HMOOB TSAV NTUJ

Would you like to react to this message? Create an account in a few clicks or log in to continue.

google-site-verification: googlefbfddf59e706b96b.html

Latest topics

» Ib tsoom Phoojywg Nej Nyob Licas lawm
by Liajntsuab 7th October 2019, 9:45 am

» NCIG XYUAS HMOOB NYAB LAJ TEB TSEEM UA LUB NEEJ NYOB TOJ SIAB
by Tub kev deb 3rd October 2019, 7:19 am

» Tshuaj Ntsuab
by PIJPAUJ 27th November 2018, 11:17 am

» NYOB ZOO OS
by cwjmemdub 10th October 2018, 9:37 pm

» TUS KAB MOB CANCER TXOV HMOOB LOS TAU ZE 600 TAWM XYOO & TSEEM YUAV MUAJ NTXIV
by Liajntsuab 13th April 2018, 11:57 am

» ***UA NEEB***
by shung 8th March 2018, 5:49 pm

» Neeb Saub ua rau neeg vwm
by shung 4th February 2018, 2:58 pm

» Xiong Chang
by koobpovtxuj 10th December 2017, 11:00 am

» Koobpovtxuj.
by koobpovtxuj 19th November 2017, 1:34 am

» kuv cov duab.
by koobpovtxuj 18th November 2017, 11:30 am

» KHAWV KOOB
by koobpovtxuj 30th September 2017, 4:29 pm

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

Tsev seev PajHuam

Dab toj ntxas hais lus Nraug_11

Hmong beauty nature

Dab toj ntxas hais lus Dsc08613

Compteur visitor

hnub 18/09/2010 los mus

4 posters

    Dab toj ntxas hais lus

    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Dab toj ntxas hais lus Empty Dab toj ntxas hais lus

    Post  koojziagkabzaug 18th May 2010, 12:20 pm




    Thaum 1978 peb khiav Phus Hej los nyob rau Roob dag, kuv tham tau ib tug hluas nkauj nyob nraum Thoob Hab, kuv nco nco kuv tus hluas nkauj, kuv twb npaj yuav mus xyuas nws rau hmo ntawd, tiam sis muaj ib tug neeg tuag, lawv nyuam qhuav muab faus kiag rau tom ntug kev uas kuv yuav mus ntag, tab sis kuv nco hluas nkauj dhau hwm lawm ces kuv cia li ua siab tawv qhawv mus, thaum mus yuav txog ntawm thaj chaw lawv faus neeg tuag ntawd kuv yeej ntshai kawg, tab sis ua cas txawm hnov zoo li ib pab neeg tham zom zaws tuaj yuav txog ntawm lub toj ntxa thiab ua rau kuv tsis nco ntshai pes tsawg thiab xav tias pab neeg ntawd twb tham zom zaws tuaj lawm ces tsis ntshai no, tab sis ua cas kuv mus thiab mus ua cas tsis pom neeg li ces thaum no kuv mam nco ntshai heev thiab kuv twb mus dhau lub ntxa deb tsawv lawm ces sij hawm no kuv mas rov tav mus kev ntau xwb vim pheej tig rov los saib tom qub qab. Sij hawm no kuv mam xav tias Ab, ntshe yuav yog dab tham lus pab kom yus txhob ntshai los xyov yog hem yus xwb no mas ua rau kuv haj yam ntshai heev thiab tiag, ces kuv kuj mus dhau tsis pom ab tsi, tab sis taig kis kuv ntshai ces kuv txawm tsis kam rov los txoj qub kev lawm, kuv lug kev los lwm txoj deb los lawm xwb. Tsam no yus muab xav txog yav tas, mas ua cas tib neeg no tsis hais leej twg li, yav thaum hluas mus tham hluas nkauj yam li yog ua dab, ua tsov luag mus xwb li tiag phooj ywg
    avatar
    koobpovtxuj
    Sponsor
    Sponsor


    Messages : 1318
    Date d'inscription : 2010-04-05
    Age : 64
    Localisation : USA

    Dab toj ntxas hais lus Empty Re: Dab toj ntxas hais lus

    Post  koobpovtxuj 25th July 2010, 7:19 am

    koojziagkabzaug wrote:


    Thaum 1978 peb khiav Phus Hej los nyob rau Roob dag, kuv tham tau ib tug hluas nkauj nyob nraum Thoob Hab, kuv nco nco kuv tus hluas nkauj, kuv twb npaj yuav mus xyuas nws rau hmo ntawd, tiam sis muaj ib tug neeg tuag, lawv nyuam qhuav muab faus kiag rau tom ntug kev uas kuv yuav mus ntag, tab sis kuv nco hluas nkauj dhau hwm lawm ces kuv cia li ua siab tawv qhawv mus, thaum mus yuav txog ntawm thaj chaw lawv faus neeg tuag ntawd kuv yeej ntshai kawg, tab sis ua cas txawm hnov zoo li ib pab neeg tham zom zaws tuaj yuav txog ntawm lub toj ntxa thiab ua rau kuv tsis nco ntshai pes tsawg thiab xav tias pab neeg ntawd twb tham zom zaws tuaj lawm ces tsis ntshai no, tab sis ua cas kuv mus thiab mus ua cas tsis pom neeg li ces thaum no kuv mam nco ntshai heev thiab kuv twb mus dhau lub ntxa deb tsawv lawm ces sij hawm no kuv mas rov tav mus kev ntau xwb vim pheej tig rov los saib tom qub qab. Sij hawm no kuv mam xav tias Ab, ntshe yuav yog dab tham lus pab kom yus txhob ntshai los xyov yog hem yus xwb no mas ua rau kuv haj yam ntshai heev thiab tiag, ces kuv kuj mus dhau tsis pom ab tsi, tab sis taig kis kuv ntshai ces kuv txawm tsis kam rov los txoj qub kev lawm, kuv lug kev los lwm txoj deb los lawm xwb. Tsam no yus muab xav txog yav tas, mas ua cas tib neeg no tsis hais leej twg li, yav thaum hluas mus tham hluas nkauj yam li yog ua dab, ua tsov luag mus xwb li tiag phooj ywg

    koj yog poj niam koj kuj mus tham tau hluas nkauj thiab txawj nco hluas nkauj li peb cov txiv neej thiav laiv yom.

    txawv kawg tsis tau hnov dua tias poj niam tham hluas nkauj li.thawj zaug uas kuv hnov poj niam rov mus tham hluas nkauj xwb.
    Liajlwg
    Liajlwg
    Developer
    Developer


    Messages : 186
    Date d'inscription : 2010-07-01

    Dab toj ntxas hais lus Empty Re: Dab toj ntxas hais lus

    Post  Liajlwg 28th July 2010, 12:16 am


    DAB TOJ NTXAS UA NEEG POM.

    Nyob teb chaws Mevkuj, xeev California, lub zos Merced. Tau 5 xyoo dhau lawm, kuv muaj ib tug tub neej tsa nws ua hauj lwm rau ib lub chaw tu vaj tsev rau cov tsev pam tuag thiab cia neeg tuag ( Chapel ). Nws muaj ib tug phooj ywg kuj ua hauj lwm nrog nws ib yam nyob hauv tib lub chaw tu tsev.
    Muaj ib hmos ces tus phooj ywg txawm hais rau kuv tus tub ntawd hai tias nws pom ib tug poj niam hmoob tuag lawm tawm los rau nws pom nyob hauv lub tsev nws niaj hmoo mus tu ntawd, ces kuv tus tub neej tsa ntawd txawm tsis ntseeg nws tus phooj ywg. ces nws hais tias, yog muaj tiag no ces nws xav pom thiab ces nkawd hais tus tswv tso nkawd ob leeg ua ke mus tu tsev vim nkawd tsis tau luag. Ces tus tswv kuj kam nkawd mus tu lub tsev uas tus poj niam hmoob niaj hmo tawm los rau tus phooj ywg ntawd pom.



    Photobucket
    Hmo ntawd nkawd ob leeg txawm mus tu tsev ua ke rau hauv lub tsev cia cov neeg tuag ( Chapel ) uas tus phooj ywg niaj hmo pom tus poj niam hmoob tawm los rau nws pom. thaum nkawd ob leeg nyuam qhuav qib kiag qhov rooj mus muab tau tej twj tu tsev tas xwb, ces nkawd txawm los qhib tej chaw uas muaj cov hleb rau cov neeg tuag nyob, nkawd tab tom tshem tej rooj kom zoo tu tsev ces kuv tus tub neej tsa txawm tig ntsia nws qab ua cas nws pom tus poj hmoob sawv tib tug luag nyav rau nws ces nws qw rau nws tus phooj ywg kom tig los saib, tam sis ntawd tus poj niam hmoob ntawd tig khiav mus rau hauv hoob uas muaj cov hleb rau cov neeg tuag lawm, nkawd ob leeg caum qab mus sib pab tshawb nrhiav tas qhov txhia chaw los tsis pom tus pom niam ntawd li lawm.

    Ua rau kuv tus tub ntawd ntshai kawg, vim tus poj hmoob ntawd nkawd sib paub thiab tau kawm ntawv ua ke nyob ib hoob yav tas los, thiab lub caij tus poj niam ntawd tuag kuv tus tub ntawd kuj tau tuaj xyuas thiab lawv kuj tau muab faus nyob rau lub toj ntxav nyob ib sab ntawm lub tsev nkawd pom ntawd thiab. Tom qab kuv tus tub tau pom tas ces nws tau ntshai heev, ces nws tawm nws txoj hauj lwm tu tsev ntawd thiab tau tsiv mus nyob rau Sacramento lawm. Tej yam no tsis txaus ntseeg kiag, tiam sis mekas yeej hais tias tus poj niam hmoob ntawd yeej tawm los rau lawv tau pom ntau zaus lawm thiab no tiag os lawv.
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Dab toj ntxas hais lus Empty Re: Dab toj ntxas hais lus

    Post  koojziagkabzaug 28th July 2010, 9:59 pm



    Wow...! Liajlwg,

    Cas tau luag mus ua hauj lwm ib leeg tsaus ntuj nti hauv cov tsev txias ntawd naj...! Ua rau kuv ib ce xob tag li os!

    Kuj hlub lawv kawg, cov uas twb tuag lawm tab sis mus tsis taus es pheej los ua rau neeg pom...
    Liajlwg
    Liajlwg
    Developer
    Developer


    Messages : 186
    Date d'inscription : 2010-07-01

    Dab toj ntxas hais lus Empty Re: Dab toj ntxas hais lus

    Post  Liajlwg 29th July 2010, 8:45 am

    KZKZ,

    Yog kawg, nyob tim no mas cov neeg ua hauj lwm tu tsev ntxuav tsev mas yeej ua hmo ntuj ntau xwb, yeej muaj coob tus lawv hais tias lawv tau pom dab mekas ntau zaus tiam sis ho tsis yog yus cov neeg ces yus tsis paub kiag tias yog li cas kiag.
    Kuv kuj tau mus xyuas kiag hoob tsev lawv rau cov neeg tuag uas tseem tsis tau muab tu kom huv lawm thiab. txaus ntshai kawg yog yus siab me os nawv, tiam sis yog vim yus tsis tau pom dua es thiaj li zoo li ntawd xwv. Thaum yij xyooj neeb tuag, raug nws lub taub hau taw tas, kuv nrog nws tus kwv thiab 2-3 tug txiv neej peb tau mus xyuas daim duab nws lub ntsej muag nyob hauv hoob tu neeg tuag, kuj muaj txog 5-6 tus neeg tuag tseem nyob hauv, muaj tej tus mas lawv cia pw liab qab ploog, muaj tej tus mas lawv kuj muab ntaub npog thiab.
    Neeg lub cev thiab tej siab ntsws plab hnyuv tej mas tsiv ntsia heev thaum tsis muaj sia lawm, yog siab me mas txhob mus xyuas zoo dua.
    Nyob USA no 90% txhua tus neeg lawv yuav tsum muab lub taub hau phua caus cov hlwb tawm, thiab phais lub plab kaus tej hnyuv thiab nrus tej ntshav tawm kom tas ua ntej yuav pub rau tsev neeg ua kab lis kev cai.

    Thaum xyoo 1988 muaj ib tug tub hmoob muas nws txiv mob cancer rau nws lub plab zom mov, ces Doctor kho tsis tau ces nws tas sim neej lawm, tiam sis thaum ntawd nws muaj ib tug tub tsis txaus siab rau qhov nws txiv tuag, ces nws xav paub tseeb tias tim li cas Doctor thiaj li kho tsis tau, ces lawv cov kwv tij 2-3 leeg mus xyuas nws txiv thaum tseem nyob tim Hoos mom ces tus Doctor thiaj coj lawv mus xyuas lub plab thiab cov hnyuv mob cancer ntawd thaum Doctor muab ciaj tais lub plab thiab cov hnyuv rau lawv saib ces tsis muaj ib tug ntsia taus li, hos tus tub tsis zoo siab rau Doctor ntawd ntsia tib muag xwb nws tawm plaws rau sab nrau lawm vim nws ntsia tsis taus. Kuv tus dab laug yog ib tug laus taws, nws thiaj li ntsia pom tseeb thiab tsis ntshai ces nws thiaj li coj los piav qhia rau sawv daws paub tias qhov mob cancer ntawd zoo li cas.
    LojLeeb
    LojLeeb
    Developer
    Developer


    Messages : 279
    Date d'inscription : 2010-07-08

    Dab toj ntxas hais lus Empty Re: Dab toj ntxas hais lus

    Post  LojLeeb 19th August 2010, 6:36 am

    Nej tham tau txau ntshai ua luaj li os. Hai txog nej tham no thaum kuv tseem muaj 5 xyoo tsi paub yog xyoo twg, kuv yeej hnovo menyuam mo ab quaj tom toj ntxha tuaj. Quaj drhov heev ua rau kuv ca xam xam saib pua pom kuv nyob ib qhov deb tsawv hnov quaj xwb o.
    Liajlwg
    Liajlwg
    Developer
    Developer


    Messages : 186
    Date d'inscription : 2010-07-01

    Dab toj ntxas hais lus Empty Re: Dab toj ntxas hais lus

    Post  Liajlwg 19th August 2010, 7:53 am

    Nyob zoo Lojleeb,

    Hahaa......koj nim tau hnob dua dab toj ntxas me nyuam mos liab quaj lawm thiab los?
    Wow...., kuj tsis txaus ntseeg li tiam sis tej zaum kuj muaj tseeb thiab, kuv mas ho tsis tau hnov dua dab toj ntxas hais lus li.
    Tiam sis kuv kuj tau pom dua dab tuag lawm thiab hos.

    Thaum xyoo 1977 peb nyob hauv yeej thoj nam ces muaj ib tug poj niamhmoob yaj tuag, thaum lawv coj nws mus faus, lawv kwv nws tuaj ntawm peb qhaum tsev tuaj mus ces tau 3 hmos tom qab xwb ces hmo 3 ntawd thaum yuav kaj ntug qaib qua 2 tsig kuv txawm sawv mus tso zis nraum zoov, thaum kub tawm hauv tsev tuaj rau sab nraum zoov ces kuv ntsia pomib tug poj niam hnav ib ce dawb paug sawv ntawm peb qaum tsev tam sis ntawv kuv ceeb thiab ntshai ces kuv txawm thim liamkiag rov qab mus hauv tsev thiab kuv mam li nyob hauv tsev xauj tuaj na ho tsis pom dab tsis li lawm, ua rau kuv tsis dim zis txog ntua thaum kaj ntug pom kev.
    Hahaa.....tej zaum ntshai yog qhov muag txaij xwb ........
    .

    Photobucket
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Dab toj ntxas hais lus Empty Re: Dab toj ntxas hais lus

    Post  koojziagkabzaug 13th September 2010, 9:24 am

    Liajlwg wrote:KZKZ,

    Yog kawg, nyob tim no mas cov neeg ua hauj lwm tu tsev ntxuav tsev mas yeej ua hmo ntuj ntau xwb, yeej muaj coob tus lawv hais tias lawv tau pom dab mekas ntau zaus tiam sis ho tsis yog yus cov neeg ces yus tsis paub kiag tias yog li cas kiag.
    Kuv kuj tau mus xyuas kiag hoob tsev lawv rau cov neeg tuag uas tseem tsis tau muab tu kom huv lawm thiab. txaus ntshai kawg yog yus siab me os nawv, tiam sis yog vim yus tsis tau pom dua es thiaj li zoo li ntawd xwv. Thaum yij xyooj neeb tuag, raug nws lub taub hau taw tas, kuv nrog nws tus kwv thiab 2-3 tug txiv neej peb tau mus xyuas daim duab nws lub ntsej muag nyob hauv hoob tu neeg tuag, kuj muaj txog 5-6 tus neeg tuag tseem nyob hauv, muaj tej tus mas lawv cia pw liab qab ploog, muaj tej tus mas lawv kuj muab ntaub npog thiab.
    Neeg lub cev thiab tej siab ntsws plab hnyuv tej mas tsiv ntsia heev thaum tsis muaj sia lawm, yog siab me mas txhob mus xyuas zoo dua.
    Nyob USA no 90% txhua tus neeg lawv yuav tsum muab lub taub hau phua caus cov hlwb tawm, thiab phais lub plab kaus tej hnyuv thiab nrus tej ntshav tawm kom tas ua ntej yuav pub rau tsev neeg ua kab lis kev cai.

    Thaum xyoo 1988 muaj ib tug tub hmoob muas nws txiv mob cancer rau nws lub plab zom mov, ces Doctor kho tsis tau ces nws tas sim neej lawm, tiam sis thaum ntawd nws muaj ib tug tub tsis txaus siab rau qhov nws txiv tuag, ces nws xav paub tseeb tias tim li cas Doctor thiaj li kho tsis tau, ces lawv cov kwv tij 2-3 leeg mus xyuas nws txiv thaum tseem nyob tim Hoos mom ces tus Doctor thiaj coj lawv mus xyuas lub plab thiab cov hnyuv mob cancer ntawd thaum Doctor muab ciaj tais lub plab thiab cov hnyuv rau lawv saib ces tsis muaj ib tug ntsia taus li, hos tus tub tsis zoo siab rau Doctor ntawd ntsia tib muag xwb nws tawm plaws rau sab nrau lawm vim nws ntsia tsis taus. Kuv tus dab laug yog ib tug laus taws, nws thiaj li ntsia pom tseeb thiab tsis ntshai ces nws thiaj li coj los piav qhia rau sawv daws paub tias qhov mob cancer ntawd zoo li cas.

    Nyob zoo Liajlwg thiab Lojleeb,

    Liajlwg,

    Cas kuv twb tssi pom qhov koj hais nov...!

    Wow...! Ua cas es nyob USA thiaj yuav tsum muab phais li ntawd nab?
    Txawv ua luaj li? Lawv hais rtias tej ntawd yuav lwj los mus tsam kab mob kis no lov?
    Kuv li yog yuav coj tus neeg los pam es tseem yuav tsum muab phais li ntawd ces kuv yuav tsis kam lawv phais es cia li coj ncaj qha mus zais xwb...Kuv tsis nyiam kom tus neeg ib daig nyob ib qho li ntawd. Tseem phem tshaj ib tug tsiaj los ib yam khoom lawm thiab...
    koojziagkabzaug
    koojziagkabzaug
    Moderator
    Moderator


    Messages : 3529
    Date d'inscription : 2010-02-28

    Dab toj ntxas hais lus Empty Re: Dab toj ntxas hais lus

    Post  koojziagkabzaug 13th September 2010, 9:27 am

    LojLeeb wrote:Nej tham tau txau ntshai ua luaj li os. Hai txog nej tham no thaum kuv tseem muaj 5 xyoo tsi paub yog xyoo twg, kuv yeej hnovo menyuam mo ab quaj tom toj ntxha tuaj. Quaj drhov heev ua rau kuv ca xam xam saib pua pom kuv nyob ib qhov deb tsawv hnov quaj xwb o.

    Lojleeb,

    Me nyuam quaj no mas kuv kuj hnov dua lawm thiab tiag...lub suab quaj mas luaj heev tiag tiag li, suab nrov tshaj cov me nyuam quaj thiab quaj kiag ntawm yus ko taw, tej ntug kev ntag...Tab sis yog hav zoov nuj txeeg xwb tssi muaj neeg li...

    Sponsored content


    Dab toj ntxas hais lus Empty Re: Dab toj ntxas hais lus

    Post  Sponsored content


      Current date/time is 28th March 2024, 2:35 am