google-site-verification: googlefbfddf59e706b96b.html

Latest topics

» TUS KAB MOB CANCER TXOV HMOOB LOS TAU ZE 600 TAWM XYOO & TSEEM YUAV MUAJ NTXIV
by Liajntsuab 13th April 2018, 11:57 am

» Ib tsoom Phoojywg Nej Nyob Licas lawm
by Liajntsuab 24th March 2018, 2:14 pm

» ***UA NEEB***
by shung 8th March 2018, 5:49 pm

» Neeb Saub ua rau neeg vwm
by shung 4th February 2018, 2:58 pm

» Xiong Chang
by koobpovtxuj 10th December 2017, 11:00 am

» Koobpovtxuj.
by koobpovtxuj 19th November 2017, 1:34 am

» kuv cov duab.
by koobpovtxuj 18th November 2017, 11:30 am

» KHAWV KOOB
by koobpovtxuj 30th September 2017, 4:29 pm

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

» Kiab toom lauj npliaj yob lub qub tsev.
by Admin 1st August 2017, 5:04 pm

» Kawm LUS ROV
by koobpovtxuj 10th July 2017, 1:54 pm

» Hmong dance hiphop 2017 [ dance zoo siav heev li]
by zabyaj 15th June 2017, 12:05 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    TXI XWM KAB PEB CAUG

    Share
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: TXI XWM KAB PEB CAUG

    Post  xiongchang on 15th August 2012, 11:14 am

    - Kwv ntxawg:...Shung....Yog cua nplawm pej thuam dam, Yuav poob teb chaws; Xyoo 1973....Los ib nthwv cua ntaus, Tug pej thuam nroog:....Luam Pha bang, Lov ntho saum ib nta yam poob sab tim huab tais tsev; Koj seb xyoo 1975....Nyog liab txeeb tau teb chaws, Ntes huab tais tsev neeg; coj mus kaw tuag tas....Nyob nroog looj ceeb xyoo 1974, Ntuj qhib tshiab cua nplawm txoj hlua chij ntawm nai phoo vaj pov qhov rooj tu nrho; Seb nai phoo....Raug txo fwj chim, Khiav tawm teb chaws.
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: TXI XWM KAB PEB CAUG

    Post  xiongchang on 15th August 2012, 12:05 pm

    - December 15, 1974; Yog hnub xiab: 1....Ib hlis ntuj hmoob xyoo tshiab, Nai phoo vaj pov caw:....Chao faxay vongsavanh....Tuaj saib hmoob noj peb caug nroog, Looj ceeb:...December 13, 1974; Ua ntej ib hnub ntau....Hnub xiab ib ntawd, Tso nyuj sib nraus tom tshav ncaws pob roj hmab; Lub xyoo ntawd....Nai phoo vaj pov, Ua tau lub tsev qaum tshav ncaws pob tiav; Kaum plaub theem ntaiv zaum....Tso Khub ib nrau tas, Tso khub ob nrau tas; Kub tsi hle....Muab khub peb, Ib tug ua:....Prince ChaoFaxay Vongsavanh....Tug nyuj ntas, Muab nai koo; Xov txais lauj tug ua:....Prince Souphanouvong....Tug nyuj ntas, Tso plhuav hlua:....Prince Souphanouvong....Tug ob ncaws kub:....Prince Chaofab xay Vongsavanh....kub hle hlo liab ploog, Nyuj co hau nto; Tsi nrau lawm....Tam sim ntawd:....Prince Chaofaxay Vongsavanh....sawv tseeg nqeg plhuav, Tsi saib nyuj sib nraus lawm; Ncaj qha mus tom....Nai phoo vaj pov tsev, Nce dav hlau ya; Rov nroog:....Luam phra bang....Hnub ntawd 12:30 PM, Tso plhuav tsi ncig saib hmoob pov pob li; Koj saib zoo li cas? Raug txo fwj chim, Raug ntes kaw tuag; Kuv txiv piav txog....Thaum peb yawg "Suav lwm" Tswv cheem rog, Muaj peb tug; Heev nyuj sib nraus....Thaum txog peb caug xyoo 1935 xaus, Tawm xyoo tshiab 1936; Peb yawg tug heev nyuj thib ib....Kub hle hlo liab ploog, Co hau nto; Tsi nrau lawm....Lub nrab xyoo ntawd, Peb yawg raug luag tso npaj fa tua; Peb yawg tuag xyoo 1936....Ntawd lawm os, Kuv txiv tu siab nrho; Tsi fwb nyuj sib nraus xyoo ntawd txog....Xyoo 1982, Kuv txiv tuag ncaim ntiaj teb no; Kuv txiv hais tseg tias....Kuv nyob tom qab, Txhob yug nyuj sib nraus; Luag nyuj nrau tsi yeej....Luag chim nyuj, Luag ntxub tswv; Tso dab tua tswv tuag....Lub neej tu siab, Xaus li no; Mam sis ntsib dua nawb.
    avatar
    shung
    Sponsor
    Sponsor

    Messages : 578
    Date d'inscription : 2012-05-08

    Re: TXI XWM KAB PEB CAUG

    Post  shung on 15th August 2012, 5:12 pm

    Tij laug xiongchang.

    Vim kuv nug koj li mas xyoo tag los no kuv qab ntsib taug (back yard) tau muaj ib xub muv los nyob rau raum kuv ntsib taug; kuv tsis paub li txog thaum kuv mus txiav nyom ces muv mas yav tuaj plev kuv xwb. Kuv kuj tsis ua li cas rau xub muv no txog thaum nws yav khiav tag lawm, los rau xyoo no li ntawm lub 4 hli ntuj no ces kuv tau ib qhov teeb meem mob siab kawg li thiab. Tij laug laud....kuv tseem hluas heev tsis tau paub txog tej yam zoo li koj qhia peb sawv daws li. Yog tias kuv paub mas kuv yeej kom me nyuam mus muab nws hlawv kiag xwb. Koj tsis tham tsis qhia ces tshe kuv yeej tsis ras txog li. Zoo siab kawg, kuv yuav khaws koj tej lus zoo tseg mus lawm yav tom tej. Yus xav tias tej no yuav tsis ua teeb meem no tiam sis yog li koj ua tij hais laud...

    Kuv tus cuas ces yog quab xiong lawv tseg neeg yog hmoob lees li koj hais, koj yeej nco qab nws xwb. Tus tij laug xiongchang koj xav nug koj txog ib qhov lus thiab: ib yog tias koj tua qaib tim su rau leej twg los sij peem tias sis tus qaib ob txhais ko taw ho mus tsuab tau ib qhov qaib ntshiv es yog ntau nqi txog dab tsi thiab, ob yog yus niam tais pheej niaj xyoo xa kua txob rau yus noj no ho puas muaj dab tsi thiab. Tej yam li no mas hnov laug tham xwb kuv kuj tsis paub qhov tseeb thiab tias yog dab tsi. ua tsaug shung

    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: TXI XWM KAB PEB CAUG

    Post  xiongchang on 15th August 2012, 6:43 pm

    - Kwv ntxawg:...Shung....Aw nquab xyooj, Yog toj xeem; Num suav xyooj:....Paj qhas....Tub ntas mas, Xyoo 1961; Toj xeem num suav xyooj tuaj yuav peb tug muam:....Kaab....Tab sis thaum rov tuaj saib niam tais lawv, Peb tug niam ntxawm tsav ntxawg; Cob rau tswv yim nrauj yawg lawm....Peb thiaj plam, Toj xeem num suav xyooj; Ua yawm yij lawm os....Lawv tsev neeg, Hmoob xyooj lub zog:....Paj qhas ntawd, Yog ib tsev neeg zoo; Muaj koob nto npe ze....Yuav luas ib puas xyoo no, Kuv rov piav ntxiv txog; Tej yam tsiaj nyaum, Plev tib neeg; Tom tsiaj txhu xws li:....Plas taub, Liaj; dav....Luj tsw quav, Nees daj dua; Plis....Hma tsov, Tsev nyiam; Txhob muab duab dai hauv yug lub tsev....Lo lug no, Thaum nyob teb chaws nplog; Kuv pheej xa neeg raug txim kaw:....Pha Khao....Nqeg tuam nroog:....VienTiane....Kuv nquas mus ntsib:....As Caas hauj sam laug, Kuv nug txhua yam; Kev ua neej....Tej yam tsiaj nyaum, Puas zoo yug; Muab duab dai hauv tsev puas zoo....Tej phaj ntim taig diav noj mov, Luag muab tej duab ntawd; Kos rau hauv....Yuav siv puas zoo:....As Caas hauj sam laug, Txiav tu nrho; Tej duab ntawd....Tseev yeeg zoo nkauj, Los txhob yuav nqa los dai; Tim tej phab ntsa "Tsi zoo" As Caas hauj sam hais li no, Khoom nruab nrog, Txhob nqa tshem tawm sab nraum; Tsiaj txhu nyaum sab nraum....Txhob yuav duab los dai hauv tsev, Yuav dai duab; Tsuas dai nyog....Pog koob yawg suab, Pog yawg; Yug niam....Yug txiv, Yug pab kwv tij nkauj muam nraug nus; Yug ib cuab xeem....Tej neej tsa ntsuab ze, Tej phooj ywg! Tej nom tswv muaj meej mom, Muaj koob nto npe xwb; Txawv hmab sua sab nraum....Txawv teb chaws, Dai tsi tau; Vim tsi yog....yug caj ceg, koom ib lub teb chaws; Txij mes ntoo, Ntseeb; Muv....Nkawj, Daiv; Liab....Nyaj, Cuam; Dais....Yug tsi tsi tau hauv tsev, Yog yuav yug tias; Coj mus yug tom vaj tsiaj:....Zoo....Txhua yam tsiaj qus, Los so ua tsi tau tsev dai; Yug tej qab khav....Tog vaj ncig tog tsev, Ntawm tej ntoo ze; Yug lub tsev....Yog pom xyeem qhov muag, Kav tsij laij ntaus tawm kom sai; Npaum li sai tau....Txhob tseg cia nyob "Yog Nywj - Yog Xyob txhiaj - Ua npog - Rau yug lub neej - Yuav ntsib teeb meem nyuaj siab ntxhov plawv - Muaj lug xaiv - Tau plaub ntug - Muaj mob nkeeg - Txog qib ploj tuag" As Caas hauj sam hais li ntawd, Kuv khaws nkaug; Nco ntsoov tseg....Ua neej txog, Niaj hnub no; Tej tsev teb chaws no....Nrhiav nyuaj kawg nkaug li nawb, Ib txhiab lub tsev; Kuv tsuas nyiam ib lub xwb....Lub tsev nyob kaj siab lug, Yog lub nyob saum ncov roob; Caj qaum roob xyav lam lug....Tig ntsia sab twg? Pom tas nrho, Tsev nyob kwj ha; Ua neej tsaus ntuj nti....Tig xam ntsia sab twg? Thaiv ntis tas, Tsi pom qhov twg? Tsev nruab tiag, Los tib yam nkaug, Tsev dai toj zoo li; Thaum tej laug....Tej tsev teb, Los tsi zoo; Qhov rooj sib tuam....Sib nraus los tsi zoo, Yug lub qis; Luag lub siab....Los tsi zoo, Kaum tsev sib nraus; Los tsi zoo....Yug lub ruv tsawg, Luag lub ruv ntau; Los tsi zoo....Tsev teb chaws no, Nrhiav nyuaj kawg nkaug li os; Kuv muaj ib phau ntawv....Saib quas vaj yuav tsev, Ua kiab khw muam khoom zoo kawg li os; Kwv ntxawg:...Shung.
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: TXI XWM KAB PEB CAUG

    Post  xiongchang on 16th August 2012, 9:10 am

    - Kuv piav txog "Qua tsev" Tseem ceeb kawg nkaug, Yug lub neej; Khwv nruab hnub hmo ntuj....Yog lub qua tsev tsi zoo, Tseev khwv ntas nawb; Yug tej ntxhais....Tsi mloog lug, Cia hluas nraug; Ua ntawm qhov rooj tag....Txhiaj meej qaug, Los sis tej ntxhais; Tej muam.....Tej phauj "Ho me nyuam" Tsi tau puv hli, Los yug me nyuam; Tsi tau ouv hli....Tuaj hla paws rooj "Txhiaj meej qaug" Yug tej ntxhais, Mus yuav txiv; Poj niam cob khiav rov los ua nkauj fa....Hauv yug tsev, Nrauj rov los nyob hauv yug tsev; Los tsi zoo....Tib yam nkaug, Kuv twb pom peb ntxawm tsav ntxawg yau; Npo ob tug ntxhais nrauj....Rov los nyob hauv tsev, Tau tsi ntev; Nws tug....Nws yug kiag, Xub tuag ua ntej; Niam hlob ob tug tub....Tuag tom qab, Tej ntxhais nrauj; Cia nyob tom nom tswv....Txhob npo los hauv tsev, Npo tsi tau nawb; Kuv qhov muag pom kiag lawm....Yav ntuj thaum tej laug, Muaj ntsis siab phem; Luag ntsia zoj....Yug tej maum npua teeg me nyuam, Luag tsom thaum yug; Mus liaj teb nruab hnub....Tsi nyob tsev, Tshuav me nyuam zov tsev; Luag tuaj thov tshauv....Luag xuas hlau kaus "Qhov cub - Qhov txos" Luag kaus tas, Ris tshuav lawm; Ib ob hnub tom qab....Npua lawb me nyuam, Los ho me nyuam tas; Ua rau yug txom nyem xyoo ntawd....Tsi muaj npua tua noj tsiab, Yug lub tsev; Tom nraub qaum tsev....Los pem kwj tse, Yuav tsum muaj roob loj khov thaiv "Los Txheem" Yug ua hauj lwm, Nom tswv pab txhawb nqa; Yug tau npe nom sai....Yug lub qhov rooj tag, Tso tuam ncaj ncov roob siab; Peb txheej roob mas....Zoo kawg nkaug, Ib yam li; Tej laug tej qua ntxa ntas....Ob sab tog tsev, Yog muaj nqaj roob siab ntis thaiv nkaug; Ua neej nyob....Tsi muaj lug xaiv, Tsi muaj plaub ntug; Tsi muaj leej twg? Lauj rhuav tshem, Ua neej kaj siab si; Tshav ntuj nrig....Yog ob sab tog tsev, Los qhov muas tsev; Muaj ncov roob me....Nthaw nplwb npliv, Ceev faj zoo; Yuav muaj neeg....Iab liam nrhiav lug xaiv, Ua plaub ntug; Muaj tub sab....Muaj tub nyiag, Yug hais los tsi yeej luag li; Yog los ntawm....Yug lub qua tsev lawm, Yuav tau khiav "Tsiv tawm" Yug lub tsev, Yog muaj ntoo loj nyob sab xis "Yog tsov" Tsi tshua zoo, Muaj ntoo loj nyob sab laug "Yog nom" Zoo heev, Tom qaum tsev; Muaj ntoo loj txheem zoo....Sab tom rooj tag, Muaj ntoo loj thaiv ntis; Ncaj qhov rooj; Tsi zoo, Yog nyob xu zog "Zoo" Yug lub nyob "Qis" Luag lub sab tim "Siab" Luag yuam yug, Yuav tau yuav ob tug "Tsov yas" Txawb ntawm ob sab qhov rooj noj tom "Yim sab tim" Yug thiaj yeej, Yog luag sab tim; Muaj kaum tsev ncaj nrau "Yug lub" Los tsi zoo, Yuav tau cog; Ib tsob ntoo ntis thaiv....Luag lub kaum tsev ntawd, Thiaj nrau tsi tau yug lub tsev; Yog yug lub nyob siab ntshua mas "Zoo heev" Txhob xauj, Los yuav tsev ntawm:....Corner....Yug lub qhov rooj tuam kiag, Txoj kev tsheb los tsi zoo; Nyob muaj teeb meem heev li....Yuav tau yuav ib lub pob zeb loj txawb ncaj thaiv kev tsheb "Thiaj zoo"
    avatar
    shung
    Sponsor
    Sponsor

    Messages : 578
    Date d'inscription : 2012-05-08

    Re: TXI XWM KAB PEB CAUG

    Post  shung on 16th August 2012, 3:36 pm

    Tij laug xiongchang.

    Kuv lub tsev mas muaj ntoo ntau heev li mas tsis tau taub tias sab xis thiab sab laug no yog koj sawv li cas es thiaj li paub tias sab twg yog sab twg. Koj rov piav seb yog yus sawv ntawm qhov rooj tag ntsia mus pem quam tsev los yog yus sawv ntawm qhov rooj tag ntsia mus rau ram qab tsev. ua tsaug shung
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: TXI XWM KAB PEB CAUG

    Post  xiongchang on 16th August 2012, 4:02 pm

    - Awb kwv ntxawg:....Shung....Koj ntsia raws li no:....North....Nraub qaum nawb....East....Sab xis....West....Sab laug....South....Xub ntiag....Koj lub tsev, Yuav tig li cas? Tau tas nrho "Tab sis" Hmoob hais tias, Tso qhov rooj tig sab hnub tuaj zoo dua, Luag tsoom tub txawg; Luag hais tias....Tso qhov rooj tag "Qab ntug" South "Zoo dua" Koj lub tsev, Ua hauj lwm "Office" (Staff) Kev sib tham "Meeting" Sij hawm sawv ntxov "Tig nraub qaum - Yav qaum teb - Tig xub ntiag - Yav qab teb - sij hawm hnub ntseg - Rov hnub qaij - Tig rooj tog nraub qaum qab teb - Tig xub ntiag qaum teb"
    avatar
    shung
    Sponsor
    Sponsor

    Messages : 578
    Date d'inscription : 2012-05-08

    Re: TXI XWM KAB PEB CAUG

    Post  shung on 16th August 2012, 6:38 pm

    Tij laug xiongchang yog tias North yog nraub qaum ces Easr kuj yog sab laug ces West kuj yog sab xis ho South ces kuj yog xub ntiag, puas yog li no mas. Kuv lub tsev mas lub qhov rooj txuas tig rau sab East lawm ho lub qhov rooj tag tig mus rau West lawm, yog li sab south mas muaj ntoo ntau2 ho sab Norht ces ob tsob ntoo xwb. Nyob rau sab East mas muaj ntoo ntau2 li yog li kuv xav nug koj seb yog li cas thiaj zoo. ua tsaug shung
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: TXI XWM KAB PEB CAUG

    Post  xiongchang on 16th August 2012, 7:31 pm

    - Kwv ntxawg:...Shung....As koj tig nraub qaum, Rau qaum teb:....North....Hnub tuaj sab laug, Hnub poob sab xis; Xub ntiag....Tig qab teb lawm os, Yog ntoo loj nyob sab xis; Tsob ntoo loj ntawd "Yog tsov nyaum" Yug tsi yeej os, Yog ntoo loj nyob sab laug; Tsob ntoo ntawd....Yog nom, Thiaj zoo nawb; Niam txiv txwj nkawm pw ua ke hmo ntuj....Yug tug ua txiv, Nco ntsoov pw; Poj niam sab xis; Muab yug poj niam pw npuab yug sab laug....Poj niam thiaj fwm yug os, Yug cov tub ntxhais; Pw raws nraim niam, Tub ntxhais; Thiaj mloog lug....Teb chaws no, Tog tub ntxhais; Cam ncauj....Cam thawj, Tsi mloog lug; Tim mes kas....Ua txaj chaw, Tsi raws seem; Tub ntxhais tawv ncauj heev os....Lej lug no, Tsi yog; Kuv kwv yees hais....Kuv kawm ntawm;....As Caas hauj sam los os, Txawm nplog thaib hmoob; Tug txiv tsev thiab niam tsev....Yuav tau pw npuab nkaug, Tug ncej tag; Tuaj nyob teb chaws no....Mes kas ua tsev, Tsi raws seem; Ua txaj chaw....Tsi raws nplog thaib hmoob os, Thaum noj mov; Tug txiv tsev....Tug niam tsev, Yuav tsum zaum sam tsum; Los sab pem txhua zaug....Tej tub nyab ntxhais, zaum sab nram; Yug tug poj niam nco ntsoov zaum....Yug sab laug txhua zaug, Es yug tsev neeg; Thiaj fwm txiv os....Kwv ntxawg.....Shung.
    avatar
    shung
    Sponsor
    Sponsor

    Messages : 578
    Date d'inscription : 2012-05-08

    Re: TXI XWM KAB PEB CAUG

    Post  shung on 17th August 2012, 9:03 am

    Tij laug xiongchang, Peb sawv daws ua koj tsaug ntau2 rau koj cov lus zoo qhia txog kev zoo rau peb sawv daws. Kuv yog koj ib tug kwv yuav khaws cov los ua neej thiab muab cia zoo chaw. ua tsaug shung
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: TXI XWM KAB PEB CAUG

    Post  xiongchang on 17th August 2012, 9:36 am

    - He....he.... Laughing Laughing Kwv ntxawg:....Shung....Kev ua neej, Kuv tug kheej nyiam; Hom tib neeg nyiam xyaum kawm yam zoo....Txhim kho lub neej, Hnub no; Tas kig....Nag kig, Puag nraus; Yav tom ntej....Nce pem suab li, Koj ua kwv; Kuv thiaj nco qab piav txhua yam zoo....Muaj txiaj ntsig, Tso hauv no; Suav daws nyeem khaws cia....Ua pov haum, Kuv thov qhuas; Thiab ua koj tsaug nawb....Thov tswv ntuj yawm saub foom hmoov zoo, Pub koj ua kwv; Thiab niam ntxawm....Neb tsev neeg, Tej tub ntxhais noj lug mloog hais; Yam tsob dib taub nplej pob kws....Nrhau cag ntsia av, Hlav loj hlob ncau ceg nyag; Tawg paj txi txiv nrw hna....Huaj vam lawm yav tom ntej os mog, Ua tsaug; Mam sis ntsib dua lwm zaj tom ntej nawb mog.... Smile Smile Very Happy Very Happy I love you I love you Laughing Laughing.
    avatar
    koojziagkabzaug
    Moderator
    Moderator

    Messages : 3529
    Date d'inscription : 2010-02-28

    Re: TXI XWM KAB PEB CAUG

    Post  koojziagkabzaug on 8th November 2012, 3:15 pm


    Hmong Yang Txoj Kev Cai Teev Xwb Kab Pib Thauv Xyoo Tshiab




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    shung
    Sponsor
    Sponsor

    Messages : 578
    Date d'inscription : 2012-05-08

    Re: TXI XWM KAB PEB CAUG

    Post  shung on 6th December 2012, 7:36 am

    Hais txog ntawm peb hmoob tus xwm kab mas tus yuav hais li cas los muaj tias sis peb hmoob tus xwm kab ces yog li no xwb os... Thaum ub hmoob ua nrog ces hmoob tus huab tias no tias li no pab hmoob tua yeej lawm. Thaum tus huab tias no rov qab ces hmoob quaj heev li rau nws ces nws thiaj li hle nws lub kaus mom thiab lub tsho rau hmoob. Hmoob thiaj coj los teev tiam ua yog hmoob tus xwm kab. Cov kwv tij hmoob ua ua tus xwm kab es ua lub thaj ces yog cov tau lub tsho thiab lub kaus mom ho cov tau lub tsho xwb ces yog cov ua dai ib daim ntawv xwb.

    Yog li cas thiaj hais li no vim ua neeb txog hauv mas tus xwm kab yog ib tug neeg zoo nraug, muaj dag, thiab loj heev ua nws luav li lub qhov rooj mas nws thiaj li zov tau lub vaj lub tsev thiab tsev neeg tag nrho. Cov ua tau lub tsho thiab lub kau mom mas tus xwm kab ntawv nws hnav ib lub tsho dub zoo li tus neeg txiaj txim tom tsev hais plaub " Judge" thiab ntoo ib lub kau mom tsheeb dub; ho cov ua tau nws lub tsho xwb ces tus xwm kab yog ib tug neeg loj zoo nraug muaj cag kawg, nws yeej hnav ib lub tsho zoo li tus Judge xwb.

    Txawm leej twg yuav hais li cas los yeej tsis ua cas, sawv daws lam khaws qhov no cia es thiaj li paub tias peb tus xwm kab yog dab tsi tiag es peb thiaj li teev nws los pov niam pov txiv pov tub pov ki thiaj los pov nyiaj pov txiaj pov tsiaj pov txuv. Thaum ub hmoob li hiam heev yog li tej laus thiaj li tsis qhia sawv daws teev tus xwm kab es tus txawj los kuj hais li nws paub ho tus tsis txawj los kuv hais li nws tsis txawj. Qhov tseeb yuav tau kawm cov lus hais thiaj li yog. Hais lub hmoob xwb los haj yam zoo ho txawj hais lus neeb los haj yam zoo thiab. Yog tus twg teev raug thiab haum lawm nws yeej yuav ua neej zoo dua tus tsis txawj. Txawm tsis muaj nyiaj ntau ntau los yeej noj tsis qig ho tej tug mas kuj muaj nyiaj muaj tub coob heev li.

    Nyob li tej laus hais tias txhiaj meej qaug lawm vim muaj neeg cev tsis hu cev tsis haum tuaj tsuj tus txhiaj meej qaug lawm mas qhov no muaj tseeb. Pom tau tias yog leej twg tus txhiaj meej qaug lawm ces thuam ua neeb txog hauv tus xwm kab ces tus xwm kab yeej pw tib tug ntxeev tiaj hlo li lawm yeej sawv tsis tau los zov lub vaj lub loog lawm. Yog li thiaj li yuav tau ua neej mus tsa tus xwm kab los sawm los mas thiaj li tau.

    Hais txog ntawm ua lo peb tauv plaub qaib rau ntawm tus xwm kab mas yog li no: Ib tauv yog teev tiam rau tus xwm kab, Ob yog teev tiam rau tus txhiaj meej, thiab peb yog teev tiam rau tus dab roog. Yog li thaum hais cov lus txi tus xwm kab xyoo tshiab mas tsis txhob hais lo lus xwm kab los yej no vim tus no tsis yog tus nyem nws yog tso xwb. Yog hus tus no los ces nws heev heev li ces ob tus yau yuav khiav lawm yuav tsis pab yus mus nrhiav nyiaj nrhiav txiaj li. Nyob rau tej pab hmoob mas yog hus tus no ces yeej txom nyem 3 xyoo ntag. Peb tsua hu tias niam txiv xwm kab li txhiaj meej pem xeeb xwb ho yog lus neeb ces hu ua tuam meej lwm meej xwb tau lawm.

    Nyob rau tej pab hmoob mas tej laus kuj hais tias yog tus xwm kab no los tshoj rau leej twg tus twg ces tus ntawv teev tus xwm kab xwb ces yeej pov tau nws cuab kwv tij tag nrho lawm. Tsis tag yuav yog tag nrho cuab kwv tij teev. Qhov no kuj ib nyuam txawj me ntsi. Ua tsaug shung






    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: TXI XWM KAB PEB CAUG

    Post  xiongchang on 6th December 2012, 8:02 am

    ......Ha...ha... lg lg Kwv ntxawg...Shung...Peb tsev kwv tij...Thooj kab lig...Kev cai...Tug dai tug qhab tse...Peb muaj lub thaj dai...Ho txhais li cas?...Vim tsiv teb tsaws chaw tuaj ntau lub teb chaws zoo li...Pauv ntau yam lawm...Tsi paub ua li cas lawm os...Kwv ntxawg...Zoo siab ua koj tsaug...Qhia txog..."Teev xwm kab os"...Lub xyoo laug 2012...Tshuav neeg nkaum tsib hnub...Twb yuav xaus...Yuav tawm xyoo tshiab ntiaj teb 2013...Kom koj ua kwv nrog tug hlub tub ntxhais noj qab nyob zoo os...Kwv ntxawg...Shung.
    avatar
    shung
    Sponsor
    Sponsor

    Messages : 578
    Date d'inscription : 2012-05-08

    Re: TXI XWM KAB PEB CAUG

    Post  shung on 15th December 2012, 7:07 pm

    Nyob zoo tij laug xiongchang,

    Hais txog ntawm lub thaj mas peb hu ua seej khab no ho es ua li koj puas hu li thiab. Tej pab hmoob mas lawv ua lub thaj mas lawv teev lawv poj yawm txwv koob nrog tus xwm kab ua ke, ho peb mas teev tus xwm kab xwb. Tij laug xiongchang thov kom koj thiab koj tsev neeg noj qab nyob zoo thiab. ua tsaug kwv shung
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: TXI XWM KAB PEB CAUG

    Post  xiongchang on 16th December 2012, 2:07 pm

    ....Kwv ntxawg...Shung...Kuv kuj tsi paub zoo lawm...Vim kuv xeev xwm los...Tej laug twb tso...Kab lig kev cai tas lawm...Kuv niam...Kuv txiv lawv twb mus coj siv yig tas...Ua ntej 1953...ntawd lawm...Kuv txiv paj zeb...Yeej hais tias...Tsi muaj xwm kab...Tsi muaj dab roog...Tsi muaj nuj dab...Tej laug tuag...Tuag ib zaug...Tsi tuag ob peb zaug li...Poj ua tseg...yawm rhawv cia...Muaj xi...Tso plig...Lub xwm kab ntawd xyoo 1985...peb tseem nyob yeej vib nai...Tub vam nruas mob...Mam ua neeb saib...ces hais tias...Yog tsi muaj xwm kab pov hwm...Yuav tau teev xwm kab...Mam dai xwm kab xwb os...Qhov teev xwm kab...Tsuas teev pov niam pov txiv...Pov tub ntxhais...Plig nyiaj...Plig kub...Plig qoob...Plig loo...Plig tsiaj txhu xwb...Tsi muaj lwm yam li no.
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: TXI XWM KAB PEB CAUG

    Post  xiongchang on 21st December 2012, 8:17 am

    ......Nyob zoo...Kwv ntxawg...Shung...Lub xyoo laug...Tshuav kaum hnub xaus lawm...Yam phem tsi zoo...Tsi raug ntsej...Tshawv qhov muag...Mus rau hnub coog hli kawg...Ntsej tsi hnov...Qhov muag tsi pom...Xyoo tshiab 2013...Tawm tuaj...Koj ua kwv tswv neeg...Tsuas ntsib kev noj qab nyob zoo...Kaj siab nrig...Tshav ntuj lug...Xav tau yam twg?...Tau raws siab nyiam ntshaw...Tej me nyuam kawm ntaub ntawv...Kom paub txawj ntse...Tau teeb taws..."Pom kev tom ntej...Nce pem suab nawb mog...Luag tej laug...Ib txwm oiv ntuj nrag lug tias...Ib rab teb...Ib tsa txuj...Ib sab ntuj...Txawv ib tsav ci...Yeej muaj tseeb...Kuv tsev neeg...Khiav tawm tshais chaw...Michigan...State...March 6, 2010...Los nyob xeev...Minnesota...Ob xyoos ntau...Kam noj kev hauv...Pauv hloov lawm ntau...Tsi zoo li...Thaum tseem nyob:...Michigan...Kev neeb yaig...Tiam tsi raws li...Peb nyob xeev:...Michigan...Tsi cuab nej zog lawm...Suav daws zoo li...Ib pab neeg...Tsi paub tab...Tsi paub qab hau lawm...Pes tsawg xeej dej cawv...Koom tib poom...Feeb tsi meej...Cais tsi muaj quag...Tsi muaj fij xws...Txwm xyas lawm...Ntse ntev mus...Yuav poob tas...Hmoob kab lig kev cau...Txhua tsav yam lawm laus...Kwv ntxawg...Shung.
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: TXI XWM KAB PEB CAUG

    Post  xiongchang on 21st December 2012, 8:26 am

    ......Thaum tseem nyob xeev...MIchigan...Kuv yog tug nco ntsoov..."Tab sis"...Los txog nov...Ob xyoos ntau...Twb tsi nco qab tas lawm...Vim tsi muaj tug siv...Tsi muaj tug nyiam lawm...Rais ua neeg..."Ruam tsi paub tab...Tsi paub qab hau lawm las as...Nplog thaib hais tias...Yam noj...Tsi noj...Yuav lwj...Yam hais...Tsi hais...Tsi nco qab lawm...Txhua tsav yam...Kav ncaj..."Tab sis"...Yuav plam hmoob kab lig...Kev cai ntau yam...Tsi nco qab tas zoo li..."Neeg ruam"...Kev nom...Tsi nco xav...Kev tswv...Tsi nco khaws...Kev noj haus...Tsi nco ua...Kev hais lug...Tsi nco qab tas...Yuav ua li cas?...Tam sim no zoo li...Tug tib neeg...Tuag tsi tu siav...Tshuav plawv dhia..."Nruj nriaj"...Txoj sia tsi tu...Nyob hnub xam dhau hmo...Nyob hmo xam dhau hnub zoo li..."Neeg tsi tsim txiaj lawm os"
    avatar
    shung
    Sponsor
    Sponsor

    Messages : 578
    Date d'inscription : 2012-05-08

    Re: TXI XWM KAB PEB CAUG

    Post  shung on 21st December 2012, 9:24 am

    Nyob zoo tij laug xiongchang,

    Zoo siab rov tuaj ntsib koj hauv no thiab, ua koj tsaug rau txhua2 yam ua koj qhia thiab hais pub rau kuv coj mus khaws siv thiab coj mus ua neej. Tij laug kuv zoo siab tshaj plaws li rau koj ua tij vim kuv loj hlob yeej tsis muaj tus cob tus qhia li; yus mus txog qhov twg los tsua hnov luag cem yus ruam tsis paub dab tsis li xwb. Aub... tus siab kawg li tij laug, xam muaj koj ua tij muaj lub siab dawb siab zoo tuaj cob tuaj qhia ntaus yam rau kuv los yog peb s/d coj mus khaws siv.

    Xyoo tshiab tuaj los thov kom koj thiab koj tsev neeg s/d tau txais txoj kev zoo thiab. Tij laug xiong chang kuv ua koj tsaug nawb. Kwv shung vang
    avatar
    shung
    Sponsor
    Sponsor

    Messages : 578
    Date d'inscription : 2012-05-08

    Re: TXI XWM KAB PEB CAUG

    Post  shung on 21st January 2014, 11:28 am

    Nyob tij luag xiongchang thiab tus ntxawm KZKZ.

    Kuv muab qhov txi xwm kab no tso rau no tau saib thiab. Kuv kuj nyiam li tus hlob los tus txiv ntxawm no hais kawg, tiam sis kuv muab kho me7 rau vim tej qhov kuv kuj mloog tsis tau pes tsawg tias hais li cas thiab. Hais txog ntawm tus txheej txheem mas ib pab hmoob nws muaj nws ho hais txog ntawm cov lus ces hais ib yam xwb nraws li kuv nug tej laus.
    kwv shung

    https://www.youtube.com/watch?v=gqnUkp4lJHU

    Sis Laud....! Gus xwm kab txhiaj pem xeeb.  Kab theeb laim xub pias, cawm nyeej tuaj pem xi laud....
    Gus xyooj ci mas yaw yij kum.
    Txhiaj txheej mas yaw yij fwm.
    Txhaj xyab mas yaw caw tswm.
    Xav txheej mas yaw caw khais.
    Caw mas yaw xwm fwj laim fwm xa pib.
    Txi txi tom tom gus xwm kab txhiaj pem xeeb.
    Nim laij pov hwm laim pov yoom los phuaj,nyaj nyab, vuaj vuab luj txwg mas tshij fam luj xeeb tshij sem mas luj twm.
    Nim laij pov hwm laim pov yoom, gus yeej mis ceeb mis , yeej ntxwg ceeb ntxwg, yas pos lis ceeb pos, yas kws ceeb kws,yeej huab lis ceeb huab mas laim tuam thawj.
    Mas gus yoom puj txhawj tshij puj txob.
    Nim laij pov hwm laim pov yoom, gus yeej mis ceeb mis ,yeej ntxwg ceeb ntxwg, yas pos lis ceeb pos, yas kws ceeb kws, yeej huab lis ceeb huab mas laim tuam thaij.
    Mas gus tshij puj txhawj yoom puj txob.
    Gus xwm kab txhiaj pem xeeb.
    Nim laij pov hwm laim pov yoom, gus yeej mis ceeb mis, yeej ntxwg yeej ceeb ntxwg, yas pos lis ceeb pos, yas kws ceeb kws, yeej huab lis ceeb huab mas laij tsheej tsheej vam.
    Ceem mas puj tseev ceem, yij ho mas gus yoom puj txob tshij puj txhawj.
    Gus xwm kab txhiaj pem xeeb.
    Nim laij pov hwm laim pov yoom, yas nywj,yas muas,yas yaj, yas xyooj, yas ci mas laij tsheej sob.
    Nim laij pov hwm laim pov yoom, yas nywj, yas muas, yas yaj, yas xyooj, yas ci mas laij tsheej vam.
    Nim laij pov hwm laim pov yoom, yas nywj, yas muas, yas yaj, yas xyooj, yas ci mas laij yij vuam laim yij vam.
    Ceem mas puj tseev ceem. Yij vam mas gus tshij puj txob yoom puj txhawj.
    Gus xwm kab txhiaj pem xeeb.  
    Xab theeb mas gus yuav fij seev, lwm theeb mas gus yuav fij swm laud....
    Nim laim lees txheej lees yim, lees txheej lees com, lees xyab lees ntawv,
    lees qaib lees noog, lees dej lees cawv laud...Xwm kab txhiaj pem xeeb.

    Thaum hais cov lus neeb no tag lawm yog xav hais lus hmoob los hais tau. Yog hais lus hmoob tag ces ntau ib kuam kom lees txheej lees yim lees txheej lees com, ib kuam rau kom los pov niam pov txiv pov tub pov kiv, ib kuam rau kom los pov nyiaj pov txiaj.  Yog thaum lees tag nrho lawm ces mas li tua tus qaib cov los txi rau tus xwm kab xwb.

    Hmoob mas hmoob nyiam nyiaj xwb ces hmoob thiaj li muab tus laus qaib dawb coj los txi xwm kab kom muaj nyiaj.
    Suav mas suav nyiam kub xwb yog li suav thiaj li muab tus laus qaib liab coj los txi xwm kab kom muaj nyiaj muaj kub.

    Nyob yav ntuj thaum ub tej laus mas lawv siab loj heev, lawv tua tus qaib xwm kab no mas lawm cia tus qaib nrhia puv vaj puv tsev seb thaum tus qaib tuag lawm seb qaib lub taub haus tig rau qhov twg. Tsis hais pog yawg,niam txiv,tub nyab,thiab ntxhais, yog tus qaib tig rau pem xwb kab lawm ces xyoo ntawv khwv nyiaj los tau nyiaj khwv dab tsi los tau dab tsi, yog tig ncaj rau leej twg lub txaj lawm ces xyoo ntawv tus ntawv yeej khwv tau dua ho yog tig rau qhov rooj lawm ces xyoo ntawv khwv los tsis tau nyiaj pe tsawg lawm.

    Nyob rau nram California muaj ib khub niam txiv nws txi xwb kab tau 3 xyoo tiam sis nws tsis muab qaib cov los txi li. Nws cia li ua xwm kab xwb ces tus niam nyob7 qhov muag tsis pom kev lawm cia li dig muag lawm. Tuaj siab yiag ntawm kuv tus xf ces cov qhua feeb hais tias koj niam twb yog nws txi xwm kab es nws tsis muab qaib coj los txi. Nws cia li ua xwm kab xwb ces lawv thiaj li ua kom nws tsis txhob pom kev lawm. Tus muam thiaj li hais rau kom mus txi xwm kab mas yuav tsum muaj qaib coj los txi thiaj li zoo. Ces ob niam txiv no thiaj li rov lawm.


    Last edited by shung on 22nd January 2014, 7:47 am; edited 1 time in total

    koobpovtxuj
    Sponsor
    Sponsor

    Messages : 1318
    Date d'inscription : 2010-04-05
    Age : 58
    Localisation : USA

    Re: TXI XWM KAB PEB CAUG

    Post  koobpovtxuj on 21st January 2014, 9:53 pm

    shung wrote:Nyob tij luag xiongchang thiab tus ntxawm KZKZ.

    Kuv muab qhov txi xwm kab no tso rau no tau saib thiab. Kuv kuj nyiam li tus hlob los tus txiv ntxawm no hais kawg, tiam sis kuv muab kho me7 rau vim tej qhov kuv kuj mloog tsis tau pes tsawg tias hais li cas thiab. Hais txog ntawm tus txheej txheem mas ib pab hmoob nws muaj nws ho hais txog ntawm cov lus ces hais ib yam xwb nraws li kuv nug tej laus.
    kwv shung

    https://www.youtube.com/watch?v=gqnUkp4lJHU

    Sis Laud....! Gus xwm kab txhiaj pem xeeb.  Kab theeb laim xub pias, cawm nyeej tuaj pem xi laud....
    Gus xyooj ci mas yaw yij kum.
    Txhiaj txheej mas yaw yij fwm.
    Txhaj xyab mas yaw caw tswm.
    Xav txheej mas yaw caw khais.
    Caw mas yaw xwm fwj laim fwm xa pib.
    Txi txi tom tom gus xwm kab txhiaj pem xeeb.
    Nim laij pov hwm laim pov yoom los phuaj,nyaj nyab, vuaj vuab luj txwg mas tshij fam luj xeeb tshij sem mas luj twm.
    Nim laij pov hwm laim pov yoom, gus yeej mis ceeb mis , yeej ntxwg ceeb ntxwg, yas pos lis ceeb pos, yeej huab lis ceeb huab mas laim tuam thawj.
    Mas gus yoom puj txhawj tshij puj txob.
    Nim laij pov hwm laim pov yoom, gus yeej mis ceeb mis ,yeej ntxwg ceeb ntxwg, yas pos lis ceeb pos, yeej huab lis ceeb huab mas laim tuam thaij.
    Mas gus tshij puj txhawj yoom puj txob.
    Gus xwm kab txhiaj pem xeeb.
    Nim laij pov hwm laim pov yoom, gus yeej mis ceeb mis, yeej ntxwg yeej ceeb ntxwg, yas pos lis ceeb pos, yeej huab lis ceeb huab mas laij tsheej tsheej vam.
    Ceem mas puj tseev ceem, yij ho mas gus yoom puj txob tshij puj txhawj.
    Gus xwm kab txhiaj pem xeeb.
    Nim laij pov hwm laim pov yoom, yas nywj,yas muas,yas yaj, yas xyooj, yas ci mas laij tsheej sob.
    Nim laij pov hwm laim pov yoom, yas nywj, yas muas, yas yaj, yas xyooj, yas ci mas laij tsheej vam.
    Nim laij pov hwm laim pov yoom, yas nywj, yas muas, yas yaj, yas xyooj, yas ci mas laij yij vuam laim yij vam.
    Ceem mas puj tseev ceem. Yij vam mas gus tshij puj txob yoom puj txhawj.
    Gus xwm kab txhiaj pem xeeb.  
    Xab theeb mas gus yuav fij seev, lwm theeb mas gus yuav fij swm laud....
    Nim laim lees txheej lees yim, lees txheej lees com, lees xyab lees ntawv,
    lees qaib lees noog, lees dej lees cawv laud...Xwm kab txhiaj pem xeeb.

    Thaum hais cov lus neeb no tag lawm yog xav hais lus hmoob los hais tau. Yog hais lus hmoob tag ces ntau ib kuam kom lees txheej lees yim lees txheej lees com, ib kuam rau kom los pov niam pov txiv pov tub pov kiv, ib kuam rau kom los pov nyiaj pov txiaj.  Yog thaum lees tag nrho lawm ces mas li tua tus qaib cov los txi rau tus xwm kab xwb.
    avatar
    shung
    Sponsor
    Sponsor

    Messages : 578
    Date d'inscription : 2012-05-08

    Re: TXI XWM KAB PEB CAUG

    Post  shung on 22nd January 2014, 7:29 am

    Nyob zoo txiv ntxawm koobpovtxuj,

    Ua tsaug ntau7, koj pab muab daim video no coj los tso nrog cov lus txi xwm kab no thiab. 2-3 hnub no koj nyob li cas lawm xwb. Kuv los kuj tsis ntsib koj li lawm thiab. Tub shung
    avatar
    shung
    Sponsor
    Sponsor

    Messages : 578
    Date d'inscription : 2012-05-08

    Re: TXI XWM KAB PEB CAUG

    Post  shung on 22nd January 2014, 2:12 pm

    Qhov no yog ib zaj lus txhawb tus txhiaj meej.

    https://www.youtube.com/watch?v=UZsFd_ah6Js

    Tuam txhiaj meej pem xeeb, lwm txhiaj meej pem xeeb.
    Tuam li hooj koos ci, lum tom laj fab toob fab txawb li tuam txhiaj meej pem xeeb mas txhawb tej tsuj.
    Lum tom laj fab tooj fab txhawb li lwm txhiaj meej pem xeeb mas txhawb tej hos.
    Xeem meem li cuab tsoob__THOJ LOS LWM__ txhawb li yim cuab zeej laij tsheej sab.
    Txhawb__THOJ LOS LWM___ yim cuab zeej mas laij tsheej tis.
    Txhawb yeej ntxwg ceeb ntxwg mas laij ceeb pos.
    Txhawb yeej ntxwg ceeb ntxwg mas laij ceeb thawj.
    Txhawb yeej mis ceeb mis mas laij ceeb pos.
    Txhawb yeej mis ceeb mis mas laij ceeb thawj.
    Txhawb xyooj ci, xyooj tswb mas laij tsheej sab.
    Txhawb xyooj ci, xyooj tswb mas laij tsheej tis.
    Txhawb yas nywj, yas muas  mas laij tsheej sob.
    Txhawb yas nywj, yas muas mas laij tsheej tis.
    Txhawb xyooj ci, xyooj tswb, yas nywj, yas muas mas laij tsheej sab puj tseev ceem txawm laj fab.
    Txhawb xyooj ci, xyooj tswb, yas nywj, yas muas mas laij tsheej tis puj tseev ceem txawm tooj fab.
    los tuam txhiaj meej pem xeeb, lwm txhiaj meej pem xeeb.

    Seb yog tus tub thib pes tsawg thiab yog xeem dab tsi ces hais li no mus:

    1.  Los tuam
    2.  Los lwm
    3.  Los xab
    4.  Los xwm
    5.  Los vws
    Cov xeem ces seb yog xeem dab tsi ces hais tuaj tom ntej, xws li Thoj los tuam los yog Vaj los tuam li no mus.

    *Tub Loj Leeb
    Visitor
    Visitor

    Messages : 4
    Date d'inscription : 2014-05-17
    Age : 34
    Localisation : Los Tsuas Teb

    Re: TXI XWM KAB PEB CAUG

    Post  *Tub Loj Leeb on 4th June 2014, 3:57 am

    koojziagkabzaug wrote:

    ** Kev txi xwm kab **






       Ib xyoo 12 lub hli puag ncig los txog, sawv daws ua dab peb caug, Lwm sub,Cheb sub, hu plig,txi xwm kab, ntov pob ntoos.

     I. Txi xwm kab.

    1.Muab Ib tug lau qaib, 1 com ntawv, 5 tswm xyab 1
    hwm xav txheej thiab 1 hwj caw los cia rau ntawm
    yuav teev xwm kab.

    2.Txiav 1 daim xwm kab tshiab, coj los hloov daim
    xwm kab qub.

    3.Yus tuav tus qaib tig rau pem xwm kab thiab
    hlawv 5 tswm xyab, yus txi lus suav li no:
      Sib lauj neb xwm kab txhiaj meej auj, neb txaim tej huab ngub laim mas neb thooj ngub laim ka cuab, neb txaim tej nkaim ngub laim mas neb thooj ngub laim xwm kab txhiaj meej.
      Xwm kab txhiaj meej auj, teev tiam koob cib yij nyeej tshwj laij mas koob cib yij kum, xav txheej mas yij com,tshaj xyab vws tswm,cawv tshuaj mas xwm pib teev ceem neb xwm kab txhiaj meej laij txum cuab, neb pov nkub yij cuab zeej mas pov tej hos hos, xwm kab txhiaj meej auj.
      Neb pov yij pes nyeem puj tseeb sem yim kuj zeem xwm kab txhiaj meej, hos zeem mas haj ngub, thawj saw mas khaij ngub meem,lwm saw mas xoom nkub txheej auj, thawj saw mas  khaiv ngub chom, lwm saw mas xoom ngub hom, ngub sum yij tee mas cam yij pas thee, ngub sum yij tam mas cam yij vam auj xwm kab txhiaj meej auj.
     Ngub sam pub mas ceem yeej ntxws, ngub suam pub mas ceem ceeb ntxws auj. Ngub tshij puj txos tshav puj txawj, Ngub yeej ntxws ceeb ntxws laij tsuj tseeb thawj, ngub tshij puj txhawj tshav puj txos, ngub yeej ntxws ceeb ntxws laij tuaj pos,xwm kab txhiaj meej auj.
      Ngub yas nywj laim tsheej sab, yas muas laim tsheej cim yas cis mas laim mas ceem, yas yuas laim mas sis, xwm kab txhiaj meej auj.
     Ngub txum pob kw tib tawm muas vis xwm kab txhiaj meej auj.
     Yij nyeej tshwj laij koob cib yij kum xav txheej mas
    yij com, tshaj xyab mas vws tswm,cawv tshuaj mas xwm pib  teev ceem neb xwm kab txhiaj meej laij txuj cuab, pov ngub yij cuab zeej mas pov tej hos hos, kuv xwm kab txhiaj meej auj.

    4.Hais lus suav tas,ho hais lus li no:

       Auj! xwm kab txhiaj meej pem xeeb tsawm sis ov, hnub
    no zoo hnub zoo nyoog, xyoo laus tas xyoo tshiab tuaj
    tsawm sis ov, kuv tuaj 1 tug lau qaib qua qaws tsawm sis
    ov, 1 com ntawv 5 tswm xyab, 1 hwm xav txheej, teev tiam
    txog kuv xwm kab txhiaj meej pem xeeb los zov vaj zov
    tsev tsawm sis ov.
    Tus koom tus zoo tus tiam tu sawv xwm kab txhiaj meej
    pem xeeb ov. Los zov vaj zov tsev los pov hwm tub pov
    hwm kiv, pov hwm niam pov hwm txiv,xwm kab txhiaj meej
    pem xeeb ov.
    Leej hlob mus laj fab ua kaus tooj roos, leej yau tus
    toob fab ua kaus hlau thaiv, xwm kab txhiaj meej pem xeeb
    ov.
     Neej los rub tes, dab los kwv qws rauj qws hlau ntaus
    ntiaj tog qaum pes. Neej los rub zog, dab los kwv qws
    rauj qws hlau ntaus ntiaj tog, xwm kab txhiaj meej pem
    xeeb ov.
      Xyoo laus tas xyoo tshiab tuaj, luag ntxhiav luag ntxhi
    kuv koom txi kuv xwm kab txhiaj meej pem xeeb los lees
    qaib lees noog, lees xyab lees tsig, lees xyab lees ntawv
    lees dej lees cawv,xwm kab txhiaj meej pem xeeb auj.
    Luag ntxhiav luag ntxhi los pov kuv ib tse 9 5 16 leej
    leej hlob mus laj fab ua kaus tooj thaiv dab txeeg, leej
    yau mus toob fab ua kaus hlau ntis dab qus auj.
    Kuv ib tse 9 5 16 leej kom nyob 10 puag niaj 10 puag
    xyoo, tsis muaj txiab xeeb txiab nkeeg, noj qav paug plab
    haus dej paug cev,xwm kab txhiaj meej pem xeeb ov,
    Luag ntxhiav luag ntxhi los pov hwm niam pov hwm txiv
    pov hwm tub pov hwm kiv,pov hwm qoob pov hwm loo,pov hwm
    tsiaj pov hwm txhuv ov, xwm kab txhiaj meej pem xeeb ov.
    Los lees qaib lees noog, lees tsiaj lees txhuv ov.

    5.Muab tus qaib txi xwm kab los tua, dob plaub
    qaib tub ntshav los lo xwm kab,ces muab tus qaib
    txi xwm kab mus hau.

    II.Hau qaib siav rov txi xwm kab dua.

    1. Muab tus qaib txi xwm kab hau siav ntawv, los rau 1 lub Phaj, muab ib qho mov tso rau lub phaj, hais ib phiab kua nqaij qaib, 1 lub khob rau cawv, 1 rab diav los txawb rau saum lub rooj hauv qab daim xwm kab.
      Muab 1 com ntawv, 1 hwm xav txheej thiab daim xwm kab
    qub los tso ib sab ntawm lub rooj.

    2.Yus muab 5 tswm xyab hlawv tuav, fij xwm kab li no:
     Kuv xwm kab txhiaj meej pem xeeb ov, ua nqaij ua hno
    siav, yuav fij txog xwm kab, xwm kab luag ntxhiav los lees txheej, fij txog los yej,los yej luag ntxhi los lees yim.
     Xwm kab txhiaj meej pem xeeb tsawm sis ov, xyoo laus
    tas xyoo tshiab tuaj ua nqaij ua hno siav, kuv yuav teev
    yuav tiam yuav koom yuav txi txog kuv xwm kab txhiaj meej
    pem xeeb, luag ntxhiav luag ntxhi los lees nqaij lees hno.
     Lees nqaij lees hno tas, yuav lees dej lees cawv, lees
    xyab lees ntawv xwm kab txhiaj meej pem xeeb ov. Xyoo
    laus tas xyoo tshiab tuaj , kuv koom kuv txi kuv teev
    kuv tiam txog kuv xwm kab txhiaj meej, lees txheej lees
    yim luag ntxhiav luag ntxhi, ua nqaij ua hno siav luag
    ntxhiav luag ntxhi, los lees nqaij lees hno lees nyiaj
    lees txiaj, yuav los pov hwm kuv ib tse 9 5 16 leej, leej
    tub leej ki leej niam leej txiv rau vaj rau tsev.
    Leej hlob mus laj fab ua kaus tooj thaiv, leej yau mus
    toob fab ua kaus hlau ntis, neej los rub zog rau nruab
    vaj nruab tsev, dab los kwv qws rauj qws hlau ntaus ntiaj
    tog qaum pes, neej los rub zog rau nruab nrog, dab los
    kwv qws rauj qws hlau ntaus rau ntiaj tog, Kuv xwm kab
    txhiaj meej pem xeeb ov.
    Hais li no tas, muab cov xyab txhos cia.

    3.Fij dej fij cawv fij nqaij fij hno.

    - Tuav khob cawv hais li no:
     Auj! kuv yuav fij dej fij cawv, xwm kab txhiaj meej pem
    xeeb, luag ntxhiav luag ntxhi xyoo laus tas xyoo tshiab
    tuaj, kuv teev kuv tiam txog kuv xwm kab txhiaj meej pem
    xeeb,luag ntxhiav luag ntxhi los lees dej lees cawv
    auj, muab khob cawv nchuav rau ib sab rooj.

    - muab rab diav los, de ib qho nqaij qaib, ib qho mov
    thiab kua tso rau rab diav, fij li no:
    Auj! kuv fij dej fij cawv tas, kuv yuav fij nqaij fij
    hno, kuv xwm kab txhiaj meej pem xeeb ov,xyoo laus tas
    xyoo tshiab tuaj, kuv teev kuv tiam kuv koom kuv txi txog
    kuv xwm kab txhiaj meej pem xeeb, ua nqaij ua hno siav
    luag ntxhiav luag ntxhi los lees nqaij lees hno auj, kuv
    xwm kab txhiaj meej pem xeeb ov, muab rab diav nchuav rau
    ib sab rooj.  
       
    - Muab com ntawv, hwm xav txheej thiab daim xwm kab qub
    los tso ntawm ib sab rooj hauv pem teb, fij li no:
     Auj! kuv fij dej fij cawv, fij nqaij fij hno tas, kuv
    xwm kab txhiaj meej pem xeeb ov, xyoo laus tas xyoo tshiab tuaj,kuv teev kuv tiam kuv koom kuv txi txog kuv xwm kab txhhiaj meej pem xeeb, luag ntxhiav luag ntxhi los lees xyab lees ntawv lees nyiaj lees txiaj auj kuv xwm kab txhiaj meej pem xeeb ov.
     Xyoo laus tas xyoo tshiab tuaj,los pov hwm kuv ib tse
    9 5 16 leej, ntsuj niam ntsuj txiv ntsuj tub ntsuj ki,
    leej hlob mus laj fab ua kaus tooj thaiv dab txeeg, leej
    yau mus toob fab ua kaus hlau ntis dab qus, kom kuv ib
    tse nyob 10 puag niaj 10 puag xyoo auj, kuv xwm kab txhiaj meej pem xeeb ov. Muab teeb ntais zes cov ntawv hlawv rau.

    4.Muab ib txoj hlua los khi tus qaib txi xwm kab, dai cia
    ntawm ib sab xwm kab, tsis pub kom* thiab miv noj.

    III. Ntov pob ntoos xiab 1 thiab xiab 3.

      Kev ntov pob ntoos, yus tsuas laig txij yus txiv phaj
    los xwb.
     
    1. Tag kis xiab 1, muab tej qub nqaij noj tsis tas los
    rhaub, muab ib lub phaj tsum los rau 1 taig mov, 1 taig
    nqaij 1 taig kua, muab ib co rooj zaum los txawb ncig lub
    rooj rau mov ntawv, muab ib co diav los txhos ncig taig
    mov, muab 1 hwj cawv thiab 1 lub khob los tso ntawm ib sab phaj tsum, yus laig cawv tas li laig mov, yus laig li no:

    - Kuv noj tsiab peb caug xiab 1 no ces, kuv laig dej laig
    cawv ces kuv yuav laig txog, 3 txig poj 3 txig yawm sawv
    daws los nrog haus dej haus cawv, sawv daws los haus dej
    haus cawv ces, sawv daws los nrog ntis mob ntis ntsaj ntis xaiv ntis  puv, ntis khawv yaj khawv yws, ntis khawv txiv khawv kum, ntis sub tawg sub ntsha, ntis ceg xyoob ceg ntoo, ntis hmab dawm tes hlua dawm taw, ntis nab ntis qav ntis txiaj muas ntawv tuag, ntis luag ncauj nplaig qauv leg tib si.
     Cia twj ywm, kuv ua qoob ua loo, ua laj ua kam, ncig toj ncig pes kuv ua tau noj ces yuav qaij diav, tau haus ces yuav qaij khob rau nej ncauj nej lo no nej hej.Nchuav me me cawv rau ib sab phaj tsum.

    - Laig 3 txig poj 3 txig yawm tas ces, los laig yus txiv yus niam phaj ib tug zuj zus los kom tas, ces ho laig yus phaj los rau phaj tub,phaj xeeb ntxwv( nyuag hlob nyuag yau).
     Tas ntawv laig dab vaj dab tsev xws li, xwm kab txhiaj
    meej pem xeeb, dab roog dab hluas.....

    2. Laig cawv tas ho laig mov laig nqaij, laig mov laig nqaij kuj laig ib yam li laig cawv, tsuas yog yus pauv qhov tias kuv laig dej laig cawv mus tias, kuv laig nqaij laig hno no xwb.

     Laig kom txhua txhua li laig cawv ib yam, thaum laig ke
    laig ke hais mov , ke de nqaij, ke hais kua tso rau saum
    phaj tsum, laig tas muab phaj tsum ntsaig cia.
    Thaum Laig tas, yus muab 1 rab diav los, muab ib qho
    nqaij ib qho mov, ib qho kua tso rau rab diav, yus tawm
    mus sab nraum zoo, yus mus laig Txheev txhaij tim pov xwm
    fab puaj meem, xeeb teb xeeb chaw,tim tswv teb chaws.....
    hais ib yam li thaum laig cawv, laig tas ces muab rab diav ntov cov nqaij,mov,kua pov tseg, laig tas li no.

    3. Tag kis xiab 3 .

    - muab tus qaib txi xwm kab los txhoov rhaub,kom npau ces
    muab rau saum lub phaj tsum ib yam li tag kis xiab 1 .
    Yus laig cawv laig mov ib yam, yus laig tias:
     Kuv noj peb caug xiab 3 no ces, kuv laig dej laig cawv
    (laig nqaij laig hno) no ces kuv yuav laig txog.........
    Zaj lus thiab cov phaj laig, laig ib yam li laig tag kis
    xiab 1.
    - Thaum laig dej laig cawv, laig nqaij laig hno tas los
    yog (Muab tu qaib txi xwm kab laig tas).
    Muab lub ncuav los laig, yus laig tias , kuv noj peb
    caug xiab 3 tu dab moo, zaj lus thiab phaj laig, Yus laig
    ib yam li laig tag kis xiab 1.
    *** Tag kis xiab 2 tsis laig.




    bro, basically ua tsaug ntau rau koj zaj teev xwm kab no nawb, tabsis kuv nyeem tsis tawm koj lo lus "ngub" yog tawm hais lub suab lus li cas? Yuav tawm ua Nkub los yog Nyub no?
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: TXI XWM KAB PEB CAUG

    Post  xiongchang on 4th June 2014, 5:11 am

    ......Suav daws tuaj kawm paub txawj ntse lawm....Pauv hloov hais lug tshiab....Kom zoo mloog zog....Txhob hais li....Cov laug lawm....Lo lug laig....Hais tshawv txheej....Hais lug ntxhib....Tsiv mloog....Tsi zoo mloog....Kuv tug kheej pauv hloov cim peb caug xaus xyoo 1979....Tawm xyoo 1980....{Ntov pob ntoos}....Zoo mloog zog....Hu cov laug noj....Zoo mloog dua....Peb hmoob hais lug rov qab qeeg....Kuv tug kheej....Pauv hloov lug tshiab tas nrho....Hmoob tseem hais....Tej qub lug....Poj ua tseg....Yawm rhawv cia....Nplog hais tias?.... Lab xab maim dhau lawm....Suav daws yuav tau xyaum hais lug tshiab

    Sponsored content

    Re: TXI XWM KAB PEB CAUG

    Post  Sponsored content


      Current date/time is 24th June 2018, 2:11 pm