HMOOB TSAV NTUJ

Would you like to react to this message? Create an account in a few clicks or log in to continue.

google-site-verification: googlefbfddf59e706b96b.html

Latest topics

» Ib tsoom Phoojywg Nej Nyob Licas lawm
by Liajntsuab 7th October 2019, 9:45 am

» NCIG XYUAS HMOOB NYAB LAJ TEB TSEEM UA LUB NEEJ NYOB TOJ SIAB
by Tub kev deb 3rd October 2019, 7:19 am

» Tshuaj Ntsuab
by PIJPAUJ 27th November 2018, 11:17 am

» NYOB ZOO OS
by cwjmemdub 10th October 2018, 9:37 pm

» TUS KAB MOB CANCER TXOV HMOOB LOS TAU ZE 600 TAWM XYOO & TSEEM YUAV MUAJ NTXIV
by Liajntsuab 13th April 2018, 11:57 am

» ***UA NEEB***
by shung 8th March 2018, 5:49 pm

» Neeb Saub ua rau neeg vwm
by shung 4th February 2018, 2:58 pm

» Xiong Chang
by koobpovtxuj 10th December 2017, 11:00 am

» Koobpovtxuj.
by koobpovtxuj 19th November 2017, 1:34 am

» kuv cov duab.
by koobpovtxuj 18th November 2017, 11:30 am

» KHAWV KOOB
by koobpovtxuj 30th September 2017, 4:29 pm

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

Tsev seev PajHuam

Rog Paj Cai Nraug_11

Hmong beauty nature

Rog Paj Cai Dsc08613

Compteur visitor

hnub 18/09/2010 los mus

+2
Nraug Liab Toj Siab
koojziagkabzaug
6 posters

    Rog Paj Cai

    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Rog Paj Cai Empty Rog Paj Cai

    Post  koojziagkabzaug 25th May 2010, 11:00 am



    THAUM PAJ CAI VWJ SAWV R OG NROG FABKIS , NWS HLAWV XYAB NTAWV THOV NTUJ

    Tus txiv ntxawm thiaj li hais tias: "Nplog ua phem kawg nkaus rau peb Hmoob, muaj ib tug nom Nplog nyob rau lub Moos Vaij, ib tug nyob rau lub Moos Hwv; niaj hnub sau yus tsoom Hmoob mus ua nws qhev ua liaj noj. Ib tug toj xeem sau neeg mus pab nws ua liaj ua teb, ib leeg ua tsib hnub". Peb sawv daws ntxeev siab, koj ua ib tug koj, koj los pab tau peb sawv daws lawm; mas peb sawv daws sawv los mus txum tub teb chaws. Paj Cai niaj hnub muab ib teg xyab, ntawv yaj khaum ceeb khaum ckoj los txi lub ntuj.

    Thaum nws yuav txi lub ntuj, nws sawv mus hu cov dab ntuj. Nws hais tias:

    "Thov txog lub ntuj lub teb,
    niam txiv faj tim txaim pem ceeb,
    lij lim txaim thoob theeb,
    nyem no koj sawv los txum vim tuam tshoj tim lwm tshoj theeb,
    tuam tswb tshoj lwm tswb peeb,
    nyem no koj sawv los txum vim nyob luaj a r og mus peb tshim tob;
    thov koj nqes los pab peb me tub me nyuam koj tau lub chaw nyob;
    niam txiv tuam tshoj tim lwm tshoj theeb, tuam tswb tshoj lwm tswb peeb.
    Zaum no koj sawv los txum vim, zaum luaj a r og mus peb tshim;
    thov rau ntawm lub ntuj nqes nroos los pab peb me tub me nyuam tau lub chaw ua lim".

    = txhais tias:

    Thov txog lub ntuj lub teb,
    niam txiv Huab tais Ntuj nyob pem ceeb tsheej
    Cov kab Mem Toj ( txoj leeg Av) nyob thoob ntuj
    Nyem no koj sawv los zaum tsa muag ntsia ( pom=pab) lub teb Loj, lub Ntuj Me ( ntuj nqaim), Huab Tais Taw Npua, Lwm Taw Npua ( cov yau) Thawj Tswj tub r og
    nyem no koj sawv los zaum dauv muag ntsia nyob luaj av r og mus peb tshim tob ( qhov av r og, av muaj chiv, av zoo ua noj, tsuas tob peb tshim saum npoo av);
    thov koj nqes los pab peb me tub me nyuam kom tau lub chaw nyob;
    niam txiv tswv teb Loj, tswv ntuj Me,Huab Tais Taw Npua, Lwm Taw Npua ( cov yau) Thawj Tswj tub r og
    Zaum no koj sawv los zaum sdauv muag ntsia, zaum luaj av r og mus peb tshim;
    thov rau ntawm lub ntuj nqes nroos los pab peb me tub me nyuam tau lub chaw ua lim".


    Nkauj Mim Niam Toj, R og Paj cai:

    Thaum Nkauj Mim yuav tuag, ob tug Hmoob nyob ntawd thiaj kawm tau Nkauj Mim cov lus hais tias:

    "Thov rau ntawm lub ntuj lub teb. Niam txiv tuam tshoj tim lwm tshoj theeb. Tuam tswb tshoj lwm tswb peeb.
    Hu txog tshoj Coos Civ Naj Coos Cas. Hu txog pu saub Siv Yis.
    Nkauj Ntsuab nraug Nab tsheej koob pov. Thov tswv ntuj tsev teb.
    Nej sawv daws tuaj txais kuv txoj sia.
    Zaum no kuv yuav raws Paj Cai qab los mus.
    Nej qhib rooj ntug rau kuv los mus. Nej yuav tswm txais kuv txoj sia no".

    Ces Nkauj Mim thiaj tu siav nrho thaum ntawd lawm.


    Last edited by koojziagkabzaug on 25th May 2010, 11:45 am; edited 1 time in total
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Rog Paj Cai Empty Re: Rog Paj Cai

    Post  koojziagkabzaug 25th May 2010, 11:45 am



    ROG PAJ CAI




    Rog Paj Cai Meos_1913_r

    Txom nyem npaum no tseem sau sev nyhav txog muab me nyuam mus muag los them se.

    CEV PHAU NTAWV


    Phau ntawv "Rog Paj Cai" no tau muaj tuaj zoo li no: Xyoo 1972 lub 8 hli, Yaj Zoov Ntxheb thiab Yaj Txoov Yeeb nkawd tau mus cuag Yaj Txoov Tsawb vim nkawd xav khaws tej txuj Hmoob tseg. Nkawd tau kaw Txooj Tsawb zaj piav txog Rog Paj Cai. Xyoo 1974 no, Yaj Diav Thiaj li tau muab cov lus no ntaus thiab luam tawm. Nws tsis hloov Txooj Tsawb cov lus. Tos ho muab zaj no los luam tawm pub rau sawv daws nyeem, tsis yog vim tias yuav ntseeg tas txhia yam raws li nws tau piav: Yeej muaj ntaw yam uas yus ntseeg tsis tau. Tab sis vim cov laus lawv paub txog Paj Cai lawv tsawg zuj zus lawm. Phau ntawv no tsuas xav ceev ib zag kwv huam tseg vim muaj ntau leej Hmoob nyiam thiab xav nyeem. Muaj ntau leej hu Paj Cai tsam rog no ua ROG VWM. Tab sis ntshai yuav tsis txhob tis npe zoo li ntawd vim tsis yog vim vwm xwb. Tos Hmoob ho sawv ua rog mas yog vim Hmoob yeej xub raug kev yuam kev thuam lawm. Txooj Tsawb yug los nyob Moos Theeb teb. Nws tus txiv ntxawm tau nrog Paj Cai ua rog. Tom qab no Txooj Tsawb tsiv los nyob rau Xas Nyas Npus Lis teb. Nws tuag rau xyoo 1974. Yog muaj leej twg paub tej zaj zoo li Txooj Tsawb zaj mas thov hais qhia thiab. Cov khaws phau ntawv no lawv zoo ziab khaws thiab muab luam tawm rau tsoom Hmoob sawv daws tau nyeem.


    COV ME NYUAM DEV


    Thaum lub keeb lub puam chiv keeb huam yuaj los mus; lub keeb Paj Cai sawv rog los ntaus lub teb chaws Nplog no, mas muaj ib tug Hmoob hu ua Phes Cas. Nws muaj ib tug ntxhais lub hnub xyoog muaj 16 xyoo. Tus Paj Cai ntawd tsis paub xyov nws yog leej twg me tub me nyuam li. Nyob nyob, nws cia li tawm los nrog Phes Cas tus ntxhais tham. Nws thiaj li hais tias nws yog cov Hmoob Vwj, nws los nrog Xauv Tswb lawv nyob. Nws hu lawv ua niam ntxawm txiv ntxawm; nws yuav Phes Cas tus ntxhais. Nws yuav tau ob xyoo muaj ib tug me nyuam tub. Muaj ib hnub, ob niam txiv muaj lus tsis sib haum, Paj Cai txawm ris nws tus tub ncig mus txog nraum zoov, nws thiaj li seev ib suab tias "cas nws poj niam yuav hais ib lo lus tsis zoo rau nws ua tu nws lub siab". Paj Cai tsiv siab heev. Nws thiaj hu txog lub ntuj lub teb ib lo. Lub sij hawm ntawd Xauv Tswb lawv muaj ib tug maum dev yug tau peb tug me nyuam. Cov me nyuam dev no thiaj li quaj tias: "Lwj Xeeb, Lwj Xeeb, koj yog ib tug zoo neeg yuav los tuav lub ntuj lub teb; peb tus tswv yug peb lawv tsis pub mov rau peb noj, peb niam tsis muaj mis rau peb noj, peb tshaib tshaib plab, peb xav nrog koj thov me ntsis mov noj, Lwj Xeeb". Lwj Xeeb thiaj li plhws plhws cov me nyuam dev taub hau. Nws rov mus haus tsev mus nqa tau ib qho mov tuaj. Nws muaj qee ua peb phaj. Nws muaj rau peb tug me nyuam dev ntawd noj. Thaum cov me nyuam dev noj mov tag; cov me nyuam dev hais tias: Lwj Xeeb, koj ua niag neeg, koj pub mov rau peb noj tas, ces koj ris me nyuam mus tso hauv tsev, muaj ib tug niag neeg yuav tso ib tug tub tuaj tos koj mus cuag niag neeg ib lo, peb noj tas peb ua koj tsaug. Lwj Xeeb quaj ib pluag rau cov me nyuam dev ces nws thiaj li ris me nyuam mus rau hauv tsev.



    MUS CUAG NIAG NEEG

    Lwj Xeeb thiaj tawm tuaj txog ntawm qhov rooj, txawm tuaj ib nthwv cua. Ib sij huam xwb nws pom muaj ib tug neeg cab ib tug txiv nees, txij ntua ntawm lub caj dab rov rau sawm lub taub hau dawb dawb cuag ntaub dawb. Lub cev dub dub cuag ntaub dub. Tus neeg ntawd txawm hais rau Lwj Xeeb tias "Lwj Xeeb, niag neeg tias niag neeg tso koj los qhia ntiaj teb tib neeg kom puab kev paub cai. Kom tsis txhob lam tau lam noj, lam tau lam ua. Mas koj tsis tau los qhia rau ntiaj teb neeg. Niag neeg kom kuv cab tus nees no tuaj tos koj. Koj los nrog kuv caij tus nees no mus. Niag neeg Faj Tim yuav muab ib lo lus rau koj kom koj coj rov los qhuab qhia ib tsoom laj mej pej xeem sawv daws huv tib sis". Ces Paj Cai txawm hais tias: "kuv tsis mus, kuv me neeg, kuv tsis mus". Tus hluas ntawd txawm hais tias: "koj tsis mus los tseg, tsis ua cas. Tuaj tib nthwv cua, Paj Cai looj hlias lawm. Tos hnov tus txiv nees twb khiav rag ntws hauv ntiaj teb, mus txog rau ntawm ib lub qab tsuas. Muaj ob tug tsov zov ob sab qhov rooj. Tus nees thiaj khiav rag ntws raws txoj kev tsaus ntuj nti lawm. Ib me ntsis tshwm plaws rau sab nraum ub pom kev kaj nrig huv si. Ib me ntsis thiaj mus txog rau ib lub tsev uas luag muab av thwv cib coj los txhim ua tsev zeb tsev tsua tsaus ntuj nti. Qhov txhia chaw daj rhwb rhob cuag dab tsi. Paj Cai pom muaj rau tus neeg zaum rau lub rooj. Muaj ib lub rooj ntawv. Muaj ntawv pawg lug saud. Rau tus neeg ntawd thiaj hu Paj Cai tias: "koj los nrog peb zaum lub rooj no". Yog tuam tshoj tim lwm tshoj theeb, tuam tswb tshoj lwm tswb peeb yuav muaj ib lo lus hais rau koj. Paj Cai thiaj mus nrog lawv zaum ntawm cov rooj ntawd ua ke. Nws mus zaum ntev li ib teev, Paj Cai thiaj hais tias: "yog li mas nej muaj tus lus dab tsi yuav hais rau kuv".



    NIAG NEEG COV LUS


    Lawv hais tias: "tos me ntsis, niag neeg haj tseem tsis tau muaj lub zim txwv yuav los hais rau koj; tos me ntsis luag fim yuav los hais xwb". Paj Cai zaum tos. Ib me ntsis ciav tus niag neeg loj loj ntawd nqes txheej tsev saud los. Tus neeg ntawd loj hauj sim, muaj tsim muaj cag nroos. Tus ntawd thiaj hu ib lo tias: "koj tuaj los Lwj Xeeb". Thaum ub koj nrog kuv nyob ua ke, kuv tso koj mus lawm, kom mus qhia ntiaj teb tib neeg, mas koj cia li tsis tau qhia. Niam no kuv thiaj kom lawv tuaj tos koj tuaj cuag kuv. Kuv muaj ib lo lus yuav hais rau koj. Yam li tas nrho lub qab ntuj khwb, mas yog peb haiv Hmoob tseem tsis tau paub nyiam zoo, tsis paub nyiam huv. Tej me tub me nyuam hnav dab hnav tuag. Niam txiv tsis ua tib zoo kho ris tsho rau hnav kom lub cev huv si. Koj rov qab mus, koj mus ntaus teb ntaus chaw ib tsoom laj mej pej xeem thoob plaws lub qab ntuj neeg hu ua tus Hmoob no, kom sawv daws txawj hnav ris hnav tsho. Hmo ntuj pw ua zoo kho pam vov kom tsis txhob pub yoov tom, mus hav xoov tsis txhob pub hiab tom. rhaub dej los ntxuav lub cev. Kom tus neeg lub cev nqaij sov. Tej roj ntsha thiaj khiav zoo. Mas sawv daws thiaj yuav kho tau kom yus lub neej vam meej mus lawm yav tom ntej. Maum npua xya me nyuam tuag, kom sawv daws tsis txhob noj. Tej nas kos tsis txhob mus khawb khawb. Vim sawv daws tsis paub caiv paub cim mas noj tau tej yam txhaum ntawd thiaj li ua mob ua ntsaj rau hauv lub cev; ces thiaj muaj mob muaj nkeeg, tau ploj tau tuag. Koj mus hais rau teb rau chaw huv tib si. Paj Cai teb tias: Ab! kuv hais ntshai yuav tsis txaus sawv daws ntseeg. Thov koj tso koj ib tug neeg tuaj mus hais. Niag neeg hais tias: "tsis ntshai". Yog li koj tsis hais los tseg. kuv muab ntim dej no rau koj, ib me ntsis lawv muab tus nees ntawd xa koj mus rau ib nta ntuj, koj muab ntim dej ntawd tsuag plaub pas rau plaub ceg kaum ntuj. Koj tsis hais los tseg. Nws nrog lawv tham tas li ntawd, lawv muab tau ib rab yaj phom nrov kaum peb teg rau nws. Lawv tseem muab ib phau ntawv sau thiab peb rab cwj mem rau nws thiab. Nws thiaj li nqa los. Paj Cai caij tus nees ntawd txog ib nta ntuj, nws muab cov dej ntawd tsuag plaub pas rau plaub ceg kaum ntuj, ces nws thiaj li rov qab los txog tsev. Paj Cai tseem muaj ib lub nqe hu ua Xeeb Txoov. Nws los txog tsev nws poj niam thiaj hais rau nws tias: "Xeeb Txoov", ua cas kuv tsis txawj xav. Kuv muaj ib lo lus ua rau koj tu siab lawm los ua cas koj yuav khiav lawm tau ib hnub ib hmos txog tav no, koj tu siab rau qhov twg? Koj tib tug los nrog kuv nyob, kuv ntaus lub siab txhaum lawm kuv thiaj muaj tau ib lo lus tsis zoo koj siab, koj khiav dua qhov twg lawm? Nws teb nws poj niam tias: "kuv tsis khiav, yog kuv muaj hauj lwm mus lawm xwb".

    THOOJ XOV PAJ TAWG


    Thaum ntawd yuav txog peb caug thiab. Muaj ib hnub Paj Cai tus txiv ntxawm tua ib tug npua tsiab noj. Nws hu tsoom laus sawv daws tuaj noj. Ces Paj Cai txawm muab ib nyuag thooj xov paj xuab xuab kauv ua ib thooj ceev ceev luaj ntiv tes. Nws txawm muab pov rhees deb li rau daj, thiaj li tawg nrov poog cuag ib lub foob pob. Lub qhov qawj qees txaus ib tug las npua pw. Ib zeej tsoom laus ntawd plhu dub tag huv si. Paj Cai hais rau sawv daws tias: "nej puas ua tau li ntawd". Zeej tsoom hais tias: "ua tsis tau". Ces Paj Cai muab kiag ib thooj xov paj cev rau nes tus txiv ntxawm. tus txiv ntxawm thiaj muab kauv kauv tau ib thooj, muab pov rhees mus ntsiag to. Sawv daws thiaj li taij zom zaws koj Paj Cai rov muab thooj ntawd pov saib puav yuav zoo li cas tiag. Paj Cai muab thooj ntawd coj los pov kuj tawg li qub. Nws pov tas nws kom sawv daws pw, tawg ib teg lub qhov raug cov av ntawd qawj qees txaus ib tug las npua pw thiab. Mas Paj Cai kuj tsis tau muab cov lus no coj los qhia rau sawv daws paub.


    VWM SAU NTAUB SAU NTAWV

    Mas cov tib neeg nyob rau lub Moos Vaij teb chaws ntawd, muaj ib tug hu ua Txhiaj Kuam; yog cov Hmoob Yaj. Muaj ib tug hu ua Phes Cas; yog cov Hmoob Vaj. Ib tug hu ua Xaiv Tub, ib tug hu ua Vaj Txoov Kav; yog cov Hmoob Vaj. It tug yog cov Hmoob Lauj. Lawv pab ntawd thiaj li vwm txawj sau ntaub sau ntawv. Lawv sau tau ntaub tau ntawv tiag. Lawv plaub tug ntawd sau ntawv tuaj mus cev rau Paj Cai. Paj Cai muab nyeem tas, nws sau ib tsab ntawv xa rov rau lawv plaub tug ntawd. Plaub tug ntawd thiaj li qhia Paj Cai tej lus rau teb rau chaw tias: "tas ntiaj teb tib neeg tsuav hu ua tus Hmoob no mas kom paub caiv paub cim". "kom sawv daws ua zoo hlub tej me tub me nyuam, yug tau los lawm; ua zoo rhaub dej kub ntxuav tej me tes me taw". "Kho ris tsho rau hnav, hmo ntuj tsis txhob pub yoov tom, tus neeg ntawd thiaj tsis muaj txiab muaj nteeg". "Nqaij, mas joj kiag tus tsiaj zoo zoo uas luag txhob txwm muab coj los tua kiag rau sawv daws noj xwb". "Tus xya me nyuam tuag tsis txhob noj". "Tus hlauv nyhuv tuag tsis txhob noj". "Kom tsis txhob mus khawb nas kos, tsis txhob mus tua tua tej nas tej noog, ib leeg kuj muaj ib txog sia, leej twg los kuj tsis xav tuag". "Tej xyoob tej ntoo los yuav tus twg txiav tus ntawd xwb, tus tsis yuav tsis txhob muab txiav txiav pov tseg". "Txij no lawm yav tod, tej neeg tuag tsis txhob muab tsiaj tua rau ntau ntau". "Yog niam yog txiv hlub tiag tiag tsuas tua ib tug rau xwb". "Yog yuav tua ob tug peb tug, mas tua noj xwb tsis txhob muab laws tawv, cia li hlais kiag daim tawv xyaw cov nqaij coj los ua noj". Muab tej tsiaj coj los laws tawv li ub li no mas maub luag cev nqaij coj los rhuav noj; ces luag tus ntsuj plig nce mus rau saum ntuj ub, luag kuj txawj mus hais rau saum ub thiab; mas tas lub ntuj lub teb kuj muaj ib tug los tu plaub tu ntug, mas nyuaj luag tas zog.

    LUB PHIJ XAB


    Hnub ntawd Paj Cai tus txiv ntxawm hais tias: "Nplog saib tsis taus peb tsoom Hmoob, koj muaj hwj huaj tas npaum ko; ces hais rau lub teb chaws tso sawv daws sawv los tua Nplog laud, peb thiaj yuav tau peb tej av". Paj Cai hais tias: "Luag niag neeg muab lus rau kuv, tab sis luag tsis tau muab ib lo lus tseem ceeb koj kuv coj los tua lub teb lub chaw Nplog nod". Sawv daws maj mam ua siab ntev khwv mus, tsis txhob muaj ib tug mus hais rau nom rau tswv; sawv daws maj mam ua txog hnub kawg fim yuav muaj tus los qhuab qhia sawv daws. Paj Cai hais tau li ntawd rau sawv daws; sawv daws sib tham txog ib tag hmo. Paj Cai thiaj li kom hais rau tsoom xov thawj sawv daws. Kom nws cov thwj tim mus qhia rau ib tsoom laj mej pej xeem kom sawv daws tuaj txais rooj ntaub rooj ntawv. Nws muab tas nrho lub teb chaws ntawd los faib. Tus Hmoob Yaj, nws muab tsa ua Yaj Tsawb Yej; nws lub npe hu ua Txhiaj Kuam. Nws tsa ib tug Hmoob Laug, yog cov Hmoob Lauj; nws muab tsa ua Lauj Tuam Thaij. Nws tsa ib tug Hmoob Vaj uas ib txwm los nes yeej ua Phes Cas. Tus ntawd nws muab tsa ua Vaj Xeeb Zeej. Niam no lawv plaub tug ntawd thiaj li los ua nws cov thwj tim sau ntawv. Nws thiaj muab tau jplaub qho chaw rau lawv plaub tug ntawd nyob. Sawv daws sab laj tas ib tag hmo. Ces txawm ya plho tau ib lub phij xab los poob nthav rau ntawm Paj Cai lub hauv plag. Muaj ib phau ntawv pav khov kho rau saud lub phij xab. Lub phij xab ntawd muaj hlua pav huv tib si. Qhov loj muaj ib puag ntau. Qhov ntev muaj ib dag txhais. Paj Cai hais tias: Sawv daws sim los saib cov ntawv ntawd saib. Luag hais tias hauv no muaj ib yam zoo. Kom peb nrhiav chaw zoo coj los teem tseg. Maj mam puv zim txwv peb muab cov hauv no qhib. Qhib cov hauv no mus txij twg mas lub teb chaws yuav ruaj mus txij ntawd. Paj Cai lawv tseem mus nrhiav chaw rau hauv nws txaj lawm, nws tseem nrhiav tsis tau tau chaw. Paj Cai tus txiv ntxawm Xauv Tswb pw haus yeeb ntawd, nws thiaj muab nws tus vuab thauj los nyom lub phij xab ntawd. Nws muab lij to kiag ib qho. Nws muab nyom nrov nphoov qhib plho lawm. Thiaj li tawm ib co kooj coob ya nrov ntwg mus puv nkaus tsev. Paj Cai thiaj nthe tawg ntho tias: "Cas! Leej twg yuav ua puas xwm li ntawd". Kaj tsij zoj zeeg sawv daws ntes cov kooj ntawd los kaw hauv no! Muaj ib hnub twg, cov kooj ntawd ya mus puv qhov twg, mas lub teb chaws yuav ruaj mus txij li ntawd! Sawv daws thiaj nrog Paj Cai ntes cov kooj rov los kaw hauv phij xab. Puv peb hnub, Paj Cai muab qhib saib. Ib tug twb tsis muaj li lawm! Paj Cai thiaj li quaj ib pluag tias: "Sawv daws xav ntaus lub teb chaws, ua cas siab yuav tsis ntev yuav phem ua luaj". Ua li no ces niag neeg pab tsis tau sawv daws ib txog hauj lwm tseem ceeb.


    TUS NTOO NCAU CUAJ TUS CEG

    Ces Paj Cai thiaj kom sawv daws mus khawb ib tug ntoo ncau cuaj tug ceg los txhos rau ntawm Paj Cai qhov rooj. Tus ntoo ntawd siab li peb tawm ru tsev. Ces nws koj nws cov thwj tim tuaj nrog nws sau ntawv. Thaum nws yuav mus cuag niag neeg mas nws mus saum tus ntsis ntoo ntawd mus lawm. Nws yuav rov los nws nqes saum tus ntoo los. Tas teb chaws sawv daws tuaj xyuas, sawv daws pom. Thaum ntaw sawv daws kuj tau ntseeg nws.

    NWS HLAWV XYAB NTAWV

    Tus txiv ntxawm thiaj li hais tias: "Nplog ua phem kawg nkaus rau peb Hmoob, muaj ib tug nom Nplog nyob rau lub Moos Vaij, ib tug nyob rau lub Moos Hwv; niaj hnub sau yus tsoom Hmoob mus ua nws qhev ua liaj noj. Ib tug toj xeem sau neeg mus pab nws ua liaj ua teb, ib leeg ua tsib hnub". Peb sawv daws ntxeev siab, koj ua ib tug koj, koj los pab tau peb sawv daws lawm; mas peb sawv daws sawv los mus txum tub teb chaws. Paj Cai niaj hnub muab ib teg xyab, ntawv yaj khaum ceeb khaum ckoj los txi lub ntuj.

    Thaum nws yuav txi lub ntuj, nws sawv mus hu cov dab ntuj. Nws hais tias:

    "Thov txog lub ntuj lub teb,
    niam txiv faj tim txaim pem ceeb,
    lij lim txaim thoob theeb,
    nyem no koj sawv los txum vim tuam tshoj tim lwm tshoj theeb,
    tuam tswb tshoj lwm tswb peeb,
    nyem no koj sawv los txum vim nyob luaj a r og mus peb tshim tob;
    thov koj nqes los pab peb me tub me nyuam koj tau lub chaw nyob;
    niam txiv tuam tshoj tim lwm tshoj theeb, tuam tswb tshoj lwm tswb peeb.
    Zaum no koj sawv los txum vim, zaum luaj a r og mus peb tshim;
    thov rau ntawm lub ntuj nqes nroos los pab peb me tub me nyuam tau lub chaw ua lim".

    = txhais tias:

    Thov txog lub ntuj lub teb,
    niam txiv Huab tais Ntuj nyob pem ceeb tsheej
    Nyob txhua nrho lub ntuj
    Nyem no koj sawv los zaum vim luag tus Loj ntxeev siab tus yau sawv r og
    Tuam Tswb Tshoj( tus Loj ntxeev siab) lwm Tswb peeb ( me nyuam sawv ua r og)
    nyem no koj sawv los zaum vim nyob luaj a r og mus peb tshim tob;
    thov koj nqes los pab peb me tub me nyuam kom tau lub chaw nyob;
    niam txiv tuam tshoj lam lwm tshoj kub tus loj ntxeev siab tus yau sawv r og.
    Zaum no koj sawv los zaum vim, zaum luaj a r og mus peb tshim;
    thov rau ntawm lub ntuj nqes nroos los pab peb me tub me nyuam tau lub chaw ua lim".


    Rog Paj Cai Laos_rqz_e13

    Muab Hmoob yuam qhe khaub ncaws liab qab thaij duab los khav kev Caij Tsuj rau lawm teb chaws.
    Hmoob tsis tau liab qab dua, txaj muag tsuav tuag xwb.
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Rog Paj Cai Empty Re: Rog Paj Cai

    Post  koojziagkabzaug 25th May 2010, 11:49 am

    Rog Paj Cai Post-75-1223247996


    SIB TUA THAWJ NPLUA

    Paj Cai mus fiv lub ntuj li ntawd tas, nws rov qab los. Nws tus txiv ntxawm siab kub heev. Paj Cai tias: "cia peb maj mam ua siab ntev ntev ua mus txog rau lub xyoo, mas lub ntuj yuav zoo li cas los thiaj paub". Tus txiv ntxawm hais tias: Mab sua phem tag npaum li no, ua ib tug Tswv Xeev, sawv daws muaj hauj lwm yuav mus cuag nws; niam mus zaum pua ceg lua rau; zaum zaum mob ceg tas nrho haj tseem cem yus tsaus muag nti thiab. Koj muaj hwj huam tas npaum ko, ces peb sawv daws sawv los ntaus lub teb chaws xwb ntag! Nyob teb chaws ntawd muaj ib tug Hmoob yog cov nom tswv Nplog tuaj tsa nws ua Toj Xeem. Tus Toj Xeem ntawd thiaj mus koom rau cov nom, rau tus Tswv Xeev nyob Moos Vaij. Cov Fab Kis thiaj li paub. Lawv tso tub rog Nyab Laj tuaj mus xyuas Paj Cai lawv. Thaum tuaj txog lawm, lawv yuav tsum sib tua. Lawv sib tua ib nplua li ntawd rov qab los txog.


    RAB TUAM PHOM

    Paj Cai thiaj mus cuag ib tug Hmoob hu ua Kaub Chav. Tus Hmoob ntawd txawj ntaus phom. Paj Cai koj Kaub Chav ntaus tau ib rab tuam phom. Muab cov xob, cov leej faj, cov thee coj los tuav ua tshuaj tua. Tua ib teg yog rau las tshuaj. Ib phom mas ntim tau peb caug tsib lub mas txwv tso rau hauv. Muaj ib tug Hmoob hu ua Lwv; Paj Cai muab nws los ua tus tua rab phom thaib tsav rab phom ntawd. Thaum yuav tua nws muab rab tuam phom khaum rau saum nws xub pwg. Tua ib teg mas rab phom ya mus ntsia av tob li ib tshim, mam mus rho rov qab los tua dua. Tua ib phom mas tuag nyog kaum peb plaub leeg li ntawd. Luag tej tsis mauj leej twg yuav tua taus, tsuas kawg yog tus Lwv xwb nws thiaj li tua tau rab phom ntawd. Lawv thiaj li tau ua rog tau ob xyoo.

    NTAUS MOOS THEEB MOOS HWV


    Xyoo peb, Paj Cai tso cov tub rog tuaj mus ntaus lub Moos Vaij, mus tua rau Npam Xem, rau Xoob Xas, raws tus dej Naj Xees nce toj nqes hav. Nws tseem tso tub rog mus ntaws rau Moos Hwv, uas puas rau Puab Yib teb yuav lawm Moos Theeb pem Nyab laj qaum teb. Lawv mus tua lub yeej loj ntawd, tub rog tawg tas khiav rov qab. Muaj plaub tug Fab Kis nyob huav; plaub tug Fab Kis ntawd khiav tawm lawm.. Lawv mus puav tau cov tub rog Nyab Laj nyob hauv lub yeej ntawd tab sis lawv tseem tsis tau mus hauv lub yeej. Lawv xav mus los luag kuj pheej tua tuaj. Lawv thiaj li tso tseg rov nce los mus rau Dawm Cua, rau toj siab, rau toj roob Tsov Zaum. Nyob ntawd, muaj ib hom txiv ntoo yog cov txiv puab tawm. Cov tub rog de cov txiv puab tawm coj mus tsoo rau hauv tus dej ntawd, cov tub rog Nyab Laj khawb qhov hauv av tuaj mus nqa tus dej ntawd los ua mov noj; cov tub rog Nyab Laj thiaj li mob plab, zawv plab noj tsis taus mov, tuag coob leej nyob hauv lub yeej ntawd lawm. Lawv thiaj ua ib siab dhia tawm hauv lub yeej los mus. Hnub ntawd yog Vaj Txoov Kav uas nws lub npe nom Paj Cai tis rau nws hu ua Vaj Tuam Thaij, nws cov tub rog thiaj li mus tua lub Moos Hwv ua luag tuag tas nrho.



    UA PHEM RAU COV POJ NIAM

    Tshuav cov poj niam khiav los hwm lawv pab ntawd. Cov poj niam Nplog khiav los hais tias: "Zaum no, peb thov los nyob hauv nej xub ntiag, peb los zwm rau nej, thov nej tsis txhob tua peb". Ces Vaj Tuam Thaij tso lus rau cov tub rog huv tib si kom lawv muab cov poj niam ntawd ua dev ua npua. Nws tso lus li ntawd, cov Hmoob ntawd muaj ib tug yog cov Hmoob Xyooj hu ua Teev, nws yog neeg siab phem kawg. Nws ua tej yam tim tsis taus lub ntuj. Nws muab cov poj niam los ua dev ua npua tas, nws muab riam los phais lawv thiab muab txoj nyhuv me nyuam lis coj los saib. Nws thiaj pom tias txoj nyhuv me nyuam mus txog hauv lawd, ncau ua ob ceg. Yog muaj me nyuam rau ces sab laug mas yog tub, muaj rau ces sab xis mas yog ntxhais. Lawv huab tau nyiaj txiag ntau ntau kawg. Thaum lawv yuav rov los, Vaj Tuam Thaij txwv tsis pub leej twg tham tej ntawd rau Paj Cai paub.

    RAB NTAJ RAUG PAJ CAI XUB PWG

    Txhia niaj txhia zaus sawv daws yuav mus ua tsov ua rog, mas Paj Cai xub maub ib tug chij tsa rau saum ntuj. Nws mus teev ntuj tas ces nws muab nws rab raim ntaj ntev muaj ib mev rau nws tus thawj tub rog txiav peb raig rau ntawm nws ib sab xub pwg tsis to li. Lawv ua rog tau peb xyoos, tsis muaj ib tug tuag ib tug to ib qho li, ua txog twg yeej los zoo txog twg, ua txog twg yeej txog ntawd. Txiv thaum lawv mus ua phem rau cov poj niam ua nyob rau Moos Hwv rov qab los txog. Tom qab no, Paf Kis ho tuaj peb ceg tuaj mus ntaus lawv. Tuaj ib ceg Moos Hwv tuaj, tuaj ib ceg Npas Xem Xoob Xas tuaj, tuaj ib ceg Moos Vaij tuaj. Sawv daws tuaj mus nto rau pem lub tuam roob loj lawd; lawv thiaj muab cov hom coj los tshuab sib hu cov tub rog. Ces Paj Cai cov tub rog thiaj xa xov los rau tom qab tias tsov rog loj tas nrho tuaj lawm, saib nej cov nom tswv yuav hais li cas? Paj Cai muab tus chij coj los txi zoj lub ntuj lub teb, nes mus thov lub ntuj tias: "Thov txog niam txiv lub ntuj lub teb, niam txiv faj tim Huab Tais, tuam tshoj tim lwm tshoj theeb, tuam tswb tshoj lwm tswb peeb, zaum no niam txiv Huab Tais sawv los txum vim nyob luaj av rog mus peb tshim tob, zaum no niam txiv Huab Tais sawv los txum vim, thov nej sawv los pab me tub me nyuam tau lub chaw nyob. Zaum no niam, niam txiv tuam tshoj tim lwm tshoj theeb, tuam tswb tshoj lwm tswb peeb, sawv los txum vim rog luag av mus peb tshim, zaum no thov koj sawv los pab peb me tub me nyuam tau lub chaw ua lim". Ces Paj Cai muab tus chij txhos ntso, nws mus fiv lub ntuj tas nrho. Nws thiaj rho hlo nws rab ntaj cev rau Nkaj Suav cov Hmoob Yaj. Nkaj Suav thiaj rho hlo rab ntaj ntawd xa tib ntag rau Paj Cai ib sab xub pwg. Ua ciav ntshav si lawd! Paj Cai thiaj li quaj dhev hais tias: "Nej cov neeg no, nej mus ua tsov ua rog, nej ua puas xwm poob ntsej muag rau lub ntuj lub teb lawm, nyem no txaj muag rau lub ntuj lub teb dhau. Saib yog leej twg tau ua txhaum zoo li cas lawd! Kom nws cial li los hais rau ntawm lub thaj teev ntuj no. Seb leej twg puas yuav los lees txim". Ces Lauj Tuam Thaij thiaj hais tias: "Aub! Hais rau niam txiv tus loj, yog zaum mus ntaus Moos Hw, hais rau koj tau paub. Hais rau niam txiv tus loj. Ua tau los yog koj foom ib lo lus tias tau, mas sawv saws thiaj ua tau. Koj hais tias heev, sawv d aws thiaj li heev,koj hais tias tsis zoo ces sawv daws kuj tau qhov tsis zoo tiag. Mas yog vim zaum ntawd Vam Tuam Thaij tso lus rau cov tub rog muab cov poj nima Nplog los ua dev ua npua. Muaj plaub yig Hmoob nrog cov Nplog ntawd nyob ua ke, mas cov tub rog tseem muab cov poj niam Hmoob los ua dev ua npua thiab. Ua phem rau tas, lawv tseem muab tua, muab riab lis txoj nyhuv me nyuam los saib, zoo li cas mas lawv paub tas huv tib si. Hais rau koj, koj hais tias sawv daws ho thaiv lub ntuj lub teb mus los sawv daws ho ua; koj hais tias tsis tau lawm, los sawv daws tsum tso tseg.

    TSIS KAM HWM LUAG

    Ces Paj Cai thiaj cem cem Vaj Tuaj Thaij tias: Neeg siab phem siab tsis zoo. Ua mus tsis tim lub ntuj lub teb, mas yuav tsis tau lub ntuj los ntoo, tsis tau lub teb los tsuj. Kav tsij zoj zeeg kwv phom sai sai mus hwm Fab Kis niam no xwb. Nej sawv daws sau tej raim tej phom ntawd nqa mus rau Xyooj Tuab Xeeb. Kav tsij zoj zeeg mus koom Fab Kis luag thiaj hlub. Tsis txhob mus tua luag lawm yav tom ntej". Vaj Tuam Thaij hais tias: "Mus tua, txog txij tsis yeej tiag txaus khiav mam khiav, txaus mus hwm los mam mus hwm. Nyuam qhuav ua li no xwb twb tsis tau mus tua luag ib nplua. Yav tas los lawm tshav twg los yus yeej xwb. Kuv niaj hnub kwv tus chij ntawd, muas txwv tuaj raug kuv pob ntseg, hauv siab, pob muag o tas kuv twb tsis to ib qho qhov twg. Tsis ntshai! Cia thov nws, nws tsis txhob rawm ua li ntawd sai, cia nyob txij ntawm kuv tib tug kuv pob tas nrho ntsug rog ntawd, kuv ua tus thaiv tas nrho mus. Thaum kuv tsis yeej lawm nws mam li tso lus rau nws cov thawj sawv daws yuav khiav los mam li khiav". Paj Cai hais tias: "Tsis ntshai! Koj cov peeb thiab koj, nej yeej meem mus, peb txhiab tus tub rog no koj yeej meem coj kom tas mus. Tas sis kuv cov thwj tim thiab cov xov thawj mas kuv kom lawv kav tsij zoj zeeg nqa tej riam phom mus rau Xyooj Tuam Xeeb, mas Xyooj Tuam Xeeb nqes mus hnub no lawm. Txog caij yeej los yeej hnub no, swb los swb hnub no, tsis muaj ib yam dab tsi yuav los mus ntxiv lawm yav tom ntej". Paj Cai hais li ntawd tas, nws thiaj li sau nra khiav lawm. Nws tso lus rau cov thwj tim kom lawv kav tsij nqa tej raim phom mus, vim lawv txeeb tau cov phom ntau ntau heev lawm; ces sawv daws thiaj kwv cov phom mus hais rau Xyooj Tuam Xeeb.

    RAUG LUAG TUA

    Vaj Tuam Thaij thiaj li coj cov tub rog mus tua. Mus txog, lawv muab rab tuam phom tua ib phom, tuag kiag plaub tug Nyab Laj rau ntawm chaw. Nyab Laj tua ib phom tuaj, raug Lwv ua Lwv tuag kiag lawm. Ces Vaj Tuam Thaij muab tus chij coj los tsa zoj, nws hle tsho liab qab ploog hu ntuj hu teb laws. Nrov ib phom tuaj raug Vaj Tuam Thaij tuag kiag lawm thaib. Muaj ib tug hu ua Nkais Xaiv, yog cov Hmoob Thoj, nws thiaj sawv tsees los nthos nkaus tus chij hu ntuj tib laws, nws txhib tsoom peeb. Cov peeb sawv daws thiaj nqa phom tua. Tua zaum ob tuaj lawv tuag kiag plaub leeg rau ntawm chaw ntag. Sib tua me ntsis lawv tuag txog kaum plaub leeg, ces sawv daws thiaj sib tw khiav tawg los mus. Lawv khiav raws ib lub roob nqeeb, muas txwv tuaj tshav raug tus twg nws kuj cia li vau hlo li lawm. Mas sawv daws nyias thiaj khiav nyias tawg rov los nyiag coj poj niam me nyuam huv tib si sib pus khiav mus rau hav zoov.

    MUS HWM FAB KIS

    Ces Xyooj Tuam Xeeb thiaj li coj tas nrho ib tsoom xov thawj, ib tsoom thwj tim mus hwm Fab Kis. Fab Kis thiaj hais tias: Nej swb lawm, nej khiav lawm, nej thiaj rov los hw peb los sawv daws rov qab sib ua kwv ua tij sib haum xeeb nyob, tab sis mas kom tus Paj Cai ntawd tuaj cuag peb tso. Yog nws tsis tuaj mas peb kuj tsis zoo siab thaib. Yog nws tuaj mas sawv daws thiaj li yuav zoo siab.

    SAWV DAWS CHEEM PAJ CAI

    Xyooj Tuam Xeeb rov los hais rau Paj Cai. Paj Cai hais tias: "Mus xub xub. Ciaj los cia mus ciaj ntawm luag xub ntiag. Tuag los kuj mus tuag ntawm luag xub ntiag. Ua ib zaug li no poob lub ntsij lub muag, vim neeg siab tsis ncaj ua tau li no lawm, mas yuav tsum mus hwm luag. Mus nqa tes ua ntaj teg hawm luag thiaj li haum txoj kev txoj cai. Luag swb yus lawm los luag kuj yuav nqa tes ua ntaj teg tuaj hawm yus ib yam. Yus swb luag yus kuj yuav nqa tes ua ntaj teg mus hawm luag thiaj yog". Ces nws poj niam thiab Xauv Tswb nkawd tsis kheev, tsis pub mus li. Sawv daws nthos Paj Cai tes cuag dab tsi. Lawv muab nws xa mus nyob rau tim ib daig teb puag tim plawv hav zoov.

    TUS TUAJ NTUAS PAJ CAI

    Nyem no lub teb chaws twb tus lawm, sawv daws twb mus hwm Fab Kis tas lawm. Nyob nyob thiaj li muaj ib tug neeg tuaj. Luag hais tias tuaj pog pem ub tuaj. Tus neeg ntawd thiaj li tuaj ntuas Paj Cai thiab ntuas teb chaws sawv daws tias: "Nej yuav mus ruam ua luaj dab tsi? Nej yuav mus ua tsov ua rog ua dab tsi! Luag ua no luag muaj ib lub hauv paus xa riam xa phom tuaj rau luag, luag thiaj tuav tau lub teb chaws. Nej yuav mus ua dab tsi? Nej ua tas lawm, tsis tau nqaij tau mov noj, nej ua tas nej yeej tsis muaj ib lub zog qhov twg tuaj lawm. Thaum ub, niag neeg sawv daws lub keeb lub puam, luag tsuas npaj ntuas lub teb lub chaw xwb, luag tsis npaj ua tsov ua rog".

    PAJ CAI TUAG

    Ces Paj Cai thiaj mus nyob hauv daim teb ntawd. Muaj ib hnub, nws xa lus rov los rau nws tus yawm yij uas yog nws tus txiv ntxawm tus ntxhais mus yuav. Nws fi xov los tias: "Mus hais rau yawm yij Knaj Suav, ib sim kwv tij nus vauv sib hlub kawg nkaus, kom nws tuaj nrog kuv pw ib hmos. Tshuav plaub hnub thiab luag yuav tso neeg tuaj muab kuv tua". Ces tus yawm yij Nkaj Suav thiaj mus nrog Paj Cai po ib hmos tim teb. Tua ib tug qaib sam noj. Nws noj tas, nws ua Paj Cai tsaug, nws yuav rov qab. Paj Cai hais tias: "Yawm yij, koj mus, koj mloog xov, zaum no tshuav peb hnub xwb luag yuav muab kuv tua. Yog kuv tsis tuag ib zaug mas yeej tsis tsheej li. Npaum twg los yuav tsum cia kuv tuag ib zaug mas thiaj li tas. Tsis tuag mas tsis tas li. Cia kuv tuag mus ntxuav lub txim txhaum mas thiaj li zoo. Ntiaj teb tib neeg phem tas nrho, txaj muag rau lub ntuj lub teb kawg nkaus lawm". Ces tus yawm yij rov qab los tsev lawm. Nws thiaj li hais rau nws poj niam tias: "Koj naid, koj rov qab mus tsev, koj mus cub koj txaum cawv. Koj cub tsuag tsuag tau, koj muab ob tug lau qaib sam tua hau siav siav. Tag kis, yog koj cub tau ntxov mas koj tuaj kom txog kuv, koj cub tau lig ces koj tsis txhob tuaj. Nab kis koj mam sawv ntxov ntxov tuaj. Yog koj tuaj tsis tau txog kuv, tuaj txog ib tog kev hos koj pom nag xob nag cua nroo ntws, ntuj tsaus nti, mas yog lawv twb muab kuv tua lawm. Koj tsis txhob nqa tuaj. Tuaj los kuv tsis tau noj lawm. Koj rov mus hais rau cov txiv ntxawm thiab cov kwv tij kom lawv tuaj kwv kuv mus. Lawv tua kuv tuag mas lawv txiav kuv lub taub hau lawm. Nej muab kuv lub cev kwv coj mus tso rau pem qaum tsev. Nej txhob rawm muab kuv los. Nej muab tso tseg rau pe ib hmos. Mas nej tsis txhob tuaj quaj tuaj nyiav kuv li. Kuv tsis nyiam kiag li. Hmo ntawed, nej saib yuav muaj ib tug tsiaj qus los knawb ib lub qhov, khawb qhov twg mas nej muab kuv faus rau qhov ntawd". Ces Paj Cai poj niam thiaj rov qab los mus tsev. Los mus cub nws txaum cawv lawm. Nws cub tas twb tsaus ntuj lawm. Hmo ntawd nws phov phov ib tag hmo, tua qaib coj los hau siav siav cia. Tag kis nws tsaug tsaug zog. Nws tsim dheev los ces hnub twb yuav tawm. Nws sawv tsees los ua mov tsuag tsuag rau rov me nyuam noj tas. Nws ris hlo kawm mus txog ib tog kev, ua ciav ntuj tsaus ntais, nag xob nag cua nroo ntws. Ces nes cia li tig hlo rov qab. Nws khiav khiav rov los hais rau tus txiv ntxawm Xauv Tswb thiab cov kwv tij tias: "Nws tau hais zoo li no rau kuv, mas kuv xav xyov puas yuav muaj raws li nws hais los tsis muaj. Tab sis nej sawv daws lam nrog kuv mus xyuas". Ces cov kwv tij sawv daws thiaj nrog Paj Cai poj niam mus txog tom teb. Ua ciav lawv twb muab Paj Cai tua tuag lawm tiag. Lawv coj Paj Cai mus sawv ntsug rau ntawm tog tsev. Muaj ib ya cav khaum txij ntua caj dab. Nws mus ib nkaus rau ntawd. Lawv muab nws lub caj dab txiav tu nrho rau ntawm yav cav. Cov tuaj tua Paj Cai ntawd muaj tsib leeg. Muaj plaub tug yog Mab Daum, ib tug yog Hmoob. Tus Hmoob ntawd lub npe hu ua Qhua Kuam. Lawv txiav kiag Paj Cai lub taub hau tu nrho. Lawv muab nws lub taub hau ntim rau hauv ib lub hnab Mab Daum ris mus lawm.


    FAUS PAJ CAI YAV CEV

    Paj Cai cov kwv tij thiaj tuaj kwv Paj Cai yav cev mus txog pem tsev, lawv coj mus tso rau ntawm thaj chaw uas nws muaj lus hais tseg rau lawv. Hmo ntawd, muaj ib tug tsov thiab ib tug kauv los sib tw quaj tas ib hmos. Tas kis cov kwv tij mus xyuas, tus tsov khawb tog taub hau, tus kauv khawb tog ko taw. Tus tsov khawb tob li ib tshim ntawm tog taub hau. Lawv thiaj li muab Paj Cai lub ces tu zam thiab muab coj mus faus rau qhov chaw ntawd.

    PAJ CAI LUB TAUB HAU

    Hos cov tub rog tuaj tua Paj Cai, lawv coj Paj Cai lub taub hau mus txog rau ntawm tus dej Naj Mav. Tus de Naj Mav ntawd ntws rov dua Nyal Laj teb dua Haj Nuaij lawm. Tus dej ntawd qhov chaw lawv mus hla txij hauv caug xwb. Tab sis los kob nag xob nag cua ua lawv tua Paj Cai ntawd; mas tus dej cia li siab dua taub hau lawm. Lawv mus txog ntawd, lawv hla tsis taus. Cov Mab Daum mus txiav tas nrho ib tsob xyoob Puj Tswm coj los ua phuaj txwv. Lawv muab Paj Cai lub taub hau ua ntim rau hauv lub hnab thoob puab mus khi nkaus rau ntawm ntug phuaj txwv. Lawv nquam lub phuaj mus txog ntua rau ib nrab deg, lub thoob puab cia li plam plaws poob nthav dua hauv dej lawm. Pab tub rog ntawd lawv nrhiav tau peb hnub thiaj li pom lub hnab thoob puab ua ntim Paj Cai lub taub hau khuam rau saum ib tug ntoo. Lawv muab coj los thau saib ua ciav tsis yog Paj Cai lub taub hau lawm. Paj Cai lub taub hauv mas yog ib tug neeg muaj tsim zoo nraug ntxiag. Hos tus Hmoob nrog pab Mab Daum ntawd tuaj nws lub plhu tuaj tuaj plaub, paig txig tuaj hwj txwv. Ua ciav muab lub taub hau ntawd coj los saib no zoo li tus Hmoob ua nrog cov tug rog ntawd mus lub. Tus Hmoob ntawm hu ua Qhua Kuam. Qhua Kuam lub taub hau zoo nkaus li lub hauv hnab lawm ntag. Lawm lam nqa lub taub hau ntawd mus txog rau Moos Vaij, coj los cob rau rau cov Fabkis. Fabkis thiaj muab coj los thuav saib. Lawv hu tus Fabkis uas thaum ub nws tau pom dua Paj Cai lawm tuaj xyuas, tus Fabkis ntawd hais tias: "Tsis yog Paj Cai lub taub hau ib zaug". Lawv ntiav cov tub rog mus tua Paj Cai ntawd ib tug tsib puas kis txiaj laus. Ces lawv hais tias: "Yog pab ntawd xav yuav nyiaj, lawv lam mus tua ib tug neeg nyob sab nraud coj los dag nyiaj yuav xwb. Tsis yog Paj Cai lub taub hau ib zaug". Lawv twv ntuj twv teb tias: "Yog Paj Cai lub taub hau tiag tiag". Lawv tau Paj Cai rab yaj phom los ua tim khawv thiab. Rab phom ntawd ib nyem xwb mas nrov tsib teg. Rab phom ntawd nrov kaum tsib teg. Lawv tau rab phom ntawd mus ua tim khawv rau Fabkis. Fabkis thiaj li ntseeg me me. Rab phom ntawd yog Paj Cai rab lawm tiag. Thiab twb sau Paj Cai lub npe rau ntawm lub txhab khaum hlau. Lawv muab saib yog Paj Cai lub npe tiag. Lawv thiaj li ntseeg me ntsis. Ces Fabkis hais tias: "Ua li mas peb muab nej ib leeg ob puas kis txiaj laus tso; maj mam hnub puav peb tshuaj xwm tias Paj Cai tuag lawm tiag, mas peb mam hu nej rov qab tuaj nqa nyiaj dua". Ces cov tub rog ntawd thiaj rov qab los mus tsev lawm. Lawv rov los txog rau tom Npab Nas yuav nce mus rau Mab teb Phwv Vam. Ua ciav lawv mus mus kev hos Qhua Kuam cia li vau nrov khuav rau ntawm qab ke. Muaj ob tug Hmoob nrog pab ntawd ua ke thiab. Qhua Kuam va nrov khuav, Mab Daum muab tsa tau los na has twb tsis pom Qhua Kuam lub taub hau lawm. Qhua Kuam lub taub hau twb txiav puab ntxov lawm. Ntshav twb qhuav tag, nyaij twb dub tag. Lawv thiaj los hais rau zej tsoom kwv tij kom mus muab Qhua Kuam lub cev coj mus faus. Cov kwv tij thiaj sab laj tias yuav hais pab Mab Daum ntawd. Ib txhia ho hias tias: "Luag tej yog Mab Sua. Tus ntawd yog Hmoob. Nws ho ntxeev siab rov los tua nws tus Vaj mas ntshai tsam yog ntuj nplua lawm". Twb muaj ob tug Hmoob nrog ua ke thiab, ces thiaj tso rooj plaub ntawd tseg lawm lawv thiaj tsis hais. Tas Paj Cai lub neej rau ntawd. Lawv muab lub taub hau uas hais tias yog Paj Cai lub coj mus faus rau tom hau Moos Vaij, uas tus dej Vwb Cab ntws los mus. Nyob ntawd muaj ib lub pov roob, muaj ib lub vav hauj sam, ces lawv com mus faus tseg rau saud. Paj Cai ntsuj rog thiaj li tas li no.


    Rog Paj Cai Post-348-1222540181_thumb
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Rog Paj Cai Empty Re: Rog Paj Cai

    Post  koojziagkabzaug 25th May 2010, 11:57 am

    NKAUJ MIM SAWV UA NIAM TOJ

    Thaum lub caij Paj Cai sam sim ua tsov ua rog txog tog, muaj ib tug hluas nkauj nws lub npe hu ua Nkauj Mim. Tus ntxhais ntawd xwb txawj ntawv dua Paj Cai cov thwj tim sawv daws. Tus ntxhais ntawd sawv los ua niam toj. Nws sawv los thaiv tsov thaiv rog. Yog lawv muaj ib nthwv rog tuaj ces roob twg tuaj, hu txog tus Nkauj Mim ntawd, nws muab kiag ib dag ntaub maj coj los xaws kiab ua ib tug chij. Nws tuav rawv daim ntaub maj ntawd. Nws tab meeg mus nyob rau Nyab Laj tua. Fabkis kuj tua, nws tuav rawv nws daim sev, nws ntxuaj. Nws tig xub ntiag rau sab twg mas sab ntawd yeejkawg tawg rov qab xwb. Muaj ib zaug, cov Fabkis thiab Nyab Laj lawv tuaj peb ceg tuaj. Lawv nce ces roob Naj Xees tuaj. Tuaj pem Nyab Laj teb tuaj. Nkauj Mim tau coj cov tub rog tuaj mus tiv. Lawv mus tiv Fabkis tawg tag rov qab, tso cov phij xab nyiaj pov tseg. Tas huv si muaj 64 lub phij xab. Lub sij hawm ntawd Fabkis kom Phub Thawj kwv xwb. Ces thaum ua rog lawd ces Phub Thawj muab tso pov tseg ces lawv thiaj li mus txeeb tau. Kuj tau tej riam phom qhov txhia chaw txhua nrho. Tsis ntev Fabkis thiaj li tuaj ib ceg Moos Vaij tuaj, tuaj txog rau tus dej Naj Npoob, nce sab toj tim no ntxhab hauj sim. Nkauj Mim quab tas ib tsoom Mab Daum thiab Hmoob sawv daws fris pob zeb mus ua txaj zeb rau pem ntav toj. Tos thaum Nyab Laj thiab Fabkis pib nce lub taw roob ntawd txhij vog, Nkauj Mim txo cov txaj zeb ntawd ntog los mus, cov Nyab Laj tuag tas nrho ib puas rau caum plaub leeg rau plas toj ntawd. Nyab Laj thiab Fabkis thiaj tawg rov qab dua Moos Vaij tas lawm. Tom qab no tus Nkauj Mim ntawd nws tawm los ua nws lub neej. Tas Paj Cai sim neej lawm tshuav Nkauj Mim, cov nom tswv pheej nrhiav nws ntes rau ub rau no. Tom qab no Fabkis thiaj kom ob tug Hmoob thiab kaum ob tug Nyab Laj tuaj mus nrhiav Nkauj Mim. Ob tug Hmoob thiaj tuaj ntxias muab tau Nkauj Mim. Lawv tua nws rau phom, nws haj tseem mus nws kev. Lawv coj nws mus txog nraum tus dej Naj Zuam, lawv muab nws tua rau ntawd. Lawv muab nws tua tua ob sab nplooj pus lwj tas nws tseem tsis tuag. Kov kov, cov Nyab Laj thiaj mus txiav ntoo coj los hliav muab npub nram qhov quav tuaj ces Nkauj Mim thiaj li tuag lawm. Thaum Nkauj Mim yuav tuag, ob tug Hmoob nyob ntawd thiaj kawm tau Nkauj Mim cov lus hais tias:

    "Thov rau ntawm lub ntuj lub teb. Niam txiv tuam tshoj tim lwm tshoj theeb. Tuam tswb tshoj lwm tswb peeb. Hu txog tshoj Coos Civ Naj Coos Cas. Hu txog pu saub Siv Yis. Nkauj Ntsuab nraug Nab tsheej koob pov. Thov tswv ntuj tsev teb. Nej sawv daws tuaj txais kuv txoj sia. Zaum no kuv yuav raws Paj Cai qab los mus. Nej qhib rooj ntug rau kuv los mus. Nej yuav tswm txais kuv txoj sia no".

    Ces Nkauj Mim thiaj tu siav nrho thaum ntawd lawm. Lawv thiaj li kawm tau Knauj Mim cov lus los hais rau yav tom qab no ntiaj teb neeg paub. Mas zej tsoom Hmoob thiaj khaws tau Nkauj Mim cov lus ntawd los hais.





    NIAM PAJ CAI CEEV TSAB NTAWV TOOJ

    Thaum tshuav tsis ntev Paj Cai yuav Tuag, nws muaj ib lo lus hais tseg rau nws poj niam zii li no: "Koj naid, zaum no niam txiv Faj Tim Txaim pem ceeb muab tau ib daig ntawv tooj rau kuv. Koj ceev kuv daim ntawv ntawd tseg. Muaj ib nrab hauv mas sau npe ntawv thoob tas lawm. Tshauv ib tog tsis tau muaj npe ntawv. Kuv taug mus lawm, kuv mus puv peb caug tsis xyoos. Koj mam thauv kuv daim ntawv saib. Yog tsis los nag liab ces yuav los nag dawb li qub uas yav nram ntej niaj hnub los xwb. Ces ua li cas los muaj ib hnub twg peb Hmoob yuav muaj chaw vam meem hauv lub teb chaws xwb. Hos muaj ib hnub los nag, lub qa ntuj neeg no saib poob nag saum ntuj los yog nag liab nag ntshav xwb ces peb Hmoob no tsuas muaj yuav ua luag qhev luag pej xeem huab hwm mus ib sim li. Tsis paub yuav mauj chaw vam meej qhov twg los". Paj Cai hais cov lus no tseg rau niam Paj Cai. Nws poj niam thiaj ceev tsab ntawv thiab cov lus no tseg. Paj Cai tuag tau peb caug tsib xyyos lawm. Naim Paj Cai thiaj muab tsab ntawv tooj ntawd los thuav siab. Ua ciav npe ntawv puv tas nrho, tshuav li ib dos ntau ntawm ib ceg kaum xwb. Niam Paj Cai thiaj li zoo ziab twj ywm tias: Ntshai yuav muaj raus li kuv tus txiv cov lus tiag. Kuv tus txiv hais tias kom kuv nyob kuv tsis txhob quaj tsis txhob nyiav nws li. Nws mus nto 50 xyoo mas nws yuav rov los. Nws rov los txog, yog kuv tsis quaj tsis nyiav nws mas nws thiaj li cim tau kuv lub ntsej muag. Yog kuv quaj kuv nyiav nws lawm ces nws yuav cim tsis tau kuv


    NIAM PAJ CAI TSIV

    Thaum Paj Cai tseem nyob, nws hais tau ib lo lus zoo li no tseg thaib: "Nej nyob, kuv tuag mus tau kaum rau xyoo, mas yuav muaj niag neeg luag ua tau dav nom ya nruab ntug rau nej pom. Yav nram ntej tas lawd, tsis muaj ib tug ua tau dav nom ya nruab ntug li. Txij no mus lub ntiaj teb yuav vam meej zu zus, ces ntev mus luag yuav ua tau dav nom ya saum ntuj rau tib neeg pom". Niam Paj Cai xav twj ywm tias: "Yog vim li cas kuv tus txiv thiaj hais tau cov lus ntawd tseg rau kuv. Kuv nco ntsoov kuv tus txiv cov lus tseg tuaj nruab saib. Ua ciav xyoo 1962, nyob nyob txawm muaj ib lub dav hlau tuaj pem Suav Teb tuaj. Lub dab hlau ntawd tuaj tsaws ntua rau ntawm niam Paj Cai qhov rooj. Cev zoj tau ib daig ntaw rau niam Paj Cai. Niam Paj Cai muab saib zoj tas, nws cia li sau zoj nws tej cuab yeej cuab tam nces lub dav hlau ntawd ya plaws rov dua Suav Teb lawm. Xyov nws mus nyob rau lub teb chaws twg kuv tsis muaj leej twg paub li.

    NEEG LUB KEEB SAWV KAV TEB CHAWS

    Paj Cai tseem xa lus los rau cov tom qab kom lawv nco ntsoov tseg. Nws hais tias: "Peb Hmoob mas yog thaum ub Tswb Tshoj lawv sawv los tshoj theeb tshoj tim rau lub qab ntuj khwb leej tib neeg no. Sawv daws sawv los kav teb chaws. Mas luag hais tias nyem no tsis tau puv lub zim txwv. Peb rov pw kom puv kaum tsib tug nyuj zyoo tso, peb mam sawv los sib faib lub teb lub chaw rau sawv daws kav". Ces Tswb Tshoj thiaj li ntseeg sawv daws lus. Sawv daws thiaj tau los pw rau pem Ceeb Tsheej. Mab Sua, luag muab txiag ntoo coj los rau ncoo. Muab nqaj ntoos los teem caj dab. Tswb Tshoj ces Mab Sua siab tsis zoo. Luag muab nqaj hlau coj los teem caj dab. Pw puv taum tsib tug nyuj xyoo. Mab Sua li ces nqaj ntoos txiag ntoo lwj tag. Luag sawv los kav teb kav chaw lawm. Ho Tswb Tshoj ces pw puv kaum tsib tug nyuj xyoo los tsis sawv. Nqaj hlau txiag hlau tsis lwj, ces Tswb Tshoj tsis paub sawv li. Mas Tswb Tshoj tseem rov pw puv yim tus nyuj xyoo ntxiv thiab. Ces thiaj muaj ib xub nas tsuag los nyob rauhauv daim qab txiag pob zeb uas Tswb Tshoj rau ncoo. Ces dev vaug thiaj mus khawb xwb nas ntawd, khawb khawb tau xwb nas tawm plaws khiav, ces daim txiag zeb thiaj li xaub luav. Tswb Tshoj mam li tsim dheev. Nws sawv tsees los. Ua ciav Mab Sua luag twb sawv los kav teb chaws. Twb muab teb chaws noj tsuag tas. Tswb Tshoj thiaj li hais tias: "Lub ntuj lub teb, cas leej tib neeg siab yuav tsis zoo ua luaj! Nyem no Mab Sua muab teb chaws noj tsuag piam tseem tag. Tsis ntshai! Kuv tsis tu siab! Tsis ua cas! Teb chasw tsuag tas lawm los puam chawj thiab! Cia kuv muab cov nroj Paj Cai no mus tseb thoob plaws lub qab ntuj. Kuv cov nroj tuaj mus txij twg, muaj ib hnub kuv yuav tau kav mus txij li ntawd. Ces nyem no Hmoob thiaj tau cov nroj Paj Cai ntawd los hu thoob ntuj thoob teb.



    PAJ CAI COV PEEB TEJ RIS TSHO

    Hais txog Paj Cai lub neej mas kuv thov hais ib qho li no ntxiv thiab. Thaum lub caij Paj Cai tab tom ua rog ntawd, nws cov tub rog muaj txog ntawm 3000 mus rau 4000 leej. Hais txog tej ris tsho tub rog mas kuj tsis pom muaj tus xaws tus xa tuaj. Tab sis pheej pom nws faib ris tsho tsis tseg rau cov tub rog sawv daws. Cov ris tsho ntawd yog ib co ntaub ntsuab xiab ib yam li cov niaj hnub no luag hnav. Tab sis mas cov ntaub nyias dua me ntsis. Nws faib cov khaub ncaws ntawd rau nws cov tub rog sawv daws hnav. Cov khaub ncaws ntawd ntim nyob hauv tej lub phij xab ntawv. Ib lub muaj ib dab txhais thiab muaj li ob puag. Nws pheej rho cov phij xab ntawv ntawd los faib khaub ncaws rau sawv daws mas nws kom cov peeb mus khawb qhov av. Kom sawv daws kwv cov thawv ntawv ntawd mus faus qhov av tseg kom tsis txhob muaj neeg pom. Ua li mas tsis muaj leej twg paub tias tej ris tsho ntawd xyov yog leej twg pab tuaj rau nws.

    VIM MUAJ NEEG SIAB TSIS NCAJ

    Paj Cai lub neej tseem muaj ib yam xwm zoo li no txawv thiab. Tos teb chaws sawv daws ho ntseeg txog nws los, sawv daws kub siab sawv los pab nws los vim nyob rau lub teb chaws Moos Vaij rov pem hau Moos, muaj ib lub roob loj tas nrho. Cov nom tswv niaj hnub hu ua Coos Cis Coos Cas. Nyob saum lub roob ntawd muaj ob lub pas zaj. Muaj ib lub nyob rov tom roob nqeeb lawm. Muaj ib lub nyob ntua rau hauv niag nras zoov. Niag tiaj zoov siab siab li. Niag hav zoov nuj xiab tsaus nti. Yeej pos huab tas niaj tas hnub tas xyoo, huab tsis tshem li. Nyob rau ntawm tej ntav toj Hmoob ua teb yeeb thoob tas. Paj Cai txawm kom tas ib tsoom pej xeem mus luaj lub tiaj zoov ntawd. Nyob saum lub roob ntawd muaj ib qho chaw tiaj dav rhawv. Lawv txawm mus ua tsev rau. Paj Cai thiaj hu tas nro ib tsoom kev txej laus. Ib tseeom pej xeem huab hwm kom sawv daws mus nyob saum lub roob ntawd huv tib si. Paj Cai muaj ib lub txhuab taws xob. Nws muab qhib. Nws ua tau ib co duab rau sawv daws pom. Muaj ib lub qhov rooj tsua muaj ib co tub rog mas tawm txhaws daws hauv los. Kwv raim kwv phom. Ris nra dai nrwb nrees tawm hauv lub qhov rooj tsua ntawd tuaj mus zaum puv tas ib tiaj. Muaj ib txhia tawm tuaj zaum pawg lug nyias thuav nyias mov noj zom zaws. Paj Cai has rau ib tsoom neeg sawv daws tias: "Ssawv daws ua txoj cai ua ncaj ncaj. Tuav lub teb lub chaw tuav zoo kom tsis txhob poob rau Mab Sua tes. Peb ua mus puv peb xyoos, xyoo plaub cov ntawd los tom qab los tu lub teb chaws. Peb yog cov ua ntej. Muaj cov ntawd tswj lub teb chaws lawv peb qab. Mas lub teb cahws fim yuav thaj yeeb mus". Tas sawv daws pom qhov ntawd, ces sawv daws thiaj kub siab thiaj xav tias ntshai muaj ib tug Tswv Ntuj yuav nqes los pab sawv daws tiag. Pom tej ntawd tas ces sawv daws thiaj ua ntuj ua teb kom Paj Cai sawv los tuav lub teb chaw. Tab sis, leej tib neeg tus ncaj kuj ncaj tis tas, tus nkhaus kuj nkhaus tsis tas. Kov kov sawv daws thiaj li ua lub teb chaws poob mus li no.

    Rog Paj Cai los xaus li no xwb



    ****************************************************************************************

    Rog Hmoob thiab Fabkis sib tua, raws li Phas Nyas Tub Npis tham:



    Hmoob Thiab Fakis Sib Tua:

    Lub xyoo 1895, cov nom tswv Fakis nce kiag tag nrho ob yam se siab heev. Cov pej xeem Hmoob them tsis tau ces lawv txawm tawv tsis them se ntag. Tag nrho cov Kiabtoom Hmoob sab tim Looj Hej yuav cov pej xeem siab es sib yaum tuaj ib tog tsis sau cov pej xeem se. Cov nom tswv Fakis tsis txaus siab kiag. Lawv tso kiag ib co tub rog muab tej phom riam tuaj tua cov Kiabtoom Hmoob yuam lawv yaum cov pej xeem them se. Raws li tus Komixes Fakis pem lub tsheej Xeevkhuam hais rau kuv lub xyoo 1943 ces nplua rog loj nyob ze rau ntawm lub zos Khamanee, Looj Hej. Luag hais tias:

    "Thaum ntawd, tus nom tub rog Fakis zaj tswv yim ces yog coj nws pab tub rog nce mus tua cov Mi-os pem cov zos Mi-os. Nws mus ntsib cov Mi-os tuaj tos nws kev ntawm ncauj ke ces thiaj muaj sib tua loj. Cov Mi-os thiab cov Fakis sib tua heev tau ntau hnub ntau hmo los tsis muaj pab twg swb thiab pab twg yeej. Cov Mi-os tsis thim ib taws li cas ces cov Fakis kuj dhau tsis tau mus thiab. Tus nom tub rog Fakis ceeb tias ua cas cov Mi-os muaj tej phom suab xwb los cov Mi-os niam sib zog tua cov Fakis tag npaud es tsis ntshai cov Fakis tej niam phom 3 teg kiag li. Nws pom tias yog cia siv nws pab tub rog xwb mas yuav tsis yeej sai. Ces, nws xa ib tsab xov rov qab mus rau pem lub tsheej kom tej hlub pab xa ib pab tub rog nrog rau ob peb rab tuam phom tuaj pab nws ntxiv. Tsuas yog, thaum cov nom tswv Fakis pem lub tsheej Xeekhuam los sib tham sib sab laj ces lawv pom tias tus xwm txheej ntawd tsis mus raws li xav tseg cia thiab yog cia txoj kev sib tua loj tuaj dua ntawd ntxiv mas nram ntej yuav daws nyuaj heev. Ces, lawv tsis ua raws li lawv tus nom tub rog thov tuaj tiam sis lawv xa ib co lus mus rau nws kom nws ncua txoj kev sib tuaj tseg thiab kom nws coj nws cov tub rog thim mus nyob rau ntawm lub nras Xeekhas, Npanpas. Thooj txhij ntawd, lawv xa ob tug nom tswv Fakis nrog ib tug neeg txhais lus Nplog mus nrhiav cuag cov Kiabtoom Mi-os nqis mus nrog cov nom tswv Fakis thiab Nplog sib tham nram lub Toom nrhiav ib txoj kev haum xeeb los tsum tsov tsum rog. Cov Kiabtoom Mi-os los zoo siab tsum sib tua thiab ces nplua rog ntawd thiaj xaus mus."

    Kev Sib Tua Xaus:

    Lis Nom Lwm uas yog Kiabtoom Lis Nyiaj Vws Nookhiam ib tug tub tau hais ib zaug rau kuv tias:

    "Kuv txiv hais tias thaum cov Kiabtoom Hmoob puav leej pom zoo tso txoj kev sib tua tseg thiab kam nqis mus nrog cov nom tswv Fakis sib tham nyob rau nram lub tiaj nrhiav yuav txoj kev haum xeeb vim tias tog twg los tsis tau mauj ib co neeg tuag coob. Tsuas yog, sawv daws ntshai tsam yog cov nom tswv Fakis ib zaj tswv yim ntxias lawv xwb ces lawv tsis mus tag txhua leej txhia tus rau nram lub Toom. Lawv cia Muas Kiabtoom tib leeg mus tham ua sawv daws npe thiab ua sawv daws tug xwb. Lwm cov Kiabtoom cog ib co lus khov kho rau Muas Kiabtoom tias yog muaj ib yam xwm twg sawv tuaj mas lawv cov nyob tom qab yuav pab nws thiab nws tsev neeg tib si. Lawv hais ntxiv thiab tias yog Muas Kiabtoom ho mus tham tau ib co lus zoo los mas tag nrho cov Kiabtoom yuav zoo siab cia rau Muas Kiabtoom ua sawv daws tus coj lawm nram ntej.

    Cov nom tswv Fakis thiab Nplog pom Muas Kiabtoom nqis pem lub zos Hmoob los nrog lawv sib tham ces lawv kuj zoo siab kawg. Lub teb chaws rov qab tiaj tus tag lawm ces cov Fakis tsa Muaj Kiabtoom ua tus loj los saib xyuas tag nrho cov Kiabtoom Hmoob sab tim Looj Hej. Luag muab Muas Kiabtoom lub npe nom tswv hloov los hu ua Muas Tojxeem. Li no, nyob rau peb sab tim Looj Hej thiaj xub muaj ib tug Tojxeem Hmoob saib xyuas cov pej xeem Hmoob. Lwm cov Kiabtoom nyias xyuas nyias pab nyias pawg li qub tiam sis txij ntawd los ces lawv sawv daws ua kam zwm rau tus Tojxeem Hmoob Looj Hej tas tib si.


    Rog Paj Cai Post-348-1222453622_thumb
    avatar
    Liajntsu
    Guest


    Rog Paj Cai Empty Re: Rog Paj Cai

    Post  Liajntsu 2nd June 2010, 1:36 pm

    Koojziagkagzaug,

    hnub no kuv tuaj nyeem tag nrho koj cov dabneeg Pajcai, kuv zoo siab heev li os. Kuv xav nug koj tias ua li cas koj tau thiab paub cov keebkwm no zoo ua luaj li yog leej qhia koj?

    Kuv zoo siab heev tshaj li qhov qhia tau rau koj nawb. Koj yog Hmoob ib tug Ntxhais Txawj Kws Khaws Keebkwm los yog History Teacher.

    Thov ua koj tsaug ntau ntau.
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Rog Paj Cai Empty Re: Rog Paj Cai

    Post  koojziagkabzaug 3rd June 2010, 10:51 am



    Nyob zoo LiajNtsu,

    Keeb kwm Rog Paj Cai mas tu siab kawg nkaus.
    Peb Hmoob tsis txawj coj, muaj tus xeeb ceem tsis zoo. Thaum twg lawv muaj ib tug Thawj Cog tseem ceeb ces lawv muab rau luag tua. Lawv xav tias muab tus ntse rau luag tua kom luag muab lawv ua nom hloov tus uas lawv tua. Zoo li yog tus ruam muab tus ntse tiag taw kom siab tuaj. Tab sis thaum luag muab tus ntse thiab muaj peev xwm tua tag ces luag loj xov laj ib tog tuaj mus xwb. Tu siab kawg nkaus.

    Koj hais tias leej twg piav rau kuv, yog kuv khaws tej txuj nov los ntawm TP. Nyiaj Pov cov Xib Hwb uas nws tau cob qhia kom khaws Hmoob txuj los xwb. TP. Nyiaj Pov yog neeg peh kum, nws pom deb tshaj nws lub qhov muag. Nws thiaj tau muab nws sim neej los khaws Hmoob txuj...Peb thiaj tau coj los saib dab muag niaj hnub no.

    Kuv tseem xav nrhiav ntau yam ntxiv, tab sis kuv yog me ntxhais hnav tiab ntaub maj xwb es kuv lub peev xwm loj los kuv lub fwv tsam twb tsis muaj li ib tug txiv neej tuav ncej dab...Es tu siab tag nrho li...

    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Rog Paj Cai Empty Re: Rog Paj Cai

    Post  koojziagkabzaug 27th July 2010, 8:32 am

    Tsov Rog Hmoob & fab Kis 1918-1921 (Rog Paj Cai)


    Raws li Txiv Plig François-Marie Savina
    Tseem Hwv Fab Kis tus tub tshuaj xwm sau.

    Muab los ntawm tsav Xov Xwm Ncig Ntuj Sib Fi Txuj
    Tsab N°11-12/ 1989


    Txiv Plig François-Marie Savina yog Tseem Hwv Fab Kis ib tug tub coj xai thaum lub caij Rog Paj Cai, nws tau sau thiab ua tim khawv txog nthwv tsov rog zaum no rau Tseem Hwv Fab Kis khaws tseg rau COAM nyob Paris, Fab Kis teb.

    Txiv Plig François-Marie Savina yog thawj tug neeg uas sau keeb kwm hauv paus hauv ntsis ntawm Paj Cai sawv Saub ua Rog Tawm Tsam zaum nov. Nws yog ib tug Txiv Plig Missionnaire apostolique, tuaj txog Tonkin, Nyab Laj teb thaum 1901, uas nws muaj 25 xyoos. Thaum nws tuaj txog, nws tau mus ua hauj lwm nrog cov Hmoob nyob Lauj Kais, Nyab Laj teb thiab rau cov Hmoob Yunan, Suav teb txij 1906-1925. Yog Tseem Hwv Fab Kis xa nws mus Tshuaj Xwm ntawm cov Hmoob nyob Tonkin thiab Nplog teb kev Sawv Rog Paj Cai. Ntshe yog tib tug no nkaus xwb uas thiaj tau sau tau meej txog keeb kwm Hmoob Sawv Rog zaum no. Vim tsuas yog nws tib leeg nkaus ntawm cov neeg nyob laj fab txawj hais lus Hmoob rau Tiam 20 pib no.
    Hais ib nyuag qhov cim tom ntiag tug ua ntej yuav pib hais. Kuv thov sam hwm rau cov nyeem paub tias: kuv yuav tsis hais ib yam dab tsi txog cov kev sib ntaus sib tua hauv nthwv rog ntawd ( Rog Paj Cai).

    Tseem hwv kav teb chaws Xov Tshoj ( Indochine): Cob Tsib teb, Los Tsuas teb thiab Khab Meem teb, tau pub cai rau kuv soj ntsuam xyuas cov tsov rog Hmoob tau ob xyoos. Kuv thiaj yuav tsum sau ib tsab ntawv hais txog cov hauj lwm uas kuv tau ua rau Tseem Hwv paub. Cov hauj lwm hais no, kuv tsis muaj cai muab sau tawm rau hauv tsab ntawv no ( Nom Tswv ntawv npog zais teem tseg rau COAM).

    Qhov tseem ceeb uas xav nthuav rau ntiaj teb paub txog ntawm lub hauv paus hauv ntsis chiv keeb huam yuaj uas yog tim li cas Hmoob thiaj sawv rog, nws yuav zoo dua niaj hnub hais kev caij tsuj uas luag kom Hmoob hawm luag. Txhob piav txog cov hauj lwm uas cov nom tswv kav Los Tsuas Qaum teb tau ua, peb cia li piav ncag qha txog cov hauv paus hauv ntsis uas ua rau Hmoob tsis zoo siab. Cov lus piav no yuav tsis auv leej twg siab, hais li muaj xwb thiaj tsis tub qaug leej twg, zoo li luag taws tsau rau lwm tus pom kev yam tsis tau muab nws los ua tsau taws.

    Cov Hmoob yeej tau Sawv Rog civ fij civ tom los lawm, tsis hais nyob Tuam tshoj (Suav teb), Toos Kees ( Cob Tsib Qaum teb), Yuav hais ces yog lawv ib tug kab mob, ib tug qub cwj pwm, lawv ua rog zaum qab no yog lawv rov ua dua li qub xwb, yog tus kab mob qub rov huam tuaj. Yuav paub meej txog lub hauv paus hauv ntsis ntawm tus kab mob rov huam tuaj dua no, yov tau xub paub txog paus ntsis nram ntej ub lawv tau sawv rog.

    Peb muaj ib pawg neeg uas lawv twb tsis paub txog lawv lub neej, ib pawg neeg uas lub neej txawv luag tej pej kum neeg, lawv ntooj ib tug mob uas lawv twb tsis paub meej tias paus ntsis yog li cas.
    Yuav paub tus mob ua Hmoob pheej ntooj ntawd, yov tsum xyuas ( diagnostiquer) kom paub meej txopg lawv li “Liv Xwm (Histoire)”. Vim Hmoob Liv Xwm qhia rau peb tias: Hmoob tau Sawv Rog ntau zaud sib law sib liag, yuav luag hais tau tias “ Ua Rog tas mus li”. Xyuas ib zaug dhau ib zaug ntawm lawv Sawv Rog pom tau tias: Ntau zaus, zaum twg los yog cov qub koob xwm ua rau lawv Sawv Rog, nthwv rog twg los tim li qub, yog tib cov koob xwm qub.

    Yog kev tsis sib to taub, kev tsis txaus siab, kev raug luag lwm pawg thuam, kev sib ceg, kev raug plaub rau ntug, kev raug luag ntau; xam tag los ces yog kev caij tsuj, kev raug luag yuam them nuj se ntau dhau yam tsis raug cai thiab raug luag iab hiam tag puas tsav yam, suaj kaum hais tias pawg tib neeg no ib txwm raug luag lwm haiv neeg ob cag iab hiam thiab caij tsuj tas mus li.

    Rog Paj Cai Zos_hm10

    Zos Hmoob Xeev Kham 1910


    Txhua zaud cov Hmoob Sawv Rog yog vim cov hauv paus hauv ntsis lus li hais no, tsis hais yav thaum ub los niaj hnub no, tsis hais nyob yav Qaum Cob Tsib teb ( Tonkin), los Tuam tshoj , yuav tsum rua qhov muag ntsia me ntsis ces paub lawm, tsis tas yuav mus deb thiaj yuav pom tej koob xwm uas lawv tsis txaus siab.

    Sawv daws paub meej tias:


    1- Cov liaj teb uas lawv ua noj ua haus, lawv tsis yog tus tswv.
    2- Lawv tsis muaj cai ua nom kav lawv thiab yuav tsum zwm rau lwm tus nom uas tsis yog Hmoob; lawv tsuas yog ib cov qhev, yog ib pawg tib neeg tsis muaj hau ( tsis muaj nom muaj tswv).
    Pawg neeg Hmoob niaj txis sawv ua rog vim lawv tsis muaj liaj ia ua lawv tug, tsis muaj teb chaws thiab tsis muaj tus thawj; hnub twg yog Hmoob hais tau tias: Daim teb no yog kuv li, lub teb chaws no yog kuv lub, tus nom no yog kuv tus, hnub ntawd Hmoob tsis muaj rog ntxiv lawm.

    Nyob rau nqe nram qab no, peb yuav rov xyuas dua qib lus hais tas los no thiab yuav tham txog Hmoo cov kev cai dab qhuas. Lwm yam koob xwm yuav tso tseg, yuav xub xyuas qhov Hmoob ua rog zaum tom qab no uas luag tis npe yuam kev tias: Rog Vwm. Zaum no yuav tau piav qho yam kom meej dua.

    Thaum lub 9 hli xyoo 1914, Txiv Plig pom tias nyob ze ntawm Lauj Kais, Nyab Laj Qaum teb, cov Hmoob pib muaj kev cov nyom thiab ntxhov ntau heev ntawm tsoom Hmoob thiab cov haiv neeg nyob tiaj nrag ; yam li cov Ncuav Dawb ( Puab Yib Dawb) thiab cov Giay, tab sis tsuas yog 4 xyoo tom qab lawv mam Sawv Rog tiag. Raws li cov ntawv teev tseg hauv Tseem Hwv mas lawv tis npe rau Nthwv rog nov hu ua Rog Vwm.

    Rog Paj Cai pib thaum lub 7 hli xyoo 1918 pem lub Xeev Lauj Kais, Nyab Laj teb los xaus rau lub 3 hlis ntuj xyoo 1921 rau lub Xeev Luam Phab Npas, Los Tsuas teb. Raws li kuv pom thaum xyoo 1914 uas kuv nrog tus puav Hmoob mus pem Lauj Kais mas Hmoob txoj kev chim zoo li cov hluav ncai kub kub uas yeej faus qhov tshauv los ntev lawm.

    Cov Hmoob nyob cov Xeev Lauj Kais, Yeej Npais, Soob Laj thiab Peeb Zeej Ciam Av Lais Cauj twb nroo ntau zaus rau kuv thaum 1915, 1916, 1917, qhov ntau tuaj ntawm thooj av teeb tug rog Laichau tuaj . Qhov no yog los ntawm lwm haiv neeg tsis muaj kev ncaj ncees rau Haiv Hmoob ces kuv thiaj pab saib xyuas rau. Thiaj ua rau kuv poob siab, kuv thiaj tau qhia rau cov nom tswv paub txog tej xwm txheej no.

    Thaum lub 2 hlis ntuj 1918, kuv tau ncaim cov Hmoob mus rau lub Xeev Kuam Xib, Suav teb. Nyob rau ntawd, thaum lub 4 hlis tib lub xyoo ntawd, kuv tau txais ib tsab ntawv sam hwm tias yuav muaj kev tawm tsam rau lub xyoo ntawd ntag. Ua ciav txog lub 7 hli ntuj txawm muaj tsov rog tiag.
    Thaum lub 8 hli xiab kuv rov tau txais dua ib tsab ntawv, kuv thiaj mus rau lub zos Chapa xyuas seb yog tim tus xwm dab tsi tiag. Tom qab tau nrog cov Hmoob tham yam puav lus, kuv thiaj yuav tsum qhia rau cov nom tswv paub. Kuv nqes mus txog Lauj Kais thiab qhia rau tus Thawj Pwm Tsav Fab Kis teb paub meej txog cov koob xwm ntawd. Tus Tiam Lis thiaj thov kuv nrog luag rov qab mus rau zos Chapa, thiab xa kuv mus xyuas cov Hmoob tsis zoo siab uas tseem tab tom sib sab laj nyob rau ib lub zos puas ciam av ntawm lub zos Chapa, lawv muaj kwv yees 60 leej.

    Rog Paj Cai Ed_lao11

    Kiab Toom Lauj Npliaj Yob tsev neeg

    Lawv kuj txais kuv zoo ces kuv thiaj nug lawv tias lawv sib sau ua dab tsi tau ntau hnub li ntawd. Lawv thiaj teb kuv tias : « Lawv tsa ib tug Huab Tais ». Sij hawm kuv taug kev mus, kuv tau ntsib Hmoob coob, pom lawv nqa ntau yam hum mus hawm lawv tus Huab Tais tshiab. Thiab muaj ib tug Hmoob hais rau kuv tias : « Txhob tham nrov ! Vim tus Huab Tais yog Ntuj tsos los, Luag hnov tas txhua yam lus tham deb ntawm Luag thaj av tuaj ; tej toj roob hauv pes nov yog luag li tas. Kuv tuaj mus yog mus thov kom Luag pab kuv ua kuv cov teb thiab cov liaj ». Thaum nws hais cov lus nov mas nws ib ce tshee tas thiab zoo li nws txaj muag rau nws cov kwv luag vim nws qhia tsis zais, nws muab tej xwm nov tham qhia tej mab sua ( neeg pej kum) paub cuag li nws ntxeev siab rau nws Haiv neeg. Cov lus uas tus Hmoob nov hais no, tas nrho cov Hmoob nrog nws ua ke yeej puav leej xav ntsoov hauv lawv lub siab. Cov Hmoob xav kom tej nom tswv kav lawv yog Hmoob tib yam li lawv. Tej liaj tej teb kom yog lawv li ntiag tug, kom muaj nom muaj tsw Hmoob nyob hau ib lub teb chaws Hmoob. Vim muaj cov Fab Kis tuaj nyob, lawv txoj kev ua tsov rog thiaj ua tsis tau tib tag thoob plaws qhov txhia chaw.

    Tim yog cov Fab Kis tuaj tswj teb chaws thiab txiav cov Hmoob kev Sawv Tawm Tsam ; tsis li ntawd mas ib vuag xwb cov Hmoob muaj peev xwm muab cov Puab Yib nyob ntug dej Dub ( Dej Ntsuab, Nyab Laj qaum teb) quj ti nkaus rau Muas Loob Phuas Npas, Nplog teb, muab Vaj Ntxwv Nplog cuam rau Niam Dej Naj Khoos yam tsis txhawj kiag li. Cov ntsiab lus tseem ceeb uas sawv daws txeev nug txog kuv, tsuas hais tso tseg li no xwb. Kuv tsis hais dab tsi ntxiv txog qhov kuv tau pom nyob Los Tsuas teb xyoo 1919, 1920 thiab 1921, vim tsis xav mus txuam yuaj rau thaj av luag tau hom tseg.

    Kuv thov hais ntxiv tias lub luag hauj lwm uas kuv tau nrog lis no tau hais mus rau qhov muaj yeej yam, tsis tau ncha rau lub teb chaws li kuv tau xav ua ntej. Vim npog zoo, kuv thiaj muaj cuab kav nrog cov Hmoob uas lawv tsis zoo siab ntawd nyob taus thiab kuv xav mus nrog lawv tham, xyuas lawv hauv lawv tej vaj tsev tau ywg siab.

    Kuv xav muab qib puav lus tseem ceeb hauv tus cai uas tau sau rau cov nom tswv; cj mus nrhiav ib txoj hauv kev rau cov Hmoob taug los nthuav tawm hauv tsav ntawv no, cov lus sib haum xeeb tseg muaj zoo li nram no:

    Rog Paj Cai Laos_p10

    Kiab Toom Lauj Npliaj Yob



    Tseem Hwv Fab Kis Sov Tshoj cog lus rau cov Hmoob nyob Toos Kees
    (Cob Tsib Qaum teb) thiab cov Hmoob nyob Los Tsuas teb li ram no:

    1. Kom tas tsoom Hmoob tseg tsis txhob ua rog, yog tseem muaj kev npaj yuav ua dua rog, yuav tau raug rau txim nyhav heev. Hmoob ua rog tsis tau ua rau Tseem Hwv Fab Kis Xov Tshoj ntshai; tsuas yog ua rau teb chaws tsis muaj kev thaj yeeb uas yuav zam tsis tau txim rau.

    2. Txwv tsis pub Hmoob ua rog lawm yav tom ntej, Tseem Hw tau muab cai rau Hmoob tsis pub lawv zwm rau ib haiv neeg twg. Cov Hmoob rov kav lawv lawm yav tom ntej li cov Los Tsuas, cov Thô thiab cov Cob Tsib, nyob rau Tseem Hwv Fab Kis Xov Tshoj ua tus saib xyuas.

    3. Vim li nov Tseem Hwv Fab Kis yuav tau muaj ntawv teev txhua tus Hmoob nyob Xov Tshoj teb, feeb ua pawg, feeb chaw nyob meej pem rau lawv. Cov rim teb feeb tshiab, tsis hais nrim toj xeem los nrim zej zog, pub kom nyias tau nyob nyias qub chaw li uas tau nyob los txog niaj hnub no thiab yuav nyob mus li. Kev feeb ciam dej ciam av yuav tau ua kom meej pem thiab xwm yeem kawg nkaus.

    4. Vim sai sai tom ntej no tas tsoom Hmoob nyob rau Cob Tsib Qaum teb thiab Los Tsuas teb yuav raug hu tuaj mus xaiv lawv cov Thawj Coj yam ywj siab thiab kom yog lawv Haiv neeg, ua puab pawg thiab raws li nram no:
    Ib lub Xeev nrim teb los puas ib lub nrim cheeb av teeb tub rog pub xaiv tsa ib tug nom Hmoob. Ib lub nrim av Toj Xeem, pub xaiv tsa ib tug los ua Toj Xeem kav, ib luv zos xaiv tsa ib tug los ua Hau Zos. Cov kam xaiv tsa tsis yog yuav muaj nyob rau hauv cov tuam nroog, los nroog Xeev, los teeb Tub Rog xwb; tiam sis yuav muaj rau hauv ezj zog Hmoob huv si. Tus raug xaiv yog tus tau txais suab ntau tshaj ntawm cov pej xeem, lub rooj xaiv tsa yog ib tug tib neeg lis kab xwm Fab Kis los ib tug nom kav tub rog Fab Kis los ua tus Tswj ( Yog lub caij uas Fab Kis tau tsa cov Kiab Toom nyob Xeev Kham teb).

    5. Kev them phiam them se yuav yuav ua raws li nram no:
    Cov xam kam cob nyias cov nyiaj se rau nyias tus Tswv Zos, tsoom Tswv Zos mam muab cov nyiaj cob rau nyias tus Toj Xeem. Cov Toj Xeem nyias nrog nyias cov Hau Zos uas nyob rau nws qab Tswj Hwm, ua ke mus cob cov nyiaj se rau tus nom Hmoob loj hauv Xeev los hauv thaj av teeb tub rog. Tus nom Hmoob hauv Xeev los thaj av teeb tub rog nrog rau cov Toj Xeem thiab cov Hau Zos ua ib nqag mus cob cov nyiaj se rau Tsem Hwv Fab Kis Xov Tshoj.

    6. Kev tu plaub ntug, cov Hmoob yuav npaj ib tug txheej txheem cai tuaj rau Tseem Hwv Fab Kis ntsuam xyuas kho rau Hmoob siv. Hmoob tej kev cai tu plaub ntug niaj hnub no tsis dhos rau Fab Kis cov kev cai, txhua tus Hmoob muaj cai mus hauv Tsev Txiav Plaub Fab Kis. Txhua yam kev plaub ntug, kev tsis sib raug ntawm ob tug tib neeg txawv haiv yuav zwm tas rau Tsev Txiav Plaub Ntug Fab Kis nkaus nkaus xwb.

    7. Cov nom tswv Hmoob muaj cai nplua tus txhaum plaub raws Hmoob tus cai uas Hmoob ib txwm coj los; tab sis yuav tsum muaj pov thawj nrog pom . Cov nyiaj uas nplua tau yuav tsum xa mus rau Tseem Hwv Fab Kis. Kev cob cov nyiaj no rau Tseem Hwv Fab Kis yuav tsum tau muaj tus nom tu plaub thiab cov pov thawj npe tib si nrog.

    8. Cov nom tswv Hmoob nyias yuav tau saib xyuas tsob hwb nyias cov pej xeem. Ib xyoos ntuj zeeg twg, lawv yuav tau ua ib tsab ntawv qhia txog kev tseev tsim ntawm nyias cov pej xeem ntxuag ib peev ntawv ceev (npas xis) qhia txog cov yug tshiab, cov qaij qaug ploj tuag, cov sib yuav, cov tsiv los nyob tshiab thiab cov ho tsiv tawm mus nyob lwm qhov lawd xa tuaj mus rau Tseem Hwv Fab Kis paub.


    Xeev Kham,( Los Tsuas teb), Tim 17 lub 4 hlis 1920
    Sau npe: Txiv Plig François Marie Savina

    Tus txhais : Muas Xeev Tub Soob Ntxawg
    Maylan ( Fab Kis teb), Tim 8 lub 10 hli 1989.





    Rog Paj Cai Kiab_t10

    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Rog Paj Cai Empty Re: Rog Paj Cai

    Post  koojziagkabzaug 16th June 2011, 11:20 am



    Peb Hmoob Thaum Lub Caij Tsov Rog Fabkis


    Txij ntua thaum........Hmoob khiav Suav rog
    Hmoob los txog.........daim av Lostsuas
    uas yog puas...........Nyablaj qaum teb
    nyob tsis deb..........ntawm Dias Npias Fus
    Hmoob kuj mus..........ua noj ywj siab
    lub neej tshiab........kuj yog zoo ntau
    Hmoob kuj tau..........muaj kev ywj pheej
    ua lub neej............kaj siab dua qub
    nyob ib hnub...........mus dhau ib hlis
    ib pliag ntshis........twb tau ntau xyoo
    ces ho zoo.............li hmoov rov phem
    ntuj rov lem...........txoj kev xyob txhiaj
    ces Hmoob thiaj........rov poob kua muag
    txoj kev ntsuag........Hmoob rov khaws nkaus
    raws cov laus..........thiab keeb kwm qhia
    Fabkis dhia............tuaj tsuj av Nplog
    ces nws yog............1-8-9-3
    Lostsuas teb...........rov tau kub ntxhov
    vim yog cov............Fabkis caj siab
    coj cai tshiab.........tuaj tswj los tsuas
    kev sib tuas...........thiaj tau sawv dua
    thiaj rov ua...........rau Hmoob lub neej
    tsis sawv tsheej.......ib cuab ib yig
    Fabkis tig.............los sau Hmoob se
    Fabkis nce.............tus se siab zus
    sau Hmoob mus..........ua Fabkis qhev
    mus khawb kev..........rau Fabkis taug
    muaj ntau zaug.........Hmoob tus txiv tsev
    tau mus ntev...........txog tsheej tog hli
    cov tub ki.............ua tsis tau noj
    Fabkis coj.............lub zog uas khov
    tsuas tshuav cov.......poj niam tub ki
    lawv thiaj li..........them tsis taus se
    tsuas muaj nce.........se siab zuj zus
    ntev tuaj mus..........Hmoob them tsis taus
    Hmoob cov laus.........thiaj tau sab laj
    sawv los npaj..........tswv yim tawm tsam
    los sib tham...........ces thiaj sib sau
    ces thiaj tau..........kom Pajcai Vwj
    sawv los tswj..........los ua tus coj
    coj tub rog............mus tua Fabkis
    lub 7 hli..............1-9-1-8
    Pajcai tsim............ib pab tub rog
    sawv los nrog..........Fabkis sib tua
    thiaj pib ua...........rog txij hnub ntawv
    Pajcai sawv............rog nyob Laujkais
    coj Hmoob ntxhais......Hmoob tub ua rog
    thaj chaw yog..........Nyablaj qaum teb
    tua tau 3..............lub xyoo txwm nkaus
    kev sib ntaus..........thiab kev sib tua
    kuj tau ua.............rau Fabkis ntshai
    vim Pajcai.............cov tub rog tawv
    Fabkis lawv............kuj tau tuag coob
    hos peb Hmoob..........los kuj ploj tuag
    vim yog luag...........muaj riam phom khov
    luag thiaj txov........tau vwj Pajcai
    muab yawg dai..........txiav caj dab tu
    thiab nqa mus..........rau thawj Fabkis
    lub 3 hlis.............1-9-2-1
    Fabkis pib.............muab Hmoob rau txim
    muab Hmoob tsim........thiab muab Hmoob tua
    muab pav ua............ib tshais me nqaj
    ces rho ntaj...........lwg Hmoob caj dab
    Hmoob thiaj sab........rau lub no lawm
    ntuj kuj cawm..........tsis pub tu noob
    kom peb Hmoob..........tsis txhob tuag tas
    Savina(Xasvisnas)......thiaj tau los thov
    kom lawv cov...........thawj rog Fabkis
    tsis pub nqis..........tes tua Hmoob ntxiv
    ces thiaj siv..........ib co cai tshiab
    coj los qhia...........los tswj peb Hmoob
    nyob pem roob..........ces cia Hmoob kav
    Hmoob thiaj txav.......mus hawm Fabkis
    lub 3 hlis.............1-9-2-1
    Hmoob thiaj pib........mus zwm Fabkis
    Hmoob thiaj tsis.......sawv rog ntxiv lawm
    lub sib hawm...........tom qab los no
    ces Hmoob ho...........mus pab Fabkis
    ua me ris..............me tsho ntuag tas
    thaum no mas...........Fabkis ho hlub
    ho tig rub.............Hmoob ua kwv tij
    Hmoob tshaj lij........Fabkis ho qhuas
    Hmoob cov hluas........tau mus pab lawv
    tau mus sawv...........tiv thaiv Fabkis
    ib pliag ntshis........Hmoob tau npe zoo
    Hmoob lub moo..........uas Fabkis nco
    VAJ TAW DO.............yog Fabkis hu
    Hmoob lub plhu.........ces ho tuab npawv
    sib hawm ntawv.........lub yeej tub rog
    mas nws yog............nyob rau Qhas Qhaim
    Hmoob sawv nraim.......Fabkis ib sab
    Hmoob mus pab..........Fabkis tua rog
    uas nws yog............sab dias npias fus
    txoj kev mus...........mas yog ko taw
    vim thaum ntawv........tsis tau muaj tsheb
    nyob deb deb...........1 hlis thiaj txog
    ua tub rog.............rau tus Fabkis
    mas yeej tsis..........muaj nyiaj hli noj
    Fabkis coj.............Hmoob mus ua rog
    mas tsuas yog..........faib phom rau xwb
    los Hmoob twb..........yeej zoo siab pab
    Fabkis thab............Nyab laj qaum teb
    thiaj kom peb..........Hmoob mus pab tua
    thiaj tau ua...........rau ib txhia tuag
    poob kua muag..........thaum twg tham txog
    vim tias yog...........mob kuv siab heev
    kuv lam seev...........ua lus paj huam
    thov txhob thuam.......mog tsoom phooj ywg
    yog leej twg...........paub tias sau phiv
    thov ho ntxiv..........rau kom ho raug
    yuav ua tsaug..........rau koj tus paub
    yog yuav saub..........mas yeej tshuav ntev
    ces thov sev los xaus li no xwb mog.

    Hais txog 3 hmoob lub neej tawg rog thiab ua rog yav ntuj qub qab mas nws yog ib zaj dab neeg uas txaus tu siab thiab ho txaus chim siab kawg nkaus, qhov phem tshaj plaws mas yog 3 hmoob tsis txawj sib hlub sib pab, thiab sib hwm. Nyias khav nyias ntse thiab muaj zog. Thaum 3 muaj ib tug ntse ua tau tus coj lawm 3 tsis txawj tiv thaiv nws thiab hwm nws los yog saib nws rau nqi, txog kawg peb thiaj zoo li no lawm. Tab sis qhov no yog yav tag lawm xwb txij no mus peb yuav tsum hloov 3 lub siab nawb mog Hmoob!



    By: kimpovxauvhuaspamthus
    Tojsiab.com
    Posted 15 Jun 2011, 04:55 AM
    Nraug Liab Toj Siab
    Nraug Liab Toj Siab
    Sponsor
    Sponsor


    Messages : 774
    Date d'inscription : 2011-05-31
    Age : 37
    Localisation : Nyob ntawm koj ib sab.

    Rog Paj Cai Empty Tub Npis Lis Foom

    Post  Nraug Liab Toj Siab 24th September 2011, 5:18 am

    Rog Paj Cai 100_3612
    Rog Paj Cai Touby_12
    avatar
    TsaabT
    Visitor
    Visitor


    Messages : 1
    Date d'inscription : 2011-11-19

    Rog Paj Cai Empty Thov nug koj txog Txiv Plig Savina cov ntawv.

    Post  TsaabT 19th November 2011, 11:58 pm

    [i]Txiv plig Savina cov lus koj hai hau no muaj pis tsaug phau ntawv? Nws cov phau ntawv lub npe hu li cas? yog lub chaw hu li cas luam tawm cov ntawv? xyoo twg sau tawm? Thov xa yi tsab xo tuaj rau kuv lub email taicha1855@yahoo.com

    Ua tsaug tus phoojywg.
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Rog Paj Cai Empty Re: Rog Paj Cai

    Post  koojziagkabzaug 21st November 2011, 12:46 pm



    Nyob zoo Tsaab T,

    Zoo siab koj tuaj xyuas peb lub tsev twj cuab.
    Koj tau nug txog TP.Savina, nws tau sau ntau phau ntawv txog Hmoob, nws yog thawj tug neeg pej kum Tawv Dawb txawj hais lus Hnoob. Nws yog thawj tug neeg pej kum tsim cov ntawv Hmoob. Tab sis kuv nrhiav tsis tau ces koj mam li ntau hauv Google: François Marie Savina seb koj puas yuav tau nws cov ntawv raws cab sab. Kuv yeej pom muaj ntau phau ntawv, tab sis kuv nrhiav tsis tau qhov chaw commander. Nws muaj ua lus Fab Kis thiab lus English thiab. Dua li kuj muaj cov Archive nyob rau Paris, tab sis zoo li lawv kuj tsis pub rau peb mus tshawb thiab.
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Rog Paj Cai Empty Re: Rog Paj Cai

    Post  koojziagkabzaug 7th May 2012, 2:02 pm



    xiongchang wrote:


    Rog vaj yim leej

    - Nyob zoo os, Tsoom phooj ywg! Nkauj muam hmoob, Hlub hmov tshua suav daws;

    Rog vaj yim leej....Yog rog quav dev xwb, Ntshai luag txeeb poj niam; Es tua nplog liab xwb....Raws kuv hnov lug moo cua me ntsis, Tug vaaj yim leej; Nws lub npe hmoob....Lawv hu saub "Xais" Los saub "Txais" Xeem hawj, Yog nej xav paub txog; Lub neej sawv saub....Nej rov mus tshawb txog "Saub paj cai vwj - Saub soob ntzawg lauj" Uas yog yawg faiv ntaj lauj, Ib tug kwv tij; Koom niam txiv....Ib plab yug, Tug tuam tug poob; Ob tug saub no....Lub neej zoo li cas? Mam nug saub hmoo nawb, Yog tsi paubnkawd keebkwm zoo; Nyob twj ywm....Rau siab ntso, Coj poj niam tub ntxhais khawb toj roob hauv hav; Cog zaub....Cog qhiav, Cog txhua yam muag; Thiaj tau nyiaj siv yuav noj haus hnav siv....Lub cuab yig, Thiaj tsi txom nyem ov? Txhua npluav rog saub vwm, Cia ua ib zaj keeb kwm; Rau hmoob kawm....Txhob vwm ntxiv lawm, Npluav rog saub vwm xyoo 1917 Mus xaus rau xyoo 1920, Hmoob thoob tebchaws nplog mag fab kis ntes; Pav ntxeev tis qaib....Cab mus khi nroog xeev khuam....Fab kis txiav nplog, Cov xyoob cog ua tsev lwg ceg kawg nkaug ntsis; Txhos tswg pav hmoob caj dab....Fab kis mam xuas ntaj lwg, Ib tog zug tuaj; Txiav hmoob caj dab tuag....Ib puas leej, Tshuav cuaj pua leej; Tseem yuav lwg ntxiv....Ib tug fab kis, Thiaj hais tias; Yog yuav tua hmoob li no....Yuav tau tso tib neeg, Caij nees dhia raws phuab toom suav lwm los txog; Yawg pom zoo tua....Mam tua nawb....Lub sij hawm ntawd, Phuab toom suav lwm; Tseem mus hauj lwm....Rau sab moos peeb moos pham moos cab looj ceeb lawm, fab kis ib tug tub qhev; Thiaj caij nees nroog xeev khuam mus caum raws....Phuab toom suav lwm, Tso nees dhia nruab hnub hmo ntuj; Thaum raws tau....Phuab toom suav lwm los txog nroog xeev khuam, fab kis twb tua tas; Ib puas leej hmoob lawm....Phuab toom suav lwm, Thiaj cheem fab kis txhob tua ntxiv lawm; Phuab toom suav lwm mam hais....Kom hmoob tso tseg, Kev tua fab kis; Hmoob thiaj hu phuab toom suav lwm ua "Tswv cheem rog" Phuab toom suav lwm txiv khiav tawm suav teb nqeg nplog teb xyoo 1875, Yog ib tug thawj hau rog hmoob tawm tsam suav; Txawj tes taw khawv koob tua ntaj ntaus lawj xeeb heev....Phuab toom suav lwm kawm, Kev ntaus tes taw tua ntaj; Khawv koob ntaus lawj xeeb ntawm yawg "Xauv cawv" Cov hmoob raug ntes khi tshais xyoob, Ib puas leej; Thiaj nug yawg suav lwm tias....Koj tuaj qhov twg tuaj tso peb, Yawg suav lwm; Thiaj dag hmoob tias; Yawg yog nqeg saum ntuj los....Rau tiaj nrag zeb suab puam, Tuaj cheem rog vwm; Tso hmoob xwb....Kom hmoob txhob ua rog, Nrog fab kis lawm; Txawm ua los....Tsi yeej fab kis, Yawg suav lwm hnav lub tsho tiv no dub ntev txog ntua nram plab hlaub; Ntoo kaus mom tseeb li;....Heroes Cowboy America....Lub sij hawm xyoo 1917 ntawd, Peb sab teb chaws sawv saub vwm; Khiav mus ua tsev kheej pem plawv zoov nuj txeeg....Lawv muaj xya tug phuab toom, Yawg suav lwm; Yog ib tug ntawm lawv xya tug phuab toom....Ntsuas zoj hmoob vwm, Yuav swb rog; Rau fab kis....Thaum swb rog lawm, Hmoob yuav raug fab kis ntes tua pov tseg; Yam tej tsiaj txhu tsi muaj tswv pab cawm.....Yawg suav lwm, Thiaj txiv txim siab tawm hav zoov; Coj poj niam tub ntxhais....Ev tawb qaib, Lawv npua cab tshis nyuj nees twm nqeg nrrog xeev khuam; Nyoo txim thawj fab kis ua ntej....Yuav raug ntes tua pov tseg, Thaum fab kis pom tias; Yawg suav lwm....Yog neeg zoo, Leeg txim txhaum; Fab kis tsa yawg ua tub sab laj ntaus tswv yim....Huj rog vwm, Lo lug "Huj" Txhais tias:....Cheem - Txhwj, Tom qab xyoo 1919 Rog hmoob vwm xaus; Fab kis thiaj muab yawg suav lwm....Tsa ua ib tug thawj hau rog, Coj peb puas yim xya tug tubrog fab kis ncig teb chaws xeev khuam; Muab xya lub yeem toj xeem....Rau yawg suav lwm, Tsa hmoob ua nom; Ua toj xeem siav txij xyoo 1920....Los txog ntua;....May 14, 1975 Nplog hu tias:....Taseng....Tug neeg ntse, Qhov muag pom kev; Hmoob hu toj xeem....Yawg suav lwm ntse heev, Yawg yog thawj tug toj xeem hmoob teb chaws los tsuas xyoo 1920; Yawg yog toj xeem (Phou Hoad), Yawg mam tsa toj xeem (Phou khe)....Toj xeem (Nam bar), Toj xeem (Phou san) Toj xeem phav (Pha bomb)....Toj xeem (Sang ches), Toj xeem (Moung Pha) Toj xeem (Phou sang song) sab qab teb; Kuv txiv paj zeb....Yog yawg suav lwm, Tug tub thib: 3 Yog tswv cheem rog tub; Kuv yog tswv cheem rog....Tub xeeb ntxwv, Cov kwv tij hmoob thaib liab "Communist" Tawm lo fim nom tswv thaib tas xaus xyoo 1987, Los yog kuv tug no; Lub tswv yim hlub pab cawm hmoob txoj sia....Kom txhob raug thaib ntes ntaus ncaws cuab khi teem txim, Tua pov tseg; Yam tej tsiaj nruab nrag....Zoo li tebchaws nplog 1975 Txog niaj hnub no, Suav daws pom lawm; Los tsi tau pom.....Puas hnov xov xwm, Kwv tij hmoob nyob nyab laj teb lub zog:...Dien Bien....Zoo li cas? Txoj kev ntseeg saub, Ntseeg neeg vwm; Ntseeg neeg dag....Niam txiv pej xeem hmoob, Raug ntes kaw teem txim; Tua pov tseg....Coob npaum cas? Puasmuaj tug hmoob twg? Txhwj cheem tau, Suav daws ua tib zoo xav nawb mog "hmoob aws"

    - Yog leej twg? Tau nyeem tsab ntawv no, Rau ncoo siab xav; Tseg kiag txoj kev mloog lug hmoo cua....Mloog lug ntxhi, Ntseeg neeg dag; Ntseeg saub vwm....Nco ntsoov tias, Txawm nai phoo vaj pov; Tseem muaj txoj sia....Ua neej nyob ntiaj teb, Los nai phoo vaj pov pab tsi tau; Kawg nai phoo vaj pov....Twb mag ntes kaw teem txim, Thiaj mob hlwb tuag lawm; Kav tsij tawm fim nom tswv....Ua ib tug peej xeem zoo dawb huv, Nrhiav noj haus hnav siv; Yug neeg ruam dig muag....Quav tsw tog twg? Tsi paub ntxhiab cua, Txhob cuab ntse, Nyob twj ywm; Yuav tsum yoog....Lub ntiaj teb tig, Txhob ua neeg; Hnov hnov lug....Yog kaw qhov ncauj tsi tau, Xuas ntaub nplaum lo; Yuav ntsuas phoo xauv....Kev ntseeg neeg dag, Ntseeg saub vwm; Yog txim tuag....Suav daws twb pom:...Yes xus....Los tsi tau pom, Txoj kev ua saub; Yuav raws:....Yes xus....qab ib hnub tom ntej, Yog xav ua nom; Npuab nom tswv....Ua nom tswv qhev, Thaum nom tswv ntseeg; Koj lub siab ncaj nceeg....Tsi ntxeev teb chaws, Nom tswv mam tis npe; Tsa ua nom saib pej xeem....Tswj tub rog, Yog qhov tseeb; Yog lub neej....Cia siab ntawm hmoob, Txoj kev npau suav.
    xiongchang
    xiongchang
    Moderator
    Moderator


    Messages : 5005
    Date d'inscription : 2012-04-16

    Rog Paj Cai Empty Re: Rog Paj Cai

    Post  xiongchang 7th May 2012, 5:15 pm

    - Nyob zoo os, Tsoom phooj ywg! Nkauj muam hmoob, Hlub hmov tshua suav daws; Kuv zoo siab ua tsaug....Tau myeem zaj keeb kwm rog "Paj cai vwj - Soob ntxawm lauj" Yog ib zaj keeb kwm tu siab kawg nkaug, Yog xav paub txog; Kuv yawg suav lwm "Tswv cheem rog" Yog muaj kwv tij nyob fab kis teb, Mus nrhiav rau lub nroog:....Mar say....Or Marshall....Yog lub nroog khaws keeb kwm, Indochina South East Asia....Vim kuv nyob deb sab U.S.A....Tuaj mus tsi tau, Vim tsi muaj phaj ntshab; Kuv twb pom....Kuv yawg daim duab ib leeg ris rab ntaj fwj chim, Ntoo kaus mom tseeb npoo dav; Nrog cev ris tsho....Lub tsho tiv no ntev dhau plawg hauv caug nram....Ib daim nrog yawg tsev neeg tas nrho, Lub sij hawm xyoo 1964; Peb khiav rog nplog liab....Kuv txiv paj zeb, Muab lub me nyuam phav hlau nqa mus zais; Tsam nplog liab tuaj pom tshawb tau....Ces raug txim, Lub phav hlau ntxig fws ntub tas; Peb daim duab ntawd....Ntub lwg zeem zuav tas lawm, Lub sij hawm ntawd; Kuv muaj noob nyoog nce xyoo kaum....Kuv nco tau zoo lawm mas.
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Rog Paj Cai Empty Re: Rog Paj Cai

    Post  koojziagkabzaug 7th May 2012, 11:33 pm



    Nyob zoo tij laug Xyooj Tsab,

    Ua li, yog li kuv nyob Nrab Fab Kis teb, kuv mam nrhiav sij hawm mus nug rau Marseilles seb puas tau hauj lwm.

    Nws yawg lawv tau nrog Paj Cai Vwj sawv vaj thiab lov?

    Ua li nws puas hnov nws yawg hais seb Nkauj Mim yog nkauj Hmoob xeem dab tsi?

    Thiab nws pias kev sawv rog Paj Cai kom ntxaws rau peb mloog puas tau? Xav kom nws pias tag nrho txhua yam kom peb tau sau tseg, vim coob leej yeej tssi paub txog, tsuas tham ua lus paj paws xwb.

    Ua tsaug ntau.
    xiongchang
    xiongchang
    Moderator
    Moderator


    Messages : 5005
    Date d'inscription : 2012-04-16

    Rog Paj Cai Empty Re: Rog Paj Cai

    Post  xiongchang 8th May 2012, 1:58 pm

    - UA tsaug os, Me muam kooj ziag kab zaug; Yog koj nyob fab kis teb chaws....Muaj sij hawm zoo, Koj ncig mus tshawb nrhiav; Hmoob keeb kwm....Sawv rog vwm xyoo 1917 Mus xaus xyoo 1920, Lub sij hawm ntawd; Yog fab kis ua tswv xeev:....Xieng khouang....Kuv yawg ua hauj lwm nrog fab kis:...Gu me caige....Tseg ntev heev lawm, Kuv tsi nco qab ntawv fab kis lawm os; Kuv txiv paj zeb piav tias....Tug nom fab kis, Kub me xe rog; Yog tswv xeev:....Xieng khouang....Thov tswv ntuj yawm saub foom hmoov zoo pub nws nawb mog, Yog thaum twg? Nws mus nrhiav tau no, Sau ntawv qhia kuv paub os; Kuv mam pauj txiaj ntsig zoo pub nws tom qab nawb....Seb puas tau duav nrog, Kuv yawg suav lwm tsaab; Yog hmoob leeg....Kuv pog hlob yog nkauj hmoob yaj, Kuv pog yau; Yog nkauj hmoob thoj....Nkauj hmoob leeg tas nrho, Thaum fab kis yees duab yawg suav lwm tsev neeg; Lawv hnav tsoog hmoob leeg....Tib si ov, Cov duab ntawd; Yeeg hauv nroog xeev khuam os....Ua tsaug nawb, Kuv kuj tsi paub txog lawv kev ua rog vwm zaum ntawd zoo; Kuv txiv paj zeb....Piav qhia kuv li, Kuv sau tseg hauv no xwb; Kuv txiv tug tij laug hlob:....Vang, Mai; Sang...Sue, Thao; Ying....Tug muam lub npe hu:...Song, Kuv txiv lub npe me nyuam tub yog;...Xab toj xeem suav lwm, Tsi paub zoo; Seb fab kis sau li cas os....Kuv yawg lawv lub zog, Nyob ze ntug nroog xeev "Phou Houa" Yawg lub npe nom "Ta seng Phou houa" Hauv ntawd ntaus ua "Phou Hoah"
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Rog Paj Cai Empty Re: Rog Paj Cai

    Post  koojziagkabzaug 8th May 2012, 3:56 pm



    Nyob zoo tij laug Xyooj Tsab,

    Kuv mas ntshe kuv yuav tsis tau mus Marseilles sai, tab sis cia kuv hais rau ib tug tub Hmoob Tsab, uas nws tab tom sau txog Rog Paj Cai, thiab Paj cai lub neej mus nrhiav. Nws twb mus tshawb hauv Missions Etrangère de Paris lawm, tab sis nws tsis tau paub txog Marseilles, ua li tij laug puas paub qhov chaw ntawd lub npe yog hu li cas?

    Ua tsaug rau nws lub siab zoo, tuaj tham ntau yam rau peb hnov thiab paub.
    xiongchang
    xiongchang
    Moderator
    Moderator


    Messages : 5005
    Date d'inscription : 2012-04-16

    Rog Paj Cai Empty Re: Rog Paj Cai

    Post  xiongchang 9th May 2012, 12:32 pm

    - He....he....Nyob zoo os, Thov zam txim nawb; Kuv nyob teb chaws mes kas lawm....Kuv paub tsi zoo txog lub chaw ntawd li, Seb puas yog lub nroog:...Marseille....Thaum vauv vam vwg xyooj, Thiab maiv nkawd; Tuaj saib peb nyob mes kas....Teb chaws, Kuv nug vauv vam vwg xyooj; Nws tsuas tham li ntawd xwb, Kuv paub tsi zoo os.
    Liajntsuab
    Liajntsuab
    Sponsor
    Sponsor


    Messages : 809
    Date d'inscription : 2011-12-04

    Rog Paj Cai Empty Re: Rog Paj Cai

    Post  Liajntsuab 3rd January 2016, 6:42 pm

    Nyob zoo Niamtij Koojziagkabzaug,

    Ntawm no yog ib cov duab lawv muab los tshiab nyob rau tom Facebook kuv lawv hais nyob rau hauv tias yog Yawg Hlob Paj Cai Vwj thiab nws cov Leem thaum ub. Raws li saib hauv no zoo li ntxim yuav yog thiab vim tias pom Fabkis nrog rau ib cov Hmoob hos muaj ib tug Thawj Coj. Yog li no kuv muab coj los tso rau ntawm no koj pab kho rau kom zoo rau peb tau saib. Dhau li lawm lawv hais tias lawv mus muab ntawm 2 qhov vassab uas pom nyob hauv no los. Yog li no koj paub ntawv Fabkis koj mus pab tshawb xyuas seb puas pom ntau tshaj no thiab paub meej dua rau peb kom paub meej tshaj no. Ua tsaug ntau

    Nram no yog Yawg Hlob Paj Cai Vwj sawv rog tivthaiv kev quab yuam los ntawm Fabkis txoj kev sau Hmoob Se nyob rau xyoo 1918-1922 nyob Xeev Khuam, Nplob teb.

    https://www.facebook.com/photo.php?fbid=10102345530170709&set=ms.c.eJxdj7sRRDEMAju6AX1N~%3B42dQ~%3BMCJTtiJQgisroTXCz040OEmYeENEPaDqIlIxmoxzMUZ7Pdc3FaKqLbPKw6LCd3PIXrXSccfD48OMdvbZc~_vcjQHzmxNZQ~-.bps.a.10102345529946159.1073741842.17832336&type=3&theater
    avatar
    HmoobTsab3
    Visitor
    Visitor


    Messages : 2
    Date d'inscription : 2015-10-21

    Rog Paj Cai Empty Re: Rog Paj Cai

    Post  HmoobTsab3 4th January 2016, 11:25 am

    Tante, Peux tu traduire mon texte et le mettre sur le forum Hmoob Tshav Ntuj a la mémoire de oncle Xiong Chang ? Merci tante.

    Je me suis toujours dit au fond de moi que : "Cela serait bien que je retrouve une photo de Paj Cai Vwj s'il existe; voir son visage une fois avant de mourir pour une fois que je suis né Hmong dans cette vie "...être Hmong une fois dans ma vie , il fallait vraiment que je retrouve la photo de Paj Cai Vwj...c'était devenue une obssession pour moi !

    Tante, aujourd'hui il est temps pour moi de te rendre compte de mes recherches qui a durée 5 ans sur l'Histoire de Paj Cai Vwj. je voulais te dire aujourd'hui qu'au début de mes recherches en 2011 sur l'Histoire de Paj Cai Vwj cela n'avait pas été facile pour moi du tout. Je ne savais pas où commencer. J'ai fait des petites recherches par ci par là. J'ai contacté plusieurs personnes Hmong et aussi des français (des chercheurs , des professeurs etc...) et bien sûr j'ai été dans les centres d'archives françaises dans le Sud de la France et à Paris (Centre).

    J'ai été plusieurs fois pour y effectuer des recherches et jamais de photos tellement il y en avait.

    Fin 2012, j'ai acheté dans un magasin de vieux papiers (genre brocante) à côté de chez moi une vieille photo qui m'avait coûté 150 euros où figurait un Hmong (Miao) du Viet Nam. Il y avait pas d'autre informations. Mais sa se voyait que c'était un Hmong. Il avait le turban, et avait les habits noirs comme sont habillaient les Hmong du Viet Nam.
    Le Hmong sur la photo pour moi avait beaucoup de charisme, il avait l'air vaillant et courageux.
    J'ai pensé à Paj Cai Vwj mais le problème rien ne me permettait de dire que c'était lui. Je n'avais pas de preuves pour dire que c'était vraiment lui....Mais quelque chose me disait que c'était lui. Même parfois je faisais des rêves qui me disait que c'était lui...en vain...ce n'était que des rêves...(bizarre)...Donc du coup je me suis dit qu'il vaut mieux mettre cette photo en attente , de se dire que c'est une hypothèse , de mettre en guillemets car : pas ce n'était pas écrit que c'était absolument Paj Cai Vwj...et j'avais pas envie de dire n'importe quoi , faire croire que c'était Paj Cai Vwj et puis je suis qu'un petit être , je ne pouvais dire que c'était vraiment lui hélàs...

    J'ai continué encore plus loin mes recherches et un jour j'ai décidé de retourner dans les centres d'archives. et là je suis tombé sur l'original de la photo que j'avais acheté. C'était la même photo mais en mieux car c'était la vrai photo. et là la légende de la photo était : "révolte Miao " : toujours pas de Pachay mais on pouvait penser que c'était Pachay mais c'etait toujours supposition encore....et là je vois marquer date prise de la photo : année 1920 en bas dans le classeur photo des archives.

    que signifie 1920 me dis-tu ?

    1920 correspond au début de la révolte de Paj Cai et des Hmong.

    Conclusion personnelle : Je pense que le hmong sur la photo est bien Paj Cai Vwj car la photo a été prise en 1920 et surtout que c'est mentionné "Révolte Miao".

    En plus, quand on regarde bien le personnage : il a beaucoup de charisme, il est vaillant, courageux , et téméraire Non ? qu'en penses tu ?




    Ps : ci joint la photo de Paj Cai Vwj.

    l'original des archives que j'ai copié aux archives
    et la photo que j'ai acheté qu'on voit pas très bien.

    PS : On dirait que quelque part Paj Cai Vwj au ciel voulait que nous les enfants Hmong de la nouvelle génération puisse le retrouver et se retrouver et au moment ou je te parle quelque aux USA m'a contacté, et me disait être de la famille de Paj Cai Vwj. Lui même avait fait les mêmes recherches que moi.
    Sauf qu'il est Docteur et moi un petit être.

    Je suis très heureux que malgré les distances qui nous séparent tous, sur cette planète, il existe encore des petits Hmong comme moi passionné par l'Histoire et qui pense comme moi sur l'Histoire des Hmongs.

    Liajntsuab
    Liajntsuab
    Sponsor
    Sponsor


    Messages : 809
    Date d'inscription : 2011-12-04

    Rog Paj Cai Empty Re: Rog Paj Cai

    Post  Liajntsuab 4th January 2016, 1:37 pm

    Ib tsoom phoojywg,

    Thaum nej mus qhib tau Hlob Vwj Paj Cai daim duab uas kuv tso los saumtoj saud tshwm los lawm, nej mus nias nws daim duab yuav tawm ntau daim los zuj zus rau nej tau saib ntxiv. Tag nrho nws cov dua zoo li yog 11 daim sub.
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Rog Paj Cai Empty Re: Rog Paj Cai

    Post  koojziagkabzaug 4th January 2016, 1:44 pm



    Nyob zoo Xyoo Tshiab me kwv Liaj Ntsuab,

    Xyoo Tshiab tuaj thov kom nws thiab tsev neeg ntsib kev noj qab nyob zoo.
    Kom dej tshiab tau haus, mov tshiab tau noj,
    Nyob ua npoj, ua neej muaj meej mog.

    Ua tsaug rau nws qhia kuv mus saib yawg Vaj Yig Vwj cov duab, yog ib cov duab tseem ceeb muaj nqes rau Peb Hmoob txhua leej. Ua tsaug ntau.
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Rog Paj Cai Empty Re: Rog Paj Cai

    Post  koojziagkabzaug 4th January 2016, 2:48 pm

    HmoobTsab3 wrote:Tante, Peux tu traduire mon texte et le mettre sur le forum Hmoob Tshav Ntuj a la mémoire de oncle Xiong Chang ? Merci tante.

    Je me suis toujours dit au fond de moi que : "Cela serait bien que je retrouve une photo de Paj Cai Vwj s'il existe; voir son visage une fois avant de mourir pour une fois que je suis né Hmong dans cette vie "...être Hmong une fois dans ma vie , il fallait vraiment que je retrouve la photo de Paj Cai Vwj...c'était devenue une obssession pour moi !

    Tante, aujourd'hui il est temps pour moi de te rendre compte de mes recherches qui a durée 5 ans sur l'Histoire de Paj Cai Vwj. je voulais te dire aujourd'hui qu'au début de mes recherches en 2011 sur l'Histoire de Paj Cai Vwj cela n'avait pas été facile pour moi du tout. Je ne savais pas où commencer. J'ai fait des petites recherches par ci par là. J'ai contacté plusieurs personnes Hmong  et aussi des français (des chercheurs , des professeurs etc...) et bien sûr j'ai été dans les centres d'archives françaises dans le Sud de la France et à Paris (Centre).

    J'ai été plusieurs fois pour y effectuer des recherches et jamais de photos tellement il y en avait.

    Fin 2012, j'ai acheté dans un magasin de vieux papiers (genre brocante) à côté de chez moi une vieille photo qui m'avait coûté 150 euros où figurait un Hmong (Miao) du Viet Nam. Il y avait pas d'autre informations. Mais sa se voyait que c'était un Hmong. Il avait le turban, et avait les habits noirs comme sont habillaient les Hmong du Viet Nam.
    Le Hmong sur la photo pour moi avait beaucoup de charisme, il avait l'air vaillant et courageux.
    J'ai pensé à Paj Cai Vwj mais le problème rien ne me permettait de dire que c'était lui. Je n'avais pas de preuves pour dire que c'était vraiment lui....Mais quelque chose me disait que c'était lui. Même parfois je faisais des rêves qui me disait que c'était lui...en vain...ce n'était que des rêves...(bizarre)...Donc du coup je me suis dit qu'il vaut mieux mettre cette photo en attente , de se dire que c'est une hypothèse , de mettre en guillemets car : pas ce n'était pas écrit que c'était absolument Paj Cai Vwj...et j'avais pas envie de dire n'importe quoi , faire croire que c'était Paj Cai Vwj et puis je suis qu'un petit être , je ne pouvais dire que c'était vraiment lui hélàs...

    J'ai continué encore plus loin mes recherches et un jour j'ai décidé de retourner dans les centres d'archives. et là je suis tombé sur l'original de la photo que j'avais acheté. C'était la même photo mais en mieux car c'était la vrai photo. et là la légende de la photo était : "révolte Miao " : toujours pas de Pachay mais on pouvait penser que c'était Pachay mais c'etait toujours supposition encore....et là je vois marquer date prise de la photo : année 1920 en bas dans le classeur photo des archives.

    que signifie 1920 me dis-tu ?

    1920 correspond au début de la révolte de Paj Cai et des Hmong.

    Conclusion personnelle : Je pense que le hmong sur la photo est bien Paj Cai Vwj car la photo a été prise en 1920 et surtout que c'est mentionné "Révolte Miao".

    En plus, quand on regarde bien le personnage : il a beaucoup de charisme, il est vaillant, courageux , et téméraire Non ?  qu'en penses tu ?




    Ps : ci joint la photo de Paj Cai Vwj.

    l'original des archives que j'ai copié aux archives
    et la photo que j'ai acheté qu'on voit pas très bien.

    PS : On dirait que quelque part Paj Cai Vwj au ciel  voulait que nous les enfants Hmong de la nouvelle génération puisse le retrouver et se retrouver et  au moment ou je te parle quelque aux USA m'a contacté, et me disait être de la famille de Paj Cai Vwj. Lui  même avait fait les mêmes recherches que moi.
    Sauf qu'il est Docteur et moi un petit être.

    Je suis très heureux que malgré les distances qui nous séparent tous, sur cette planète, il existe encore des petits Hmong comme moi passionné par l'Histoire et qui pense comme moi sur l'Histoire des Hmongs.




    Phauj, koj pab txhais kuv qhov ntawv nov, muab tso rau hauv Forum Hmoob Tshav Ntuj nov kom ua kev nco txog txiv hlob Xyooj Tsab, ua tsaug phauj.

    Kuv ib txwm xav rawv hauv kuv lub siab tias: "Yog ib qhov zoo yog tias kuv nrhiav tau yawg "Paj Cai Vwj" daim duab yog tias muaj; kom pom nws lub ntsej muag ib zaug ua ntej kuv tuag kom tsim nyog kuv yug los ua Hmoob ib zaug rau lub neej no." Yug los ua Hmoob ib zaug, yuav tsum kom kuv nrhiav kom tau Paj Cai Vwj daim duab...Kuv pheej xav thiab xav ces lub tswv yim no cia li nyob rawv hauv kuv tsis ploj li lawm!

    Phauj, Hnub no txog caij lawm uas kuv yuav muab tes hauj lwm uas tshawb nrhiav txog Paj Cai Vwj lub neej tau 5 xyoos los xaus. Kuv hais rau koj paub tias thaum kuv nyuam qhuav pib nrhiav Paj cai cov keeb kwm xyoo 2011 mas tsis yog ib qho yooj yim rau kuv kiag li. Kuv tsis paub yuav pib tog twg tuaj, kuv lam nrhiav tom ub tom no tuaj, kuv tau mus cuag ob peb tug Hmoob thiab Fab Kis (cov kwv tshawb fawb, cov Xib Hwb thc...) thiab kuv kuj tau mus tshawb hauv Fab Kis lub tuam tsev khaws tej qub ntawv nyob yab Qab teb thiab Paris.

    Kuv tau nrhiav ntau zaud tab sis tsis tau duab li, muaj duab ntau tab sis tsis pom ib daim uas yuav sau Paj Cai npe rau li.

    Lub qab xyoo 2012, kuv yuav tau ib phau ntawv qub qub ntawm kuv tog tsev, yog hnub uas lawv muag tej khoom qub, kuv lam mus nrhiav tau; muaj ib daim duab qub nyob hauv, kuv tau them 150 € (kuj yog kim heev), uas muaj ib daim dub Hmoob qub qub nyob Cob Tsib teb, tsis sau dab tsi ntxiv li. Tab sis pom daim duab no, yog ib tug hmoob ntoo ib txoj phuam saum taub hau, nws hnav ib cze khaub ncaws dub li cov hmoob dub nyob Cob Tsib teb.

    Tus Hmoob uas kuv pom hauv daim duab, cas zoo li nws muaj hwj huam heev, nws tus xim xoos zoo li ntse heev thiab muaj peev xwm heev. Kuv txawm xav hais tias yog Paj Cai Vwj, tab sis qhov teeb meem mas yog tsis muaj ib qho pov thawj qhov twg yuav ua kom kuv hais tau tias yog Paj Cai Vwj li. Yeej tsis muaj ib yam dab tsi yuav qhia rau kuv tias yog li no tab sis nyob rau hauv kuv lub siab mas kuv yeej xav hais tias tus neeg muaj hwj chim tag npaus mas kawg yog xwb. Tej thaum mas kuv tseem ua npau suav hais tias yog nws tiag tiag li...Tab sis tsim los ces tsis yog tiag, yog npau suav xwb....(txawv heev)...Ces kuv txawm xav tias ntshe yuav tsum muab daim duab nov theem cia, mam hais tias tias yog lam xav xwb tsis yog sau meej meej tias yog Paj Cai Vwj...thiab kuv tsis xav lam tau lam hais, kuv tsuas yog ib tug me nyuam neeg xwb, txhob lam hais kom luag ntseeg tias yog Paj Cai.

    Kuv rov mus nrhiav deb dua ntxiv, ces muaj ib hnub kuv txawm txiav txim siab rov mus nrhiav hauv cov tsev khaws ntawv qub; kuv txawm pom daim duab uas kuv yuav tau ua ntej, uas yog daim tseem duab ntag. Yog tib daim duab uas kuv xub yuav, tab sis yog daim tseem uas lawv thaij kiag ntag, thiab lawv sau rau ntawm daim duab tias: "Hmoob sawv rog" Tsis pom Paj Cai lub npe, tab sis sau thaum thaij daim duab yog 1920 rau hauv qab phau duab.

    1920 yog dab tsi?
    1920 yog thaum lub caij Paj Cai pib sawv rog vwm, Rog Paj Cai thiab Hmoob.
    Xaus lus: Kuv xav tias daim duab yuav tsum yog Paj Cai vwj, vim daim duab thaij thaum 1920 thiab tshwj xeeb tshaj mas yog sau tias: "Hmoob Sawv Rog"
    Thiab thaum yus tib zoo ntsia tus neeg mas yog ib tug neeg muaj hwj huam, ntse, muaj peev xwm thiab phim ua tus coj, koj xav li cas?


    Paj Cai ob daim duab: Daim pom zoo dua yog daim kuv mus nrhiav tau, daim uas pom plooj me ntsis yog daim kuv yuav nrog phau ntawv.


    Rog Paj Cai 10133310

    Rog Paj Cai Zoov_t10

    PS: Zoo li Paj Cai nyob saum ntuj xav kom peb cov ua me nyuam hmoob txheej tshiab no kom rov nrhiav tau nws. Thaum kuv tseem tab tom tham rau koj nov, muaj ib tug uas nyob tim As Mes Liv Kas, uas yog nws ib tug xeeb ntxwv kuj nrhiav txog Paj Cai keeb kwm li kuv thiab. Tab sis qhov sib txawv mas yog yawg yog Docteur hos kuv ces kuv yog me nyuam neeg xwb.

    Kuv zoo siab heev uas txawm peb nyob ib tug ib qho deb deb hauv lub ntiaj teb no los tseem muaj tej tug me nyuam hmoob li kuv nyiam tshawb nrhiav txog keeb kwm Hmoob thiab xav li kuv rau keeb kwm Hmoob.



    Liajntsuab
    Liajntsuab
    Sponsor
    Sponsor


    Messages : 809
    Date d'inscription : 2011-12-04

    Rog Paj Cai Empty Re: Rog Paj Cai

    Post  Liajntsuab 4th January 2016, 8:13 pm

    Nyob zoo Xyoo Tshiab rau neb 2 tug ua tij thiab. Thov kom lub xyoo tshiab tuaj lawm muaj lajlim tswv8 tshiab los ntxiv cov qub los khwv txhua yam kom tau li siab xav thiab nce toj los muaj zog nqis los zog nchav. Nyob dawb txhuv huv nawb.
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Rog Paj Cai Empty Re: Rog Paj Cai

    Post  koojziagkabzaug 5th February 2016, 4:03 am



    PAJ CAI VWJ DAIM DUAB.

    Rog Paj Cai 10575210

    Rog Paj Cai La_ryv10

    Zoo siab tas nrho uas pom thiab paub tias Paj Cai Vwj zoo li cas tiag.
    Nws tus cwj pwm yeej xeeb tau muaj peev feem thiab hwj chim heev, nws thiaj li nto koob meej tsis muaj caij kawg. Txawm nws txoj sia lub neej nyob tsis ntev los nws lub npe yuav nyob tsis muaj caij kawg.

    Lawv sau hais tias Hmoob sawv tawm tsam 1920, Hmoob tus thawj coj tseem ceeb.


    La révolte des Méos [en Indochine française (Laos)] :
    grand chef Méo : [photographie de presse] / Agence Meurisse - 1920


    Rog Paj Cai 12419012
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Rog Paj Cai Empty Re: Rog Paj Cai

    Post  koojziagkabzaug 5th February 2016, 4:29 am



    Tus Tswv Cheem Rog.



    Rog Paj Cai Index10

    Père François-Marie Savina.
    Indochine

    "TP. François-Marie Savina, yog tus TXiv Plig uas koj hais. Nws txawj lub Hmoob lus Nplog tib si.
    Yog ib tug Txiv Plig paub Hmoob, Nplog zoo heev. Thaum Fabkis ntes tau ntau pua tus Hmoob coj mus khi rau lub tshav ncaws pob nyob ze ntawm qaum xeev. Fabkis tab tom yuav muab lawv tua pov tseg tabsis Txiv Plig Savina tau mus cawm cov Hmoob no, thiab kom Fabkis txhob ntes, txhob tua Hmoob ntxiv lawm."

    Tus sau: Col.Vaj Ntxawg.
    USA tim 05-01-2016

    Rog Paj Cai 19298810

    Nyob tom Xeev Khuam.

    Rog Paj Cai 564_1010

    Rog Paj Cai 12225_10

    Rog Paj Cai 10312610

    Rog Paj Cai 53534910

    Rog Paj Cai 10462510

    Rog Paj Cai 99677610

    Sponsored content


    Rog Paj Cai Empty Re: Rog Paj Cai

    Post  Sponsored content


      Current date/time is 28th March 2024, 7:11 am