    ( xaus li no ces pe xwb )



    Hmong ntuj tshiab
    Hmong ntuj tshiab
    Sponsor
    Sponsor


    Messages : 537
    Date d'inscription : 2011-05-25

    kawm txog txoj kev ua yus ua luag tsaug txhua fab Empty Re: kawm txog txoj kev ua yus ua luag tsaug txhua fab

    Post  Hmong ntuj tshiab 30th May 2011, 7:33 pm



    Ua tsaug nawb txiv dab laug cob txheeb, hnub no ---------- nkawd ua niam ua txiv, tus plaj kos nyob ntsig tshoob, ncig li yeev pem liaj lwg rais los poob, tus plaj tshoob nyob ntsig kos, ncig li yeev pem rhwv mwg rais los txog.

    Nkawd ntxhais hlob li yuj los paub tab, ces thiaj sawv kev lis zees mus ua luag nyab, tus plaj tshoob ntsig kos ntxhov li nyho los rau nkawv tej quav npab, nkawv ceeb laj nyob leg tshab, thiaj yuav vam khom koj lub dag coj lub zog tuaj nrog pab.

    Los yeeb vim lub zej zog los kuj txawm tau dav, leej tib neeg los kuj txawm tau nqaim, leej dab laug ntxawg, los kuj txawm tau tsawg, leej txheeb neej txheeb tsav los kuj txawm tsis raug, thiaj li vam vam koj lub dag coj lub zog tuaj pab ua txiv dab laug.

    Koj ua txiv dab laug cob txheeb kuj tuaj txais lub nco, tuaj nrog tswj tshoob tswj kos, tus qab hlua muab nrom rau luag cwj, los hauv hlua tso rau koj nrog tswj, tus qab hlua nrom rau luag tuav, los tus hauv hlua cia khi rau koj tshuav.

    Koj kuj tuaj tswj plaub, tswj ntug, tswj xaiv, tswj lus, tswj kos, tswj tshoob, ntseg lis log puav tam tus ncej xyoob, tis neej tis tsav rau txoj kev do, tis ntsuab tis ze rau txoj kev coob.

    Tsim nyog peb cov kwv cov tij, yuav ua ib rawg me ntxuag rau saum lub mus rooj ntoo, tiam koj tus dag tus zog zoo, nrog nco koj tus txiaj tus ntsig ib txhiab niaj kom txog ib puas xyoo.

    Tsim nyog peb cov kwv cov tij, yuav npaj ib pas dej zoo rau saum lub mus rooj qiaj, tiam koj tus dag coj tus zog nyob mus txim txiaj, nrog nco koj tus txiaj tus ntsig ib puas xyoo kom txog rau ib txhiab niaj.

    Tiam sis yeeb vim peb cov kwv cov tij ua lub neej saub kev sis pluag, lub neej zoo tsis xws luag, yam twg los ncav tsis cuag, yeeb vim peb cov kwv cov tij ua lub neej saub kev tsis seej, lub neej zoo tsis xws luag neej, yam twg thiaj ncav tsis tsheej.


    Thiaj cuag li tsis paub tab lam muab tej qub nqaij qub hno, ua ntxuag rau koj noj los thov koj zam lub txim loj, thiaj cuag li tsis paub tab lam muab tej qub dej qub cawv, ua dej rau koj haus los thov koj zam lub txim ntau.

    Nyob li hnub qab nram lub ntsis, kaj ntug nag kis, koj ua txiv dab laug cob txheeb, ho tso ntab mus ntsawj tsua, tso muv mus ntsawj thoob, tso ntses txeej mus rag dej, tso ntses nias mus rag ntxhee, me ntses txeej dhia li rhees tuaj rau nruab roob, los koj khom vam tsis txog peb cov kwv cov tij los tseg mog, koj ho khom vam txog peb cov kwv cov tij los nyaj peb yuav tsis tso koj pov tseg, yeej yuav nco li ntsoov tuaj pab txhawb kom tau koj lub mus yeej koob,

    Txawm tuaj txhawb tsis tau koj lub yeej koob, los koj muaj tub muab nyab muaj ntxhais quas los yeej yuav yeej cuam lis zus tuaj pab koj haus lawm ib lub me cawv tshoob,

    txawm haus tsis tau koj lub me cawv tshoob, los yeej yuav coj tub coj ntxhais tuaj pab koj leg dej leg num ncig yeej tom yias, dhau tom thoob,

    txawm tias tuaj leg tsis taus koj dej koj num, los yeej yuav coj tub coj ntxhais tuaj rau koj ua tub txib tub txuas tub txib tub khaiv rau koj txib koj khaiv, ncig yeev qab vaj rau qab roob, no mog.

    Nyob li ntawm luag tus tub txawg tub ntse ce, luag vam vam koj lub dag coj lub zog nce toj nyob nqis taug, luag ua koj ib los tsaug, qaug lawm ib lub me pes caug,

    Ces luag yuav hais ua zaj los ua zuag, tam ntua rev paj teeb paj vuam tawg ntsa li vus tuaj rau tim tsua, los vim yog luag ncauj zuag nyob mus suab nqua, luag thiaj hais txhij nyob mus hais txhua.

    Nyob li ntawm peb cov kwv cov tij ces yog tub u los tub ruag, ncauj tsis zuag, suab tsis nqua ces hais tsis muaj qab txawb tsis muaj luag, hais tau tawb kev neej txoj kev fab, los hais tau tawb kev tsav txoj kev luag, xwb los thov koj zam lub txim rau peb cov kwv cov tij thiab no mog.

    ( xaus li no ces pe luag xwb )



    126. Zeeg lus ua tsaug tiam mej zeeg – 2. tiam niam txiv hauv tsev.

    Ua tsaug nawb niam thiab txiv, luag tias neb ua niam ua txiv txoj kev tu tej me nyuam, noj txhais lo nti txhais lo, pub hnub thawm hmo, noj txhais hlub, nti txhais ntxhub, pub hmo thawm hnub.

    Noj niam roj haus niam ntshav, niam dai ntuj nag tawm ntuj tshav, noj txiv zaub ntxuag txiv mov, txiv dai ntuj lig tawm ntuj ntxov.
    Niam tus caj npab ua tog rau ncoo, niam hauv caug ua chaw zaum zoo, txiv caj npab ua chaw zuag, txiv xub ntiag ua chaw puag.

    Tej me nyuam thiaj hlob tiav niam tiav txiv, los tseem yuav txob xeeb kom neb ua niam ua txiv nrog tsa lub cuab lub yig, cuag li tsis nrog nco neb tus txiaj tus ntsig.

    Los yeeb vim tej me nyuam tsis mus ua lub neej los tsis muaj lub neej los nrog luag tab, thiaj sawv kev lis zees mus luag nyab, los tseem yuav txob tau tus plab tshoob ntsig kos ntxhov li nyho los rau neb lub qab mus plaj xab, los vim yog poj rhawv kev , yawm rhawv kab, es thiaj yuav vam tau neb ua niam ua txiv lub dag coj lub zog los nrog pab, no nawb mog.

    Tej me nyuam tsis mus ua lub neej los yuav tsis tsheej lawm niam mus ib tsev, thiab sawv kev lis zees mus ua luag sev, los tseem yuav txob tau tus plab tshoob ntsig kos ntxhov li nyho los rau neb lub qab mus plaj tsev, los vim yog poj rhawv kab, yawm rhawv kev, es thiaj yuav vam tau neb ua niam ua txiv lub dag coj lub zog los nrog leg, no nawb mog.

    Neb ua niam ua txiv kuj los pab muab tus plab kos nyob ntsig tshoob, ntos ntseg lis log puav tam tus ncej xyoob, rhawv kev neej rau txoj kev do, los tig kev tsav rau txoj kev coob.

    Tsim nyog peb cov tub cov nyab, cov ntxhais cov vauv, yuav ua ib rawg me ntxuag zoo rau saum lub mus rooj ntoo, tiam neb tus dag tus zog zoo, nrog nco koj tus txiaj tus ntsig ib txhiab niaj kom txog ib puas xyoo.

    Tsim nyog peb cov tub cov nyab, cov ntxhais cov vauv, yuav npaj ib pas dej zoo rau saum lub mus rooj qiaj, tiam neb tus dag coj tus zog nyob mus txim txiaj, nrog nco koj tus txiaj tus ntsig ib puas xyoo kom txog rau ib txhiab niaj.

    Tiam sis yeeb vim peb cov ua tub ua nyab, ua ntxhais ua vauv, ua lub neej saub kev sis pluag, lub neej zoo tsis xws luag, yam twg los ncav tsis cuag, yeeb vim peb cov tub cov nyab, cov ntxhais cov vauv, ua lub neej saub kev tsis seej, lub neej zoo tsis xws luag neej, yam twg thiaj ncav tsis tsheej.

    Thiaj cuag li tsis paub tab lam muab tej qub nqaij qub hno, ua ntxuag rau neb noj los thov neb zam lub txim loj, thiaj cuag li tsis paub tab lam muab tej qub dej qub cawv, ua dej rau neb haus los thov neb zam lub txim ntau.

    Nyob li hnub qab nram lub ntsis, kaj ntug nag kis, neb ua niam ua txiv, ho tso ntab mus ntsawj tsua, tso muv mus ntsawj thoob, tso ntses txeej mus rag dej, tso ntses nias mus rag ntxhee, me ntses txeej dhia li rhees tuaj rau nruab roob, los neb khom vam tsis txog peb cov tub cov nyab, los yog cov ntxhais cov vauv los tseg mog, neb ho khom vam txog peb cov tub cov nyab, los yog cov ntxhais cov vauv los nyaj peb yuav tsis tso neb pov tseg, yeej yuav nco li ntsoov tuaj pab txhawb kom tau neb lub mus yeej koob, no nawb mog.
    Txawm tuaj txhawb tsis tau neb lub yeej koob, los neb ho rov muaj tub muab nyab muaj ntxhais quas los peb yeej yuav yeej cuam lis zus tuaj pab neb haus lawm ib lub me cawv tshoob,

    txawm haus tsis tau neb lub me cawv tshoob, los yeej yuav coj tub coj ntxhais tuaj pab neb leg dej leg num ncig yeej tom yias, dhau tom thoob,

    txawm tias tuaj leg tsis taus neb tus dej neb num, los yeej yuav coj tub coj ntxhais tuaj rau neb ua tub txib tub txuas tub txib tub khaiv rau neb txib neb khaiv, ncig yeev qab vaj rau qab roob, no mog.
    Nyob li ntawm luag tus tub txawg tub ntse ce, luag vam vam neb lub dag coj lub zog nce toj nyob nqis taug, luag ua neb ib los tsaug, qaug lawm ib lub me pes caug,
    Ces luag yuav hais ua zaj los ua zuag, tam ntua rev paj teeb paj vuam tawg ntsa li vus tuaj rau tim tsua, los vim yog luag ncauj zuag nyob mus suab nqua, luag thiaj hais txhij nyob mus hais txhua.

    Nyob li ntawm peb cov tub cov nyab los yog cov ntxhais cov vauv ces yog tub u los tub ruag, ncauj tsis zuag, suab tsis nqua ces hais tsis muaj qab txawb tsis muaj luag, hais tau tawb kev neej txoj kev fab, los hais tau tawb kev tsav txoj kev luag, xwb los thov neb ua niam ua txiv ho zam lub txim pub rau peb cov tub cov nyab,cov ntxhais cov vauv thiab no mog.

    ( xaus li no ces pe luag xwb )

    127. Zeeg lus ua tsaug tiam mej zeeg -2. tiam poj koob yawm koob.

    ua tsaug nawb niam txiv poj koob yawm koob, hnub yuav mus ua tshoob ua kos, tau hu kom nej nrog mus ntis luag ncauj xai ncauj lus, ncauj plaub ncauj ntug.

    Nej ua niam ua txiv poj koob yawm koob kuj nrog mus ua kaus tooj roos ua kaus hlau thaiv, kev mus xaus tw tshoob tw kos, tus plaj tshoob ntsig kos kuj ntseg lis log puav tam tus ncej txhos, tis neej tis tsav rau txoj kev coob, tis ntsuab tis ze rau txoj kev do.

    hnub no kuj coj tau tub tau nyab los rau hauv vaj hauv tsev, lawm mas noj los yuav npws hau los yuav npws rau nej tuam cuab sawv daws nrog noj nrog haus, kom tub nyab mus laj fab los tsis ntsib mob mus toob fab los tsis ntsib nkeeg.

    Kom tub nyab los tu tub tu kiv kom los puv vaj puv tsev, ua qoob ua loo kom los puv txhab, tu tsiaj los puv nkuaj, khwv nyiaj khwv kub kom los puv nas.

    Kom noj tsis tag, txaus ntiav dag, haus tsis txog, txaus ntiav zog, noj kav ib txhiab hauv kav ib txhis, noj tsis kawg qub, haus tsis kawg ntsis, noj kav ib txhis hauv kav ib txhiab, noj tsis kawg qub haus tsis kawg ntsiab.

    Kom tub ki vam ntws xws xub ntab, kom neej zoo xws lub neej mab, kom vam ntws xws xub mes, kom neej zoo xws lub neej cev ntag nawb. Niam txiv poj koob yawm koob nawb.

    ( xaus li no ces pe xwb )










    128. Zeeg lus ua tsaug tiam mej zeeg( 13 )tiam niam txiv ncej dab ncej qhua

    ua tsaug nawb niam txiv ncej dab ncej qhua hauv vaj hauv tsev, hnub yuav mus ua tshoob ua kos, tau hu kom nej nrog mus ntis luag ncauj xai ncauj lus, ncauj plaub ncauj ntug.

    Nej ua niam ua txiv ncej dab ncej qhua xws li xwm kab los yej, txhiaj meej li pov txhiaj, niam txiv dab roog dab hluas, txos seej los nyaj nyab, tuam tshooj laj lwm tshooj kab, tuam tshooj kab lwm tshooj tswm, loog txwj loog laus, kuj nrog mus ua kaus tooj roos ua kaus hlau thaiv kev mus xaus tw tshoob tw kos.

    Tus plaj tshoob ntsig kos, kuj ntseg lis log puav tam tus ncej txhos, tis neej tis tsav rau txoj kev coob, tis ntsuab tis ze rau txoj kev do.

    hnub no kuj coj tau tub tau nyab los rau hauv vaj hauv tsev, lawm mas noj los yuav npws hau los yuav npws rau nej tuam cuab sawv daws nrog noj nrog haus, kom tub nyab mus laj fab los tsis ntsib mob mus toob fab los tsis ntsib nkeeg.

    Kom tub nyab los tu tub tu kiv kom los puv vaj puv tsev, ua qoob ua loo kom los puv txhab, tu tsiaj los puv nkuaj, khwv nyiaj khwv kub kom los puv nas.

    Kom noj tsis tag, txaus ntiav dag, haus tsis txog, txaus ntiav zog, noj kav ib txhiab hauv kav ib txhis, noj tsis kawg qub, haus tsis kawg ntsis, noj kav ib txhis hauv kav ib txhiab, noj tsis kawg qub haus tsis kawg ntsiab.

    Kom tub ki vam ntws xws xub ntab, kom neej zoo xws lub neej mab, kom vam ntws xws xub mes, kom neej zoo xws lub neej cev ntag nawb. Niam txiv ncej dab ncej qhua os.

    ( xaus li no ces pe xwb )

    Hmong ntuj tshiab
    Hmong ntuj tshiab
    Sponsor
    Sponsor


    Messages : 537
    Date d'inscription : 2011-05-25

    kawm txog txoj kev ua yus ua luag tsaug txhua fab Empty Re: kawm txog txoj kev ua yus ua luag tsaug txhua fab

    Post  Hmong ntuj tshiab 30th May 2011, 7:34 pm



    Thaum rooj mov noj tus npua quav nplaig los yog noj niam txiv nyab neej nus rooj mov los yog noj niam txiv qhua vauv rooj mov mas yuav tau ua tsaug raws li nram no

    Yus yog nraug vauv tog mas thaum noj niam txiv nyab neej nus rooj mov mas yus yog qhua vauv tog mas yus yuav tau ua niam txiv nyab neej nus tsaug os nawb, mas koj ua tsaug rau leej twg los yuav tau tuav luag npe xws li mej koob los yog thej com los yog tus ntawd yog lawm li cas no nawb. Nov yog niam txiv qhua vauv tog:

    Ua tsaug lau mog!! ___________ Niam txiv tom ub ua tsis muaj kab muaj kev tuaj rau niam txiv tom no noj es niam txiv tom no ho ua muaj kab muaj kev tos niam txiv tom ub, ntshe niam txiv tom no tu saib laus mog.

    Nov yog niam txiv nyab neej nus tog:

    Ua tsaug lau mog!!! __________ niam txiv tom no ua tsis muaj kab muaj kev tos niam txiv tom ub, es niam txiv tom ub ua muaj kab muaj kev tuaj rau niam txiv tom no noj, tseg niam txiv tom ub tu siab lais mog.

    Nov yog niam txiv muaj nyiaj phij cuam rau nraug vauv thiab nkauj nyab es nraug vauv ua niam txiv nyab neej nus tsaug, thaum tus vauv ua tsaug mus txog rau leej twg los yuav tau tuav npe zias raws tus neeg ntawd os nawb:

    Ua tsaug nawb !!! niam thiab txiv, neb ua niam ua txiv muab nyuj phij tsab nees phij cuam, rau wb ua ntxhais ua vauv mus ua lub neej, kom nrog luag nyob peem tsheej.

    Yog wb txawj mus ua lub neej ces nyaj plaub qaib yuav ciaj lawm plaub npua, nyaj yuav muaj lub neej nrog luag ua, hos tus plaub npua nyaj yuav ciaj lawm plaub nyuj plaub twm, wb yuav peem lub neej kom nrog luag txhwm.

    Hos yog wb tsis txawj ua lub neej ces ntshe tseem yuav rov tuaj txhob xeeb neb ua niam thiab txiv neb thiab laus mog. ( ces pe kiag niam thiab txiv nag os )



    130. Tiam txiv neeb txiv muam txiv neeb txiv yaig

    Thaum koj rau tau tsum mov lawm ces koj rub tus txiv neeb los zaum rau sab ped ces koj mam los ce ib khub cawv txawb rau hauv lub phaj nrog rau qhov nyiaj uas koj yuav muab rau tus txiv neeb tso ua ke rau hauv lub phaj ces koj mam muab cev rau tus txiv neeb tas ces koj ho muab lub phaj noj mov nrog rau ib rab diav cev rau tus txiv neeb thiab tas ces koj mam los ua nws tsaug li hauv qab no.

    Ua tsaug nawb ___________ koj txiv neeb, txiv muam, txiv neeb txiv yaig, hnub no koj tuaj siv tuam ceeb tuam lim, xov ceeb xov lim, tuaj ntoj neeb nthuav yaig,

    tuaj kho ___________ lawv vaj lawv tsev, muab niag pwj tsiag pwj txhu, pwj qaib pwj qe plis plho ua lub hauv toj.

    Coj mus txhaws lub mus qhov ploj, tsa hlo luag ntsuj duab ntsuj hlau sawv los ua npoj, los zaum li nroov rau lub mus rooj noj cuab hnub tsis seev rau nraum tsuag yim hmo tsis seev rau nraum toj.

    Koj txiv neeb, txiv muam, siv tuam ceeb tuam lim, xov ceeb xov lim, tuaj ntoj neeb nthuav yaig, tuaj kho ___________ lawv vaj lawv tsev, muab pwj tsiaj pwj txhuv, pwj qaib pwj qe plis plho ua lub hauv tsua,

    Coj mus txhaws lub qhov tuag, tsa hlo luag ntsuj duab ntsuj hlau sawv los txhij los txhua, los zaum li nroov rau lub mus rooj ntxuag cuab hnub tsis seev rau nraum toj yim hmo tsis seev rau nraum tsuag.

    Tsim nyog peb kwv tij txiv tub yuav npaj kom tau ib kab me yeeb, los yog ib pib me tshuaj tsim nyog tsab los haus qaug los ua lawm koj ib los tsaug.

    Tiam sis yeeb vim peb los kuj ua lub neej saub kev sis pluag, lub neej zoo tsis xws luag, yam twg los kuj ncav tsis cuag. Neej saub kev tsis seej, lub neej zoo tsis xws luag neej, yaj twg los kuj ncav tsis tsheej.

    Thiaj cuag li tsis paub tab, es lam muab ob khom me dej dawb thiab ib nploog me txhav txheej los ua lawm koj ib los tsaug xyuam tsis nyog koj lub txheej tsav tsis nyog koj lub meej los thov koj zam lub txim pub rau peb cov kwv tij txiv tub thiab no mog.

    Nyob li hnub qab nram lub ntsis kaj ntug nag kis, koj txiv neeb txiv muam ho tsis muaj chaw txib chaw khaiv chaw txib vam los puj sis tseg mog,

    Yog koj ho muaj chaw txib chaw khaiv, chaw txib chaw vam es koj ho vam tsis txoj peb cov kwv tij txiv tub los puj sis tseg,
    Yog koj ho vam txog los nyaj peb yuav tsis tso koj pov tseg thiab nyob li tus paub tab coj hno xaiv los yuav tuaj pab txhawb koj tus nceg rooj, xyuam nyog koj lub txhooj,

    Ho tus tsis paub tab coj hno xaiv los nyaj yuav tuaj pab koj zaum ua puav dai taw nyob mus dai nplooj thiab no mog.

    Nyob li ntawm koj txiaj ntsha ces peb yuav nqa, tus txiaj ntsig ces peb yuav ris, ris rawv rau saum lub nraub qaum nyob tsis nrauj los ua ncauj, ncauj li nco nyob tsis tso kom tsis tag tsis kawg, mus ib txhiab ib txhis no laus mog.

    ( ces pe xwb )

    131. Tiam tus hwj sawv los yog tus saib neeb, saib yaig

    Thaum koj rau tau tsum mov lawm ces koj rub tus hwj sawv los zaum rau sab ped ces koj mam los ce ib khub cawv txawb rau hauv lub phaj nrog rau qhov nyiaj uas koj yuav muab rau tus hwj sawv tso ua ke rau hauv lub phaj ces koj mam muab cev rau tus hwj sawv tas ces koj ho muab lub phaj noj mov nrog rau ib rab diav cev rau tus hwj sawv thiab tas ces koj mam los ua nws tsaug li hauv qab no.

    Ua tsaug nawb, hnub no nkawv __________npaj pwj tsiag los txhij pwj txhu los txhua, hu txiv neeb txiv muam txiv neeb txiv yaig tuaj txog. los nkawv kuj tsis pom qab muab lub dag coj lub zog,

    Los yeeb vim lub zej zog los kuj txawm tau dav, leej tib neeg los kuj txawm tau nqaim, tus txib tus khaiv los kuj txawm tsis muaj, nkawv thiaj vam koj lub dag coj lub zog tuaj.

    Los vim leej tub txawg kuj txawm tau tsawg, leej tub ruag los kuj txawm nyob tsiv chaw, thiaj li vam vam koj _________tuaj nrog ua ua txiv neeb tus hwj sawv,

    Hnub no koj kuj tuaj hwj rooj neeb ntseg log puav tam tau tus ncej teeb, txiv neeb, txiv muam, zoo siv tuam ceeb tuam lim, xov ceeb xov lim, ntoj neeb nthuav yaig, mus raws luag ib cuab nees nkaum leej ib tsev nees nkaus tus ntsuj duab ntsuj hlau rais lees los rau lawm yaj ceeb,

    Hnub no koj kuj tuaj hwj rooj neeb ntseg log puav tam tau tus ncej txaj, txiv neeb, txiv muam, zoo siv tuam ceeb tuam lim, xov ceeb xov lim, ntoj neeb nthuav yaig, mus raws luag ib cuab nees nkaum leej ib tsev nees nkaus tus ntsuj duab ntsuj hlau rais lees los rau lawm yeeb yaj,

    Tsis nyog peb cov kwv tij txiv tub yuav npaj kom tau ib kab me yeeb los yog ib pib me tshuaj, kom tsim nyog tsab los haus qaug, los ua lawm koj ib los tsaug.

    Tiam sis yeeb vim peb los kuj ua lub neej saub kev sis pluag, lub neej zoo tsis xws luag, yam twg los kuj ncav tsis cuag. Neej saub kev tsis seej, lub neej zoo tsis xws luag neej, yaj twg los kuj ncav tsis tsheej.

    Thiaj cuag li tsis paub tab, lam muab ib nploog me txhav txheej thiab ob khob me dej dawb los ua koj ib los tsaug xyuam tsis nyog koj lub txheej tsav tsis nyog koj lub meej los thov koj zam lub txim pub rau peb cov kwv tij txiv tub thiab mog.

    Nyob li hnub qab nram lub ntsis kaj ntug nag kis, koj hwj sawv neeb sawv yaig ho tsis muaj chaw txib chaw khaiv los puj sis tseg mog,

    Yog koj ho muaj chaw txib chaw khaiv es koj ho vam tsis txoj peb cov kwv tij txiv tub los puj sis tseg mog,
    Yog koj ho vam txog los nyaj tus paub tab coj hno xaiv yuav tuaj pab txhawb koj tus nceg rooj xyuam nyog koj lub txhooj,

    Ho tus tsis paub tab coj hno xaiv los nyaj yuav tuaj pab koj zaum puav dai taw nyob mus dai nplooj no laus mog.

    Nyob li ntawm koj txiaj ntsha ces peb yuav nqa, tus txiaj ntsig ces peb yuav ris, ris rawv rau saum lub nraub qaum nyob tsis nrauj los ua ncauj, ncauj li nco nyob tsis tso kom tsis tag tsis kawg mus ib txhiab ib txhis no laus mog.


    ( ces pe xwb )

    132. Tiam tus neeg uas thov pab ua suav txwj suav laus

    Thaum koj rau tau tsum mov lawm ces koj rub tus txiv hu plig los zaum rau sab ped ces koj mam los ce ib khub cawv txawb rau hauv lub phaj nrog rau qhov nyiaj uas koj yuav muab rau tus txiv hu plig tso ua ke rau hauv lub phaj ces koj mam muab cev rau tus txiv hu plig thiab muab ces tes ntawm tus tsiaj ua koj coj los hu plig ntawd coj los cob rau nws tas ces koj ho muab lub phaj noj mov nrog rau ib rab diav cev rau tus txiv hu plig thiab tas ces koj mam los ua nws tsaug li hauv qab no.

    Ua tsaug lau mog!!! Koj ua ______ hnub no ___________ nkawv ob niam txiv tau npaj pwj tsiag los txhij, pwj txhu los txhua, txiv neeb txim muam tuaj txog, los nkawv tsis pom qab muab lub dag coj lub zog.

    Los yog lub zej zog kuj txawm tau dav los leej tib neeg kuj txawm tau nqaim, tus txhib tus khaiv los kuj txawm tsis muaj, thiaj li vam vam koj lub dag coj lub zog tuaj.

    Los vim yog leej tub txawg kuj txawm tau tsawg, leej tub ruag los kuj txawj tsis txaus, nkawv thiaj li vam koj tuaj pab ua suav txwj suav laus.

    Koj kuj tuaj ua suav txwj suav laus, ncig qab nrag dhau hauv nroog tav nkhaus nkoo xws tav noog, ncig qab nroog dhau hauv nras tav nkhaus nkoo xws tav nas.

    Ntuj da koj ncig tag ntuj do koj ncig txog, koj thiaj ncig yeev mus txog rau puag teb chaws nplog, koj li mus pom lawv niam lawv txiv quaj quaj nrhiav nrhiav tshaib tshaib nqhis nqhis

    Koj thiaj coj los txog los tau tub tau nyab tau txij tau nkawm los rau rooj nqaig rooj hno mas zoo siab tshaj plaws.

    Tsim nyog peb tsoom kwv tij txiv tub yuav npaj kom tau ib pas me tshuaj, los yog ib kab yeeb kom tsim nyog tsab los haus qaug, los ua lawm koj ib los tsaug.

    Tiam sis yeeb vim peb los kuj ua lub neej saub kev sis pluag, lub neej zoo tsis xws luag, yam twg los kuj ncav tsis cuag. Neej saub kev tsis seej, lub neej zoo tsis xws luag neej, yaj twg los kuj ncav tsis tsheej.

    Thiaj cuag li tsis paub tab, es lam muab ob pas me dej dawb thiab ib nploog me txhav txheej los ua koj ib los tsaug xyuam tsis nyog koj lub txheej tsav tsis nyog koj lub meej los thov koj zam lub txim pub rau peb cov kwv tij txiv tub thiab mog.

    Nyob li hnub qab nram lub ntsis kaj ntug nag kis, koj ua txiv nqee ntsuj nqee hlauv ho tsis muaj chaw txib chaw khaiv, chaw txib chaw vam los puj sis tseg,

    yog koj ho muaj chaw txib chaw khaiv, chaw txib chaw vam es koj ho vam tsis txoj peb cov kwv tij txiv tub los puj sis tseg,

    yog koj ho vam txog los nyaj peb tus paub tab coj hno xaiv los yuav tuaj pab txhawb koj tus nceg rooj xyuam nyog koj lub txhooj,

    ho tus tsis paub tab coj hno xaiv los nyaj yuav tuaj pab koj zaum ua puav dai taw nyob mus dai nplooj thiab no mog.

    Nyob li ntawm koj txiaj ntsha ces peb yuav nqa, tus txiaj ntsig ces peb yuav ris, ris rawv rau saum lub nraub qaum nyob tsis nrauj los ua ncauj, ncauj li nco nyob tsis tso kom tsis tag tsis kawg mus ib txhiab ib txhis no laus mog.

    ( ces pe xwb )

    133. Tiam tus neeg uas yus thov tuaj hu plig lso yog tus txiv hu plig

    Thaum koj rau tau tsum mov lawm ces koj rub tus txiv hu plig los zaum rau sab ped ces koj mam los ce ib khub cawv txawb rau hauv lub phaj nrog rau qhov nyiaj uas koj yuav muab rau tus txiv hu plig tso ua ke rau hauv lub phaj ces koj mam muab cev rau tus txiv hu plig thiab muab ces tes ntawm tus tsiaj uas koj coj los hu plig ntawd coj los cob rau nws tas ces koj ho muab lub phaj noj mov nrog rau ib rab diav cev rau tus txiv hu plig thiab tas ces koj mam los ua nws tsaug li hauv qab no.

    Ua tsaug lau mog!!! Koj txiv hu plig, nqee ntsuj duab ntsuj hlau, hnub no nkawv
    Npaj pwj tsiag los txhij, pwj txhu los txhua, lub caij los poob lub nyoog los txog, los nkawv kuj tsis pom qab muab lub dag coj lub zog.

    Los vim lub zej zog kuj txawm tau dav leej tib neeg kuj txawm tau nqaim, tus txib tus khaiv los txawm tsis muaj, nkawv thiaj li vam koj lub dag coj lub zog tuaj.
    Los yeeb vim leej tub txawg los kuj txawm tau tsawg, leej tub ruag los kuj txawm nyob tsiv yig, nkawv thiaj vam koj tuaj pab ua tus txiv hu plig.

    Hnub no koj kuj tuaj muab niag pwj tsiag, pwj txhu, pwj qaib, pwj qe plis plho ua paj tshiab txiv hli siav lis lug tuaj tim toj, koj nqe lis lug lub mus suab ntoj, me ntsuj duab, ntsuj hlau sawv tsees los ua npoj, los zaum li nroov rau lub mus rooj noj, cuab hnub tsis seev rau nraum tsuag, yim hmo tsis seev rau nraum toj.

    Hnub no koj kuj tuaj muab niag pwj tsiag, pwj txhu, pwj qaib, pwj qe plis plho ua paj tshiab txiv hli siav lis lug tuaj tim tsua koj nqe lis lug lub mus suab nqua, me ntsuj duab, ntsuj hlau sawv tsees los txhij los txhua, los zaum li nroov rau lub mus rooj ntxuag, cuab hnub tsis seev rau nraum roj, yim hmo tsis seev rau nraum tsuag
    .
    Tsim nyog peb tsoom kwv tij txiv tub yuav npaj kom tau ib rawg me ntxuag, los yog ib kab me yeeb los yog ib pas tshuaj, tsim nyog tsab los haus qaug, los ua lawm koj ib los tsaug.

    Tiam sis yeeb vim peb los kuj ua lub neej saub kev sis pluag, lub neej zoo tsis xws luag, yam twg los kuj npaj tsis txhij tsis txhua. Ua lub neej saub kev tsis seej, lub neej zoo tsis xws luag neej, yaj twg los kuj npaj tsis yeej.

    Thiaj cuag li tsis paub tab, es lam muab ib pas me dej dawb thiab ib tug me ntses nrog rau ib nploog me txhav txheej los ua koj ib los tsaug, xyuam tsis nyog koj lub meej, tsav tsis nyog koj lub mus koob meej los thov koj zam lub txim pub rau peb cov kwv tij txiv tub thiab mog.

    Nyob li hnub qab nram lub ntsis kaj ntug nag kis, koj ua txiv nqee ntsuj nqee hlauv ho tsis muaj chaw txib chaw khaiv, chaw txib chaw vam los puj sis tseg,

    Yog koj ho muaj chaw txib chaw khaiv, chaw txib chaw vam es koj ho vam tsis txog peb cov kwv tij txiv tub los puj sis tseg,

    Yog koj ho vam txog los peb yuav tsis tso koj pov tseg, nyob li ntawm tus paub tab coj hno xaiv ces yuav tuaj pab txhawb koj tus nceg rooj xyuam nyog koj lub txhooj,

    Ho nyob li tus tsis paub tab coj hno xaiv los yeej yuav tuaj pab koj zaum ua puav dai taw nyob mus dai nplooj thiab no mog.

    Nyob li ntawm koj tus txiaj ntsha ces peb yuav nqa, txiaj ntsig ces peb yuav ris, ris rawv rau saum lub nraub qaum, nyob tsis nrauj los ua ncauj, ncauj li nco nyob tsis tso kom tsis tag tsis kawg mus ib txhiab ib txhis no laus mog.
    ( ces pe xwb )
    MayPaj
    MayPaj
    Spammer
    Spammer


    Messages : 488
    Date d'inscription : 2010-02-25

    kawm txog txoj kev ua yus ua luag tsaug txhua fab Empty Re: kawm txog txoj kev ua yus ua luag tsaug txhua fab

    Post  MayPaj 31st May 2011, 8:09 am

    WOW!!!! cas zoo ua luaj li os!!!......ib txwm hauv kuv lub neej, kuv yeej xav kom muaj ib tug neeg qhia tej lus ua tsaug rau txhua fab rau peb txheej hluas nim nod kawm, cas zaum no kuv mam li ntsib....wow! zoo tiag tiag li lau, Hmoob ntuj tshiab koj mas thiaj tseem tseem muaj txuj ci muaj ci yam zoo siab hlo coj tuaj sau nthuav tseg rau thaj chaw ntawm nod tiag tiag li lauj, kuv yuav mus qhia kuv tus nus tuaj kawm ua tsaug rau txhua fab hauv nod...ua tsaug ntau os. J:
    NkaujNag
    NkaujNag
    Member
    Member


    Messages : 80
    Date d'inscription : 2010-03-11

    kawm txog txoj kev ua yus ua luag tsaug txhua fab Empty Re: kawm txog txoj kev ua yus ua luag tsaug txhua fab

    Post  NkaujNag 31st May 2011, 9:31 am

    Hmong ntuj tshiab wrote:

    Nyob zoo os Hmong ntuj tshiab ,KZKZ thiab maivpaj

    Tau ntev kuv tsis tau tuaj lawm ua li nej sawv daws kuj noj qab nyob zoo los , zoo siab hnub no kuv khoom es hos tau tuaj ntsib nej os , hnub no zoo hnub kawg li os nej sawv daws kuj tuaj hauv no thiab , kuv nco neb kawg li os KZKZ thiab maivpaj ntev heev li ua li puas nyob zoo os lod ?
    Hmong ntuj tshiab , koj mas tshaj lij kawg li os hmoob Kuv zoo siab hais tias
    nyob rau hauv peb Hmoob tshav ntuj
    muaj zoo ib tug neeg txawj thiab muaj txuj
    li koj los pab peb tsim peb lub tsev kom nplua nuj
    muaj zoo ib tug neeg muaj txuj ci li koj
    Tuaj nrog peb tsim vaj tse kom tsim nqi
    Hmoob ntuj tshiab tus siab zoo tuaj koom
    kom peb tsev Hmoob tshav ntuj kom nto moo
    zoo siab ua muaj zoo ib tug siab loj li koj
    Tuaj pab peb lub tsev kom muaj loj ntxiv
    Peb yuav nco tsoov ua txiaj ua ntsim
    khaws tseg cia mus nws yuav yob ib txhis
    Tuaj lawm tsis txhob cia li ploj twj ywm nawb mog
    Vim peb Tsev Hmoob tshav ntuj yuav tos tos thiab nco nco
    Nawb mog Hmong ntuj tshiab tus muaj txuj ci tuaj thuav haum peb sawv daws siab , Ua tsaug os Zoo siab uas peb muaj coob peb thiaj yuav vam meej os .


    NkaujNag .



    Sponsored content


    kawm txog txoj kev ua yus ua luag tsaug txhua fab Empty Re: kawm txog txoj kev ua yus ua luag tsaug txhua fab

    Post  Sponsored content


      Current date/time is 28th March 2024, 12:37 pm