HMOOB TSAV NTUJ

Would you like to react to this message? Create an account in a few clicks or log in to continue.

google-site-verification: googlefbfddf59e706b96b.html

Latest topics

» Ib tsoom Phoojywg Nej Nyob Licas lawm
by Liajntsuab 7th October 2019, 9:45 am

» NCIG XYUAS HMOOB NYAB LAJ TEB TSEEM UA LUB NEEJ NYOB TOJ SIAB
by Tub kev deb 3rd October 2019, 7:19 am

» Tshuaj Ntsuab
by PIJPAUJ 27th November 2018, 11:17 am

» NYOB ZOO OS
by cwjmemdub 10th October 2018, 9:37 pm

» TUS KAB MOB CANCER TXOV HMOOB LOS TAU ZE 600 TAWM XYOO & TSEEM YUAV MUAJ NTXIV
by Liajntsuab 13th April 2018, 11:57 am

» ***UA NEEB***
by shung 8th March 2018, 5:49 pm

» Neeb Saub ua rau neeg vwm
by shung 4th February 2018, 2:58 pm

» Xiong Chang
by koobpovtxuj 10th December 2017, 11:00 am

» Koobpovtxuj.
by koobpovtxuj 19th November 2017, 1:34 am

» kuv cov duab.
by koobpovtxuj 18th November 2017, 11:30 am

» KHAWV KOOB
by koobpovtxuj 30th September 2017, 4:29 pm

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

Tsev seev PajHuam

Hmoob Ntuj Tshiab lub tsev PAJ HUAM & kab lis kev  cai Hmoob - Page 2 Nraug_11

Hmong beauty nature

Hmoob Ntuj Tshiab lub tsev PAJ HUAM & kab lis kev  cai Hmoob - Page 2 Dsc08613

Compteur visitor

hnub 18/09/2010 los mus

+8
xiongchang
Nco.ntsoov txog
hmoobleejtub
NkaujNag
Admin
MayPaj
koojziagkabzaug
Hmong ntuj tshiab
12 posters

    Hmoob Ntuj Tshiab lub tsev PAJ HUAM & kab lis kev cai Hmoob

    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Hmoob Ntuj Tshiab lub tsev PAJ HUAM & kab lis kev  cai Hmoob - Page 2 Empty Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  koojziagkabzaug 31st May 2011, 6:08 am



    Nyob zoo Hmoob Ntuj Tshiab,

    Hauv nov yog Tsev Khaws Txuj ces yog nws muaj yam dab tsi zoo khaws tseg los zoo siab txais tos tag nrho nawb mog.

    Ib yam li me nyuam yaus tej kev ua si: Rau qe plhov, pos tsiv pom raim, los yog lwm yam tej ntawd, kuv tseem xav kom peb tso tag nhro ua ntej yuav ploj mus.

    Yog nws muaj duab qub kuv yeej xav kom nws tso tib si, nrog rau nws ib daim. Vim kuv yuav tso nws npe thiab nws duab rau nws cov txuj kom muaj tsw thiab li zoo rau peb kev Khaws Txuj.

    Zoo siab thiab ua tsaug rau nws ib zaug ntxiv.
    NkaujNag
    NkaujNag
    Member
    Member


    Messages : 80
    Date d'inscription : 2010-03-11

    Hmoob Ntuj Tshiab lub tsev PAJ HUAM & kab lis kev  cai Hmoob - Page 2 Empty Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  NkaujNag 31st May 2011, 8:40 am

    Hmong ntuj tshiab wrote:

    Nyob zoo os " Hmong Ntuj Tshiab "

    Zoo siab tau tuaj ntsib koj os , Ua tsaug nawb ua koj txawj sau paj huam zoo heev li , Thaum tau tuaj nyeem tag kuj zoo siab thiab paub ntau yam tuaj , Muaj caij no kav tsij tuaj sau kom ntau ntau es peb thiaj tau nyeem thiab ho tau kawm thiab os ,

    Kev txuj ci ces yog tsis sau cia ces yuav tsis nco
    txhob khaws cia rau nruab nrog thiab tsis ua kab mob
    kev pajhuam yog tsis thuav ces yuav tsis muaj
    txhob khaws cia rau nruab siab muab nthuav tuaj qhia
    yog cia ntev mus tsam ho mob ua ntxhia
    tuaj piav rau peb tau kawm kom sawv daws thiaj txawj

    Zoo siab tau paub koj os " Hmong Ntuj tshiab " Tus txawj sau paj huam .


    NkaujNag .
    Hmong ntuj tshiab
    Hmong ntuj tshiab
    Sponsor
    Sponsor


    Messages : 537
    Date d'inscription : 2011-05-25

    Hmoob Ntuj Tshiab lub tsev PAJ HUAM & kab lis kev  cai Hmoob - Page 2 Empty Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Hmong ntuj tshiab 31st May 2011, 4:20 pm

    ua tsaug ntau ntau ntau rau nej txoj kev qhuas kuv os
    yog li ces kuv mam sau kom ntau li ntau xa tuaj tso rau hauv nov rau nej nyeem ces yeej kho tau tej niag kab mog hluas ntawd pov tseg lawm mas lov.

    zoo siab ntau rau nej txoj kev qhuas kuv nawb
    Hmong ntuj tshiab
    Hmong ntuj tshiab
    Sponsor
    Sponsor


    Messages : 537
    Date d'inscription : 2011-05-25

    Hmoob Ntuj Tshiab lub tsev PAJ HUAM & kab lis kev  cai Hmoob - Page 2 Empty Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Hmong ntuj tshiab 31st May 2011, 5:00 pm

    Hmoob nt wrote:

    Hmoob Ntuj Tshiab lub tsev PAJ HUAM & kab lis kev  cai Hmoob - Page 2 20100410



    Hmoob lub kua muag ntshav

    Ntawm no mus…………………......…yog lus paj huam
    Yuav hais tshuam…………...Hmoob poj txwv yawm
    Nws xeeb txawm……………...nyob moos nkaus lias
    Muam nkauj nplias……………….thiab tsab yim huj
    Teev tswv ntuj…………………...……los ua thawj coj
    Haiv Hmoob loj………………....…muaj koob nto npe
    Nyob ua kev………………………......ib haiv sib hlub
    Tsis sib ntxub………………...koom nyob ywj pheej
    Kev ua neej ……………………...tsis nco qab txhawj
    Hmoob tsis thawj………….……….….leej twg hlo li
    Muaj txuj ci……………………....….ua neej huaj vam
    Suav kooj sam……………...….dag Hmoob cais xeem
    Hmoob txawm yeem………….…...…li suav tau hais
    Ntes Hmoob hlais…………..…….thiab ua rog raws
    Hmoob teb chaws…………..……thiaj nrog poob tag
    Raug suab dag………………...cov ruam ntxeev siab
    Coj ntau txhiab…………………...rov taw tuam ntuj
    Qhia Hmoob txuj………………...… rau suav lwj lam
    Suav liab mam………..……...txo Hmoob txiv yawg
    Hmoob thiaj tawg…………...….……mus ua ntau pab
    Khiav ua sab……………….…....…thiab nyob ua sua
    Ntau pab lua…………………....….rau suav kooj sam
    Hmoob thiaj plam……….……teb chaws tuam tshoj
    Ho khiav zoj…………………...…..los dhau ciam teb
    Thiaj muab ntxheb……..……ntos Hmoob lub keeb
    Nyob moos theeb……………..….teb chaws cob tsib
    Hmoob rov pib…………….….....….sawv ua rog vwm
    Tuav keeb kwm……………….....raws Hmoob txuj ci
    Es thiaj li………………………....…..yog vwj paj cai
    Sawv tsis ntshai…………..…………los ua thawj coj
    Kev nyob noj………………...….thaj yeeb nyab xeeb
    Hmoob tua txeeb……………...….kev muaj vaj huam
    Fab kis yuam ……………………....…thiab sau se loj
    Teev niam toj………………….....raws fab kis tawm
    Muaj tswv cawm…………….....los muab hais xaus
    Txawm pib nkaus………………..…...ua rog cob tsib
    Nyab laj pib……………………...…..ua rog loj nteev
    Nyob nram xeev…………….….txhua txhia lub yeej
    Viej koom keej……………...…….ua rog kawg nkaus
    Nkagtuaj ntaus………………...….….tub rog mes kas
    Nyob lub nras………………..…nroog tiaj rhawv zeb
    Ua rau peb……………………….......…tsis zoo ua noj
    Hmoob tus coj…………………....…yog hlob vaj pov
    Mes kas thov……………….......kom Hmoob mus pab
    Ua laj kab……………………....thaiv lawv haiv neeg
    Hmoob thiaj ntseeg………………...mes kas lus cog
    Peb sau zog………………………......ua luag tub txib
    Nyab laj pib……………………...….ua rog tuaj ntaus
    Keeb hauv paus…………………....……..ces yog li no
    Pib swb hlo……………………. ...lub yeej pham thiv
    Hmoob thiaj tsiv……………..….los rau looj ceeb
    Nyab laj txeeb…………………...ntaus nce tuaj mus
    Swb zuj zus………………….....tas lawm tsheej tog
    Ob phav nplog…………………..thiaj los sau ntawv
    Cog lus tawv…………………......muaj kaum yim nqe
    Sau ua ke………………………….....tsis txhob sib tua
    Los sib sua…………………....…koom nyob ywj pheej
    Kom txhua leej…......tsis muaj txim txhaum
    Dag hais haum………………..nplog liab pib nrhiav
    Ntes mus txiav…………………...…tsis pub neeg pom
    Hmoob cov nom……………....…ploj lawm coob leej
    Kev paub meej……………....……yog phas nyas npis
    Nplog sab xis………………….....……….46 txhiab tus
    Raug coj mus…………………....….tua rau moos xais
    Nrog huab tais………………..lawv tsev neeg kheej
    Cov txiv neej…………………....tsis hais leej twg
    Yeej ntshai rwg………………....ib tsam raug ntes
    Muaj npe ces……………….....yeej raug txhom tag
    Yeej tsis dag…………………….muaj tseeb tiag tiag
    Thiaj sau kiag……………………..tseg ua puav pheej
    Hmoob lub neej…………......……yav tas los lawm
    Rau nej kawm …….......thiab tseg ua tshuaj
    Cov tsis tuaj……………….tham ntshai kawg nkaus
    Loj me laus………………........piav hais tib yam
    lawv tuaj tham…………......….qhia cov ua ntej
    peb Hmoob nej…………….....raug luag muab txov
    hlob vaj pov………………....…thiaj li khiav ntab
    dhau thaib sab…………......……mus rau nom nrim
    nplog liab tsim………….....……cov nyob tom qab
    Rog cob fab……………….........li pib sawv chiv
    Teev niam txiv……………......cob fab tswv ntuj
    Yog yam txuj……………….......tsis tau hnov dua
    Hmoob sawv tua……………...nyob roob phuv npiab
    Xyoo ib txhiab…………….cuaj puas xya caum rau
    Hmoob sib sau……………....…yeej coob heev diam
    Muaj poj niam…………..…….nrog nraim txhua pab
    Npe cob fab ……………….....……yog nplog tis rau
    Peb Hmoob tau……………..........ib lub npe zoo
    Muaj txoj Hmoo…………….......ua neej huaj vam
    Leej twg tham…………….......…txog npe cob fab
    Ntuj tseem pab…………....…….tsis pub kom ploj
    Pab thawj coj……………….....nyaj nej yuav hnov
    Lub npe nrov……………….....……rau yav nram ntej
    Qhia rau nej………………...…….tias yaj xaiv suav
    Sawv los tuav……………....……..pawg pav tiv kas
    Kaus mas das……………….....…cim zoov zuag hawj
    Ua tuam thawj………………....….tuav pawg cob fab
    Nkawv ob pab………………........sib koom ua luag
    Sawv los puag …………...……..peb haiv me Hmoob
    Nkaum toj roob…………...…….hauv pes txhua tag
    Nyob tiv nag……………….........sawv nrog lo av
    Zaum tiv tshav…………….nyiaj tshaib yoo nqhis
    Sawv tswj lis……………….....…hauj lwm tauj tab
    Muaj ib pab ……………….......yog cov pub thawj
    Niam na kawv……………….....los teev koom txoos
    Lawv kuj khoos………….....…..tua nyob nas tub
    Yog kha xub………………........ua tus tuam thawj
    Cov pub thawj………………........coj fab tub rog
    Yuav piav txog………………......cov khej kaum ob
    Phu koos qhob………………...yog xyooj ntsuab pov
    Coj ib cov…………………….......pawg tub rog coob
    Nkaum toj roob…………......……rau sab phu npas
    Kaus mas das…………………....yawg vaj nchaiv hwj
    Sawv los tswj …………….……..sab puag thab xuab
    Pab Hmoob ntsuab…………...…….yog vaj tsav kab
    Coj ntau pab……………………....nyob rau tsua tawg
    Muaj ib pawg……………….......sawv sab qaum teb
    Li muab ntxheb……………....……rau nej nrog hnov
    Muas txawj pov……………….....…ua pawg khov kho
    Nyob tsua tho…………………..…hav pas dej ntshiab
    Coj ib txhiab…………………..……..tus tub rog leem
    Hav naj theem………………....…..yog vaj tswv kim
    Sawv los cim………………….....….lub me npe Hmoob
    Nrov mus thoob…………….…..toj roob phuv npiab
    Pab naj hiab…………………....…..yog vam kaim vwj
    Sawv los tswj……………....……sab puag moos mauj
    Sib cog lauj…………………....….cov qub riam phom
    Sawv kwv nyom……………...….raws nplog liab tua
    Nyob roob qhua……………....…..zos phu pham cob
    Hos cov nyob………………..……teb chaws moos pheeb
    Thoj tooj neeb………….. ntawm pawg Hmoob thoj
    Sawv los coj………………......tua nyob tiaj qhib
    Pab ham ib…………………........…nrog cov naj gwj
    Pawg tsua qwj……………..…….yog yawg lauj thoob
    Ntau pab Hmoob……………....…nyob roob phuv xam
    Lawv kuj tham……………….......nrog cov naj los
    Mus nrog tos………………....…cov kieb xais qhais
    Sib cog pais…………….....…….koom siab zov kev
    Pab phuv xev……………....……..yog yawg koos ham
    Coj thab ham……………….....…tua lav nees nkaum
    Lawv kuj caum……………….......nyab laj nas xus
    Hmoob tau mus………………......tua choj kev loom
    Lawv sib koom………………....….siab ua kawg kiag
    Pab roob yiag……………....…yog koo txawj nchai
    Sawv tsis ntshai………..………nrog yawg yaj neeb
    Nkawv tua txeeb…………….....sab roob pham guj
    Teev tswv ntuj……………..….los nrog thaiv ntag
    Roob xyoob dag……………....….nrog cov phuv hej
    Hmoob tuav nplej…………...……ua mov phaj tshab
    Coj ntau pab………………....…tua qhov txhia chaw
    Kab lwj hlaw……………….....…yog nyab laj khiav
    Hmoob tau txiav………….…….ntau txoj kev tsheb
    Nyob tsis deb………………….…….ntawm sab hoib qha
    Qhaib nab qa………………….....kuj raug Hmoob tua
    Nram liaj qhua…………….…….Hmoob kuj txeeb tau
    Pham au lau………………………....Hmoob kuj tau nyob
    Qab tsuas xob…………………..….yog xaiv suav pawg
    Nyab laj tawg………………...khiav txog looj ceeb
    Hmoob kuj txeeb……………....…tau nroog moos oo
    Ntau lub xyoo………………........…coj poj tub se
    Ua nyob ke …………………........tiv tua tsov rog
    Yuav piav txog………………....sab zos dej tshuam
    Yaj txoov tuam……………......ua tuam thawj coj
    Kev nyob noj……………........….ti sab phuv laj
    Zov nyab laj……………....…txog pham thab khoob
    Xyooj vam soob………….......nyob sab thas xes
    Sawv los nres……………......…roob hav xam leej
    Thiaj qhia meej…………....…rau nej paub tseeb
    Yawg xyooj xeeb…………......nres sab nab loom
    Nws kuj koom …………….......sab puag moos oom
    Peb kuj pom……………….....yawg lauj paj npliam
    Thau phom riam………….....……phom peb cuv tsib
    Sawv los qhib…………...……..tua cov nplog liab
    Yawg qha kieb………………....thiab yawg npus cas
    Plhu puas tas………………....khiav tsis saib qab
    Rau moos cab…………………....lawm tiag cov npawg
    Lawv cov yawg…………….....….sawv los nrog coj
    Kev nyob noj………………......….rau ntuj qub qab
    Kuj tshaib plab……………….thiab txom nyem heev
    Rho nyiaj keev……………..……..yuav mos txwv tiv
    Nrhiav kev tsiv………………thiaj tshwm sab thaib
    Li tuaj laib …………………....……rau teb chaws no
    Tshuav ib co……………………..tseem nyob xub tsuag
    Cov seem tuag…………………...…..thiaj li yog peb
    Li muab ntxheb………………...…..rau nej paub zoo
    Noj caus ntoo……………………ntxuag me nplooj hmab
    Ntuj qub qab…………………….kuj tseem tshuav coob
    Nyob toj roob ………………….…tseem kwv riam phom
    Nplog liab txhom……………….thiab raws lawv tua
    Lus moo cua……………………..…peb tseem hnov thiab
    Mob lub siab…………………..…npaum kua txob ntsim
    Txoj kev chim……………….…….tsis muaj caij xaus
    Hmoob tej laus………………..…….thov pab tswv yim
    Kom lawv dim……………………..…thiab coj lawv tuaj
    Txoj kev quaj……………………..…thaj yuav tsis pom
    Thov cov nom…………………….....nrog peb mus hais
    Vim nplog cais……………………thiab tsis hlub lawv
    Peb sau ntawv………………...…….mus rau koom haiv
    Kom lawv xaiv………………..…….kev rau Hmoob taug
    Thiab tsis raug………………..nplog muab lawv tua
    Li tej npua…………………………....thiab tej me qaib
    Cawm puas laib…………………....cov nyob hav zoov
    Noj mov soov…………………..…ntxuag mov qos ncoom
    Thov sib koom ………………...….siab mus nrog tos
    Cov nyob los……………………...lawv txom nyem kawg
    Nej cov yawg…………………....….lus siab puas ras
    Peb xav mas…………………...…..lawv tuav lub koob
    Ntawm peb Hmoob…………...…..lub neej pem suab
    Thov peb muab……………….....….lawv ua keeb kwm
    Nrhiav kev tshwm……………....……cev tes mus pab
    Cov hav fab…………………...... raws peb kom laib
    Txoj kev tshaib…………..thiaj yuav tsis ntsib
    Li paub pib………………….......lub neej tom ntej
    Hos lawv tej…………….…txiaj ntsha txiaj ntsim
    Peb muab cim…………………....sau rau nruab ntaub
    Qhia Hmoob paub…………...………rau cov xeeb leej
    Sau hais meej…………………..…qhia cov xeeb ntxwv
    Txhob muab lwv………………...….cia ua puav pheej
    Hmoob lub neej…………….……….nyob rau xov tshoj
    Txoj kev ploj………………………Hmoob tuag lawm coob
    Puv toj roob………………....……..thiab cov kwv ha
    Lub koob ncha…………………..…mus thoob ntiaj teb
    Luag paub peb…………………….ces neej Hmoob tshwm
    Hmoob keeb kwm……………….……yuav nrog tshwm los
    Kuv lus ntos………………………....…..mas muaj li no
    Thov nej nco………………….....……cov ntuj qub qab
    Nyob hav fab…………………….....…ua npua teb dais
    Thov pab txais…………………..thiab hlub lawv mog
    Txawm nyob nplog…………...…….los kuj tib yam
    Vim lawv plam……………….....….poob rau tom qab
    Los thaib sab………………..…..nyob rau qhov tsua
    Rau thaib tua……………………thiab mag thaib ncaws
    Thaib muab raws……………….….tuaj vaj tsev nqha
    Hmoob tej ntxa……………………kuj raug thiab khawb
    Zos dej dawb………………....…los raug thiab tsim
    Tsis muaj txim………………....kuj lam raug nkuaj
    Thaib tseem tuaj……………….ncaws tawm vaj tsev
    Nyob ntug kev…………………...….mov noj tsis muaj
    Niaj hnub quaj……………….……los kua muag ntshav
    Ib qho av……………………….......tsis muaj ua tsev
    Rub siab ntev…………………...….npaum li naj khab
    Noj nplooj hmab………………nplooj ntoos yug siav
    Thiaj muab piav………………..….tej kev txom nyem
    Raug thaib lem………………….thiab raug nplog tua
    Li tej npua…………………...thiab tej nyuag tsiaj
    Muab cuab phiaj………....………sim hmuv sim phom
    Yog nej pom………………….....…puas pab nrog hlub
    Raug thiab dub ……….…………muab yuam rov nplog
    Ntau tus pog…………………..……thiab ntau tus txiv
    Raug nplog siv……………....……muab coj xauv tes
    Quaj nrov les…………………..nyob tsev tsaus ntuj
    Txawm muaj txuj…………………...los yeej tsis dim
    Nyob pw txim…………………………ploj ntsiag tag tiam
    Tshuav cov niam………………….….thiab cov uas yau
    Ces nyo hau………………………...rau nplog lawm tiag
    Thiaj sau kiag………………….…..…tseg ua paj huam
    Qhia cov ruam…………………….....…kom paub ib yam
    Thov muab tham…………………….khaws tau kom tseeb
    Kev khib xeeb………………….…….mob Hmoob lub siab
    Mus ib txhiab……………………….tsis muaj hnub ploj
    Tsis txhob ntoj…………...………….txoj kev no mog
    Yog ua rog……………………....….tsis muaj luag pab
    Xws cob fab…………………......……ces kawg kev tws
    Txawm yuav yws………………..ntiaj teb tsis txawb
    Yog mab dawb…………………..……luag yeej tsis khes
    Yam cov ntses…………………..…..nyob rau luag pas
    Maj mam nyas……………………........noj ib tug zus
    Ntev xyoo mus……………....……..ces kawg tu noob
    Peb cov Hmoob…………………….....nej puas to taub
    Txawm paj kaub………………..….twb raug luag ntov
    Hais txog cov………………….…….muaj txoj sia nyob
    Xws yawg hlob………………………....nai phoo vaj pov
    Raug luag txov………………….....……zoo tib yam li
    Luag sib ntxhi……………………soj ntsuam Hmoob qab
    Yog twg thab……………………....…ces kawg raug txo
    Zoo li no………………………….........nej xav li cas
    Kuv xav mas………………....……tu siab tshaj plaws
    Nej sawv daws…………………puas pom thiab os./.
    ( xaus li no )



    Text copyright © by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att: Hmoob ntuj tshiab- kev sau txuj ci,
    1167 Thorndale St Green Bay, WI 54304


    Hmoob Ntuj Tshiab lub tsev PAJ HUAM & kab lis kev  cai Hmoob - Page 2 Img_2610


    Last edited by Admin on 7th June 2011, 6:04 am; edited 2 times in total (Reason for editing : mjuab kho me ntsis lawm os nawb)
    Hmong ntuj tshiab
    Hmong ntuj tshiab
    Sponsor
    Sponsor


    Messages : 537
    Date d'inscription : 2011-05-25

    Hmoob Ntuj Tshiab lub tsev PAJ HUAM & kab lis kev  cai Hmoob - Page 2 Empty Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Hmong ntuj tshiab 1st June 2011, 9:05 pm

    Hmong ntuj tshiab wrote:
    ~~~~VALENTINE NCO TXOG KOJ~~~~

    Hmoob Ntuj Tshiab lub tsev PAJ HUAM & kab lis kev  cai Hmoob - Page 2 4mtph82j


    Hnub ntawm no…….………..yog valentine
    Kuv yuas hais…….………txog kev nco koj
    Mov tsis noj……….…….los tsis nco tshaib
    Nco me naib……….………zoo nkauj li koj
    Thaum tuaj ntoj………...nrog tham tag hmo
    Kuv tseem nco…….……….tus me hav nim
    Muaj qee chim…….……pom koj zem zuag
    Rub los puag…….……..nws yog npau suav
    Kuv thiaj yuav……….……….paj valentine
    Thov koj txais…………….tias kuv hlub koj
    nyob tsis ploj ….……….hauv kuv lub siab
    yam mos liab….………...nco me leej niam
    fab lwm tiam….………..tseem yog koj tus
    yuav tsis mus…..……nrhiav dua tus tshiab
    muab nplooj siab….….…npuab koj ib leeg
    yuav tsis tseeg…….………leej twg li nawb
    me ntxim tawb…………hais lus luag ntxhi
    siab quaj dhi……………xav nrog koj nyob
    siab tsis txob……………yuav nco leej twg
    tej phooj ywg…………..tsis xav nrog tham
    muaj qee tsam………..saib duab luag ntxhi
    zoo xws li………………twb nyob nrog koj
    siab xav zoj……………...xyov yuav ua cas
    thiaj tau tas…………….koj me nplooj siab
    Coj los xiab………………kuv txoj kev nco
    Kom dhau hmo…………….li pw tsaug zog
    thiaj tsim nyog……………tshua koj luaj no
    tus kuv nco……………...nyob ncua kev deb
    li muab ntxheb…………hais qhia qhov tseeb
    puas fav feeb……….……thiab nco txog kuv
    tej chaw thuv………….…tuaj nrog koj nyob
    ntshe twb nphob…...…..…...ciaj hav nroj tag
    yam kob nag……….……….los ib vuag txog
    tej lus cog…………..…puas yuav muaj tseeb
    lus meej xeeb…….……………tsis taus dag li
    thiaj muab ntxhi….………..hais rau koj hnov
    li xa xov……………..………..nrog valentine
    thiaj muab hais……..……..txog wb kev hlub
    txiv leej tub…………...tseem niaj hnub tshua
    yuav tsis ncua………..……lub sij hawm ntev
    yuav nrhiav kev………….….rov los ntsib koj
    tsis los nkoj……..………….kuv qhia koj ncaj
    kuv mam npaj……….……daim pib dav hlau
    los kom tau……………….…saib koj ib zaug
    kev nkauj nraug…….……nyob ncua kev dav
    kuv muab xav………..…mas nyuaj siab tshaj
    thiaj qhia ncaj ….….………..kom koj to taub
    txoj kev haub………………yeej tsis yooj yim
    muaj qee chim……...………..xav ua fem feeb
    siab fav xeeb………….…cuag neeg vwm tiag
    qhov tseeb tiag….………….vim yog mob siab
    qhov tseem ntsiab…..……..nyob deb koj heev
    lub ncauj seev…….………ua kua muag poob
    me nkauj hmoob…….……koj puas nrog paub
    kev sib haub……….…….mas nco dhuj dheev
    thiaj muab seev…….……..nrog huab cua tuaj
    lub suab quaj………………mas seev yuj yees
    txoj kev plees………………..yav tas dhau los
    thiaj muab ntos……………hais qhia koj hnov
    lus xa xov…………….……..yeej nco koj tiag
    los ib pliag………...…..…twb yuav rov ncaim
    siab xav nraim…………..…nco txog koj xwb
    hmoob nkauj xwb……..……..tus me zoo neeg
    thov ho ntseeg……..…..……kuv thiab os mog
    ho xav txog…………………...tus uas koj hlub
    nws niaj hnub…………………nco koj cov lus
    thaum uas mus…………………ua si taug kev
    ncaim los ntev………….tseem nco ntsoov cia
    zais tsis qhia…….…...……..rau leej twg paub
    niaj hnub saub……...….…txog me nkauj xwb
    koj lub hlwb……….....……..yog nco ib yam
    thov txhob tham…..……….mus qhia leej twg
    me phooj ywg ……..….....yog koj xwb tiag ./.
    ( xaus li no )


    Text copyright © by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att: Hmoob ntuj tshiab- kev sau txuj ci,
    1167 Thorndale St Green Bay, WI 54304


    Hmoob Ntuj Tshiab lub tsev PAJ HUAM & kab lis kev  cai Hmoob - Page 2 1295425779_120x90_sweet-valentine-s-day-rose
    Hmong ntuj tshiab
    Hmong ntuj tshiab
    Sponsor
    Sponsor


    Messages : 537
    Date d'inscription : 2011-05-25

    Hmoob Ntuj Tshiab lub tsev PAJ HUAM & kab lis kev  cai Hmoob - Page 2 Empty Paj huam ncaim nkauj Hmoob vib nais

    Post  Hmong ntuj tshiab 1st June 2011, 9:07 pm



    Hmoob Ntuj Tshiab lub tsev PAJ HUAM & kab lis kev  cai Hmoob - Page 2 Post-348-1246658521_thumb

    Ncaim nkauj hmoob vib nais

    Ab ntuj yuas……,………….nkauj Hmoob vib nais
    ncaim koj pais………...……mus lawm loo tiag
    thiaj tso kiag………………koj nyob tom qab
    kuv khiav ntab…………….hla hiav txwv ntuj

    dav hlau yuj……………….nrog huab cua tuaj
    lub siab quaj……………….nco koj kawg kiag
    ya ploj pliag…………….....dua ib ntxeev ntuj
    lub siab yuj…………………nco koj tshaj plaws

    dav hlau tsaws………………..tsuas pom mab dawb
    lawv sib tawb………………thiab lawv sib hnia
    cuag rho ntxhia………….sib ntxais plij ploj
    siab xav zoj……………….cas txawv ua luaj

    zaum no tuaj……………….poob rau nyav teb
    nyob ntuj deb……………tag npaum li no
    cas yuav nco…………………koj tshaj txhua yam
    thiaj muab tham……………txoj me kev tshua

    ncaim dua ncua…………….tsis hnov koj moo
    ncaim ntau xyoo…………….ntshe koj hnov qab
    ua luag nyab……,……….muaj tub muaj ki
    luag ntxhawv ntxhi..……koj tej nqaws tiab

    tsis kho siab………..………li kuv lawm paub
    yim caum plaub……….…..los txog tav nov
    yeej tsis hnov……….……..koj ib tsab moo
    puas nyob zoo.………...……lawm os tus hlub

    tej lus qhub……………....yav tas dhau los
    niaj hnub tos………………….seb puas muaj ntsib
    ho tau pib…………………tham kev sib nco
    tsheej tag hmo……..…………ntshe tham tsis dhuav

    kev npau suav……………...…..los tham tsis tag
    lus tso dag……………...……….los yeej ib yam
    txoj kev tham…..………....yeej tsis pov khawv
    ntuj yuas lawv…………..….…..tus me kuv hlub

    txiv leej tub………………...yeej nco koj ntsoov
    tsis tau hloov……………………..lub me siab li
    quaj dhawv dhi…….………….txog koj xwb tiag
    ib me pliag………….…..…...kuv ncaim mus deb

    ib rooj teb……………………..rau ib ntxeev ntuj
    lub siab yuj………………..……vim yog nco koj
    mov tsis noj…………….…..los tsis nco tshaib
    seev me naib…....………..neeg zoo nkauj xwb

    koj kuv wb…….…………….….puas xav ib yam
    ho tsis tham………..…………..xa xov nug moo
    kev nyob zoo…………………..……li yav tas los
    qub zej zos…………………….nyob pem toj siab

    huab zig naib………….…….lwg nrog zom zaws
    kev sib raws…………………..hais lus luag ntxhi
    zoo xws li……………….….me kab npauj npaim
    ya nrog nraim………………….ua tsheej kab mus

    tej me lus………..…………wb tham kheev kawv
    tej lus ntos………..…......tham kev sib hlub
    cov lus qhub……….……….…...tham kev dai siab
    lub xyoo tshiab………………..pov pob zom zaws

    kev sib raws…………..……..…nyob pem toj siab
    kab noog diab……………………sib tw ntxais paj
    roob xyuam yaj……….……….….wb chaw sib tos
    qub zej zos……………….….ntshe ciaj hav ntxhov

    yog kuv rov……...….……..puas yuav ntsib koj
    hos wb txoj…………………….….me kev sib hlub
    tham tag hnub………..………...thiab nyob tag hmo
    yeej tseem nco……….……...……..tej lus koj qhub

    yav thaum ub……...…...……..nyob ntawm nej tsev
    kuv dua kev………..……...……koj suab luag ntxhi
    ntuj tsau hli……………………..sawv ntawm ib sab
    tuav koj npab………..…………thiab hnia koj plhu

    koj mam hu…………..…………....tias koj tuaj los
    cov lus ntos…………..……...tseem nco ntsoov cia
    zais tsis qhia…………...……..rau leej twg paub
    niaj hnub saub………..…….……txog koj xwb tiag

    koj xub ntiag…………..……..…tseem dai kuv siab
    mus ib txhiab….………………...tsis muaj hnub ploj
    kev nco koj……………..……...nyob txhua lub caij
    niaj hnub laij…………..………tuaj nrhiav koj xwb

    koj lub hlwb………..………....puas tseem muaj kuv
    wb chaw thuj….………….…….…ntshe ciaj hav roj
    hais txog koj…..………….…….puas nco koj thiab
    me nplooj siab………….………nyob puag tom qab

    rau ib sab……………………...….los ib ntxeev ntuj
    lub siab yuj……….……….……nrog huab nrog cua
    txoj kev tshua……………...…..mus txog hnub tuag
    lub kua muag……………….….ntws cuag nag poob

    me nkauj hmoob….………….…....tus me neeg zoo
    los tos loo….…………...…….….koj tuaj mus thiab
    li zoo siab…………….……..……os me leej muam
    lus paj huam…………….…...thov tsis txhob ntxub

    nplooj siab hlub…….…..…txhob ua luag nyab
    mam rov qab…….…..………….los yuav koj xwb
    koj kuv wb……………….………….thiaj tau ua ke
    koom ib tse…….….………….…nyob li lawm tiag

    lub xub ntiag………...….thiaj tsis txias to
    ntuj tag hmo……….…….…...……tau koom ib txaj
    lub ntuj kaj………….……….……los thiaj xav sawv
    ntuj yuas lawv……….…………...tus me ntxim hlub

    kua muag ntub………..………..….tej me hauv ncoo
    yog muaj hmoo………..……….…….kuv ho tau koj
    txoj kev noj….………..……......….mam sib cog pib
    kev sib txib….………….….……..thiab kev sib pab

    tuav koj npab…………….….….raws kom cuag luag
    kuv tau puag…..…………..….…nyob koj xub ntiag
    ntshe zoo kiag…...………...……li kab npauj npaim
    ya nrog nraim……..………...…...nyob mus ywj siab

    mus ib txhiab………………..……lawm ntuj ib ncua
    thiaj tsis tshua………………...lawm tiag tus hlub./.
    Xaus li no




    Text copyright ©  by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att:  Hmoob ntuj tshiab- kev sau txuj ci,
    1167 Thorndale St Green Bay, WI 54304


    Hmoob Ntuj Tshiab lub tsev PAJ HUAM & kab lis kev  cai Hmoob - Page 2 14299067



    Last edited by Hmong ntuj tshiab on 30th July 2013, 2:55 pm; edited 1 time in total
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Hmoob Ntuj Tshiab lub tsev PAJ HUAM & kab lis kev  cai Hmoob - Page 2 Empty Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  koojziagkabzaug 2nd June 2011, 12:48 pm



    Hmoob Ntuj Tshiab,

    Ua tsaug rau nws kev tshaj lij...nws lus txuj ntws lug, lus ci tshwm kom thi, ua tsaug rau txhua yam zoo nrog kev thoob tsib...Nws puas khoom sau ib zaj paj huam hais txog Phas Nyas Tub Npis, Hmoob Los Tsuas thawj tug nom rau kuv?

    Thiab xav tau ib zaj paj huam txog yawg Hlob Vaj pov, ib zaj Hmoob Thoj nam raug txom nyem thiab kev poob teb chaws...hahahah...Hais ntau dhau lawm, nws tsis khoom los tsis ua cas...Twb yog nyiam nws tej lus txuj heev xwb...thiaj xav kom nws sau ntau li ntau kom khaws tau nws cov lus tag nrho cia...Mus ib txhiab...
    Hmong ntuj tshiab
    Hmong ntuj tshiab
    Sponsor
    Sponsor


    Messages : 537
    Date d'inscription : 2011-05-25

    Hmoob Ntuj Tshiab lub tsev PAJ HUAM & kab lis kev  cai Hmoob - Page 2 Empty Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Hmong ntuj tshiab 2nd June 2011, 9:04 pm



    Hmoob Ntuj Tshiab lub tsev PAJ HUAM & kab lis kev  cai Hmoob - Page 2 7-4710

    Niam nkauj dab ntub txiv nraug npau suav

    Kuv kooj ziag-------------yuav los nthuav tawm
    Lub keej khawm---------------Txoj uas kev hlub
    Ntuj thaum ub--------------------tsis tau sib yuav
    Vim ntuj nchuav-----------------thiab lub teb tig

    Av thiaj nkig--------------------dej thiaj li nphau
    sib ncaim tau---------------nees nkaum lub xyoo
    koj lub moo-----------------------twb ploj zuj zus
    wb tej lus---------------------------uas tau cog cia

    twb mob ntxhia-----------------yuav rov qab zoo
    tseg tsis nroo-----------------------ua siab tsis nco
    cas nag hmo---------------------ho rov npau suav
    pom koj tuav-------------------rawv kuv sab npab

    zaum ib sab---------------------tham txog kev nco
    sim neej no-------------------------nco kuv ua luaj
    pom koj quaj-------------------kua muag ntws sis
    kuv khoov ntshis-------------muab kuv ntiag tsho

    coj los so-------------------------koj cov kua muag
    koj khawm puag-----------------kuv rau xub ntiag
    ib me pliag--------------------------koj kua muag tu
    hnov koj hu-------------------------kuv lub npe tiag

    Tias kooj ziag----------------------yog tiag los dag
    zaum no ntag-----------------------xav kom yog tiag
    kuv tig kiag-------------------------los tuav koj plhu
    tsa ncauj hu------------------------hais tias sim xeeb

    yeej yog tseeb--------------------tsis yog npau suav
    wb tham dhuav----------------------ces wb mus tsev
    taug tej kev-----------------------------nce toj qis hav
    pom liaj dav--------------------------ya dawb pes vog

    neeg zej zog------------------------qw zom pes zaws
    Liaj dav tsaws---------------------------rau ub rau no
    Wb tig hlo--------------------------saib rov pem roob
    Pom hav xyoob---------------------hav ntoo kaj nrig

    Noog nraj yig-----------------------quaj hav ntas ntua
    Hnov cuab npua--------------puag nram Hmoob zos
    Suab kab nqos---------------------quaj kho siab tshaj
    Txiv pos daj--------------------------siav kawg kiag li

    Wb luag ntxhi---------------------------mus de los noj
    Kuv saib koj------------------------tseem hluas li qub
    Me nyuam tub-------------------------li ntuj yav dhau
    Kuv los yau------------------nyuam qhuav tiav nkauj

    Wb tham lauj-------------------------tsis muaj tsawg lo
    Ces wb ho---------------------------nqes mus looj ceeb
    Txiv khaub tseeb---------------------siav raws tug kev
    Txi tsheej rev---------------------------ua ceg rawv tag

    Wb tso dag-------------------------tham luag mob plab
    Taug kev ntxhab-------------------------tsis tiaj tsis tus
    wb tham lus-------------------------ncig mus yuj yeev
    Koj txawm seev------------------suab hais lus taum

    Wb mus zaum-------------------nram roob xyuam yaj
    Ib ce laj----------------------------cua tuaj ntxuj ntxiag
    Wb tig ntiag-------------------------saib rov phab kheb
    Hmoob ua teb----------------------ntuag toj ntuag pes

    Wb sawv nres--------------------ntsia nram choj hlau
    Pom tsheb ntau----------------------khiav lig pes nqas
    Hnov suab plas------------------quaj nrov ntsho nrooj
    Hmoob tshuab nplooj----------------puag tim ntav toj

    Suab ntxhe zoj-----------------------nrov kho siab zim
    Sab puag tim------------------------zos tsua noog roov
    Noog txais yoov------------------------txais kab sis so
    Rov tig hlo--------------------------tuav rawv koj npab

    Wb rov qab-----------------------txog ntawm ntug zos
    Hmoob tuav cos----------------------ua nrov doog diaj
    Hnov suab tsiaj-----------------------sib tog zom zaws
    Wb tshwm plaws-------------------ntawm peb tog tsev

    Sib tham ntev-------------------------tsis xav sib ncaim
    Koj nyob nraim--------------------hauv kuv nruab siab
    Cia xyoo tshiab-----------------------wb mam sib yuav
    Koj quaj zuav----------------------------tsis xav rov qab

    Kuv siab fab----------------------------tsis xav sib nrug
    Siab kub lug----------------------------txoj kev sib chua
    Ob leeg ua----------------------------kua muag ntws nto
    Cas sib nco----------------------------------ua luaj li tiag

    Quaj kawg kiag------------------------vim sib nco dhau
    Lawv thiaj tau----------------------sawv phov txaj nrov
    Kuv thiaj hnov------------------------tsim dheev los no
    Ua cas ho-----------------------------yog npau suab xwb

    Kua muag twb--------------------ntxaum hauv ncoo tag
    Hais cuag dag-------------------------ntub tog hauv ncoo
    Nws ntub loo----------------------npaum xuas dej tsuag
    Rov qi muag--------------------------kom npau suav dua

    Lawv sawv ua-------------------------tshais ntxov los noj
    Dab ntub ploj------------------------mas chim siab dhau
    Zaum tsaws npau-------------------kho siab tshaj plaws
    Tim teb chaws------------------------------ua tsov ua rog

    Kuv thiaj nrog----------------------cov laus khiav lawm
    Koj kuv txawm-------------------plam thaum ntawd los
    Kuv tsis ntos------------------------------tham txog koj li
    Zais tuag nthi-------------------------rau hauv nruab siab

    Koj tus ntxhiab------------------------kuv tseem cim tau
    Mam to rau--------------------------lwm tiam lawm xwb
    Thov kom wb---------------------txhob npau suav ntxiv
    Thiaj tsis chiv---------------------------kev mob siab dua

    Kuv twb ua-------------------------------tau ib siab lawm
    Hmoov tsis sawm------------------------wb thiaj sib cais
    Txawm yuav hais----------------------txog kev sib tshua
    Thiaj li ua-------------------------------npau suav pom koj

    Siab ntsws ntoj-------------------------nco koj heev dhau
    Thiaj li  tau---------------------------muab los tham tawm
    Koj plawv nqawm---------------------siab ntsws ho nqig
    Tej tsuj plig--------------------------------rov los puab cev

    Siab ho ntev-------------------------------ua neej mus txiv
    Thov txhob chiv--------------------------npau suav li qub
    Tsis muaj hnub-------------------------rov tau lawm mog
    Txhob xav txog--------------------------lub neej yav dhau

    Txawm yuav npau------------------------npaum li dej kub
    Tsuas muaj hnub----------------------tag lawm xwb mog
    Txhob xav txog----------------------niam nkauj dab ntub
    Tsis muaj hnub--------------------lawm nraug npau suav

    Yeej tsis tshuav--------------------------dab tsi lawm mog

    (xaus li no)




    Text copyright ©  by Dee Vang in jun 04 / 2011.
    All rights reserved by Hmoob ntuj tshiab kev sau txuj ci.
    Please call or writing to Hmoob ntuj tshiab kev sau txuj ci.
    for permission of any reproduction. Att:  Hmoob ntuj tshiab- kev sau txuj ci,
    1167 Thorndale St Green Bay, WI 54304





    Last edited by Hmong ntuj tshiab on 30th July 2013, 2:53 pm; edited 13 times in total (Reason for editing : kho kom zoo nyeem xwb)
    Hmong ntuj tshiab
    Hmong ntuj tshiab
    Sponsor
    Sponsor


    Messages : 537
    Date d'inscription : 2011-05-25

    Hmoob Ntuj Tshiab lub tsev PAJ HUAM & kab lis kev  cai Hmoob - Page 2 Empty Nraug Hmoob vaj li paj huam

    Post  Hmong ntuj tshiab 2nd June 2011, 10:50 pm





    Photobucket


    PAJ HUAM

    ntsib hauv

    nruab dab ntub
    Hmoob Ntuj Tshiab lub tsev PAJ HUAM & kab lis kev  cai Hmoob - Page 2 Gif-anime-papillon-10-gratuit



    Tus ntawm no------------------kuv yog maiv paj
    yuav los tshaj-------------thiab muab hais tawm
    Lub keej khawm---------------Txoj uas kev hlub
    Ntuj thaum ub--------------------tsis tau sib yuav

    Vim ntuj nchuav-----------------thiab lub teb tig
    Av thiaj nkig--------------------dej thiaj li nphau
    sib ncaim tau---------------nees nkaum lub xyoo
    koj lub moo-----------------------twb ploj zuj zus

    wb tej lus---------------------------uas tau cog cia
    twb mob ntxhia-----------------yuav rov qab zoo
    tseg tsis nroo-----------------------ua siab tsis nco
    cas nag hmo---------------------ho rov npau suav

    pom koj tuav-------------------rawv kuv sab npab
    zaum ib sab---------------------tham txog kev nco
    sim neej no-------------------------nco kuv ua luaj
    pom koj quaj-------------------kua muag ntws sis

    kuv khoov ntshis-------------muab kuv ntiag tsho
    coj los so-------------------------koj cov kua muag
    koj khawm puag-----------------kuv rau xub ntiag
    ib me pliag--------------------------koj kua muag tu

    hnov koj hu---------------------kuv npe hluas tshaj
    tias maiv paj-------------------------yog tiag los dag
    zaum no ntag-----------------------xav kom yog tiag
    kuv tig kiag-------------------------los tuav koj plhu

    tsa ncauj hu------------------------hais tias sim xeeb
    yeej yog tseeb--------------------tsis yog npau suav
    wb tham dhuav----------------------ces wb mus tsev
    taug tej kev-----------------------------nce toj qis hav

    pom liaj dav--------------------------ya dawb pes vog
    neeg zej zog------------------------qw zom pes zaws
    Liaj dav tsaws---------------------------rau ub rau no
    Wb tig hlo--------------------------saib rov pem roob

    Pom hav xyoob---------------------hav ntoo kaj nrig
    Noog nraj yig-----------------------quaj hav ntas ntua
    Hnov cuab npua--------------puag nram Hmoob zos
    Suab kab nqos---------------------quaj kho siab tshaj

    Txiv pos daj--------------------------siav kawg kiag li
    Wb luag ntxhi---------------------------mus de los noj
    Kuv saib koj------------------------tseem hluas li qub
    Me nyuam tub-------------------------li ntuj yav dhau

    Kuv los yau------------------nyuam qhuav tiav nkauj
    Wb tham lauj-------------------------tsis muaj tsawg lo
    Ces wb ho---------------------------nqes mus looj ceeb
    Txiv khaub tseeb---------------------siav raws tug kev

    Txi tsheej rev---------------------------ua ceg rawv tag
    Wb tso dag-------------------------tham luag mob plab
    Taug kev ntxhab-------------------------tsis tiaj tsis tus
    wb tham lus-------------------------ncig mus yuj yeev

    Koj txawm seev------------------suab hais kwv taum
    Wb mus zaum-------------------nram roob xyuam yaj
    Ib ce laj----------------------------cua tuaj ntxuj ntxiag
    Wb tig ntiag-------------------------saib rov phab kheb

    Hmoob ua teb----------------------ntuag toj ntuag pes
    Wb sawv nres--------------------ntsia nram choj hlau
    Pom tsheb ntau----------------------khiav lig pes nqas
    Hnov suab plas------------------quaj nrov ntsho nrooj

    Hmoob tshuab nplooj----------------puag tim ntav toj
    Suab ntxhe zoj-----------------------nrov kho siab zim
    Sab puag tim------------------------zos tsua noog roov
    Noog txais yoov------------------------txais kab sis so

    Rov tig hlo--------------------------tuav rawv koj npab
    Wb rov qab-----------------------txog ntawm ntug zos
    Hmoob tuav cos----------------------ua nrov doog diaj
    Hnov suab tsiaj-----------------------sib tog zom zaws

    Wb tshwm plaws-------------------ntawm peb tog tsev
    Sib tham ntev-------------------------tsis xav sib ncaim
    Koj nyob nraim--------------------hauv kuv nruab siab
    Cia xyoo tshiab-----------------------wb mam sib yuav

    Koj quaj zuav----------------------------tsis xav rov qab
    Kuv siab fab----------------------------tsis xav sib nrug
    Siab kub lug----------------------------txoj kev sib chua
    Ob leeg ua----------------------------kua muag ntws nto

    Cas sib nco----------------------------------ua luaj li tiag
    Quaj kawg kiag------------------------vim sib nco dhau
    Lawv thiaj tau----------------------sawv phov txaj nrov
    Kuv thiaj hnov------------------------tsim dheev los no

    Ua cas ho-----------------------------yog npau suab xwb
    Kua muag twb--------------------ntxaum hauv ncoo tag
    Hais cuag dag-------------------------ntub tog hauv ncoo
    Nws ntub loo----------------------npaum xuas dej tsuag

    Rov qi muag--------------------------kom npau suav dua
    Lawv sawv ua-------------------------tshais ntxov los noj
    Dab ntub ploj------------------------mas chim siab dhau
    Zaum tsaws npau-------------------kho siab tshaj plaws

    Tim teb chaws------------------------------ua tsov ua rog
    Kuv thiaj nrog----------------------cov laus khiav lawm
    Koj kuv txawm-------------------plam thaum ntawd los
    Kuv tsis ntos------------------------------tham txog koj li

    Zais tuag nthi-------------------------rau hauv nruab siab
    Koj tus ntxhiab------------------------kuv tseem cim tau
    Mam to rau--------------------------lwm tiam lawm xwb
    Thov kom wb---------------------txhob npau suav ntxiv

    Thiaj tsis chiv---------------------------kev mob siab dua
    Kuv twb ua-------------------------------tau ib siab lawm
    Hmoov tsis sawm------------------------wb thiaj sib cais
    Txawm yuav hais----------------------txog kev sib tshua

    Thiaj li ua-------------------------------npau suav pom koj
    Siab ntsws ntoj-------------------------nco koj heev dhau
    Thiaj li  tau---------------------------muab los tham tawm
    Koj plawv nqawm---------------------siab ntsws ho nqig

    Tej tsuj plig--------------------------------rov los puab cev
    Siab ho ntev-------------------------------ua neej mus txiv
    Thov txhob chiv--------------------------npau suav li qub
    Tsis muaj hnub-------------------------rov tau lawm mog

    Txhob xav txog--------------------------lub neej yav dhau
    Txawm yuav npau------------------------npaum li dej kub
    Tsuas muaj hnub----------------------tag lawm xwb mog
    Txhob xav txog----------------------niam nkauj dab ntub

    Tsis muaj hnub--------------------lawm nraug npau suav
    Yeej tsis tshuav--------------------------dab tsi lawm mog

    ( xaus li no)
    Text copyright ©  by Dee Vang in jun 04 / 2011.  All rights reserved by Hmoob ntuj tshiab kev sau txuj ci. Please call or writing to Hmoob ntuj tshiab kev sau txuj ci. for permission of any reproduction. Att:  Hmoob ntuj tshiab- kev sau txuj ci, 1167 Thorndale St Green Bay, WI 54304




    Last edited by Hmong ntuj tshiab on 30th July 2013, 2:57 pm; edited 7 times in total
    avatar
    zag
    Guest


    Hmoob Ntuj Tshiab lub tsev PAJ HUAM & kab lis kev  cai Hmoob - Page 2 Empty Thov qhuas thiab ua tsaug

    Post  zag 3rd June 2011, 6:45 am

    Hmong ntuj tshiab yog hmoob tus niam txuj tiag tiag. Yog ntuj tso koj los sau paj huam rau tsoom hmoob tau kawm ua neej. Thov qhuas txog koj lub peev xwm thiab kev tshaj lij. Thov lub ntuj, yawm saub thiab poj koob yawm txwv pov puag koj kom noj qab nyob zoo mus ib sim. Ua tsaug! Ua tsaug rau koj tej txiaj ntsim zoo tsis pom qab yuav qhuas li cas thiaj yuav zoo lub siab thiab thiaj li tsim nyog . Yawg Tseeb
    MayPaj
    MayPaj
    Spammer
    Spammer


    Messages : 488
    Date d'inscription : 2010-02-25

    Hmoob Ntuj Tshiab lub tsev PAJ HUAM & kab lis kev  cai Hmoob - Page 2 Empty Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  MayPaj 3rd June 2011, 10:01 am

    Waaaaaaaouuuuu!!!!!! Kuv nyiam kawg li os....hehehehe puas yog sau hais txog kuv ned Hmoob Ntuj Tshiab, nws thwj kiag kuv li laid, ntshe yog koj sau rau kuv pob, hahahaha.....kuv zoo siab dhau lawm nawd, ua tsaug ntau ntau nawd, xyov puas yog rau kuv los kuv cia li lees tias yog sau ua kuv zaj paj huam li lawm nawd....zoo tiag tiag li os...oib oib oib Hmoob ntuj tshiab koj mas keej paj huam tshaj txhua tus kuv tau ntsib tsis hais nyob lub website qhov twg los yeej tsis muaj ib tug yuav txawj sau pajhuam npaum koj lawm lau.

    Thov qhuas koj tiag tiag li nawd, thov kom lub ntuj tsuas muab ib lub tswv yim thoob tsib rau koj sau paj huam kom ntau ntau pub rau peb tau nyeem nawd, cas zaum no Kzkz wb cia li muaj koj tuaj pab wb sau txuj ci ntau ntau mas me tsev tawg paj paug qhov txhia chaw lawm xwb...ntshe yog nyob ntuj ceeb tsheej ntiaj teb lawm tiag pob? ua tsaug os Brother.
    cheers A: :! :! :! J:


    Last edited by MayPaj on 4th June 2011, 2:13 am; edited 1 time in total
    Hmong ntuj tshiab
    Hmong ntuj tshiab
    Sponsor
    Sponsor


    Messages : 537
    Date d'inscription : 2011-05-25

    Hmoob Ntuj Tshiab lub tsev PAJ HUAM & kab lis kev  cai Hmoob - Page 2 Empty Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Hmong ntuj tshiab 3rd June 2011, 5:36 pm

    kuv sau rau koj tiag tiag los mas nawb vim kuv sau tau ntau zaj heev lawm ces kuv thiaj sau ob zaj rau neb xwb es neb tsis nyiam no los muab pov tseg nawb yog nyiam no ces khaws cia saib ua dab muag os nawb
    thov tsis txhob xav li cas rau kuv thiab os nawb
    Hmong ntuj tshiab
    Hmong ntuj tshiab
    Sponsor
    Sponsor


    Messages : 537
    Date d'inscription : 2011-05-25

    Hmoob Ntuj Tshiab lub tsev PAJ HUAM & kab lis kev  cai Hmoob - Page 2 Empty Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Hmong ntuj tshiab 3rd June 2011, 10:24 pm



    PAJ HUAM :
    ***rov ntsib ib zaug kev npau suav***
    Hmoob Ntuj Tshiab lub tsev PAJ HUAM & kab lis kev  cai Hmoob - Page 2 Romnac10


    Tus ntawm no-----------yog nraug Hmoob vaj
    yuav los tshaj------------thiab muab sau tawm
    Lub keej khawm -----------Txoj uas kev hlub
    Ntuj thaum ub-----------------tsis tau sib yuav

    Vim ntuj nchuav-----------------lub me teb tig
    Av thiaj nkig-----------------dej nyob li nphau
    Sib ncaim tau-------------peb caug tawm xyoo
    koj lub moo--------------------twb ploj zuj zus

    wb tej lus------------------------uas tau cog cia
    twb mob ntxhia--------------yuav rov qab zoo
    tseg tsis nroo-------------------ua siab tsis nco
    cas nag hmo------------------ho rov npau suav

    pom koj tuav---------------rawv kuv sab npab
    zaum ib sab-----------------tham txog kev  nco
    Sim neej no----------------------cas nco ua luaj
    pom koj quaj----------------kua muag ntws sis

    kuv khoov ntshis------------muab kuv tes tsho
    Coj los so---------------------koj cov kua muag
    Kuv khawm puag ------------koj rau xub ntiag
    ib me pliag----------------------koj kua muag tu

    hnov koj hu-------------------kuv npe tub hluas
    tias vaj Nruas-------------------yog tiag los dag
    zaum no ntag-----------------xav kom yog tiag
    kuv tig kiag--------------------los tuav koj plhu

    tsa ncauj hu------------------hais tias Kab yeeb
    yeej yog tseeb---------------tsis yog npau suav
    wb tham dhuav----------------ces wb mus tsev
    taug tej kev-----------------------nce toj qis hav

    pom liaj dav-------------------ya dawb pes vog
    neeg zej zog------------------qw zom pes zaws
    liaj dav tsaws----------------------rau ub rau no
    Wb tig hlo--------------------saib rov pem roob

    Pom hav xyoob--------------hav ntoo kaj nrig
    Noog nraj yig-----------------quaj hav ntas ntua
    Hnov cuab npua ------puag nram Hmoob zos
    Suab kab nqos--------------quaj kho siab tshaj

    Txiv pos daj-------------------siav kawg kiag li
    Wb luag ntxhi-------------------mus de los noj
    Kuv saib koj---------------------yeej zoo li qub
    Tseem ntxim hlub-------------li ntuj yav dhau

    Kuv  tseem yau------nyuam qhuav tiav hluas
    Wb tham txuas--------------tsis muaj tsawg lo
    Ces wb ho------------------nqes mus looj ceeb
    Txiv nkhawb nqeeb---------siav raws tug kev

    Txi tsheej rev------------------ua ceg rawv tag
    Wb tso dag----------------tham luag mob plab
    Taug kev ntxhab----------------tsis tiaj tsis tus
    wb tham lus-----------------ncig mus yuj yeev

    Koj txawm seev----------suab hais lus taum
    Wb mus zaum-----------nram roob xyuam yaj
    Ib ce laj--------------------cua tuaj ntxuj ntxiag
    Wb tig ntiag-----------------saib rov phab kheb

    Hmoob ua teb--------------ntuag toj ntuag pes
    Wb sawv nres-------------ntsia nram choj hlau
    Pom tsheb ntau--------------khiav lig pes nqas
    Hnov suab plas----------quaj nrov ntsho nrooj

    Hmoob tshuab nplooj--------puag tim ntav toj
    Suab ntxhe zoj------==-=---nrov kho siab zim
    Sab puag tim----------------zos tsua noog roov
    pom txais yoov-----------------txais kab sis so

    Rov tig hlo-----------------tuav rawv koj npab
    Wb rov qab --------------txog ntawm ntug zos
    Hmoob tuav cos ------------ua nrov doog diaj
    Hnov suab tsiaj--------------sib tog zom zaws

    Wb tshwm plaws----------ntawm nej tog tsev
    Sib tham ntev----------------tsis xav sib ncaim
    Koj nyob nraim----------hauv kuv nruab siab
    Cia xyoo tshiab--------------wb mam sib yuav

    Kuv quaj zuav------------------tsis xav rov qab
    Koj siab fab--------------------tsis xav sib nrug
    Siab kub lug------------------txoj kev sib chua
    Ob leeg ua ------------------kua muag ntws nto

    Cas sib nco-------------------------ua luaj li tiag
    Quaj kawg kiag---------------vim sib nco dhau
    lawv thiaj tau--------------sawv phov txaj nrov
    Kuv thiaj hnov---------------tsim dheev los no

    Ua cas ho-------------------yog npau suab xwb
    Kua muag twb----------ntxaum hauv ncoo tag
    Hais cuag dag--------------ntub tog hauv ncoo
    Nws ntub loo------------npaum xuas dej tsuag

    Rov qi muag----------------kom npau suav dua
    lawv sawv ua----------------phov tshais los noj
    Dab ntub ploj--------------mas chim siab dhau
    Zaum tsaws npau---------kho siab tshaj plaws

    Tim teb chaws---------------------ua tsov ua rog
    Kuv thiaj nrog------------cov laus khiav lawm
    Koj kuv txawm---------plam thaum ntawd los
    Kuv tsis ntos-------------------tham txog koj li

    Zais tuag nthi--------------rau hauv nruab siab
    Koj tus ntxhiab--------------kuv tseem cim cia
    ntsib mam qhia--------------rau koj lawm xwb
    Thov kom wb------------txhob npau suav ntxiv

    Thiaj tsis chiv-----------------kev mob siab dua
    Kuv twb ua---------------------tau ib siab lawm
    Hmoov tsis sawm--------------wb thiaj sib cais
    Yog yuav hais--------------yeej tham tsis txhua

    Thiaj li ua--------------------npau suav pom koj
    Siab ntsws ntoj---------------nco koj heev dhau
    Thiaj li  tau-----------------muab los tham tawm
    Koj plawv nqawm-----------siab ntsws ho nqig

    Tej tsuj plig---------------------rov los puab cev
    Siab ho ntev--------------------ua neej mus ntxiv
    Yog ho chiv----------------------npau suav li qub
    puas muaj hnub---------------rov tau lawm mog

    Tseem xav txog----------------lub neej yav dhau
    wb tseem yau-------------nco npaum nkauj hnub
    Ntsib dab ntub---------------hauv kev npau suav
    Tham tsis dhuav-------------------ua ke tsis txaus

    Hais tsis xaus----------------------tej lus sib hlub
    Nkauj dab ntub-----------thiab nraug npau suav
    Nws puas tshuav-------------ib zaug lawm thiab!!!

    ( xaus li no )
    Text copyright ©  by Dee Vang in jun 04 / 2011.  All rights reserved by Hmoob ntuj tshiab kev sau txuj ci. Please call or writing to Hmoob ntuj tshiab kev sau txuj ci. for permission of any reproduction. Att:  Hmoob ntuj tshiab- kev sau txuj ci, 1167 Thorndale St Green Bay, WI 54304



    Last edited by Hmong ntuj tshiab on 30th July 2013, 3:04 pm; edited 7 times in total (Reason for editing : kho kom zoo nyeem xwb)
    MayPaj
    MayPaj
    Spammer
    Spammer


    Messages : 488
    Date d'inscription : 2010-02-25

    Hmoob Ntuj Tshiab lub tsev PAJ HUAM & kab lis kev  cai Hmoob - Page 2 Empty Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  MayPaj 5th June 2011, 5:18 am

    Hmong ntuj tshiab wrote:kuv sau rau koj tiag tiag los mas nawb vim kuv sau tau ntau zaj heev lawm ces kuv thiaj sau ob zaj rau neb xwb es neb tsis nyiam no los muab pov tseg nawb yog nyiam no ces khaws cia saib ua dab muag os nawb
    thov tsis txhob xav li cas rau kuv thiab os nawb

    Yog li mas ua tsaug nawb Tijlaug, koj me muam zoo siab kawg uas tseem muaj ib tug nus tshaj lij tuaj sau paj huam ua me muam tug thiab cheers :! J:

    Kuv kuj nyiam koj zaj NRAUG HMOOB VAJ saum toj nod kawg kiag li thiab tiag, wowow....peb cov nus mas keej thiab tshaj lij tshaj plaws li lawm tiag, thov qhuas thiab zoo siab nrog peb cov nus Hmoob Vaj nawd A:
    avatar
    Hmoob nt
    Guest


    Hmoob Ntuj Tshiab lub tsev PAJ HUAM & kab lis kev  cai Hmoob - Page 2 Empty sau ntawv rau maiv paj

    Post  Hmoob nt 5th June 2011, 6:01 am

    kuv twb muab zaj uas kuv sau rau koj no kho tas lawm es koj puas nyiam thiab?. yog nyiam no ces koj ho muab khaws cia rau koj tau nyeem nawb

    thiab koj puas xav kawm txog kev sau paj huam thiab?. yog koj xav kawm no kuv mam sau ntawv qhia rau koj ces koj yeej txawj sau lawm vim kev sau paj huam mam nws muaj ib tug qauv sau os

    yog koj sau tsis raws nws tus qauv ces yeej tsis meej pem zoo nawb mog
    MayPaj
    MayPaj
    Spammer
    Spammer


    Messages : 488
    Date d'inscription : 2010-02-25

    Hmoob Ntuj Tshiab lub tsev PAJ HUAM & kab lis kev  cai Hmoob - Page 2 Empty Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  MayPaj 5th June 2011, 6:57 am

    Hmoob nt wrote:kuv twb muab zaj uas kuv sau rau koj no kho tas lawm es koj puas nyiam thiab?. yog nyiam no ces koj ho muab khaws cia rau koj tau nyeem nawb

    thiab koj puas xav kawm txog kev sau paj huam thiab?. yog koj xav kawm no kuv mam sau ntawv qhia rau koj ces koj yeej txawj sau lawm vim kev sau paj huam mam nws muaj ib tug qauv sau os

    yog koj sau tsis raws nws tus qauv ces yeej tsis meej pem zoo nawb mog

    Kuv xav kawm sau pajhuam kawg li os me nus Hmoob ntuj tshiab, tiam sis zoo li kuv tsis muaj tswv yim sau li...kuv mas tos tsis nyhoo koj hais ib los tias yuav qhia kuv kawm sau pajhuam xwb no mas kuv zoo siab nrhia nrhees li lawm tiag brother aj....hehehe cheers .

    Koj muab txoj paj huam sau ua kuv tug kho tag lawm kuv nyiam kawg li, kuv xav kom koj tuaj pab sau pajhuam kom ntau ntau rau hauv koj lub tsev nod es kuv thiaj tau nyeem thiab kawm od, thiab koj sau pajhuam zoo npaum no mas nws yuav tawm nyob cab sab ntau heev...peb sawv daws ua koj tsaug ntau nawd J:
    Hmong ntuj tshiab
    Hmong ntuj tshiab
    Sponsor
    Sponsor


    Messages : 537
    Date d'inscription : 2011-05-25

    Hmoob Ntuj Tshiab lub tsev PAJ HUAM & kab lis kev  cai Hmoob - Page 2 Empty kev kawm txog sau paj huam Hmoob

    Post  Hmong ntuj tshiab 5th June 2011, 8:25 am

    kuv yuav qhia txog kev sau paj huam rau koj os maiv paj. kev sau paj huam Hmoob mas nws muaj ib tug qauv zoo li no nawb. paj huam mas nws tsuas muaj 7 lo lus nyob rau ib kab ntawv xwb. 7 lo lus no nws muab cais ua ob ntus lus xws li no. ntus ib yog muaj 3 lo lus xwb hos ntus ob nws muaj 4 lo lus

    4 lo lus nyob rau kab ntawv saum toj ntawm lo lus kawg ntawd, yuav tsum dhos rau kab hauv qab ntawm 3 lo lus kawg, mas thiaj li yog paj huam Hmoob os nawb

    ob lo lus sib dhos ntawd yuav tsum yog siv tib tug cim xwb thiaj li raug zoo os thiaj li meej rau kev sau paj huam os nawb.

    yuav piv txwv xws li nram no = kuv sau me me rau koj kom koj to taub me me li no

    Leej nus Hmoob-------------tus me ntxim hlub ( B )
    ntawv puas rub----( B )------wb ua txij nkawm ( M )
    hmoov puas sawm--( M )-----los nyob sib fwm ( M )
    tuav keeb kwm-------( M )-----raws kev ua neej ( J )
    peem puas tsheej-----( J )-----los pib cuab yig ( G )
    thiaj tsis lig-------( G )-------wb kev ua neej ( J )
    li yuav yeej---------( J )----txoj kev poob qab ( B )
    neej tsis fab--------( B )----li caum cuag luag ( G )
    lub neej pluag-------( G )---thiaj zam tau dhau (---)
    pib thaum yau--------(---)-----li nrog kav laus ( s )
    thaum neej xaus------( S )--thiaj muaj tus hlub ( B )
    tshav tsis kub--------( B )---muaj tus thaj tsob ( B )
    tau chaw nyob---------( B )-----kaj siab li nrig ( G )
    Zoo cuab yig----------( G )------lawm xwb os mog./.

    kev sau paj huam ces koj yuav tsum sau kom nws sib dhos zoo li no es koj hais thiaj tsis daig daig nawb vim hais tias koj sau es tus cim ntawd tsis yog tib tug cim ces koj txawm txawj hais npaum li cas los yeej hais tau daig nrhoj daig nrheev, hais tau tsis zoo os nawb

    es koj ho to taub lawm los haj yam zoo heev nawb yog koj ho tsis tau to taub no los tsis txhob ua diab deb os nawb vim kuv yeej npaj siab qhia rau koj kom koj to tau txog kev sau paj huam kom zoo heev thiab kom koj sau tau xwb xwb li thiaj yuav tsum os, ntshe koj lam hais xwb lauv, yog tias nyiam tiag tiag mas kuv yeej muaj peev xwm qhia kom koj sau tau kiag xwb os nawb

    ua tsaug






    Last edited by Hmong ntuj tshiab on 5th June 2011, 8:44 am; edited 7 times in total (Reason for editing : Qhia kev sau paj huam Hmoob)
    MayPaj
    MayPaj
    Spammer
    Spammer


    Messages : 488
    Date d'inscription : 2010-02-25

    Hmoob Ntuj Tshiab lub tsev PAJ HUAM & kab lis kev  cai Hmoob - Page 2 Empty Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  MayPaj 5th June 2011, 9:03 am

    Me nus, koj qhia kuv to taub zoo lawm, tiam sis tshuav lub niag tswv yim sau pajhuam kom tshaj lij li koj, zoo li kuv nrhiav tsis tshuam tau nas, thiab yuav sau kom zoo nyeem mas yuav tsum sau kom sib raws muaj lub ntsiab pib mus txog lub ntsiab kawg yuav tsum hais kom zoo li lub title, kuv pom Hmoob ib txhia sau pajhuam nyob lwm qhov, tsuav txawj sib dhos xwb ces txawm sau nyuj mus nyuj nees mus nees, hauv ntej tsis pom hauv paus li mas ceeb laj nyeem tag kawg.

    Hos koj cov mas zoo li koj txawj sau tau sib raws los tseem sau tau muaj qhov pib mus txog muaj qhov xaus. Kuv mas xav kom tshaj lij li koj es sau tau tsheej zaj los nws tsheej lawm ib zaj pajhuam hais muaj ntsiab pib muaj ntsiab xaus. Koj cov pajhuam mas nws sau tau li yog professionel sau nas.

    Cia kuv mam li kawm sau seb puas txawj li koj od, ntshe yuav siv sij hawm ntev thiaj li sau tau keej li koj , vim tias koj paub sid cov lus Hmoob tob tob uas sawv daws paub tsis txog los sau pajhuam mas nws zoo heev li.

    Kuv ua koj tsaug ntau ib zaug ntxiv nawd, koj tseem muaj lub siab zoo tuaj qhia kuv thiab J:
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Hmoob Ntuj Tshiab lub tsev PAJ HUAM & kab lis kev  cai Hmoob - Page 2 Empty Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  koojziagkabzaug 5th June 2011, 5:15 pm

    Hmong ntuj tshiab wrote:kuv yuav qhia txog kev sau paj huam rau koj os maiv paj. kev sau paj huam Hmoob mas nws muaj ib tug qauv zoo li no nawb. paj huam mas nws tsuas muaj 7 lo lus nyob rau ib kab ntawv xwb. 7 lo lus no nws muab cais ua ob ntus lus xws li no. ntus ib yog muaj 3 lo lus xwb hos ntus ob nws muaj 4 lo lus

    4 lo lus nyob rau kab ntawv saum toj ntawm lo lus kawg ntawd, yuav tsum dhos rau kab hauv qab ntawm 3 lo lus kawg, mas thiaj li yog paj huam Hmoob os nawb

    ob lo lus sib dhos ntawd yuav tsum yog siv tib tug cim xwb thiaj li raug zoo os thiaj li meej rau kev sau paj huam os nawb.

    yuav piv txwv xws li nram no = kuv sau me me rau koj kom koj to taub me me li no

    Leej nus Hmoob-------------tus me ntxim hlub ( B )
    ntawv puas rub----( B )------wb ua txij nkawm ( M )
    hmoov puas sawm--( M )-----los nyob sib fwm ( M )
    tuav keeb kwm-------( M )-----raws kev ua neej ( J )
    peem puas tsheej-----( J )-----los pib cuab yig ( G )
    thiaj tsis lig-------( G )-------wb kev ua neej ( J )
    li yuav yeej---------( J )----txoj kev poob qab ( B )
    neej tsis fab--------( B )----li caum cuag luag ( G )
    lub neej pluag-------( G )---thiaj zam tau dhau (---)
    pib thaum yau--------(---)-----li nrog kav laus ( s )
    thaum neej xaus------( S )--thiaj muaj tus hlub ( B )
    tshav tsis kub--------( B )---muaj tus thaj tsob ( B )
    tau chaw nyob---------( B )-----kaj siab li nrig ( G )
    Zoo cuab yig----------( G )------lawm xwb os mog./.

    kev sau paj huam ces koj yuav tsum sau kom nws sib dhos zoo li no es koj hais thiaj tsis daig daig nawb vim hais tias koj sau es tus cim ntawd tsis yog tib tug cim ces koj txawm txawj hais npaum li cas los yeej hais tau daig nrhoj daig nrheev, hais tau tsis zoo os nawb

    es koj ho to taub lawm los haj yam zoo heev nawb yog koj ho tsis tau to taub no los tsis txhob ua diab deb os nawb vim kuv yeej npaj siab qhia rau koj kom koj to tau txog kev sau paj huam kom zoo heev thiab kom koj sau tau xwb xwb li thiaj yuav tsum os, ntshe koj lam hais xwb lauv, yog tias nyiam tiag tiag mas kuv yeej muaj peev xwm qhia kom koj sau tau kiag xwb os nawb

    ua tsaug





    Nyob zoo Hmoob Ntuj Tshiab,

    Ua tsaug rau nws qhia kev sau Paj huam, kuv mas kuv yeej pom nws cov txwm, nws sau tau npliag heev...Tab sis ntawm kuv tus kheej mas yog tsis paub lus Hmoob ntxaws thiab lub tswv yim qeeb ces nrhiav tsis tau cov lus uas muaj lub cim zoo ib yam los phim...Nws qhia peb sau los yeej zoo kawg, tab sis lub siab xav mas xav kom nws txhob ncaim Maypaj wb li, ais yog thaum wb muaj qhov vam txog nws, xav kom nws ua ntej hlo rau wb xwb...Yam li wb muaj tej zaj yuav sau, yuav hais rau ib qho public, xav kom nws pab kho thiab sau rau wb kiag ntag...Vim qhia cuaj zaj los tsis cuag li tus xib hwb cev tes pab...Nev! nev! nws saib, kuv hais ib fab xwb twb hais tsis tau dhos lawm ne...hahahah...!
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Hmoob Ntuj Tshiab lub tsev PAJ HUAM & kab lis kev  cai Hmoob - Page 2 Empty Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  koojziagkabzaug 18th June 2011, 1:15 am


    TUB HLUAS YUAM LUAG NTXHAIS.

    SOB MENO CES YOG PAJ HUAM
    HAIS CUAM TSHUAM TXOG COV METUB
    UAS NIAJ HNUB YAUM LUAG TEJ NTXHAIS
    MLOOG KUV HAIS LUB KEEB UA HLUAS
    TSAM HO PUAS LUB KEEB HLUAS NRAUG
    MUAJ KEVTAUG HO PAUB XYUAM XIM
    MUAJ QEECHIM KOM NEJ TAU SIV
    LUB KEEBCHIV YUAV MUS UA HLUAS
    YUAV TAU XYUAS KOM PAUB TSEEB TSEEB
    NTXHAIS LOJ LEEB TXHOB LAM MUS THAM
    TSAV YEEYAM KOM NYOB TU TU
    TXHOB LAM MUS TSHUM UB TSHUM NO
    THAUM YUS NCO TSIS TXOG TXIJ TWG
    THAUM KHIS NTSWG NEJ XAV TXOG LIG
    NEJ MAM TIG LOS MLOOG KUV KHUAB
    MOB TXAUS NPUAB NEJ MLOOG TSIS TAU
    LUB NTUJ VAU LOS TUAJ YEEM NRES
    THAUM NTAWD CES LEES TEB WS, WS
    MUAB LUAG THWS UA PUAS TSAYAM
    TUAJ YEEM KAM HAIS TIAS YUAV YUAV
    THAM HMO PUAV CES MUS TSIS TUAJ
    NKAUJ CES MUAJ NYOB MUS XEEB TUB
    TXIV MIS DUB LOJ MUS ZUJZUS
    NKAUJ MAM MUS TSHAJ KOOB RAU XOV
    THAUM YAWG HNOV NTSEJ MUAG NPHOB TSUS
    YAWG THIAJ MUS NTAUS KEV SABLAJ
    NKAUJ XYUAMPHAJ NQIPEEV TXAIS YIM
    SAIB TSIS DIM YUAV UA LICAS
    NYIAJ QABNAS YUAV TAU RHOSIV
    NIAM THIAB TXIV NOJ MOV TSIS QAB
    TSAM TAU NYAB TUB HO TSIS NYIAM
    NKAUJ CEV PIAM CES NKAUJ YUAV LOS
    TSIS TASTOS LEEJTUB MUS COJ
    MUAB XAV ZOJ NOJ MOV TSIS NQIS
    LEEJTUB CHIM TAS HNUB TAS HMO
    CIA MAM KHO NYIAJ TXIAG TAS NTAU
    LEEJ TXIV NPAU CEM YWS LUJ LOOS
    LEEJTUB NROO TSIS XAV NOJ MOV
    VIM RAUQHOV TXHIA NUM PHEEJ YIG
    NEJ YUAV TIG LOS MLOOG KUV QHUAB
    KUV THIAJ MUAB HAIS QHIA RAU NEJ
    YAV TOM NTEJ KOM PAUB SOJ XYUAS
    KEV UA HLUAS TSIS YOG YOOJYIM
    LUB NTUJ TSIM UA CHAW DEES SIAB
    QHOV TSEEM NTSIAB YUAV TAU MAM THAM
    TXHOB MUAB YAM RAU UB RAU NO
    NKAUJ TSIS TSO CES YUAV PUAS KOOB
    KEV NCEROOB YUAV TAU XYUAM XIM
    TSAM TXHAUM TXIM TSIS MUAJ TWG PAB
    KEV YUAV NYAB YUAV XAIV TUS NQUAG
    THIAJ YUAV PUAG KWVTIJ NEEJTSA
    PAB TXHAWB NRA YUS LUB MENEEJ
    THIAJ YUAV TSHEEJ NYOB MUS NTO KOOB
    TUB HLUAS HMOOB UAS TSIS THOOB TSIB
    HO MUS NTSIB NROG KUV SIB THAM
    MUAJ TEJ TSAM ZOO MUAJ SIJHAWM
    MAM NTHUAV TAWM HAIS QHIA RAU NEJ
    LAWM YAV TOM NTEJ MOG TUB HLUAS HMOOB.

    By: Hmoob Ntuj Tshiab

    Posted 17 July 2010 - 02:09 AM
    Admin
    Admin
    Admin
    Admin


    Messages : 76
    Date d'inscription : 2010-02-25

    Hmoob Ntuj Tshiab lub tsev PAJ HUAM & kab lis kev  cai Hmoob - Page 2 Empty Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Admin 19th June 2011, 3:53 pm



    Nyob zoo Hmoob Ntuj Tshiab,

    Kuv kho nws cov title zoo li nov thiab kuv tso nws tus Avatar rau, seb nws xav li cas, yog tssi nyiam los hais kuv mam rov kho dua rau.

    Ua tsaug.
    Hmong ntuj tshiab
    Hmong ntuj tshiab
    Sponsor
    Sponsor


    Messages : 537
    Date d'inscription : 2011-05-25

    Hmoob Ntuj Tshiab lub tsev PAJ HUAM & kab lis kev  cai Hmoob - Page 2 Empty Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Hmong ntuj tshiab 19th June 2011, 5:41 pm

    [quote="koojziagkabzaug"]
    [color=blue]
    TUB HLUAS YUAM LUAG NTXHAIS.
    koojziagkabzaug wrote:[center]
    TUB HLUAS YUAM LUAG NTXHAIS.

    SOB ME NO -----------------------------CES YOG PAJ HUAM

    HAIS CUAM TSHUAM -------------------TXOG COV ME TUB

    UAS NIAJ HNUB ----------------YAUM LUAG TEJ NTXHAIS

    MLOOG KUV HAIS --------------------LUB KEEB UA HLUAS

    TSAM HO PUAS ------------------LUB KEEB HLUAS NRAUG

    MUAJ KEV TAUG ---------------------HO PAUB XYUAM XIM

    MUAJ QEE CHIM -----------------------------KOM NEJ TAU SIV

    LUB KEEB CHIV -----------------------YUAV MUS UA HLUAS

    YUAV TAU XYUAS ---------------KOM PAUB TSEEB TSEEB

    NTXHAIS LOJ LEEB ----------------TXHOB LAM MUS THAM

    TSAV YEE YAM ------------------------------KOM NYOB TU TU

    TXHOB LAM MUS ---------------------TSHUM UB TSHUM NO

    THAUM YUS NCO ------------------------TSIS TXOG TXIJ TWG

    THAUM KHIS NTSWG--------------------- NEJ XAV TXOG LIG

    NEJ MAM TIG -----------------------LOS MLOOG KUV QHUAB

    MOB TXAUS NPUAB ------------------NEJ MLOOG TSIS TAU

    LUB NTUJ VAU -------------------------LOS TUAJ YEEM NRES

    THAUM NTAWD CES------------------------ LEES TEB WS, WS

    MUAB LUAG THWS ------------------------UA PUAS TSAYAM

    TUAJ YEEM KAM ---------------------HAIS TIAS YUAV YUAV

    THAM HMO PUAV -------------------------CES MUS TSIS TUAJ

    NKAUJ CES MUAJ ----------------------NYOB MUS XEEB TUB
    TXIV MIS DUB ----------------------------------LOJ MUS ZUJ ZUS

    NKAUJ MAM MUS --------------------TSHAJ KOOB RAU XOV

    THAUM YAWG HNOV ----------NTSEJ MUAG NPHOB TSUS

    YAWG THIAJ MUS ------------------------NTAUS KEV SABLAJ

    NKAUJ XYUAM PHAJ -------------------NQI PEEV TXAIS YIM

    SAIB TSIS DIM -----------------------------------YUAV UA LICAS

    NYIAJ QAB NAS ----------------------------YUAV TAU RHO SIV

    NIAM THIAB TXIV -------------------------NOJ MOV TSIS QAB

    TSAM TAU NYAB -------------------------TUB HO TSIS NYIAM

    NKAUJ CEV PIAM ----------------------CES NKAUJ YUAV LOS

    TSIS TAS TOS ---------------------------------LEEJ TUB MUS COJ

    MUAB XAV ZOJ ----------------------------NOJ MOV TSIS NQIS

    LEEJ TUB CHIM ---------------------------TAS HNUB TAS HMO

    CIA MAM KHO -----------------------NYIAJ TXIAG TAS NTAU

    LEEJ TXIV NPAU-------------------------- CEM YWS LUJ LOOS

    LEEJ TUB NROO ----------------------------TSIS XAV NOJ MOV

    VIM RAU QHOV -----------------------TXHIA NUM PHEEJ YIG

    NEJ YUAV TIG ---------------------LOS MLOOG KUV QHUAB

    KUV THIAJ MUAB ------------------------HAIS QHIA RAU NEJ

    YAV TOM NTEJ -----------------------KOM PAUB SOJ XYUAS

    KEV UA HLUAS ----------------------------TSIS YOG YOOJYIM

    LUB NTUJ TSIM --------------------------UA CHAW DEES SIAB

    QHOV TSEEM NTSIAB --------------YUAV TAU MAM THAM

    TXHOB MUAB YAM ---------------------------RAU UB RAU NO

    NKAUJ TSIS TSO---------------------- CES YUAV PUAS KOOB

    KEV NCE ROOB ---------------------YUAV TAU XYUAM XIM

    TSAM TXHAUM TXIM ------------------TSIS MUAJ TWG PAB

    KEV YUAV NYAB ------------------YUAV XAIV TUS NQUAG

    THIAJ YUAV PUAG -------------------------KWV TIJ NEEJ TSA

    PAB TXHAWB NRA --------------------------YUS LUB ME NEEJ

    THIAJ YUAV TSHEEJ -----------------NYOB MUS NTO KOOB

    TUB HLUAS HMOOB ------------------UAS TSIS THOOB TSIB

    HO MUS NTSIB --------------------------NROG KUV SIB THAM

    MUAJ TEJ TSAM --------------------------ZOO MUAJ SIJHAWM

    MAM NTHUAV TAWM------------------- HAIS QHIA RAU NEJ

    YAV TOM NTEJ --------------------MOG TUB HLUAS HMOOB.

    By: Hmoob Ntuj Tshiab


    Posted 17 July 2010 - 02:09 AM
    Hmong ntuj tshiab
    Hmong ntuj tshiab
    Sponsor
    Sponsor


    Messages : 537
    Date d'inscription : 2011-05-25

    Hmoob Ntuj Tshiab lub tsev PAJ HUAM & kab lis kev  cai Hmoob - Page 2 Empty Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Hmong ntuj tshiab 19th June 2011, 6:02 pm



    Paj Huam Kev Txom Nyem
    ntawm no mus-----------------------yog lus paj huam
    yuav hais tshuam------------Hmoob kev txom nyem
    Raug luag lem-------------------thaum xya caum tsib
    Kooj sam pib----------------------sawv tsuj teb chaws

    Nrhiav kev raws---------------neeg tawv dawb tawm
    Nplog liab txawm---------------pib nrhiav kev phem
    Los rhuav tshem------------------------kev cai lij choj
    Nyab laj zoj-----------------------tog nplog ywj pheej

    Nom txhua leej--------------------raug ntes lawm tag
    Cob tsib dag----------------------coj lawv mus kawm
    Thiaj raug zawm-----------------------pob qa tuag tas
    Tsis txawv nas--------------------mag yej mag ntxiab

    Qib nom siab-------------------------los txog nom me
    Tuag ua ke-------------------------nyob rau moos xais
    Nrog huab tais-------------------lawv tsev neeg kheej
    Cov txiv neej-------------------------tsis hais leej twg

    Siab yau rwg--------------------ntshai tsam raug ntes
    Muaj npe ces---------------------yeej raug txhom tag
    Hmoob thiaj mag--------------nplog liab quab yuam
    Txawm neeg ruam--------------yeej raug tsim txom

    Hmoob tej nom-----------------khiav dhau thaib sab
    Cov tom qab--------------------raug kev txom nyem
    raug luag lem----------------------pauj kev xam khib
    peb hmoob ntsib --------------txhua pab txhua pawg

    thaum hmoob tawg ------------nyob rau phuv npiab
    nyab laj liab ----------------------thiab cov pub thawj
    tuaj sawb lawj---------------------tua peb cov hmoob
    caum qab roob ------------------------ncig rau qab ha

    suab phom ncha ---------------------cuag li xob nroo
    yog thaum xyoo -----------------------ib cuaj xya rau
    nom hmoob tau ---------------khiav tawm teb chaws
    hmoob sawv daws--------------nkaum hav xub tsuag

    txoj kev tuag -----------------------muaj xeeb zuj zus
    nom hmoob pus -----------------cov ntse tawm dhau
    cov ruam tau-----------------------raug zawm pob qa
    tuag pob txha --------------------------puv toj pus pes

    dej naj ces --------------------------thiaj hav naj phuv
    Hmoob tuag puv -----------------pob txha dawb vog
    Tub rog nplog---------------------koom nrog nyab laj
    Tua phuv laj---------------------thiab sab pham phais

    Ntes Hmoob hlais---------------------nyob rau xas las
    Muab txawj vas------------------nkawv tus me nyuam
    Muab pov cuam---------------------rau hauv qhov cos
    Raug tuav mos-------------------cuag tuav qos ncoom

    Pub thawj koom--------------ntxeev siab rau Hmoob
    Coj nplog coob------------------caum Hmoob naj kas
    Raug ntes tas--------------------------coj mus moos oo
    Thaum lub xyoo------------------------ib cuaj xya yim

    Cov khiav dim------------------tseem tuav riam phom
    Sawv kwv nyom--------------------txoj kev siab phem
    Tuaj rhuav tshem------------------peb Hmoob zej zog
    Sib koom nrog----------------------yawg vaj tswv cim

    Sawv txheeb txhim------------------nyob rau phuv laj
    Coj kev ncaj------------------------teeb tsev teej kawm
    Nrhiav kev cawm-------------pab Hmoob txom nyem
    Raug luag lem---------------------tsuj caij quab yuam

    Lub neej khuam-----------------siab kua muag ntshav
    Ntws xyaw av-------------------xyaw nroj xyaw tsuag
    Txoj kev tuag--------------------------cov tiv tsis nyog
    Tawm mus nrog -----------------cov nplog liab nyob

    txog kev txob --------------------------mas muaj tas li
    tsaus ntuj nti ----------------------nyob sib qawg quaj
    xya caum cuaj ---------------Hmoob nyob phuv npiab
    cov koom siab --------------------tuav lub npe Hmoob

    noj nplooj xyoob---------------nplooj ntoos yug siav
    Sib pug khiav---------------------mus nkaum txoj sia
    muaj ib txhia ---------------------poj niam tuag lawm
    tso txij nkawm --------------------nyob ua ntsuag nos

    neeg noj qos --------------------------tsis muaj tus pab
    Ua cob fab-------------------------sawv tuav lub koob
    Thaiv peb Hmoob------------------nyob ntuj qub qab
    siv nplooj hmab ---------------nplooj ntoos ua tshuaj

    Tsis khiav tuaj---------------------tseem tuav daim av
    vim tseem xav -----------------kom hmoob muaj tug
    Daim av yug-------------------Hmoob ib txwm nyob
    Yuav thaj tsob------------------------daws kev tso tau

    Hmoob feem ntau------------------tham siab kub lug
    Nrhiav kev pug ---------------khiav tawm teb chaws
    Hmoob sawv daws--------------tuag taug kev tshuav
    Raug luag kuav------------------ mag cuab luag ntaus

    Tej neeg laus------------------- tuag tshaib feem ntau
    Hmoob tseem tau----------txaug ntawv hlawv xyab
    Fiv ntuj pab--------------------------kom hla dhau dej
    Cov ua ntej----------------------kuv dhau lawm coob

    Ib feem poob-----------------------nkaum rau hav fab
    yuav rov qab ---------------------------los rov tsis tau
    Vim ntshai dhau---------------thiaj tau khiav nkaum
    Roob phuv haum---------------thiab roob phaj tsum

    Muab yeej cum---------------------khiav tuaj nce toj
    Nplog liab soj-------------------tsam khiav tsis dhau
    Me nyuam yau---------------------tuag siav tsis pom
    Muab yeeb lom ----------------cheem lub suab quaj

    Sib yaum tuaj -----------------------mus hla dhau dej
    Cov ua ntej--------------------------luag ho tuaj txais
    Nyob vib nais-------------------------tuaj nyob ua ke
    tag loj me ---------------------------luag hlub ib yam

    Ho yuav tham----------------------cov tsis ntab ntws
    Xyov tem nws----------------------ciaj los nws tuag
    Muaj ib kuag--------------------ces nplog muab lob
    Nrog nplog nyob-----------------mus zov luag tsev

    Ua lawv qhev------------------nyob nrog kua muag
    Tus raug tuag --------------------hav zoov hav tsuag
    Tsev neeg pluag ----------------------tso tsis tau plig
    Tau thov ncig ---------------------sawv daws sib pab

    Daws kauj vab--------------------thiab daws kauj le
    Ntsuj plig nce-------------------txoj kev thawj thiab
    Mus ntuj tshiab--------------------kom kaj siab nrig
    Tej ntsuj plig----------------------mus lawm du dais

    Ho yuav hais---------------------txog peb cov nyob
    Neej pov plob-------------------tam tsiaj kaw nkuaj
    Sib phoom tuaj----------------nyob thaib teb chaws
    Raug luag ncaws----------------thiab raug luag cem

    Txoj kev phem------------------muaj ntau yam heev
    Luag tsis kheev------------------------mus ua dab tsi
    Hnub thawm hli-------------------tsuas tos luag faib
    Me nqaij qaib----------------nqaij npuas nqaij ntses

    Faib tsis nres---------------------txhua lub lim piam
    Tej txiv niam---------------------nyob tam npua rog
    Yawg thiab pog--------------------seev rov ua hluas
    Neej tseem puas-------------------tsis txawj sib hais

    Nyob vib nais ---------------------tsis tau ntau hnub
    Txawm siv rub --------------------koj pawg kuv cov
    Los puag sov ------------------------nyob noj pw rog
    Nco tsis txog -------------------txoj kev txom nyem

    Lub neej pem----------------------toj roob hauv pes
    Luag caum ntes-------------------------tua li tej tsiaj
    Muab cuab phiaj----------------sim muv sim phom
    Lub meej mom--------------------tib neeg thoj nam

    Vaj huam plam----------------poob nab qhoom tag
    Tseem los dag--------------nrhiav kev rhuav tshem
    Pib ua phem ----------------------rub pab rub pawg
    Kom sib tawg ---------------------tsis thooj ntiaj teb

    Txav kom deb-----------------tsis txhob koom siab
    Lub neej tshiab------------Hmoob ncav txhob laib
    raws kuv saib -------------------mas tsis tsim nyog
    Peb sib tog -----------------------cuag dev cua txha

    Lub koob ncha----------------thoob luag lwm haiv
    Thov peb xaiv------------------txoj kev haum xeeb
    Los nrog teeb---------------------vaj huam sib luag
    Peb sib puag------------------------koom ua ib tsob

    Los pov plob--------------------nrhiav kev sib thuv
    Ua siab huv ---------------------los tuav npe hmoob
    Nyob yeej koob------------------raws neeg ntiaj teb
    Thiaj muab ntxheb--------------ntos ua kwv huam

    Qhia cov ruam----------------kom nrog paub meej
    Nyob peem tsheej----------------lub neej thaj yeeb
    Kom paub tseeb------------------raws tus lw kawm
    Nrhiav kev tawm------------------txoj kev tsuj caij

    Neeg siab txaij-----------------thov muab pov tseg
    Kom neej ntseg-------------------rau yav pem suab
    Hmoob kuj cuab----------------tsis nrog luag muaj
    Dim kev quaj-------------------------lub me xib teg

    Muab pov tseg----------------txhob nco txog lawm
    Vim peb tawm----------------mus txawv teb chaws
    Peb sawv daws-------------------thov tsis txhob tos
    Kuv lus ntos----------------------------ces xaus li no

    Thov nej nco-------------------lub neej txom nyem
    Rau luag lem-----------------------lub neej qub qab
    Nyob hav fab----------------------noj nroj noj tsuag
    Neej quaj ntsuag------------nawb mog nej hmoob.

    ( xaus li no )


    Last edited by Hmong ntuj tshiab on 1st November 2015, 10:58 am; edited 4 times in total
    Hmong ntuj tshiab
    Hmong ntuj tshiab
    Sponsor
    Sponsor


    Messages : 537
    Date d'inscription : 2011-05-25

    Hmoob Ntuj Tshiab lub tsev PAJ HUAM & kab lis kev  cai Hmoob - Page 2 Empty Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Hmong ntuj tshiab 19th June 2011, 6:23 pm


    Zaj 4. Paj huam , sib ntsib hauv kev npau suav

    Tus ntawm no-----------yog nraug Hmoob vaj
    yuav los tshaj--------------muab xa xov tawm
    Lub keej khawm -----------Txoj uas kev hlub
    Ntuj thaum ub-----------------tsis tau sib yuav

    Lub ntuj nchuav-----------------ntiaj no teb tig
    Av thiaj nkig------------------dej thiaj li nphau
    Sib ncaim tau-------------peb caug tawm xyoo
    koj lub moo--------------------twb ploj zuj zus

    wb tej lus------------------------uas tau cog cia
    twb mob ntxhia--------------yuav rov qab zoo
    tseg tsis nroo-------------------ua siab tsis nco
    cas nag hmo------------------ho rov npau suav

    pom koj tuav-------------------kuv ib sab npab
    zaum ib sab-----------------tham txog kev nco
    Sim neej no----------------------cas nco ua luaj
    pom koj quaj----------------kua muag ntws sis

    kuv khoov ntshis------------muab kuv tes tsho
    Coj los so---------------------koj cov kua muag
    Kuv khawm puag ------------koj rau xub ntiag
    ib me pliag----------------------koj kua muag tu

    hnov koj hu------------------kuv npe hluas tshaj
    nraug xeem vaj------------------yog tiag los dag
    zaum no ntag-----------------xav kom yog tiag
    kuv tig kiag--------------------los tuav koj plhu

    tsa ncauj hu-------------------hais tias sim xeeb
    yeej yog tseeb---------------tsis yog npau suav
    wb tham dhuav----------------ces wb mus tsev
    taug tej kev-----------------------nce toj qis hav

    pom liaj dav-------------------ya dawb pes vog
    neeg zej zog------------------qw zom pes zaws
    liaj dav tsaws----------------------rau ub rau no
    Wb tig hlo--------------------saib rov pem roob

    Pom hav xyoob---------------hav ntoo kaj nrig
    Noog nraj yig----------------quaj hav ntas ntua
    Hnov cuab npua -------puag nram Hmoob zos
    Suab kab nqos---------------quaj kho siab tshaj

    Txiv pos daj--------------------siav kawg kiag li
    Wb luag ntxhi--------------------mus de los noj
    Kuv saib koj----------------------yeej zoo li qub
    Tseem ntxim hlub--------------li ntuj yav dhau

    Kuv tseem yau--------nyuam qhuav tiav hluas
    Wb tham txuas---------------tsis muaj tsawg lo
    Ces wb ho-------------------nqis mus looj ceeb
    Txiv nkhawb nqeeb----------siav raws tug kev

    Txi tsheej rev-------------------ua ceg rawv tag
    Wb tso dag-----------------tham luag mob plab
    Tau sib thab-----------------------sib zeg tau kev
    Pom Hmoob tsev----------nyob dai toj dhuam

    Me noog ntxuam---------------ya taug kwj deg
    Hnub tuaj ntseg----------------tshav kub sov so
    Tham kev nco-----------------yav ntuj nram qab
    Taug kev ntxhab-----------------tsis tiaj tsis tus

    wb tham lus------------------ncig mus yuj yeev
    Koj txawm seev-------------suab hais lus taum
    Wb mus zaum------------nram roob xyuam yaj
    Ib ce laj---------------------cua tuaj ntxuj ntxiag

    Wb tig ntiag------------------saib rov phab kheb
    Hmoob ua teb---------------ntuag toj ntuag pes
    Wb sawv nres-------------ntsia nram choj hlau
    Pom tsheb ntau--------------khiav cuag dab tsi

    Wb thiaj li--------------------rov mus nuam yaj
    Kho siab tshaj--------------tsis xav ncaim mus
    Koj tej lus-------------------tham seev yuj yees
    Txog kev plees-------------yav puag thaum ub

    Kev sib hlub--------------------nyob zos naj vej
    Wb kwv dej------------------puag tom dej dawb
    Dawm sib tawb--------------mus phuv xam me
    Tim ncauj ke------------------kev ncaim nce toj

    Kuv thiab koj-----------------mus dob teb zaub
    Noog puj daub-----------quaj nrov ntsho nrooj
    Hmoob tshuab nplooj-------nrov kho siab zim
    Sab puag tim------------------lawv zos tiaj qhib

    Teb kab tsib--------------------nrog koj mus lov
    Caij sawv ntxov----------------wb kuj sib ntsib
    Wb tau pib-----------------tham lus tseem tseeb
    Lus meej xeeb-------------wb tham khee kawv

    Wb mus sawv--------------puag nram chaw so
    kuv rov hlo------------------tuav rawv koj npab
    tig rov qab --------------------los txog  ntug zos
    Hmoob tuav cos -----------suab nrov doog diaj

    Hnov suab tsiaj---------------sib tog zom zaws
    Wb tshwm plaws-----------ntawm nej tog tsev
    Sib tham ntev-----------------tsis xav sib ncaim
    Koj nyob nraim-----------hauv kuv nruab siab

    Cia xyoo tshiab---------------wb mam sib yuav
    Kuv quaj zuav------------------tsis xav rov qab
    Koj siab fab--------------------tsis xav sib nrug
    Siab kub lug------------------txoj kev sib tshua

    Ob leeg ua ------------------kua muag ntws nto
    Sim neej no---------------------cas nco luaj tiag
    Quaj kawg kiag---------------vim sib nco dhau
    Lawv thiaj tau--------------sawv phov txaj nrov

    Kuv thiaj hnov---------------tsim dheev los no
    Ua cas ho-------------------yog npau suab xwb
    Kua muag twb----------ntxaum hauv ncoo tag
    Hais cuag dag--------------ntub tog hauv ncoo

    Nws ntub loo------------npaum xuas dej tsuag
    Rov qi muag----------------kom npau suav dua
    Lawv sawv ua--------------tshais ntxov los noj
    Dab ntub ploj--------------mas chim siab dhau

    Zaum tsaws npau---------kho siab tshaj plaws
    Tim teb chaws--------------------ua tsov ua rog
    Kuv thiaj nrog------------cov laus khiav lawm
    Koj kuv txawm---------plam thaum ntawd los

    Kuv tsis ntos--------------------tham txog koj li
    Zais tuag nthi---------------rau hauv nruab siab
    Koj tus ntxhiab--------------kuv tseem cim cia
    ntsib mam qhia--------------rau koj lawm xwb

    Thov kom wb------------txhob npau suav ntxiv
    Thiaj tsis chiv-----------------kev mob siab dua
    Kuv twb ua---------------------tau ib siab lawm
    Hmoov tsis sawm--------------wb thiaj sib cais

    Yog yuav hais--------------yeej tham tsis txhua
    Thiaj li ua--------------------npau suav pom koj
    Siab ntsws ntoj---------------nco koj heev dhau
    Thiaj li tau-----------------muab los tham tawm

    Koj plawv nqawm-----------siab ntsws ho nqig
    Tej tsuj plig---------------------rov los puab cev
    Siab ho ntev--------------------ua neej mus ntxiv
    Yog yuav chiv-------------------npau suav li qub

    puas muaj hnub---------------rov tau lawm mog
    Tseem xav txog----------------lub neej yav dhau
    wb tseem yau-------------nco npaum nkauj hnub
    Ntsib dab ntub-------------tseem tham luag ntxhi

    Txiv nraug hli-----------------nco koj tshaj plaws
    Yog tham ntxaws-------------ces kua muag poob
    Me nkauj Hmoob--------------tus me ntxim hlub
    Nkauj dab ntub--------------txiv nraug npau suav

    Tham tsis dhuav-------------------ua ke tsis txaus
    Hais tsis xaus----------------------tej lus sib hlub
    Nkauj dab ntub-----------thiab nraug npau suav
    Nws puas tshuav-------------ib zaug lawm thiab

    ( xaus li no )


    Last edited by Hmong ntuj tshiab on 1st November 2015, 11:02 am; edited 2 times in total
    Hmong ntuj tshiab
    Hmong ntuj tshiab
    Sponsor
    Sponsor


    Messages : 537
    Date d'inscription : 2011-05-25

    Hmoob Ntuj Tshiab lub tsev PAJ HUAM & kab lis kev  cai Hmoob - Page 2 Empty Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Hmong ntuj tshiab 19th June 2011, 6:42 pm

    zaj 9. Ncaim ntau xyoo lawm
    ab ntuj yuas……….…..…...hmoob tej me tub
    suav txij hnub…….…..….kuv ncaim koj mus
    ntev zuj zus………….……ntshe koj hnov qab

    twb yuav nyab…….…….….muaj tub muaj ki
    luag ntxhawv ntxhi………..koj tej nqaws tsho
    thiaj tsis nco………………..li kuv lawm paub
    xya caum plaub…………..….los txog tav nov

    yeej tsis hnov……………..…..koj ib tsab moo
    puas nyob zoo.……………..lawm os tus hlub
    tej lus qhub…………….……yav tas dhau los
    niaj hnub tos……………..seb puas muaj ntsib

    ho tau pib…………………..tham kev sib nco
    tsheej tag hmo…………ntshe tham tsis dhuav
    kev npau suav…………...…..los tham tsis tag
    lus tso dag…………………….los yeej ib yam

    txoj kev tham…..………...yeej tsis pov khawv
    ntuj yuas lawv…………....…..tus me kuv hlub
    hmoob tej tub……………...tus kuv nco ntsoov
    tsis tau hloov…………………..lub me siab li

    quaj dhawv dhi…………….txog koj xwb tiag
    ib me pliag………….…..yuav ncaim mus deb
    ib rooj teb…………………..rau ib ntxeev ntuj
    lub siab yuj……………..……vim yog nco koj

    mov tsis noj………………..los tsis nco tshaib
    seev me naib……..……....neeg zoo nraug xwb
    koj kuv wb……………….….puas xav ib yam
    ho tsis tham…………………..xa xov nug moo

    kev nyob zoo………………..……li yav tas los
    qub zej zos…………………nyob tim phab kheb
    nej thiab peb………………..sib yaum pauv zog
    tseem xav txog………………….ua ke cog nplej

    peb thiab nej……………………....mus ua ib ke
    wb mus de………………..…txiv pos tshauv noj
    paj ncaim toj………..…..…...nyob tawg ntsa iab
    kab noog diab…………………sib tw ntxais paj

    rooj xyuam yaj…………….….wb chaw sib tos
    qub zej zos………………ntshe ciaj hav ntxhov
    yog kuv rov……..……..…..puas yuav ntsib koj
    hos wb txoj……..………….….me kev sib hlub

    tham tag hnub……………...thiab nyob tag hmo
    yeej tseem nco…………...……….koj li yav qub
    yav thaum ub…...………..nyob ntawm peb tsev
    nej dua kev……..…………koj suab luag ntxhi

    ntuj tsau hli………………..sawv ntawm ib sab
    tuav kuv npab…………….thiab hnia kuv plhu
    kuv mam hu…………………....tias koj tuaj los
    cov lus ntos……………...tseem nco ntsoov cia

    zais tsis qhia……………..….rau leej twg paub
    niaj hnub saub………………txog koj xwb tiag
    koj xub ntiag…………….…tseem dai kuv siab
    mus ib txhiab….…………..tsis muaj hnub ploj

    kev nco koj………………..mas see txhua hnub
    li nkauj hnub……...…….……..nco txiv nraug hli
    kua muag si……….....……….…rau koj tag hnub
    hmoob tej tub…….……………tus me nraug xwb

    koj lub hlwb……….…..…..puas tseem muaj kuv
    wb chaw thuj………..……….…ntshe ciaj hav roj
    hais txog koj………………….puas nco kuv thiab
    me nplooj siab………….……nyob puag tom qab

    rau ib sab……………………….los ib ntxeev ntuj
    lub siab yuj……………..……nrog huab nrog cua
    txoj kev tshua………………..mus txog hnub tuag
    lub kua muag……………..….ntws cuag nag poob

    leej nus hmoob……...…………....tus me neeg zoo
    tau puag loo….….…….……….mus yeeb yaj kiab
    thiaj zoo siab…………….…………os me leej nus
    kuv tej lus……..………….….thov tsis txhob chim

    vim koj dim…..……………….…mus ua luag txiv
    thiaj lam tiv………………….nyob lwj siab ntsuav
    li noog puav…….………………….ua neej dai taw
    tsis muaj chaw…………………..…li no lawm tiag

    lub xub ntiag………………..…….thiaj pw txias to
    seev tag hmo………………...……rau tej npoo txaj
    lub ntuj kaj………………….……los tsis xav sawv
    ntuj yuas lawv…………………...tus me ntxim hlub

    kua muag ntub…….…………..….tej me hauv ncoo
    tsis muaj hmoo…………………….thiaj tsis tau koj
    yog tuag ploj………….……..….puas yuav sib ntsib
    nywj vag ib……………………..nyob rau nruab dab

    tuav koj npab…………….…..….haus paj zaub quag
    rov tau puag………………….…nyob kuv xub ntiag
    paj zaub qiag……………….……li kab npauj npaim
    ya nrog nraim…………………...nyob mus ywj siab

    mus thawj thiab……………………xeeb rov los dua
    tsis txhob tshua………………….lawm os tus hlub./.
    xaus li no


    Last edited by Hmong ntuj tshiab on 1st November 2015, 11:05 am; edited 1 time in total

    Sponsored content


    Hmoob Ntuj Tshiab lub tsev PAJ HUAM & kab lis kev  cai Hmoob - Page 2 Empty Re: Hmoob Ntuj Tshiab lub tsev PAJ HUAM & kab lis kev cai Hmoob

    Post  Sponsored content


      Current date/time is 28th March 2024, 10:27 am