HMOOB TSAV NTUJ

Would you like to react to this message? Create an account in a few clicks or log in to continue.

google-site-verification: googlefbfddf59e706b96b.html

Latest topics

» Ib tsoom Phoojywg Nej Nyob Licas lawm
by Liajntsuab 7th October 2019, 9:45 am

» NCIG XYUAS HMOOB NYAB LAJ TEB TSEEM UA LUB NEEJ NYOB TOJ SIAB
by Tub kev deb 3rd October 2019, 7:19 am

» Tshuaj Ntsuab
by PIJPAUJ 27th November 2018, 11:17 am

» NYOB ZOO OS
by cwjmemdub 10th October 2018, 9:37 pm

» TUS KAB MOB CANCER TXOV HMOOB LOS TAU ZE 600 TAWM XYOO & TSEEM YUAV MUAJ NTXIV
by Liajntsuab 13th April 2018, 11:57 am

» ***UA NEEB***
by shung 8th March 2018, 5:49 pm

» Neeb Saub ua rau neeg vwm
by shung 4th February 2018, 2:58 pm

» Xiong Chang
by koobpovtxuj 10th December 2017, 11:00 am

» Koobpovtxuj.
by koobpovtxuj 19th November 2017, 1:34 am

» kuv cov duab.
by koobpovtxuj 18th November 2017, 11:30 am

» KHAWV KOOB
by koobpovtxuj 30th September 2017, 4:29 pm

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

Tsev seev PajHuam

Muas thoj Paj Huam "Lub neej" Nraug_11

Hmong beauty nature

Muas thoj Paj Huam "Lub neej" Dsc08613

Compteur visitor

hnub 18/09/2010 los mus

    Muas thoj Paj Huam "Lub neej"

    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Muas thoj Paj Huam "Lub neej" Empty Muas thoj Paj Huam "Lub neej"

    Post  koojziagkabzaug 31st January 2011, 11:54 am

    Collection PAJ HUAM MUAS THOJ



    Paj Huam
    Cov Paj huam no tsis yog kuv ua tus sau tsuas yog muab raws li hnov coj los tso xwb txawm yog leej twg ua tus teeb los thov zam txim vim rau qhov kuv xav muab khaws tseg cia rau peb tsoom hmoob tau kawm qhuab qhia lub neej xwb thov ua tsaug ntau.



    Paj Huam
    Hmoob tawg ua peb pab

    Kuv thov ntos piav txog peb hmoob
    uas raug poob faib ua peb pab
    ntuj nram qab txoj kev xam khib
    xya caum tsib hmoob poob teb chaws
    tag sawv daws khiav ua tsheej npoj
    vim tus coj tau khiav ya tawm
    lub sij hawm uas hais los no
    raws li nco hmoob ua peb sob
    sib koom nyob xyaw mab xyaw nplog
    yuav hais txog hmoob tawg pab ib
    cuab tib ntsib muab nom daws tso
    lawv pab no ua siab mus zeem
    luag muab tseem mus nyob xeev khuam
    neej kob huam nyob ua zej zog
    tso tub rog zov txhua txoj kev
    cov txiv tsev mas tshee ua npaws
    raug luag ncaws quab yuam laij liaj
    lawv tej nyiaj raug muab los faib
    me os qaib raug nce se txhua
    nyuj twm npua yug tsis tau siv
    tej niam txiv raug kawm tas tus
    niaj hnub mus kawm luag kev cai
    cov tsis ntshai thiab paub tsis txog
    niaj hnub nrog luag nqus ceg dev
    nyob tsis ntev ntsib xau tshua leej
    thaum paub meej khiav los tsos dim
    luag rau txim ntes coj mus kaw
    xau ko taw coj hlua xauv tes
    quaj nrov les nyob tsev tsaus ntuj
    tsis muaj txuj tswv yim tsis zoo
    nyob ntsiag moo ploj lawm tas tiam
    lub neej piam ts tsis muaj tus kho
    lawv pab no neej tag du dais
    rov los hais txog pab thib ob
    sib sau nyob mus ua caub fab
    sawv loj npab tuav riam tuav phom
    sawv kwv nyom kev cai quab yuam
    cov neeg ruam thiab cov neeg pluag
    hawj zoov zuag sawv ua tus coj
    sib tua loj nyob roob twv pov
    ua tsev thov lub ntuj lub teb
    cov nyob deb nyob ze ib yam
    hmoob sib tham lub neej caub fab
    noj nplooj hmab nplooj ntoos yug siav
    sib pug khiav ncig roob quav txiaj
    cov siab tiaj kuj tseem tshuav noob
    cov feem coob pheej cam tias vwm
    tsis ua ywm piav qhia cob tsib
    luag thiaj qhib tig rov rhuav tshem
    hmoob siab phem tsis pab txhawb nqa
    tseem nyiag xa zais xov rau luag
    peb thiaj tuaj tsis muaj chaw sua
    sib yoog ua tsov tshaib tsov tsau
    xya caum rau (76) sawv tuav teb chaws
    hmoob sawv daws nyob txom nyem tshaj
    noj toov laj muas thij qos ntoom
    hmoob tseem foom kom caub fab tuag
    hmoob kua muag los tsis tau txaus
    cov neeg laus thiab cov me nyuam
    noj qos thuam kem plab tuag tas
    zoo nkaus nas mag yej mag ntxhiab
    cov dev siab haj tseem hnyos hnyos
    hmoob noj qos ntxuag pob caus ntoo
    nto lub moo tis npe caub fab
    sawv sib pab tuav hmoob txoj cai
    ua kauv sai nyob nriam toj roob
    peb tsoom hmoob tseem lauj ko taw
    hmoob tsis ntshaw nrog luag muaj tug
    hmoob los yug lub neej niam no
    tsis sib kho ces tas lawm mog
    ho hais txog cov pab thib peb
    cov nyob deb paub hnov tsis tseeb
    lawv sib txeeb khiav nkag dav hlau
    thiaj ua rau yawg lis neej thoob
    plam tes poob raug tsuj lov duav
    muaj leej puav ntsia kuj xav luag
    nkag tsuag tsuag dav hlau puv nkaus
    neeg nkag txaus dav hlau pib nrov
    hos lawv cov txeeb dav hlau tsis tau
    rov nyo hau los nphob xwb xuav
    nyhob hnub puav lub siab tsis hwm
    ntaus kev tshwm sab laj tsheej pab
    noj tsis qab pw los tsis sov
    thiaj sau cov kwv tij txiv tub
    sawv maub dub tuaj rau thaib teb
    tuaj lawm deb txog ntua him hawj
    rawg cov tawj yog cov tsib peeb
    nrog lis teeb uas tuaj zov phom
    tsa loo phom tua peb hmoob kiag
    suab phom ntsiag neeg tuag pawg lug
    hmoob sib pug tuav tev rov qab
    muaj ib pab nqes rau dej tauv
    rho nyiaj xauv ntiav nplog teg nkoj
    nplog thiaj coj los dhau ib feem
    kaj mam peem los txog thaib teb
    thaib tuaj seb ua nplog liab vog
    thaum tuaj txog lub nroog noom qhais
    luag pib hais thiab xa ib sob
    tawm mus nyob rau yeej naj phoos
    hmoob nyob ntsoos npaum daum raug xub
    muaj ib hnub Hmoob tus thawj coj
    raug luag zoj kom tawm teb chaws
    hmoob sawv daws sab lag tsis thoob
    vaj nom hmoob nqua hu pej xeem
    tag ib feem tuaj tau ib tiaj
    nce sam thiaj tuav lub paj taub
    hmoob nom saub tias nej nyob mog
    kua muag nrog vim yuav ncaim mus
    hmoob txhua tus quaj kua muag poob
    vim vaj hmoob yuav ncaim txhua leej
    lus hais meej sawv daws los tsev
    nyob tsis ntev vaj hmoob tawm dhau
    tshuav cov yau nrog pej xeem nyob
    sib sau nyob tham kev tu siab
    luag ho ntiab los nyob vib nais
    tej tub ntxhais tau zoo sib ntsib
    luag txawm pib qhib kev xam phaj
    peb hmoob npaj mus luag teb chaws
    tag sawv daws sib yaum ua npe
    tag txheeb ze dab laug yawm yij
    xam phaj txhij zoo siab txhua leej
    txhua rab qeej muab saib dab muag
    muaj ib kuag xam phaj tsis tau
    vim cov yau hais txawv cov hlob
    rov los nyob sib hais sib ntxub
    tej niam tub sib ceg sib cav
    txiv thiaj xav tias cia txiv yeem
    maj mam peem mus sib pab thov
    hos lawv cov uas phaj xam tau
    muab niam yau xam phaj ua muam
    tshuav cov ruam thaib cov neeg seem
    uas tsis yeem tseem nyob ua kev
    lawd muaj npe tias yuav tau mus
    tag txhua tus sau khoom txhij zog
    tsheb tuaj txog nres loo nram tiaj
    niam tub thiaj nra lawm zom zaws
    tag sawv daws tham sib qawg quaj
    hmoov tsis muaj tsis nyob ua kev
    luag hu npe ntob nkaus yus lub
    niam txiv tub nkag loo tshob plab
    pog tub nyab cov tes sib plhws
    koj kuv nws yuav tau sib ncaim
    siab xav nraim tias tag zaum no
    txoj kev nco thaum twg mam ploj
    nce txhij zoj tsheb txawm pib nrov
    tsheb khiav loo suab quaj nrov les
    lawd cov tes sib plhws taub hau
    zaum no lau yuav ncaim tas tiam
    quaj khaws khiam ntswg pov nplij nploj
    ua siab loj yog txoj hmoo muaj
    nej ho tuaj nrog peb nyob thiab
    qhov khib siab cov tub cov ntxhais
    ais yuav pais siv nyiaj daus las
    siab khis ras mob npaum mob rwj
    cia sib nwj sib kov sib hnia
    peb sawv ntsia kua muag kuj poob
    peb cov hmoob ncaim siab dua rhe
    nyob ua ke tseem tsis tau txaus
    tseem sib ntauss sib cog sib rhuav
    luag tso plhuav tsheb khiav yeev tawm
    txog tim dawm rab btah tsuam tob
    kav hmoob nyobq txawn qhib tsa hlo
    lawm tag nrho dhau plaws tsuam tob
    peb cov nyob rov nphob rwb rus
    rov los mus nyias vaj nyias tsev
    tej chaw lev nqha nroj nqha nrig
    me ntsuj plig los lawm du dais
    ho los hais cov uas dhau lawm
    lub sij hawm mus txog koos thej
    niam tub nej zoo siab twj ywm
    nyob puv txawm hnub nce dav hlau
    tej me yau tsis paub dab tsis
    qe muag nti tsaug zog txaus nkaus
    hos tej laus tsa muag nuam yaj
    hiav txwv daj ti nkaus ntuj kawg
    me txiv yawg mam poob siab nthav
    mam rov xav ntsuab xwm cov lus
    tias tham mus mus npaum nyuj plaub
    txoj caij saub caij dawm caij nqov
    tsuas tau rov npaum li nyuj kub
    me plhu dub mam rov sib hais
    hiav txwv cais ces mus tag tiam
    tub tseg niam nyob ua ntsuag ciaj
    mus tau nyiaj kuj xa los pub
    tej niam tub txoj kev sib hmov
    tsuas yog hnov hau daim kab xev
    mus lawm ntev mam ploj zuj zus
    thaum lawm mus txog luag teb chaws
    lawv sawv daws so tsis tau dhuav
    niam txiv qhuav coj tsheb cub nkaus
    tos loj laus luag muab nwj txhua
    ib vuag dua txog ntua luag tsev
    me txaj lev tuab zooj du dais
    ncauj tsis hais siab xav twj ywm
    tias maum twj yuav xyaw maum nyuj
    neej tshav ntuj ces yog li no
    tsis ras nco qhuas qab qhuas tsau
    twb yog xau los lawv tsis paub
    niaj hnub haub qhov noj hnov haus
    xyov thaum xaus ntuj tshav qhov twg
    ncauj cuag ntswg los hais tsis tau
    lam nyob dhau los txog tav nov
    raws li hnov lawv pib txom nyem
    raug luag cem tias hmoob vum loj
    mus raws noj raws haus noj dawb
    puav caj tsawb lub neej dai taw
    peb txhob ntshaw mog lawv cov nyug
    ho los zuag txog peb cov nyob
    txoj kev txob muaj hnyav zuj zus
    lam sib pus nyob raws keeb kwm
    saub ntuab xwm tau hais tseg tias
    kom peb nyias qee nyias lub siab
    xyoo ib txhiab ib cuaj cuaj tsib
    ntuj yuav pib kub hnyiab cig loj
    nce pem toj hwm keeb hwm kwm
    neej hmoob mam li yuav tshwm no mog hmoob.


    Zaj 2 : Paj Huam Kev Txom Nyem

    Kuv yuav hais ib zag paj huam
    yog hais tshuam hmoob kev txom nyem
    raug luag lem thaum xya caum ib
    peb hmoob ntsib txhua pab txhua pawg
    thaum hmoob tawg nyob rau phuv npiab
    nyab laj liab thiab cov pub thawj
    tuaj sawb lawj caum peb cov hmoob
    caum qab roob ncig rau qab ha
    cuab phom ncha cuag li qaib nroo
    yog thaum xyoo ib cuaj xya rau
    nom hmoob tau khiav tawm teb chaws
    hmoob sawv daws tuag ntau vim luag
    txoj kev tuag muaj xeeb zuj zus
    nom hmoob pus cov ntse tawm dhau
    cov ruam tau taug zawm pob qa
    tuag pob txha puv toj pus pes
    dej naj ces thiaj hav naj phuv
    Hmoob tuag puv pob txha dawb vog
    cov mus nrog cov nplog liab nyob
    txog kev txob mas muaj tas li
    tsaus ntuj nti nyob sib qawg quaj
    xya caum cuaj hmoob nyob phuv npiab
    cov ntseeg siab tuav lub npe hmoob
    noj nplooj xyoob los yus txoj sia
    muaj ib txhia poj niam tuag lawm
    tso txij nkawm nyob ua ntsuag os
    neeg noj qos haj tseem sib pab
    noj nplooj hmab nplooj ntoos yug siav
    tsis tawm khiav tseem tuav thooj av
    vim tseem xav kom hmoob muaj tug
    thiaj sib pug khiav tawm teb chaws
    hmoob sawv daws tuag taug kev rhuav
    raug luag kuav luag cuab luag ntaus
    cov neeg laus tuag tshaib feem ntau
    haj tseem tau hla dej fiv xyab
    yuav rov qab los rov tsis taus
    cov me yau tuag siav tsis pom
    muab yeeb lom cheem lub suab quaj
    sib yaum quaj hla dhau dej
    cov ua ntej los nyob vib nais
    sawv daws txais los nyob ua ke
    tag loj me yeej hlub sib luag
    tus raug tuag hav zoov hav tsuag
    niam txiv pluag tso tsis tau plig
    thov pab tig peb hmoob sib pab
    daws kauj vab txhua tub txhua ntxhais
    nyob vib nais tsis tau ntau hnub
    txawm siv rub koj pawg kuv cov
    los pw sov nyob noj pw rog
    nco tsis txog txoj kev txom nyem
    pib ua phem rub pab rub pawg
    kom sib tawg tsis thooj ntiaj teb
    raws kuv sab mas tsis tsim nyog
    peb sib tog rau koj rau kuv
    ua siab huv los tuav npe hmoob
    kom yeej hmoob rau ntiaj teb mog hmoob
    Zaj 3: Paj Huam Hmoob Poob Rau Tuam Tshoj

    Thaum ib txheeb xya pua cuaj caum
    lub caij thaum peb poob tuam tshoj
    sib pug coj los rau roob yiag
    cov muaj nyiaj thiab muaj fwj chim
    khiav los dim ntau pab ntau pawg
    yog txheej yawg thiab cov yawg koob
    cov raug poob rau suav daj tes
    rau luag zes ua dev ua npua
    ua txhij txhua txoj kev tsim txom
    hmoob noob nom tau khiav tawm dhau
    hmoob feem ntau tau poob tuam tshoj
    suav daj coj tuaj chob tsheej tshais
    tej tub ntxhais luag coj mus nce
    hmoob lub npe raug hu ua miv
    tej niam txiv ib leeg nyob qho
    kev sib nco muaj tsis paub xaus
    tej pog laus luag yuav tuav txhuv
    nyob mus puv tsob tsib teb chaw
    hmoob sawv daws thiaj hloov ris tsho
    tej laus nco khaws ua puav pheej
    txheej dhau txheej khaws ua paj huam
    yog tus ruam tias tsis zoo mloog
    haj tseem toog nws pob ntseg thiab
    tus muaj siab ces kua muag nrog
    vim hais txog txoj kev luag tsim
    cov khiavdim mas tuav plig rawv
    tuav tes rawv nce roob tuag no
    ntuj tag hmo haj tseem maub khiav
    thiaj muab piav qhia rau peb hmoob
    yog xav thoob rov los sib phim
    cov khiav dim mas tsawg kawg thiab
    hla dej iab kuj tuag lawm ntau
    tej me yau niam txiv tuag tas
    tsis xeev ras tias niam tuag lawm
    haj pheej khawm leej niam lub mis
    ua tsuj tsis mus thws mis noj
    haj pheej zov hais tias tsaug zog
    muab xav txog tu siab ua luaj
    ntshe yuav quaj nrog tej me yau
    leej twg tau ntsib txoj kev no
    cev tes so luag kua muag thiab
    qhov tseem ntsiab yog kev sib hlub
    ntuj thaum ub hmoob tsis txawj coj
    nyob tuam tshoj kuj xwm niam no
    yuav tau kho txoj kev tsim txiaj
    cov muaj nyiaj ho pab cov pluag
    nyob sib puag sib saib sib xyuas
    tsis txhob qhuas thiab tsis txhob ntxub
    maj mam rub kom sawv sib luag
    thjaj raws cuag luag lwv hais thiab mog hmoob

    Zaj 4: Paj Huam Hmoob Khiav Tawg Rog

    Tim kaum tsib yog hnub hmoob khiav
    peb muab piav yog lub tsib hlis
    hmoob tawg nthis hli xiab nqig loo
    thaum lub xyoo ib cuaj xya tsib
    hmoob txawm pib khiav tawm teb chaws
    hmoob sawv daws piav txoj kev chim
    cov khiav dim ib leeg nyob qho
    ua chaw nco mus tag ib sim
    cov khiav dim mus nyob luag qhuas
    cov seem tuag quaj pos muag nti
    yam dab tsi los yeej noj txhua
    txiv qos npua tim roob muaj nqhis
    cov no tsis zoo noj yug siav
    los tseem nrhiav npaum nyiab thiab kub
    niam txiv tub nrhiav tsis txaus noj
    thiaj tau ploj raws tej yas kev
    hais txog tsev yeej tsis muaj li
    tsau ntuj nti tsis pom qab mus
    thiab sib pus nyob raws hav zoov
    txoj hmoo koom tsis tag tag ib cuab
    thiaj tau muab tso rau tom qab
    kev sib pab tseem tshuav ntau kawg
    sawv daws khaws cia kom txhob ploj
    mus ua noj los kom nco ntsoov
    thiaj tau hloov kom xeeb ntxwv paub
    sib cog paub txhua leej txhua tus
    thiaj li mus rau lwm teb chaw
    tag sawv daws ua tsaug ib yam
    tsis xav tham tsam kua muag poob
    tus xav thoob yeej tsis tas hais
    leej twg hais los yeej ib yam tiag lawv.

    Zaj 5: Paj Huam Hmoob Kev Tsis Sib Haum Xeeb

    Sob me no ces yog paj huam
    hais cuam tshuam kev tsis haum xeeb
    thiaj muab teeb hais qhia rau nej
    yav thaum ntej yog lauj kiab toom
    hmoob thiaj phoom sib coj sib hwm
    khiav los tshwm rau nrooj looj hej
    khiav ua ntej ces yog pab no
    raws kuv nco nom lauj xub ua
    hmoob sib sua nyob tsheej ua zos
    lauj sawv los ua hmoob tus coj
    qhia ua noj thiab qhia ua haus
    txog thaum xaus kiab toom liam txwv
    sib lwv twv sawv ua tus coj
    zos pem toj thiab zos nram hav
    tsis nco xav yawm yij dab laug
    sawv sib nkaug thiab sawv sib nyom]
    nthos riam phom thiab sawv sib nyas
    tsis nco ras tias yog yus hmoob
    pab twg coob pab ntawv ua txiv
    lub keeb chiv yog vim qhov nov
    tub npis cov khiav cuag mab dawb
    kwv phom tshawb nrhiav cov xeem lauj
    tsiab peb caug ib cuaj plaub tsib
    tub npis qhib tua lauj faiv ntaj
    lawd yeej npaj sib nyas rhwv rhuav
    faiv ntaj tuav raws lbu npe nom
    nrhiav tsis pom cov xeem lis lawm
    faiv ntaj tawm mus cuag tsob tsib
    npaj los qhib tua cov xeem lis
    pab tuag nthis tom cov phom luv
    yawg tuam thuv zoo siab twj ywm
    tau hauj lwm raws li siab nyiam
    hmoob neej piam ces yog zaum no
    nws rho hlo phom pawb ua ntej
    phom tom ntej hmoob rov tua hmoob
    phaum tu noob cov ntse tuag tas
    tsis xeev ras tseem ua txuas ntxiv
    tub tua txiv kom nus tua muam
    tau ua luam qhov nyiaj qhov kub
    hmoob sib ntxub txhua pab txhua pawg
    thiaj li tawg rub ua ob pab
    ua tub sab sib nyas sib nplua
    thiaj li ua rau sib tawg loj
    nplua nyiaj choj xuas nees mua thauj
    cov xeem lauj tu siab lawm tiag
    cov muaj nyiag mas tshee ua npaws
    lawv sib raws sib ntaus sib tua
    kwv tij qhua ib leeg tuaj tog
    sawv ua rog los txog hnub no
    sawv ua rog los txog hnub no
    raws li nco yog vim qhov nov
    tub npis cov nqua hu cov hlua
    yuav chiv peev txhim kho noj hmoob
    yauv yog coob thiaj txhawb nqa tau
    peb cov yau tuaj yeem txhua fab
    neej poob qab los txog tav no
    yog tsis kho tseem tos leej twg
    yam lub lwg yuav poob ntxaum av
    rawv kuv xav peb txhob khaws xyeem
    yuav tau peem xyaum nrog luag khwv
    tej xeeb ntxwv thiaj tsis raug quaj
    thiaj yuav muaj lub chaw cob cuab
    thiaj tsis muab twv pov muag noj
    thiaj yuav coj peb hmoob lub npe
    nyob ua ke nrog luag lwm haiv
    hmoob tau ntxaiv muaj yam los siv
    yog muab piv rau luag lwm haiv
    hmoob tau ntxaiv tsis muaj yam phim
    keeb lwj chim peb hmoob tsis khaws
    hmoob sawv daws mua huas luag cov
    nqa los kov qhuas qab qhuas tsau
    xav tsis tau thiaj tsis nco ras
    vim li cas luag thiaj tsis ruam
    hmoob kaub huam tsis paub tu siab
    luag hoj ntsiab cia yus noj plhaub
    twb tsis paub mus nrog luag kov
    tshuav hmoob cov muab laim pov tseg
    tsis khaws leg tsis xauj tsis xyuas
    lub neej puas nchuav mus liam sim
    ho txawj chim tias ntuj tsis hlub
    pab niam tub thiaj li ntsib xau
    xav hais ntau tsam nej ho ntxub
    ces tsuas qhus hais li no xwb mog hmoob

    Zaj 6: Paj Huam Hmoob Lub Neej Yuav Kev

    Peb tsoom hmoob lub neej yuam kev
    raug ua qhev los lawm ntau txheej
    paub tsis meej keej khawm ua neeg
    lam mus ntseeg luag tej lus haub
    tsis tau taub nqus ceg dev hlo
    cia li tso yus tug nrauj ncua
    tshawm nrhiav tua peb hmoob tus cag
    luag tuaj dag kom hmoob nrhuav hmoob
    paub tsis thoob ua luag lub teg
    cia tso tseg yus niam yus txiv
    mus xyaum chiv luag tug tsim txiaj
    me qhov nyiaj qhov kub tham qhia
    luag muab ntsia tsis pub kom loj
    tej saw toj looj mem raug rhuav
    hmoob lov duav yog vim tej no
    hmoob tiam no tsis caiv hwj huam
    nyob xeem khuam lawv txo me loj
    khawb qhov loj tso tshuaj tso koob
    luag khawb thoob txhua txhia lub dawm
    luag coj lawm rau luag teb chaws
    hmoob sawv daws tseem raug luag ntiav
    mus khawb txiav mem toj mem cog
    luag tuaj dog yog ub yog no
    hmoob tsis nco tsuas yog tau nyiaj
    tso pheej phiaj luag khawb ywj siab
    qhov tseem ntsiab yog txo mem toj
    koom hmoov loj thiaj ntaug zuj zus
    thaum kawg mus mus ua luag qhov
    cheb luag tsev kaug ntsoos tas li
    vim txuj ci peb hmoob tsis muaj
    raug luag tuaj luag txham lub ntsiab
    tsis tas thiab peb hmoob tu caj
    hmoob tus vaj poob plam koob meej
    hmoob txhua leej sib ceg sib cam
    raug luag sam hlais pim hlais qau
    tag loj yau mag txhua ib yam
    haj tseem tham tias tsis ua cas
    hmoob tsis ras noob zoo yauv poob
    peb tsob hmoob puas paub tu txeeb
    tig los txheeb xyuas peb hmoob li
    ntuj tau i yaj sis lwj muab
    cog los puas ua chaw sib hwm
    txhawb keeb kwm txhawb hauj ntaub ntawv
    qhov yuav sawv neej zoo li luag
    nyob sib puag ua neej sib hlub
    tej ntxhais tub lub neej yuav pib
    kom txhob ntsib lub neej yuam kev lawm mog hmoob.

    Zaj 7: Paj Huam Hmoob Tsis Txawj sib Hlub

    Ntawm no mus kuv yuav los txheeb
    txog lub keeb mus luag teb chaws
    vim sawv daws tsis txawj sib hlub
    tsuas hais rub koj pawg kuv li
    tham lus ntxhi tsis pub luag paub
    yam tej aub sib txeeb pob txha
    koob thiaj ncha rau luag lwm haiv
    tsis pab thaiv peb hmoob lub npe
    luag thiaj cem peb hmoob twm xeeb
    tsuas hais txeeb huas nyiaj huas kub
    kev sib hlub mas muab nrauj ncua
    sawv sib tua sib nyas qhov tsev
    tus siab ntev los yuav raug tua
    tus neeg pluag los yuav raug ntiav
    sawv sib txiav peb cov neeg txawj
    vim luag txhawj tsam ho ciaj nom
    xav tsis pom txoj me kev dav
    twb tsis xav tias yog ntuj tsim
    keeb hwj chim ib leeg muag zaug
    tsuas hais taug txoj kev lim hiam
    txov kom piam tas tus neeg ntse
    nyob ua ke yuav zam tsis dhau
    kuv thiaj tau ua npe tawm mus
    neeg zoo lus los yuav raug ntxub
    muaj zoo tub ceeb laj fwj xwm
    hmoob keeb kwm ntshe luag tshaj yus
    tsuas npaj mus nrhiav kev tsim txom
    kev ua nom cia yus kwv tij
    hmoob liam sij yog vim qhov nov
    raws kvu nco npua tshom dev noj
    thiaj li coj mus rau luag ntuj
    kev cai txuj thiaj muaj txhua yam
    seb puas plam txaj kev tshav ntuj
    tus muaj txuj txhob ua siab hlob
    cia nej nyob thov nej sib hlub
    lub siab dub txia ntshav txuj txev
    nyas qhov tsev thov muam phauj tsawm
    seb paus tawm lub neej tshav ntuj
    tus muaj txuj los thiaj tau luag
    tus neeg pluag txhob raug luag lem
    tus neeg phem kom rov xeev ras
    hos kuv mas dhuav kawg lawm tiag hmmob

    Zaj 8: Paj Huam Ntuj Tsim Los

    Ntawm no mus yog lus ceeb toom
    rau ib tsoom tib neeg yog hmoob
    yog lub noob uas ntuj tau tsim
    los nyob phim lub ntuj daim av
    ua zoo xav tig los sab lag
    pab sab laj lub neej tom ntej
    hais rau nej poj niam txiv neej
    lub caij xyeej tsis txhob ua si
    kawm txuj ci kom paub txhua fab
    los sib pab txhawb nqa nej hmoob
    cov feem coob yog cov tsis paub
    tsuas hais haub tub ntxhais nce roob
    peb cov hmoob thaum twg thiaj zoo
    ntau ntau xyoo kuj tseem tsis hloov
    tshuav ua poov lawm xwb mog hmoob
    yog xav thoob txog peb lub npe
    sawv ua kev coj siab ncaj ncees
    kev ua plees txhob muab saib hlob
    tsim chaw nyob rau peb haiv neeg
    tus tub nkeeg los kom xyaum nquag
    nyob sib puag sib pab vam khom
    tus tau nom kom hlub pej xeem
    sib pab peem kom ciaj ib yig
    txhua leej tig rov los sib npuab
    txhua lub cuab kom sawv ciaj nom
    txhob sib tshom coj siab twm xeeb
    txhob sib txeeb kev nom kev tswv
    mob siab khwv txhim txoj kev zoo
    thaum nto moo kub koob tsim txiaj
    luaj mam thiaj yus tsa ua nom
    thaum luag pom tias yog neeg dawb
    luag mam txhawb yus lub fwj chim
    thiaj li phim lub koob tus coj
    zaum pem toj thiaj li tsim nyog
    yog paub txog tsis tim sib tshom
    tus tau nom yog luag hmoov sawm
    luag thiaj hawm khoov sawv lub vim
    lus nws chim yog paub tsis thoob
    peb cov hmoob txhob coj li no
    muab nws tso pov rau tom qab
    tig los fag lub neej txuas ntxiv
    tuav peev chim rau peb me nyuam
    rhais ib ruam lawm yam tom ntej
    noj mov nplej txhob noj mov kws
    txhob xyaum yws hais ub hais no
    sib pab kho poj niam txiv neej
    thiaj yuav tsheej ib tsob ib txoog
    thiag tsis toog ntiaj teb pob ntseg
    kev sib ceg tsis txhob muab xyaum
    txij li thaum peb tau los hnov
    kom feem rov cov raws li hais
    me tub ntxhais thiaj li tsis khib
    kom txhob ntsib lub neej liam sim lawm mog

    Zaj 9: Paj Huam Hmoob Tsis Txhim Kho Hmoob Li

    Kuv nqua hu rau peb tsoom hmoob
    xav kom thoob ntaub ntawv txhob kaw
    puas paub ntshaw luag kev vam meej
    txheej dhau txheej hmoob nyob theem qub
    kev sib hlub yuav pab txhim kho
    yeej tsis nco thiab tshawb los xyuas
    tsuas ua hlub ua plees ua yi
    tham lus ntxhi noj nqaij ncej qab
    tsis tham fab kho hmoob txuj ci
    pheej mus ntxhi kev nkauj kev nraug
    tsuas hais taug mus muab hav nroj
    txog caij noj yuav noj dab tsis
    peb hmoob li ntuj tsim muaj tseg
    tsis khaws leg mus khee luag qub
    muaj ib hnub kua muag yuav si
    nej hmoob li muaj pes tsawg yam
    seb puas tsa tau niam txiv sawv
    ntuj yuav lawv ua neeg tiam no
    muaj tus kho los muaj tus rhuav
    sib pov quav rau koj rau kuv
    hmoob siab luv yuav pom dej dag
    mam li nkag mus ua luag qhev
    cov siab ntev luag thiaj pub noj
    tus siab loj luag thiaj li yuav
    hmoob tsis tuav hmoob txiv tus cwj
    tsau av lwj nqws yuav ti npab
    ntuj qub qab zej zog tuaj nroj
    nyob tuam tshoj lawv cub cawv haus
    thaum ntuj tsaus tuav rawv puav pheej
    luag thiaj txeeb tsis tau txwb pov
    nyob hauv qhov los yuav raug cuab
    nyob nruab nqhuab dej kub yuav hlab
    neej poob qab ntaub ntawv tsis kawm
    lub sij hawm tig los yuav txog
    txhob hnav nplog lav hnav hmoob tsoos
    laug thiaj koos khav tau nej hmoob mog
    yog xav txog lam khaws mus coj
    txhob tawg npoj los pib sib hlub
    noj sib hlub sib ub sib plhws
    koj kuv nws kom zoo ib yam
    thiaj tsis plam lub koob lub npe
    ib lub qe faib sawv daws noj
    koom ua npoj sawv ua ib cuab
    thiaj yuav muab tau kev vam meej
    kom peb txheej tiam no zoo thiab
    peb thooj siab muab nthuav qhia ntuj
    luab yuav lub kom hnyav sib xws
    thiab hlub plhws tau peb tsoom hmoob
    thiaj tsis poob hmoob rau ntiaj teb
    luaj thiaj saib peb yog hmoob mog hmoob


    Zaj 10: Cov Hluas Pab Tig Los Xyuas Peb Hmoob Lub Neej

    Thov nqua hu rau peb cov hluas
    kom tig xyuas peb hmoob lub neej
    tsis txhob pheej tso rau cov laus
    yog thaum xaus cov luas tas lawm
    peb yuav kawm txoj twg thiaj ncaj
    tsis xyaum npaj nug peb twj laws
    keeb hauv paus yog pib li cas
    yuav tau ras los coj qhov zoo
    txhob hais nroo rau qhov nyiaj phem
    cov laus cem xam kom peb paub
    txoj keb haub tub ntxhais nco roob
    cov hluas hmoo txhob coj I no
    nej tsis nco peb thiaj li hais
    cov me ntxhais liam sim ntau leej
    cov txiv neej yuav tau xyuam xim
    txhob lam tsim tej qhov liam sij
    hmoob kwv tij peb tsoom tub hluas
    yuav tau xyuas puas tsav puas yam
    txhob lam tham tej qhov tsis yog
    txhob sib tog li cov neeg phem
    yuav tau lem los cov qhov ncaj
    tus tsheej vaj yog niam yog txiv
    yog muab piv ncaj dua cov laus
    kev noj haus noj kom xwm yem
    cov neeg phem peb yuav tau hlub
    tsis txhob ntxub thoob fab laj fab
    kev sib pab pab kom sib luag
    hlub tus pluag tus muaj ib yam
    peb maj mam sib pab txhim kho
    peb tiam no kom nyob vam meej
    ntau ntau txheej uas dhau los lawm
    poob kev kawm txheeb xyuas tsis meej
    thiaj tsis tsheej tsis muaj puav pheej
    luag tiaj xyeej tsis txhawb nqa hmoob
    nyob pem roob hmoob tsis tshwm
    cem tias vwm rub kwv rug tig
    hmoob yuam sij thiaj dam nrov nkuav
    muaj leej puas tseem thiaj khaws tau
    ntuj tseem tshau lawm zuj zus thiab
    qhov tseem ntsiab kuj nphoj zuj zus
    vim mos qus tsis muaj kev ncaj
    mus sab laj tsuas hais sib ceg
    cuab pob ntseg mloob kom tseeb tseeb
    peb thaj yeeb yuav tshwm muaj meej
    muaj qov leej luag thiaj lees yuav
    puav pheej cuav yeej tham tsis tau
    thiaj li dhau los rau peb tiam
    yog tsis nyiam thiab tsis lees yuav
    luag yuav rhuav kom hmoob piam mus
    peb txhua tus tsis txhob poob siab
    lub neej tshiab peb sib txhim kho
    kom tiam no hmoob zoo mus mog hmoob

    Zaj 11: Paj Huam Hmoob Lub Tshiab Peb Caug

    So me no ces yog paj huam
    hais cuam tshuam txog hmoob peb caug
    tej laus taug puag tuam tshoj los
    hmoob txais tos thaum txog sij hawm
    txog hnub tawm zwj thaj peb caug
    tham nrog yaug dab tsi los muaj
    txog hnub tuaj dab tsis muaj tag
    txiav pos ntsag txhob loo vau pheeb
    ntswj saw nqeeb los ua kauj toog
    ntaus vaj voog kom zoo dav fo
    hnub poob qho ces sawv daws tuaj
    haj tseem muaj ib txhia txaj muag
    tuaj tsuag tsuag nyob mus puv ntoob
    hlob txooj thoob khaws nkaus rev tauj
    nws lub ncauj txawm npaj pib hais
    me tub ntxhais zoo siab twj ywm
    txooj thoob lwm nce toj nqee hav
    sawv daws xav zoo siab txhua leej
    yawg lwm meej ntom nkaus hnub poob
    tub ntxhais hmoob nthos nkaus rab phom
    coj los tsom tua nrov pag voog
    sawv daws mloog phom nrov txhua zos
    thiaj li los txog ntua hau tsev
    khaws nkaus rev me nplooj cheb xyuas
    los yws ntuas hais txog ywm sub
    txheej thaum ub ua tau tsim muaj
    tsis txhob tuaj qee peb haiv hmoob
    kom us poob rau ntuj nraum ub
    peb hmoob dub nyob tshauv ntuj nrig
    thiaj mam tig los mus hlawv xyab
    tshuam ncej dab rhaws qaib cuas luam
    nthos nkaus kuam los mus hu plig
    muab qaib tig tau hau hauv tsev
    kom siab ntev ntsuj plig los txhua
    ntaus kuam ua ob sab tig ntxeev
    plig tsis seev los ua nkhaus vos
    muab qaib los phim zoj pob xyab
    hlais caj dab muab raus laum ntsev
    nws tsis ntev voj hlab dej kub
    thau los rub muab dob tsuag tsuag
    niam tub nyuas zoo siab txhua leej
    hau qe kheej ib leeg ib lub
    me ab tub hais lus luag ntxhi
    me nqaij ci nrog roj txhij txhoj
    peb hmoob noj zoo siab txhua tus
    mam rov mus tig los rau mov
    yawg thiaj rov tig hu cov laus
    xyoo laus xyuas xyoo tshiab tawm tuaj
    kuv thiaj muaj zaub mov ncho log
    nqua hu txog rau nej cov laus
    los noj haus tuav pov hwm kvu
    kom nyob huv nrog lub xyoo tshiab
    kua muag iab kom tsis pub pom
    kom tau nom mus ciaj tuam siv
    pub noj ntxiv ib txheej dhau tis
    kom luag ntxhi nyob mus kab ntsab
    mus laj fab noj qab nyob zoo
    yawm muab loo ib dia nrog mov
    tawm loo thov tim tswv teb chaws
    kom sawv daws ho nrog leem pom
    khaws nkaus phom paub tias noj hmo
    poj niam rho nyiaj teev xwm kab
    yawg hlawv xyab cuaj tswm txhos rau
    kom ho tau los ntxiv rau thiab
    hmoob noj tshiab mam zoo kawg tiag hmoob

    Zaj 12: Paj Huam Hnub Xiab Ib

    Hnub xiab ib tawm plaws nto tuaj
    peb hmoob muaj kev cai li no
    ib tag hmo mus npaj huas dej
    kom tom ntej muaj dej txaus haus
    hmoob tej laus sawv los pub tsiaj
    nqua plig nyiaj plig tsiaj plig txhuv
    kom los huv rau nws ib leeg
    tus tub nkeeg nws tseem tsis hnov
    vim rau qhov tseem xav tsaug zog
    thaum yuav txog lub caij kaj ntug
    kub lub lug txawm pib qua nrov
    maiv mim hnov txawm sawv ua tshais
    me tub ntxhais zoo siab twj ywm
    vim yuav tshwm rau lub xyoo tshiab
    kev khwv iab ib xyoos puag ncig
    rauv taws cig muab tsu cub mov
    txawm siv hnov xeev laus tub vaj
    tshuab tshuab rai nkauj see luag nyav
    lub siab xav tias yuav tau ntsib
    nkauj seeb qhib qhov rooj nrov qev
    vaj los tsev qab ntug liab pliam
    thiaj tau ncaim lawm tiag lawv e!!!

    Zaj 13: Paj Huam Cov Hmoob Xav Loj


    Yuav los hom piav txog lub koob
    txog cov hmoob tau mus tuam tshoj
    pheej xav loj los yog xav nrov
    yog mus thovq txoj kev pab cuam
    luag thiaj tuam muab peb tsim txom
    poob noob nom txog tub xeev laus
    lub hauv paus vim tsis muaj ntawv
    muaj tus sawv tsis muaj tus hwm
    hmoob keeb kwm thiaj tshwm tsis ruaj
    thiaj tsis muaj ib pab hlub tshua
    noj qos npua mus nrhiav tim toj
    nce pem toj txhawb kev sib pab
    neej poob qab tsis muaj keeb tiv
    tsis yog chim nrhiav kev tsis txaus
    keeb haus paus ces yog pem toj
    lub zog loj yuav txhawb nqa hmoob
    xav kom thoob tsis txhob tsaug zog
    coj kom yog tsis txhob lam chim
    hmoob yuav sim ces yog zaum no
    tus yuav npo nej hmoob lub txim
    hmoob yuav dim thiab tus nej ntxub
    thiaj yuav coj nej hmoob nto cag
    tus nej dag yog nej hmov
    niaj hnub thov nej noj nej haus
    txog thaum xaus nej mam yuav paub
    thaum xaus puab yuav tau xyuam xim
    txhob lam chim rau yus cov neeg
    tus neeg ntseeg yuav yig nej haiv
    tus nej thaiv yog nej cov neeg
    kev sib ntseeg yog kev ruaj ntse
    txhob rhuav npe sib ntaus sib nrig
    txawm leej twg los yeej yog hmoob
    yuav thov qhoob hais lo lus muag
    los sib puag koj li kuv li
    txhob sib ntxhi sib ntaus sib rig
    los luag ntxhi sib hlub sib plhws
    thiaj li xws luag lwm haiv hmoob.

    Zaj 14: Paj Huam Hnub Xiab Ib Tawm Plaws

    Muab pluas tshiab rau loo los noj
    maiv niam coj nkauj see ntim zam
    kauv loo pam los hloov cev tshiab
    ris tsho tiab maiv niam muaj txhua
    ej ntxhais qhua tuaj txog zom zaws
    nkauj see khaws nkaus iav los tsom
    lub meej mom los phim lub cev
    tim tej kev twb muaj tsheej sob
    khaws nkaus pob tawm plaws rooj txuas
    maiv mim luag hiv hiv hiv hiv
    niam thiab txiv lawv loo qab lawm
    txog tim dawm lub tshav pov pob
    tej laus nyob zaum ua tsheej pab
    tej nkauj nyab tseem xauj nkuj nkas
    siv zij das tsis nco qab kho
    vim nws nco thaum ua hluas nkauj
    thiaj tuaj xauj niag ceb muag zees
    tej ntxhais plees mas luag haws him
    ib me chim hnub txawm tuaj txog
    cov nkauj rog zoo siab twj ywm
    hais lus twm tus ub tus no
    nyob fee hlo mus ua tsheej pliaj
    suab kwv tshiaj zag pib zag xaus
    cov nraug laus tham txav ti ti
    hais lus ntxhi sib haub sib ntxias
    nkauj see tias txhob ua siab nruj
    cia tsaus ntuj mam li sib cuag
    tsam txaj muag no tiag lawv e.



    Zaj 15: Paj Huam Hmoob Lub Tshiab Peb Caug

    Xyoo laus xyaus xyoo tshiab tawm tuaj
    peb hmoob muaj peb caug los noj
    poj yawm coj tuam tshoj los mus
    hmoob txhua tus zoo siab kawg nkaus
    keeb hauv paus 12 hlis ntuj
    peb hmoob kuj npaj txhua lub zos
    los txais tos lub me xyoo tshaib
    nyob toj siab lom zem kawg nkaus
    nyuj sib nraus los kuj muaj tso
    ob xyoos no peb poob teb chaws
    los mus khaws luag tej ntses lwj
    noj mob rwj txhua leej txhua tus
    feem ntau mus rau ntuj nraum ub
    txheej thaum ub kom zej koom zos
    muab xav los mas kua muag poob
    lub neej hmoob sawv ua tsheej phiaj
    mloog kwv txhiaj lus taum yas suab
    peb yuav muab los tshaj rau nej
    yav thaum ntej txoj kev lim hiam
    poob 3 tiam peb tsis xav yuav
    thov muab rhuav txhim kho qhov zoo
    ntau ntau xyoo hmoob yeej siab kawg
    muab xas mas ntsim tu siab kawg
    hmoob sib tawg mus ua ntau pab
    hmoob siab fab tsis los sib hwm
    cem tia vwm txhua txhia lub xyoo
    txoj kev zoo ceeb laj yuav tshwm
    tseg kev vwm tsis txhob hais lawm
    mus nrog hawm txhawb nqa nej hmoob
    nej lub koob thiaj yuav tsis ploj
    kev cai co j nej yuav tau xyaum
    yug los txhaum ua haiv neeg hmoob
    xam kom thoob hais lub twm xyas
    nej thiaj ras mus pom qhov zoo
    nej txhob nroo thiab txhob khib siab
    neej toj siab xws neej nram tiaj
    nyob saum thiaj li luag thiab mog hmoob

    Zaj 16: Paj Huam Cov Kwv Tij Txawj Sib Hlub

    Sob me no ces yog paj huam
    hais cuam tshuam kwv tij sib hlub
    txheej thaum ub thiab cov niam no
    kuv tseem nco txoj kev sib hlub
    tsis sib ntxub thiab txawj sib hais
    leej hlob txais thiab hlob txua leej
    muaj lub neej nyob xws li luag
    paub sib txuag tuav lub koob meej
    tus sawv tsheej kom sawv daws tiam
    yob peb nyiam tas peb sawv daws
    li mam khaws coj los mus siv
    hais muab piv rau kuv ib leeg
    los ua neeg nyob mus lwj siab
    tag ib txhiab txhawb kwv txhawb tij
    muab xav txhij ces kua muag poob
    lub neej hmoob muaj kwv muaj tij
    tsheej ib yig nyob mus puv ntoob
    kwv tij hmoob puas nrog xav tau
    rov sib sau los nyob sib hlub
    txhob sib ntxub rub siab loj loj
    tig los coj sib hlub sib xyuas
    kom txhob puas tej kwv tij cooob
    nyob tsheej noob mus ua tsheej npoj
    yauv tau coj txoj ekv pheej xeeb
    mam yuav teeb los ntuas dua ntxiv
    niam thiab txiv muab saib tsim nuj
    yam lub ntuj uas tsim yus nyob
    me tub hlob los ua tus coj
    kev ua noj ib paus tsav yam
    muab saib tam yus niam yus txiv
    ua chaw chiv rub siab loj dav
    nws txawj xav txawj hlub tej yau
    tau me ntau los cia nws faib
    yauv tsum saib tej tib neeg loj
    ua tus coj rau peb tsim txija
    noj siab tiaj txawj xav ib yam
    yuav maj mam kho peb haiv hmoob
    kom paub thoob sib hlub txhua leej
    paub kom meej thiab xav kom txog
    thiaj tsim nyog ua kwv tij os
    muab xav los ces piav tsis tas
    kuv xav mas cia yuav li no
    leej twg nco thiab ho xav xyaum
    muaj tej thau ho xyeej sij hawm
    nej xav kawm mam ho muab qhia
    muaj ib txhia nws yuav paub lawm
    tsis tas kawm los yeej paub txog
    xav tau yog ces rov sib sau
    yog xav tau ces rov sib hlub xwg mog

    Zaj 17: Paj Huam Xyoo Tshiab

    Ntawm no mus yog paj huam xyoo tshiab
    zoo li tshiaj tshaj plaws txhua hnub
    nyiab thiab kub 3 hnub tsis siv
    vam yuav ntxiv rau lwm lub xyoo
    hais qhov zoo leej twg los vam
    ntshai tsam plam thiaj caiv ua luaj
    los tseem muaj qhov phem tiv thaiv
    thoob peb haiv hmoob txais ib yam
    los tseem plam tsis tau raws xav
    maj mam tsav kom lwm hnub zoo
    lwm hnub zoo rov muaj neej tshiab
    yog nplooj siab xav tau ib yam
    yeej muaj tham qhia rau xeeb ntxwv
    sawv daws tswv nrog luag muaj meej
    thaum kawg yeej nrog luag nto npe
    tag ib tse sawv daws luag ntxhi
    leej twg li khaws cia tau tseg
    sawv las leg tos qav tos num
    maj mam tshum kom hmoob muaj hwm
    uas ib txwm cov laus us los
    tig nco txog kua muag yuav poob
    xav tsis thoob vim tsis paub dab
    tig los fab chiv los ua neej
    sawv daws pheej tsis mob siab rau
    thiaj li tau kev tsaus ntuj nti
    tsis zoo ntxhi rau leej twg hnov
    mam li hov yus lus tswv yim
    txhob lam chim tej laus yws ntuas
    hais txog ntua sawv tseem tam sim
    yeej yuav dim kev tsaus ntuj nti
    peb hmoob li ntuj tsim muaj lawm
    xyoo tshiab tawm peb hmoob zoo xwb
    xyoo tshaib twb los txog ntua lawm
    leej twg txawm qee los yeej tau
    txhob qee ntau tsuas muaj qee leej
    cav ncauj yeej los thaum keeb chiv xwb tiag

    Zaj 18: Paj Huam Cov Ntxhais Tub Nkeeg

    So me no ces yog paj huam
    hais cuam tshuam cov ntxhais tub nkeeg
    mus ua neeg ceeb laj tiav niam
    txoj kev piam nws yeej tsis paub
    me lauj kaub tais diav ntxhov hnyo
    nws tseem tso plhuav rau tej laus
    lub ntuj tsaus txawm siv pleev tshuaj
    tsam hmoob tuaj ho tsis tsw qab
    yeej tsis pab tej laus ua noj
    lawv tuaj soj zoo nkaus koj dab
    khaws nkaus hnab muab iav tsom loo
    tuaj tsw xoo los kuj dawg paug
    tej kev taug mas piav yuj yeev
    tsuav tham seev tej hluas xws zis
    tej ntsuj plig qab ke qaum kev
    zoo nkaus dev sib daig pob caus
    tav tshais laus ntxhais tseem ua qaj
    nyob saum txaj nrhab ceg dav dav
    muab los xav mas tsis tsim nyob
    tej tag mog lub caij noj mov
    twb zaum zov dua luag lwm tus
    hais rwv rus tej lme pluas noj
    yeej tsis cov xws li ntxhais nquag
    niam txiv pluag los nws tsis paub
    daim me khaub mas yeej tsis hnav
    muag tav nqas rau toj kev taug
    muaj hluas nraug mas luag hawsh im
    xav fwj chim hais us xws zees
    cov ntxhais plees mas zoo ib yam
    hmoob tuaj tham cuab qhov nquag plias
    hmoob tham ntxias txawm kam lawv loo
    nyob ntsiag moo tej qhov tsaus tsaus
    luag tej laus tsis hais txawm zoo
    yog luag nroo nws txawm pib npau
    nquag ntxias qau mas yog li no
    kuv lam tso hais qhia rau nej
    yav tom ntej nej yuav tau txiv
    yog tsis chiv raws li kuv hais
    peb cov ntxhais ntshe yuav tsis yuav
    vim nws tuav txoj kev tub nkeeg
    nej puas ntseeg thiaj cuab rau luag
    thaum txaj muag ces yog plab loj
    luag tsis coj los yuav tau mus
    lawv tej lus hais nws tsis mloog
    nws tsis nyoog xws li neeg nqua
    lub netsej muag thiaj li tau piam
    ua tsis taus niam li luag tom tej
    ces tsuas yog muaj nej xwb mog cov ntxhais hmoob.

    Zaj 19: Xav Kom Paub Tias Kuv Tshua Tshaj

    Leej muam hmoob tus kuv ntsib tshiab
    huab nej ziab tuaj mus puv roob
    koj muaj hmoob lawm los thov qhia
    mam tso cia twb tsis lig thiab
    tsis muaj siab los thov txhob cem
    tias kuv phme thov hais lo lus
    koj mam mus lawm yav tom ntej
    yam tus dej ntws mus sib tshuam
    tsam hmoov khuam ho tau tuav tes
    yam me ntses khiav mus ua npoj
    kuv nyiam koj kuv thiaj tuaj xyuas
    koj tseem hluas hais lus muaj tshuaj
    kuv thiaj tshua koj mus thawj hnub
    puas kam hlub kuv mus ib leeg
    yug ua neeg hlub koj ib tug
    tsis kam nrug koj mus ib qho
    sim neej no cia siab rau koj
    ua tus coj mus txog hnub tuag
    yam tsob ntsuag nyuam qhuav pib txhawv
    kuv lub plawv muab cia rau koj
    xav tam zoj tus neeg kuv hlub
    ntuj thaum ub yeej tseem nco los
    cia kuv tos qhia siab rau koj
    thiaj yuav coj ua kuv tus hlub
    me ntxhais tub yog koj thiab kuv
    yuav muab thuv txoj kev sib tshua
    yam nthws cua los mus ib vuag
    los kuv puag thiaj yog hlub tiag
    ntsib ib pliag yam li npau suav
    tham tsis dhuav tsis xav sib ncaim
    tam npauj npaim ya mus ib khub
    thov ntuj rub cia koj rau kuv
    yam tsob thuv nyob mus tawg paj
    yuav thov tshaj rau ntiaj teb hnov
    cia kuv nco koj rau nruab siab
    qhia lub ntshiab kuv tshua koj tshaj
    yam lub paj nyob mus tawg tshiab
    lub paj tshiab yog cia kuv de
    nyob ua ke mus txog hnub kawg xwb tiag

    Zaj 20: Paj Huam Cov Niam Tais Cob Ntxhais

    So me no ces yog paj huam
    hais cuam tshuam rau cov niam tais
    pheej cob ntxhais kom nrauj tus vauv
    kom ntxhais pauv coj li hluas nkaumj
    thaum mus xauj ntxhais niam kuj zoo
    mus nug moo kuj tias tsis cuav
    kuv thiaj yuav coj los puag pw
    nws tsis qw wb kuj sib hlub
    ob peb hnub coj xyuas niam tais
    saib me ntxhais kuj txawv lawm tiag
    niam tais npliag kom vauv mus yos
    rub ntxhais los nyob ti niam tais
    tsa ncauj hais me ntxhais lub neej
    txawm pib xyeej tias kuv me me
    tev tau qe puas txawj noj nkaub
    txhob pub paub kom qhia ncaj ncaj
    nkaj hauv txaj ntxhais txawm sib hais
    rau niam tais tias sib nyuaj thiab
    niam nplooj siab xav siab xav qes
    ib me ntsis ib pliag tsaus ntuj
    niam ua txuj mob mob plab
    ntxhais lawv qab dua hauv lawm thiab
    kuv nplooj siab mas mob khis rhe
    pw ua kev sib hnia sib nwj
    txiv tsis thwj ntxhais dab tsi kiag
    nyob ib pliag kom kuv pw kuv
    siab tsis hu tag kis kaj ntug
    kuv thiaj pub poj niam los tsev
    txog tom tsev nws txawm ua phem
    nws pib cem yuav muab kuv tsuj
    yav hmo ntuj ua ceg tawv tawv
    txog caij sawv ua tug tsis paub
    txawm pib saub xuav kauv tshuab nplooj
    cem toj roob piv ub piv no
    caj noj hmo nws khiav mus nkaum
    lub caij thau wb pw ua kev
    cev tes de ua kuv nqaij tos tas
    txav ti mas zoo nkaus maum tsov
    tsis pub kov tau mag dua li
    thaum nyob ti hais lus paub seb
    thaum nyob deb txiav muag tuab tuab
    niam tais qhua txw ntxhais ces zoo li tiag

    Zaj 21: Paj Huam Cov Niam Tsev Lub Keeb Chiv

    Kuv yuav hais ib zag paj huam
    yog hais tshuam niam tsev lub keeb
    kev ywj xeeb tsis nrog luag muaj
    muaj qhua tuaj niam tsev dub txig
    hais lub nkig nrov nroo pes ntws
    me miv tshws los raug cem txhua
    ua rau qhua liab dawb liab dawb
    xuas kab tshawb los kuj tsis xws
    nws cem yws ncauj ua mawv moov
    tsis paub hloov cov ua qhov zoo
    nws lub moo mas muaj tas li
    hais lus ntxhib nrog tej lus mos
    lus tuaj pos cem rooj cem tog
    coj tsis yog niam tsev cwj pwm
    ua hauj lwm xam khib tas li
    siab ti ti tsis hlub tus txiv
    muaj chaw siv los tsis muaj nyiaj
    cem xyoo txhiaj muas tas li xwb
    tseem cem twb rau neej rau tsav
    vauv txawj xav los ntxhais tsis zoo
    cav txawj nroo tias vauv tsis nyiam
    txoj kev piam mas yeej tsis paub
    yam tej aub mus lib qua qhuav
    qhia tsis yauv hais tias yog cem
    haj tseem phem txuas ntxiv mus thiab
    kev ywj siab xeeb muaj zuj zus
    tsuas hais mus xyuas neej xyuas tsav
    tsis paub xav yuav kho lub neej
    nws tseem xyeej kev kwv kev tij
    yuav kom nplij txhua txhia lub caij
    thaum muaj nqaij hais lus luab nyav
    cav txawj xav xws li neeg nquag
    muaj pluag tsuag mas ncauj fee das
    ntsia tav zas di ncauj tuab npawv
    lub caij sawv mas yeej tsis nti
    luag tuaj qiv tej twg ua noj
    nws ua txog tsis muaj tsis pom
    coj meej mom yog neeg qia dub
    tsis txawj hlub kwv tij neej tsa
    tsis txhawb nqa yus tus me txiv
    tsuas xyaum chiv txoj kev taug xaiv
    txiv pib khaiv laij tsis muaj laig
    tej twg taig mas tso puv tsev
    txiv siab ntev tsis muaj dab tsi
    txiv siab ti thiaj sib ntaus tiag lawv




    Zaj 22: Paj Huam Cov Ntxhais Ua Nkauj Fa

    So me no ces yog paj huam
    hais cuam tshuam txog cov nkauj fa
    tsis txhawb nqa nws lub me neej
    tsuas hais xyeej txog luag tsev neeg
    nws tub nkeeg ua tsis taus nyab
    muaj pluag qab hais lus mos mos
    tsis thas tos tej laus los hais
    sawv ua tshais xws li nyab nquag
    noj pluas tsuag nws txawm pib yws
    hais tias nws ib txwm noj qab
    tshaib nws plab cuag li yuav tuag
    lub neej puag tsis xws li luag
    ntshe yauv tuag kom piam lub cuag
    de tshuaj ntsuab ntsaws nraim hauv duav
    niaj hnub xuav nco tej qub hluas
    yeej tsis xyuas tes qav tes nus
    hais lus tshum tus ub tus no
    kwv tij kho los nws tsis yeem
    niaj hnub peem txoj kev nkauj fa
    koob thiaj ncha rau zej zog paub
    ntse muag aub tsis tau chaw zais
    noj loo tshais lawm tsis pub pom
    xyog hauv nom kom nom pab hais
    me niam tais laj fab tswm yim
    seb puas dim rov los ua hluas
    cav tham qhuas tias yog ntxhais nquags
    tus txiv pluag tsis muaj rau hnav
    hais luag nyav cuab qhov nquag plias
    nom hais tias cia mam pab hais
    caij ua tshais mas sawv ntxov kawg
    kuv tus npawg wb thiaj mus xauj
    cov hluas nkauj ua num tsis ncha
    niag nkauj fa mas luag haws him
    muaj qee chim ua dev txais cua
    luag tus qhua twb pab txaj muag
    lub suab luag mas yeej tsis tus
    nom tswv hu tus txiv mus txog
    muab hais cog lawv muab nrauj loo
    tau lub moo poj nrauj los tuav
    cov uav zoo siab twj ywm
    vim yuav tshwm poj nrauj qhov I
    nyob luag ntxhi txhua txhia txoj kev
    nyob tsis ntev txawm yuag zuj zus
    kuv thiaj mus nrog tham ib hnub
    lawv thiaj qhub tias yog mob leeg
    vim nws ntseeg cov mob uav haub
    thaum nws paub mob rhiab nkuj nkais
    ncauj tsis hais siab xav ntau yam
    ntshe yuav plam tsis muaj lbu neej
    yuav tsis tsheej ib yig ib cuab
    ua siab muab thws rau ntiaj teb tiag lawd

    Zaj 23: Paj Huam Cov Ntxhais Ua Nkauj Fa

    Ntawm no mus kuv yuav piav txog
    nkauj fa mog kom txhob tu siab
    leej twg hiab lub tswv yim phem
    yuav tau cem lo lus tsis zoo
    tim txoj hmoo thiaj tau tus phem
    txhob lam cem piav rau lwm tus
    twb yog yus tsim qhov phem tawm
    lawv thiaj tsawm tias dab nkauj fa
    zoo nkauj hma xav noj thooj loj
    thiaj li ploj lub koob meej zoo
    yam tus nphoo nplooj twb zeeg tas
    luag cem tas txhua tsav txhua yam
    ntshe yuav plam mus txog hnub xaus
    cem tsis txaws tseem thuam ntxiv thiab
    luag cem ntia kom mus txhob los
    nkauj fa yog tus neeg ua npoj
    vim nws yog tus tawg vaj tse
    thiaj muaj npe ncha teb ncha chaw
    kom txhob ntshaw cov neeg haiv no
    luag niaj hmo sib yaum mus tham
    nws tseem vam tias nws zoo nkauj
    luag tuaj xauj ua lus ntxhi cem
    tias neeg phem cia peb sib hloov
    nws nto moo rau lws tus xwb
    luag cem twb ua tav muag ntsia
    luag tseem ntia ua tav muag nkoos
    xav sib hloov kom ntau tus ntxiv
    thiaj li piv tau ua nkauj fa mog

    Zaj 24: Paj Huam Cov Niam Txiv Sib Nrauj

    Kuv yuav hais ib zaj paj huam
    yog hais tshuam niam txiv sib nrauj
    thaum hluas nkauj niaj hmo mus yos
    muaj qab los yeej tsis nco noj
    tsaus ntuj zoj lub siab liav khiav
    xws nas ciav noj pob kws nplaum
    mus zov zaum dev tom mob laug
    tsuas hais taug npaum dev taug ntxhiab
    niam txiv tshiab sib nwj sib tawb
    miv sib khawb tas hnub tas hmo
    tsis ras nco luag zoo li yus
    niam hias lus tias me naib iv
    me koj txiv thiab me koj niam
    yam twg piam los yeej tsis khib
    yam lub deb ib leeg noj txauj
    npuav qhov ncauj ib hmo kaj ntug
    kub lub lug qua twb tsis hnov
    ua rau qhov dev mob mob laug
    nqos aub ncaub qim qoom tas li
    kev ua si txhua yam ua txhij
    tag kwv tij tsis khoom mus tham
    kauv loo pam hais lus ntsiag to
    tej tag hmo tsis nco tsaug zog
    pw sib tog tsa ceg sib khuam
    niam tsis thuam txiv kuj tsis cav
    txawj txawj xav txhua leej txhua tus
    niam yuav mus los txiv zoo siab
    txiv tsis ntiab niam los tsis chim
    nyob xyuam xim xws li txij nkawm
    tsis tau tawm niaj mus thawm xyoo
    niam txawm nroo txiv txawm sib yws
    sib nthuav thws sib tshiam sib ceg
    ua dev leg tsis xws li qub
    pib sib ntxub sib cem sib ntaus
    keeb hauv paus nkawv muab nrauj loo
    yeej tsis nroo txoj kev sib hlub
    ua thaum ub sib nwj sib tawb
    lub siab dawb muab tso pov tseg
    mus khaws leg lub siab txia ntshav
    tsis nco xav thaum ua hluas nkauj
    txiv tuaj xauj niam tawm tuaj cuag
    hais lus muag sib nwj sib hnia
    luag tej ntsia kuj khaws los coj
    kev ua noj laig tsis muaj laig
    tsoo twg taig ua liam tas nrho
    txawm muab tso nyias mus nyias thiab
    nws nplooj siab ua txia txia ntshav
    yeej tsis xav tej lus thaum i
    ua sib ntxhi sib ntxhi lawm tiag lawv

    Zaj 25: Paj Huam Cov Ntxhais Mus Ua Luag Nyab

    So me no ces yog paj huam
    cov me muam yuav ua luag nyab
    yuav mus pab lub cuab lub yig
    nej lam tib los mloog kuv hias
    cov me ntxhais ua nyuam qhuav hlob
    txoj kev txob tseem tsis tau pom
    kev cai nom haj tsis tau ntsib
    kuv yuav pib hais kev ua nyab
    ntuj qub qab tsis xws niam no
    yuav tau kho kom zoo mus ntxiv
    kev yuav txiv kuj zoo tsis tag
    qaib qua lag yuav tau maub sawv
    poj yawm lawv thiaj li tsis hais
    sawv ua tshais yuav tau ntxuav tes
    muab taws zes qhov cub kom cig
    mam li tig los ntxuav lub yias
    nchuav dej txias kom txaus cub mov
    txhob ua nrov yus niam yus txiv
    txhob xyaum chiv txoj kev xam khib
    tsam ho ntsib tej lus tsis zoo
    yus ho nroo tias luag tsis hlub
    vim tsis rub lub siab kom loj
    ua pluas noj yuav ua kom huv
    txhob xyaum ruv yus tus me txiv
    tsis txhob tej me lus loj
    lub caij noj yuav noj luag ntxhi
    lus ua si txhob muab los hais
    me twj tais txhuav kom huv si
    luag thiaj li tsis cav yus koob
    kev ua qoob yuav tau mus ntxov
    ua zaub mov ua kom siav siav
    me tais diav tso muaj fij xws
    yuav tau plhws tej me kwv yau
    thaum yus tau tej qhov zaub qab
    nco ntsoov pab tseg rau tej yau
    lub ntuj tsaus yuav tau ua hmo
    tsis txhob tso rau tej laus ua
    qhov zoo dua yuav tau xyaum xim
    yuav tseev chim lij xwwb kav xwm
    ua hauj lwm ua twb zoo xav
    tsam ha nphav yawg laus yeej thooj
    vau nrov nplooj rau tej qab cub
    luag yuav ntxub yus tej hauj lwm
    nyob twj ywm tsis txhob taug xaiv
    mloog luag khaiv hauj lwm txhua yam
    thiaj tsis plam tswj pwm ua nyab
    ua zaub qab nco ntxoov zaub tsuag
    vim tias luag tej laus nyiam noj
    tsis txhob coj lub siab xu das
    yuav tau ras los paub txhua fab
    ua luag nyab txhob coj dub txig
    lub cuab yib thiaj li nto koob
    poj yawm koob thiaj tias yus zoo
    nyob nto moo mus nrog luag hnov
    txhob lam kov yam ub yam no
    thaum yus nco ho tau xyaum rim
    luag thiaj tsis chim rau yus mog hmoob.




    Zaj 26: Paj Huam Thov Ceeb Toom Rau Cov Tub Kawm Ntawv Siab

    Kuv thov qhua ho rau cov hluas
    yog cov uas nws kawm ntawv siab
    lo tseem ntsiab yuav thov nqua hu
    tseem muaj tug kuv yuav tsis cais
    kuv yuav hais nqua hu txhua leej
    cov txiv neej poj niam los xij
    cov kwv tij thiab cov kwv luag
    txawm tub ntsuag yuav txhim kho hmoob
    cov tub qoob yog cov li cas
    cov kawm siab thiab paub ntau los
    pab txais tos txhua leej txhua tus
    uas tau mus kawm ntaub kawm ntxawv
    dej siab plawv paub siab paub qis
    thov los lis txhawb nqa hmoob neej
    muaj qee leej uas yog cov ruam
    haj tseem thuam hais neeg tsis zoo
    ntau ntau xyoo uas dhau los lawm
    poob kev kawm saib xyuas tsis fab
    ntuj qub qab thiaj txawv niam no
    raws li nco yuav yog paub tawm
    thiaj tse sawm tsa tau txoj kev
    siab thiaj ntev vim kawm tiav lawm
    yuav nyeem tawm txoj kev tsim txiaj
    txhob muab nyiaj coj los tiag npab
    cia tom qab siv zog ua ntej
    hais rau nej cov tub txawj qeej
    pab cov neeg tos tsis vam meej
    txheej dhau txheej cov tub kawm ntawv
    yeej tsis sawv los nrog txhawb xyuas
    hmoob thiaj puas los ntau ntau tiam
    siab lim hiam thiaj muab dua keeb
    sib coj teeb uas yog cov ruam
    nej txhob thuam ruam los txheb khib
    sib coj pib txhawb xyuas kom meej
    txhob sib xyeej kom txhawj kuv ntse
    kom ua ke thawj xeeb tawv yim
    hmoob yuav dim txoj kev tsaus ntuj
    yuav tau luj dej siab kom tus
    cov ntse pus cov uav ruam ua
    txhob sib tua li txheej tas lawm
    los sib hawm sib hlub sib plhws
    koom siab ntws kom txhij txhua nrho
    los txhim kho peb hmoob lub zog
    thiaj tsim nyog qhov nej kawm ntawv
    thiaj tsis thawj luag lwm haiv mog.

    Zaj 26: Cov Poj Niam Muaj Txiv Deev Hluas

    Kuv yog neeg siab zoo siab ncaj
    yuav thov tshaj hais kev liam hiam
    cov poj niam muaj txiv deev hluas
    sawv daws xyuas nws zoo li cas
    kuv ntsia mas ntxim khaws kawg kiag
    kev sib txiag yog lub ntuj tsim
    txhob lam sim mus txiag qau qus
    ua rau yus puas koob puas npe
    thaum nyob ze luag yuav taw ncauj
    thaum hluas nkauj zoo zes zoo tuav
    luag thiaj yuav los ua niam tsev
    nyob tsis ntev xav tau rab loj
    txawm tawm soj luag cov txiv neej
    pob tw kheej ntxim nchav tsam tsawv
    koj niam lawv txawm tsuj luag taw
    kov luag chaw thiaj muab nws khawm
    lub sij hawm ntawv khawv zoo siab
    niam thiaj ntiab tub txiv khwv nkaus
    txog thaum xaus nkawv xav tsis thoob
    ntshai tsam poob nyiaj kub hwj chim
    ntau tswv yim teg tas teg thiab
    zoo nkawv siab sib ntsib hav tsuag
    nkawd sib cuag nrog zus nrog zus
    txiv thiaj mus pom nkawd sib deev
    rho raws seev quaj nkhaus vwm vos
    hluas nraug los txhob caug thov yawg
    txog thaum kawg neeg zej zov hnov
    tuaj zaum zov cuag suav ua luam
    tuaj cem thuam ntaus taw tos nki
    nkawd raug khi ntaus ntxeev tes qaib
    sawv daws saib ua pliaj liab yog
    nkawv xav txoj thaum nkawb sib puag
    niam cav luag ntsia muaj tas nqav
    nkawv ho xav thaum nkawv raug plaub
    ntsej muag aub ntsoos npaum mob leeg
    cov laus neeg thiaj muab nkawv khob
    poob kaum ob nyiaj txheeb qab nas
    thiaj hais tas nkawv lub txim txhaum
    txij li thaum hais rooj plaub tiav
    nkawv sawv khiav nyo hau wb es
    koob meej ces piam mus zaum no
    kwv tij rho nyiaj txheej qab nas
    tuaj them tas mus lawm du dais
    kuv thov has rau cov muam phauj kws
    paum muaj tsw txhob cuab luag ua
    tsam ntuj tua tas yus txoj sia
    ntiaj teb ntsia yus ntsej muag hlau
    cov uas rau ua raws li hais
    kom xeev rais txhob ua txuas ntxiv
    tsam naib iv kho hlo cej qaum
    yuav tau xyaum mloog tus txiv coj
    es txhob muab paum muag noj mog cov muam hmoob.








      Current date/time is 28th March 2024, 9:28 am