HMOOB TSAV NTUJ

Would you like to react to this message? Create an account in a few clicks or log in to continue.

google-site-verification: googlefbfddf59e706b96b.html

Latest topics

» Ib tsoom Phoojywg Nej Nyob Licas lawm
by Liajntsuab 7th October 2019, 9:45 am

» NCIG XYUAS HMOOB NYAB LAJ TEB TSEEM UA LUB NEEJ NYOB TOJ SIAB
by Tub kev deb 3rd October 2019, 7:19 am

» Tshuaj Ntsuab
by PIJPAUJ 27th November 2018, 11:17 am

» NYOB ZOO OS
by cwjmemdub 10th October 2018, 9:37 pm

» TUS KAB MOB CANCER TXOV HMOOB LOS TAU ZE 600 TAWM XYOO & TSEEM YUAV MUAJ NTXIV
by Liajntsuab 13th April 2018, 11:57 am

» ***UA NEEB***
by shung 8th March 2018, 5:49 pm

» Neeb Saub ua rau neeg vwm
by shung 4th February 2018, 2:58 pm

» Xiong Chang
by koobpovtxuj 10th December 2017, 11:00 am

» Koobpovtxuj.
by koobpovtxuj 19th November 2017, 1:34 am

» kuv cov duab.
by koobpovtxuj 18th November 2017, 11:30 am

» KHAWV KOOB
by koobpovtxuj 30th September 2017, 4:29 pm

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

Tsev seev PajHuam

dab neeg qhuab qhia ua neej Nraug_11

Hmong beauty nature

dab neeg qhuab qhia ua neej Dsc08613

Compteur visitor

hnub 18/09/2010 los mus

2 posters

    dab neeg qhuab qhia ua neej

    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    dab neeg qhuab qhia ua neej Empty dab neeg qhuab qhia ua neej

    Post  koojziagkabzaug 22nd September 2010, 8:07 am



    Vamntxawg,
    USA on Mar 21 2008


    Ob kwv tij pluag thiab nplua nuj

    Muaj 2 kwv tij, tus tij laug mas muaj nyiaj blua nuj heev, tab si nws yug tsis muaj ib tug tub los yog ib tug ntxhais li. Hos tus kwv mas txom txom nyeem, tab si tus kwv yug tau 4 leeg tub ib leeg ntxhais. Tus tij laug ua neej muaj nyiaj blua nuj heev, nws tej nyiaj mas luam taw laws xwb, tab si nws yeej tsis muab ib kis los yog ib bib pub rau tus kwv cov me nyuam li, tus kwv ua neej txom txom nyem hnav daig dub ntxuag daig daj xwb, tab si lawv sib hlub heev. Muaj ib hnub tus tij laug txawm saib tsis taus tus kwv, nws txawm tua qaib vom siav siav thiab ua ib tsus mov blej tswv ha ntxiag. Nws txawm mus caw nws tus kwv txom nyem tuaj nrog nws noj. Thaum tus kwv tuaj txog hauv nws tsev lawm, nws rho hlo 4 choj nyiaj keev coj los txawb kiag rau tom tag, nws muab kiag ib daim txi.ag ntoo coj los tso kiag saum 4 choj nyiaj. 4 coj nyiaj keev ua 4 tug ncej ntxheem daim txi.ag ntoo. Tus tij laug rau tsuag tsuag mov rau 2 kwv tij noj. Thaum noj mov tus kwv ua kua muag poob dawb vog, tus kwv xav zoj hauv siab hais tias ua cas tij laug muaj nyiaj tag npaus es tij laug twb pab tsis tau ib kis rau kuv cov me nyuam. Tus tij laug pom tus kwv ua kua muag poob dawb vog, tus tij laug txawm nug hais tias me kwv koj quaj ua tus dab tsi! Koj twb tau nrog kuv noj nqaij noj mov lawm nev ua cas koj tseem quaj thiab. Tus kwv teb hais tias tij laug kuv tus siab hais tias koj twb laus laus lawm, koj tsis muaj tub muaj kiv, yuav noj yuav haus los koj tseem yuav tau khwv no es kuv quaj xwb. Thaum 2 kwv tij noj mov tag, tus kwv los txog pem tsev, tus kwv tu siab heev tus kwv quaj quaj ces tus kwv cov me nyuam pom, lawv nwg hais tias txiv koj quaj tus dab tsi peb twb hlub koj tsis pub koj ua dab tsi, koj xav noj yam twg peb twb nrhiav kom tau rau koj noj nev. Leej txiv teb hais tias cov tub thiab me ntxhais, hlob muaj nyiaj heev, hlob muab nyiaj los rau mov rau hlob wb noj xwb, kuv pom li no kuv tus siab rau peb lub neej es kuv quaj xwb. Cov tub thiab tus ntxhais teb hais tias txiv txhob quaj, peb mam ua ib pluag mov es caw hlob tuaj nrog koj noj. Cov tub tua kiag qaib muab vom kiag siav siav hos tus ntxhais cub kiag mov, lawv mus caw kiag hlob tuaj nrog lawv txiv noj mov. thaum hlob tuaj txog. Lawv muab kiag ib daim txia.g ntoo los, lawv 4 kwv tij ib leeg tuaj ib ceg kaum tuav daim txia.g ntoo nqa. Lawv tus muam rau tsuag tsuag mov rau. 4 kwv tij nqa loo mus thawj kiag ntawm hlawv hlob thiab lawv txiv xub ntiag, lawv tuav rawv daim txia.g ntoo rau lawv hlob thiab lawv txiv noj mov. Thaum hlob pom lawv 4 kwv tij no nqa daim txia.g ntoo rau nkawd noj mov. tus txiv hlob quaj kua muag poob dawb vog, 4 kuv tij no txiv(tus kwv) nug hais tias tij laug ua cas koj quaj, koj twb muaj nyiaj tag npaus lawm es koj tseem muaj kev nyuab siab es ua rau koj quaj thiab. Tus tij laug teb hais tias me kwv kuv yug tsis muaj tub. Thaum kuv hluas es kuv tseem muaj zog mas, nyiaj txi.ag pab tau kuv tab si hnub twg kuv laus lawm ntshe, kuv hnov dej nrov los tsis tau dej haus, hnov mov tsw los ntse yuav tsis tau mov noj.

    Txij ntawd los txiav hlob thiaj muab nyiaj pub rau tus kwv cov me nyuam.

    Zaj kwv huam no qhia hais tias muaj nyiaj muaj kub tsis npaum yus muaj tub



    dab neeg qhuab qhia ua neej Le-riche-et-le-pauvre

    Tus pluag thiab tus nplua nuj


    Last edited by koojziagkabzaug on 22nd September 2010, 8:15 am; edited 1 time in total
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    dab neeg qhuab qhia ua neej Empty Re: dab neeg qhuab qhia ua neej

    Post  koojziagkabzaug 22nd September 2010, 8:15 am



    Niam txiv tsis txawj sib hais lus.

    Vamntxawg,
    USA on Mar 26 2008, 06:39 AM,


    Kwv huam tsis yog lus nruag. Kwv huav yog pav txug tej yaam kws yuav paab tua yug. Piv txwv le kuv hab kuv quas puj ib tsis txawj sis has, pheej sis tshe taag le xwb. Lub neej txhuv quav nab, tes koj muab tej yam lug tham ua piv txwv. Xws le nuav.

    Kuv yog moob leeg hab taab si ntawv moob leeg sau nyuab heev le tes kuv sau ntawv moob dlawb.

    Muaj ib khub niam txiv. Khub niam txiv no mas tsis txawj sib hais, koj hais zoo los kuv teb phem, ib tug tsis zam ib tug, tab sib ceg tas mus li xwb, tsis muaj ib hnub zoo hlo li. Muaj ib hnub 2 txiv txawm mus ncig tim tajlaj CoMos(tajlaj tshav puam) 2 niam txiv mus pom ib tsob ntoo zoo nkauj heev, tab si tsob ntoo no cov cag twb qhuav yuav tag, tsuas tshuav ib tug cag lawm xwb. Tus txiv txawm muab tau $10 nyiaj coj los yuav tsob ntoo. Tus niam pom hais tias tsob ntoo twb yuav tuag, tus niam txawm hais tias yawg thaub laus koj vwm lawm lov, tsob niag ntoo twb yuav tuag es koj tseem muab tej nyiaj mus xoov rau thiab ib pliag saum no tshaib plab txhob txawj laig mov ov. Tshaib nplab thaum twg ces de cov nploog coj los ntsaws koj lub niag qhov quav. Tus txiv los tsis txawj teb tus niam thiab. tus txiv teb hais tias. Niag meb thaub laus koj thiab kuv twb yuav tuag es kuv pom hais tias tsob ntoo no zoo cog ua hleb no es kuv thiaj yuav tsob ntoo no coj mus cog kom loj es thaum koj thiab kuv tuag thiaj tau muab phua ua hleb log wb los mas. 2 niag sib ceg liab muag tswb tsuas. Tus niam hais tias ntshe cog ua hleb rau koj. Tus txiv teb hais tias koj tuaj ib vog, kuv tuaj ib vog ntag hos. Thaum 2 niam txiv nqa tau tsob ntoo los cog rau ntawm back yard ces tus txiv txawm hais tias meb thaub, kuv cog kuv phem ntoo rau ntawm nov yog hais tias tsob ntoo no ciaj no ces wb ua niam txiv kom txog hnub laus es tau tsob ntoo nov lub hleb kiag. Hos yog tsob ntoo nov tuag lawm no ces wb nyias mus nyias, koj mus nrhiav koj ntoo ua hleb rau koj, hos kuv mus nrhiav kuv ntoo ua hleb rau kuv. Thaum no tus niam los ntshai neej puas, tus txiv los ntshai neej puas. Nyias taus nyias ywg dej rau tsob ntoo. Tus txiv twb ywg ib thoob dej tag lawm los tus niam tseem nqa ib thoob dej tuaj ywg ntxiv thiab. Tsob ntoo tau dej txaus nkaus, ua rau tsob ntoo blooj ntsuab xiab tuaj, tsis ntev tsob ntoo loj hlob muaj ceg zoo nkauj heev, me nas me noog nyiam los nyob ua si. Hos 2 niam txiv ntawd ib leeg nqas ib lub rooj tab ib(chair) mus tso rau hauv qab ntoo nkaws zaum sib tham luag ntxhi, vim muaj nas muaj noog coob coob thiab nas noog quaj kho siab zim xwb ces ua rau nkawd tsis nco qab sib ceg lawm. Nyob nyob muaj ib hnub cov phooj yeg tuaj txog ntawm nkawd tsev, Lub caij ntawd yog lub caij ntuj qhuav xyoob ntoog tuag daj vom, tab si nkawd tsob tsis tuag, nkawd tsob blooj ntsuab xiab xwb. Ib tug phooj ywg txawm nug hais tias, ua cas neb tsob ntoo yuav zoo nkauj ua luaj thiab tsis tuag. Tus niam teb luag ntxhi hais tias twb yog wb sib tw ywg dej rau tsob ntoo es nws thiaj tsis tuag! tus phooj ywg rov hais duas hais tias thaum i mas neb seb ceg txaus ntshai kawg, Tus txiv teb luag ntxi hais tias, twb yog vim muaj tsob ntoo no ua duab ntxoov ntxoo ces cov cua tuaj txias zias thawm rau hauv wb nruab siab lawm ces qhov kub kub ploj lawm.

    Zaj kwv huam no qhia hais tias yus lub neej yuav tsum yog yus 2 niam txiv sib pab nroo txhim kho. tsis txhob tos ib tug kho xwb. hehehehehehe lam hais seb nej puas nyiam xwb. tsis nyiam los tsis ua li cas nawb.
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    dab neeg qhuab qhia ua neej Empty Re: dab neeg qhuab qhia ua neej

    Post  koojziagkabzaug 22nd September 2010, 8:30 am


    Nab thiab ob niam txiv.

    xeevtxwjlaug, on Mar 29 2008

    Zaj nov tsis yog dab neeg.kuv zaj nov mas yog vaj tswv neeg.

    puag thaum ub muaj ob niam txiv pw ib hmos sawv los cas pom ib tug nab nyob ntawm hauv plag tus niam tias koj txiv yog ua npog los cas ho muaj ib tug nab nyob ntawd.
    tus txiv teb tias tsis yog niag nab no me tas npaum no yuav ua cas los ua tau npog naj.yog los ua kua txob xwb os.ces niag txiv muab ciaj tais kiag niag nab los tso pluav hauv qhov cub ces muab ci siav cia li muab los tuav kua txob ntsw mov nplaum kiag lawm.ces tus nab tuag rov mus txog pem ub ces txawm mus hais pem ub tias kuv mus ua npog tsis tau li lauj vim nkawd tias kuv me hwv ua tsis tau npog yog mus ua kua txob xwb.ces nkawd cia li muab kuv tais los ci tuav kua txob ntsw mov nplaum lawm ntag las.ces luag ho tso ib tug nab loj luaj nkaus plab hlaub los ntag laiv.tus nab no ho los pw hauv nkawg qab t x a g ces nkawv mus teb los txog noj hmo tas nkawd mus pw ces txawm hnov nrov khuav hauv qab t x a g tus poj niam thiaj taws teeb los saib ua cas yog ib tug nab luaj nkaus plab hlaub ntag.tus poj niam tias koj txiv aw muaj ib tug nab nyob hauv qab t x a g ntshe yog yuav ua npog lauj.tus txiv txawm teb tias.tus nab no ua tsis tau npog os yog los qhia wb mus nrhiav nyiaj xwb.muab kuv txoj hlua phij chob los seb ces poj niam muab kiag txoj hlua phij chob los cev nkaus rau tus txiv ces tus txiv tib nplawg hlua phij chob mus khi kiag tau tus nab caj dab lawm ntag ces ob niam txiv muab tus nab cab tawm plaws nraum zoov ces cia li muab tus nab cab ncig qab roob qab ha mus txog ib plag qub teb ces nab sab heev lawm nab ko tw txawm mus rig zoj tau ib lub pob ntoos qhuav ces nkawd siv zog cab hos nab siv zog rig pob ntoos ces pob ntoos nkoj hlo ua cas nyiaj kub tawm dawb vog tiag lauj ces ob niam txiv thiaj los khaws nyiaj lawm tus nab thiaj dim rov mus txog pem ub luag tias koj mus ua npog puas tau rau nkawd ces nab tias tsis tau li lauj nkawd tias yog kuv mus qhia nkawd nrhiav nyiaj xwb ces nkawd muab kuv khi cab ncig qab roob qab ha mus txog ib thaj qub teb ces sab kuv hwv kuv txawm muab tw mus rig zoj ib lub pob ntoos qhuav ces nkawd los siv zog cab kuv los siv zog rig pob ntoos ces pob ntoos nkoj hlo ces nyiaj kub tawm dawb vog ces nkawd mus khaws nyiaj lawm kuv thiaj dim los xwb hos.ces luag pem ub thiaj tias yog li ces zaum twg los mus pab nkawd xwb yog tseem tso mus ntxiv ntshe tseem yuav mus pab ib yam ntxiv thiab ces tsis mus lawm.ces zaj vaj tswv neeg no tas li no xwb.


    dab neeg qhuab qhia ua neej Amanosnake

    Nab ua xyw, neeg ua ntsw
    Nab ua txhoj, neeg ua nij
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    dab neeg qhuab qhia ua neej Empty Re: dab neeg qhuab qhia ua neej

    Post  koojziagkabzaug 22nd September 2010, 9:08 am



    Nyab siab phem


    Nom Vag Yaj Los Tsuas teb

    Ntev los lawm 3 tiam neeg, muaj ib khub niam txiv yug tau ib tug tub xwb, ua neej txog nta txoj hmoo tsis muaj tus txiv tau nruam sim ua ntej lawm, tus tub hlob tiav nraug tus tub thiaj mus yuav tau ib tug nyab los, tus nyab no los nrog tus tub ua neej nyob muaj 4 tus me nyuad , lub sij hawm no tus Pog tseem ua taus noj mus ua teb nrog tub nyab thiab zov me nyuad hauv tsev tu qaib tu npua zom zeb tuav cos ua hmo tos tub nyab thiab pab nkawv tu nkawv 4 tug me nyuad loj hlob los muaj qee lub caij tus nyab tseem cem tus niam pog qees, tus tub hais tsis tau tus nyab li hais thaum twg ces sib ceg xwb. nyob ntev mus tus Pog muaj 80 xyoo tus pog tsis pom kev lawm mus los muab tes xuas xwb, tus tub tus nyab thiab cov me nyuad niaj hnub mus ua teb cia tus Pog zov tsev, muaj ib hnub tus Pog txawm hais rau tus nyab thiab cov me nyuad tias, kuv qhuav qhuav siab li me nyab koj ua ib co zaub tsib rau kuv noj tus nyab txawm teb tias mam li ua, 3 hnub dhau mus tus nyab txawm hais rau tus txiv thiab cov me nyuad tias hnub no nej mus ua teb cia kuv nrog Pog nyob kuv yuav ua zaub tsib rau Pog noj, noj tshais tas ntim su cov txiv tub txawm mus ua teb lawm, tus nyab txawm mus khawb Cuav nab nram kwj ha tau ib co cuav nab los, los txog tsev tus nyab txawm hais rau tus pog tias, koj yuav noj zaub tsib no kuv ua tau lawm koj noj las, tso ntawm lub qhiab no koj muab noj, tus pog muab cov cuav nab los noj tus pog hais tias nyab ua cas cov zaub tsib no qab txawv ne tus nyab teb tias, Pog cov zaub tsib no nyuam qhuav ua thiaj tsis qab li zaub tsib kav tsij noj, tus pog noj tas tshuav ib ya lo lub phiab, ib tsam cov txiv tub ua teb los txog tsev tus ntxhais thiaj mus xyuas pog , thiaj nug pog tias, pog ua cas muaj ib ya cuav nab nyob koj lub phiab , pog teb tias Wow ! puas ta koj niam muab zaub tsib kuv noj ne auj! tos tsis qab li zaub tsib los nws yog cuav nab ne, tus nyab no siab phem heev cia kuv tuag tso kuv mam li ua pauj, tau 1 lub hlis xwb tus Pog tuag kiag lawm tiag, lawv pam tus pog tau 3 hnub txog hnub sam sab hnub qaij lias, lawv kwv tus pog tawm hauv tsev mus nram qhov rooj tag mus, kwv mus tus nees khuam kiag qhov rooj tag tawm tsis tau li, hloov txhua tus txiv neej kwv lawm los tawm tsis tau li thiaj hais tias hloov rau cov poj niam kwv soj thiaj hloov rau cov poj niam nruab zos kwv los khuam qees tawm tsis tau li thiaj hais tias auj! tshuav tus nyab kom nws los kwv soj, tus nyab los kwv kiag uas cas mus zoo ua luaj li sib kha lawm xwb cas tus nees cia li lo kiag tus nyab xwb pwg cov nqaij lawm mus txog tom ntxa (lawv twb mus khawb xeev ua ntej lawm) tus pog ua li hnyav hnyav rau tus nyab ces tus nyab ceg zuav zog plam plaws poob kiag hauv qhov ntxa lawm ces tus pog poob kiag lawv tus nyab qab caij nkaus tus nyab lawm ces sawv daws mus dawj dawj tsis tau tus nyab li ces tus nyab suab yau zus yau zus ntsiag to lawm ces lawv cia li voob av kiag rau lub qhov ntxa ntawv xwb , tus nyab tuaj hauv tus pog tuaj sauv kiag.
    Tej laus hais tias :"ua neej nyob ua siab zoo thiaj tau ntuj ntoo". yog li sawv daws yuav tau ua siab zoo nawj.
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    dab neeg qhuab qhia ua neej Empty Re: dab neeg qhuab qhia ua neej

    Post  koojziagkabzaug 22nd September 2010, 9:16 am



    Tsis muaj kwv tij


    Maiv Paj Lug Vaj
    Fab Kis teb Aug 29 2008,


    Puag thaum ub muaj ib tug txiv neej hmoob tsis muaj kwv muaj tig , nws loj hlob tuaj xav xav kom muaj ib tug qhuab ntuas nws ua neej los tsis muaj li ces nws nyob nyob nws txawm nqa tau 2 choj nyiag mus thov ib tug yawg hmoob twb laus laus lawm kom pab ntuas nws, thaum nws mus pe thiab hawm tus yawg laus tag nws muab tau 2 choj rau tus yawg hmoob laus ntawv, tus yawm hmoob laus tsuas hais rau nws hais tias, me tub koj mus tsev hnub twg koj pom luag so qhov twg no koj txhob so nawb koj yuav tau mus so kom deb ntawm luag, ces tus yawg hmoob laus tsis hais ntxiv lawm, tus txiv neej hmoob hluas ntawv thiaj cia li los tsev thiab tseem xav hais tias ua cas nws twb muab 2 choj nyiag rau tus thaub laus es thaub laus hais 2 nyuag lo rau nws xwb ua rau nws xiam nyiaj ntau heev li lawm. Tsis ntev tom qab no tus txiv neej ntawv tau mus ua luam rau puag nram nroog loj rov los tsev, nws khwv tau ib pob nyiaj muab xaws hnab sia ntawm duav,nws txawm los txog ntawm ib txoj kev muaj neeg so coob coob, nws xav xav nws txawm hais tias, ab thaum i niag yawg laus kom kuv txhob so tej qho neeg coob coob es kuv mus so kuv sim ua li nws hais sob, nws txawm nam zog mus pem qaum kev mus so rau ntawm ib lub hauv paus ntoo ua tsis muaj neeg los so li, nws so pov khawv nws thiaj los tsev , thaum nws los txog tsev nws mam nco nrhiav nws pob nyiaj na has pawv tsis muaj dab tsi ntawm duav li, nws thiaj rov qab taug kev tuaj txog ntawm pob ntoos ua nws so nws muab nws txoj si hle rau ntawv cas tseem nyob tsis muaj neeg pom li, nws thiaj mam nco txog hais tias nws 2 choj nyiag tau muab rau tus yawg laus thaum ub nws tau thov kom qhuab ntuas nws muaj nqis npaum cas.

    Ua neej nyob yus pom luag tej lus zoo yus yuav tau kawm thiab khaws tseg, vim tej yam zooyeej tsis lam yuav muaj leej twg kam qhia yus , tsuav yog yus niam thiab yus txiv thiaj qhia yus xwb dua li ces ntiav nyiaj twb tsis kam muaj neeg qhia yus no tiag. nej sim xav seb puas tsim nyog peb yuav tsum khaws tej laus tej lus zoo los siv? zoo heev li tej kwv huam no Smile .......lawm hnub kuv mam rov tuaj piav dua kuv tseem muaj ntau zaj yuav rov tuaj piav ntxiv rau nej mloog .
    xiongchang
    xiongchang
    Moderator
    Moderator


    Messages : 5005
    Date d'inscription : 2012-04-16

    dab neeg qhuab qhia ua neej Empty Re: dab neeg qhuab qhia ua neej

    Post  xiongchang 16th November 2012, 8:26 pm

    ......Zaj dab neeg..."Nov"...Yog tij laug..."Num yig"...Thiab tij laug..."Txwj nchai"...Tij laug num yig...Thiab niam tij nkawd...Yug muaj cuaj leej ntxhais...Tsi muaj ib tug tub li...Nkawd ua neej...Nkawd nquag heev...Qaib qua...Nrog qaib sawv...Npua ntsaj...Nrog npua mus teb..."Tab sis"...Nkawd yog ib khub niam txiv..."Cog zia - Qia dub - Cuaj khaum - Kawg nkaug"...Thaum nkawd...Cov ntxhais yuav txiv...Nkawd sau nqis tshoob...Ib tug ntxhais...Kaum ob choj nyiaj dawb...Tom qab nkawd...Cov ntxhais yuav txiv tas...Nkawd ua neej zoo...Muaj ib puas neeg nkaum...Choj nyiaj dawb...Nkawd kuj tau zoo...Plawv teb yeeb...Ib xyoos twg?...Nkawd hlais tau yeeb...Tsheej pua lag...Muag tau nyiaj heev...Nkawd muaj nyiaj txog...Peb puas yim caum xya choj nyiaj dawb...Txiaj npib...Txiaj hob...Txiaj kis laug...Tas nrho...Peb puas xya caum tsib kis..."Tab sis"...Nkawd noj zaub mov...Ntsw ntev ntxuag kua txob xwb...Tua ib tug qaib noj peb plaug...Pluag ib haus kua...Pluag ob dua niam...Ib sab ncej puab...Txiv tuaj ib sab hauv nrob...Pluag peb mam noj suaj kaum..."Tab sis"...Niam tij hnav tiab ntaub maj...Tij laug..."Num yig"...Hnav ris tsho ntaub pag ntsuab xwb...Tsi hnav zoo li...Teb chaws.

    ......Nkawd tug kwv...Yog tij laug..."Txwj nchai"...Tij laug...Thiab niam tij nkawd...Muaj tsib leeg tub xws li...Nplia teev...Suav lwm...Tooj pov...Nplooj...Neeb...Nkawd muaj plaub leeg ntxhais...Nkawd ua neej poob tsag...Txom nyem pluag...Vim nkawd...Me nyuam coob...Leeg niam...Leeg txiv tes...Tij laug..."Txwj nchia"...Khuv xim nkawd lub neej thaum laug...Tsi muaj ib leeg tub saib xyuas...Tij laug..."Txwj nchai...Thiaj pub ib leeg tub rau...Tij laug..."Num yig"...Nkawd ua tub..."Tab sis"...Nkawd tsi nyiam...Tij laug tug tub ntawd...Cem ntiab...Cem ntiab...Tij laug..."Txwj nchai"...Tug tub ntawd...Khiav rov qab nrog...Niam txiv nyob lawm.

    ......Thaum niam tij..."Num yig"...Tuag tsi muaj neeg nta...Thaum tij laug..."Num yig tuag"...Tso tas nrho...Nkawd cov nyiaj rau..."Yawg laug"...Txooj tsab...Tij laug..."Num yig"...Nkawd ua neej zoo...Muaj nyiaj kawg..."Tab sis"...Nkawd tsi hlub...Tsi pab nta...Tsoom kwv tij...Tej tub ntsuag ntsoj...Cov niam txiv...Ua neej poob tsag...Txom nyem pluag...Thaum nkawd tuag...Tsuas tau ib leeg...Ib ob cev nyuas...Tiab tsho ntaub moj liv...Looj tiv av...Tej ntxhais vauv...Tsi muab nkawd...tej nyiaj xaws ris tsho...Rau nkawd hnav...Mus lwj tiv luaj...Tsi muab nkawd...Tej nyiaj choj...Ntaus ib hwm hleb...Faus nkawd...Tiv av...Tsuas tau hwm nyuas..."Hleb ntoo"...Lub neej..."Cog zia - Qia dub - Cuaj khaum"...Tsi muaj leej twg?..."Nco - Hlub - Tshua"...Txhua tug nyos...Tsi khuv xim.

    ......Zaj dab neeg nov...Kom suav daws...Nrog nco...Txhob coj li...Nkawd lawm...Yug khwv muaj nyiaj...Yuav tau hlub pab...Yug tsoom kwv tij...Tej tub ntsuag ntsoj...Nkauj ntsuag nog...Tej tub niam txiv...Ua neej poob tsag...Txom nyem pluag...Ib hnub yug tuag...Yeej muaj tug...Hlub nco tshua...Nta pam yug lub cev tuag.

    Sponsored content


    dab neeg qhuab qhia ua neej Empty Re: dab neeg qhuab qhia ua neej

    Post  Sponsored content


      Current date/time is 28th March 2024, 9:15 am