HMOOB TSAV NTUJ

Would you like to react to this message? Create an account in a few clicks or log in to continue.

google-site-verification: googlefbfddf59e706b96b.html

Latest topics

» Ib tsoom Phoojywg Nej Nyob Licas lawm
by Liajntsuab 7th October 2019, 9:45 am

» NCIG XYUAS HMOOB NYAB LAJ TEB TSEEM UA LUB NEEJ NYOB TOJ SIAB
by Tub kev deb 3rd October 2019, 7:19 am

» Tshuaj Ntsuab
by PIJPAUJ 27th November 2018, 11:17 am

» NYOB ZOO OS
by cwjmemdub 10th October 2018, 9:37 pm

» TUS KAB MOB CANCER TXOV HMOOB LOS TAU ZE 600 TAWM XYOO & TSEEM YUAV MUAJ NTXIV
by Liajntsuab 13th April 2018, 11:57 am

» ***UA NEEB***
by shung 8th March 2018, 5:49 pm

» Neeb Saub ua rau neeg vwm
by shung 4th February 2018, 2:58 pm

» Xiong Chang
by koobpovtxuj 10th December 2017, 11:00 am

» Koobpovtxuj.
by koobpovtxuj 19th November 2017, 1:34 am

» kuv cov duab.
by koobpovtxuj 18th November 2017, 11:30 am

» KHAWV KOOB
by koobpovtxuj 30th September 2017, 4:29 pm

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

Tsev seev PajHuam

Cov Lus Nug Txog Tub Ki Nraug_11

Hmong beauty nature

Cov Lus Nug Txog Tub Ki Dsc08613

Compteur visitor

hnub 18/09/2010 los mus

    Cov Lus Nug Txog Tub Ki

    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Cov Lus Nug Txog Tub Ki Empty Cov Lus Nug Txog Tub Ki

    Post  koojziagkabzaug 3rd October 2010, 11:35 am




    Cov Lus Nug
    Txog Tub Ki




    Kuv Yuav Muaj Cuab Kav Pab Tau Li Cas Kom Kuv Tus
    Me Nyuam Txawj Nyeem Ntawv?


    Cov niam cov txiv puas muaj cuab kav pab kom lawv tus me
    nyuam txawj nyeem ntawv? Pab tau kawg! Cov niam cov
    txiv yog lawv cov me nyuam thawj tug kws qhia ntawv thiab
    lawv muaj cuab kav txhawb lawv cov me nyuam kom txawj
    lus xwv lawv thiaj muaj lub tswv yim los nyeem ntawv thiab
    nyiam nyeem ntawv thaum lawv loj hlob lawm.
    Txoj kev kawm kom txawj nyeem ntawv yog ib qho txuj uas
    yuav siv caij nyoog ntev los xyaum, thiab txoj kev kawm
    no yeej pib ua tau thaum tseem me me. Li koj yuav faj tau
    lawm tias, kev qhia tus me nyuam mos los nyeem ntawv
    mas yuav tsis zoo li qhia cov me nyuam loj zog lawm. Cov
    me nyuam mos pib kawm nyeem ntawv raws li qhov lawv
    qog hais lus thiab to taub cov lus hais, li qhov lawv xyaum
    los hais lus nrog lwm tus. Qhov cov niam cov txiv nrog lawv
    cov me nyuam hais lus yuav pab tau lawv cov me nyuam
    txawj hais lus. Tom qab cov me nyuam mloog tau cov lus
    lawm ces, lawv yuav pib txawj lus tuaj. Kev tshawb xyuas
    qhia tias cov me nyuam uas hnov ntau lo lus thaum lawv
    muaj ib xyoo thiab muaj lwm tus hais lus nrog nws ntau
    heev yuav xeem tau ntawv nyob hauv tsev kawm ntawv qib
    pib zoo dua cov me nyuam uas tsis tshua tau nrog lwm tus
    tham ntau.
    Kuj muaj ntau yam cov niam cov txiv yuav ua tau nrog cov
    me nyuam mos thiab cov me nyuam hlob kom pab tau lawv
    txawj lus thiab muaj tswv yim nrog lwm tus tham uas yuav
    npaj lawv mus kawm kom txawj nyeem ntawv.

    Rau cov me nyuam mos


    Nrog koj tus me nyuam tham thaum pub nws mis, muab
    nws da dej, thiab qwv nws pawm.
    Cov lus hais yog ib lub
    hauv paus tseem ceeb ntawm txoj kev txawj nyeem ntawv,
    li ntawd lub caij uas cov niam cov txiv nrog lawv cov me
    nyuam tham – thaum pub mis, thaum muab da dej, thiab
    thaum qwv nws pawm – yog qhov tseem ceeb. Thaum koj
    nrog koj tus me nyuam tham ntawm ib hnub ntawd, koj yeej
    qhia tau nws txawj ob npaug lawm! Koj yeej qhia cov lus
    hais thiab qhia rau nws paub tias nws yog ib tug tseem ceeb
    uas koj nyiam hais lus nrog.

    Piav tej kwv huam los sis qhoob koj tus me nyuam. Tej
    no yeej qhia tau koj tus me nyuam kom paub kwv yees
    tias“yuav muaj dab tsi tshwm sim los” uas yog ib feem
    tseem ceeb ntawm txoj kev kawm kom txawj ntaw.

    Muab cov phau ntawv muaj duab los qhia koj cov me
    nyuam.


    Tej phau ntawv muaj duab uas sau los qhia rau
    cov me nyuam yeej qhia tau cov me nyuam mos kom pib
    los swm nws tus kheej nrog txoj kev nyeem ntawv. Thiab,
    nyeem cov phau ntawv rau cov me nyuam mloog yeej ua rau
    nws swm rau txoj kev txawj ntaw, yeej ua kom nws muaj kev
    txaus siab rau qhov tau los nyob ua ke thiab muaj lub caij
    los swm rau kev nyeem ntawv kom yog ib txoj hau kev pab
    tau nws.

    Rau cov me nyuam hlob


    Siv cov phau ntawv coj los nrog koj tus me nyuam sib
    tham.
    Thaum cov me nyuam txawj hais cov lus (leej twg?,
    dab tsi?, qhov twg?, vim li cas?) yog lub caij rau cov niam
    txiv los muab cov phau ntawv coj los nrog lawv cov me
    nyuam sib tham. Thaum sam sim nyeem ntawv rau lawv
    mloog, cov niam txiv muaj cuab kav muab tau tej lus nug
    uas pab tau lawv xyaum tej yam lawv sam sim kawm tshiab
    (“yuav xws li tus nyuj hais dab tsi?”), pab tau lawv kawm
    kom paub tias yog li cas rau li cas (“yuav muaj dab tsi
    tshwm sim los?”), tsim kom muaj tej tswv yim txawj hais
    cov lus kom muaj quag (hais tsawg los paub ntau) (“yuav
    muaj dab tsi tshwm sim los ntxiv?), thiab txawj daws teeb
    meem (“leej txi yuav tau ua dab tsi?).

    Cov Lus Nug Txog Tub Ki 20080421_61177_large

    Qhia qhov tshwm sim ib ncig txhua hnub rau koj tus me
    nyuam.
    Cov laus yeej pab tau cov me nyuam kom paub txog
    cov lus (leej twg?, dab tsi?, qhov twg?, vim li cas?) li qhov
    qhia rau lawv txog yam uas tshwm sim ib ncig ntawm lawv:
    “Kuv xav paub tias leej twg nyob ntawm no ne?”, “qhov
    ntawd qhia tau rau peb tias peb yuav tau ua li cas?”, “cov
    mis nyuj yuav haus rau thaum sawv ntxov nyob qhov twg?”,
    “cas yuav ntub li no?”.

    Txhob kom cov me nyuam siv tej cwj mem kob, tej cwj
    mem kos, thiab cwj mem qhuav.

    Cov me nyuam hlob tab
    tom xyaum kom tes taw kom muag los tuav tau thiab siv
    tau cov cwj sau ntawv. Vim tias kev sau ntawv yog ib feem
    ntawm txoj kev txawj ntaw thiab thaum lawv nrhiav tau
    lawv txoj hau kev taug rau lawv lub neej li qhov “kuv ua tau
    ntawm kuv txais tes!”. Cia cov me nyuam los xyaum sau
    ntawv thiab kos tej duab kuj tseem tsis yog qhov tseem
    ceeb xwb tab sis tseem yuav ua rau nws nyiam ua.

    Rau cov me nyuam yuav txawj mus kawm ntawv


    Tsim kom muaj “ntau yam ntaub ntawv” rau koj cov me
    nyuam.

    Cov me nyuam yeej faj tau tej lus sau qhia thiab tej
    qauv taw qhia lawv tej npe, tej hnub nyoog, lawv nyob qhov
    twg, qhov khoom lawv siv, thiab ntau yam ntawm lawv lub
    neej txhua hnub. Cov niam cov txiv yeej pab tau lawv kom
    txawj nyeem ntawv thiab sau ntawv li tej kev taw qhia cov
    me nyuam rau tej lus sau qhia sawv daws (xws li cov lus
    qhia kev mus los, cov ntawv sau qhia dai tom tej, cov lus sau
    qhia chaw plob thiab cov lus qhia kev tawm thiab ntau ntau
    yam.), qhov lawv hais kom cov me nyuam teev tej npe zaub
    mov thiab xyaum ua tej kev sib tw cov niam ntawv thiab kev
    sib tw ua si (“ cia nrhiav tus niam ntawv B seb”).
    Siv tej kev mus yuav zaub mov noj los txhob nyeem ntawv.
    Thaum coj cov me nyuam mus yuav zaub mov noj mas yeej
    tsis yog ib qho yooj yim, tiam sis thaum cia lawv nrog saib
    qhov yuav yuav thiab hom twg yog hom yuav yuav ntawd
    muab tau lub caij rau cov me nyuam los “nyeem” tej ntawv
    sau rau qhov khoom thiab xam seb cov khoom ntawd nyob
    rau kem twg, thiab piv tau daim txo tau tus nqi rau qhov
    khoom ntawd.
    Siv kev ua zaub mov los txhob nyeem ntawv.
    “Nyeem” cov
    npe khoom uas yuav muab coj los ua noj yog ib feem ntawm
    txoj kev xyaum nyeem ntawv, txawm yuav yog cov npe sau
    tseg los sis cia li twv los yeej pab tau lawv kawm kom paub
    sab laug rau sab xis. Cov me nyuam yeej muaj cuab kav
    muab cov lus sau cia los mus piv tau rau cov khoom yuav
    coj los siv, ces yeej pab kom lawv to taub txog qhov zoo tib
    yam ntawm cov lus sau cia ntawm daim ntawv thiab qhov
    khoom uas muaj cov npe lus sau cia ntawd.
    Thawj lub xyoo ntawm tus me nyuam lub neej mas yog lub
    caij rau cov niam cov txiv los cob qhia kom lawv tus me
    nyuam txawj hais lus thiab txawj nrog lwm tus tham. Txhua
    tus me nyuam yeej yuav txawj nyiam hais lus, txawj sib
    hloov tswv yim thiab txawj siv tau cov lus sau cia yog lawv
    tau tus qhia cov lus hais yooj yim hauv txhua hnub thiab tau
    tus muaj kev hlub tshua.

    Tau sau yog Sherilyn Goldsmith, M.Ed., University of Minnesota Child
    Care Center, Minneapolis, Minnesota.
    Xav paub ntau tshaj no
    Yog xav paub txog kev txhawb kom cov me nyuam txawj
    nyeem ntawv, thov hu rau Early Childhood Family
    Education program (ECFE) nyob hauv koj lub zos, xov tooj
    yog 1-800-KIDS-709. Los sis mus saib hauv http://www.
    zerotothree.org.
    References:
    Bredekamp, S., & Copple, C. (eds.). (1997). Developmentally
    appropriate practice in early childhood programs. Washington,
    DC: NAEYC.
    Gonzales-Mena, J. & Eyer, D.W. (1993). Infants, toddlers, and
    caregivers. Mountainview, CA: Mayfield. p. 125.Adapted with
    permission from Schickendanz, J.A. (1994). Helping children
    learn about reading. Brochure written for the National
    Association for the Education of Young Children.
    Schickendanz, J.A. (1998). “More than abc’s” the early stages of
    reading and writing. Washington, DC: NAEYC.
    Cov Lus Nug Txog Tub Ki muaj nyob
    hauv Web:
    http://cehd.umn.edu/ceed
    Copyright © 2009 by Center for Early Education and
    Development
    These materials may be freely reproduced for education/
    training or related activities. There is no requirement to obtain
    special permission for such uses. We do, however, ask that the
    following citation appear on all reproductions:

    Reprinted with permission of the Center for Early Education
    and Development (CEED), College of Education and Human
    Development, University of Minnesota, 1954 Buford Avenue,
    Suite 425, St. Paul, Minnesota, 55108;
    phone: 612-625-3058;
    fax: 612-625-2093;
    e-mail: ceed@umn.edu;
    web site: http://cehd.umn.edu/ceed.


    The Center for Early Education and Development hauv Minnesota lub tsev kawm ntawv qib siab yog cov
    sib koom los tsim cov lus nug txog tub ki. Minnesota lub tsev kawm ntawv qib siab yog qhov chaw muaj
    vaj huam sib luag rau txoj kev kawm ntawv thiab kev ua hauj lwm. Yog koj xav tau cov lus hauv daim
    ntawv no ua lwm hom los yog xav tau ntau daim ntxiv, thov hu rau tus xov tooj 612-625-3058.
    “How Can I Help My Young Child to Become a Reader?” Hmong translation by Dao Xiong

      Current date/time is 28th March 2024, 11:34 pm