google-site-verification: googlefbfddf59e706b96b.html

Latest topics

» TUS KAB MOB CANCER TXOV HMOOB LOS TAU ZE 600 TAWM XYOO & TSEEM YUAV MUAJ NTXIV
by Liajntsuab 13th April 2018, 11:57 am

» Ib tsoom Phoojywg Nej Nyob Licas lawm
by Liajntsuab 24th March 2018, 2:14 pm

» ***UA NEEB***
by shung 8th March 2018, 5:49 pm

» Neeb Saub ua rau neeg vwm
by shung 4th February 2018, 2:58 pm

» Xiong Chang
by koobpovtxuj 10th December 2017, 11:00 am

» Koobpovtxuj.
by koobpovtxuj 19th November 2017, 1:34 am

» kuv cov duab.
by koobpovtxuj 18th November 2017, 11:30 am

» KHAWV KOOB
by koobpovtxuj 30th September 2017, 4:29 pm

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

» Kiab toom lauj npliaj yob lub qub tsev.
by Admin 1st August 2017, 5:04 pm

» Kawm LUS ROV
by koobpovtxuj 10th July 2017, 1:54 pm

» Hmong dance hiphop 2017 [ dance zoo siav heev li]
by zabyaj 15th June 2017, 12:05 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    LIAJ LWG TUS CAG TXUJ " Tshoob Kos"

    Share
    avatar
    koojziagkabzaug
    Moderator
    Moderator

    Messages : 3529
    Date d'inscription : 2010-02-28

    LIAJ LWG TUS CAG TXUJ " Tshoob Kos"

    Post  koojziagkabzaug on 3rd June 2010, 10:19 am


    KAB TSHOOB KEV KOS
    Sau Tim 10 lub 4 hlis 1989,Cacao-Guyane
    LIAJ LWG CAG TXUJ
    RHWV MWV TUS CAG PEEV

    YAJ VAM THAIV Txooj Txhim



    LUS CEV

    Nyob zoo ib tsoom kwv tij phooj ywg sawv daws,


    Chav Liaj Lwg Tus Cag Txuj no yog ib chav teev txog Hmoob tej kab tshoob kev kos, tas nrho txhua hom tshoob, xws li: Tshoob zawj, tshoob nug, tshoob coj, tshoob zij, tshoob poj ntuam, tshoob poj nrauj thiab tej kev cai cuam tshuam nyob hauv Hmoob tej kab tshoob kev kos. Txhua hom tshoob ntawd tau piav kom muaj tus txheej txheem nrog rau tus yapm ntxwv thiab cov zaj tib si ua ke. Thiab tsis hais hom tshoob twg yeej piav txij li thaum thaum pib yuav mus hais tshoob txog ntua thaum xaus tshoob, rov los tiam mej zeeg nyob hauv niam txiv pog yawg tsev.

    TSHOOB COJ

    Tshoob coj nyob hauv chav no teev txij li thaum pib yuav mus ntos tshoob ntos kos txog kiag rau thaum xaus tshoob xaus kos hauv niam txiv tog ntxhais tsev. Tus sau kuj qhia nthuav txog Hmoob tej kab lis kev cai mus thov tub tshoob tub kos. Nws tseem qhia ntxiv txog kev cai tiam tub tshoob tub kos hauv tsev thiab tub tshoob tub kos tom ub tom qab tshoob kos tiav lawm. Tus sau kuj sau txog cov lus ua tsaug tshoob kos rau cov uas tsis tau txawj ua tsaug.

    Cov txheej txheem thiab cov zaj tshoob uas tau teev nyob rau hauv chav no mas tsuas muaj raws li tus sau lub neej ua mej koob tau kaum tsib lub xyoos xwb. Muaj qee yam yuav tsis muaj teev khaws tseg rau hauv chav no. Vim hais tias tus teev Hmoob txoj kab tshoob kev kos tsis tau siv ib lub sib hawm mus tshawb nrhiav ntawm cov xib hwb kws laus. Cov zaj tshoob thiab txheej txheem nyob rau chav no tsuas teev feem ntau yoog Hmoob qaum teb, teb chaws Los Tsuas. Tus sau mam li nrhiav ib lub sib hawm tshawb fawb thiab ntxig nug cov xib hwb laus uas twb tau ua mej koob ntau niaj ntau xyoo puag qub teb qub chaw teb chaws, teb chaws Los Tsuas, los lawm. Tus sau yuav txhim kho chav no kom ceev tau Hmoob tej txuj ci tseg cia rau peb haiv neeg Hmoob mus lawm yav pem suab.

    Hmoob tuaj nyob rau sab ntuj nraum ub no, Hmoob sib tw kawm luag txuj luag ci thiab sib tw ua noj ua haus. Hmoob niam thiab txiv thiaj li tsis muaj sib hawm los nthuav kev cai dab qhuas qhia rau cov me tub me nyuam. Tus tswv nyob hauv chav no thiaj li txhob txwm tsim chav no los khaws Hmoob txuj ci tseg ua puav pheej rau tej me tub me nyuam. Kev cai dab qhuas Hmoob yog ib lub neej uas muaj meej mom zoo heev rau peb txhua tus tib neeg Hmoob. Ib tug neeg yug los ua Hmoob tiam no, nyob rau lub teb chaws no, nws yuav tsum paub tsawg kawg kiag ib yam kev cai dab qhuas Hmoob, nws lub neej thiaj li yuav tsim txiaj nto moo lug. Hmoob txhua tus, tsis hais poj niam los txiv neej, yuav tsum qee nws lub sib hawm los twm Hmoob kev cai ua tshoob ua kos nyob ntawm qhov chaw no.

    Hmoob tej txuj ci muaj nuj nqis npaum li cas? Yog peb tsis khaws Hmoob tej txuj ci, ib hnub twg luag lwm haiv neeg yuav thuam Hmoob lub npe tsis zoo. Muaj tub yuav muab nyab, muaj ntxhais ces yuav quas, hnub ntawd ces Hmoob tsis pom qab muab Hmoob tej txuj ci qhov twg los siv. Hmoob yuav mus nyiag khaws luag lwm haiv neeg txoj kev cai los siv yam ntsiag to. Txog hnub Hmoob siv nplhaib nyiaj nplhaib kub los looj nkauj nyab nraug vauv tes ces yog hnub Hmoob hnov qab Hmoob tej txuj ci. Hnub no luag lwm haiv neeg yuav thuam thiab hiam peb haiv neeg Hmoob hais tias: Hmoob yog ib haiv neeg tub nkeeg tshaj plaws nyob rau hauv lub qab ntuj khwb no. Hmoob muaj txuj los Hmoob tsis khaws. Hmoob tsuas ntshaw nyiag ntshis luag lwm haiv ntiag tug xwb.

    Koj tab tom xav li cas txog Hmoob lub neej nyob teb chaws nraum ub nod? Kuv muaj ib txoj kev ntseeg thiab npau suav tias lub neej yav pem suab peb yuav siv phau ntawv uas teev muaj cov zaj tshoob los nthuav tuav ntawm tes thiab seev suab hais zaj nyob rau hauv ib rooj tshoob. Txuj no yuav pab tau Hmoob coob tus muaj peev xwm ua tau txiv tuam mej koob. Txheej txheem tshoob yog ib yam kawm thiab to taub yooj yim. Tiam sis tus zaj tus hais nyuaj dua txheej txheem vim tias tus txiv tuam mej koob yuav tau cim txhua txhua lo lus rau hauv nws lub hlwb ua ntej nws mam li seev tau suab hais zaj. Tus zaj tus hais yuav yooj yim tshaj tus txheej txheem yog peb Hmoob txhua tus pom zoo txais tuav Liaj Lwg Tus Cag Txuj - Zaj Tshoob phau ntawv los seev suab hais zaj. (Ntseeg tias phau ntawv Liaj Lwg Tus Cag Txuj yuav raug tsim tawm rau lub neej yam pem suab ib hnub.)

    Yog li no cov zaj thiab cov txheej txheem uas tus sau teev rau hauv chav no yog txhob txwm teev los siv rau lub tswv yim nthuav ntawv nyeem zoo ib yam li ib tus xib hwb nyeem Huab Tais Ntuj tsab ntawv nyob hauv ib lub tuam tsev teev ntuj. Tus sau tau txiav ntau zaj zaj tshoob uas tsis tseem ceeb tawm. Cov zaj uas tus sau teev rau hauv no mas tsim nyog txij no lawm yav pem suab peb yuav tsum seev suab nyob rau txhua txhua rooj tshoob Hmoob. Feem ntau rooj tshoob niaj hnub no twb tsis hais ib zag zaj tshoob li. Ib rooj tshoob twg peb tsis hais ib zag zaj tshoob li, puas txhais tau hais tias peb ua raws li poj rhawv kab yawm rhawv kev. Ib rooj tshoob Hmoob muaj meej mom yuav tsum hais zaj tshoob tsawg kawg kiag yim zaj.

    Tus sau xav kom ib tsoom kwv tij neej tsa Hmoob qee nej ib lub sib hawm los kawm thiab khaws peb Hmoob tej txuj ci. Raws li tus sau tau ua mej koob kaum tsib lub xyoos, nws ntseeg tias tsis hais poj niam los txiv neej, peb txhua tus yeej ua tau mej koob. Ob-peb tug phooj ywg hais li no tias: "tus zaj tus hais mas kuv kawm tau. Tab sis kuv haus tsis taus dej cawv. Kuv thiaj li tsis tuaj yeem ua ib tug txiv tuam mej koob." Muaj tseeb tiag dej cawv yog ib yam nuj ua rau rooj tshoob rooj kos muaj meej mom. Dej cawv kuj yog ib yam cais kev phooj kev ywg yog tias ib tug haus taus hos ib tug haus tsis taus. Txij no lawm tod kev haus dej haus cawv peb yuav tau tso ywj pheej. Tus haus taus cawv cia nws xaiv seb nws haus cawv los haus dej. Tus haus taus dej xwb tso kev rau nws haus dej. Tus ho haus tsis taus dej thiab haus tsis taus cawv cia nws khaws ntxuag.

    Raws li tus sau xav, nuj nqis ntawm ib rooj tshoob Hmoob yog txhua tus laus thiab hluas zaum kom puv lub tsum. Tsoom poj niam nrog cov txiv neej zaum koom rooj thiab mas rooj tshoob ntawd haj yam muaj nuj nqis rau nkauj nyab nraug vauv heev. Nkauj nyab nraug vauv mus ua neej mas yeej tsis sib nrauj li, vim tias vaj huam poj niam thiab txiv neej sib luag. Nuj nqis tsis yog tias txhua txhua tus zaum saum rooj yuav tsum haus txhua txhua zeeg cov cawv. Coob leej zaum tsum muaj nuj nqis dua coob leej haus cawv. Coob leej haus dej, haus cawv, khaws ntxuag, muaj nuj nqis dua coob leej yuav tsum haus cawv xwb.

    Yog leej twg muaj lub txiv tswv yim zoo yuav nrog txhim kho peb haiv neeg Hmoob, nej yuav tsum kawm thiab khaws Hmoob tej txuj ci. Yog nej pom lo lus Hmoob twg tus sau teev tsis raug los sis yuam kev thov nej sau ntawv tuaj qhia. Tus sau yuav txhim kho chav no kom tsuas muaj zoo ntu zus lawm yav pem suab. Koj muaj lus txhawb nqa pab cuam lub tswv yim nthuav ntawv seev suab hais zaj thov sau koj tej tswv yim tuaj rau qhov chaw nyob hauv chav no.

    Vam thiab cia siab tias cov txuj ci nyob hauv Liaj Lwg Tus Cag Txuj chav no yuav pab tau ib tsoom kwv tij neej tsa Hmoob lub neej lawm yav pem suab. Nws yuav txhawb nqa peb txhua tus Hmoob kom txhob hnov qab txog Hmoob txuj Hmoob ci puag yav ntuj qub qab. Thov ua tsaug ntau ntau rau nej sawv daws uas tau chaws los nyeem Hmoob txuj ci hauv chav no.
    avatar
    koojziagkabzaug
    Moderator
    Moderator

    Messages : 3529
    Date d'inscription : 2010-02-28

    Re: LIAJ LWG TUS CAG TXUJ " Tshoob Kos"

    Post  koojziagkabzaug on 5th June 2010, 11:40 am



    Txheej Txheem Tshoob Kos

    Txheej txheem tshoob yog Hmoob poj thiab Hmoob yawm ib txog kev cai uas tau tsim nyob puag Tuam Tshoj teb. Txheej txheem raug pauv ua ntu zus raws Hmoob lub neej tsiv teb tsaws chaw. Vim li no Hmoob nyob Tuam tshoj, teb chaws Los Tsuas, Thaib Teb thiab Mem Kuj thiaj li ua tshoob ua kos tsis sib xws. Tej laus niaj txhis piv txoj lus hais tias: "Nyob luag ntuj ces yoog luag txuj." Hmoob nyob Mem Kuj tus txheej txheem tshoob thiaj li ntxiv nqe "Ob nplooj ntawv muas niam txiv ib puas txoj cai."

    Yog vim li cas peb thiaj li sau ob me nplooj ntawv ntsuab tso mam li ntos tshoob kos tom qab? Tej laus cem hais tias: "Hnub no koj khob qhua vauv ob choj nyiaj. Txog hnub koj rab hneev yaj kub txeeg ntsia nrawv lawv qab taw rooj ces lawv yuav taij lawv ob choj nyiaj rov qab." Vim cov poj rhawv kab yawm rhawv kev nyob rau lub teb chaws no, lub sib hawm Hmoob tsis tau tuaj coob thiab tsis muaj cov txawj ua mej koob, tau sau thiab tau them tus nqi muas lus txeej lus xuam no lawm. Niaj hnub no tshoob kos ntsig los txog mas niam txiv hauv tsev thiaj li pheej yuav tsum ntaim kom tau lawv qhov nyiaj uas lawv tau poob rau lwm rooj tshoob rov qab los. Niam txiv tom ub yog tus yuav txhaum niam txiv hauv tsev ib tug neeg lawm ces niam txiv tom ub yuav tsum tso. Lwm hnub lwm xeem neeg ho mus nphav txog niam txiv tom ub tsev neeg ces lawv mam li sau pauj.

    Txheej txheem tshoob yog Hmoob ib txog kev cai dab qhuas uas qhia tau rau lwm haiv neeg hais tias Hmoob ua tshoob ua kos muaj qib muaj quag.

    Txheej txheem tshoob no tus sau muab faib ua 3 feem dav xws li:


    • Ua ntej yuav mua hais tshoob (niam txiv tom ub tsev.)
    • Lub sib hawm ua tshoob ua kos (niam txiv tom no tsev.)
    • Tom qab tshoob kos tiav.

    Txheej txheem yog ib qho txuj ci uas kawm thiab siv yooj yim. Tab sis txheej txheem yog ib yam uas to taub nyuaj txog nws lub ntsiab. Cov Hmoob uas tsis tau paub txog tus txha txheej txheem thiaj li ke hais ke luag tias: "Ke ua ke kawm." Niam txiv kwv tij neej tsa Hmoob! Yog thaum nej paub txog tus txha txheej txheem tshoob mas yog hnub nej paub hais lo lus tsis siab txog lwm tus neeg cev nqaij daim tawv. Txog hnub nej txoj kev hlub nqis los nyob hauv lub siab lawm mas hnub no nej rua muag saib ib muag xwb mas nej yuav paub tau tias yog cov mej koob tab tom siv tus txheej txheem tshoob los sis lawv tab tom siv lawv tus cwj pwm.

    Ib tug piv txwv zoo yog nyob saum lub rooj tshoob cov mej koob siv hom khob thiab cov dej caw twg los chiv zeeg cawv haus mas tus nus tij tsuas muaj cai siv hom khob thiab cov dej cawv ntawv los zeem nws tij yawm yij xwb. Yog tus nus tij siv lub khob loj tshaj lub uas cov mej koob chiv raws zeeg cawv mas tus nus tij ntawd yog ib tug neeg muaj pluaj siab xav tsim txom nws tus yawm yij kom poob ntsej muag. Tsis tag li ntawd xwb cov nus tij uas tsis zaum saum lub rooj kuj tsis muaj cai los zeem tus yawm yij. Yog cov nus tij sab nraud yog ib co neeg paub kev cai tshoob ko, lawv xav zeem tus yawm yij mas lawv yuav tsum ywj lawv tus yawm yij. Piv hais tias tus yawm yij kom tus nus tij pab haus ces tus nus tij yuav tsum tau haus kheej. Tus nus tij sab nraud tsis muaj txoj cai kom tus yawm yij pab nws. Vim tus nus tij sab nraud lub ntsiab lus uas nws zeem yog kev sib cog ua yawm yij yawm dab, tsis yog kev tsim txom kom qaug dej qaug cawv.

    Niam txiv kwv tij neej tsa sawv daws! Yog nej tsuas ntsia txog txoj kev lom zem uas nej yuav tau txais lub sib hawm nej ua rau lwm tus tsis to taub tias nej tab tom ua dab tsi mas nej yuav tsis muaj hnub to taub txog tus txha lub ntsiab tseeb. Nej yuav tsum qi nej ob lub qhov muag thiab cuab pob ntseg mloog lwm tus neeg txoj kev ntshaw nyob hauv nws nruab siab mas nej thiaj li yuav paub txog hais tias kab tshoob kev kos no muaj nuj nqis npaum li cas rau peb haiv neeg Hmoob.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3529
    Date d'inscription : 2010-02-28

    Re: LIAJ LWG TUS CAG TXUJ " Tshoob Kos"

    Post  koojziagkabzaug on 6th June 2010, 2:08 am



    Txheej Txheem Tshoob kos



    • Lwm qaib ntawm qhov rooj
    • Thov neeg mus fi xov
    • Mus fi xov tom niam txiv tsev
    • Txhiaj txheej npaj mus fi xov
    • Mus thov txiv tuam mej koob
    • Mus thov txiv lwm mej koob
    • Mus thov phib laj
    • Mus thov niam txais ntsuab
    • Hu tub nyab plig
    • Cob hauj lwm rau tub tshoob tub kos
    • Cob hauj lwm rau txiv tuam mej koob
    • Cob hauj lwm rau txiv lwm mej koob
    • Cob hauj lwm rau phib laj
    • Cob hauj lwm rau niam txais ntsuab
    • Lus thov niam thiab txiv nta tshoob kos
    • Lus hais rau niam hlob txiv hlob, niam ntxawm txiv ntxawm
    • Lus hais rau niam tij thiab tij laug
    • Lus hais rau kwv tij neej tsa
    • Tub tshoob tub kos Lus ua tsaug cawv
    • Txheej txheem cob kaus
    • Txhiaj txheej nyob hauv lub kawm
    • Txheej txheem cob nyiaj
    • Cheem niam thiab txiv nyob hauv tsev tos
    • Noj sus tom kev - thaum mus
    • Mus txog ntawm niam txiv tsev
    • Rub rooj hais tshoob
    • Ntos thawj 2 nqe lus
    • Ntos txog lub xo
    • Ntos lus xeej lus xuam
    • Lus xuam - 1
    • Lus xuam - 2
    • Nyiaj sia siv





    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    Liajlwg
    Developer
    Developer

    Messages : 186
    Date d'inscription : 2010-07-01

    Re: LIAJ LWG TUS CAG TXUJ " Tshoob Kos"

    Post  Liajlwg on 29th July 2010, 5:27 pm



    ZAJ TSHOOB HAIS NTUAS NTXHAIS THAUM YUAV TSA SAWV KEV
    avatar
    Liajlwg
    Developer
    Developer

    Messages : 186
    Date d'inscription : 2010-07-01

    Re: LIAJ LWG TUS CAG TXUJ " Tshoob Kos"

    Post  Liajlwg on 29th July 2010, 5:36 pm


    avatar
    Liajlwg
    Developer
    Developer

    Messages : 186
    Date d'inscription : 2010-07-01

    Re: LIAJ LWG TUS CAG TXUJ " Tshoob Kos"

    Post  Liajlwg on 29th July 2010, 5:54 pm


    avatar
    Liajlwg
    Developer
    Developer

    Messages : 186
    Date d'inscription : 2010-07-01

    Re: LIAJ LWG TUS CAG TXUJ " Tshoob Kos"

    Post  Liajlwg on 29th July 2010, 6:10 pm


    avatar
    Liajlwg
    Developer
    Developer

    Messages : 186
    Date d'inscription : 2010-07-01

    Re: LIAJ LWG TUS CAG TXUJ " Tshoob Kos"

    Post  Liajlwg on 29th July 2010, 6:15 pm


    avatar
    koojziagkabzaug
    Moderator
    Moderator

    Messages : 3529
    Date d'inscription : 2010-02-28

    Re: LIAJ LWG TUS CAG TXUJ " Tshoob Kos"

    Post  koojziagkabzaug on 5th August 2010, 12:34 am



    Nyob zoo LiajLwg,

    Zoo kawg, tso cov suab thiab mas thiaj paub hais tias hais zaj tshoob yog hais li cas no.
    Yog ib qho zoo heev uas peb sib pab khaws txuj Hmoob, yam li yav nram ntej ub yog lub cim xeeb nco tseg xwb, zaum no peb kawm ntawv, txawj sau ntawv lawm ces peb lub cim xeeb tsis zoo li txheej laus thaud, peb nco tsis tau li qub lawm; txhua yam peb yuav muab sau tseg thiaj yuav khaws tau tseg rau tej xeeb leej xeeb ntxwv tom qab.




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: LIAJ LWG TUS CAG TXUJ " Tshoob Kos"

    Post  Hmoob ntuj qub qab on 26th October 2010, 1:02 am

    Koojziagkabzaug

    Zaj tshoob ob peb txwm os


    avatar
    koojziagkabzaug
    Moderator
    Moderator

    Messages : 3529
    Date d'inscription : 2010-02-28

    Re: LIAJ LWG TUS CAG TXUJ " Tshoob Kos"

    Post  koojziagkabzaug on 5th March 2011, 5:49 pm

    Liaj Lwg Tus Cag Txuj, ntau zaj zaj tshoob

    nias ntawm daim duab mus nyeem



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: LIAJ LWG TUS CAG TXUJ " Tshoob Kos"

    Post  Hmoob ntuj qub qab on 6th March 2011, 10:20 pm

    Nyob zoo os Koojziagkabzaug

    Ua nws tsaug ntau os nws muab Liaj Lwg tus cag txuj (Tshoob kos) los cia rau hauv Nws lub tsev Zoo nkauj no yuav ua ib qho puav pheej rau peb cov Tub Ntxhais tau kawm nyob mus txheej dhau txheej os.
    Zoo kawg li nws ua thaum pib mus txog rau thaum xaus kiag yog leej twg txawj khaws muab khaws cia tau kawm nws yuav muaj txiaj ntsim zoo rau lub neej pem suab os .

    Peb Hmoob kab lis kev cai zoo kawg li yog tsis khaws cia ib hnub yuav ploj mus lawm tiag xyov tom ntej no tej Tub Ntxhais yuav ua Tshoob kos li cas...






    avatar
    koojziagkabzaug
    Moderator
    Moderator

    Messages : 3529
    Date d'inscription : 2010-02-28

    Re: LIAJ LWG TUS CAG TXUJ " Tshoob Kos"

    Post  koojziagkabzaug on 7th March 2011, 9:09 am


    Nyob zoo Hmoob ntujqubqab,

    Tsis yog kuv ua lub website zaj tshoob nob, yog Ntsuab Npis Xyoojlub Koom Haum nyob USA ua xwb. Ntsuab Npis tsis tau laus kiag li, tab sis nws lub neej twb tag lawm...Khuv xim kawg uas tej tug neeg zoo, muaj nqes ho tsis nyob ntev rau ntiaj teb tau siv...


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: LIAJ LWG TUS CAG TXUJ " Tshoob Kos"

    Post  Hmoob ntuj qub qab on 9th March 2011, 8:21 pm

    koojziagkabzaug wrote:
    Nyob zoo Hmoob ntujqubqab,

    Tsis yog kuv ua lub website zaj tshoob nob, yog Ntsuab Npis Xyoojlub Koom Haum nyob USA ua xwb. Ntsuab Npis tsis tau laus kiag li, tab sis nws lub neej twb tag lawm...Khuv xim kawg uas tej tug neeg zoo, muaj nqes ho tsis nyob ntev rau ntiaj teb tau siv...

    Nyob zoo Koojziagkabzaug

    Auj..., khuv xim tej tus neeg txawj Zaj Tshoob li no os yuam, cas yuav tsis nyob kom ua Laus neeg li nas, Ntuj e cas tsus nqus tes es ho yuav nqus taw os pab nws tsev neeg tu siab os.
    Zoo siab nws coj los khaws cia rau ntawm no ua puav pheej os Hmoob leej Ntxhais.
    Tsam yog Yawg Tswv los coj mus mav...



    ThoobVwj
    Guest

    Ua tsaug Lub Koom haum Txuj ci Hmoob sib qhia los

    Post  ThoobVwj on 6th May 2011, 12:54 am

    Laughing
    Kuv Zoo siab thiab muaj lus ua tsaug rau cov ua niam ua txiv, cov kuv tij ua hauj lwm nyob rau lub Koom haum Txuj ci Hmoob sib qhia los, tshaj plaws mas yog cos Kws tau qhia nws lub tswv yim, nws txoj kev paub kom sawv daws muab sau tau ua ntaub ntawv tseg. Kuv yog ib tug tub hluas xwb, tsis paub qab hau dab tsi txog peb Hmoob li kev cai, txuj ci. Tiam sis, kuv yeej xav paub thiab xav kawm peb tej txuj ci kawg nkaus. Kuv tsuas kawm kom kuv paub thiab tau piav rau luag lwm haiv neeg kom lawd nkag siab rau peb txuj ci xwb. Vim tam sim no kuv ua hauj lwm nyob rau hauv "Committee Ethnicity - Government" teb chaws Nyab Laj (Cob Tsib teb), tsis muaj sij hawm mus ua kev cai Hmoob.
    Kuv zoo siab tshaj plaws vim tseem muaj nej cov paub tab, paub hauj lwm pab ceev tau peb cov txuj ci Hmoob tseg los txog hnub no. Tsis tas li ntawv, nej tseem tsa tau ntau lub Website tso peb li txuj ci Hmoob rau peb sawd daws tuaj siab thiab nyeem. Peb cov Hmoob nyob Cob Tsib teb tseem txom nyem heev thiab tsis tau muaj kev paub ntau. Peb tsis tau ua tau yaj yeeb, video, hu nkauj, los sis muab yus tej txuj ci tshawb nrhiav sau tseg. Vim li ntawv, peb xav paub txhua yam ces tseem yog tuaj saib nej hauv no thiab lwm lub Website xwb.
    Piv xam li kuv nyiam tshuab raj heev: Raj Pum lib mas kuv txua tau tiam sis raj plaim kuv txua tsis tau. Tsis paub mus yuav qhov twg coj los tshuab li.
    Muaj ntau yam txuj ci Hmoob kuv nug cov laus ces lawv tsis paub tias Keeb Kwm ntawm qhov txuj ci ntawd tsim los zoo li cas tiag? Lawd tsuas hais tias tej laus ua li cas ces ua li ntawv xwb? Tsis paub xyov vim li cas ho ua li ntawv? Piv xam li: Kuv nug lawv tias vim li cas ho ua "Neeb sau sub", nej peb caug ho mus lwm sub? Lawd teb tias ib xyoo puas ncig los txog es mus lwm kom muab tej vij sub, vij sw nquas mus rau zaj pag zaj nqho, kom vaj tse, ib tsoom kwv tij tsis muaj mob muaj nkeeg, ua tau noj tau haus, khwv nyiaj khwv txiaj los kom tau.... Tiam sis lub hauv paus thaum ub yog vim li cas ho ua zoo li ntawd? cas ho tsis ua lwm yam li luag lwm haiv neeg? ces cov laus tsis paub tias Keeb kwm ntawm qhov txuj ci ntawd thaum ub yog vim li cas thiaj muaj nws?
    Hais los mus rau txhua yam xws li: Keeb kwm Hmoob; Keeb kwm tshoob kos; Keeb kwm kab ke pam tuag; Keeb kwm qeej, raj, ncas, hais kwv txhiaj, lus taum, paj huam, taum huam, tshuab nplooj.... Kev cai siv tej txuj ci ntawd zoo li cas los cov laus kuj nco tsis tau zoo.
    Kuv muaj hmoo tau nyeem nej ob peb phau ntawv xws li: Kab tshoob kev kos, kab ke pam tuag... thiab nrhiav hauv Internet ces paub qho me ntsis xwb. Lub koom haum Txuj ci Hmoob sib qhia los kuj piav ntau phau ntawv hais txog peb tej txuj ci Hmoob. Kub kuj xav tau cov phau ntawv no coj los saib heev li.
    Tos kuv tau hais li no los kuv pom tau li tus tau tsim cov phau ntawv no thiab. Yog peb tsis muab tshawb nrhiav sau tseg ces peb tej txuj ci yuav ploj zuj zus. Tsis tas li ntawd, peb yog neeg Hmoob mas peb yuav tsum paub txuj ci Hmoob. Yog nej tsis paub mas nej tseem yuav raug luag thuam, siab nej tsis rau nqi. Nej yuav tsum paub hais tias yav tag dhau los, haiv neej twg yuav ua kom lwm hais neeg nyoo yus mas lawd muab lawd tej txuj ci muas piav ua ntej, yuam ua ntej. Hnub twg lawd tej txuj ci nkag tau rau yus ces yus cia li ua tus swb xwb. Thaum ntaws koj yuav mus poog luag, vim koj tsis khaws koj tej txuj ci, tam sim no koj tsis muaj dab tsi siv lawm ned.
    Kuv tham me ntsis li no xwb, vam thiab cia siab hais tias nej cov paub ntaub yuav tsum qhuab qhia ntxiv, hos cov tsis tau paub los yuav tsum mob siab kawm. Luag twb hais tias tsis tas yuav mus kawm los ua nom, ua huab tais, kawm kom yus txawj yus ntse txhob raug luag thuam, luag haub luag ntxias; kom peb txhob ua neej poob qab xwb. Koj txawm tsis ua txiv qeej, tsis ua mej koob, ... los koj kawm tau ces haj yam zoo xwb.
    Ua tsaug nej sawd daws!
    avatar
    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: LIAJ LWG TUS CAG TXUJ " Tshoob Kos"

    Post  Hmoob ntuj qub qab on 6th May 2011, 1:20 am


    Nyob zoo Phooj ywg Thoobvwj

    Zoo siab koj tuaj ncig txog peb lub Forum no peb kuj tsim muaj ntau yam zoo feem ntau yog kab lis kev cai thiab lwm yam.
    Peb Hmoob tsis hais nyob lub teb chaws twg yog tsis khaws Hmoob tej txuj ci ces muaj ib hnub yuav ploj mus tiag yog li koj nyob rau Cob tsib teb xav kom koj khaws tej txuj ci no cia muab sau ua ib phau ntawv ntawm koj tug cia tau qhia rau cov xeeb leej xeeb ntxwv tom qab.

    Kom peb Hmoob txuj ci nyob mus txheej dhau txheej.
    Kuv los kuj kawm ntau yam kab lis kev cai Hmoob hais txog siv kab lis kev cai ces kuv yeej siv tau lawm thiab os.


    avatar
    koojziagkabzaug
    Moderator
    Moderator

    Messages : 3529
    Date d'inscription : 2010-02-28

    Re: LIAJ LWG TUS CAG TXUJ " Tshoob Kos"

    Post  koojziagkabzaug on 7th May 2011, 2:18 am

    ThoobVwj wrote: Laughing
    Kuv Zoo siab thiab muaj lus ua tsaug rau cov ua niam ua txiv, cov kuv tij ua hauj lwm nyob rau lub Koom haum Txuj ci Hmoob sib qhia los, tshaj plaws mas yog cos Kws tau qhia nws lub tswv yim, nws txoj kev paub kom sawv daws muab sau tau ua ntaub ntawv tseg. Kuv yog ib tug tub hluas xwb, tsis paub qab hau dab tsi txog peb Hmoob li kev cai, txuj ci. Tiam sis, kuv yeej xav paub thiab xav kawm peb tej txuj ci kawg nkaus. Kuv tsuas kawm kom kuv paub thiab tau piav rau luag lwm haiv neeg kom lawd nkag siab rau peb txuj ci xwb. Vim tam sim no kuv ua hauj lwm nyob rau hauv "Committee Ethnicity - Government" teb chaws Nyab Laj (Cob Tsib teb), tsis muaj sij hawm mus ua kev cai Hmoob.
    Kuv zoo siab tshaj plaws vim tseem muaj nej cov paub tab, paub hauj lwm pab ceev tau peb cov txuj ci Hmoob tseg los txog hnub no. Tsis tas li ntawv, nej tseem tsa tau ntau lub Website tso peb li txuj ci Hmoob rau peb sawd daws tuaj siab thiab nyeem. Peb cov Hmoob nyob Cob Tsib teb tseem txom nyem heev thiab tsis tau muaj kev paub ntau. Peb tsis tau ua tau yaj yeeb, video, hu nkauj, los sis muab yus tej txuj ci tshawb nrhiav sau tseg. Vim li ntawv, peb xav paub txhua yam ces tseem yog tuaj saib nej hauv no thiab lwm lub Website xwb.
    Piv xam li kuv nyiam tshuab raj heev: Raj Pum lib mas kuv txua tau tiam sis raj plaim kuv txua tsis tau. Tsis paub mus yuav qhov twg coj los tshuab li.
    Muaj ntau yam txuj ci Hmoob kuv nug cov laus ces lawv tsis paub tias Keeb Kwm ntawm qhov txuj ci ntawd tsim los zoo li cas tiag? Lawd tsuas hais tias tej laus ua li cas ces ua li ntawv xwb? Tsis paub xyov vim li cas ho ua li ntawv? Piv xam li: Kuv nug lawv tias vim li cas ho ua "Neeb sau sub", nej peb caug ho mus lwm sub? Lawd teb tias ib xyoo puas ncig los txog es mus lwm kom muab tej vij sub, vij sw nquas mus rau zaj pag zaj nqho, kom vaj tse, ib tsoom kwv tij tsis muaj mob muaj nkeeg, ua tau noj tau haus, khwv nyiaj khwv txiaj los kom tau.... Tiam sis lub hauv paus thaum ub yog vim li cas ho ua zoo li ntawd? cas ho tsis ua lwm yam li luag lwm haiv neeg? ces cov laus tsis paub tias Keeb kwm ntawm qhov txuj ci ntawd thaum ub yog vim li cas thiaj muaj nws?
    Hais los mus rau txhua yam xws li: Keeb kwm Hmoob; Keeb kwm tshoob kos; Keeb kwm kab ke pam tuag; Keeb kwm qeej, raj, ncas, hais kwv txhiaj, lus taum, paj huam, taum huam, tshuab nplooj.... Kev cai siv tej txuj ci ntawd zoo li cas los cov laus kuj nco tsis tau zoo.
    Kuv muaj hmoo tau nyeem nej ob peb phau ntawv xws li: Kab tshoob kev kos, kab ke pam tuag... thiab nrhiav hauv Internet ces paub qho me ntsis xwb. Lub koom haum Txuj ci Hmoob sib qhia los kuj piav ntau phau ntawv hais txog peb tej txuj ci Hmoob. Kub kuj xav tau cov phau ntawv no coj los saib heev li.
    Tos kuv tau hais li no los kuv pom tau li tus tau tsim cov phau ntawv no thiab. Yog peb tsis muab tshawb nrhiav sau tseg ces peb tej txuj ci yuav ploj zuj zus. Tsis tas li ntawd, peb yog neeg Hmoob mas peb yuav tsum paub txuj ci Hmoob. Yog nej tsis paub mas nej tseem yuav raug luag thuam, siab nej tsis rau nqi. Nej yuav tsum paub hais tias yav tag dhau los, haiv neej twg yuav ua kom lwm hais neeg nyoo yus mas lawd muab lawd tej txuj ci muas piav ua ntej, yuam ua ntej. Hnub twg lawd tej txuj ci nkag tau rau yus ces yus cia li ua tus swb xwb. Thaum ntaws koj yuav mus poog luag, vim koj tsis khaws koj tej txuj ci, tam sim no koj tsis muaj dab tsi siv lawm ned.
    Kuv tham me ntsis li no xwb, vam thiab cia siab hais tias nej cov paub ntaub yuav tsum qhuab qhia ntxiv, hos cov tsis tau paub los yuav tsum mob siab kawm. Luag twb hais tias tsis tas yuav mus kawm los ua nom, ua huab tais, kawm kom yus txawj yus ntse txhob raug luag thuam, luag haub luag ntxias; kom peb txhob ua neej poob qab xwb. Koj txawm tsis ua txiv qeej, tsis ua mej koob, ... los koj kawm tau ces haj yam zoo xwb.
    Ua tsaug nej sawd daws!

    Nyob zoo Hmoob Ntujqubqab thiab Thoob Vwj,

    Hmoob Ntujqubqab,

    Ua tsaug nws tuaj tawm tswv yim rau kwv tij Thoob Vwj thiab, kuv khwv khwv es kuv tssi khoom tuaj xyuas, kuv twb tsis nco pom neb tham...Kuv pom tshwm nyob hauv E_mail, kuv mam rov los saib xwb...

    Thoob Vwj,

    KOj cov lus yeej tssi poob ib qho li, yog peb Hmoob tsis khaws peb txuj ces peb yuav tsis yog ib "haiv" lawm, vim peb yuav tsis muaj kab lis kev cai, txuj ci...Kuv ua koj tsaug uas koj tseem yog ib tug hluas mob siab rau Peb Hmoob tej txuj thiab. Kuv los kuj zoo siab rau coob leej cov ua viv ua tij, ua kwvn, ua ua niam ua txiv uas twb tau khaws Hmoob txuj los ntev lawm ais peb cov tom qab no thiaj li muaj fwv tsam paub txog Hmoob txuj ci, kev txawj ntse thiab Hmoob lub ntsiab Liv Xwm.

    Thaum kuv ntsia Hmoob ua Hmoob tej kev cai thiab nthuav txuj ci mas kuv pom tau tias Peb Hmoob thaum ub peb yog ib haiv neeg muaj "Vaj muaj Fwv, muaj Huab Tais Vaj Ntxwv. Vim lawv tus yam ntxwv txaum yim, rub rooj, hais lus, plov meej, txais yim, muab lus...thc...Mas yog ib tug yam ntxwv Vaj Fwv...Kuv tuaj rau Fab Kis teb thaum kuv muaj 16 xyoo, kuv tau nrog cov tsev neeg Fab Kis, kuv tau nrog cov tsev neeg noob Huab tais nyob tau 3 xyoos, kuv ntsia lawv cov yam ntxwv, lawv txawj ua tej qhov yam ntxwv sib hwm mas kuv rov pom Peb Hmoob tej kab lis kev cai thiab txuj ci muaj nqes heev dua tuaj. Yam li Hmoob khiav khiav, tsiv tsiv teb chaws, lawv txom txom nyem, tab sis lawv tseem muab xyoob los txua ua lub pib, muab ntoo los txua ua ib lub rooj, txawm yuav txua ua lub npe rooj dog dig xwb los nws muaj lub npe "ROOJ" no rau thiab "kev sib hwm, saib hlob" mas yog ib qho zoo nkauj tshaj plaws.

    Cov uas lawv kawm txawj kawm ntse, lawv hais tias Hmoob kev cai tsis muaj nqes, tssi muaj qab hau no mas ntshe lawv yuam kev lawm...


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3529
    Date d'inscription : 2010-02-28

    Re: LIAJ LWG TUS CAG TXUJ " Tshoob Kos"

    Post  koojziagkabzaug on 10th December 2011, 4:42 pm


    Bee Yang on the Origin of Zaj Tsim Tshoob (Hmong Wedding)





    Hmong Marriage Project LWM QAIB





    FI XOV

    Bee Yang on the Concept of "Fi Xov" and "Lwm Qaib"



    Last edited by koojziagkabzaug on 13th December 2011, 10:18 am; edited 3 times in total


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3529
    Date d'inscription : 2010-02-28

    Re: LIAJ LWG TUS CAG TXUJ " Tshoob Kos"

    Post  koojziagkabzaug on 10th December 2011, 4:45 pm



    Bee Yang on the Role of a "Mej Koob txoj hauj lwm"

    Qhia laig dab tog kev, qhia hais lus hauv rooj tshoob,...



    Last edited by koojziagkabzaug on 13th December 2011, 10:12 am; edited 2 times in total


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3529
    Date d'inscription : 2010-02-28

    Re: LIAJ LWG TUS CAG TXUJ " Tshoob Kos"

    Post  koojziagkabzaug on 10th December 2011, 4:50 pm


    Bee Yang on Role Expectations



    Last edited by koojziagkabzaug on 13th December 2011, 10:09 am; edited 1 time in total


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3529
    Date d'inscription : 2010-02-28

    Re: LIAJ LWG TUS CAG TXUJ " Tshoob Kos"

    Post  koojziagkabzaug on 10th December 2011, 4:52 pm



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3529
    Date d'inscription : 2010-02-28

    Re: LIAJ LWG TUS CAG TXUJ " Tshoob Kos"

    Post  koojziagkabzaug on 10th December 2011, 5:07 pm



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: LIAJ LWG TUS CAG TXUJ " Tshoob Kos"

    Post  xiongchang on 21st May 2012, 8:12 am

    - Ua ntej no, Thov zam txim ntau ntawm; Tug tswv tsim chav....Tham piav txog, Txheej txheem tshoob kos; Thov cuam tshuam lug me ntsis....Kuv xav tias, Tsim nyog lawm; Uas peb haiv hmoob; Yuav tau tso tseg....Ob yam xws li, Muab nyiaj txiag; Ua zog loj pua kev....Siv dej cawv dag zog, Thov mej koob nqa kaus; Nqeg tsev zawj....Luag tej ntxhais mog, Yuav ua poj niam; Tug ntxhais tsi nyiam; Tug ntxhais tsi kam yuav....Tug ntxhais tsi yeem, Los muab nyiaj xiab qab rooj ntsaws tus niam tais, Yawm txiv neej nus qhov ncauj ntau; Lawv pom nyiaj ntau tsaus muag....Saib tej ntxhais nkauj muam txoj sia zoo li tsiaj, Xav ntes tua noj ywj siab; Xav ntes muag nyiaj ywj pheej.....Peb haiv hmoob txoj kev, Siv dev npua cai; Quab yuam nias ntxhais.....Ncauj liab vog, Cuag nplaig yaim tau txiv ntswg; Cuag ntuj yog yug ntoo....Ntiaj teb yog yug tswj, Nus tij muaj plhus kawg; Siv fwj chim....Nthos muam tes, Tom txaj cab qhawv; Cob yawm yij tes....Pua chaw ntawm hauv plag, Yawm yij txiag muam; Tsaj nyuj nyo....Rau yug ntsia, Ntshe hmoob ua dhau cai lawm pob; Tsi muaj leej twg? Muaj cai txhwj cheem tau li, Thaum ntxhais chim siab dhau; Kev twg tas....Tsi muaj leej twg pab, Xum muab yeeb de tshuaj noj tuag; Tua tug kheej pov tsev.....Tsi khuv xim siav, Tsuav khiav dim; Kev quab yuam caij tsuj....Vim tsi yog; Nkauj sia nraug swm....Ib txwm tham, Ib txwm deev; Ib txwm hlub nco tshua....Tug ntxhais nyiam, Tug ntxhais yeem; Tsuas yog tug tub ntsib thawj zaug "Nyiam dhau" Pom dheev thawj muag "Ntshaw heev" Yog tsi tau mas "xxum tuag" Tsi ua neeg "Tab sis" Thaum yuav tau ua poj niam lawm "Tsi hlub li" Thaum nyiam, Thaum ntshaw; Thaum lav lug...."Ciaj yuav hlub - Tuag yuav plhw" Niaj hnub tseev zam ncus, Tham hluas nkauj; Yuav niam yau....Cais txaj tshem ncoo, Tso kab theeb tim puam, Tsi quav ntsej; Noj qhau ntxuag kua muag....Taug kev nrog dab tsov seev, Muaj ib txhia; Ntsib nthav thawj zaug "nyiam dhau" Tham tsi tau, Hluas nkauj tsi nyiam; Tsi kam yuav....Muab khoom pov, Pob tawb paj ntaub; Ntsaws qab hauv ncoo.....Pov saum kawm, Muab lwm tug tub hluas; Hluas nkauj nyiam npe dag neev tua....Muab nyiaj pub Ntxias, Cov viv ncaus; Muab khoom pub khoom tuam....Yaum kwv tij coob, Zov kev txhom zij ntes yuav; Quaj has zej....Qw ha zog....Niam tais viv ncaus nyab, Rho qws log tawg; Txhib tawg kav qos ntoo....Nplawm ntaus, Cuag ntaus dev; Nplawm tsiaj txhu....Tsi txuas siav, Tsi txuag ntsej muag; Los nyiam dhau....Tsi tso li, Xum tiv nplawm qws tuag; Ua dev pliaj thov....Ua dev plhu chawj yuav, Pe pob tw tsa nqug; Cuag yoov tshaj cum.....Ntxais nqug ntshav, Rho nyiaj txiag; Pub niam tais viv ncaus nyab....Ntau npaum twg? Tsi khuv xim, Tsuav tau xwb; "Tab sis" Thaum tau lawm, Hnub tsi ntev; Hmo tsi ntau....Peb plaub tug me nyuam, Tawv plab txaij; Cuag taub nkawg....Khawm txaus tsw paus, Puag dhuav tsw quav; Ua ntia tseg....Peb hmoob yuav tau tso, Lub siab phem; Lim hiam....Ntais ntuj, Txia ntshav no; Pov tseg....Puam xeeb nyiam, Puam xeeb ntshaw; Puam xeeb Yuav....Yuav txog hnub kawg; Puam xeeb ntshaw....Yuav txog hnub tuag, Thiaj tsim nyog; Ua heev npaum zoo li....Cov niaj hnub mus nplog teb.
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: LIAJ LWG TUS CAG TXUJ " Tshoob Kos"

    Post  xiongchang on 21st May 2012, 5:21 pm

    - Peb haiv hmoob, Yuav tau tso tseg; Nus qhaib muam ntxhais zoo nkauj rau "Nus tub" Puag thaum me, Npog cia; Tsi qhia paub; Muam qhaib nus ntxhais zoo mog rau "Muam tub" Puag thaum yau, Zais ntshig; Tsi pub hnov....Thaum tub ntxhais loj hlob tiav nraug, Tiav nkauj ntsug; Tub deev muaj zoo swm nkauj....Ntxhais tham muaj zoo swm nraug, Mam muab nkawd; Yuavm sib yuav....Ua lub neej lwj siab ntsuav, Cuag muab ntses cais pag; Cais dej ib tug nyob ib lub pag....Ib leeg nyob ib tug dej tas sim neej tsi sib cuag, Peb haiv hmoob lub neej no; Phem kawg nkaug....Sawm tsi nyog, Yuav tsi tau; Kuv tug no....Lub qhov muag pom, Suav tsi txheeb....Tub ntxhais, Cia xaiv ywj siab; Yuav ywj pheej....Raws nyiag nyiam ntshaw cia siab ntawm lub neej, Txoj kev xav:....Human Right.
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: LIAJ LWG TUS CAG TXUJ " Tshoob Kos"

    Post  xiongchang on 22nd May 2012, 6:29 am

    - Nyob zoo os, Cov phooj ywg tswv chav; Qhia txog hmoob kab tshoob kev kos....Liaj lwg rhwv mis, Tug cag txuj tshoob kos; Poj rhawv tseg....Yawm rhawv cia, Yeej zoo kawg nkaug; Kuv thov qhuas....Thiab txhawb nqa, Khaws hmoob puav pheej tseg; Ua pov hauv....Rau tub xeeb leej xyaum, Ntxhais xeeb ntxwv kawm; Ua qauv cia....Ib haiv neeg, Yeej muaj ib yam zoo "Tab sis" Ua ntej no, Thov zam txim ntawm; Tug tswv chav....Liaj lwg rhwv mis, Tug cag txuj kab tshoob kev kos; Kuv tau nkag los....Cuam tshuam lug me ntsis, Hais txog; Peb hmoob kev yuav poj niam....Qua ntxhais li, Kuv tau piav ob zaj lug saum toj no; Yog ib qho tawm tswv yim....Pauv kev xav, Pauv kev hloov me ntsis; Vam cia siab tias....Nej tsoom phooj ywg, tug tswv chav tsim vag sab; Yuav zam txim pub; Vim kuv xam pom tias....Yav tas lawm, Los niaj hnub no; Peb haiv hmoob yeej ib txwm muaj li; Kuv hais ntawd....Ua rau tej tub lub neej, Txoj kev taug tsi kawg; Tej ntxhais chim siab....Vim tsi muaj tug pab, Tsi muaj tub cawm txoj sia; Thaum kev twg tas....Thiaj txiav txim siab, Muab yeeb de tshuaj noj tuag; Tua tug kheej pov tseg; Tsi khuv xim siav....Tsi nco niam txiv txiaj ntsig, Thaum me txog thaum loj hlob tiav nkauj; Ua txoj kev taug....Ncaim tas ib sim neej, Kuv kuj pab tu siab kawg nkaug li os; Es thov nej txhua tug....Zam txim pub, Kuv ob zaj lug saum toj no; Ua ib qho kev xav mog.

    Sponsored content

    Re: LIAJ LWG TUS CAG TXUJ " Tshoob Kos"

    Post  Sponsored content


      Current date/time is 15th July 2018, 1:47 pm