google-site-verification: googlefbfddf59e706b96b.html

Latest topics

» NYOB ZOO OS
by cwjmemdub 10th October 2018, 9:37 pm

» TUS KAB MOB CANCER TXOV HMOOB LOS TAU ZE 600 TAWM XYOO & TSEEM YUAV MUAJ NTXIV
by Liajntsuab 13th April 2018, 11:57 am

» Ib tsoom Phoojywg Nej Nyob Licas lawm
by Liajntsuab 24th March 2018, 2:14 pm

» ***UA NEEB***
by shung 8th March 2018, 5:49 pm

» Neeb Saub ua rau neeg vwm
by shung 4th February 2018, 2:58 pm

» Xiong Chang
by koobpovtxuj 10th December 2017, 11:00 am

» Koobpovtxuj.
by koobpovtxuj 19th November 2017, 1:34 am

» kuv cov duab.
by koobpovtxuj 18th November 2017, 11:30 am

» KHAWV KOOB
by koobpovtxuj 30th September 2017, 4:29 pm

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

» Kiab toom lauj npliaj yob lub qub tsev.
by Admin 1st August 2017, 5:04 pm

» Kawm LUS ROV
by koobpovtxuj 10th July 2017, 1:54 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    Suav yuav poj niam hmoob nplog coj mus muag rau Suav teb.

    Share
    avatar
    koojziagkabzaug
    Moderator
    Moderator

    Messages : 3529
    Date d'inscription : 2010-02-28

    Suav yuav poj niam hmoob nplog coj mus muag rau Suav teb.

    Post  koojziagkabzaug on 22nd October 2015, 4:27 pm


    Suav yuav Hmoob mus muag



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    Liajntsuab
    Sponsor
    Sponsor

    Messages : 808
    Date d'inscription : 2011-12-04

    Re: Suav yuav poj niam hmoob nplog coj mus muag rau Suav teb.

    Post  Liajntsuab on 22nd October 2015, 5:57 pm


    Niamtij Koojziagkabzaug,

    Tej teebmeem zoo li no twb muaj ntau heev tshwmsim nyob Lostsuas lawm los peb cov Pojniam thiab Ntxhais Hmoob yeej TSIS RIS SIAB thiab NTSHAI li ne. Qhov no tsis yog hais lus saib tsis taus peb tsoom pojniam Hmoob tiamsis lawv yeej ua muaj li ntawd. Peb txawm hlub hlub lawv los tsis pom qab pab lawv vim tias lawv HNAV TAUS LAWV NIAM LI TIAB LAWM CES LAWV UA TAUS LAWV IB SIAB lawm. Ua neej nyob TSIS POM DEJ DAG SIAB YEEJ TSIS NQIG, thiab Pojniam Hmoob yeej pom txiv neej Hmoob ZOO NRAUG TSIS NPAUM LI MAB THIAB SUAV MUS RAU LWM HAIVNEEG.

    Pab tusiab rau Hmoob lub neej txom kev txomnyem tsis muaj hnub dua. Niajhnub nimno Hmoob lub neej nyob Lostsuas Hmoob rov raug mus ua SUAV QHEV dua lawm thiab. Thaum ub tej laus tsuas pheej hais tias txhob noj mov txog caug tsam tau ua Suav Qhev thiab hnov dabneeg tej laus hais qhia li xwb tiamsis tamsim no rov tshwmsim dua. Cov Hmoob uas mus ua Suav Qhev es raug Suav muab ntaus sab thiab ntaus tuag los twb muaj tshwmsim lawm hos cov uas mus ua Suav zog es suav yuam ua ib hnub tsaus ntuj ntais tsis pub so mas yuav luag yog txhua pab.
    Peb Hmoob yeej tsis SAWM ZOO THIAB TSIS TXAWJ SIB HLUB, yog txomnyem ces thiaj li txawj sib hlub hos yog TAU ZOO NYOB NOJ ces KHWV TSWV8 UA PLAUB UA NTUG uas zoo nkaus li peb cov tuaj nyob tebchaws vammeej no ntag uas kuv coj tuaj tso rau peb saib hauv no
    .
    avatar
    Liajntsuab
    Sponsor
    Sponsor

    Messages : 808
    Date d'inscription : 2011-12-04

    Re: Suav yuav poj niam hmoob nplog coj mus muag rau Suav teb.

    Post  Liajntsuab on 22nd October 2015, 6:10 pm

    Mloog nram no mus ntxiv txog peb tej ntxhais Hmoob Nplog mus yuav Suav.

    https://www.youtube.com/watch?v=XVkQSanTLts
    avatar
    koojziagkabzaug
    Moderator
    Moderator

    Messages : 3529
    Date d'inscription : 2010-02-28

    Re: Suav yuav poj niam hmoob nplog coj mus muag rau Suav teb.

    Post  koojziagkabzaug on 23rd October 2015, 11:49 am



    Nyob zoo kwv Liaj Ntsuab,

    Ua tsaug rau nws lub laj lim tswv yim thiab caij nyoog tuaj pab txhawb lub zos Hmoob Tshav Ntuj nov kom nyob lom zem xauv npo.

    Peb ua neeg nyob, yuav tsum xav thiab xaiv txoj kev sib nyiam sib hlub hauv ib haiv neeg, ib cuab kwv tij, ib cum neej tsa, rau ib tse neeg, rau niam txiv me tub me nyuam txoj kev sib hlub sib nyiam sib pab sib vam khom, nyob sib puag npoo. Tsis txhob ntshaw ntshaw nyiaj ua tsis paub sib hlub, sib khuv leej txog qhov uas muab yus tej ntxhais coj mus muag rau luag yuav tsim txom ua dev ua npua li ib yam khoom siv ciaj sia, yuav cia ciaj luag cev qhev los luag yuav muab hlais tej me siab ntsws nruab nrog cev ib kuag mus muag es tso yus tej ntxhais ua neej nyob mob ntsuav yuav tuag los tuag tsis taus; yuav ua neeg los pam neej pam dab lawm, thiab tseem muaj cov uas luag muab coj mus yug li tej tsiaj, ib hlis muab tso ntshav ib zaug mus muag...thc...

    Peb Hmoob yuav tsum tseg txoj me kev uas cov txiv neej yog cov tswj plaub tsaws ntug, cai luaj caj npab los yog lawv tuav lawv tswj, poj niam hmoob ces nyob tij ywm ua mov rau lawv noj thiab ua nyuj rau lawv thauj, ua nees rau lawv caij. Yog Peb Hmoob tsis tseg txoj kev muab poj niam saib qes ces ib hnub tom ntej tseem yuav muaj xwm txheej tshwm sim ntau ntxiv tshaj tuaj raug Peb Hmoob. Txhob xav tias yus yog txiv neej ces tsuav tau nyiaj ntau ces loj xov yus tej ntxhais muab pauv nyiaj los siv yam tsis hlub txog yus tus me nyuam lub qhov muag, txoj sia li. Yus ua niam ua txiv, yus tsis tsa yus tej me nyuam, leej twg nyob ntiaj teb no thiaj li yuav tsa? Twb yug tawm kiag hauv yus lub plab los, yus twb tsis hlub. Yus ua niam ua txiv, yus tsis hlub, me nyuam vam leej twg ntxiv los hlub tshua me nyuam???

    NCO NTSOOV TIAS YUS TXHIAJ MEEJ SAWV CES KOOB HMOOV TXHAWB,
    YUS TUB NTXHAIS ZOO CES TXHIAJ MEEJ ROOS,
    YUS TUB NTXHAIS POOB CEV QHEV CES YUS XWM KAB TSIS KAV VAJ KAV TSEV .


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    Liajntsuab
    Sponsor
    Sponsor

    Messages : 808
    Date d'inscription : 2011-12-04

    Re: Suav yuav poj niam hmoob nplog coj mus muag rau Suav teb.

    Post  Liajntsuab on 23rd October 2015, 7:19 pm

    Nyob zoo os Niamtij Koojziagkabzaug,

    Koj ua tij cov lus yeej yog kawg rau tej Niam thiab Txiv uas muab tej Ntxhais Lam tau lam muag rau tej Neeg Laus vim txoj kev ntshaw nyiaj thiab tej Ntxhais tsis yeem los ciam li yuam rau. Peb txheej no feem ntau peb tsis pom zoo lawm os vim txoj kev ntawd yog ib txoj kev poob qab thiab tsis yog txoj kev uas txhawb tub ntxhais mus rau txoj kev vammeej.

    Kuv tsis paub seb koj ua tij puas tau mus Nplog teb tiamsis nyob li koj Niam Ntxawm wb mus 2-3 zaug no kuv pom meej thiab tseeb lawm tej teebmeem no feem ntau tsis yog tim Niam thiab txiv. Yog vim tej Tub ntxhais txheej nimno lawv loj hlob tuaj tsis mloog niam thiab txiv hais lawm. Koj muab xav li tias tej tub ntxhais tim Nplog tus yuav nyob puag Qaumteb los nws ib leeg tuaj laij nws ti nkaus puag Qabteb thiab mus rau ub rau no ywj siab ywj ntsws. Hos kev ua nkauj nraug los hajyam ywj siab. Yog thaum zoo li no lawm tej Niam tej txiv hais tsis tau ces nws tuaj mus deb thiab deb lawm nws tuaj mus muag cev, qhov twg tau noj thiab hnov nrov ces raws phoojywg mus qhov ntawd lawm. Nyob li tej ntxhais uas mus yuav Suav ntawd los yeej yog ib yam nkaus li, lawv yeej yeem lawv lawm ces tej Niam tej txiv ciali khaws sau nyiaj thiab ua noj lawm xwb.

    Lub caij tamsis no lub tebchaws Lostsuas mas tej tub ntxhais tseem liam tshiaj cov nyob tebchaws vammeej lawm thiab yog li no tej kev phem peb hnov thiab pom no thiaj li muaj ua ntuv zus los mus lawm. Kuv xav tias tej no ntshe yog tseem nyuam qhuav pib xwb, tom ntej no ntshe tseem yuav hajyam piam sij loj tshaj no vim lub tebchaws Nplog tsoom neeg tsuas muaj txomnyem coob zujzus tuaj xwb.

    Txhob ua tsaug os kuv ces twb pab tsis tau dabtsi tsuas yog qee zaus lam tuaj sau me ntsis xovxwm xwb thiab. Koj aw!!!! laus zus ces qhovmuag tsis pom zujzus thiab tsis muaj lub caijnyoog ntau los uasi li thaum i lawm os.

    Nyob zoo nawb
    .

    Sponsored content

    Re: Suav yuav poj niam hmoob nplog coj mus muag rau Suav teb.

    Post  Sponsored content


      Current date/time is 20th November 2018, 8:19 am