HMOOB TSAV NTUJ

Would you like to react to this message? Create an account in a few clicks or log in to continue.

google-site-verification: googlefbfddf59e706b96b.html

Latest topics

» Ib tsoom Phoojywg Nej Nyob Licas lawm
by Liajntsuab 7th October 2019, 9:45 am

» NCIG XYUAS HMOOB NYAB LAJ TEB TSEEM UA LUB NEEJ NYOB TOJ SIAB
by Tub kev deb 3rd October 2019, 7:19 am

» Tshuaj Ntsuab
by PIJPAUJ 27th November 2018, 11:17 am

» NYOB ZOO OS
by cwjmemdub 10th October 2018, 9:37 pm

» TUS KAB MOB CANCER TXOV HMOOB LOS TAU ZE 600 TAWM XYOO & TSEEM YUAV MUAJ NTXIV
by Liajntsuab 13th April 2018, 11:57 am

» ***UA NEEB***
by shung 8th March 2018, 5:49 pm

» Neeb Saub ua rau neeg vwm
by shung 4th February 2018, 2:58 pm

» Xiong Chang
by koobpovtxuj 10th December 2017, 11:00 am

» Koobpovtxuj.
by koobpovtxuj 19th November 2017, 1:34 am

» kuv cov duab.
by koobpovtxuj 18th November 2017, 11:30 am

» KHAWV KOOB
by koobpovtxuj 30th September 2017, 4:29 pm

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

Tsev seev PajHuam

Dr. Yang Dao  Li Txiaj Ntsim Ntawm Txais Medal   Nraug_11

Hmong beauty nature

Dr. Yang Dao  Li Txiaj Ntsim Ntawm Txais Medal   Dsc08613

Compteur visitor

hnub 18/09/2010 los mus

3 posters

    Dr. Yang Dao Li Txiaj Ntsim Ntawm Txais Medal

    avatar
    Liajntsu
    Guest


    Dr. Yang Dao  Li Txiaj Ntsim Ntawm Txais Medal   Empty Dr. Yang Dao Li Txiaj Ntsim Ntawm Txais Medal

    Post  Liajntsu 13th April 2011, 10:29 am

    Kwvtij Hmoob & Koojziagkabzaug,

    Kuv muab Dr. Yang Dao cov lus qhia txog nws cov txiaj ntsim uas nws qhia rau Dr. Tony Vang tias yog vim li cas nws thiaj ho tau txais daim Medal los ntawm Tsoomhwv Nplogliab rau nej khaws cia ua dabneeg tseg nawb. Kuv ntseeg tias lub website no yog ib lub zoo thiab yuav khaws Hmoob li keebkwm tseg rau tej menyuam tom qab tau nyeem thiab qhia lawv ua neej.

    Ua tsaug ntau.

    Kwv Dr. Tony Vang

    Lub hlis November 2010, kuv raug Tseem Fwv Los Tsuas caw kuv mus koom Vientiane 450 Celebration. Tseem Fwv Los Tsuas tsis yog caws kuv tib leeg xwb. Cov Laotians living Overseas peb muaj txog 250 leej nyob 9 lub teb chaws hauv ntaij teb tau raug caws rov qab mus koom lub celebration no Los Tsuas teb. Peb cov Lao Americans, Hmong Americans, Khmu Americans, Lue Americans, etc… kuj muaj 30 tawm leej raug caw mus. U.S. State Department in Washington, D.C., and U.S. Embassy in Vientiane have been informed of our last trip to Laos. Tsis yog muaj peb cov Laotians living Overseas xwb thiaj raug caws. Tseem Fwv Los Tsuas tau caw cov U.S. Ambassador to Laos thiab cov Ambassadors thiab cov N.G.O. representatives txawv teb chaws nyob Vientiane tuaj mus koom lub celebration no tib si. Cov neeg tuaj mus koom lub koob tsheej no muaj txog 40,000-50,000 tus tuaj mus saib 17,000 tus tub ntxhais Lao, Hmong, Khmu, U-Mien, Iko, Thai-Dam, Laven, etc… tuaj 16 lub xeev (provinces) nyob thoob teb chaws Los Tsuas, hnav lawv tej khaub ncaws thiab tej tsoos raws li lawv haiv neeg (ethnic group costums) tuaj mus dance hauv Nplog lub National Stadium nyob ze lub nroog Vientiane. Yog koj xav tau DVD coj mus saib, koj sau ntawv tuaj rau kuv. Kuv mam xa ib copy tuaj rau koj.

    Hais txog ntawm kuv lub medal thiab Certificate of Recognition mas kuv thov qhia rau koj ua kwv paub li no. Kuv ib txwm tsis yog Pathet Lao ib tug tub txib tub qhev. U.S. State Department thiab cov C.I.A. Amelikas paub zoo zoo. Ua ntej kuv sawv kev nyob U.S.A. mus Laos, kuv kuj tsis paub hais tias Tseem Fwv Los Tsuas yuav muab ib lub medal rau kuv. Hnub 18 November 2010, Tseem Fwv Los Tsuas muab medals rau peb 12 tus neeg Los Tsuas los txawv teb chaws los , including kuv. Kuv tsis paub luag lwm tus cov certificate of recognition muaj ntawv sau li cas nyob hauv. Kuv daim certificate mas muaj cov ntawv sau hais tias “Peb muab lub medal of recognition rau Dr. Yang Dao vim nws tau muaj feem txhawb lub teb chaws Los Tsuas tsis ntev yav dhau los”. Qhov kuv paub tuaj hauv kuv lub nruab siab mas kuv tau ua muaj raws li nram no:

    1) Lub 5 hli 1975, cov tub puv Pathet Lao thiab North Vietnam ntau divisions (kong phone) tau tuaj nkaum tom hav zoov vij Samthong-Long Cheng- Phak Khe-Muong Cha-Ban Sone tas. Lawv tsuas tos khaas xaaj (orders) ntawm lawv cov nom xwb ces lawv qhib phom loj pho me tua General Vang Pao thiab nws cov tub puv nyob 2nd Military Region. Thaum ntawd, kuv yog ib tug “Samasik Khana Montin Passom Kanmuong (Member of National Congress of Laos) nyob Vientiane. Kuv tau hnov dheev cov xov phem no, kuv thiaj tau mus cuag kiag Prime Minister Prince Souvanna Phouma thiab Deputy-Prime Minister Phoumi Vongvichit (Pathet Lao). Kuv tau mus thov nkawd kom intervene cheem tsis pub cov tub puv Pathet Lao thiab North Vietnam tua Long Cheng cia muab political solution los resolve 2nd Military Region. Kuv ntsib nkawd tas, kuv thiaj caij C.I.A. ib lub dav hlau nyob Wattay nce mus Long Cheng mus nrog General Vang Pao sib tham. Kuv tau cheem tsis pub General Vang Pao xa dav hlau T28 mus tso bomb kom Vientiane ntsoog tas thiab kom dej nyab lub nras Vientiane ua neeg tuag tas. Kuv tau hais rau General Vang Pao hais tias yog tso T28 mus bomb raws li nws tau hais rau kuv ntshai tsoom haiv neeg Nplog sawv daws sawv nthwv yuav muab peb Hmoob Vaj Pov tua tuag tu noob tas thiab ntiaj teb neeg yuav ntxub peb haiv Hmoob heev. Thaum kawg kuv thiaj cheem tau tsis muaj tsov puv nyob Long Cheng, peb Hmoob cov nyob tsis taus, thiaj maj mam “qiv kauv txhais” khiav tuaj rau Thaib teb thiab mus ua neej nyob thoob qab ntuj li niaj hnub no. Yog koj ua kwv xav paub tseeb txog tej xwm txheej no, koj tsav tsheb mus ntsib Colonel Vang Chou thiab Than Khou Moua Lia nyob Atwater, CA. Thaum 5 hlis ntuj ntawd, nkawd ob leeg puav leej nyob ze General Vang Pao thiab kuv nyob Long Cheng. Nkawd paub kuv tej humanitarian actions no zoo zoo. Nkawd mam piav rau koj ntxiv kom meej meej rau koj ob lub pob ntseg hnov. Yog kuv tej no tseem txhaum Hmoob thiab mas koj qhia tuaj rau kuv paub.

    2) Txij lub 5 hlis 1975, kuv tawm teb chaws Los tsuas tuaj mus ua neeg thoj nam ntsuag teb ntsuag chaws nyob qab ntuj. Kuv yog ib tug activist mus rau phab PEACE AND NATIONAL RECONCILIATION OF LAOS. Kuv pom hais tias General Vang Pao thiab General Thonglith thiab nkawd cov NEO HOM KUB XAJ txoj kev mus tua teb chaws Nplog yog ib txoj kev mus ua kom peb Hmoob nyob Los Tsuas yim txom nyem thiab yim tuag coob xwb. Kuv thiaj tsis nrog lawv ua Neo Hom Kub Xaj. Yav dhau los, General Vang Pao hais lus mus txwv tuag nthi tsis pub cov Hmoob thoj nam nyob Thaib teb tuaj Amelikas teb thiab xaaj tas kom lawv rov qab mus tua Nplog teb xwb. Kuv yog tus zom audiocassettes muab rau U.S. Department xa mus Thaib teb hais kom cov Hmoob thoj nam nyob Thaib teb kav tsij tuaj Amelikas teb kom tuaj tas. U.S. State Department thiab U.N.H. C.R. tseem muaj kuv cov records. Tsis tas li ntawd, xyoo 2002, with the moral and political support of U.S. State Department, kuv tau rov qab mus Los Tsuas teb. Kuv tau mus hais kom Tseem Fwv Nplog adopt ib peaceful solution mus resolve peb Hmoob hav zoov cov teeb meem: general amnesty, social and resettlement of the Hmong in the jungle, etc… Kuv tej humanitarian actions no, U.S. Department thiab U.S. Embassy nyob Vientiane paub zoo.

    3) Xyoo 2000-2004, kuv yog ib tug tau mobilized cov Hmong, Lao, Khmu, U-Mien nyob U.S.A txog ze 11,000 tus los mus form lub LAOTIAN MULTI-ETHNIC ALLIANCE FOR U.S.A.-LAOS FRIENDSHIP cia sib pab sau ntawv mus support President Bush Administration tus NTR Extension mus rau Laos. Vim kuv pom hais tias U.S. Government twb tso cai rau U.S. companies mus nqis peev ua luam thiab mus created ib xyoos 300,000-400,000 txoj hauj lwm rau Cambodia thiab Vietnam cov pej xeem fuam fwm kom lawv muaj noj muaj haus thiab tso cai rau Cambodian thiab Vietnamese cov cov business xa lawv tej lag luam tuaj muag nyob U.S.A. Tiam sis, cov multi-ethnic population of Laos tsis tau dab tsi hlo li. Kuv thiaj took the leadership los organize lub LAOTIAN MULTI-ETHNIC ALLIANCE FOR U.S.A.-LAOS FRIENDSHIP nyob U.S.A.. Lub hlis June 2004, peb pab neeg no thiaj sign ntawv mus support tus NTR (Normal Trade Relation)nyob hauv U.S. Congress kom pub tus NTR mus rau Nplog teb thiab thov kom DEVELOP U.S.A.-LAOS ECONOMIC COOPERATION mus rau Laos tib yam li lawv ua mus rau Cambodia thiab Vietnam. Thaum kawg, U.S. Congress thiaj pass the NTR Bill thiab President Bush thiaj sign daim NTR Bill thaum lub December 2004 los mus ua LAW. Peb cov Lao, Hmong, U-Mien Business nyob Laos thiaj muaj cai xa tau lawv tej khaub ncaws, paj ntaub, Lao Beer, Lao NGEUN KHAN, etc… thiab tsis tau them se hnyav hnyav tuaj muag rau cov kiab khw nyob U.S.A.

    Kuv tej humanitarian actions no mas U.S. Department nyob Washington, D.C. paub zoo. Yog koj xav paub ntxiv tshaj qhov no, koj sau ntawv mus nug kiag U.S. Congress Betty Mc Collum nyob Washington, D.C. txog kuv lub LAOTIAN MULTI-ETHNIC ALLIANCE FOR U.S.A.-LAOS FRIENDSHIP thiab peb tej actions mus txhawb Bush Administration daim NTR BILL tom U.S. Congress nyob Washington D.C. Kuv ntseeg tau hais tias nws lub office nyob Washington, D.C., yuav qhia tas rau koj paub tseeb tseeb. Yog koj tseem muaj QUESTIONS txog kuv, koj sau ntawv tuaj rau kuv los puas hu kiag xov tuaj rau kuv los tau. Qhov zoo tshaj plaws thiab mas yog teem ib lub caij koj thiab kuv wb ob tug kwv tij phooj ywg tuaj sib ntsib cia sib tham tim ntsej tim muag los haj yam zoo. Yog koj ho xav kom muaj pov thawj nyob ntawd thiab los, koj thiaj kuv wb mus sib ntsib kiag cov nom tim U.S. Congress thiab tim U.S. Department nyob Washington, D.C. los tseem meej tshaj thiab.

    Thaum kawg no, koj los yog ib tug Ph.D. thiab educator. Kuv los yog ib tug Ph.D. thiab educator. Kuv ntseeg tau hais tias both of us have a high sense of honesty and integrity, justice and responsibility. Thov kom koj thiab kuv tsis txhob mus mloog tej rumors, tej false allegations and unjust accusations. Please, be honest with ourselves and with others for the sake of our honor and dignity.

    Kuv lus tsuas muaj li no xab. Thov kom peb Hmoob poj yawm txwv txoob tuaj pov fwm koj thiab koj tsev neeg kom sawv daws noj qab nyob zoo.

    Dr. Yang Dao


    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Dr. Yang Dao  Li Txiaj Ntsim Ntawm Txais Medal   Empty Re: Dr. Yang Dao Li Txiaj Ntsim Ntawm Txais Medal

    Post  koojziagkabzaug 13th April 2011, 12:43 pm


    Nyob zoo LiajNtsu,

    Ua tsaug nws muab tej lus puav pheej nov los tso tau khaws cia rau lub Zos nov. Lus ces neeg yuav hais li cas los yeej hais tau, tseem ceeb ces yog saib ntawm tus cwj pwm thiab tes hauj lwm seb puas muaj yam zoo rau yus haiv neeg xwb. Ua neeg nyob, txog ib lub caij ntawm neeg lub hnub nyug mas neeg muaj ntsis ua saub, koj mus ntsib lawv mas tus twg los hais tias nws yog tus zoo, tus coj sawv daws, tus luag hwm luag qhuas...Kuv li zaum no kuv tsis xav hnov neeg cov lus qhuas tus kheej lawm. Kuv xav ntsia thiab pom neeg tes hauj lwm xwb. Tus uas tsis hais ib los lus li, tsis muaj neeg qhuas li los kuv ntsia nws tes hauj lwm lawm xwb...
    avatar
    Liajntsu
    Guest


    Dr. Yang Dao  Li Txiaj Ntsim Ntawm Txais Medal   Empty Re: Dr. Yang Dao Li Txiaj Ntsim Ntawm Txais Medal

    Post  Liajntsu 13th April 2011, 1:27 pm

    Nyob zoo thiab os Koojziagkabzaug,

    Koj cov lus yog ib cov muaj tseeb. Luag tias 10 lub qhovncauj hais tsis npaum li qhovmuag pom, 10 lub qhovmuag pom tsis npaum li tau xuas tes tuav. Peb mam li tsa qhovmuag saib seb tom ntej no Dr. Yang Dao lawv tej haujlwm ho yuav mus zoo licas. Kuv ntseeg tias ZOO los peb paub hos yog PHEM los peb yeej yuav paub tsis ntev tom ntej no.

    Tsis txhob ua tsaug os qhov no yeej yog koj ua rau peb sawvdaws coj Hmoob dabneeg tuaj cia yog li kuv thiaj mus nyiag tom lawv los xwb.
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Dr. Yang Dao  Li Txiaj Ntsim Ntawm Txais Medal   Empty Re: Dr. Yang Dao Li Txiaj Ntsim Ntawm Txais Medal

    Post  koojziagkabzaug 13th April 2011, 2:09 pm



    LiajNtsu,

    Ua nws tsaug hos, nws twb yog ib tug siab dawb uas muab txhua yam zoo tuaj tso rau peb lub Tsev Txuj twj cuab ne...Tab sis yog peb tsawg tsawg es tsis muaj neeg tuaj nrog nws tham Kev tseev tsam es nws laj nrog peb nyob xwb...

    Kuv mas kuv pom tias lub caij nyoog mus sai dhau lawm, kuv tsis xav kom cov nom pheej tham lus ntau ntau, kuv xav kom lawv ua hauj lwm ceev ceev kom peb pom tawg paj txi txiv xwb. Yog lawv ua tau ko tuav ntamw tes, noj ntawm ncauj lawm ces pej xeem yeej yuav caum qab nrov ntwg xwb. Lub neej sai heev, yog peb tseem tham ntau tsis ua thiab ces ntshe tsuas tshuav peb cov lus cua lawm xwb...

    LiajNtsu, kuv twb mloog tsis tau lub xov tooj cua Xoblaimtxias li, yog nws kaw tau keeb kwm no nws pab kaw ib co rau kuv nawb mog.

    avatar
    Liajntsu
    Guest


    Dr. Yang Dao  Li Txiaj Ntsim Ntawm Txais Medal   Empty Re: Dr. Yang Dao Li Txiaj Ntsim Ntawm Txais Medal

    Post  Liajntsu 13th April 2011, 4:06 pm

    Koojziagkabzaug,

    KOj hais yog lus thiab muaj kuab kawg nkaus lawm. Lub sijhawm ya ceev cuag noog ya, yog koj muab lub moos caws mas tsuas hnov nrov nrawj nrawj no xwb. Xyov li lau ib sijhuam twb laus tag hos peb Hmoob lub neej ces nyob ib ntav ntuj hauv av los tsuj tsis tau hos saum ntuj los ncav tsis cuag. Hmoob tej neej ces zoo puav tam li ntshua niag ntuag uas ntxhov quav niab yog koj kov ces khi neeg xwb.

    Ntshe yus yuav tau nqis tes lawm os Koojziagkabzaug, yog pheej mloog lawv ua xwb no ces ntshe yuav tsis paub thiab tsis pom cia yus sim kiag seb txoj kev taug ho zoo licas yuav mus nyuab ua luaj li.

    Hmo no koj mus pw ua npausuav seb pom kuv hais dabtsi rau koj os nawb.
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Dr. Yang Dao  Li Txiaj Ntsim Ntawm Txais Medal   Empty Re: Dr. Yang Dao Li Txiaj Ntsim Ntawm Txais Medal

    Post  koojziagkabzaug 14th April 2011, 3:24 pm



    Nyob zoo LiajNtsu,

    Yog kawg, luag tus tham tham mas txhob tso siab tias yuav tau noj...Muaj tej tug neeg Ntuj tsim los tham, yus tus xav kom tau noj ces cia li khaws kiag tus tham cov lus mus ua xwb ces yus tseem yuav tau noj ua ntej tus tham thiab...Thaum ub mas nyiam cov neeg tham thiab qhuas lawv heev...Zaum no yog huab tais tshiab kav, yuav tsum nqes tes ua ntej tham mas thiaj tsis dim pa thiaj li khes xwb...Yog tham ua ntej ces dim pa lawm tssi khes lawm...

    Hahhaah...!Pw ua npau suab pom nws tab sis qhov muag txaij ces zeem tsis tau nws li...Ua tsaug nawb mog...
    avatar
    Mengvaj
    Guest


    Dr. Yang Dao  Li Txiaj Ntsim Ntawm Txais Medal   Empty cov neeg rov taw tuam hmoob

    Post  Mengvaj 27th April 2011, 11:10 am

    xyov ua cas niaj hnub no los tsis muaj cov neeg rov tau pheej tseem tuam hmoob ua luaj li uas Dr. Yang Dao mus rau lwm lwm tus thiab lub neej hmoob no yuav nyob hauv nplog liab lub xib teg tas li xwb lod.
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Dr. Yang Dao  Li Txiaj Ntsim Ntawm Txais Medal   Empty Re: Dr. Yang Dao Li Txiaj Ntsim Ntawm Txais Medal

    Post  koojziagkabzaug 27th April 2011, 11:20 am



    Nyob zoo MengVaj,

    Li nov luag thiaj tias yog Politic no mas...Tsis yog Yang Dao yuav coj Hmoob mus nyob Nplog Liab xib teg, tab sis yog Yang Dao li Politic xwb. Hauv ntiaj teb nov, yeej yuav tsum muaj txhua yam thiaj li yuav muaj équilibre. Yog muaj ib phak xwb ces yuav nyhav tog twg los tau, cia muaj ntau phak mas thiaj li zoo. Ib yam li Tswv Ntuj tsim Ecosystème, tus tsov noj tus tsiaj, tus tsiaj noj zaub, neeg tua tus tsov...Li no mas ib yam thiaj tsis tsis laum ib yam, thiaj li muaj fij xws kom ib yam txhob ntau tshaj los laum ib yam...Ho kom txhob tu taus noob thiab...
    avatar
    Lor Pov
    Guest


    Dr. Yang Dao  Li Txiaj Ntsim Ntawm Txais Medal   Empty hmoob txoj kev nyob rau nplog xib teg

    Post  Lor Pov 27th April 2011, 11:22 am

    peb hmoob lub neej tus nywj uas pheem muaj cov neeg lim hiam uas pheej mus tuaj mab sua tog muab hmoob qhau thiab nrho khauj rau hmoob li Dr Yand dao los mus rau lwm leej lwm tus ua cas es yuav pom Nplog zoo tshaj nws tus hmoob lawm thiab. Kuv saib mas zoo li Dr Yang Dao mas hlub nplog thiab txhawj nplog tshaj txhawj hmoob lawm thiab sub as. Ntshe yuav nkim hais tias yog niam hmoob lub plab yug los ua hmoob lawm no lau. yog kheev lam tias yog nplog yug ces txawm hais li cas los tsis tu siab thiab tiam sis ua cas ho yuav tias yog hmoob yog niam hmoob lub me plab yug los thiab no es. Nws pheej nrhiav kev coj hmoob mus nyob lub neej zoo siab tab tsis pom niam nkauj hnub tawm ntsa li iab tsuas yuav pom lub ntuj tsaus li nciab xwb os hmoob.
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Dr. Yang Dao  Li Txiaj Ntsim Ntawm Txais Medal   Empty Re: Dr. Yang Dao Li Txiaj Ntsim Ntawm Txais Medal

    Post  koojziagkabzaug 27th April 2011, 11:33 am



    Nyob zoo Lorpov,

    Es koj puas yog kuv tus phooj ywg laujpov xyooj nab?

    KOj hais yog kawg, tej zaud Yang dao nws txoj kev tseev tsim yeej mus li ntawd, ces thaum nws nrog luag ntau phooj ywg lawm, nws yuav tssi pom luag qhov phem. Nws yuav pom luag yam zoo xwb. Neeg nyias muaj nyias siab, nyias nyiam nyias...Logiquement mas yog yus noj cov twg li mov mas yus yuav tsum nyiam cov uas yus noj luag mov dua, tab sis muaj ib cov neeg mas noj luag mov, tab sis tssi nyiam luag, ho mus nyiam tus uas tsis tau pab ib yam rau yus li.

    Li nov thiaj muab piv rau tej nature qhov Ecosystème xwb thiaj li zoo siab...

    Cov uas tsis tau paub kev cai lij choj, tswj hwm teb chaws mas xav kom muab lub caij los mloog qhov tim khawv n,o tso...Mam hais lwm yam...

    https://hmoobtshavntuj.forumotion.com/t374-tim-khawv-raug-txim-koom-tsham-nplog-teb-1975-txiaj-dawb-xeem-xyooj#3113
    Hmoob ntuj qub qab
    Hmoob ntuj qub qab
    Sponsor
    Sponsor


    Messages : 687
    Date d'inscription : 2010-03-30

    Dr. Yang Dao  Li Txiaj Ntsim Ntawm Txais Medal   Empty Re: Dr. Yang Dao Li Txiaj Ntsim Ntawm Txais Medal

    Post  Hmoob ntuj qub qab 2nd June 2011, 9:33 pm


    Neeg nyias muaj nyias siab nyias coj li nyias tus yeeb yam li nyias tus yam ntxwv.
    Peb yuav tau xyuas qhov tias Luag ntiaj teb thiab lub teb chaws yus nyob yuav ua li cas luag thiaj tsis ntxub tsis thuam tsis tua tsis cais yus haiv neeg Hmoob yus yuav tau yoog luag tus kev cai tseev tsim kam moos hauv ntiaj teb los kuj ib yam lub teb chaws yus nyob muab luag tus kev cai lij choj los tuav kom zoo kom ruaj tshaj plaws ces yus thiaj yuav nyob kaj siab.
    Dr.YangDao tus Politic zoo kawg li lawm ceeb laj nrhiav tau ib tug Hmoob txawj coj thiab hlub Hmoob li Yawg lawm .
    xiongchang
    xiongchang
    Moderator
    Moderator


    Messages : 5005
    Date d'inscription : 2012-04-16

    Dr. Yang Dao  Li Txiaj Ntsim Ntawm Txais Medal   Empty Re: Dr. Yang Dao Li Txiaj Ntsim Ntawm Txais Medal

    Post  xiongchang 5th May 2012, 1:46 pm

    - He...he...Tog hmoob tuag, Tsi vam meej; Los vim hmoob ib txhia....Ua mej txwv, Rau nplog liab; Rhuav tshem hmoob....Yog cov thau haiv ntas laus yom.... Sad Sad Crying or Very sad Crying or Very sad Rolling Eyes Rolling Eyes

    Sponsored content


    Dr. Yang Dao  Li Txiaj Ntsim Ntawm Txais Medal   Empty Re: Dr. Yang Dao Li Txiaj Ntsim Ntawm Txais Medal

    Post  Sponsored content


      Current date/time is 28th March 2024, 11:09 am