koojziagkabzaug 2nd May 2015, 12:27 am
Nyob zoo kwv Liaj Ntsuab thiab tij laug Xyooj Tsab,
Kwv Liaj Ntsuab, kev noj haus rau lub koob tsheej 40 xyoo tub kawm ntawv ncaim teb chaws Nplog mas yuav tsis tua nyuj tua twm noj yuav lub koob lub npe li tej niam tej tau coj noj coj ua los lawm. Lawv yuav oder ntau yam txhiam xwm li nyob hauv Restaurant es muaj neeg thauj tuaj, rhaub kom sov so, nqa los thiab ntawm tsum tib si, noj tag lawv ntsais lawv mus kom sawv daws khab seeb. Thiab lub tsev khais ntawd ntshe yuav tshaj 500$ me ntsis. Lawv twb mus nug nqes noj tag ua ntej yuav xam tus nqe raug li cas rau sawv daws.
Peb nyob peb lub teb chaws, peb mus noj tej lub restaurant zoo tsawv uas mus kom paub luag txuj xwb ib tug neeg twb ze ntawm 60-70€ lawm, tsuas yog noj mov nkaus xwb. Peb kev khwv nyiaj Fab Kis teb, peb tau tsawg dua nyob USA tab sis peb kev siv lom zem thiab mus noj haus tom luag tej caw mus khi hlua los yog tshoob kos thiab ploj tuag lmas mas peb hauj sim, qhov ntau tsis hais yam twg thaum kawg ces cov qhua tuaj yeej pab yuav luag tag qhov uas yus tus tswv siv, tej tug uas muaj zoo txheeb ze thiab phooj ywg mas tseem tau tshaj. Peb ua neej, peb sib hlub thaum ciaj xwb thaum tuag mas peb tsis ua qhov quaj nyiav kom luag tej qhuas, peb mus los peb mus tij ywm xwb tab sis peb lub siab peb pab txhawb kom tsev neeg txhob poob ntau dhau.