Paj huam tsa lub neej

koojziagkabzaug wrote:

PAJ HUAM Hais Txhawb Zog

Zaj Lus No Yuav Muab Hais Rau
Cov Ua Vauv Thiab Cov Ua Ntxhais
Uas Nej Xaiv Twb Tau Neej Ua
Twb Sib Yuav Los Tau Ntau Xyoo
Neej Tsis Zoo Tsis Txawj Sib Hlub
Tau Sib Hlub Tsis Paub Sib Zam
Nyias Tseem Xav Nrhiav Nyias Txoj Mus
Nrhiav Dua Tus Tso Lub Neej Tseg

Yav Tom Ntej Nej Xav Li Cas
Cas Tseem Npaj Yuav Muab Neej Tso
Muaj Caij Sov Thiab Muaj Caij Txias
Neeg Lub Siab Thiab Neeg Lub Hlwb

Tus sau: Hlub Hmoob (jjT)

koojziagkabzaug wrote:

PAJ HUAM KEV TXWJ NKAWM Tojsiab.com 13/10/2009

Zaj lus no hais rau cov tub Txij li hnub nej mus ua vauv Yuav tsum pauv nej lub mi siab Ua vauv tshiab nws tsis yooj yim Twb yog vim nej yog neeg hmoob Nej feem coob nej yeej paub lawm Tab sis txawm li ntawv los zoo Nej muaj hmoo tau lawv tus ntxhais Yus coj pais ua yus tus tav Tsis txhob xav tias yog ua si Es zoo li tej yam khoom xwb Vim nej twb nyiam tsum ntshaw raug ua nkauj nraug thiaj li sib tau kav tsij sau tag txoj kev hlub Coj los pub rau nws ib leeg Txhob mus ntseeg lwm tus sab nrauv Yus yog vauv thiab yog txiv neej Yus tus kheej yuav tsum paub txog Tias yus yog ib tug txiv tsev Ua siab ntev rau tus poj niam Vim ntawv tiam thiaj tau sib hlub Txij li hnub neb ua niam txiv Yuav tsum siv sij hawm muaj nqis Txhua tag kis txhob xyaum sawv lig Lub cuab yig yus yog tus coj Kev khwv noj hauv vaj hauv tsev Ua siab ntev ua twb zoo qhia Vim ib txhia pojniam tseem yau Lawv tsis tau los xyaum ua noj Ua siab loj lub neej thiaj vam Tsis txhob lam cem yus pojniam Tias niag liam zoo li pojlaib Yuav tsum saib kom luag muaj nqis Luag thiaj tsis tusiab rau koj Txhob xyaum coj nws mus pem npas tsam mus tas los xav mus ntxiv Thaum nws tiv ces hais tsis tau Yus hais ntau ces yuav sib ceg Yus los tseg tsis txhob mus thiab Tsam tus tshiab pojniam xub tau Thaum no lau yuav ua li cas Kuv xav mas txhob pib ua ntej Nyob li tej mus casino Los txhob xyaum txw nws mus thiab Tsam neb txhiab mi nyiaj dauslas Mus lawm tas pem tsev twv txiaj Tsis muaj nyiaj coj mus yuav mov Kuv thiaj thov kom koj paub txog Vim yus yog ib tug txiv neej Yus tus kheej txhob mus twv txiaj Koj lav nyiaj txhua hnub Friday Coj los them koj tej nuj nqis Seem me ntsis muab rau pojniam Txhob lim hiam ua neeg zais siab Txhob lam ntiab kom nws khiav mus Xyaum hais lus li yog txiv neej Yus tus kheej thiaj li muaj nqi Luag thiaj li hwm yus yog txiv Tseem tshuav ntxiv uas kuv yuav hais Thaum neb pais saib neej saib tsav Yuav tsum hnav khaub ncaws du dais Tsam niam tais luag tsis xav hu Yuav tsum tu kho yus tus kheej Yus tej neej thiab yus tej tsav luag thiaj xav hu yus ua vauv Yuav tsum pauv ua tus neeg laus Mi nyuam yaus thiaj li hwm koj Yuav tsum coj kom haum kwv tij Muam yawm yij thiaj muaj kev vam Tsis txhob lam mloog lus taug xaiv Los tiv thaiv koj neb tsev neeg Txhob mus ntseeg cov neeg ncauj ntau Tsam ua rau koj lub cuab yeej Koj lub neej ho nyob puas tsus Tsis txhob mus quav tshuaj quav cawv Pw tsis sawv ua neeg tub nkeeg Neb ob leeg thiab cov me nyuam Luag yuav thuam thiab luag yuav xyav Luag tsis xav cia luag tej tub Cog kev hlub nrog koj tej ntxhais Luag yuav hais yus tsev niag hmoob tias yog noob tub nkeeg tub nkig Tsis tau lig mog peb cov tub Txij li hnub nej muaj txwj nkawm Yuav tau kawm kho yus tus kheej Yus lub neej thiaj li tsim nyog Uas nej yog ib tug txiv hmoob Thov foom koob thiab foom txoj hmoo Kom lwm xyoo nej muaj tus tub Zoo ntxim hlub npaum tub huab tais Hos yug ntxhais kom zoo nkauj tshaj Kuv thov faj lo lus kawg no Thov nej nco tej laus lawv qhia Khaws nws cia siv rau lub neej Hlub tus kheej thiab hlub koj tus tav mus kom kawg mog li no xwb.