google-site-verification: googlefbfddf59e706b96b.html

Latest topics

» TUS KAB MOB CANCER TXOV HMOOB LOS TAU ZE 600 TAWM XYOO & TSEEM YUAV MUAJ NTXIV
by Liajntsuab 13th April 2018, 11:57 am

» Ib tsoom Phoojywg Nej Nyob Licas lawm
by Liajntsuab 24th March 2018, 2:14 pm

» ***UA NEEB***
by shung 8th March 2018, 5:49 pm

» Neeb Saub ua rau neeg vwm
by shung 4th February 2018, 2:58 pm

» Xiong Chang
by koobpovtxuj 10th December 2017, 11:00 am

» Koobpovtxuj.
by koobpovtxuj 19th November 2017, 1:34 am

» kuv cov duab.
by koobpovtxuj 18th November 2017, 11:30 am

» KHAWV KOOB
by koobpovtxuj 30th September 2017, 4:29 pm

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

» Kiab toom lauj npliaj yob lub qub tsev.
by Admin 1st August 2017, 5:04 pm

» Kawm LUS ROV
by koobpovtxuj 10th July 2017, 1:54 pm

» Hmong dance hiphop 2017 [ dance zoo siav heev li]
by zabyaj 15th June 2017, 12:05 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    Kev Tu Me Nyuam Kom Noj Qab Haus Huv

    Share
    avatar
    koojziagkabzaug
    Moderator
    Moderator

    Messages : 3529
    Date d'inscription : 2010-02-28

    Kev Tu Me Nyuam Kom Noj Qab Haus Huv

    Post  koojziagkabzaug on 31st March 2011, 6:52 am


    Kev Tu Me Nyuam Kom Noj Qab Haus Huv


    Kom cov me nyuam noj cov zaub mov yog thiab txiav tau kom lawv txhob saib T.V. es mus ua si nraum zoov yuav tsis yooj yim.
    Tiam sis siv sij hawm los teev kev cai hauv vaj hauv tsev txog kev noj kev haus thiab kev qoj ib ce thaum cov me nyuam tseem yau
    tseem ceeb heev. Tej kev soj ntsuam pom tias cov me nyuam uas noj zoo thiab siv lub cev ua ub ua no loj hlob los muaj teeb meem muaj
    mob muaj nkeeg tsawg dua thiab kawm tau ntawv zoo dua. Kom pab tau cov niam txiv txog txoj kev noj qab haus huv thiab qoj ib ce, phau
    ntawv no sau qhia ib cov kev uas pab tau koj tsev neeg kom ua raws li txoj kev noj qab haus huv.

    Yuav Pib Li Cas

    Pam Van Zyl York, tus tswv thawj ntawm Action for Healthy Kids
    Minnesota, yog ib lub koom haum txhawb me nyuam txoj kev noj
    qab haus huv, qhia niam txiv tej tswv yim qhuab qhia me nyuam
    kom txawj txiav txim zoo xws li kev haus dej qab zib mus rau kev
    txiav txim kom pab lawv loj hlob noj qab haus huv.
    Rau cov niam txiv, qhia cuj pwm thiab txhawb txoj kev coj cuj
    pwm zoo tsis yog ib txoj kev yooj yim. “Nws siv dag zog cob tiag
    thiaj hais tau tias ‘Koj xaiv tau qhov no xaiv tau qhov tov’ es tsis cia
    cov me nyuam ua raws lawv siab nyiam,” nws hais qhia. Van Zyl
    York yuav tsum paub tias; nws yog ib leej niam nws tus kheej, nws
    ua hauj lwm nrog cov tsev kawm ntawv thiab lwm cov pab pawg
    qhia kev qhuab qhia txog kev noj qab haus huv thiab kev qoj ib ce
    rau me nyuam.
    Muaj li 16 feem pua ntawm cov me
    nyuam me thiab me nyuam yaus cev loj nyhav
    dhau. Nees nkaum xyoo dhau los qhov teeb
    meem txoj kev rog nyhav dhau muaj lawm ob
    npaug rau cov me nyuam me thiab peb npaug
    rau cov me nyuam yaus uas tau muaj txoj kev
    mob plawv thiab mob ntshav qab zib uas yog
    ob hom kab mob tej laus thiaj muaj xwb. Cov
    kev qhia tau tias yog tsis noj qab haus huv
    yog mob pw tsis taus, mob pob qib txha, teeb
    meem siab, hniav thiab pos hniav phem thiab
    nyob tsis taus twj ywm.
    Cov tswv yim nram no yog tej yam yuav
    tau khaws rau nruab siab thaum koj qhuab
    qhia hauv koj lub tsev:

    Kom muaj zaub mov zoo noj.

    Cov me nyuam tsuas noj yam lawv pom muaj
    thiab tsis hais txog qab zib, qab ntsev thiab
    zaub mov muaj roj. Piv txwv, Van Zyl York
    hais tias nws muaj ib hnab zaub carrot nyob
    hauv tub yees txias rau nws cov me nyuam.
    “Kuv cov me nyuam noj cov zaub ntawv cuag
    li lwm cov me nyuam noj qos yaj ywm kib,” nws hais. Ntau zaus cov
    me nyuam nyiam noj zaub mov zoo, nws hais, tab sis cov niam txiv
    tsis ras txog xwb. Raws li nws cov kev soj ntsuam, cov hluas hais
    tias yam lawv xis noj dua yog txiv pos nphuab (strawberries)
    ntshiab. “Peb pheej tsis nco qab tias qos yaj ywm kib thiab qhob
    noom chocolate tsis yog yam lawv xis noj,” nws hais.

    Yog tias ua tau, mus tom khw yuav zaub koj tib leeg kheej.

    Sij hawm thiab haiv neeg hom khoom noj yog tej ua rau niam txiv
    tsis ras pub noj kom zoo rau lawv cov me nyuam yog li mus khw
    muas zaub los twb mus nyuab. Vim txoj kev lag luam kev ntxias pha
    cov me nyuam kom txawj txob lawv cov niam txiv kom muas tej
    yam zaub mov thiab feem ntau yog tej zaub mov tsis zoo uas qab
    qab zib thiab muaj muaj roj thiab tsis tshua zoo noj.

    Tsis txhob ntshai hais tias tsis kam.

    Lo lus kawg kiag, cov niam txiv yuav tau nco
    tias lawv yog cov tswj lawv cov me nyuam
    txoj kev noj haus, William Dietz uas yog ib tus
    kws kho mob rau me nyuam thiab tus thawj
    tswj ntawm lub Disease Control and
    Prevention fab noj qab haus huv thiab kev siv
    lub cev ua ub no. “Cov niam txiv yuav tau
    rhais cov kauj ruam no,” nws hais. “Lawv tsis
    tas yuav piav tias yog vim li cas. Cov niam
    txiv pheej xav tias lawv cov me nyuam yuav
    tau txaus siab li lawv hais, tiam sis qhov tseeb
    lawv twb yog cov yuav tsum ua txoj dej num
    no vim lawv yog cov neeg laus.”
    Dietz kuj pom zoo mus ntxiv tias cov
    hluas yuav nug lawv niam lawv txiv kom tau
    cai qhib lub tub yees. “Yuav tsum muaj kev cai
    txog txoj kev qhib lub tub yees mus muab
    zaub mov vim hais tias nws yog leej niam leej
    txiv txoj kev txiav txim seb lawv yuav noj tau
    dab tsi.”

    Cov Tswv Yim Pab Tau


    • Qhia kom me nyuam xyaum haus
    dej dawb swm txhob haus dej qab
    zib los yog kua txiv ntoo thaum
    lawv nqhis dej.
    • Yog koj cov me nyuam haus kua
    txiv ntoo, hloov rau cov tsis muaj
    piam thaj xws li kua maj naus los
    yog noj lub txiv kiag.
    • Tua lub T.V. thaum txog caij noj
    mov.
    • Muaj khoom txom ncauj zoo xws
    li txiv hmab, txiv quav ntswg los
    yog cheese.
    • Thaum tsev neeg mus tawm rooj
    thaum lub caij noj mov, npaj su
    tsis txhob mus noj hauv tej khw.
    • Qhia cov me nyuam ua tej yam
    uas koj kawm ua thaum koj tseem
    yau.


    U a s i n r o g k o j c o v m e n y u a m . Ta u g k e v n c i g l u b k h w n t a u l w m n t x i v.


    [Thaum cov me nyuam loj hlob txij yav
    hluas, cov niam txiv yuav tau tso kev tsis coj
    nruj nruj heev thaum cov me nyuam tawm hauv
    tsev mus tiam sis cov kev cai noj haus hauv lub
    vaj lub tsev yuav tsum coj nyob nruj li qub.
    “Cov niam txiv yuav tau hais tias, ‘Cov no yog
    cov zaub mov. Yog koj tsis tshaib plab, kuv
    muab cia es ib pliag koj mam li noj,’” Dietz
    hais. Cov hluas uas loj hlob hauv tsev neeg yeej
    txhawb kev noj zaub mov zoo muaj feem yuav
    coj tus cuj pwm noj zoo lawv tus kheej.

    Tswj kev saib TV thiab kov Hlwb hlau.

    Ob peb hom kev soj ntsuam pom tias peb lub
    teb chaws no tus cuj pwm txoj kev ua si tua
    game thiab saib T.V. yog ib txoj kev cob qhia
    kom tsis txawj ua ub no thiab cob qhia cov me
    nyuam txog tej zaub mov uas tsis zoo rau lub
    cev. Txoj kev tsis zoo tshaj plaws uas niam
    txiv ua yog muab ib lub TV tso rau hauv tus
    me nyuam chav pw. Tswj txoj kev me nyuam
    saib T.V. los yog txoj kev tua game yuav pab
    kom lawv mus tawm rooj ua si.

    Mus tawm rooj.
    Thaum mus tau, txhawb koj cov me nyuam kom
    mus ua si nraum zoov. Tej thaum txawm tias
    cov me nyuam loj hlob ntawm tej cheeb tsam
    tsis tshua muaj kev ruaj ntseg zoo los ntshe
    yuav zoo dua zaum rawv ntawm lub T.V. Yog
    koj cheeb tsam tsis muaj kev ruaj ntseg zoo rau
    cov me nyuam ua si, nrhiav tej chaw kom zoo
    xws li chav tsev ntaus ncaws pob los yog lub
    tsev uas pej xeem ib cheeb tsam sib koom tau
    rau lawv qov ib ce. Nws kuj yog lwm txoj kev
    txhawb kom tsev neeg tau ua si ua ke tam ib
    tsev neeg.

    Qhov kawg, muaj kev lom zem.

    Cov niam txiv yuav tsum txhawb lawv cov me
    nyuam koj koom nrog kev ntaus pob ncaws
    pob vim yuav muaj kev qoj ib ce thiab sij
    hawm rau lawv muaj kev sib raug zoo.
    Ib txoj kev soj ntsuam txog cov me nyuam
    kawm ntawv qib tsib pom tias txoj kev lom
    zem yog thawj yam uas pab kom cov me
    nyuam nyiam ua ub ua no thiab lawv nyiam
    muaj sij hawm nrog lawv cov phooj ywg thiab
    cov tsev neeg. Txawm koj cov me nyuam tsis
    nyiam tej kev ntaus pob ncaws pob uas muaj
    neeg tswj nrug los lawv muaj ntau txoj kev
    taug: nrog tej txheeb ze pov pob hauv tej kev
    los yog nram tej kev, taug kev mus rau tej
    tshav ua si nrog leej txiv, los yog tsim lawv
    yam kev ua si nrog tej me nyuam nyob ze ib
    cheeb tsam.

    Npaj siab rau tej cuj pwm zoo.

    Yog cov neeg hauv tsev muaj cov cev loj
    nyhav dhau, yuav tau noj tej zaub mov zoo
    thiab qoj ib ce, tsis txhob tham txog kev ua
    kom yuag. Cov hluas los yog me nyuam me
    hnov txog tej lus phem txog lub cev nyhav
    tsis xav zoo txog lawv tus kheej thiab muaj
    feem yuav xyaum mus ua tej yam tsis zoo.
    Yog koj tus me nyuam hluas qhia rau koj
    tias nws xav tias nws yuav tau ua kom nws
    yuag, txhawb kom nws noj tej zaub mov zoo
    thiab ua ub no kom siv nws lub zog thiab cia
    nws lub cev mam li ua hauj lwm rau nws.
    Tham txog tias noj txiv hmab txiv ntoo ua
    khoom qab zib thiab tej kev txiav txim zoo,
    tsis txhob tham txog lub cev qhov rog nyhav.

    Maj mam hloov.


    Kev hloov tsis yooj yim yog li ua kom yooj
    yim rau koj tus kheej thiab maj mam hloov
    zus. Nov yog ib cov tswv yim pab kom coj
    tau tag nrho tsev neeg noj qab haus huv:
    • Ua cov coj cuj pwm zoo.
    • Noj txiv hmab txiv ntoo ntau dua thiab zaub.
    • Hloov mus rau cov zaub mov tsis muaj roj.
    • Tshem tawm tej dej qab zib.
    • Noj kom tsawg.
    • Noj cov khoom muaj nplej ntau ntxiv.
    • Txaus siab noj koj cov zaub mov.

    Cov Khoom Txom Ncauj Zoo

    Txiv ntoo ntsw kua qab
    Kom noj txiv ntoo lom zem dua, hlais
    cov txiv ua nplais los ntsw tej yogurt
    los yog tej kua txiv ntsw kom qab.

    Carrot nrog txiv laum huab xeeb
    Cov me nyuam kuj nyiam noj carrot
    nrog txiv laum huab xeeb xws li hom
    zaub kav ntsuab pleev nrog txiv laum
    huab xeeb thiab txiv quav ntswg uas
    luag tis npe hu uas “ntsaum nce cav”
    (zaub kav ntsuab, txiv laum huab
    xeeb thiab cov txiv quav ntswg).

    Cov Txiv Hmab Khov

    Qhov nov yog ib hom txom ncauj zoo
    noj, lom zem, txhawb zog thiab ua
    rau cov me nyuam dhia ib hnub (vam
    tias yuav npaj kom muaj ntau yam ua
    txaus ib hnub) zog ntaug tag kom
    muaj zog.

    Paj Kws Pleev Qab

    Paj kws pleev ntsev tsis txhob pleev
    roj butter kom qab tiam sis tsis muaj
    roj nrog.

    Cov Khoom Txom Ncauj Uas Yuav Tau Txwv


    Cov dej muaj piam thaj Carbonate

    Cov dej qab zib muaj piam thaj,
    khoom tsau ntev ntev kom txhob lwj
    thiab tej qab zib, tag nrho cov no
    yuav ua rau kom lub cev qhuav dej.

    Khoom noj uas npaj tiav muag

    Cov khoom cub muaj ntau yam
    txuam nrog, khoom ua kom qab uas
    tsis yog tej yam tseem, thiab tej
    khoom muab tsau ntev ntev kom
    txhob lwj. Cov me nyuam tsis tau tej
    zaub mov zoo thiab tsis muaj zog los
    ntawm cov khoom txom ncauj zoo li
    no.

    Qab zib Candy bar

    Hloov cov qhob noom candy bar mus
    noj lwm cov qhob noom zoo noj xws
    li cov carob chocolate granola bar.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3529
    Date d'inscription : 2010-02-28

    Re: Kev Tu Me Nyuam Kom Noj Qab Haus Huv

    Post  koojziagkabzaug on 31st March 2011, 6:59 am




    Vim Li Cas Noj Mov Ua Ke Muaj Kev Txawv Txav


    Cov me nyuam uas noj mov nrog tsev neeg tsawg kawg li
    plaub zaub ib lim piam twg tau noj txiv hmab txiv ntoo,
    zaub, nplej thiab cov zaub mov muaj zog rau cov pob txha,
    noj tsawg cov zaub mov kib thiab haus dej qab zib tsawg
    dua li cov tsis koom noj mov nrog tsev neeg raws li cov
    neeg soj ntsuam hauv Tuam Tsev Kawm Ntawv Qib Siab
    University hauv Minnesota.
    Vim li cas? Cov niam txiv xaiv yam yuav noj thiab
    txhua tus noj tib yam zaub mov ua ke yog ib tug cuj pwm
    cob qhia muaj zog.
    Ib qhov muaj zog thiab tseem ceeb tshaj uas txw tau
    cov me nyuam kom noj zoo yog noj li cov niam txiv noj.
    Yog peb xav kom cov me nyuam noj zoo, cov niam txiv
    yuav tau ua cov qauv cuj pwm zoo cob.
    Cov zoo ntawm txoj kev noj mov ua ke muaj mus tob dua
    txoj kev noj qab haus huv. Cov neeg tshawb fawb pom tias
    cov hluas uas noj mov xya zaus los yog tshaj nrog lawv tsev
    neeg kawm tau ntawv zoo dua, tsis muaj kev nyuab siab
    heev, haus dej caw tsawg tus, tsis haus luam yeeb los yog siv
    tshuaj yeeb dua cov me nyuam uas noj mov nrog lawv tsev
    neeg tsawg dua ob zaug ib lim piam twg.
    Nws tsis yog hais txog zaub mov xwb tiam sis yog txoj
    kev ua ke tam ib tsev neeg. Caij noj mov yog lub sij hawm
    rau cov neeg hauv tsev neeg sib taug qab txog ib leeg dhau
    ib leeg thiab sib qhia kom sib paub txog tej phem tej zoo
    ntawm ib hnub dhau los txog, sib tham thiab qhia tswv yim
    thiab qhia txog tej kev tseem ceeb rau lawv. Thiab tseem
    ceeb tshaj yog tau luag zoo siab ua ib ke!


    Kom sib xeem dhia hlua—los yog muab cov k a u j ya s H u l a - H o o p l o s s i b k i v q o j .


    Siv Koj Lub Zog!

    Qoj ib ce tsis tag yuav nyuab nyuab. Tsuav cov me nyuam ua ub ua
    no xwb ces yeej qoj ib ce lawm. Txhais tau tias kev ua si los kuj yog
    kev qoj ib ce txawm tias ua si hauv tsev xwb thiab kev ua si (tsuav
    tsis yog ua si ntawm T.V. los yog cav computer) yog lub ntsiab yuav
    ua tau kom cov me nyuam pib siv lawv lub zog.
    Pom zoo tus me nyuam me los yog tus me nyuam yaus ua si siv
    lub zog txaus nkaus mus li ib teev.
    Qhov rau caum feeb no muab faib ua ob peb zaug tau rau ib
    hnub twg. Ua si sib caum kis kas cees tib pliag los tau, ua las voos
    lom zem, sib xeem dhia hlua—dab tsi los tau tsuav kom koj cov me
    nyuam siv lub cev ua ub no xwb.
    Tiam sis ceev faj txawm tias qhov koj ua yeej yog vam zoo xwb
    los txoj kev yuam koj tus me nyuam ua dab tsi yeej yuav muaj kev
    rov tsis txaus siab rau koj thiab. Cov niam txiv yuav tsum to taub tias
    lawv yuam tsis tau ib tug me nyuam mus qoj ib ce.
    Tag nrho cov niam txiv tsuas pab kom lawv cov me nyuam ua
    neeg paub lawv tej dej num txog kev ceev lawv lub cev thiab saib
    xyuas lawv tus kheej vim lawv muaj peev xwm ua tau thiab xav ua
    tiag xwb.

    Kev Zoo Rau Lub Siab Lub Ntsws

    Txawm zoo xws li pom tej kev zoo rau lub cev xwb los tej cov kev
    zoo rau lub hlwb thiab lub siab lub ntsws muaj ntau yam thiab.
    Kev qoj ib ce muaj feem xyuam nrog tej kev zoo rau lub hlwb
    xws litsis tshua muaj kev nyuab siab thiab ntxhov siab, kaj siab dua
    thiab muaj peev xwm thiab lub neej zoo dua txhua txhia txoj kev.
    Cov me nyuam nquag ua ub ua no muaj feem tsis muaj ua
    txhaum kev txhaum cai thiab kawm tau ntawv zoo dua. Cov me
    nyuam uas tsis ua ub ua no yav nruab hnub muaj teeb meem rau txoj
    kev cim xeeb ua rau lawv kawm tsis tau ntawv zoo. Cov me nyuam
    qoj ib ce siv lawv lub dag zog zoo thiab kawm tau ntawv zoo dua.

    Lom Zem: Hom Kev Ua Si Lub Npe

    Ua kom cov me nyuam ua ub no tau yav caij ntuj no tsis yooj yim.
    Muaj hmoo, cov chaw pab lub cev kom noj qab haus huv tseem muaj
    chaw ua si hauv tsev thaum cov huab cua phem.
    Tam li cov koom haum, YMCA thiab YWCA yog chaw zoo,
    chaw muaj ntau haiv neeg, muaj kev zoo thiab tam sim no mus xav
    txog kev zoo rau yav tom ntej. Muaj chav qhia me nyuam yaus xws
    li “Kid’s Exercise Night” thiab “Kid’s Yoga” uas yog ob hom kev
    kawm ua si qoj lub cev.
    Cov kev pab no yog kom muaj kev lom zem uas cov me nyuam
    nyiam dua li txoj kev ‘qoj ib ce’ uas yog ua rau kom lawv xav txav
    deb. Ua kom phim li tej kev tshiab, cov kev pab no muaj cov kev
    qoj ib ce nrog rau tej nkauj tshiab tam sim no uas yog cov me nyuam
    hluas thiab cov neeg hluas lawv nyiam.
    Thoob plaws hauv Teb Chaws Asmeska, ntau lub chaw pab kom
    lub cev muaj kev noj qab haus huv zuj zus txhawb kom cov niam
    txiv thiab lawv cov me nyuam mus koom kev qoj ib ce xws li
    aerobic, pilate los yog qoj ib ce hauv pas dej ua ke.
    Thaum koom nrog ib lub chaw pab li no yog ib qhov zoo, koj
    tsis tag yuav hais kom me nyuam ua yam twg. Cov yooj yooj yim li
    coj tej tsiaj mus taug kev, khiav dhia ua si ntawm dej tsuag ywg
    nyom, kaus nplooj lwg ua pawg ces dhia rau los yog mus xyuas tej
    tsev museum teev dab neeg yuav pab tau ntau heev rau koj tsev neeg
    txoj kev noj qab haus huv.
    Thiab nco qab ntsoov, ua tau kev qoj ib ce kom lom zem dua
    yog thaum muaj tus phooj ywg los yog ib tug neeg hauv tsev koom
    ua nrog koj. Yog neeg nyiam lawm, txoj kev siv lub cev ua ub ua no
    yuav ua tau mus ntxiv, yog muaj tus txhawb thiab koom nrog pom tej
    kev hloov.

    © 2005
    Siv Koj Lub Zog!
    Mpls/St. Paul Magazine tau tso cai rov luam tawm dua.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3529
    Date d'inscription : 2010-02-28

    Re: Kev Tu Me Nyuam Kom Noj Qab Haus Huv

    Post  koojziagkabzaug on 2nd April 2011, 2:18 pm


    Tsab Ntawv Tshaj Txog Zaub Pob Ntsuab (Broccoli)


    Yuav Kawm Tau Ntawv Zoo Los Yuav Tsum Yog Muaj Kev Noj Qab Nyob Nyab Xeeb.
    Yog hais tias koj tus me nyuam noj tej zaub mov uas muaj txiaj ntsim zoo pab rau lub cev, nws
    yuav mloog/nco tau xib fwb tej lus zoo dua, to taub tej uas xib fwb qhia zoo dua thiab ua tej ntaub
    ntawv uas xib fwb muab rau ua tau zoo dua. Tsab ntawv, “Lub Hlis Sau Qoob” no yog muab tej
    tswv yim tshiab rau koj tsev neeg kom sim noj tej txiv hmab txiv ntoo thiab
    txawj muab ntau hom txiv hmab txiv ntoo thiab zaub los ua ntau yam noj.
    Kev Sau Qoob Ntawm Lub Hlis No Yog Tham Txog Zaub Pob Ntsuab(Broccoli).

    Nws Tsis Yog Ib Qho Zoo Rau Koj Tus Me Nyuam Pheej Zaum Ntau Xwb.

    Lub ob hlis yog lub hli khwv (American Heart Month). Yuav tsum
    tau ua si, taug kev los sis siv lub cev ua hauj lwm yam tsawg kawg nkaus
    ib hnub ib teev. Yog tias koj xav paub ntau tshaj no qhib koj lub computer
    es mus saib hauv: www.americanheart.org.
    Yuav tau nrog koj tus me nyuam taug kev txhua txhua lub plua (week). Mus yaum cov
    neeg uas nyob ze koj los sis lawv cov me nyuam nrog nej taug kev ua si.
    Yog hais tias nej tab tom saib TV es ho muaj kev tshaj tawm lag luam los cuam tshuam
    no ces hais kom nej cov me nyuam sawv mus ua exercise kom qhov kev tshaj tawm lag luam
    ntawd dhau mus tso. Ntsia seb tus me nyuam twg yog tus uas nquag ua exercise tshaj.
    Yog tias koj xav paub tej hais no ntau ntxiv mus saib ntawm www.kidnetic.com los sis
    ntawm www.verbnow.com hauv koj lub computer.

    Kev Tu Zaub Pob Ntsuab (Broccoli) Cia Thiab Muab Ua Noj

    Muab cov zaub pob ntim rau hauv hnab yas es txhob pav ncauj, mam muab tso rau hauv
    txee txias(refrigerator). Tsis txhob rawm muab cov zaub pob ntsuab tsaug dej los sis ntxuav,
    thaum twg yuav ua noj mam tsaug kiag xwb.
    Muab zaub pob ntsuab cub, hau hauv microwave los sis kib los tau. Txhob hau ntev ntev
    yuav ua rau cov zaub lwj thiab tsis muaj cov kuab vitamins thiab minerals lawm.

    Tseem Muaj Ntau Yam Uas Yuav Ua Tau Kom Muaj Kev Nyob Hauj Zas.

    Thaum koj mus ncig yuav khoom noj tom tej khw, nco qab ntsoov coj koj tus me nyuam
    nrog koj mus. Hais koj tus me nyuam kom pab koj xaiv yuav tej txiv hmab txiv ntoo thiab zaub
    uas koj tsev neeg nyiam noj.
    Hais kom koj tus me nyuam noj txhua pluas mov uas tsev kawm ntawv npaj rau lawv.
    Yog tias koj xav paub tej zaub mov no kom ntxaws tshaj no, hu rau koj tus me nyuam tus xib fwb
    los sis hu mus rau hauv tsev kawm ntawv lub chaw ua hauj lwm es kom lawv tshab txhais ntxiv.
    Yog hais tias koj tus me nyuam ntim zaub mov hauv tsev mus noj tom tsev kawm ntawv,
    yuav tsum kom muaj tej kua txiv hmab txiv ntoo uas tseem tseem, tej txiv hmab txiv ntoo qhuav
    los sis zaub nplooj ntsuab tej.
    Tham nrog koj tus me nyuam seb lawv kawm txog cov zaub pob ntsuab no tom tsev
    kawm ntawv li cas thiab seb lawv kawm txog dab tsi hauv lawv chav kawm.

    Yuav Tau Sim Ua Li Hauv Qab No Kom Me Nyuam Yaus Ho Nyiam Noj Zaub Pob Ntsuab (Broccoli) Zog Ntxiv:

    Muab tsaug kom huv thiab hlais ua tej daim me me do ua salad noj. Txhob hau.
    Yog hais tias koj muab zaub pob ntsuab cub/ncu, muab kua txiv npaws ywv los sis cov
    kua shredded parmesan cheese uas muaj roj tsawg los ywg rau xwv kom thiaj qab zog tuaj.
    Ib yam ntxiv yog noj nyoos uas yog muab suam ua tej daim es ntsw cov kua sauce ntsw
    zaub nyoos uas tsis muaj roj (fat-free vegetable dip). Koj mus nrhiav yuav tau cov kua sauce no
    ntawm cov khw muag khoom noj. Los yog koj mam muab cov kuas fat-free sour cream los tov
    rau ib pob seasoning me me xwb los tau.
    Muab tej zaub pob ntsuab uas suam tau me me los xyaw zaub, mov, ncuav, qe los sis
    lwm yam khoom noj los tau.
    Yog koj xav paub ntau ntxiv, mus saib ntawm www.harvestofthemonth.com hauv koj lub
    computer.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Sponsored content

    Re: Kev Tu Me Nyuam Kom Noj Qab Haus Huv

    Post  Sponsored content


      Current date/time is 15th July 2018, 1:45 pm