google-site-verification: googlefbfddf59e706b96b.html

Latest topics

» TUS KAB MOB CANCER TXOV HMOOB LOS TAU ZE 600 TAWM XYOO & TSEEM YUAV MUAJ NTXIV
by Liajntsuab 13th April 2018, 11:57 am

» Ib tsoom Phoojywg Nej Nyob Licas lawm
by Liajntsuab 24th March 2018, 2:14 pm

» ***UA NEEB***
by shung 8th March 2018, 5:49 pm

» Neeb Saub ua rau neeg vwm
by shung 4th February 2018, 2:58 pm

» Xiong Chang
by koobpovtxuj 10th December 2017, 11:00 am

» Koobpovtxuj.
by koobpovtxuj 19th November 2017, 1:34 am

» kuv cov duab.
by koobpovtxuj 18th November 2017, 11:30 am

» KHAWV KOOB
by koobpovtxuj 30th September 2017, 4:29 pm

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

» Kiab toom lauj npliaj yob lub qub tsev.
by Admin 1st August 2017, 5:04 pm

» Kawm LUS ROV
by koobpovtxuj 10th July 2017, 1:54 pm

» Hmong dance hiphop 2017 [ dance zoo siav heev li]
by zabyaj 15th June 2017, 12:05 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    Dab neeg hluas Nkauj hluas Nraug

    Share
    avatar
    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Dab neeg hluas Nkauj hluas Nraug

    Post  Hmoob ntuj qub qab on 18th May 2010, 3:32 am


    Dab neeg hluas Nkauj hluas Nraug
    Sau Tim 19/5HLIS/2010
    tu sau
    Nom Vaj Yaj




    Thaum ub nyob rau sab moos theeb moos laim tus hluas nraug lub zos nyob deb ntawm tus hluas nkauj lub zos mus li ib tav su kev thiaj txog, tus hluas nraug mus tham tus hluas nkauj yeej swm lawm tos noj tsiab peb caug tas xwb ces nkawv sib qaws ua neej .

    Txog lub caij dob nplej tus hluas nraug nrog niam thiab txiv dob nplej lub caij no los kuj los nag heev thiab tsis khoom ces tus hluas nraug tsis tau mus xyuas tus hluas nkauj lawm. Tus hluas nkauj tau mob tsuag tsuag tau 2-3 hnub ces tus hluas nkauj tuag lawm lawv muab pam tas ces lawv muab faus ntawm ntug zos. Lawv tsiv mus nyob rau lwm lub zos lawm.

    Tus hluas nraug nrog niam txiv dob nplej tas, tus hluas nraug mam li mus tham tus hluas nkauj , mus txog ntawm tus hluas nkauj lub zos tsaus ntuj kiag lawm , ua cas tsis hnov d.ev tom, tsis hnov neeg ua suab sab ,tsis pom neeg rauv taws li thiab tus hluas nraug seev hauv lub siab tias:

    Ab…,cas tsis hnov ua suab sab li tsam tus hluas nkauj lawv khiav mus nyob lwm qhov lawm mas yuav ua li cas ne
    twb nco nco hluas nkauj es tsam tsis pom hluas nkauj nas. Ab… khiav khiav mus xyuas hluas nkauj lub tsev tso, mus txog kiag ntawm hluas nkauj lub txaj sab nrauv li txhia zaum xij mus tham hluas nkauj, khoov ntxhi hu hluas nkauj kiag hluas nkauj teb kiag tias koj twb tuaj lawm lov? Koj mus ntev ntev es kuv nco nco koj nas, kuv niam thiab kuv txiv lawv mus pw ua teb tas lawm es koj los tsev wb mam li tham os, tus hluas nraug zoo siab hlo ncaj qha mus ntawm qhov rooj tos tus hluas nkauj tuaj qhib qhov rooj, tus hluas nkauj qhib hlo qhov rooj tus hluas nraug zoo siab heev , lub caij ntawv xuas dub xwb tsis muaj teeb xais thiab teeb ntais, tus hluas nraug cev loo tes mus kov tus hluas nkauj kiag cas ib ce nplaum nplaum tus hluas nraug poob siab ntav ib ce tshee tas li yuav ua npaws, tus hluas nraug hais rau tus hluas nkauj tias ab…, tsaus tsaus ntuj li wb tsis zoo tham ces cia wb mus rau taws kom pom kev tso wb thiaj li zoo tham wb tej kev sib nco, tus hluas nkauj tias wb tsis rauv taws os wb tham li no xwb koj los tsev es wb pw wb mam li tham kev sib nco xwb nas ces tus hluas nraug haj yam ntshai ib ce tshee hna xwb , ces tus hluas nkauj hais tias cas koj yuav tshee ua luaj mas lov, tus hluas nraug teb tias ab… kuv tuaj deb deb tuaj es kuv tiv nag tuaj xwb no no kuv ua ua npaws es koj mus rauv taws wb nte kom sov wb mam li tham mas yuam, ces tus hluas nkauj tias yog no no koj no wb mam li mus rauv taws tab sis koj txhob khiav kuv laiv, tus hluas nraug haj yam poob siab thiab haj yam tshee, tus hluas nkauj tias qhov cub nyob ntawm no koj rauv yuam ces tus hluas nraug rauv taws tshuab tshuab cig me me tus hluas nraug ntsia tus hluas nkauj ib plia cas ntawm ob sab kaum ncauj ntws ob kab ntshav tus hluas nraug haj yam tshee thiab tshuab tshuab taws cig plaws tus hluas nkauj tib tsuag kua lwj taws rov qab tuag kiag lawm , tus hluas nraug tias koj txhob tsuag dej mas twb no no kuv es cia kuv tshuab kom taws cig es wb thiaj li tau nte mas yuam, tus hluas nkauj tias ua li os, tus hluas nraug tshuab tshuab taws cig plaws no has cas ib tug ntsej muag lwj lwj lawm hos hais lus los tsis meej lawm thiab ces tus hluas nraug ntshai heev thiaj hais rau tus hluas nkauj tias : ab…, kuv dim dim zis li es koj nyob kuv mus tso zis tso yuam , ces tus hluas nkauj tias koj dag xwb koj yuav khiav tus hlaus nraug tias kuv tsis khiav nas koj tsis ntseeg no wb sib txuas tw siv, cov thaum ub mas poj niam txiv neej los yeej sia siv , ces tus hluas nkauj tias ua li los mas yog koj dim zis tiag, ces tus hluas nraug thiaj hle hlo nws ib txoj siv ib tog los rau tus hluas nkauj tuav cia hos ib tog ces muab khi tus hluas nraug duav, tus hluas nraug hais rau tus hluas nkauj tias koj nyob twj ywm qhov no koj txhob los tom kuv kuv txaj txaj muag li kuv tso zis tas kuv mam li los nawj ces tus hluas nkauj hais tias ua li los mas , ces tab tom tus hluas nraug ntim ib raj dej haus taug kev nws thiaj li muab raj dej ntawv tho qab kom lub qhov dej tawm me me nrov nploov nploov li tso zis ces tus hluas nraug muab txoj siv mus khi ntawm lub pob ntoos, muab lub raj tso ntawv thiab ces tus hluas nraug khiav khiav los tsev lawm , tus hluas nkauj rub txoj siv cas tawv tawv ho tsis hnov nploov nploov lawm thiab tus hluas nkauj mam li hu cas tsis hnov tus hluas nraug teb lawm tus hluas nkauj mam li mus xyuas no has muab txoj siv khi rau lub pob ntoos xwb ces tus hluas nkauj chim yws tias tsov tom no siab phem hwv mus caum tau muab tom noj kiag ces tus hluas nkauj mam li raws , hluas nkauj txog lub hav hluas nraug txog lub roob , hluas nraug txog lub hav hluas nkauj txog lub roob , ces hluas nraug khiav tsis taus li lawm ces hmoov kuj zoo tab tom pom kiag ib tug plis ntawm kev ces tus hluas nraug thiaj nthos nkaus tus plis los muab hluas nraug lub tsho looj kiag tus plis nce tus plis nce hlo saum ntoo lawm tus hluas nraug khiav khiav ua ntej los lawm tus hluas nkauj los txog pom tus plis hnav tus hluas nraug lub tsho thiaj hais tias : ab…koj nim khiav khiav kuv cas koj ho nyob saum ntoo ko xwb nqes los laiv koj tsis nqes los ces kuv nce tuaj ntag hos , ces tus plis tsis teb li tus hluas nkauj mob siab heev thiaj nce hlo mus ntes kiag tus plis saum ntoo no has cas yog plis xwb, hluas nkauj haj yam mob siab thiaj lauj ces hluas nkauj caum hluas nraug ceev ceev caum yuav luag yuav luag tau , tus hluas nraug khiav khiav los txog ntawm hluas nraug tsev los nkag plho hauv tsev kiag muab qhov rooj kaw kiag xwb ces D.ev mas tom nqaj to Qaib mas saub zom zaws hos npua mas ras thiab tshuab cuag tsi.

    Tus hluas nraug los pw kiag ntawm nws niam thiab nws txiv kis nrub nrab Ces tag kis pom kev Nws txiv thiaj mus thov ib tug txiv Neeb txwj Neeb laus tuaj ua ib thaj neeb muab D.ev los quas dab hluas nkauj thiab kho ntau yam ho ua khawv koob ntis pov fwm thiab. Tus txiv Neeb ua neeb tas kom tus hluas nraug caiv 3 xyoos tsis pub tawm nraum zoov li, ces txog hnub puv 3 xyoos kiag hnub qaij nroos , nyob pem lawv qaum tsev muaj ib tsob txiv kub ntas ces nws nqhis nqhis txiv kub ntas nws thiaj xav hauv siab tias : ab…twb puv 3 xyoos rau hnub no lawm tej zaum hluas nkauj ntawv yuav khiav lawm vim yeej tsis hnov dab tsi , cia kuv sim mus de txiv kub ntas los noj seb, ces nws thiaj tawm nraum zoov mus de txiv kub ntas mus txog hauv paus tsob ntoo txiv kub ntas nws tseem yuav nce mus de txiv no has cas luag nyav ntawm nws pob tw los hais rau nws tias: Haj yaj…kuv nim tos tos koj tau 3 xyoos no , tag kis ces kuv tu tu siab kuv twb yuav mus lawm , xav tias koj mus qhov twg lawm no cas koj ho nyob ntawm no ces tus hluas nkauj npau taws heev thiaj tib plhaw mus puag kiag tus hluas nraug ces thiaj tib kaug tus hluas nraug tuag kiag lawm thiaj coj tus hluas nraug mus ua neej rau dab teb lawm .


    Zaj dab neeg no qhia tias:
    1.Saum neej tsis tau sib yuav los mam li mus sib yuav hauv dab teb.
    2.Tsis mloog lus cam thawj tsis caiv kom puv caij nyoog . [b]



    Liajntsu
    Guest

    Re: Dab neeg hluas Nkauj hluas Nraug

    Post  Liajntsu on 18th May 2010, 12:46 pm

    Hmoob Ntuj Qub Qab,

    Koj zaj dabneeg no yeej txaus ntshai kawg kiag li os yom. Zaj dabneeg no peb muaj ib zaj thiab hos hnov lwm tus los muaj thiab tiamsis tom hauv paus mas zoo ib yam tsuas yog yav tom ib nrab mus rau yav ntsis pheej sib txawv lawm xwb kuv tsis paub tias ua li ne yog muaj ntau txoj los yog ib txoj xwb tsuas ntshe ho ib leeg poob ib ntus los yog ua li cas lawm thiaj li sib txawv li ntawd. Cia kuv ho piav peb zaj rau koj thiab peb mloog. Koj twb hais lawm tiamsis zoo li nej txoj ho poob/txawv nqe puav lawm xwb. Tej zaum koj zaj yuav yog zaj tseeb dua lawm vim koj paub tias yog nyob muaj tshwm rau Moos Theeb Moos Laim teb chaws Cobtsib/Nyablaj teb.



    Dab neeg hluas Nkauj hluas Nraugcog lus thiab haus ntshav tes



    Puag txheej thaum ub ov muaj ib tug tub hluas nws txawm mus tham tau ib tug hluas nkauj nyob kev deb mus ib hnub 2 tog tsaus thiaj li mam mus txog. Nyob rau tiam ntawd ces Hmoob muaj tsawg tsawg thiab Hmoob nyob ua twj cuab ntau nrog me liab thiab me cuam rau puag zoov nujxiab txias to xwb. Tus hluas nkauj lawv yim neeg ntawd ces lawv nyob ib yig ua twjcuab nkaus xwb thiab lawv yim neeg no tsuas muaj ib tug ntxhais twmzeej ntawd nkaus thiab xwb.

    Tus hluas nraug thiab tus hluas nkauj ntawd nkawv ua nkauj nraug sib sib hlub heev los lawm ntev loo lau ces muaj ib hnub nkawv txawm sib cog lus tias yog muaj ib hnub wb tsis sib tau no ces koj xub tuag koj los tos kuv hos yog kuv xub tuag ces kuv los tos koj thiab ces nkawv txawm haus ntshav tes lau!!!!.. Tom qab tsis ntev ntawd tus hluas nraug txawm yuav mus kawm ntawv rau nram nroog li ib nyuag ntu nws thiaj li hais qhia rau tus hluas nkauj paub ces nws txawm mus lawm thiaj tseg tau ntev loo tsis tau mus nrog tus hluas nkauj tham lawm.

    Lub sijhawm uas thaum tus tub hluas nraug ntawd mus ntawv lawm ces tsis muaj hmoo ov tus hluas nkauj cia li mob mob ces tuag lawm lau!!!!Tus hluas nkauj ntawd Niam thiab Txiv thiaj li mus raws tau Txiv Qeej, Txiv Nruas thiab kwvtij Neej Tsa 2-3 tug tuaj pab muab ua qeej ua nruas tiamsis lawv muaj tsawg tsawg vim tias sawvdaws nyob ua twjcuab los yog ib yig nyob qhov xwb thiaj li tuaj tsis tau coob. Lub sijhawm uas lawv tseem tabtom pam tus hluas nkauj ntawd lawv zov zov txog ib tag hmo cov tsaug zog tas lawm lau!!! txawm tshuav tus Txiv Qeej thiab tus Txiv Nruas nkawv 2 leeg nyob zov hmo xwb, ua cas tus Txiv Qeej pheej tshuab qeej yom tig ntsia pem tus ntxhais hluas nkauj tuag ntawd na has nws pheej cev tes mus dawj cov niag hlab sawv uas zoj nws rau niag nees ntoo lau ces tus Txiv Qeej thiaj li ntxhi rau tus Txiv Nruas tias koj sim saib ped seb ces tus Txiv Nruas thiaj li tig loo mus saib na has ntuj aw!!!! niag hluas nkauj (niag tuag) ntawd pheej muab cov niag hlua zoj ntawd daws ua fabfo ces nkawv 2 leeg thiaj li diaj cov niag uas kwvtij Neejtsa 2-3 leeg tuaj nrog lawv zov hmo thiab ces lawv ciali khiav ntsiag to mus tsev lawm lau!!!!. Ua cas ib chim niag Hluas Nkauj ntawd Niam thiab Txiv hnov los no ua cas tsev ntsiag to tsis hnov suab qeej suab nruas thiab neeg tham li lawm ne!!!! leej Niam thiaj li xauj hauv txaj tuaj mus saib na has ua cas tsis pom ib tug neeg li lawm hos nws mam tig ntsia nkawv tus ntxhais uas dai pem hauv plag no ua cas pheej cev tes mus de niag qaib hauv ncoo noj nrov nplij npluaj lau!!!!ces leej Niam thiaj li diaj tus Txiv tias koj txiv koj sim saib koj tus me ntxhais seb tsimtxiaj kawg lil tiag!!! leej txiv thiaj li xauj kiag nws tus ntxhais na has zoo nkaus li leej Niam saib thiab lau ces nkawv thiaj li qhib phabntsa hauv txaj khiav ntsiag to lawm thiab lau!!!!.

    Dhau ntawd los ces tshuav tus ntxhais ntawd ib leeg thiaj li nyob lub tsev twjcuab ntawd tos tus nws tus Hluas Nraug li nkawv cov lus sib hlub uas tau cog tseg nkaus xwb hos nws lub moo tuag twb nrov nchav mus txog rau tej neeg Ntsuab ze thiab cov uas neeg uas tau tuaj pab pam tus Ntxhais ntawd, hos tus hluas nraug li Niam thiab Txiv los kuj hnov tus hluas nkauj ntawd lub moo tuag ncha mus txog ib yam nkaus thiab tiamsis nyob deb zog lawm ces zoo li pheej tsis tshua paub meej tias puas yog tiag thiab.

    Thaum no ov!!! tus Hluas Nraug rov los txog tsev ces nws txawm nroo hais tias Niam thiab Txiv kuv yuav mus tham kuv tus hluas nkauj, Niam thiab Txiv thiaj li hais rau nws tias me tub hnov hais tias koj tus hluas nkauj twb tuag lawm no laiv koj tsis txhob mus zoo dua os!!! tus hluas ntawd txawm teb tias tejzaum tsis yog nws yog luag tej pem tej xwb os Niam thiab Txiv, rau qhov lub sij kuv mus saib nws zaum kawg mas nws twb tsis muaj mob li ne!!!. Ces tom qab ntawd tus hluas Nraug Niam thiab Txiv nkawv cheem tsis tau nkawv tus me tub (hluas Nraug) ces nws thiaj li tuaj mus tham tus hluas nkauj lawm lau!!!!! thaum nws tuaj txog tim lub roob uas yog ze ze ntsia ntsoov mus rau tus Hluas Nkauj lub tsev ntawd ces nws txawm mus nyob tim zaum ntsia ntsoov seb puas pom nws tus Hluas nkauj ua haujlwm tawm pub qaib thiab pub npua li nws niaj zaus tuaj yav dhau los, ua cas pheej tsis pom leejtwg tawm li ne!!!! tsuas hnov qaib qua thiab pom npua nyob ncig tsev xwb. Tsaus ntuj kiag lawm lau ces nws txawm tshuab tag ib zaj raj nplaim li nws ib txwm ua yav dhau los ces thiaj li mus rau tim tus hluas nkauj lub tsev lau!!! thaum mus txog tid ua cas qhovcub dub txig hos tej me qab vaj tsib taug mas pom ncau phua dawb vog ne ces twb ua rau nws lub siab poob nthav tias tsam yog nws tus hluas nkauj tuag lawm tiag mas tiamsis mas nws ho nco tus hluas nkauj dhau lawm thiab ces nws lam mus hu tus hluas nkauj seb puas teb nws, yog tias tsis teb ces nws mam li ua ib siab tias ntshe yog tuag lawm tiag no. Ces nws thiaj li nam zog mus rau ntawm tus Hluas nkauj lub hauv ncoo txaj thiaj li lam ntxhi hu tus Hluas nkauj no ua cas teb mos nyoos hauv tuaj thiab ces nws zoo siab hlo tias tseem nyob tsis tau tuag, tus Hluas nkauj thiaj li hais seev yees thiab lub me suab zoo nkaus li thaum tseem ua neej nyob rau nws tias ua cas es kuv tos koj ntev tag npaum li no tsis pom koj tuaj li!!!! Nkawv thiaj li sib tham zoj ib me pliag xwb ces tus Hluas Nraug txawm nug tus Hluas Nkauj tias ua li tsis pom koj Niam thiab Txiv lawv es li ua li lawv mus dabtsi lawm? Tus Hluas Nkauj thiaj li teb tias twb yog lawv mus ua teb tag lawm tseg kuv cia zov tsev thiab pub qaib pub npua xwb. Tus Hluas Nkauj txawm hais ntxiv rau tus Hluas Nraug tias Niam thiab Txiv lawv twb tsis nyob tag lawm ces koj los tsev wb mam li tham mas! no ces tus Hluas Nraug txawm zoo siab hlo los tom qhov rooj tus me Hluas Nkauj thiaj li qhib loo qhov rooj rau nws mus hauv tsev lau!!!! ua cas thaum nkag loo mus txog ntawm hauv plag ua cas txawm hnov dabtsi tsw txawv txawv li tsw lwj ne!!!! ces rov ua rau tus me Hluas Nraug lub me siab me zog tuaj lau!!!! tiamsis tsis muaj teeb tsom saib li tsuas yog maub dub xwb hos HLuas Nkauj lawv lub qhovcub los pom cov ncaig liab pliv xwb. Tus Hluas Nkauj ciali coj nws ncaj qha mus rau hauv txaj lawm xwb ces thaum mus txog hauv tus hluas nkauj kom nkawv ciali pw, nkawv thiaj li pw zoj ua cas pheej hnov tus ntxhiab uas tsw tsw li tsw lwj thaum nkag los txog pem hauv plag thiab ces nws txawm cev loo tes mus xuas tus Hluas Nkauj no ua cas tsis yog tib tug kub lug thiab nqaij du lug li yav tag los es sib chwv xwb ces ua pa tsis haum li yav thaum lawm lau!!! hehehe ua cas tib tug niag nplaum ntxias zoo licas ne!!! ces!!! tus Hluas Nraug haj yam siab me lawm thiab lau!!!! Ces nkawv pw ib pliag ntxiv thiab tus Hluas Nraug lub me siab nyob tsis tus li lau!!! thiaj li kom tus Hluas Nkauj nkawv sawv los rauv taws nyob ces tus Hluas Nkauj tsis kam nws pheej yuav kom nkawv pw xwb. Tus Hluas Nraug thiaj li xuas xuas tau nws 2 lub zeb ntais coj los tib txhuam pom kev li xoblaim mam pom kiag tus Hluas Nkauj ua cas tib tug niag dub nciab xwb lau!!!! ces lub sijhawm ntawd tus Hluas Nraug mas ntshai heev li lawm lau!!! ces tus Hluas Nkauj txawm taij tus Hluas Nraug kom hais kwvtxhiaj rau nkawv mloog, tus Hluas Nraug teb tias kuv twb tsis txawj hais es no rau tus Hluas Nkauj ces tus Hluas Nkauj txawm tias yog li no koj mloog kuv hais nawb!!!! Tus Hluas Nkauj thiaj hais zaj kwvtxhiaj tias: Ntuj nas me Txivleej tub, lub me toj zej ntaus lub me toj tsuas tawg.... me txiv leej tub koj tsis paub os kuv me Niam Leej ntxhais twb rau khau noog tuaj ntawm taw. Txivleej tub lub me toj zeb ntaus lub me toj tsuas ntsoog koj tsis paub os kuv me Niam Leej Ntxhais ko taw twb rau khau noog. Ces!!!! thaum no tus Hluas Nraug paub kiag tias nws tus Hluas Nkauj qhia nws tias tus Hluas Nkauj twb tuag tuag lawm tiag tiag no lau!!! ces tus Hluas Nkauj txawm hais rau tus Hluas Nraug tias koj puas tshaib plab? no rau tus Hluas Nraug, ces tus Hluas Nraug teb tias wb!!!! kuv tsis tshaib as tus Hluas Nkauj rov hais tias nyob tsam koj tshaib tshaib plab ces kuv mus rhaub qub zaub rau koj noj tso ces tus Hluas txawm sawv tsees mus lawm. Tus Hluas Nkauj mus nqa cov niag mov uas lawv laig nws pem lub niag plhuaj taub coj los rhaub hauv qhovcub lau ces pheej tshuab qhov cub kom cov ncaig cig tuaj tiamsis thaum cig plaws no ces tus hluas nkauj tib tsuag kua lwj rau ua qhovcub tuag kiag lawm, pheej ua li ntawd 2-3 zaug ces tus Hluas Nraug tuaj hauv txaj xauj zoo zoo na has thaum hluav taws cig pom Niag Hluas Nkauj lub ntsejmuag lwj lwj o o dub nciab xwb lau!!! Ces niag Hluas Nkauj txawm rhaub tau mov thiaj li kom tus Hluas Nraug sawv los noj. Tus Hluas Nraug sawv los txog ces nws hais rau tus Hluas Nkauj tias kuv tsis tshaib plab kuv tsis noj ces nws xav zoj tias yuav ua cas thiaj li khiav dim lau zaum no na. Nws thiaj li xav zoj tias cia dag hais tias mus tso zis no seb Hluas Nkauj puas kam, no ces nws thiaj li hais rau Hluas Nkauj tias kuv dim dim zis li es koj nyob kuv mus tso zis tso yom!!! tus niag tuag (hluas Nkauj) txawm teb tias kuv tsis kam koj mus os yog tias koj dim zis ces tso ntawm ko xwb!!! Nws rov teb tias ub mas ua li txaj txaj muag rau koj ne!!! es cia kuv mus tso nraum zoov yom. Tus hluas tsis kam li thiab lau ces nkawv sib cav ntev loo tus Hluas Nkauj tsis kam li ces tus Hluas Nraug thiaj li dag tias kuv twb nco koj npaum li thiaj tuaj xyuas koj na kuv yeej tsis khiav koj li!!!! yog tias koj tsis kam li no los cia wb sib txuas tw siv es koj tuav yav tw kuv mam li tawm mus tso zis. Tus Hluas Nkauj thiaj li teb tias ua li mas no ces nkawv thiaj li muab nkawv cov hlab tw siv los sib txuas ntev ntev ces tus Hluas Nraug thiaj tawm plaws txog ntua tim qhovrooj nws li tsawv nkaus Hluas Nkauj lawv lub niag plhuajtaub dai ntawm qhovrooj muaj ib taub niag dej puv nkaus nyob hauv thiab ces nws ncaj qha mus txog ntua ntawm tus maum nyuj uas lawv muab khi ntawm qhov rooj, nws thiaj li muab kiag txoj hlab tw siv khi rau maum nyuj 2 niag kub hos muab plhuajtaub dej pheeb kiag ntawm hauv paus ntoo thiab rov ncauj nqis hav ces hnov nrov nploov nploov no ces nws tso tes dhia los mus tsev lawm lau!!!! Ces pheej ke dhia ke mloog seb puas hnov niag Hluas Nkauj hu nws. Ua cas ib pliag zoj xwb txawm hnov niag Hluas Nkauj hu tias koj tso zis tas lawm los tsis tau na? tsuag tsuag los tsev mas, yog koj tsis los ces kuv tuaj ntag laiv! ces hais 2-3 zaug li tsis hnov nws teb li lau ces zaum kawg tus niag Hluas Nkauj thiaj li tib chua txoj niag tw siv tu nrho ces tsis pom nws lau ces niag Hluas Nkauj quaj ib niag suab tias cas koj siab phem ua luaj li koj tseem khiav kuv lawm thiab no ces niag Hluas Nkauj mas ke quaj ke khiav raws nws qab lau. Thaum chiv thawj mas tus Hluas Nkauj nyob ib lub roob hos nws nyob ib lub roob, hos ib chim ces tus Hluas Nkauj nyob ib lub hav hos nws nyob ib lub roob lawm xwb ce ib chim tus Hluas Nkauj nyob sib sab hav hos nws nyob ib sab hav lawm xwb lau ces ze zuj zus lawm xwb mas khiav khiav yuav tuag li thiab tsis muaj zog li lawm ces khiav khiav ib hmos twb pom kev lawm. Nws thiaj li khiav khiav los txog tom kev no pom Nplog cuab hlua mag ib niag Mab tuag ces nws thiaj li khaws nkaus niag Mab ntawd thiab muab nws lub tsho hle looj kiag niag Mab ces nws nce niag ntoo vaj khaum siab siab muab niag Mab coj mus khuam kiag puag saum ib niag ceg vajkhaum qhuav ces nws txawm nkag hauv niag vaj khaum ntawd vim khoob hauv plawv ces muaj ib lub qhov to me me tshwm thaum niag Hluas Nkauj ntawd raws tuaj txog thiaj li taug nws ntxhiab no nce ua saum niag vajkhaum lawm ces niag Hluas Nkauj thiaj ntsia tib tug niag plim pliaj ntus lwj lwj dub nciab rau niag Mab ces hais rau niag mab tias koj puas nqis los na yog koj tsis nqis los ces kuv nce tuaj ntag ov!!!! Ces niag mab tsis ua cas li ces nws txawm nce kig kaug tuaj ua saum niag Mab lawm lau ces thaum txog saud cev loo tes mus kov niag Mab no ces niag ceg ntoo qhuav lov ntho hos niag Mab poob nrov sis ua puag nram kwj ha lawm lau ces niag Hluas Nkauj mas quaj sis zoj sis zas thiab cem cem ces nqis ceev ceev nrov kig kaug thiab khiav ua puag nram kwjha mus yos niag Mab lawm tus Hluas Nraug thiaj li rov nqis ceev ceev saum ntoo los rov cuab ceem khiav dua los mus lau!!!.

    Ces niag Hluas Nkauj mus yos tau niag Mab no ua cas tsis yog nws ces niag Hluas Nkauj thiaj li hais lus Nplog tias nabtas khws taus nyeesmoos xoob xawb meej qhoom npam cawv (ntsej muag yog mab tiamsis ris tsho yog Cawv li. Ces niag Hluas Nkauj rov caum nws dua thiab lau ces thiaj pheej sib raws los mus rov tsaus ntuj dua lau, ces tus HLuas Nraug thiaj khiav los txog ntua tsev, nws thiaj hais rau Niam thiab Txiv thiab tus Tijlaug tias zaum no kuv mus tham tau dab lawm thiab dab raws kuv los lawm yog nej tsis pab kuv ces kawg tuag lau!!! ces a.ub twb tom nroo ntws tim ntug zos los mus lawm ces nws Txiv thiab Tijlaug thiaj li tsawv nkaus phom nyob kiag nraum zoov tos na has niag Hluas Nkauj khiav tib tug niag tsaws poj tsaws poog los ces nkawv 1 Txivtub thiaj li tib tsaug phom rau niag Hluas Nkauj thiaj li tuag lawm mas ib tug niag lwj lwj hos txaus ntshai tshaj plaws. Tus hluas nraug los nyob tau ib ntus xwb tus Hluas Nraug mob mob ces nws ciali tuag lawm thiab.


    Txij ntawd los tej laus thiaj li tsis pub tej me tub ntxhais SIB COG LUS THIAB HAUS NTSHAV TES LAWM tsam ntsis ces ho zoo li zaj dabneeg ntawd thiab.


    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Dab neeg hluas Nkauj hluas Nraug

    Post  koojziagkabzaug on 19th May 2010, 1:15 am



    Nyob zoo Hmoob Ntujqubqab thiab LiajNtsu,

    Zoo kawg neb ob zaj Dab neeg.
    Thaum ub ces mloog ib zaug tas cim tau mus hais tom ntej, zaum no ces yuav sau tseg thiaj nco tau.
    Zaum no lub neej hloov mus raws lub ntiaj teb tig, ntshe yuav muab tej dab neeg khaws tseg. Yog tej xeeb leej xeeb ntxwv paub txog tej poj koob yawm txwv lub neej ces yuav tau los nrhiav ntawm tej dab neeg lawm xwb.

    Ua tsaug rau neb tej txuj ci, yog muaj yam neb paub, txhob ua siab deb, coj tuaj peb sib koom tes khaws tseg mog ob tug me kwv luag.

    PS. Kuv lam phim me ntsis tsoos rau neb tej liaj teb seb puas nyiam os, yog qhov twg tsis ntxim siab los hais kuv mam tshem los rov kho rau nawb.
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: Dab neeg hluas Nkauj hluas Nraug

    Post  xiongchang on 8th May 2012, 10:51 am

    - He...he....Tug ntxhais nov, Zoo nkauj ntxim hlub kawg li os:... Smile Smile I love you I love you Neb zaj dab neeg zoo kawg, Txaus ntshai thiab; Luag tej laug hais....Kev tham hluas nkauj, Txhob teem caij nyoog; Teem tsi nyog....Tsam poj ntxoog hnov, Ces poj ntxoog ua hluas nkauj tog; Ua hluas nraug zov....Kuv zaj mas, Yog kuv tug kheej kiag; Ntsib zaum ntawd....Pom hmo ntawd, Caum raws kuv kiag:....April 13, 1969, Kuv nyob nroog looj ceeb; Kuv mus tham hluas nkauj sab zog poos thas....Hla dej zaj sab tim lawm, Kuv txiv wb mus saib; Ib tug txiv ntxawm hu ua....Tsav ntxawg, Khiav tom xeev khuam los nyob zog poos thas; Hnub ntawd mus txog....Yuav luas tsaus ntuj, Thaj tsam peb teev dua; Kuv txiv nrog txiv ntxawm lawv nyob tom zog loj....Kuv rov qab los tham hluas nkauj tom ncauj ke, Lawv hu lub zog ntawd ua; Zog peb lub dawm....Muaj hmoob yaj, Hmoob hawj; Hmoob koo....Peb xeem hmoob nyob ua ke sib hauj ntxawg....Tab sis tsi coob, Tsuas muaj kaum peb lub tsev xwb; Hmo ntawd kuv npaj siab mus tham tug muam npaws cua....Tug muam npaws ntawd, Yog ib tug ntxhais zoo nkauj ntim nyiam heev; Nws twb tuaj pov pob nroog looj ceeb ob peb xyoos lawm....Wb yeej sib paub zoo, Hmo ntawd mus txog; Hmoov tsi muaj; Muam npaws cua lawv mus tshav quav nplej puag nram ntug dej zaj deb li 6 - 7 kilometer....Hmo ntawd yug ncej dab qhuas, Twb qhia ua ntej lawm; Yug tsi paub xwb....Thaum mus txog ntog kev, Twb muaj ib tug nab liab caj pas; Caum raws tom kuv ntas....Kuv xuas phom:...Cabine Automative....Tua tuag lawm, Kuv txawm mus txog tom lawv lub zog; Tsaus ntuj zuag....Kuv mus nug muam npaws cua....Lawv tsev neeg tsi nyob tas lawm, Tshuav ib tug niam tais laug laug zov tsev xwb; Kuv txawm nce pem hauv zog....Tham ib tug hluas nkauj hmoob yaj, Lub npe hu ua "Pliab" Tham txog tas hmo, Qaim hli nrig; Cua tuaj txias ziag....Kuv ib ce xob tsawv, Tsi tshua tau luag pes tsawg; Kuv txawm hais pliab tias....Pliab koj nyob kuv rov tom zog txiv cuab thoj zog loj lawm, Pliab cheem tias; Ab twb tsaus ntuj ib nrab hmo lawm....Zoov nuj txeeg xwb, Tsi tau luag; Koj nce mus pw saum peb txhab nplej kaj ntug....Koj mam mus mas leej nus hmoob looj ceeb ntxim hlub aws, Kuv txawm teb tias; Nyaj tsi ntshai nis....Vim kuv cia siab, Kuv rab phom zoo; Yog phom tshiab:...Automative....Ib lub xav xaws, Ntim peb caug lub mos txwv; Muaj mos txwv hluav taws liab ntsuab....Sib hauj ua ke, Tom qab dhau plawg; Pliab lawv lub tsev txog ntua ntug zoov....Kuv ib ce xob vog, Tsi tau luag; Kuv txo loo phom saum xub pwg....Qaim rawm ntawm tes, Qhau cheem tib si; Kuv mus txog ntua ntug zoov....Tsom teeb khoo saib, Teeb khoo cig lam lug; Dawb paug tom hauv ntej tsi pom dab tsi? Tam sim ntawd, Pom ib tug nas tsuag kauv dhia hla kev; Kuv ceeb ib plhaw....Kuv xav dheev txog, tej laug lo lug tias; Yog pom nas tsuag kauv dhia hla kev hmo ntuj....Yuav muaj tsiaj nyaum zov kev, Kuv txawm dhia rhau sas ntwg; Txog ntua tom ntej....Muaj ib yav cav thaiv kev, Hmoob txiav tu nyom nram qab ke; Muaj ib tug ntoo nkoj liab....NPuab kiag sab ntug kev sab xis, Thaum kuv dhia dhau plawg; Tsi pom dab tsi? Kuv dhia mus deb li, Tsib dag kev; Muaj ib lub suab neeg hu ceev nrooj tom qab tawg ntho....Kuv nres nkaug zig zog phom nrog lub teeb khoo peb lub roj, Cig dawb paug; Pom ib tug me nyuam ntxhais yau....Noob nyoog li plaub tsib xyoos, Plaub hau ntxhee yeeg; Qhov muag ntsuab xiab ntsug lug....Npuab nkaus lub nreeg ntoo nkoj liab ntawd, Kuv xav zoj tsi tua; Tab sis ntuj teb tas hmo....12 teev ib nrab hmo, Tsi lam muaj me nyuam yau; Caum kuv qab ib zaug....Kuv xav zoj tias, Yog poj ntxoog; Kuv nqa loo phom....Tsi ntseeg tug me nyuam ntxhais ntawd hauv pliaj, Tib zuaj thawj zaug; Nrov tsib tes....Mos txwv hluav tawg liab ntsuab, Rhais nkaug nreeg ntoo tawg liab vog; Tshab plawg sab tom....Hav zoov pom kev kaj nrig, Kuv rau ntua nyem ntxiv; Sib law liag....Ib zaug tsib phom, Tug me nyuam ntxhais ntawd vau liag; Hauv nreeg ntoo lawm....Kuv nias qis zog, Zuaj tas nrho; Ib xav xaws peb caug lub....Rho loo ntxig nplho, Xav xaws tsiab, Peb caug lub zuaj ib zaug ntxiv; Kuv thau loo phom....Dhia rov tom zog loj, Nyem peb phom; Tsi tu ncua....Dhia mus deb li, Ib puas mev; Tseeb hu ceev nrooj....Kuv tig loo phom, Rov tom qab; Tsi pom dab tsi?....Zuaj ib zag phom ntxiv, Kuv dhia tom ntej lawm tsi saib qab li; Cov tom zog loj hnov suab phom nrov yeem....Lawv txhij peeb rau leej dhia tuaj tog, Lawv xuas phom yim tes tua teb sib nrhav; Ntu kev hav zoov ntawd ....Yog maj mam mus ko taw, Ib xuaj moo nrab, Tab sis kuv dhia peb caug feeb txog ntua tom zog loj lawm; Cov tuaj tog kuv dhau plawg ntug zog....Tas kig kaj ntug, Cov tom zog dawm peb ceg; Mam txij peeb tuaj soj xyuas....Tsi pom dab tsi? Pom ib pawg ntshav ntawm nreeg ntoo nkoj liab, Ib pawg ntshav ncua deb zog li; 15 meter; ces pom ntshav liab vog nce saum roob tsuas lawm....Hmo ntawd tsaus ntuj, Dev tom zom zawg; Ib nrab hmo....Ua npau suav hais rau lub zog ntawd tia, Lawv coj lawv tug tub los yuav poj niam; Xyov dab tsi dua kev....Lawv tug tub tsi paub, Lawv tug tub raws qab saib; Nkawj dai ntxig....Lawv tug tub tsaus zog lawm, Tseem coj mus pw puag saum ntav tsua; Tsi sawv li....Tau tsib hnub tom qab, Kuv txiv wb rov looj ceeb lawm; Lub xyoo ntawd....Kuv noob nyoog nce xyoo 16, Kuv zaj dab neeg; Tua poj ntxoog xaus li no....Mam sis ntsib dua nawb, Nej nyeem seb puas ntshai os' Ua tsaug.

    Sponsored content

    Re: Dab neeg hluas Nkauj hluas Nraug

    Post  Sponsored content


      Current date/time is 23rd May 2018, 10:31 am