HMOOB TSAV NTUJ

Would you like to react to this message? Create an account in a few clicks or log in to continue.

google-site-verification: googlefbfddf59e706b96b.html

Latest topics

» Ib tsoom Phoojywg Nej Nyob Licas lawm
by Liajntsuab 7th October 2019, 9:45 am

» NCIG XYUAS HMOOB NYAB LAJ TEB TSEEM UA LUB NEEJ NYOB TOJ SIAB
by Tub kev deb 3rd October 2019, 7:19 am

» Tshuaj Ntsuab
by PIJPAUJ 27th November 2018, 11:17 am

» NYOB ZOO OS
by cwjmemdub 10th October 2018, 9:37 pm

» TUS KAB MOB CANCER TXOV HMOOB LOS TAU ZE 600 TAWM XYOO & TSEEM YUAV MUAJ NTXIV
by Liajntsuab 13th April 2018, 11:57 am

» ***UA NEEB***
by shung 8th March 2018, 5:49 pm

» Neeb Saub ua rau neeg vwm
by shung 4th February 2018, 2:58 pm

» Xiong Chang
by koobpovtxuj 10th December 2017, 11:00 am

» Koobpovtxuj.
by koobpovtxuj 19th November 2017, 1:34 am

» kuv cov duab.
by koobpovtxuj 18th November 2017, 11:30 am

» KHAWV KOOB
by koobpovtxuj 30th September 2017, 4:29 pm

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

Tsev seev PajHuam

Vaj Nom Pov Cawv xeeb 70 xyoo Nraug_11

Hmong beauty nature

Vaj Nom Pov Cawv xeeb 70 xyoo Dsc08613

Compteur visitor

hnub 18/09/2010 los mus

3 posters

    Vaj Nom Pov Cawv xeeb 70 xyoo

    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Vaj Nom Pov Cawv xeeb 70 xyoo Empty Vaj Nom Pov Cawv xeeb 70 xyoo

    Post  koojziagkabzaug 14th March 2011, 12:21 pm

    Vaj Nom Pov Cawv xeeb 70 xyoo




    Vaj Nom Pov yog Yawg Hlob Vaj pov tus kwv, nws tuaj nyob rau Fab Kis teb. Hnub Saturday 12 lub 3hlis nov, nws cov me tub me nyuam tau sib koom ua nws lub Cawv Xeeb 70 xyoo li neeg laus.Nyob rau lub nroog Saint Etinne, Fab Kis teb. Nws yog ib tug neeg muaj pev xwm thiab muaj hmoo heev...Nws pib nws lub neej thaum muaj 12 xyoos los mus, nws yog me nyuam ntsuag, ces txom nyem thaum yau, tab ssi nws yog ib tug neeg lim xeeb thiab nquag nrog rau nws txoj hmoo, nws thiaj ua tau ib lub neej muaj koob nto moo. Nws piav nws lub neej me nyuam ntsuag, txaus los kua muag. Nws piav nws lub neej ua luag qhev, kuj tu siab them.
    Yam thaum nws yau, tssi muaj niam muaj txiv ces tssi tau mus kawm ntawv, niaj hnub mus cuab noog. Cuab tau noog los txog, luag cem tias niag ntsuag plab hlob tsis txhob pub mov rau noj, luag muab mov cia zoj, yus tseev tau noog ci siav tsis muaj mov los ntxhuag...Tej hluas nkauj tseem hais kwv txhiaj thuam tias: Ntsuag ci tau noog tsis muaj mov ntxuag...Thaum loj me ntsis mus ua luag qhev, luag noj luag cuam kiag noj nrog dev...Ho mus ua qhev ntxhuav luag tsheb, tus Los Pav txawj xav, ho daus ib taig rau nws noj huv li si. Thaum luag txib, yus ua qhob quav sib, tso sas tas li ces ua rau luag nyiam, rov noj mov ces luag rub los nrog luag noj saum tsum...Txij ntawd los ces thiaj pib muaj fij xws, tau nrog luag ua nom ua tswv, zaum lub rooj pem toj nyob rau luag qhuas, mus rau luag nco...
    Vaj Nom Pov muaj 3 tug poj niam, muaj 31 tug me nyuam, loj hlob tiav neej tag nrho. Nws qhuav nws 3 tug niam heev...Yog muaj 3 tug niam zoo nws tsev neeg thiaj nyob nto moo...16 tus ntxhais, 15 tug tub. Cov ntxhais muab vauv 15 leeg tshuav ib leeg, cov tub muab nyab tag 11 leeg tshuav 4 leeg tsis tau tau muab nyab.
    Vaj Nom Pov hais tau ib los lus raug kuv siab heev...Nws hais tias: Peb yog Hmoob, peb yuav txhob mus xyaum luag tej, hnov tias luag ua li ub li no, peb tsis txhob mus xyaum. Tej yam uas ib txwm tsis muaj nyob hauv peb Hmoob txoj kev cai. Yam li muaj me nyuam es pheej muab rho pov tseg...Ua neeg nyias muaj nyias ib txoj hmoov los ua neej...Yog yus xav rho tus me nyuam twg, yus pheej muab rho...Nyob tsam yus ho muab tau tus ntse, tus muaj hmoo, tus tsim txiaj rho pov tseg, yus ho tseg tus ruam thiab tus tsis mloog lus...Li ntawd yuav tsum txhob mus xyaum rho me nyuam li luag tej lwm haiv neeg.

    Tag nrho nws tsev neeg ntawm nws ntiag nrog xeeb leej xeeb ntxwv lawv muaj tshaj 200 leej...Pom tej tsev neeg coob coob txawj sib hlub sib haum xeeb mas kuj ua rau teb chaws ntsha w lawv kawg nkaus.

    1- Vaj Nom Pov Cawv xeeb 70 xyoo Sa400013

    2- Vaj Nom Pov Cawv xeeb 70 xyoo Sa400014

    3-Vaj Nom Pov Cawv xeeb 70 xyoo Sa400111

    4-Vaj Nom Pov Cawv xeeb 70 xyoo Sa400112

    5- Vaj Nom Pov Cawv xeeb 70 xyoo Sa400113

    6-Vaj Nom Pov Cawv xeeb 70 xyoo Sa400114

    7-Vaj Nom Pov Cawv xeeb 70 xyoo Sa400115

    8-Vaj Nom Pov Cawv xeeb 70 xyoo Sa400116

    9-Vaj Nom Pov Cawv xeeb 70 xyoo Sa400117

    10-Vaj Nom Pov Cawv xeeb 70 xyoo Sa400118

    11-Vaj Nom Pov Cawv xeeb 70 xyoo Sa400119

    12-Vaj Nom Pov Cawv xeeb 70 xyoo Sa400120

    13-Vaj Nom Pov Cawv xeeb 70 xyoo Sa400121

    14-Vaj Nom Pov Cawv xeeb 70 xyoo Sa400122

    15-Vaj Nom Pov Cawv xeeb 70 xyoo Sa400123

    16-Vaj Nom Pov Cawv xeeb 70 xyoo Sa400124


    Last edited by koojziagkabzaug on 16th March 2011, 4:00 pm; edited 2 times in total
    avatar
    koobpovtxuj
    Sponsor
    Sponsor


    Messages : 1318
    Date d'inscription : 2010-04-05
    Age : 64
    Localisation : USA

    Vaj Nom Pov Cawv xeeb 70 xyoo Empty Re: Vaj Nom Pov Cawv xeeb 70 xyoo

    Post  koobpovtxuj 15th March 2011, 8:55 pm

    koojziagkabzaug.
    nom pov vaj yog yawg hlob vaj pov tus kwv koom niam koom txiv kiag ntag lod?
    los yog tij tub kwv tub xwb ne yom.
    qhov kuv xav paub mas vim tias yawg loj twb hu ua vaj pov lawm(npe laus kuv tsis paub).
    cas tus kwv haj tseem hu ua nom pov vaj thiab ces 2 leej kuj hu tib lub npe pov lawm.
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Vaj Nom Pov Cawv xeeb 70 xyoo Empty Re: Vaj Nom Pov Cawv xeeb 70 xyoo

    Post  koojziagkabzaug 16th March 2011, 2:08 am


    Nyob zoo Koobpovtxuj,

    Nom Pov Vaj yog tus kwv yug, Nais Phoo yog tugs tij yug os...Peb pog ces yog tus muam os...Tsis paub tias ua cas tij thiab kwv cov me nyuam ho muab hu ua Pov no tib si.
    avatar
    koobpovtxuj
    Sponsor
    Sponsor


    Messages : 1318
    Date d'inscription : 2010-04-05
    Age : 64
    Localisation : USA

    Vaj Nom Pov Cawv xeeb 70 xyoo Empty Re: Vaj Nom Pov Cawv xeeb 70 xyoo

    Post  koobpovtxuj 16th March 2011, 11:08 am

    koojziagkabzaug.
    yog paub tseeb li no ces zoo los mas.txawm yuav hu li cas los tau kawg mas.
    ua tsaug koj tuaj qhia qhov tseeb rau kuv to taub nawb mog.
    MayPaj
    MayPaj
    Spammer
    Spammer


    Messages : 488
    Date d'inscription : 2010-02-25

    Vaj Nom Pov Cawv xeeb 70 xyoo Empty Re: Vaj Nom Pov Cawv xeeb 70 xyoo

    Post  MayPaj 16th March 2011, 2:38 pm

    Ua tsaug koj tuaj tso duab peb saib nawb Kzkz, hnov kuv tus sister Bao hais tias kuv txiv kuj tuaj mus koom Nom Pov Vaj lub cawv xeeb thiab no, tab sis tsis pom koj thaij tau nws li .

    Pom lawv lub cawv xeeb no ua tau zoo kawg lawm mas, kuv nyiam lub gâteau qab zib loj loj ua ob peb txheej mas ntxim qab kawg nkaus, zoo nkauj kawg, yog tias leej twg muaj kev sib sau ua neej yuav tej lub gâteau loj loj li no mas thiaj tsim nyog.

    Nom pov tsev neeg coob kawg, luag yog noob nom noob tswv lawm ces txawm yug tau los ua ntsuag xwb los Tswv Ntuj kuj foom hmoov zoo rau lawv ua lub neej nto moo . Thov qhuas Nom Pov Vaj tsev neeg ua tau zoo kawg, tsim nyog yog ib tse neeg coob coob lawm.

    Hnov kuv tus niam hluas hais tias Nom Pov Vaj hais tau ib co lus hlub hlub nws cov pojniam ua rau kuv tus niam hluas quaj kiag, vim nws xav txog peb niam peb txiv lub neej, nws los kua muag, vim luag txawj hlub luag cov poj niam sib npaug ces muaj ib pluag noj los luag tej me tub me nyuam tau kev tuaj sib sau, hos zoo li peb ces eeeeb.... xav xav mus koom peb txiv ib pluag noj los lub kua muag nrog, vim yus niam twb tsis muaj feem zaum ntawm yus txiv ib sab, muaj ib plua noj yus txiv rub rhe luag niam zaum ntawm yus txiv ib sab, yus niam ces lo lus qhuav caw tuaj koom pluas mov noj los twb tsis muaj, yus txawm mus noj koom yus txiv pluas mov los tshuav yus niam es tu tu yus siab ces yus xum tsis mus noj, yus txiv tu siab los tsis cuag li yus niam, vim yus niam muab nws txoj sia los peem thiaj yug tau yus ces kav liam cia yus nrog yus niam nyob, tuag los ob leeg tuag ciaj los ob leeg ciaj, tshaib los ob leeg tshaib, yoo los ob leeg yoo, tsis tau nrog luag noj ib pluag qab los yus tsis khuv xim npaum li yus mus koom luag es tseg yus niam...hehe cov lus saum toj no yog kuv hais kuv thiab kuv niam xwb od mog.
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Vaj Nom Pov Cawv xeeb 70 xyoo Empty Re: Vaj Nom Pov Cawv xeeb 70 xyoo

    Post  koojziagkabzaug 17th March 2011, 2:04 pm



    Nyob zoo Maypaj,

    Nws txiv tuaj thiab lov?
    Kuv tsis nco qab pom, yog kuv pom no ntshe kuv twb yees duab lawm. Maiv, yog kawg, pom lawv tej tsev neeg coob coob, tsim txiaj hlo txawj sib hlub mas yus kuj tu siab kawg tias cas yus tsis muaj leej twg li...Maiv, kav liam os mog, yus tsis muaj leej twg los ntshe yog yus txoj hmoo yeej zoo li ntawd ces txhob tu siab es yuav tsum zoo siab qhov yus muaj thiab yus tau xwb...Tsis li ntawd ces ntshe yus twb tseem haj yam yuav tssi muaj qhov zoo siab li...Li cas los twb muaj nws thiab kuv, ib leeg nyob ib ceg kaum teb nres ntuj lawm ces wb zoo siab xwb mog...
    avatar
    koobpovtxuj
    Sponsor
    Sponsor


    Messages : 1318
    Date d'inscription : 2010-04-05
    Age : 64
    Localisation : USA

    Vaj Nom Pov Cawv xeeb 70 xyoo Empty Re: Vaj Nom Pov Cawv xeeb 70 xyoo

    Post  koobpovtxuj 3rd April 2011, 1:46 am

    koojziagkabzaug.
    nej cov catholic ua cawv xeeb rau cov lau nej puas ua li thaum ub peb tej laus ua lawm ne yom.
    cov laus ua mas lawv hu plig 3 xyoos mam li haus cawv xeeb.
    hu plig xyoo 1 thiab xyoo 2 hu 1 nkawg qaib xwb hu tas ces cia li saib ko taw qaib tas ces muab qaub txoov hau noj xwb.
    xyoo 3 mas 1 nkawg qaib thiab 1 tug npua hu plig tag mas mam li rub rooj rau nqaij rau ntxuag saum rooj teeb 1 lub ntim cawv loj rau ntawm hauv paus rooj muab vab tshaus vov huv si.mam li thov 2 tug los qheb ntim cawv ces muab los ce rau sawv daws haus kom tag.tab sis muab 1 khub haus zuj zus tom hauv paus rooj los cov hluas los pe 1 khub zuj zus los mus kom thoob cov zaum saum rooj yog cawv tas lawm los cia li yog cov cawv tsis tas ces muab mus ce rau cov sab nraud uas tsis zaum rooj haus kom tag huv si mas mam los khi tes thiab haus cawv raws xeej xwm mus ntxiv.nov mas lam piav ua lus paj paws me me li no seb nej ua puas thooj li kuv hais no xwb.
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Vaj Nom Pov Cawv xeeb 70 xyoo Empty Re: Vaj Nom Pov Cawv xeeb 70 xyoo

    Post  koojziagkabzaug 4th April 2011, 12:58 pm



    Nyob zoo Koobpovtxuj,

    Cawv xeeb Catholique thiab Cawv xeeb txheeb no ces ntshe yuav tsis ua raws li kab li kev cai Hmoob lawm lauj...Coj kev cai tshiab thiab kev cai qub los ntshe yuav ua li cov Mab Dawb lawm xwb...

    Koojpovtxuj, nws hais ua rau kuv ras, nws li nws puas khoom tuaj tham txog kab ke ua Cawv xeeb hauv paus rau hauv ntsis kom meej rau peb tau paub thiab. Xav kom nws piav ntxaws rau peb tau khaws cia.

    Ua tsaug.
    avatar
    koobpovtxuj
    Sponsor
    Sponsor


    Messages : 1318
    Date d'inscription : 2010-04-05
    Age : 64
    Localisation : USA

    Vaj Nom Pov Cawv xeeb 70 xyoo Empty Re: Vaj Nom Pov Cawv xeeb 70 xyoo

    Post  koobpovtxuj 12th April 2011, 4:47 am

    koojziagkabzaug.
    cia hnub puav kuv muaj sij hawm ntau zog kuv mam li tuaj piav hauv paus nto ntsis rau nej mloog ov.
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Vaj Nom Pov Cawv xeeb 70 xyoo Empty Re: Vaj Nom Pov Cawv xeeb 70 xyoo

    Post  koojziagkabzaug 12th April 2011, 11:21 am



    Ua li os Koobpovtxuj, nws haus kas fes tag, so ib pliag nws mam tuaj piav kev Ua Cawv Xeeb rau peb mloog. Es Cawv Xeeb no pib ua thaum tus neeg muaj pes tsawg xyoo mus? Ua rau txiv neej xwb los poj niam tib si?

    Sponsored content


    Vaj Nom Pov Cawv xeeb 70 xyoo Empty Re: Vaj Nom Pov Cawv xeeb 70 xyoo

    Post  Sponsored content


      Current date/time is 28th March 2024, 8:15 am