HMOOB TSAV NTUJ

Would you like to react to this message? Create an account in a few clicks or log in to continue.

google-site-verification: googlefbfddf59e706b96b.html

Latest topics

» Ib tsoom Phoojywg Nej Nyob Licas lawm
by Liajntsuab 7th October 2019, 9:45 am

» NCIG XYUAS HMOOB NYAB LAJ TEB TSEEM UA LUB NEEJ NYOB TOJ SIAB
by Tub kev deb 3rd October 2019, 7:19 am

» Tshuaj Ntsuab
by PIJPAUJ 27th November 2018, 11:17 am

» NYOB ZOO OS
by cwjmemdub 10th October 2018, 9:37 pm

» TUS KAB MOB CANCER TXOV HMOOB LOS TAU ZE 600 TAWM XYOO & TSEEM YUAV MUAJ NTXIV
by Liajntsuab 13th April 2018, 11:57 am

» ***UA NEEB***
by shung 8th March 2018, 5:49 pm

» Neeb Saub ua rau neeg vwm
by shung 4th February 2018, 2:58 pm

» Xiong Chang
by koobpovtxuj 10th December 2017, 11:00 am

» Koobpovtxuj.
by koobpovtxuj 19th November 2017, 1:34 am

» kuv cov duab.
by koobpovtxuj 18th November 2017, 11:30 am

» KHAWV KOOB
by koobpovtxuj 30th September 2017, 4:29 pm

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

Tsev seev PajHuam

Txawj Vaag Yaaj lub Tsev paj huam Nraug_11

Hmong beauty nature

Txawj Vaag Yaaj lub Tsev paj huam Dsc08613

Compteur visitor

hnub 18/09/2010 los mus

2 posters

    Txawj Vaag Yaaj lub Tsev paj huam

    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Txawj Vaag Yaaj lub Tsev paj huam Empty Txawj Vaag Yaaj lub Tsev paj huam

    Post  koojziagkabzaug 25th May 2010, 11:42 am



    Posted 17 October 2008 - 03:20 PM


    "TXIV UA NTEJ TUB TUA NTXIV"

    Puag hnub hmos
    Nyuam qhuav dhau los
    Lauj Kiab Toom
    Thauj coj txib tsoom
    Ua tus ib
    Sawv pib yawg thib
    Tsim qhia chiv
    Tsa Hmoob de txiv
    Nqa me thoob
    Tub Npis Lis Foom
    Sawv los koom
    Tho kev ua ntej
    Qhia cog nplej
    Txua nom ua tswv
    Txoj kev khwv
    Nyob hauv los kuj
    Cob kawm txuj
    Nrog haiv neeg Nplog
    Thaum kawj r.o.g.
    Hluav taws kub xov
    Hlob Vaj Pov
    Ho los tuav coj
    Tua phom loj!
    Zov thoob haim nras
    Pab Mes Kas
    Dov txiav txoj kev
    Uas nkhaus chev
    Zoo li qab qwj
    Yaj Soob Lwj
    Hmoob tus niam ntawv
    Thaum aib sawv
    Piav txog pom case
    Nyob Noom Hej
    Tsoom Hmoob ntxub nws
    Khaum kev tws
    Mam tig los xav
    Tsis muaj av
    Kav ntuj qub qab
    Kawj cob fab
    Hmoob tawg 3 pab
    Quaj ntsuag ploj y.u.a.g.
    Hawj Zoov Zuag
    Coj nyob Phu Npiab
    Lub neej tshiab
    Txom nyem tuag tshaib
    Khaiv mus Thaib
    Cawm sia raws hlob
    Zaum thib ob
    Thoj nam tawg r.o.g.
    Tawm av Nplog
    Tuaj As Mes Kas
    Muaj Kuv ras
    Thov Hmoob sib hlub
    Ntsia thaum ub
    Qhia txheej tiam no
    Cim khaws nco
    Kuv zaj paj huam
    TUBSOJNTSUAM
    Tua neev tim toj
    Piv qhia koj
    Txoj kev vam meej
    Coj txiv neej
    Pej xeem sawv daws
    Tuav teb chaws
    Peb zoo li no
    Raws kuv nco
    Thaum nom ua ntej
    Sawv phaj ej!
    Txawj vas sib hlub
    Nchuav nyiaj kub
    Kuv hais qhia ntxiv
    Chiv hauv paus
    Tuaj hlob luaj qhaus
    Hmoob lub neej
    Yuav tsum vam meej
    Yam tsob nplej
    Yawg cog nyob nej
    Cov tom qab
    Hnov txawj khib pab
    Thooj siab koom ntsws
    Nyooj txhib ntws
    Coob npaum xub ntsaum
    Hmoob thiaj xyaum
    Sawv ua ib pawg
    Txog thaum kawg
    Luaj teb muaj chaw
    Peb tsis ntshaw
    Tseb nom tub r.o.g.
    Sawv ntsuab vog
    Hawv xov laj kab
    Kev sib pab
    Yog zoo npaj no
    Yuav tsum nco
    Kaw tuaj nruab siab
    Nyob cog txhiab
    Mus txog 100 xyoo
    Hmoob thiaj zoo
    Ciaj ib haiv neeg
    Hlob nruaj nreeg
    Muaj npe nto hmoo!!

    "Kuv thov muab txoj paj huam no dedicate rau peb cov nom tswv Hmoob muaj meej mom tseem ceeb"
    Hmong ntuj tshiab
    Hmong ntuj tshiab
    Sponsor
    Sponsor


    Messages : 537
    Date d'inscription : 2011-05-25

    Txawj Vaag Yaaj lub Tsev paj huam Empty Re: Txawj Vaag Yaaj lub Tsev paj huam

    Post  Hmong ntuj tshiab 21st October 2011, 3:13 pm

    koojziagkabzaug wrote:

    Posted 17 October 2008 - 03:20 PM


    "TXIV UA NTEJ TUB TUA NTXIV"

    Puag hnub hmos
    Nyuam qhuav dhau los
    Lauj Kiab Toom
    Thauj coj txib tsoom
    Ua tus ib
    Sawv pib yawg thib
    Tsim qhia chiv
    Tsa Hmoob de txiv
    Nqa me thoob
    Tub Npis Lis Foom
    Sawv los koom
    Tho kev ua ntej
    Qhia cog nplej
    Txua nom ua tswv
    Txoj kev khwv
    Nyob hauv los kuj
    Cob kawm txuj
    Nrog haiv neeg Nplog
    Thaum kawj r.o.g.
    Hluav taws kub xov
    Hlob Vaj Pov
    Ho los tuav coj
    Tua phom loj!
    Zov thoob haim nras
    Pab Mes Kas
    Dov txiav txoj kev
    Uas nkhaus chev
    Zoo li qab qwj
    Yaj Soob Lwj
    Hmoob tus niam ntawv
    Thaum aib sawv
    Piav txog pom case
    Nyob Noom Hej
    Tsoom Hmoob ntxub nws
    Khaum kev tws
    Mam tig los xav
    Tsis muaj av
    Kav ntuj qub qab
    Kawj cob fab
    Hmoob tawg 3 pab
    Quaj ntsuag ploj y.u.a.g.
    Hawj Zoov Zuag
    Coj nyob Phu Npiab
    Lub neej tshiab
    Txom nyem tuag tshaib
    Khaiv mus Thaib
    Cawm sia raws hlob
    Zaum thib ob
    Thoj nam tawg r.o.g.
    Tawm av Nplog
    Tuaj As Mes Kas
    Muaj Kuv ras
    Thov Hmoob sib hlub
    Ntsia thaum ub
    Qhia txheej tiam no
    Cim khaws nco
    Kuv zaj paj huam
    TUBSOJNTSUAM
    Tua neev tim toj
    Piv qhia koj
    Txoj kev vam meej
    Coj txiv neej
    Pej xeem sawv daws
    Tuav teb chaws
    Peb zoo li no
    Raws kuv nco
    Thaum nom ua ntej
    Sawv phaj ej!
    Txawj vas sib hlub
    Nchuav nyiaj kub
    Kuv hais qhia ntxiv
    Chiv hauv paus
    Tuaj hlob luaj qhaus
    Hmoob lub neej
    Yuav tsum vam meej
    Yam tsob nplej
    Yawg cog nyob nej
    Cov tom qab
    Hnov txawj khib pab
    Thooj siab koom ntsws
    Nyooj txhib ntws
    Coob npaum xub ntsaum
    Hmoob thiaj xyaum
    Sawv ua ib pawg
    Txog thaum kawg
    Luaj teb muaj chaw
    Peb tsis ntshaw
    Tseb nom tub r.o.g.
    Sawv ntsuab vog
    Hawv xov laj kab
    Kev sib pab
    Yog zoo npaj no
    Yuav tsum nco
    Kaw tuaj nruab siab
    Nyob cog txhiab
    Mus txog 100 xyoo
    Hmoob thiaj zoo
    Ciaj ib haiv neeg
    Hlob nruaj nreeg
    Muaj npe nto hmoo!!

    [size=24]
    [size=24]"Kuv thov muab txoj paj huam no dedicate rau peb cov nom tswv Hmoob muaj meej mom tseem ceeb"

    [center]Thov txim nawb tus kwv tij txawj vaas yaaj, kuv hais rau koj tias yog koj tsis tau paub sau paj huam no thov sau ntawv rau kuv es kuv mam qhia koj txog kev sau paj huam, kom zoo rau ib tsoom neeg ho nyiam nyeem nawb mog

    "TXIV UA NTEJ- TUS TSIS QUAV NTSEJ"
    Lub keej khawm------------Hmoob muaj tus coj
    Haiv Hmoob loj---------------muaj koob nto npe
    Koom ua ke---------------------nyob los tsuas teb
    Thiaj muab ntxheb------------thaum lub koob nto
    raws li nco--------------------yawg lauj kiab toom
    Sawv coj tsoom-------------Hmoob nyob looj hej
    Thaum ua ntej------------------nws sawv los qhib
    Coj yawg thib-------------------qhia tsoom tub kiv
    Sawv coj tiv---------------kev quab yuam Hmoob
    Nyob pem roob----------------tsis muaj kev txawj
    Raug cov thawj---------------------tub rog fab kis
    Tuaj yuam ntshis-----------------coj mus ua qhev
    Mus ncaws kev----------------tsheb rau luag taug
    Hmoob kuj raug------------------them se loj heev
    Luag xuas teev--------------------xuas tsi luj kom
    Txhua txhia hom----------muab ntaus nyiaj txiag
    Qhov tseeb tiag------------Hmoob tsis muaj nyiaj
    Peem ua txiaj----------------------ces yog yaj yeeb
    Sau se xeeb------------------------nyhav loj zuj zus
    Hmoob txhua tus------------------them tsis taus se
    Nyob ua ke------------------------nrog neeg fab kis
    Coob tus ris--------------------------nuj ris nqi ntau
    Hmoob sib sau---------------------nyiaj los sib pab
    Them rau mab------------------------yij looj fab kis
    Tsis tau ris------------------------------fab kis nqi se
    Hmoob nom me-------------------yog npis lis foom
    Sawv los koom-----------------------tho kev ua ntej
    Coj Hmoob nej----------------------ua nom ua tswv
    Txoj kev khwv---------------------ua neej nplua nuj
    Cob kawm txuj---------------nrog haiv neeg Nplog
    Thaum sawv rog------------------teb chaws pib swb
    Pov neej tswb--------------------------ho los tuav coj
    Sib tua loj------------------------nyob tiaj rhawv zeb
    Ua rau peb------------------------------tsis zoo ua noj
    Hmoob tus coj-----------------------yog hlob vaj pov
    Mes kas thov-------------------kom Hmoob mus pab
    Ua laj kab------------------------thaiv lawv haiv neeg
    Peb thiaj ntseeg-----------------------mes kas lus cog
    Hmoob sau sog-------------------mus txiav kev tsheb
    Tho lug deb-----------------------hauv daim av nplog
    Mus kom txog-------------------------cob tsib qab teb
    Tua cov tsheb--------------------thauj khoom tub rog
    Peb Hmoob nrog-------------------thaiv nyab laj liab
    Ntau pua txhiab---------------------nyab laj qaum teb
    Nrog cov tsheb-----------------------tuaj hla av nplog
    Peem kom txog------------------------nyab laj qab teb
    Kev ntxhov ntxheb------------------muaj xeeb loj zus
    Hmoob txhua tus-------------------raug kawm tub rog
    Tawm mus nrog-----------------------tub rog mes kas
    Thaiv lus nras-----------------------cob tsib chaw tuaj
    Thiaj xeeb muaj---------------------tsov rog zais npog
    Nyob hauv nplog-----------------tau kaum tsib xyoos
    Hmoob muaj moos-----------------nrog luag tsim tau
    Thiaj qhia rau----------------------nej kom paub tseeb
    Nroog looj ceeb-----------------------raug tsim tiaj tus
    Hauv nas xus-----------------------yog chaw khov ruaj
    Muaj tsev tshuaj------------------thiab kws khom mob
    Nroog pov plob------------------yog Hmoob lub moos
    Hauv xas thoos-----------------------muaj vaj tsev zoo
    Nyob nto moo---------------------yog nroog moos cab
    Neej sib pab-----------------------muaj tsev kawm siab
    Tsim muaj kiab--------------------muaj khw ntau zoo
    Nroog moos oo-----------------------muaj liaj teb dav
    Hmoob thiaj txav------------------los nyob hauv coob
    Xyaum cog qoob--------------------me nplej pob kws
    Zoo vam ntws-----------------muaj puv phawv txhab
    Tsis tshaib plab-------------------txaus noj txaus haus
    Neej zoo txaus------------------------nyob kaj siab lug
    Hmoob muaj tug--------------------nrog luag tswj kav
    Muaj npe cav--------------------------nto moo lug tuaj
    Rau caum cuaj----------------------pib xeeb muaj txuj
    Xyaum teev ntuj---------------------los nrog kav tswj
    Yaj Soob Lwj-----------------yog hmoob niam ntawv
    Nws pib sawv------------------------nyob nyab laj teb
    Pib ntxhov ntxheb-------------------nws nyob tsis tau
    Thiaj khiav dhau----------------------los rau av nplog
    Thaum los txog--------------------nyob rau xas thoos
    Hmoob xuas tsoos----------------ntaub maj xaws chij
    Tsoom kwv tij----------------------kom ua teej kawm
    Los pab cawm------------------haiv Hmoob poob qab
    Nyob yaj sab--------------------tsis muaj ntaub ntawv
    Hmoob thiaj sawv----------------------los ua tsev teej
    Qhia kawm tsheej--------------nyob nroog xas thoos
    Hmoob lub moos---------------muaj neeg nyob coob
    Peb tsoom Hmoob--------------------tsis ua twj ywm
    Pheej tham tshwm--------------rau nplog paub tseeb
    Zos looj ceeb--------------------nplog muab dav hlau
    Tso npoos rau--------------------nroog looj ceeb kiag
    Qhov tseeb tiag---------------vim Hmoob siab phem
    Ua dev tsem-----------------------qhia mab sua nplog
    Luag paub txog-------------------Hmoob lub keeb tiv
    Nplog thiaj siv----------------------txoj uas kev phem
    Tuaj rhuav tshem--------------------txiv yaj soob lwj
    Txoj kev tswj----------------Hmoob tus ntaub ntawv
    Raug muab hlawv---------------ntes mus kaw nkuaj
    Xa nws tuaj------------------------kaw tim tsua dawb
    Nplog tuaj tshawb--------------tsev kawm xas thoos
    Hmoob nyob ntsoos------------ntsej muag daj tseem
    Thiaj fab peem------------------------coj yaj soob lwj
    Mus tsheej tswj---------------------nyob vaj loog zeb
    Zais kom deb------------------nplog txhob pom nws
    Ntau tus yws-----------------------cem hais tias vwm
    Ntxoov lis tshwm------------------nyob hiob khib ni
    Hmoob sib ntxhi------------------sau phom mus zov
    Ua yeej khov----------------------nyob rau pem roob
    Muaj Hmoob coob----------tuaj kawm nchuav ntws
    Soob looj nws-----------------raug tshais chaw nyob
    Teej pov plob------------------------nyob rau naj kas
    Nws raug tas-----------------------txoj sia rau ntawd
    Ntxoov lis nkawd----------------siab pheej tsis tsum
    Neeg sib tshum-------------------nrov txog looj ceeb
    Hmoob rov teeb---------------tsev kawm ntawv dua
    Vaj pov tshua----------------txog tsoom tub ntxhais
    Tso neeg hais--------------------------kom cia li tseg
    Tsis txhob leg---------------------------tej xwm li no
    Kom Hmoob tso-----------------------cia li mus tsev
    Nplog cov dev----------------------rov tuaj pom dua
    Yuav raug tua--------------------muaj kev puas tsuaj
    Neeg thiaj tuaj---------------------puag tim looj ceeb
    Qhia qhov tseeb------------------rau ntxoov lis lawv
    Tub kawm ntawv------------------khiav rov ib feem
    Lawv tsis zeem-------------------pheej teev ntuj dua
    Dav hlau tua----------------------tsev kheej tawg tag
    Vim yuav mag-----------------nplog nrhiav txim loj
    Ntxoov lis ploj----------------hnub ntawd lawm tiag
    Thiaj qhia kiag---------------------rau nej paub meej
    Txuj tsev kheej------------------tshuav vaj tswv kim
    Tseem txheej txhim--------------tuav txuj cag ntawv
    Nws coj rawv------------------------soob lwj tus txuj
    Teev tswv ntuj----------------kom Hmoob muaj tug
    Pheej coj pug-------------------nkaum nyob phuv laj
    Niaj hnub npaj------------Hmoob ntawv puas tsheej
    Coj Hmoob neej--------------------rau yav pem suab
    Hmoob kuj cuab------------------puas nrog muaj tug
    Daim av yug--------------------puas muaj feem thiab
    Lub neej tshiab----------------Hmoob ncav puas tau
    Thiaj qhia rau----------------------peb ib tsoom neeg
    Nej khaws teeg----------------------sau ua keeb kwm
    Peem puas tshwm--------------------rau yav tom ntej
    Qhia rau nej--------------------tseem tshuav ntau pab
    Sawv cob fab----------------------nyob rau xub tsuag
    Kev quaj ntsuag-----------------------puv toj puv pes
    Raug nplog ntes--------------------coj mus kaw nkuaj
    Txoj kev quaj--------------------thiab txoj kev ntsuag
    Hawj Zoov Zuag------------------coj nyob Phu Npiab
    Lub neej tshiab----------------txom nyem tuag tshaib
    Khiav mus Thaib-----------------Cawm txoj sia nyob
    Neej pov plob----------------------nyob yeej thoj nam
    Thiaj zoo tam----------------------cov tsiaj kaw nkuaj
    Txoj kev quaj---------------------ncaim kwv ncaim tij
    Ncaim yawm yij---------------muam phauj yawg laus
    Khuam xeeb txaus--------------------ua neeg tawg rog
    Haiv neeg Nplog----------------------Tuaj rau mes kas
    Thaum xeev ras------------------thov Hmoob sib hlub
    Ntsia thaum ub----------------------qhia txheej tiam no
    Cim khaws nco-------------------------tej lus paj huam
    Ho soj ntsuam-------------------------tua hneev tim toj
    Hais piv zoj--------------------------txoj kev vam meej
    Cov txiv neej----------------------pej xeem sawv daws
    Tuav teb chaws----------------------------peb zoo li no
    Raws kuv nco-----------------------thaum nom ua ntej
    Sawv phaj ej------------------------txawj vam sib hlub
    Nchuav nyiaj kub--------------------los pub niam txiv
    Lub keeb tiv-------------------------vim zoo tsis txaus
    Neeg siab nkaus------------------puag thaum xub pib
    Yeej coj ntxhib---------------------thiaj tsis vam meej
    Hmoob lub neej--------------------zoo yam tsob nplej
    Tsis muaj dej--------------------------thiaj tsis tau taw
    Txoj kev ntshaw---------------------yav puag tom qab
    Tsis sib pab---------------------thooj siab koom ntsws
    Kev thiaj tws-----------------coob npaum xub ntsaum
    Hmoob tsis xyaum-------------------sawv ua ib pawg
    Txog thaum kawg------------Hmoob tsis muaj chaw
    Mam paub ntshaw--------------------li luag lwm haiv
    Tsis mloog khaiv-----------------pheej nyiam dog dig
    Lub neej lig--------------------------sib txeeb nom rog
    Sawv ntsuab vog----------------------cuag xov laj kab
    Tsis sib pab--------------------------------thiaj zoo li no
    Thov nej nco--------------------khaws tuaj nruab siab
    Nco lo ntsiab-----------------------mus txog 100 xyoo
    Hmoob thiaj zoo----------------------ciaj ib haiv neeg
    Hlob nruaj nreeg-------------------muaj npe nto moo!!
    Peb muaj hmoo--------------------thiaj yuav pom tiag
    Thiaj qhia kiag--------------------rau tsoom nom tswv
    Txhob sib lwv--------------------thiab txhob sib txeeb
    Kev khuam xeeb---------------------li tsis mob plawv
    Koom dej cawv---------------------lom zem xauv npo
    Thaum noj hno-----------------thiaj poob plab nawb./
    .
    "Kuv thov muab txoj paj huam no dedicate rau peb cov nom tswv Hmoob muaj meej mom tseem ceeb"


    Last edited by Hmong ntuj tshiab on 24th October 2011, 3:06 pm; edited 9 times in total
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Txawj Vaag Yaaj lub Tsev paj huam Empty Re: Txawj Vaag Yaaj lub Tsev paj huam

    Post  koojziagkabzaug 21st October 2011, 3:19 pm



    Hahahah...!Tij laug Hmoob Ntuj Tshiab,

    Tij laug Txawj Vaag, nws sau paj huam raws li cov neeg Tawv Dawb sau...Nws twb tawm peb phau ntawv Paj Huam muag lawm...Ua tsaug uas koj tseem tuaj kho tau ib zaj zoo heev ntxiv...Zoo kwg li. Tij laug, cas koj sau paj huam mas ntws lug cuag dej nchuav xwb...Kuv ntshaw kom kuv txawj dhos li koj xwb lauj...!

    Sponsored content


    Txawj Vaag Yaaj lub Tsev paj huam Empty Re: Txawj Vaag Yaaj lub Tsev paj huam

    Post  Sponsored content


      Current date/time is 28th March 2024, 4:32 am