Yam uas txaus ntshai tshaj plaws ntawm kev ua neeg

Tej yam uas txaus ntshai tshaj plaws rau ib leej tib neeg ces muaj li no:

1. Kev txaj muag. Ua ib leej tib neeg meejpem mas lub koob lub npe thiab lub ntsej lub muag tseemceeb tshaj txoj sia lawm. Muaj neeg coob coob ntau ntau muab lawv tus kheej tua pov tseg vim lawv txajmuag ua neej.

2. Kev chim siab/tu sia. Thaum ib tug neeg chim chim siab los puas tu tu siab lawm, nws yuav tsis meejpem lawm. Thaum zoo li ntawd lawd, nws yuav tsis muaj kev txajmuag lawm. Ua ke ntawd, nws kuj saib txoj sia tsis muaj nqi lawm thiab. Muaj neeg coob coob ntau ntau muab lawv tus kheej tua pov tseg vim lawv chim siab/tu siab.


3. Kev hlub/nco. Ib tug tib neeg uas vwm rau txoj kev hlub lawm yuav tsis khuvxim nws txoj sia pes tsawg. Nws yuav ua taus txhua yam tsuav kom nws kev hlub xwb. Muaj neeg coob coob ntau ntau muab lawv tus kheej tua pov tseg vim lawv plam txoj kev hlub/nco.

4. Kev mob. Txoj kev nyiaj mob, ntooj mob, los sis raug mob yog ib yam neeg tsis xav fim li. Muaj neeg coob coob ntau ntau muab lawv tus kheej tua pov tseg ua ntej lawv raug tsim txom, raug ntes, los puas raug tua vim lawv ntshai nyiaj mob.

5. Kev tuag. Kev tuag yog yam uas phem tshaj plaws ntawm neeg lub neej, tiam sis neeg ho yeem tuag ua ntej lawv ntsib 4 yam saum toj saud. Yog li ntawd, kev tuag tseem yog ib txoj kev cia siab thiab kev cawm dim ntawm kev ntshai lawm thiab xwb.

PijPauj, cov lus koj tuaj sau saum no txaus nsthai thiab ua rau yus thim xav kawg li os. Ua li tib neeg xav tias txoj kev tuag yuav ua rau lawv dim lawv tej kev nyuaj siab? cas txaus tshai ua luaj. Kuv yeej tsis nsthai txoj kev tuag vim kuv paub tseeb tias kuv yeej yuav khiav tsis dim. Tiam sis kuv xav ua ib tug neeg txawj tuag kom zoo zoo, kuv xav hnov kuv txoj sia maj maj tu. Kuv tsis xav tuag ua lwj ua liam, tsis xav tuag rau kev txhaum.


Txoj kev txaus ntshai tshaj plaws rau kuv mas yog txoj kev tuag ua txhaum. Yog yus tuag ncaj tuag ncees, tuag dawb huv, kuv tsis nsthai.

Nyob zoo lub paj ntshua nplaim,

Tsis muaj leejtwg paub hais tias tom qab neeg tuag lawm yuav zoo li cas, tab sis neeg tsis xav tuag li lwm tus xav kom lawv tuag. Neeg tsuas xav tuag raw li lawv lub siab xav xwb.

Qhov uas txaus txaus ntshai ntawm txoj kev tuag tsis yog kev tu siav nrho, tiam sis yog yam uas ua rau txoj sia rov tsis tau los ua neeg lawm xwb.

Ninja yog hom neeg uas siab tawv thiab thev taus mob tshaj plaws, tab sis lawv tsis yeem tuag rau lwm tus tes vim qhov ntawd yuav mob thiab txom nyem tshaj qhov lawv paub lawm. Yog li ntawd, lawv thiaj xub muab lawv tua ua ntej raug teem txim.

Nyob zoo Pijpauj thiab Lubpajntshuanplaim,

Pijpauj, ua koj tsaug tuaj tham txog tej yam tseem ceeb hauv neeg lub neej.
Yog kawg, yam ntshai tshaj plaws hauv lub ntiaj teb no yog kev ploj tuag.
Cov neeg lawv tas kev cia siab, lawv txo lawv txoj sia kom ploj mus, vim ntiaj teb tsis zoo nkauj rau lawv, lub neej tsis lom zem rau lawv, leej neeg tsis muaj kev hlub tshua rau lawv. Tab sis qhov lawvtxo kom lawv txoj sia ploj ntawd yog zoo li daim ntaub muab lawb npog nraim kom ploj ntawm lub ntiaj teb mus xwb. Sab tod yus tsis paub xyov lawv tseem yuav mus ntsib qhov zoo los qhov phem tshaj...Khuv leej cov neeg tag kev cia siab kawg nkaus. Kuv tus kheej xav tias lawv tsis siab ntev, lawv tsis ua tiag thev, tsam lawv tseem yuav mus ntsib ib txoj kev txom nyem tshaj qhov qub tsis muaj caij kawg...Tu siab kawg nkaus thaum yus pom luv ntiaj teb tsis zoo nkauj...Yus tsis yog tus qub lawm...Yus tsis xav li qub lawm...Tab sis yuav tau ua siab loj txhob tag kev cia siab, vim los nag tas los yeej yuav tshav xwb...Txhob tuag...

Uas neeg nyob mas tseem tshuav ntau yam tshaj qhov koj tau sau los saum toj lawm thiab.
Tseem tshuav 100 txoj kev phem thiab 100 txoj kev zoo. yog li koj yuav tau sau ntxiv.